ئەڤرۆ نیۆز،زنار تۆڤی:
بریارده‌رێ لیژنا دارایی ل په‌رله‌مانێ عێراقێ، ئاشكرا كریه،کو سندوقا دراڤێ نێڤده‌وله‌تى، فشار ئێخستیە سه‌ر عه‌بادى، بۆ هندێ کو پشكا هه‌رێما كوردستانێ د بودجێ گشتی یێ عێراقێ بۆ سالا 2018 زێدە بكەت.
ئه‌حمه‌د حاجى ڕه‌شید، بریارده‌رێ لیژنا دارایی ل په‌رله‌مانێ عێراقێ راگه‌هاند:سندوقا دراڤێ نێڤده‌وله‌تى، فشار ئێخستیە سه‌ر حوکمه‌تا فیدرالی بۆ هندێ د یاسایا بودجێ گشتی یێ سالا 2018، پشكا هه‌رێما كوردستانێ زێدە بكەت،هەروەسا هەکە فشارێن نێڤده‌ولە‌تی بۆ سه‌ر حه‌یده‌ر عه‌بادى، سه‌رۆك وه‌زیرێن عێراقێ د به‌رده‌وام بن،ب دلنیایی دێ پشكا هه‌رێما كوردستانێ د بودجه‌ی دا زێدە کەت.
ئه‌حمه‌د حاجى رە‌شید، گوت ژی:لیژنا دارایی ل په‌رله‌مانی تا نوکە كۆمبوونێن خۆ دەرباره‌ى پرۆژه یاسایێ بودجه‌ی ده‌ست پێنه‌كرینه، به‌لێ ره‌نگه ل ڤان نێزیکان كۆمبوون بهێتە کرن.
ئاشكرا كر ژی،ئەو لیژنه ب مه‌به‌ستا گوهۆرینان و هه‌مواركرنا وی پرۆژه یاسای،دێ بودجەی بۆ جڤاتا وه‌زیران ڤەگەرینیت.
د پرۆژه یاسایێ بودجا گشتی یێ عێراقێ دا بۆ سالا 2018، پشكا هه‌رێما كوردستانێ ژ 17% بۆ 12.67% هاتیە کێمکرن، دڤی واری دا هه‌ر پێنج فراكسیۆنێن كوردستانی ل سه‌ر هندێ رێككه‌فتینە،هەکە پشكا هه‌رێما نە بیته 17% ،دێ بایكۆتا روونشتنێن په‌رله‌مان كه‌ن.
ئه‌ڤرۆ نيۆز:
شڤێدى هه‌شت ياريێن گه‌را شه‌شێ ودووماهيێ يێن 4 كۆمان هاتنه ئه‌نجامدان كو دگرنگترين وان يارياندا بايرن ميونخ يا ئه‌لمانى ب سه‌ركه‌فت ل سه‌ر پاريس سان جيرمان يا فره‌نسى ب ئه‌نجامێ 3-1 وشيلسى يا ئينگليزى وه‌كهه‌ڤ بوو ل گه‌ل ئه‌تله‌تيكۆ مه‌دريد 1-1 وئه‌تله‌تيكۆ ژ قاره‌مانيێ ده‌ركه‌فت. ئه‌نجامێن دى ب ڤى شێوه‌ى بوون:
بنفيكا يا پورتۆگالى – بازل يا سويسرى 0-1
مانشسته‌ر يونايتد يا ئينگليزى- سيسكا موسكۆ يا رۆسى 2-1
به‌رشه‌لونا يا ئيسپانى – سقۆرتينگ له‌شبونا يا پورتۆگالى 2-0
رۆما يا ئيتالى- كارياكا ئه‌غدام يا ئه‌زره‌بايجانى 1-0
سيلتك يا سكوتله‌ندى- ئه‌نده‌رله‌خت يا به‌لجيكى 0-1
ئولومپياكۆس يا يۆنانى – يوڤه‌نتۆس يا ئيتالى 0-2
هه‌ر ئێك ژ يانين مانشسته‌ر يونايتد يا ئينگليزى وبازل يا سويسرى ژ كۆما ئێكێ وپاريس سان جيرمان يا فره‌نسى وبايرن ميونخ يا ئه‌لمانى ژ كۆما دويێ ورۆما يا ئيتالى وشيلسى يائينگليزى ژ كۆما سيێ وبه‌رشه‌لونا ويوڤه‌نتۆس ژ كۆما چارێ ده‌ربازبوون قۆناغوا 16، ريال مه‌دريد يا ئيسپانى وتوتنهام هوتسبێر يا ئينگليزى ژ كۆما هه‌شتێ پشكتاش يا توركى ژ كۆما حه‌فتێ ومانشسته‌ر سيتى ژ كۆما شه‌شێ ده‌ربازبوونا خوه يا مسوگه‌ر كرى به‌رى ئه‌نجامدانا ياريێن خوه ژگه‌را شه‌شێ ودووماهيێ ژ كۆمێن خوه كو دێ ئه‌ڤ شه‌ڤه هێنه ئه‌نجامدان.
ئه‌ڤرۆنيۆز:
بريارده‌ێ لژنا دارايى ل جڤاتا نوونه‌رين عيراقێ، ئه‌ڤرۆ سێشه‌مبى ئاشكراكر، سندۆقا دراڤى يا نێڤده‌وله‌تى فشارێ ل حوكمه‌تا عيراقێ دكه‌ت ژبۆ زێده‌كرنا پشكا هه‌ريما كوردستانێ دبودجا 2018 دا.
ئه‌حمه‌د حاجى ره‌شيد بريارده‌رێ لژنا دارايى ل جڤاتا نوونه‌رين عيراقێ دداخۆيانيه‌كا رۆژنامه‌ڤانى دا راگه‌هاند، پشكا هه‌رێمێ ژبودجه‌ى دێ زێده‌بيت هه‌كه فشارێن نێڤده‌وله‌تى ل سه‌ر حوكمه‌تا عه‌بادى به‌رده‌وام بوون وهه‌كه وان بزاڤان سه‌رنه‌گرت، ئانكو پشكا هه‌رێمێ دێ وه‌كو خوه مينيت.
دياركر ژى، لژنا دارايى دێ پرۆژێ قانوونا بودجا عيراقێ بۆ جڤاتا وه‌زيرێن عيراقى ڤه‌گه‌رينيت ژبۆ ئه‌نجامدانا راستڤه‌كرنان د وى پرۆژه‌ى دا.
حوكمه‌تا عيراقێ 12.67% وه‌كو پشكا هه‌رێما كوردستانێ ژبودجا گشتى يا عيراقێ دياركريه وهه‌رێمێ ژى نه‌رازيبوونا خوه دياركريه وداخواز دكه‌ت وه‌كو به‌رى ئه‌وژى 17% بودجا كوردستانێ بهێته دياركرن.
ئه‌شواق جاف ئهنداما جڤاتا نوونه‌رين عيراقێ به‌رى نوكه بۆ ئه‌ڤرۆنيۆز راگه‌هاندبوو، هه‌موو فراكسيۆنێن كوردستانى دجڤاتا نوونه‌ران دا ئێك هه‌لويست يێ هه‌ى ل دۆر بودجا كوردستانێ ودخوازن بهێته زێده‌كرن.
ئەڤرۆ نیۆز،زنار تۆڤی:
هەڤپەیمانێن نێڤدەولەتی ب سەرۆکاتیا ئەمریکا راگەهاند،کو هژمارا چەکدارێن داعش یێن کو تا نوکە ماینە ل سووریا و عێراقێ ،کێمترن ژ سێ هزار چەکداران.
رایان دیلن،ئاخفتنکەرێ هەڤپەیمانێن نێڤەولەتی ل دژی داعشێ راگەهاند،کو ل دووڤ خەملاندنا وان تا نوکە کێمتر ژ سێ هزار چەکدارێن داعش ل سووریا و عێراقێدا ماینە.
دیلن گوت ژی، ئەو چەکدارێن داعش هێشتا هێرشن بۆ سەر ئاسایشا ڤێ دەڤەرێ،لەورا هەڤپەیمانیا نێڤدەولەتی دێ یا بەردەوام بیت بۆ پشتەڤانیکرنا هەڤپەیمانێن خۆ ل دەڤەرێ بۆ تێکشکاندنا داعشێ ب ئێکجاری.
ل رۆژا دوشەمبی 4-12-2017 جەیمس ماتیس، وەزیرێ بەرەڤانیا ئەمریکا گوت، داعش ل عێراق و سووریێ،تۆشی شکەستنێ بوویە و نوکە هەول ددەت بچیته لیبیا، بەلێ ئەم رێکێ پێنادەین و مە ل گەل لیبیایێ ل سەر ڤێ پرسێ ئاخفتن کریە.
ئەڤرۆنیۆز، سالار دۆسكی:
بەری چەند خولەكێن كێم ل سەنتەری بازاری ل نێزیك خوارنگەها باجلۆر یا بەرێ ژ ئەنجامێ شورتەكێ كارەبێ، دوكانەكا فرۆتنا كەرستێن كارەبی هاتە سۆتن.
موسا ئەحمەد عەبدوللا ژبنگەهێ گەلی یێ ئاگر ڤەمراندنێ بۆ ئەڤرۆ نیۆز گۆت:، پەیوەندی ب مەهاتەكرن كو روودانەكا ئاگربەربوونێ ل سەنتەرێ بازاری دروست بوویە و پشتی چەند خۆلەكان ئه‌م گەهشتینە جهێ روودانێ وئاگر هاتە كونترۆلكرن.
موساى گۆت، ئه‌و ئاگر به‌ربوون ژئەنجامێ شورتێ كارەبێ بوویە.
هێشتا گۆت: بتنێ چەند كەرستێن كارەبايى يێن هاتینە سۆتن و ئەم تەخمین دكەین زیانێن مادی ب بهایێ 600دۆلاران بن.
ناڤبرى داخواز ژ دوكانداران كۆ كارەبا خوە ب سستی نەوەرگرن و بەری دوكانا خوە بگرن، هەمووتشتێن كارەبێ ب ڤەمرینن.
ئه‌ڤرۆ نیوز:
سه‌رۆككۆمارێ توركیا هۆشداری دانه سه‌رۆكێ ئه‌مریكا و راگه‌هاند: ئورشه‌لیم (قودس) هێلا سۆره بۆ موسلمانان.
ره‌جه‌ب ته‌یب ئه‌ردۆغان د گۆتاره‌كێ دا ل دۆر ئه‌گه‌رێ ناساندنا ئورشه‌لیمێ وه‌ك پایته‌ختا ئسرائیلی ژ ئالیێ ئیدارا دۆنالد ترامپ سه‌رۆكێ ئه‌مریكا ڤه، گۆت: به‌رێز ترامپ، موسلمان ئورشه‌لیمێ ب هێلا سۆر دزانن، هه‌كه‌ر گاڤه‌كا ب وی ره‌نگی بهێته هاڤێتن رێكخستنا هه‌ڤكارییا ئیسلامی دێ د ده‌مێ پێنج بۆ ده‌هـ رۆژان دا ل سته‌نبۆلێ كۆم بیت و دێ تا داویێ هه‌لوه‌ست هه‌بیت، دێ هه‌تا وی راده‌ی چین كو هه‌می په‌یوه‌ندیێن دپلۆماسی د گه‌ل ئسرائیلێ دا ببرین.”
ئه‌ڤه د ده‌مه‌كی دایه كو چه‌ندین وه‌لاتێن ئیسلامی په‌یوه‌ندیێن بازرگانی و دپلۆماسی یێن باش د گه‌ل ئسرائیلێ دا هه‌نه ژ وان ژی توركیا.
ئه‌ڤرۆنيۆز:
راهێنه‌رێ يانا فجێره يا ئيماراتى، ديگۆ ئه‌رماندۆ مارادۆنا، ژلايێ ئێكه‌تيا ئيماراتى يا ته‌پا پێى ڤه هاته سزادان.
ئێكه‌تيا ئيماراتى ئه‌ڤرۆ سێشه‌مبى، بريارا راوه‌ستاندنا راهێنه‌رێ ئه‌رجه‌نتينى مارادۆنا راهينه‌رێ يانا فجێره يا ئيماراتى ب چار ياريان وسزادان ب ئه‌داكرنا 8 هزار درهه‌مێن ئيماراتى ده‌ركر.
ئه‌ڤ سزايه ل سه‌ر مارادۆناى هاته سه‌پاندن پشتى هاتيه ده‌ركرن ژئه‌گه‌رێ نه‌رازيبوونا وى ل سه‌ر دادڤانێ ياريا هه‌ردو يانێن فجێره وبه‌نى ياس ل خۆلا ئيماراتى يا پله ئێك يا ته‌پا پێى ئه‌وا دوهى هاتيه ئه‌نجامدان وب ئه‌نجامێ وه‌كهه‌ڤيێ 1-1 ب دووماهى هاتى.
ئەڤرۆ نیۆز،زنار تۆڤی:
ئاخفتنکەرێ سه‌دری ئه‌ڤرۆ سێشه‌مبێ 5/ 12/ 2017 ئاشكرا كر،کو رێبەرێ ره‌وتا سه‌در بریار دا،کو بۆ ماوێ 4 سالان كارێ فراكسیۆنا ئه‌حرار راگریت.
سه‌لاح عوبه‌یدی ئاخفتنکەرێ موقته‌دا سه‌در،رێبەرێ ره‌وتێ سه‌در را گه‌هاند:کو سەدری بریار دایە كارێ فراكسیۆنا ئه‌حرار یا سه‌ر ب وی ره‌وتی ڤە، بۆ ماوێ 4 سالان راگریت.
هەروەسا دیارکر ژی،فراكسیۆنا وان ل ماوێ دو خولێن بوری دا هه‌ولدایه، کو خالێن ب هێز یێن سه‌دریان ب چه‌سپینیت، گوت ژی:موقته‌دا سه‌دری دڤێت هاوكێشه ب ته‌مامی ب هێتە گوهۆرین، چونكی هه‌ولێن پێشی، سه‌لماندینە کو د خەلەتن.
بەحسێ هندێ ژی کریە، كو د هاوكێشا نوودا دڤێت به‌رژه‌وه‌ندیێن وەلاتیان ل بەرچاڤ بهێنە گرتن،لەورا هه‌ر كه‌سەکێ د وێ هاوكێشێدا كار بكەت، دڤێت به‌رژه‌وه‌ندیا خۆ دانیته رەخەکی و رەتکریە کو موقته‌دا سه‌دری ب ڤێت ب ده‌ستەکێ دیتر،پشکداریێ د پرۆسا سیاسی دا بكەت.
هەروەسا دیارکریە،دبیت ل گه‌ل رە‌وتێ مه‌ده‌نیدا هەڤپه‌یمانیێ ببه‌ستین، گوت ژی:خالێن هەڤبه‌ش دناڤبەرا مەدا هەنە،ژ وان ژی نەرازیبوونێن مە ل دژی گه‌نده‌لیێ و داخوازكرنا چاكسازیان.
ئه‌ڤرۆ نيۆز:
پشتى ل رۆژا شه‌مبيا بۆرى به‌رشه‌لونا وسيلتا فيغو دچارچۆڤێ گه‌را 14 ژخۆلا ئيسپانى دا وه‌كهه‌ڤ بووين ب ئه‌نجامێ 2-2، دێ دوباره ياريێ كه‌نه‌ڤه.
پشك كێشانا ياريێن چارێك دووماهيێ ژ جاما ئيسپانيا هه‌ردو يانێن به‌رشه‌لونا وسليتا فيغو خستنه به‌ر ئێك، كو ياريا چوونێ دێ ل سه‌ر ياريگه‌ها سيلتا فيغو ل ده‌ستپێكا هه‌يڤا كانوونا دويێ 2018 بيت ويا هاتنێ ژى ل ناڤه‌راستا وێ هه‌يڤێ ل ياريگه‌ها به‌رشه‌لونا دێ هێته ئه‌نجامدان.
هه‌ر د وێ پشك كێشانێ دا، ئه‌ركێ يانا ريال مه‌دريد دێ يێ ب ساناهى بيت ده‌مێ كه‌فتيه به‌ر يانا نومانسيا ئه‌وا ل خۆلا پله دو يا ئيسپانى دكه‌ت ودقۆناغا 16 دا شيابو يانا مه‌له‌گا ژ جاما ئيسپانى ده‌ربێخيت.
يانا سيلتا فيغو ل قۆناغا چارێك دووماهيێ يا جاما ئيسپانيا ل سالا بۆرى، ب ئه‌نجامێ 2-1 دهه‌ردو ياريێن چوون وهاتنێ دا ب سه‌ر ريال مه‌دريد ب سه‌ركه‌فتبوو.
يانا به‌رشه‌لونا قاره‌مانا سالا بۆرى يه يا جاما ئيسپانيا.
نيشاندان