ئه‌ڤرۆنيۆز:

كونسولگه‌ريا  بريتانى ل دۆر لادانا ناڤێ هه‌رێما كوردستانێ ل سه‌ر په‌يچێ خوه‌ يێ فه‌يسبووكى، رۆهنكرنه‌ك به‌لاڤكر.

كونسولگه‌ريا بريتانيا ل هه‌رێما كوردستانێ درۆهنكرنا خوه‌دا ئه‌وا ئه‌ڤرۆ دپه‌يچێ خوه‌ يێ فه‌يسبووكى دا به‌لاڤكرى، دبێژيت، ل سه‌ر گه‌له‌ك داخوازيێن خه‌لكى كو ناڤونيشانێ په‌يچى ب كوردى وئينگليزى بهێته‌ نڤيسين وژبه‌ركو فه‌يسبووك هژمارا پيتان يا سنورداركرى ل ده‌مێ گوهۆرينا ناڤێ په‌يچى، له‌وما ب جۆره‌كى كو مه‌ نه‌شيا ناڤونيشانێ به‌رێ ب كوردى وئينگليزى بنڤيسين كو پيت گه‌له‌ك بوون، له‌وما مه‌ ئه‌ڤ ناڤونيشانه‌ هه‌لبژارد.

ئه‌ڤرۆنيۆز:

ئێڤاريا ئه‌ڤرۆ هژماره‌كا وينين نوو يێن كوسرت ره‌سول عه‌لى جێگرێ ئيكێ يێ سكرتێرێ گشتيێ ئێكه‌تى نيشتمانى كوردستان به‌لاڤبوون كو ل نه‌خوه‌شخانه‌كا به‌رلين پايته‌ختێ ئه‌لمانيا هاتينه‌ گرتن .

ئه‌و وينه‌ ژلايێ كۆر و كه‌سێن نێزيكى كوسره‌ت ره‌سول عه‌لى هاتينه‌ به‌لاڤكرن وئاماژێ ب وێ چه‌ندێ دكه‌ن كو ئه‌و وێنه‌ يين ئه‌ڤرۆ نه‌ (21/11/2017) كو تێدا هه‌ر ئێك ژ درباز كوسره‌ت ره‌سول ودكتۆر دارا نوشدارێ تايبه‌تێ كوسره‌تى وچه‌ند كه‌سه‌كێن نێزيكى كوسره‌تى ده‌ردكه‌ڤن.

به‌رى چه‌ند رۆژان ره‌وشا ساخله‌مى يا كوسره‌ت ره‌سول تێكچوبوو وله‌ز گه‌هاندبوو نه‌خوه‌شخانه‌كا باژێرێ سلێمانيێ ونوشداران راگه‌هاندبوو كو كێشه‌ دريڤيكێن وى دا يێن هه‌ين  وپاشى ب مه‌ره‌ما چاره‌سه‌ريا زێده‌تر ، هاته‌ هنارتن بۆ ئه‌لمانيا ونوكه‌ يێ ل ئێك ل نه‌خوه‌شخانێن به‌رلينا پايته‌ختا وى وه‌لاتى.

 ئه‌ڤرۆنيۆز:

وه‌زاره‌تا خواندنا بلند وڤه‌كۆلينێن زانستى ل هه‌رێما كوردستانێ راگه‌هاند، وه‌كو قۆناغا ئێكێ بريار يا هاتيه‌ دان بۆ مه‌زاختنا نێزيكى حه‌فت مليۆن دۆلارێن ئه‌مريكى وه‌كو ليستا نه‌هێ يا شايسته‌ى دارايى بۆ ده‌رچوويێن به‌رنامێتواناسازى، كو تێدا 826 ده‌رچووێن تواناسازيێ دێ ژێ مفادار بن.

عه‌باس ئه‌كره‌م، په‌يڤدارێ وه‌زاره‌تا خواندنا بلند دبه‌ياننامه‌كێ دا راگه‌هاند، لژنا به‌لاڤكرنا شايستێن دارايى يێن به‌رنامێ تواناسازى بريار دايه‌ ب مه‌زاختنا ليستا نه‌هێ يا شايستێن دارايى بۆ ده‌رچوويێن به‌رنامێ تواناسازى ئه‌وێن خواندنا خوه‌ ب سه‌ركه‌فتيانه‌ ب دووماهى ئيناى.

عه‌باسى گۆت ژى، كوژمێ پاره‌ى ئه‌وێ دێ بۆ ليستا نه‌هێ يا شايستێن دارايى بۆ ده‌رچوويێن به‌رنامێ تواناسازى هێته‌ مه‌زاختن دگه‌هيته‌ شه‌ش مليۆن و553 هزار و610 دۆلارێن ئه‌مريكىو826 ده‌رچوويێن به‌رنامێ تواناسازى دێ ژێ مفادار بن، كو وه‌كو قۆناغا ئێكێ 50% ژ سه‌رجه‌مێ شايستێن دارايى بۆ به‌ربژارێن ده‌رچوويێن تواناسازى دێ هينه‌ مه‌زاختن.

وه‌زاره‌تا خواندنا بلند وڤه‌كۆلينێن زانستى، هه‌موو ده‌رچوويێن به‌رنامێتواناسازى ئاگه‌هدار دكه‌ت ئه‌وێن ناڤێن وان دليستا هژمار (9) يا سالا 2017 دا هاتى وهژمارا وان 826 كه‌سه‌, سه‌ره‌دانا وه‌زاره‌تێ بكه‌ن.

ئه‌ڤرۆنيۆز:

ترومبێله‌كا مينرێژكرى ئه‌ڤرۆ سێشه‌مبى ل تاخێ له‌شكرى ل قه‌زا خورماتوو په‌قى ول دووڤ پێزانينێن ده‌ستپێكى هژماره‌كا وه‌لاتيان هاتنه‌ كوشتن وبرينداركرن.

شه‌لال عه‌دبول قايمقامێ خورماتوو بۆ ده‌زگه‌هێن راگه‌هاندنێ گۆت، په‌قين ل تاخه‌كێ عه‌ره‌بێن سونى يا روودايى وهه‌تا نوكه‌ 19 كه‌س يێن هاتينه‌ كوشتن و50 كه‌س ژى يێن برينداربووين.