ئه‌ڤرۆنيۆز:
په‌رله‌مانتاره‌كێ كورد راگه‌هاند، هه‌فتيا داهاتى هه‌موو په‌رله‌مانتارێن كورد دێ زڤرن به‌غدا وپشكداريێ دروونشتنێن په‌رله‌مانێ عيراقێ دا كه‌ن.
موحسن سه‌عدوون ئه‌ندامێ په‌رله‌مانێ عيراقێ ژ ليستا پارتى وسه‌رۆكێ لژنا قانوونى يا په‌رله‌مانێ بۆ دوارۆژ گۆت، سه‌ليم جبوورى سه‌رۆكێ په‌رله‌مانێ عيراقێ داخواز ژ هه‌موو په‌رله‌مانتارێن كورد كريه پشكداريێ دروونشتنێن هه‌فتيا داهاتى يا په‌رله‌مانى دا بكه‌ن.
موحسنى گۆت ژى، ئه‌و داخوازيه بۆ په‌رله‌مانتارێن كورد يێن هه‌موو فراكسيۆنان هاتيه و ئه‌وژى دڤێت بزڤرن، چونكى دانوستاندن دێ ل سه‌ر بۆدجه‌ى هێته كرن وپێدڤيه ب گرنگى ڤه پشكداريێ دوێ روونشتنێ دا بكه‌ن وبه‌رگريێ ژ قوتێ وه‌لاتيێن كورد بكه‌ن.
ل دۆر وان په‌رله‌مانتارێن كورد يێن ناڤێن وان دوێ ليستێ هاتى كو پشكدارى يا دريفراندۆما سه‌ربخوه‌يا كوردستانێ دا كرى، موحسن سه‌عدوونى گۆت، وان چو كێشێن قانوونى وده‌ستوورى نينن ودشێن بۆ روونشتنێن په‌رله‌مانێ عيراقێ به‌رهه‌ڤ ببن، چونكى هه‌تا نوكه چو سكالا ل سه‌ر نينن.
نيشاندان