ئه‌ڤرۆنيۆز:
ياريكه‌ره‌كێ هێلا ناڤين يێ يانا به‌رشه‌لونا به‌رهه‌ڤيێن بجه هێلانا يانێ دكه‌ت.
ل دووڤ رۆژنامێن ئيسپانى، ياريكه‌رێ توركى ئه‌ردا تۆران دێ چيته رێزێن يانا گالاتا ساراى يا توركى بۆ ده‌مێ ڤى وه‌رزى ب تنێ ب گۆژمێ مليۆن و 500 هزار يورۆيان.
ل سالا 2011 تۆران ژ يانا ئه‌تله‌تيكۆ مه‌دريد هاتبوو رێزێن يانا به‌رشه‌لونا وشيابوو 19 گۆلان د 53 ياريان دا بۆ به‌رشه‌لونا تۆمار بكه‌ت.
ئەڤرۆ نیۆز ، زنار تۆڤی:
ئەڤرۆ ئەینیێ وه‌زیرێ ده‌رڤە یێ قوبرس دووپاتكریە کو وەلاتێ وی دێ هاریكاریێن زێدەتر یێن سه‌ربازی بۆ هێزێن پێشمه‌رگێ كوردستانێ رەوانە کەت.
ئایۆنیس كاسۆلایدس وه‌زیرێ ده‌رڤە یێ قوبرس راگەهاند،کو پێشتر دو كاروانێن چه‌كێ سڤک ژ جۆرێ زاستاڤا کو ژلایێ وەلاتێ سربیا ڤە دهێتە دروستکرن ب رێیا ئه‌مریكا بۆ هه‌رێما كوردستانێ ره‌وانه كریه.
وه‌زیرێ ده‌رڤە یێ قوبرس ئاماژە ب هندێ ژی دایە هه‌ر چه‌ندە ب ئەگەرێ دووركه‌فتنا داعشێ، پێشمەرگەی وه‌كو جاران پێدڤی ب چەكی نەمایە، بەلێ ئەم د ئاماده‌ینە بۆ ره‌وانه‌كرنا هه‌ر هاریكاریەکا دی یا سه‌ربازی،ب هه‌ماهه‌نگی و راوێژێ ل گه‌ل هەڤپه‌یمانیا نێڤده‌وله‌تی یا ل دژی داعشێ.
ئەڤرۆ نیۆز،زنار تۆڤی:
ئەڤرۆ ئەینیێ جەبار لعێبی وەزیرێ نەفتا عێراقێ ئیمزاكرنا گرێبەستەکێ ل گەل حوکمەتا ئیرانێ ئاشكرا كر، بۆ هناردەكرنا نەفتا كەركووكێ بۆ ئیرانێ،ئەڤەژی ژ وێ چەندێ هات پشتی کو ل 16 ئۆكتۆبەرا بوری ب هەڤكاریا خیانەتا بالەکێ ئێکەتیێ، سوپایێ پاسداران و حەشدا شەعبی باژێرێ كەركووكێ داگیر كر.
لعێبی راگەهاند،کو وان رێكکەفتنەكا سەرەتایی ل گەل ئیرانێ ئیمزا كریە بۆ هندێ کو نەفتا كەركووكێ ب گۆژمێ 30 بۆ 60 هزار بەرمیلان رۆژانە رەوانەی وی وەلاتی بكەن.
د ڤی واریدا وەزارەتا نەفتا عێراقێ د بەیاننامەكێدا راگەهاندیە كو لدووڤ وێ رێكکەفتنا ژلایێ كۆمپانیا (سۆمۆ) یا عێراقی ڤە هاتیە ئیمزا كرن،کو دڤێت عێراق وێ نەفتێ ب رێیا تانكەران رەوانەی باژێرێ كرمانشان یێ ئیرانی بكەت.
هەروەسا لعێبی گوت ژی ئەڤ رێكکەفتنە دێ بیتە ئەگەرێ ڤەکرنا دەرگەهەکێ نوویێ هنارتنا نەفتێ ژ عێراقێ، هەروەسا دێ قازانجەکێ زێدەتر ژ نەفتا كەركووكێ هێتەکرن بۆ ئابوورێ عێراقێ.
ئەڤرۆ نیۆز،زنار تۆڤی:
ئەڤرۆ ئەینیێ بهایێ ئێك به‌رمیلێ نه‌فتا خاڤ ب 63 دۆلار و 80 سه‌نتان مامەلە پێ هاتیە کرن.
ل سپێدەهیا ئەڤرۆ ب 63 دۆلار و 79 سه‌نتان ده‌ستپێكریە و كاتژمێر 09:39 خوله‌ك ب رێژه‌یا 0.01٪ بلندبوویە و ب 63 دۆلار و 80 سه‌نتان مامه‌لە پێ هاتیە کرن.
د هه‌مان دەمدا بهایێ ئێک به‌رمیلێ نه‌فتا خاڤ ژ جۆرێ تێكساس ب 57 دۆلار و 09 سه‌نتان مامەلە پێ هاتیە کرن.
شاره‌زا بەحس ل هندێ دكهن كو ب ئەگەرێ بلندبوونا خواستێ ل سه‌ر نه‌فتێ ل سه‌رتاسه‌ری جیهانێدا، نهایێ وێ دێ ب شێوه‌یه‌كێ ئاسۆیی مێنیت.
هه‌روه‌سا شاره‌زایان ئه‌و ژی دیارکریە کو بهایێ نه‌فتا برێنت ژ روویێ ته‌كنیكیڤە دێ دناڤبەرا 63 دۆلار و 70 سه‌نتان بۆ 63 دۆلار و 79 سه‌نتان مینیت.
ئەڤرۆ نیۆز،زنار تۆڤی:
كه‌مال كلیچدار ئۆغلو سه‌رۆكێ جه‌هه‌پێ، بۆچوونا پارتیا خۆ ئاشكرا کر دەرباره‌ی ئینانا خوارێ یا رێژا به‌ربه‌ستا هه‌لبژارتنا ل په‌رله‌مانێ توركیا بۆ ژێر 10%.
د دەمێ ڤەگەریانا خۆدا ژ ئەلمانیا، كلیچدار ئۆغلوی كۆنگره‌کێ رۆژنامه‌ڤانی ئه‌نجام دا دەرباره‌ی ئینانا خوارێ یا رێژا به‌ربه‌ستا هه‌لبژارتنا و گوت ژی مه هیچ مه‌رجەک نینه بۆ ئینانا خوارێ یا به‌ربه‌ستا هه‌لبژارتنا و بلا بیتە ژ 1% یان 10% ئەم دێ پشتگیریێ كه‌ین.
لدووڤ گوتتا وی،تاکو نوکە هیچ لایه‌نەکێ نەگوتیە وان کو دێ هەڤپه‌یمانیه‌كێ دروست كەین بۆ ئینانا خوارێ یا به‌ربه‌ستا هه‌لبژارتنان.
ل توركیا هه‌ر پارتەکا به‌شداریێ د هه‌لبژارتنان دا بكەت، پێدڤیه 10% بینیت،هەتاکو بشێت وه‌كو پارت بچیته دناڤا په‌رله‌مانی دا،لەورا نوکە چه‌ند پارتەکێن سیاسی داخوازا كێمكرنا وێ رێژێ دكهن.
ئه‌ڤرۆنيۆز:
حه‌شدا شه‌عبى، ئه‌ڤرۆ ئه‌ينيێ، راگه‌هاند كو ئه‌و پشكداريێ دهه‌لبژارتنێن عيراقێ دا ناكه‌ن وره‌تكر ژى چه‌كدارێن وان ل ده‌رڤه‌ى سنۆرێ عيراقێ هه‌بن.
خه‌الد ئه‌لئه‌سه‌دى په‌يڤدارێ حه‌شدا شه‌عبى دكۆنگره‌كێ رۆژنامه‌ڤانى دا گۆت( حه‌شدا شه‌عبى پشكداريێ دهه‌لبژارتنێن داهاتى يێن عيراقێ دا ناكه‌ت).
گۆت ژى، هژمارا چه‌كدارێن حه‌شدا شه‌عبى 150 هزار كه‌سن و يێن دبن ده‌ستهه‌لاتا حه‌يده‌ر عه‌بادى سه‌رۆك وه‌زيران وفه‌رماندێ گشتيێ هێزێن چه‌كدار ل عيراقێ وچو چه‌كدارێن مه ل ده‌رڤه‌ى سنۆرێ عيراقێ نينن.
حه‌يده‌ر عه‌بادى سه‌رۆك وه‌زيرێن عيراقێ ل حه‌فتيا بۆرى راگه‌هاندبوو، رێ ب چو لايه‌نێن هيزێن چه‌كدار هه‌ين ناهێته دان پشكداريێ دهه‌لبژارتنان دا بكه‌ن.
ئه‌ڤرۆ نیوز، نه‌وزادهلؤرى:
پشتى وه‌زاره‌تا خواندنا بلند ل هه‌رێما كوردستانێ پێداچوون د تانه و سكالایێن وان قوتابیان دا كرى ئه‌وێن دخواستن ل زانكۆ و په‌یمانگه‌هان بهێنه وه‌رگرتن ، نوكه وه‌زاره‌تا ناڤبرى راگه‌هاند كو دو هزار و 260 قوتابیێن دى ل زانكۆ و په‌یمانگه‌هان هاتنه وه‌رگرتن.
عه‌باس ئه‌كره‌م، په‌يڤدارێ وه‌زاره‌تا خواندنا بلند بۆ ئه‌ڤرۆ نیۆز گۆت: ( پشتى كو ده‌رگه‌هێ پێشكێشكرنا سكالایان بۆ ده‌رچویێن رێزا 12ێ ئاماده‌یى هاتیه ڤه‌كرن ، ب رێیا زانكۆلاینێ ، دووباره هه‌لسه‌نگاندن و پێداچوون د سكالایێن قوتابیان دا هاته‌كرن و ده‌ركه‌فت كو ناڤێن گه‌له‌ك ژ وان ل چو زانكۆ و په‌یمانگه‌هان نه‌هاتیه وه‌رگرتن و د ئه‌نجامدا وه‌زاره‌تا خواندنا بلند دو هزار و 260 قوتابیێن دى ژى وه‌رگرتن، ئه‌و ژى ل دووڤ كێمترین نمره بۆ خواندنا سالا 2017-2018)
زێده‌تر گۆت: ( قوتابى دشێن ب رێیا سیسته‌مێ زانكۆلاین بزانن كا ل چ زانكۆ و كوليژ و په‌یمانگه‌ه هاتینه وه‌رگرتن و سه‌ره‌دانا مالپه‌را www.regayzanko.com بكه‌ن ).
ئه‌ڤرۆنيۆز:
ياريكه‌رێ يانا پاريس سان جيرمان وهه‌لبژارتيێ ئه‌رجه‌نتينێ، ئه‌نخيل دى ماريا، جاره‌كادى ده‌رگه‌ه بۆ چوونا خوه بۆ ناڤ رێزێن يانا به‌رشه‌لونا يا ئيسپانى ڤه‌كر پشتى بزاڤێن ڤه‌گۆهاستنا وى بۆ يانا ئيسپانى ل هاڤينا بۆرى شكه‌ستن ئيناى.
دى ماريا دداخۆيانيه‌كێ دا بۆ كه‌نالێ “ESPN” گۆت( ئه‌ز گه‌له‌ك نێزيك ببوم بۆ ڤه‌گۆهاستنێ دناڤ رێزێن به‌رشه‌لونا دا، به‌لێ من ده‌ليڤا ياريكرنێ بۆ وێ يانێ ژده‌ست نه‌دايه).
ل دۆر وێ چه‌ندێ ئايا دێ ياريێ بۆ به‌رشه‌لونا كه‌ت هه‌رچه‌نده ئه‌و به‌رى نوكه ياريزانه‌كێ يانا ريال مه‌دريد بوو، دێ ماريا گۆت( ئه‌ز دشێم بۆ هه‌ر يانه‌كێ ل جيهانێ بكه‌م).
چه‌ندين راپۆرتێن رۆژنامه‌ڤانى ل فره‌نسا به‌حسێ هه‌بوونا ناكۆكيێن مه‌زن دناڤبه‌را نيمارى وراهێنه‌رێ باريس سان جيرمان (ئوناى ئێمرى) دكهن، زێده‌بارى ناكۆكيێن نيمارى ل گه‌ل هێرشبه‌رێ ئورگويانى يێ يانێ (كافانى).
ئه‌ڤرۆنيۆز:
ل دووڤ سايتێ سكاى نيۆز عه‌ره‌بى، ئه‌ڤرۆ دهێرشه‌كا هه‌ڤدژ دا، داعشێ 50% ژباژێرێ ئه‌لبوكه‌مال يێ سوورى دوباره كونترۆلكر.
سايتێ ناڤبرى دياركر، داعشێ كۆنترۆلا هژماره‌كا تاخێن وى باژێرى كر پشتى هێرشه‌ك كريه سه‌ر هێزێن سوورى وميليشيايێن دگه‌لدا وهه‌تا نوكه شه‌ر يێ به‌رده‌وامه.
به‌رى دو رۆژان له‌شكرێ سوورى ئازادكرنا ئه‌لبوكه‌مال ب تمامى ژ ده‌ستێ داعشێ راگه‌هاندبوو.
ئه‌ڤرۆنيۆز:
رۆژناما (الحياة) يا له‌نده‌نى به‌لاڤكر كو شانده‌كێ توركمانى دكۆمبوونه‌كێ دا ل گه‌ل سه‌رۆكێ توركيا ل ئه‌نقه‌ره داخوازا پێكئينانا هێزه‌كا توركمانى ل كه‌ركووكێ وتله‌عفه‌ر كر.
رۆژناما ناڤبرى ژزارده‌ڤێ هنده‌ك ژێده‌رێن سياسى ڤه‌گۆهاست( شانده‌كێ توركمانێن سونه وشيعه ل دووماهيا مه‌ها چريا ئێكێ يا بۆرى سه‌ره‌دانا ئه‌نقه‌ره كر ول گه‌ل سه‌رۆكێ توركى ره‌جه‌ب ته‌يب ئه‌ردۆگانى كۆمبوويه وداخواز ژێ كريه هاريكاريێ دپێكئينانا هێزه‌كا چه‌كدار يا توركمانى ل كه‌ركووكێ وتله‌عفه‌رێ دا بكه‌ت).
رۆژناما ناڤبرى ئاماژه ب وێ چه‌ندێ نه‌كر ئايا ئه‌ردۆگان رازى بوويه ل سه‌ر وێ داخوازيا توركمانان، يان نه.
نيشاندان