ئەڤرۆ نیۆز،زنار تۆڤی:

نوکە حوکمەتا هەرێما کوردستانێ یا هاتیە راسپاردن بۆ ئیدارەدانا هەرێما کوردستانێ،سەرۆكاتیا ئەنجوومەنێ وەزیران دێ ل گەل سەرجەم سەرۆكێن فراكسیۆنێن پەرلەمانێ كوردستانێ کۆمبیت،هەروەسا بریاره‌ ژی کو سەرەدانا حزبان بکەت.

هەروەسا سوبەهی سەرۆكاتیا ئەنجوومەنێ وەزیران دێ ل گەل سەرجەم سەرۆكێن فراكسیۆنێن پەرلەمانێ كوردستانێ كۆمبیت و دێ گوتۆبێژان ل سەر کێشێن دناڤبەرا هەولێر و بەغدا دا کەن،دیساد وێ كۆمبوونێدا دێ بەحس ل پەیوەندیێن دناڤبەرا لایەنێن سیاسی یێن ھەرێما كوردستانێ و رۆلێ پەرلەمانی د چارەسەركرنا كێشان دا هێتە کرن.

راوێژکارێ تایبەت یێ سەرۆک وەزیرێن هەرێما کوردستانێ دلشاد شەهاب ئاشكرا كریە،کو بریارە حوکمه‌ت سەرەدانا حزبان بکەت،هەروەسا هەموو لایەن بێی جیاوازى هەڤرانە ل سەر ئێک دەنگى و ئێکرێزیا لایەنێن سیاسی یێن هەرێما کوردستانێ بۆ بەرهنگاریا ڤێ قۆناغا نوکە کوردستان تێدا دەرباز دبیت،هەروەسا نوکە حوکمەتا هەرێما کوردستانێ هاتیە راسپاردن بۆ ئیدارەدانا هەرێما کوردستانێ د ڤی دۆخیدا،دیسا دڤی چارچۆڤەی دا سەرۆک وەزیرێن هەرێما کوردستانێ سەرەدانا کۆمەلا ئیسلامی کریە و بریارە سەرەدانا حزبێن دی ژی بکەت،ئێک ژ وان لایەنان بریارە کو حوکمەت سەرەدانا وێ بکەت، بزاڤا گۆرانە.

ئەڤرۆ نیۆز،زنار تۆڤی:

كۆنگرێسێ ئه‌مریكی یێ رژدە‌ ل سه‌ر په‌سه‌ندكرنا پرۆژه ‌یاسایه‌كێ كو‌ ئه‌مریكا دێ هاریكاریێن سه‌ربازیى بێی مه‌رج پێشكێشی هێزێن پێشمه‌رگێ كوردستانێ کەت.
مالپه‌رێ (مۆنیتۆر) یێ ئه‌مریكی،بەلاڤە كریە،کو بهایێ هاریكاریێن‌ سه‌ربازی یێن واشنتۆن بۆ پێشمه‌رگه‌ی دگەهیته‌ 365 ملیۆن دۆلاران.

ئاماژه‌ ب هندێ ژی دایە کو ئەڤ‌ پرۆژێ‌ نوو، ریفراندۆم نه‌كریە مه‌رج، كو ل‌ 25 ئیلۆنا 2017 ب سه‌ركەفتیانە برێڤه‌ چوو بوو،هه‌ر چه‌نده‌ پێشتر كۆنگرێسی مه‌رجێ هندێ ل سه‌ر حوکمه‌تا هه‌رێما كوردستانێ دانابوو،کو‌ به‌شداریێ د عێراقەکا ئێکگرتی دا بكەت بۆ هندێ داکو هاریكاریێن سه‌ربازى پێشكێش بكەت.
هه‌روه‌سا جۆن مه‌كین سیناتۆرێ ئه‌مریكی،د رۆژناما (نیویۆرك تایمز) دا گۆتارەک بەلاڤکریە و تێدا نڤێسیە: هەکە ئه‌مریكا دناڤبەرا كورد و میلیشیاتێن شیعی یێن نێزیكی ئیرانێ، بهێنە سه‌رپشك کرن، پێدڤیە‌ كورد بهێنە هه‌لبژارتن.

ئەڤرۆ نیۆز ، زنار تۆڤی:

ئەندامەکێ لێژنا بلند یا حزبێن سیاسی یێن کوردستانی، بەحس ل هندێ دکەت کو بریارە ھەردو حوکمەتێن ھەرێمێ و بەغدا کۆم ببن و دوماهیێ ب گرفتان بینن.
محەمەد ئیلیخان سەرۆکا حزبا گەشەپێدانا تورکومانی، بۆ باس گوتیە،ژ بلی گوتۆبێژێ، ھیچ بژاردەیەکێ دیتر دناڤبەرا عێراقێ و ھەرێما کوردستانێ دا نینە، بەلێ ژبەر چلەیا حوسەینی و ئەو ئۆپەراسیۆنێن ل ناوچەیا قائیم دهێتە کرن، حەیدەر عەبادی یێ مژوولە و گوتۆبێژ ژی ب ڤێ ئەگەرێ هاتینە پاشخستن.

ئەو ئەندامێ لیژنا بلند یا حزبێن سیاسی ل ھەرێما کوردستانێ، ئەو ژی گوتیە،کو نوکە عەبادی مژوولی دو کارانە،ئەو ژی ئەوە کو خۆ وەسا نیشان بدەت،کو دڤێ قۆناغێ دا بۆ عێراقێ تشتێن باش کرینە،یا دویێ ژی وی دڤێت ھەر تشتێ بکەت مفای ژێ وەربگریت، بۆ هەیڤا ئەیارا ٢٠١٨ داکو دھەلبژارتنان دا سەر بکەڤیت،لەورا وی دڤێت لدووڤ پلانێن خۆ ھەلسوکەفتان بکەت،ئەڤێ پەیوەندی ب وی ڤە هەیە،لەورا ھەرێما کوردستانێ و دەستهەلاتا سیاسی چاڤەرێی هندێ دکەت کو حوکمەتا عێراقێ دەست ب گوتۆبێژان بکەت، چونکی بۆ ٢٠١٨ دڤێت پرسا بودجەیێ کوردستانێ ب دوماهی ھاتبیت.

ئاشکرا ژی کر:ئەندامێن وی شاندی هاتینە دیار کرن،کادێ ب چو رەنگی بیت،ڤێ جارێ شارەزا و پسپۆر ژی دێ ل گەل بن و پێشووتر 32 حزبان پشتەڤانیا حوکمەتێ کر ب ناڤێ کورستانێ ل گە بەغداکو ل گەل باخڤن،پشتی کۆمبوونا فراکسیۆنان کو گۆران و کۆمەل ژی تێدا بریار دایە،کو ل گەل چوونا وی شاندی بۆ بەغدا ھەماھەنگیێ ل گەل حوکمەتێ بکەن، بەلێ ڤێ جارێ بەری سەرێ سالێ ئەڤ گوتۆبێژە دێ هێنە کرن.