NO IORG
نووترين نووچه
نووترين نووچه

514

ئه‌ڤرۆ نيوز: عه‌زیز هه‌ورامی:

برياره‌ سوبه‌ خونيشادانه‌كا نه‌رازيبوونێ ل هه‌له‌بجه‌ دژى حوكمه‌تا عيراقێ بهێته‌ سازكرن ژبه‌ر كو د ره‌شنڤيسێ پرۆژه‌ بودجه‌يێ 2018 ێ دا، چو بودجه‌ بۆ هه‌له‌بجه‌ نه‌هاتيه‌ دياركرن دده‌مه‌كێ دا ل رۆژا  13-3-2014  هه‌له‌بجه‌ ب ئيمزا نێچيرڤان بارزانى سه‌رۆك وه‌زيرێن هه‌رێمێ بوويه‌ پارێزگه‌هـ.

(لوقمان عه‌بداقادر)سه‌رۆكێ كومه‌لا قوربانيێن هه‌له‌بجه‌ بۆ ئه‌ڤرۆ نيوز راگه‌هاند، خونيشادان دێ ل هه‌مبه‌ر نڤيسينگه‌ها په‌رله‌مانێ عيراقێ ل هه‌له‌بجه‌ هێـته‌ سازكرن و دێ به‌ياننامه‌ك بۆ رايا گشتى خوينين و پێشێلكاريێن هه‌مبه‌ر هه‌رێمێ يێن ژ ئاليێ به‌غدا ڤه‌ دهێنه‌ كرن، دێ شه‌رمزار كه‌ين.

 

 

1888

ئەڤرۆ نیۆز،زنار تۆڤی:

بەرپرسێ به‌شێ دارایی ل‌ كۆمسیۆنا سه‌ربه‌خۆیا هه‌لبژارتنێن هه‌رێما كوردستانێ، ئاشكرا كر،کو د ماوێ حه‌فتیه‌كێ دا دێ ده‌ست ب ‌ دابه‌شكرنا پارێ كارمه‌ندێن برێڤەچوونا پرۆسا ریفراندۆمێ کەن.

زه‌رده‌شت مه‌لا حه‌سه‌ن،رێڤەبه‌رێ دارایی ل كۆمسیۆنا سه‌ربه‌خۆیا هه‌لبژارتنێن هه‌رێما كوردستانێ راگه‌هاند:هه‌ر چه‌نده وەسا‌ بریاربوو کو ل هەیڤا بوری یا چریا ئێکێ پارێ كارمه‌ندێن برێڤەچوونا ریفراندۆما سه‌ربه‌خۆیا هه‌رێما كوردستانێ ب سه‌ر كارمه‌نداندا دابه‌ش بكه‌ین،بەلێ ب ئەگەرێ ‌وی بارودۆخێ كو‌ هاتیه‌ پێش و ب ‌تایبه‌ت ل‌ دەڤەرێن ده‌رڤەی ئیدارا هه‌رێما كوردستانێ،ئەڤ پرۆسه‌‌ پاشكه‌فت.

هه‌روه‌سا گوت ژی:جارەکا دی‌ ئاماده‌كاری هاتینە ته‌مامکرن و بودجه‌ ژی هاتیە دابین كرن‌،لەورا‌ بریاره‌ ل دوماهیا ڤێ حه‌فتێ دا یان ژی ل دەستپێکا حەفتیا بهێت ده‌ست ب دابه‌شكرنا وی پاره‌ی‌ بكه‌ین.

زه‌رده‌شت مه‌لا حه‌سه‌ن دیارکر ژی‌،ل قۆناغا ئێکێدا دێ پارێ دەڤەرێن‌ كوردستانی یێن ده‌رڤەی ئیدارا هه‌رێما كوردستانێ هێنە دابه‌شکرن و هه‌ر كارمه‌ندەک دێ (180) هزار دینارا وەرگریت‌ و د‌ قۆناغا دویێ دا دێ پارێ كارمه‌ندێن پارێزگەهێن هه‌رێما كوردستانێ هێنە دابه‌شکرن كو هەر كارمه‌ندەک دێ (120) هزار دیناران وەرگریت‌.
رێڤەبەرێ دارایی ل كۆمسیۆنا سه‌ربه‌خۆیا هه‌لبژارتنێن هه‌رێما كوردستانێ ئاشكرا کر کو (55) هزار كارمه‌ند دێ ژ وه‌رگرتنا ڤی پاره‌ی مفادار ‌بن.

151

 

ئه‌ڤرۆنيۆز:

 دخۆلا ئه‌ڤ ساله‌ يا ئيسپانى دا، هێرشبه‌رى ئورگويانى يێ يانا به‌رشه‌لونا (لويس سوارێز) دقوناغه‌كا ب زه‌حمه‌ت دا ده‌رباز دبيت وپشته‌ڤانێن به‌رشه‌لونا ژ ئاستێ وى درازى نينن.

د11 ياريێن بۆرى يێن به‌رشه‌لونا دڤى وه‌رزى دا ئه‌نجامداين، لويس سوارێزى تنێ 2 گۆل يێن توماركرين ئه‌وژى گۆله‌ك  ل سه‌ريانا  ئيسپانيول ئه‌وا ب سه‌ركه‌فتنا به‌رشه‌لونا ب دووماهى هاتى ب پێنج گۆلان بێ به‌رامبه‌ر و گۆله‌ك ل سه‌ر يانا جيرونا كو ب سه‌ركه‌فتنا به‌رشه‌لونا ب سێ گۆلان بێ به‌رامبه‌ر ب دووماهى هاتى.

ل دووماهى ياريا به‌رشه‌لونا ل سه‌ر ياريگه‌ها خوه‌ ل گه‌ل يانا سڤيليا ئه‌نجامداى كو تێدا ب دو گۆلان به‌رامبه‌ر گۆله‌كێ ب سه‌ركه‌فتى، پشته‌ڤانێن به‌رشه‌لونا درووشمێن نه‌رازيبوونێ دژى سوارێزى دگوتن ژبه‌ر پاشڤه‌چوونا ئاستێ وى و نه‌ تۆماركرنا گۆلان.

لويس سوارێز ياريكه‌رێ هه‌لبژارتيێ ئوروگواى ل خۆلا 2014/2015 ژيانا لێڤه‌رپۆل يا ئێنگليزى هاتيه‌ دناڤ رێزێن يانا به‌رشه‌لونا ودوه‌رزێ خوه‌ يێ ئێكێ دا ل گه‌ل به‌رشه‌لونا شيا 16 گۆلان تۆمار بكه‌ت و ل رێزا 8 بهێت دليستا گولكه‌رێن خۆلا ئيسپانيا دا و دخۆلا ددوڤدا 2015/2016 ناسناڤێ گۆلكه‌رێ خۆلێ بده‌ستڤه‌ئينا ب تۆماركرنا 40 گۆلان ول خۆلا بۆرى 2015/2016 ل رێزێ دويێ هات دليستا گولكه‌رێن خۆلێ دا ب تۆماركرنا 28 گۆلان كو ليۆنێل ميسى ل رێزا ئێكێ هاتبوو ب تۆماركرنا 38 گۆلان.

82

ئه‌ڤرۆنيۆز:

ياريكه‌رێ ئيتالى ئه‌ندريا پيرلۆ كو يارىكه‌رێ به‌رێ يێ هه‌لبژارتيێ ئيتاليا وهه‌رسێ يانێن ئه‌نترميلان وئه‌ى سى ميلان و يوڤنتوس بوو، بريارا ده‌ست به‌ردانێ ژ ته‌پا پێ دا پشتى يانا وى يا نوكه‌ نيويۆرك سيتى ژ هه‌ڤركيا ل سه‌ر بده‌ستڤه‌ئينانا قاره‌مانيا پشكا رۆژهه‌لاتا خۆلا ئه‌مريكى يا ته‌پا پێ ده‌ركه‌فتى.

رۆژناما (ئاس) يا ئيسپانى به‌لاڤكر، پيرلۆى دووماهى ب كاروانێ خوه‌ ل گه‌ل ته‌پا پێ ئينا پشتى 23 سالێن ياريكرنێ كو تێدا چه‌ندين ناسناڤ بده‌ستڤه‌ئيناين وه‌كو خۆلا قاره‌مانێن ئورۆپا وجاما جيهانى وقاره‌مانيا حۆلا ئيتالى.

پيرلۆ ل سالا 2015 به‌ر ب خۆلا ئه‌مريكى ڤه‌ چوو و 60 يارى ل گه‌ل يانا نيويۆرك سيتى كرينه‌ وتێدا گۆله‌ك تۆماركريه‌ و 9 گۆل ژى چێكرينه‌،  داڤيد ڤيا ياريكه‌رێ به‌رێ يێ هه‌لبژارتيێ ئيسپانيا و هه‌ردو يانێن ڤالنسيا وبه‌رشه‌لونا ل گه‌ل پيرلۆى دناڤ رێزێن يانا ئه‌مريكى يارى دكر. ل سالا 2014 ده‌ست ژ ياريكرنێ دناڤ هه‌لبژارتيێ ئيتاليا به‌ردا پشتى ده‌ركه‌فتنێ ژ قۆناغا گرۆپان دجاما جيهانى دا ل به‌رازيل.

138

ئەڤرۆ نیۆز،زنار تۆڤی:

هەکە سنوورەك بۆ حه‌شدا شه‌عبى نەهێتە دانان، دێ مەسیحی بۆ دەرڤەی وەلاتی کۆچ کەن،وەحیدە یاقۆ ھورمز نوونەرا مەسیحیان ل پەرلەمانێ کوردستانێ دبێژیت ژیانا مەسیحیێن دەشتا نەینەوا د مەترسیێ دایە،کو‌ جارەکێ ل سەر دەستێ داعشێ ئاوارە بووینە،نوکە ژی ل سەر دەستێ حەشدا شەعبی ئاوارە د‌بن،لەورا ناڤهاتی داخوازێ ژ جڤاکێ نێڤدەولەتی دکەت هەکە سنوورەك بۆ ڤێ مه‌ترسیێ نەهێتە دانان‌، ئه‌و دێ نەچار بن ب کۆم بۆ دەرڤەی وەلاتی کۆچ کەن.

هەروەسا گوت پێشتر خەلکەکێ زۆر ژ مه‌سیحیان زڤریبوونا دەڤەرێن خۆ،ژبەرکو پێشمەرگەی ئەو دپاراستن و دۆخێ وان زۆر یێ ئارام بوو، بەلێ دەمێ حەشدا شەعبی ھاتیە ڤێ دەڤەرێ،جارەکا دی مه‌سیحی ئاوارە بووینە ڤە.

ئەو نوونەرا مەسیحیان دبێژیت ژی،ئه‌وان داخواز ژ جڤاکێ نێڤدەولەتی کریە،کو وان ژ دەستێ حەشدا شەعبی بپارێزن،یان ژی رێکێ بدەنێ کو ئەو هەموو پێکڤە ب چنە دەرڤەی وەلاتی،ل دووڤ گوتنێن ناڤهاتیێ ،نوکە ئەمریکا و فرەنسا ھاتینە سەر خەتێ و رەنگە ئەڤ ره‌وشه‌ بهێته‌ چارەسەر کرن و جارەکادی مه‌سیحی ڤەگەرنە سەر جهێن خۆ و ژیانەکا ئاسۆده‌ دەست پێ بکەن.

424

ئەڤرۆ نیۆز،زنار تۆڤی:

پەیڤدارێ وەزارەتا پێشمەرگێ هەرێما كوردستانێ، راگەهاند مە كۆمبوونەکا ئەرێنی ل گەل نوونەرێ هەڤپەیمانان ئەنجام دایە،گوت ژی مە گوتیە وان هوون دشێن رۆلەکێ گرنگ ببینن ژ وان كێشێن هەرێما كوردستانێ ‌و بەغدا،کو ب گفتوگۆیەکا ئاشتیانە بهێنه چارەسەر کرن.

هەلگورد حكمەت پەیڤدارێ وەزارەتا پێشمەرگێ هەرێما كوردستانێ راگەهاند ژی كۆمبوونا وەزارەتا پێشمەرگەی ل گەل نوونەرێ هەڤپەیمانان،کو ئەڤرۆ دووشەمبی 6-11-2017 هاتیە ئەنجامدان یا ئەرێنی بوویە و مە كۆمبوونەکا باش ئەنجامدایە،وان گوه ل سەرنج ‌و تێبینیێن مە گرت،مە جەخت ل هندێ كریە كو مەبەستا هەرێما كوردستانێ ئەوە کو كێشەیان ل گەل بەغدا ب گفتوگۆیێ چارەسەر بكەت.

پەیڤدارێ وەزارەتا پێشمەرگێ هەرێما كوردستانێ، دەربارەی داخوازیێن کوردان ژ هەڤپەیمانان گوت:مە داخواز ژ نوونەرێن هەڤپەیمانان كریە كو رۆلێ گرنگ ببینن،داکو كێشێن هەرێما كوردستانێ ‌و بەغدا ب گفتوگۆیێن ئاشتیانە بهێنە چارەسەر کرن.

وەزارەتا پێشمەرگێ هەرێما كوردستانێ دەربارەی بەردەوامیا هاریکاری و هەماهەنگیا دناڤبەرا هەڤپەیمانان و پێشمەرگەی گوت:هاریكاری ‌و هەماهەنگیا هەڤپەیمانان بۆ پێشمەرگەی یا بەردەوامە ‌و هەر ئەڤرۆ وەلاتێ بەلجیكا پێنج پێشمەرگەیێن بریندار بۆ چارەسەركرنێ برینە دەرڤەی هەرێما كوردستانێ.

152

ئه‌ڤرۆنيۆز:

جيگرێ سه‌رۆكێ حوكمه‌تا هه‌رێمێ، قوباد تالبانى، ئه‌ڤرۆ دوشه‌مبى راگه‌هاند، حوكمه‌تا هه‌رێما كوردستانێ دووپاتيێ ل سه‌ر پێدڤيا پشكداريا نێڤده‌وله‌تى دهه‌ر دانوستاندنه‌كێ دا بۆ چاره‌كرنا ناكۆكيان وكێشێن هه‌لاويستى ل گه‌ل به‌غدا.

قوباد تالبانى ل په‌يچێ خوه‌ ل سه‌ر تۆرا جڤاكى يا تويته‌رى به‌لاڤكر( پشكداريا نێڤده‌وله‌تى رێيا ئێكانه‌يه‌ بۆ چاره‌كرنا كێشێن هه‌لاويستى دناڤبه‌را كوردستانێ و حوكمه‌تا فيدرالى).

209

ئه‌ڤرۆنيۆز:

وه‌زاره‌تا پێشمه‌رگه‌ى، ئه‌ڤرۆ دوشه‌مبى، كۆمبوونه‌ك ل گه‌ل شانده‌كێ هه‌ڤپه‌يمانيا نێڤده‌وله‌تى دژى داعشێ ب سه‌ركێشيا ئه‌مريكا ئه‌نجامدا ل دۆر دانوستاندنێن له‌شكرى دناڤبه‌را هه‌ولێرێ و به‌غدا.

وه‌زاره‌تا پێشمه‌رگه‌ دبه‌ياننامه‌كێ دا راگه‌هاند، كه‌ريم شنگالى وه‌زيرێ پێشمه‌رگه‌ى ب وه‌كاله‌ت وهژماره‌كا ئه‌فسه‌رێن مه‌زن يێن وه‌زاره‌تێ ئه‌ڤرۆ ل گه‌ل شانده‌كێ هه‌ڤپه‌يمانيا نێڤده‌وله‌تى كۆمبوون.

به‌ياننامێ ژزار ده‌ڤێ شنگالى ڤه‌گوهاست، دانوستاندن دناڤبه‌را هێزێن پێشمه‌رگه‌ى و له‌شكرێ عيراقێ دبه‌رده‌وامن وهژماره‌كا پێشنيازان هاتينه‌ بلندكرن بۆ له‌شكرێ عيراقێ وهه‌تا نوكه‌ چو به‌رسڤ بۆمه‌ نه‌هاتينه‌، به‌رۆڤاژى لڤينێن له‌شكرى ژلايێ له‌شكرێ عيراقێ و حه‌شدا شه‌عبى ڤه‌ يێن زێده‌تر بووين.

گۆت ژى، به‌رى نوكه‌ ئه‌م گه‌هشتبووينه‌ رێككه‌فتنه‌كێ كو له‌شكرێ عيراقێ ل هنده‌ك ده‌ڤه‌ران به‌لاڤ ببيت وهێزێن حه‌شدا شه‌عبى پاشڤه‌ بچن وخوه‌ ژوان ده‌ڤه‌ران ڤه‌كێشن، به‌لێ ب مخابنى ڤه‌ ئه‌و رێككه‌فتن نه‌هاته‌ بجهئينان وهيڤيدارين هه‌ڤپه‌يمانيا نێڤده‌وله‌تى ناڤبژيڤانيا خوه‌ دناڤبه‌را پێشمه‌رگه‌ى و له‌شكرێ عيراقێ به‌رفره‌هتر بكه‌ت هه‌تاكو بشێن رێككه‌فتنێن هاتينه‌ كرن دناڤبه‌را هه‌ردو لايه‌نان دا بجهبينن وره‌وش ئاسايى ببيت.

 

199

ئەڤرۆ نیۆز،زنار تۆڤی:

ئەڤرۆ دوشەمبی عەلی حسێن باكیر ڤەکۆلەرێ ستراتیژی یێ عەرەب د گۆتارەکا شیكاریدا بەحس ل شكەستنا هەژمونا توركیا ل عێراق كریە و رەتكرنا داخوازا توركیا ژی ژ لایێ سەرۆك بارزانی ڤە بۆ ئەنجام نەدانا ریفراندۆما سەربەخۆیا كوردستانێ ب هۆكاری سەرەكی یێ وێ شكەستنێ وەسف كریە.

باكیر دبێژیت ژی ئەركێ توركیا ل عێراقێ بۆ راستكرنا وی بارێ لاربوی یێ ئەستەمە،ژبەر هندێ د جهەکێ دا توركیا نەچار بوو سازشێ بۆ ئیرانێ بكەت، ئەڤێ ژی وەکر کو ل جهەکێ دا هەژموونا ئەنقەرە لەنگ بكەڤیت.

ئەو ڤەکۆلەر دیاردکەت ژی شكەستنا توركیا دەستپێکێ ژ وێرێ دەست پێكر كو سەرۆك بارزانی سوور بوو ل سەر ئەنجامدانا ریفراندۆما سەربەخۆیێ و سەركەفتیانە ژی ئەنجامی دا،ژڤی لایڤە توركیا شکەستن ئینا ژ ب كارئینانا هەژموونا سیاسی و ئابووری و سەربازیا خۆ ل سەر كوردستانێ.

هەروەسا نڤێسییە ژ ئەنجامێ وێ شكەستنێ دا، توركیا بۆ هندێ ب دەستێ بەتال ژێ نەچیتە دەرڤە، نەچار بوو پەنا بۆ ئیرانێ بر و د ئەجندەیا وی وەلاتی دا نەیارەک نێزیك بوو،ئەڤ نزیكبوونا توركیا ژی ب خۆرایی نەبوو، بەلكو ب لایەنێ كێمڤە ئەنجامێ چەند سازشەکێن ئەنقەرە بۆ تەهرانێ بوو،نوکە توركیا ب تەمامی دەڤێ خۆ داخستیە بەرامبەر هەژموونا حەشدا شیعی یا ئیرانی ل عێراقێ.

دبێژیت ژی:ب ئەگەرێ ڤێ سازشا توركیا ژی ئەنقەرێ ب تەمامی هەلویستێ خۆ بەرامبەر حەشدا شیعی گۆهارتیە و ب تنێ دەمێ نێزیکی سنوورێن توركیا دبن،دێ نەچار بیت دەڤێ خۆ بگریت.

83

ئه‌ڤرۆنيۆز:

سكرتێرێ گشتيێ بزاڤا ديموكراتى يا ئاشوورى و سه‌رۆكێ ليستا رافيدين ل جڤاتا نوونه‌رێن عيراقێ، يونادم كنا، راگه‌هاند، مشه‌ختبوونا مه‌سيحيان بوويه‌ ئه‌گه‌رێ گوهۆرينه‌كا ديموگرافى ل به‌غدا ورۆژانه‌ مولكێن وه‌لاتيێن مه‌سيحى دهێنه‌ دزين وحوكمه‌تا به‌غدا چو كارڤه‌دان ل سه‌ر ڤێ چه‌ندێ نينن.

يونادم كنا، ل دووڤ سايتێ به‌غداد پۆست، گۆت( هنده‌ك مافيايێن هه‌ين، كو نه‌شێم ناڤێن وان بينم، سه‌خته‌كاريێ دهنده‌ك به‌لگه‌نامان دا دكه‌ن وپاشى ده‌ستێ خوه‌ دداننه‌ سه‌ر خانيێن وه‌لاتيێن مه‌سيحى وپشتى داخوازێ ژ خودانێن خانيان دكه‌ن كو بچيته‌ ده‌ف لايه‌نێن په‌يوه‌نديدار، خانى دهێنه‌ خرابكرن وناهێنه‌ ڤه‌گه‌راندن بۆ خودانان، حوكمه‌ت ژى تنێ ته‌ماشه‌كاره‌) . گۆت ژى ( مافيا ودزيكه‌ران ده‌ستێ خوه‌ دانايه‌ سه‌ر چه‌ندين خانى وبالاخانه‌يێن مه‌زن).

دياركر ژى( مه‌ سه‌رۆكاتيا جڤاتا وه‌زيرێن عيراقێ ل دۆر ڤان كرياران يا ئاگه‌هداركرى، وێ ژى ژلايێ خوه‌ڤه‌ رێنما بۆ لايه‌نێن په‌يوه‌نديدار ده‌ركرينه‌ ل دۆر هووربينيكرنێ دكريارێن كرين وفرۆتنێ ژلايێ په‌رله‌مانتاره‌كى ڤه‌ يان به‌رپرسه‌كێ مه‌سيحى ب مه‌ره‌ما رێگرتنێ ل سه‌خته‌كارى و ده‌ست ب سه‌رداگرتنا مولك وخانيێن مه‌سيحيان).

يونادمى گۆت ژى (25 تاخێن به‌غدا هژماره‌كا مه‌زن يا مه‌سيحيان تێدا دژين، به‌لێ نوكه‌ تنێ 60% ژێ ماينه‌ و لاوازيا ده‌ستهه‌لاتا قانوونێ ومژوولبوونا حوكمه‌تێ ب شه‌رێ داعشێ و به‌لاڤبوونا مافيايێن گرێداى ده‌وله‌تێ بووينه‌ ئه‌گه‌رێ به‌لاڤبوونا تاوانان ل به‌غدا).

نيشاندان1...1,0002,0001,7831,7841,7852,780...3,094زێده‌تر لاپه‌ر 1,784 ژ 3,094
مالپه‌رێ فه‌رمى یێ رۆژناما ئه‌ڤرۆ یه‌ .
ئاگــــــه‌هــــــداری نـــــوویـــــــاتیـــــــان ببــــه‌ .
په‌یوه‌ندی : rojnameyaevro@gmail.com
website security
© Copyright 2021 - Rojnameya Evro - Powered by Kurdo Plus
76 queries in 1.670 seconds.
WP Facebook Auto Publish Powered By : XYZScripts.com