ئه‌ڤرۆنيۆز:

ئه‌ڤرۆ ل هه‌ولێرێ، ده‌سته‌يا سه‌رۆكاتيا په‌رله‌مانێ كوردستانێ وسه‌رۆكێن فراكسيۆنێن په‌رله‌مانى ل گه‌ل كونسۆل وجێگرێ كونسۆلان ونوونه‌رێن وه‌لاتان ل هه‌رێما كوردستانێ كۆمبووه.

ده‌سته‌يا سه‌رۆكاتيا په‌رله‌مانێ كوردستانێ، كۆنسۆل ونوونه‌رێن وه‌لاتان ئاگه‌هداركرن ل سه‌ر پێشيلكاريێن قانوونى ودارايى ئه‌وێن دپرۆژه‌ قانوونا بودجا عيراقێ يا سالا 2018.

پشتى كۆمبوونێ، دكۆنگره‌كێ رۆژنامه‌ڤانى دا، جه‌عفه‌ر ئێمينكى جێگرێ سه‌رۆكێ په‌رله‌مانى راگه‌هاند، په‌رله‌مانى راسپاردا تمام بۆ دانوستاندنێن حوكمه‌تا هه‌رێما كوردستانێ ل گه‌ل به‌غدا به‌رهه‌ڤكريه‌ وهيڤيخوازين دانوستاندن دناڤبه‌را هه‌ردولادا زوو ده‌ست پێ بكه‌ن.

بێگه‌رد تالبانى، سكرتێرا په‌رله‌مانێ كوردستانێ ژى گۆت، مه‌ وه‌كو په‌رله‌مانێ كوردستانێ په‌ياما خه‌لكێ كوردستانێ گه‌هانده‌ ناڤه‌ندێن نێڤده‌وله‌تى ونوونه‌رێن وه‌لاتان ل هه‌رێما كوردستانێ.

بێگه‌ردى گۆت ژى، په‌ياما مه‌ ئه‌وبوو كو گه‌لێ كورد دڤێت دچارچۆڤێ دستوورێ عيراقێ دا دانوستاندن ل گه‌ل به‌غدا ده‌ست پێ بكه‌ن، بۆ وێ مه‌ره‌مێ ژى مه‌ ل روونشتنا بۆرى يا په‌رله‌مانى راسپارده‌كا 18 خالى دابوو حوكمه‌تا هه‌رێمێ كو تێدأ به‌حسێ هه‌موو وان خال ومادان كريه‌ كو دره‌شنڤيسێ بودجا عيراقێ دا هاتينه‌ وهه‌تا نوكه‌ نه‌چوونه‌ جڤاتا نوونه‌ران وئيمزا ل سه‌ر نه‌هاتيه‌ كرن، به‌لێ  گه‌له‌ك پێشيلكارى ل سه‌ر مافێن دستوورى يێن هه‌رێما كوردستانێ يێن تێدا هه‌ين، وێ چه‌ندێ ژى دێ كاريگه‌ريه‌كا گه‌له‌ك مه‌زن ل سه‌ر ژيارا خه‌لكێ كوردستانێ هه‌بيت.

گۆت ژى، هه‌كه‌ به‌غدا دانوستاندنێ ل گه‌ل هه‌رێما كوردستانێ ره‌ت بكه‌ت، بژارده‌يا خوه‌ڤه‌كێشانێ ژ پرۆسا سياسى ل عيراقێ يا ڤه‌كريه‌.

دده‌مێ چه‌ند رۆژێن بۆرى دا، پتريا وه‌لاتێن زلهێز هه‌لويستێ خوه‌ ل دۆر ده‌ستپێكرنا دانوستاندنان دناڤبه‌را به‌غدا وهه‌ولێرێ دا راگه‌هاندبوو وپێشوازى ل وێ رۆهنكرنێ كربوو كو ژلايێ حوكمه‌تا هه‌رێما كوردستانێ هاتبوو ده‌ركرن بۆ ده‌ستپێكرنا دانوستاندنان دچارچۆڤێ دستوورى دا.

ئه‌ڤرۆنيۆز، عه‌زيز هه‌روامى

ترێله‌كا بارهه‌لگر يا رێكخراوا هه‌يڤا سۆر يا توركى وه‌رگه‌ريا كو هاريكارى دگه‌هاندنه‌ قوربانيێن بيڤه‌رله‌رزێ ل ناحيا به‌مۆ ب سه‌ر پارێزگه‌ها هه‌له‌بجه‌ ڤه‌.

عادل مه‌لا سالح رێڤه‌به‌رێ ناحيا به‌مۆ بۆ ئه‌ڤرۆنيۆز گۆت( ئه‌ڤ شه‌ڤه‌ ل ده‌مێ ڤه‌گۆهاستنا 40 چادران بۆ ناحيا به‌مۆ ژلايێ رێكخراوا هه‌يڤا سۆر يا توركى ڤه، ترێله‌كا بارهه‌لگر يا توركى ل چيايێ به‌مۆ وه‌رگه‌ريا وهه‌ردو شوفێرێن وێ كو ب ره‌گه‌ز عيراقى نه‌ برينداربوون وهاتن ڤه‌گۆهاستن بۆ نه‌خوه‌شخانا ته‌نگاڤيا ل سلێمانيێ).

عادلى گۆتژى( پشتى وه‌رگه‌ريانا وێ ترومبێلێ، هه‌يڤا سۆر يا توركى، چادرێن دناڤدا ئينانه‌ ده‌ر ول سه‌ر خێزانێن خانيێن وان ب به‌ر بيڤه‌له‌رزێ كه‌فتين وبێ جهێ حه‌واندنێ ماين ، به‌لاڤكرن).