ئه‌ڤرۆ نيوز:
حه‌يده‌ر عه‌بادى سه‌رۆك وه‌زيرێن عيراقێ و سه‌ليم جبورى سه‌رۆكێ په‌رله‌مانێ عيراقێ د ديداره‌كێ دا دانوستاندن ل دۆر چاره‌كرنا كێشه و قه‌يرانێن ناڤبه‌را هه‌رێم و به‌غدا كرن.
حه‌يده‌ر عه‌بادى سه‌رۆك وه‌زيرێن عيراقێ و سه‌ليم جبورى سه‌رۆكێ په‌رله‌مانێ عيراقێ هه‌ر د ديدارێ دا رژدى ل سه‌ر چاره‌كرنا كێشێن به‌غدا و هه‌ولێرێ ب رێيا دانوستاندنان كرن.
ئەڤرۆنیۆز:
سەرۆكێ هەرێما كاتالونیا یا ئیسپانی یێ ژكار لادای (كارلیس بوتشدیمون) داخواز ژ هێزێن سیاسی ل كاتالونیا كر بەرەیەكی دهەلبژارتنێن داهاتی دا پێكبینن ب مەرەما راگەهاندنا سەربخوەیا هەرێما ناڤبری.
بوتشدیمون د تویتەكی دا ل سەر تۆرا جڤاكی یا تویتەری دا راگەهاند” دەم یێ هاتی پێكڤە ژبۆ كاتالونیا وئازادیا زیندانیێن سیاسی وكومارێ كاربكەین” وداخواز ژ حزبێن كاتالونی كر دئێكگرتی بن ل بەرامبەر حوكمەتا ناڤەندی ودیاكر كو هزر دپشكداریێ دهەلبژارتنێن هەرێما كاتالونیا دا دكەت كو بریارە ل 21 كانوونا ئێكێ یا داهاتی بهێنە ئەنجامدان پشتی لادانا حوكمەتا كاتالونیا ژلایێ حوكمەتا ناڤەندی ڤە ل مەدرید، ژبەر راگەهاندنا پەرلەمانێ كاتالونی بۆ سەربخوەیێ ژ ئیسپانیا.
سەرۆكێ كاتالونیا وچار ژ وەزیرێن وی یێن بەرێ رەتكر بزڤرن بۆ مەدرید ول بەرامبەر دادگەهێ راوەستن، ددەمەكی دا دادگەها بلند 8 بەرپرسێن كاتالونی یێن ژكار لادای دەستەسەر كری هێلاینە هەتا پشتی ب دووماهی هاتنا ڤەكۆلینان دكێشێن وان دا كو تۆمەتێن یاخیبوونێ وئاژاوەگیریێ و دزینا پاران ئاراستەی وان هاتینە كرن. وحوكمەتا ئیسپانیا یاداشتەكا دەستەسەركرنێ دژی سەرۆكێ كاتالونیا دەركریە كو نوكە ل بروكسل پایتەختێ بەلجیكا یە.
ئەڤرۆنیۆز، ئەیاد بەرواری
سەرۆك وەزیرێن ئیسرائیلێ بنیامین ناتانیاهۆ راگەهاند، دەست ژ كاركێشانا سەرۆك وەزیرێن لوبنانێ سەعد حەریری نامەكا هوشیاریێ يه ئاراستەی جڤاكێ نێڤدەولەتی كرى كو پێرابوونان دژی ئیرانێ وەرگریت ئه‌وا بزاڤان دكەت لوبنانێ وەكو سووریێ لێ بكەت
ناتانیاهۆی د پەیچێ خوەدا ل سەر تۆرا جڤاكی یا فیسبووكی گۆت” ئیران مەترسی ل سەر ئیسرائیلێ ب تنێ نینە، بەلكو مەترسیە ل سەر هەموو دەڤەرا رۆژهەلاتا ناڤین وپێدڤیە جڤاكێ نێڤدەولەتی ئێك رێز بیت و ل بەرامبەر ئیرانێ راوەستیت”.
ئەڤرۆ سەعد حەریری سەرۆك وەزیرێن لوبنانێ ژ سعودیێ دەست ژكاركێشانێ خوە ژ پۆستێ خوە راگەهاند و هێرشەكا توند ل سەر ئیرانێ و حزبوللا كر.
ئەڤرۆنیۆز، ئه‌ياد به‌روارى
سوپاسالارێ بەرێ یێ عیراقێ بابەكر زێباری بەرهەڤیا خوە دیاركر ل بەردەم دادگەهێ ل بەغدا ئامادەبیت ل دۆر تۆمەتێن دژی وی هاتینە ئاراستەكرن دكێشێن دەستپاكیێ دا.
دەستەیا دەستپاكیێ ل عیراقێ ل 22 مەها بۆری فەرمانەكا دەستەسەركرنێ دژی زێباری ل دووڤ مادێ 340 ژ قانوونا سزایێن عیراقی دەركربوو و تێدا دیاركربوو كو فەرمانا دەستەسەركرنێ دژی ناڤبری هاتیە دەركرن ژبەركو زیان ب دراڤێ وی جهێ لێ كاردكر گەهاندینە
بابەكر زێباری ددیدارەكێ دا ل گەل كەنالێ روداو كو ئەڤرۆ ل گەل هاتیە ئەنجامدان گۆت” هەتا نوكە چو حوكمێن ب ڤی شێوەی نینن وهەر دەمێ دادگەهێ داخوازا من كر، دێ ل بەرامبەر وێ ئامادە بم”.
دیاركر ژی” دادوەر وداواكارێن گشتی باش دزانن ئەو تۆمەتێن ئاراستەی من بووین چو راستی بۆ نینە وبابەتێ دانا ترۆمبێلان بۆ كەسێن سڤیل بنەما بۆ نینە، چونكی نەهاتیە سەلماندن كا ئەو ترۆمبێل بۆ كێ هاتینە دان وكێ وەرگرتینە”.
ل رۆژا 12-11-2015 حەیدەر عەبادی سەرۆك وەزیرێن عیراقێ وفەرماندێ گشتیێ هێزێن چەكدارێن عیراقێ دبریارەكێ دا 26 فەرماندێن لەشكری دوورخستن و 10 فەرماندێن دی ژی خانەنشینكرن، كو ئێك ژ خانەنشینكریان فەریقێ ئێكێ بابەكر زێباری سوپاسالارێ عیراقێ بوو كو هەر ژ سالا 2003 دوی پۆستی دا بوو ل سەر پشكا كوردان.
ئەڤرۆ نیۆز،زنار تۆڤی:
پەیڤدارێ فەرمی یێ میلیشیاتێن حزبولاها عێراقی كو پشکەکە ژ میلیشیاتێن حەشدا شیعی یا عێراقی و ژلایێ ئیرانێ ڤە دهێتە برێڤە برن، ئەڤرۆ شەمبیێ راگەهاند،کو ب شانازیڤە ئەم دوژمنێن ئەمریكاینە.
میلیشیاتێن حزبولاها عێراقی ل پال میلیشیاتێن عەسائیبێن ئەهل حەق،رۆلێ سەرەكی گێرایە د هێرشێن سەر كوردستانێ،ل گەل بالێ خیانەتكارێ ئێکەتیێ و ب هەڤکاریا سوپایێ پاسداران،ب جۆرەکێ چەكدارێن وێ میلیشیاتێ ب سیاریا تانكێن ئەبرامز یێ ئەمریكی هێرش كریە سەر كوردستانێ و كەركووكێ و چەندین دەڤەرێن كوردستانێ داگیر كرینە.
ئەڤرۆ شەمبیێ جەعفەر حوسەینی پەیڤدارێ سەربازی یێ ب ناڤێ كەتایبێن حزبولاها عێراقی کو ئێک ژ میلیشیاتێن مەزنێن حەشدا شەعبیە راگەهاندیە کو ئەمریكا ل 2010 دەست كریە ب رێزبەندكرنا میلیشیاتان د لیستا تیرۆرێ دا،لەورا بۆ مە شانازیە دوژمنێن ئەمریكا بین.
ل رۆژا پێنجشەمبیا بوری ترێنت فرانكس سیناتۆرێ ئەمریكی رەخنە ل بكارئینانا چەك و تانكێن ئەمریكی ژ لایێ میلیشیاتێن حەشدا شیعی ڤە گرتینە،کو ل دژی هەرێما كوردستانێ بكار دئینن.
حوسەینی راگەهاندنیە كو ئەو دێ شەرێ داعش ل سنوورێن سووریا و عێراق پێکڤە گرێدەن، چونكی نەشێن شەرێ داعش ل هەردو دەڤەرێن بوكەمال ل سووریا و قائیم ل بەغدا جودا بکەن،لەورا ئەو دێ ڤی شەری كەنە ئێك بەرە.
حوسەینی د لێدوانەکێدا بۆ كەنالێ مەیادین یێ سەر ب حزبولاها یا لوبنانی گوتیە،کو دوماهی مۆلگەهێن داعش كەفتینە سەر سنوورێن سووریا و عێراقێ.
هەروەسا ل دووڤ ڤێ پێشڤەچوونێ،نوکە حزبولاها لوبنانی و حزبولاها عێراقی وەكو میلیشیاتێن ئێكگرتی ل لوبنانێ هەتا عێراقێ كار دكەن.
ئه‌ڤرۆ نيوز:
ئه‌ندامه‌كێ سه‌ركردایه‌تیا ئێكه‌تیێ راگه‌هاند، د كومبوونا ئه‌ڤرۆ یا جڤاتا سه‌ركردایه‌تیێ دا، ب پرانیا ده‌نگان بڕیار ل سه‌ر هه‌لوه‌شاندنا مه‌كته‌با سیاسى یا ئێكه‌تیێ هاته دان و بڕیار هاته دان ده‌سته‌یا بلندا برێڤه‌برنا ئێكه‌تیێ ب سه‌رپه‌رشتیا كوسره‌ت ره‌سول بهێته پێكئینان و 6 ڤێ هه‌یڤێ جاره‌كادى كۆم ببن.
ئه‌ڤرۆ نيوز، سالار دۆسكى:
ئه‌ڤرۆ سپێده‌هيا رۆژا شه‌مبى رێكه‌فتى 4ى چريا دويێ 2017 ئاگر به‌ربوو بازارێ ئه‌رزان سه‌نته‌ر و ب گۆره‌ى گۆتنا خودانێ ئه‌رزان سه‌نته‌ر ب كۆژمێ زێده‌تر ژ 30 ده‌فته‌رێن دۆلارى زيان گه‌هشتينه دكانێ.
تەحسین خودانێ بازارێن ئەرزان سەنتەر بۆ مالپەرێ ئەڤرۆ نیۆز ئاشکراکر کو ئەڤرۆ سپێدێ پشتی قەستا سەر کارێن خوە کرینە و ژ نشکەکێ ڤە ب سەدەما شورتەکێ کارەبێ ل کوگەھا وان ئاگر بەربوویە کوگەھێ و ب تەمامی ھاتیە سوتن و ھەموو جلک تێدا بووینە.
خودانێ ئه‌رزان سه‌نته‌ر خۆيا كر ژى کو ١٠ کرێکار ھەنە و سوپاس بۆ خودێ گیان ب سلامەتن.
بێوار عەبدوالعزیز رێڤەبەرێ پەیوەندی و راگەھاندنێ ل رێڤەبەریا بەرگێریا شارستانی بۆ ئەڤرۆ نیۆز ئاشکراکر کو ئەڤرۆ سپێدێ دەمژمێر ١٠ و ١٥ خولەک پەیوەندی ب یەکا کونترۆلی ھاتیەکرن کو روودانەکا ئاگر بەربوونێ پەیدا بوویە ل بازارێ بالا کو ب ناڤێ ئەرزان بازار و ئەڤە ل قاتێ سیێ بوویە کو کو گەھەکا جلکان بوویە و ئێکسەر بنگەھێ گەلی کو نێزیکی روودانێ بوویە بەرھەف بوویە لێ کلبستون رێکێ دا بوون چووینە کولانا دی ھەتا گەھشتینە جھێ روودانێ و ماوێ دو دمژمێران دا کونترۆل ل سەر ھاتەکرن.
بێواری ئەو ژی گۆت: چار پولیسێن مە تەنگە نفس بۆ پەیدا بوو و ھەتا نوکە زیانێن مادی نوزانین دێ لژنەک رێڤەبەریا مە بۆ ڤی کاری ھێتە پێکئینان.
ئه‌ڤرۆ نيوز، نيوار محه‌مه‌د سه‌ليم:
سه‌رۆك وه‌زيرێ به‌رێ يێ فره‌نسا مانوێل ڤالس ده‌ستێوه‌ردانێن ئيرانى ل عيراقێ ل سه‌ركيستێ كوردان وه‌سف كرن، كو هه‌ڤپه‌يمانێن ب هێز يێن فره‌نسانه و بێ ده‌نگى ل به‌رامبه‌ر ڤێ چه‌ندێ “تاوانه”.
د هه‌ڤپه‌يڤينه‌كێ دا كو شه‌فه‌ق نيوز به‌لاڤكريه بێ ئاماژه‌كرن بۆ ژێده‌رى سه‌رۆك وه‌زيرێ به‌رێ يێ فره‌نسا دبێژيت: “نه‌شێين رێ بده‌ين كورد بهێنه شكاندن، دشيانێن وان دايه باوه‌ريێ ب مه بينن، من هاژێ هه‌يه كو هێرش يێن ل سه‌ر وان هه‌ين و كورد يێن تووشى مه‌ترسيان بووين، به‌لێ دڤێت ئه‌و بزانن چاوان بيت رێ ناده‌ين كورد بشكێن”.
زێده‌تر دبێژيت: “ناما كوردان يا فره‌نسيانه، له‌ورا دڤێت ب هه‌موو ره‌نگان ئورۆپا پشته‌ڤانيا كوردان بكه‌ت، ژ به‌ر كو هێرشكرن ل سه‌ر كوردستانێ ئانكو هێرشكرن ل سه‌ر ئورۆپا، هه‌كه پێشمه‌رگه نه‌با سه‌ركه‌فتن ل سه‌ر داعش نه‌دهات”.
ڤالس ئاشكه‌را ژى كر كو بێده‌نگيا جڤاكا نێڤده‌وله‌تى ل دۆر ئه‌وا كورد نوكه تووش بوويێ جهێ مخابنى و دلگرانيێ يه، ژ لايێ ديده‌ڤانى بۆ رۆل و شيانێن وێره‌ك يێن سه‌رسام بوون ب كوردان و شه‌رڤانێن وان ڤه، ئه‌ڤ بێده‌نگيا نوكه هه‌ڤدژى به‌رژوه‌نديێن مه يێن ستراتيژى يه.
سه‌رۆك وه‌زيرێ به‌رێ يێ فره‌نسا گۆتژى: “هه‌كه مه چ هه‌لويست نه‌بن و رێ بده‌ين كو كوورد ل عيراقێ بشكێن يان رێ ب پێشڤه‌چوونێن ئيرانێ ل عيراقێ ل سه‌ر كيستێ نه‌ريتێن خوه يێن بلند و هه‌ڤالێن خوه يێن كورد بده‌ين، ئه‌ڤه تاوانه، ژ به‌ر هندێ ژى دڤێت ڤێ بێده‌نگيێ بشكێنين و داخواز ژ جڤاكا نێڤده‌وله‌تى بكه‌ين كو هه‌لويست هه‌بن، كار ل سه‌ر ب ئارمانج گه‌هاندنا داخوازيێن ره‌وا يێن ملله‌تێ كورد بكه‌ين”.
ئاشكه‌را ژى كر كو ئيرانێ دڤێت د رێيا ب كارئينانا ميليشياتێن شيعه دا، ژمارا خوه ل هه‌رێم و عيراق و سوريا و لوبنان زێده بكه‌ت، “ئارمانجا مه ژى ئورۆپا ژناڤبرنا داعش و تيرۆرێ يه، به‌لێ نابيت ل دۆر ئيرانێ هوسا ب ساناهى بهێينه خاپاندن، هه‌كه مه ده‌ستێوه‌ردان كر و رێ ب ڤێ هێرشا دوژمنكارى بۆ سه‌ر كوردان نه‌دا و ب له‌ز رێ ل هه‌مبه‌ر گرت، ئه‌ڤه ئانكو ئاراسته‌كرنا نامه‌كێ بۆ ئيرانێ ب ناڤه‌رۆكا ره‌تكرنا ده‌ستێوه‌ردانا وێ ل سه‌ر وێ هه‌رێمێ”.
ئه‌ڤرۆ نیوز:
وه‌زیرا كۆچ و كۆچبه‌ران یا دانیماركێ سه‌ره‌دانا ناڤه‌نده‌كا كۆچبه‌ران كر لێ كوته‌ك ب ره‌ڤا خوه را گه‌هشت.
ئینگه‌ر ستۆیبه‌رگێ سه‌ره‌دانا ناڤه‌نده‌كێ كر كو چل كۆچبه‌رێن مافێ په‌نابه‌رییا وان هاتییه ره‌ت كرن و ل به‌ندا ده‌رسنۆركرنێ نه دحه‌وینیت، لێ كۆچبه‌رێن تۆره بزاڤ كر به‌رهنگاری وه‌زیرێ ببن، زێره‌ڤان و پۆلیسێن دانیماركی هه‌ر زوو به‌ری هێرشی وێ بهێته كرن ده‌ستوه‌ردان كر و وه‌زیر ژ ناڤه‌ندێ ده‌رخست.
تشتێ كۆچبه‌ر هان داین كو ب وی ره‌نگی سه‌ره‌ده‌ریێ بكه‌ن ئه‌و بوو كو وه‌زیرێ بریار دا ژ وان چل كۆچبه‌ران بتنێ د گه‌ل خێزانه‌كا كورد كۆم ببیت و ل دووڤ دا ده‌نگۆ به‌لاڤ بوو كو دێ مافێ په‌نابه‌ریێ ب وی خێزانا كورد هێته دان.
كۆچبه‌ران نه‌رازیبوونا خوه ژ ده‌ركه‌فتنا ستۆیبه‌رگێ بێ دیتنا وان ده‌ربری و د گه‌ل پۆلیسان په‌ڤچوون چێبوون.
نيشاندان