ئەڤرۆ نیۆز،زنار تۆڤی:
ژێدەرەکێ ژ راگه‌هاندنا فه‌رمانده‌یا هێزێن پشتەڤانیا ئێک دیارکر:ئەڤرۆ سێشەمبی هێزێن حه‌شدا شه‌عبی ل مه‌خمور بەرەف بازارگه هاتینە و هێرشکریە سەر سه‌نگه‌رێن هێزێن پێشمه‌رگه‌ی،بەلێ فه‌رمانده‌یا هێزێن پشتەڤانیا ئێک بەرسنگێ هێرشا وان گرتیە و ٢ هه‌مه‌رێن وان سووتینە و هژماره‌ک ژی ژێ کوشتینە و چەندین چەکدارێن وان ژی ب دیل گرتینە،هەروەسا ب مخابنی ڤە پێشمه‌رگه‌کێ فه‌رمانده‌یا هێزێن پشتەڤانیا ئێک شه‌هیدبوویه.
ئەڤرۆ نیۆز،زنار تۆڤی:
ئەڤرۆ سێشەمبی 24.10.2017 کۆمبوونا پەرلەمانێ کوردستانێ ب دووماهی هات و تێدا بریار هاتەدان کو هەردو هەلبژارتنێن پەرلەمانێ کوردستانێ و سەرۆکایەتیا هەرێما کوردستانێ بۆ ماوێ 8 هەیڤان بهێنە پاشخستن.
هەروەسا ژ سەرجەمێ 111 پەرلەمانتاران 68 ژ وان د وێ کۆمبوونێدا ئامادەبووینە،ژ وان ژی 60 پەرلەمانتاران ب بەلێ و 8 پەرلەمانتاران ژی ب نەخێر دەنگێ خۆ دایە.
ئه‌ڤرۆ نیوز ، نه‌وزاد هلۆرى:
رونشتنا په‌رله‌مانێ كوردستانێ داوى هات و ئه‌ندامه‌كا په‌رله‌مانێ كوردستانێ ژى دیاركر كو دەما خولا پەرلەمانێ کوردستانێ بو دوو وەرزان هاتە درێژکرن ، ئانکو هه‌لبژاردنێن په‌رله‌مانێ كوردستانێ بو دوو وه‌رزان پاشئێخستن كو هه‌شت هه‌یڤن.
دڤى واریدا “ڤیان عه‌باس ” ئه‌نداما په‌رله‌مانێ كوردستانێ بو ئه‌ڤرۆ نیوز گۆت: (ئه‌ڤرۆ په‌رله‌مانێ كوردستانێ لسه‌ر چه‌ند پرسه‌كان كومبو و د كومبوونێ دا دانوستاندن لسه‌ر پرسا درێژکرنا ژیێ پەرلەمانێ کوردستانێ و پاشئێخستنا په‌رله‌مان و سه‌رۆكاتیا هه‌رێما كوردستانێ هاته‌كرن ، و ل داویێ ژیێ پەرلەمانی هات درێژکرن بو دوو خولێن دن ، ئانکو هه‌لبژاردن بو دوو وه‌رزان هاته پاشئێخستن )
زێده‌تر گۆت: ( هه‌ر د كومبوونا ئه‌ڤرۆ یا په‌رله‌مانێ كوردستانێ دا بێگه‌رد تاله‌بانى وه‌كو سكرتێرا هه‌میشه‌یى یا په‌رله‌مانێ كوردستانێ هاته هه‌لبژاردن ، و دیسان هنده‌ك په‌رله‌مانتارێن نو ده‌ستبكاربوونا وان هاته په‌سه‌ندكرن شوونا وان په‌رله‌مانتارێن ده‌ست ژ كاركێشایى)
ڤیان عه‌باس دیاركر ژى كو ژ سه‌رجه‌مێ 111 په‌رله‌مانتاران 68 په‌رله‌مانتار پكداربوون و ژ وانان ژى 60 په‌رله‌مانتاران ده‌نگ بو پاشئێخستنا هه‌لبژاردنان دا و 8 په‌رله‌مانتاران ژى ب نه‌خێر ده‌نگ بو دا.
دهێته زانین هه‌ر وه‌رزه‌كێ په‌رله‌مانێ كوردستانێ چوار هه‌یڤن ، ئانكو هه‌لبژاردنێن سه‌رۆكاتیا هه‌رێما كوردستان و په‌رله‌مانێ كوردستانێ دێ بو هه‌شت هه‌یڤێن دن هاتنه پاشئێخستن.
ئه‌ڤرۆ نیوز ، نه‌وزاد هلۆرى:
وه‌زاره‌تا پێشمه‌رگه‌ى راگه‌هاندنه‌ك به‌لاڤكر دیاركر كو هێزێن حه‌شد شه‌عبى و عیراقێ دخوازن كو پێگریێ ب رێكه‌فتن و هێلا ته‌ماس نه‌كه‌ن ، وخویادكه‌ت ژى كو پێشره‌وى و كومكرنا هێزان بو ده‌ڤه‌رێن ئاریشه‌دار رامانه كو ئه‌وان نیه‌تێن خراپ هه‌نه و دخوازن كه‌رامه‌تا خه‌لكێ كوردستانێ تێكبده‌ت ، به‌لێ پێشمه‌رگه بو به‌ره‌ڤانیكرن ل خاكا كوردستان و كه‌رامه‌ت و ژیانا وه‌لاتیان د به‌رهه‌ڤیێ دایه.
ده‌قا راگه‌هاندنا وه‌زاره‌تا پێشمه‌رگه‌ى
پشتى روودانێن پارێزگه‌ها كه‌ركوك و پێشڤه‌چونێن حه‌شد شه‌عبى و هێزێن عیراقێ ل هه‌موو ده‌ڤه‌رێن كو ئاریشه لسه‌ر هه‌یى ، وه‌كو دیاره كو ئه‌و هێز گوهداریا چوو رێكه‌فتنان بو دیاركرنا هێلا ته‌ماس ناكه‌ن و ل سه‌ر لڤین و كومكرنا هێزێن خوه بو وان ده‌ڤه‌ران د به‌رده‌وامن.
ئه‌ڤ لڤینێن حه‌شد و دوپاتكرنا پێشڤه‌چوون و رێزنه‌گرتن ل رێكه‌فتان ، ئاماژه‌یه‌كا روونه كو یوان نیه‌ته‌كا خرابا هه‌یه‌و دخوازن كو كه‌رامه‌ت و شكومه‌ندى یا خه‌لكێ كوردستانێ بنپێ بكه‌ن ، ژبه‌رڤێ بو هه‌موو لایه‌كێ دوپات دكه‌ین كو ئه‌ڤ ره‌فتارێن میلشیاتێن حه‌شد شه‌عبى و هێزێن عیراقى ب چوو شێوه‌یان جهێ قبولكرنێ نینه و پێشمه‌رگه ب هه‌موو شیانێن خوڤه به‌ره‌ڤانیێ ل خاكا كوردستان و ژیان و كه‌رامه‌تا خه‌لكى دكه‌ت.
ئەڤرۆ نیۆز،زنار تۆڤی:
وەزارەتا پێشمەرگەی رادەگەهینیت،کو حەشدا شەعبی و هێزێن عێراقی سەرەرای رێککەفتنێ لێ هەر پێشرەویێ دکەن،وان نیازەکا خراپ هەیە و وان دڤێت کەرامەت و شکۆیا خەلکێ کوردستانێ پێشێل بکەن.
راگەهاندنەک ژ وەزارەتا پێشمەرگەی:
پشتی روودانێن پارێزگەها کەرکووکێ و پێشڕەویێن حەشدا شەعبی و هێزێن عێراقی ل سەرجەم دەڤەرێن ناکۆکی ل سەر، وەکو دیار ئەو هێزە گوهدانێ ب هیچ جۆرە رێککەفتنەکێ بۆ دیارکرنا هێلا تەماسێ نادەن و ژ جموجۆلێن خۆ و کۆمکرنا هێزێ ل وان ناوچەیان د بەردەوامن.
ئەڤ جموجۆلا هێزێن حەشدێ و پێداگریا وان بۆ پێشڕەویێ ڕێزنەگرتنە ل رێککەوتنان، ئاماژەیەکا ڕوونە کو وان نیازەکا خراپ هەیە و وان دڤێت کەرامەت و شکۆیا خەلکێ کوردستانێ پێشێل بکەن.
لەورا بۆ هەموو لایەکێ دووپات دکەینە،کو ئەڤ رەفتارێن میلیشیاتێن حەشدێ و هێزێن عێراقی ب هیچ شێوەیەکێ قابیلی قبولی نینن و پێشمەرگە ب هەموو شیانان دێ بەرگریێ ژ ئاخا کوردستانێ و ژیان و کەرامەتا خەلکێ کەت.
وەزارەتا پێشمەرگەهێ حوکمەتا هەرێما کوردستانێ
24.10.2017
ئه‌ڤرۆ نیوز ، هلورى:
ده‌مه‌ك به‌ریا نها ل هه‌ولێر د كونگره‌یه‌كێ رۆژنامه‌ڤانى دا دیاركر كو ئه‌و وه‌كو ئێكگرتوویا ئیسلامى یا كوردستانێ دێ پشكداریێ د جڤینا ئیرو یا په‌رله‌مانێ كوردستانێ كه‌ن و به‌رهه‌ڤ ژى هه‌تاكو شه‌ش هه‌یڤان ژیێ په‌رله‌مانێ كوردستانێ ژى درێژ بكه‌ن.
ئه‌بوبه‌كر هه‌له‌دنى سه‌رۆكێ فراكسوونا ئێكگرتوویا ئیسلامى یا كوردستانێ د كونگره‌یه‌كێ ریژنامه‌ڤانى ل باره‌گایێ په‌رله‌مانى ل هه‌ولێر دیاركر كو ژبو ده‌ربازكرنا بارودوخێ نهایێ كوردستانێ ئه‌و دێ پشكداریێ د جڤینا ئیرو یا په‌رله‌مانێ كوردستانێ كه‌ن و گۆت: ( فراكسوونا ئێكگرتوو یا به‌رهه‌ڤه كو ژیێ په‌رله‌مانێ كوردستانێ بو ده‌ما پێنج بو شه‌ش هه‌یڤان درێژ بكه‌ت و ژبلى ئه‌ڤى ماویى ئێكگرتوو پشكدار نابیت ژبه‌ركو درێژكرنا ژیێ په‌رله‌مانێ كوردستانێ بو زێده‌تر ژ ڤى ده‌مى دێ بیته سه‌ده‌ما زێده‌تر یا درۆستبوونا ئالوزیان ل كوردستانێ)
زێده‌تر گۆت: ( هه‌موو به‌رهه‌ڤیێن هه‌لبژاردنان ژلایێ كومسیوونێ هاتینه راگرتن ، گه‌له‌ك یا ب زه‌حمه‌ته هه‌لبژاردن ل ده‌ما خوه دا بهێنه‌كرن )
ئه‌ڤرۆ نيوز:
سپێده‌هيا ئه‌ڤرۆ عه‌لى عه‌بدولا ئێك ژ دامه‌زرێنه‌رێن سه‌ره‌كى يێن پارتى ديموكراتى كوردستان ل نه‌خۆشخانا هه‌ولێر گيانێ خوه ژ ده‌ست دا.
ب گۆره‌ى پێزانينان ئه‌ڤرۆ ته‌رمێ عه‌لى عه‌بدولا ناهێته ڤه‌شارتن و چاڤه‌رێ دهێته كرن خوه ل كه‌سوكارێن وى بگرن، هه‌تا ژ ده‌رڤه‌ى وه‌لاتى ڤه‌گه‌رن.
عه‌لى عه‌بدولا جێگرێ به‌رى يێ پارتى ديموكراتى كوردستان بوو، ئێك بوو ژ شوره‌شگێرێن كوردستانێ كو پتريا ژيانا خوه ل چيايى بۆ خزمه‌تكرنا وه‌لاتێ خوه ته‌رخان كربوو.
ئه‌ڤرۆ نيوز، نيوار محه‌مه‌د سه‌ليم:
ئه‌ندامه‌كا په‌رله‌مانێ كوردستانێ راگه‌هاند كو هه‌رسێ فراكسيۆنێن پارتى و ئێكه‌تى و ئێكگرتوو ل سه‌ر درێژكرنا ماوێ قانوونى يێ په‌رله‌مانى رێكه‌فتن.
ئامينا زكرى، جێگرا سه‌رۆكا فراكسيۆنا پارتى ديموكراتى كوردستان ل په‌رله‌مانێ كوردستانێ راگه‌هاند كو هه‌رسێ فراكسيۆنێن پارتى ديموكراتى كوردستانێ و ئێكه‌تى نشتيمانى كوردستان و ئێكگرتوو ئيسلامى كوردستان ل سه‌ر زێده‌كرنا ماوێ په‌رله‌مانێ كوردستانێ ب ره‌نگه‌كێ قانوونى رێكه‌فه‌فتن.
ئامينا زكرى د داخۆيانيا خوه دا ئاشكه‌را كر كو ماوێ په‌رله‌مانێ كوردستانێ بۆ دو خولێن دى ب ره‌نگه‌كێ قانوونى هاته درێژكرن.
بڕياره ئه‌ڤرۆ په‌رله‌مانێ كوردستانێ ب روونيت و تێدا سه‌ره‌راى هه‌لبژارتنا سكرتێره‌كێ به‌رده‌وام بۆ په‌رله‌مانێ كوردستانێ، چه‌ند ئه‌ندام په‌رله‌مانێن نوو سووندا قانوونى ب خوه‌ن و ده‌ست ب كار بن.
د بڕگه‌كا دى يا به‌رنامێ كارى دا دێ ده‌نگى ل سه‌ر پرۆژێ درێژكرنا ماوێ كاركرنا گه‌را چارێ يا په‌رله‌مانێ كوردستانێ ده‌ن.
ئه‌ڤرۆ نیوز ، هلورى:
گرۆپه‌كێ ناڤا حه‌شد شه‌عبى داخوازا ده‌ركرنا هێزێن ئه‌مریكى ل عیراقێ دكه‌ن و دده‌ن دیاركرن كو نها شه‌رێ داعش داوى هات و پێدڤى ب وان نه‌مایه.
خه‌زعه‌لى ژ گرۆپێ عه‌سائیب ئه‌هلول حه‌ق یا سه‌ر ب حه‌شد شه‌عبى لسه‌ر تورا جڤاكى یا توێته‌رێ دیاركر كو پێدڤى یه وه‌زیرێ ده‌رڤه‌یێ ئه‌مریكا وێ یه‌كێ بزانیت كو دڤێت عیراقێ بجهـ بهێلیت و هێزێن ئه‌مریكا دڤێت دنهادا به‌رهه‌ڤیان بكه‌ن بو چونه ده‌رڤه‌یا لسه‌ر ئاخا عیراقێ.
ژلایێ یه‌كێ دن ڤه هادى عامرى سه‌ركرده‌یێ میلشیاتێن حه‌شد شه‌عبى دلگرانیا خوه ل داخویانیا وه‌زیرێ ده‌رڤه‌یێ ئه‌مریكا ده‌ربرى و دیاركر كو پێدڤى یه تێله‌رسوون داخوازا لێبورینێ بكه‌ت دژى ئه‌وان داخویانێن كو وى به‌رامبه‌ر حه‌شد شه‌عبى كرى.
دهێته زانین د سه‌ره‌دانا خوه دا بو به‌غدا وه‌زیرێ ده‌رڤه‌یێ ئه‌مریكا داخواز ل عه‌بادى كر بو كو گرۆپێن میلشیاتێن ئیرانى و هێزێن دن یێن بیانى و راوێژكارێن وان ژى دڤێت عیراقێ ده‌ركه‌ڤن و عیراق كونترولا ده‌ڤه‌رێ بكه‌ت.
ئه‌ڤرۆ نيوز، نيوار محه‌مه‌د سه‌ليم:
فه‌رمانده‌كێ پێشمه‌رگێ كوردستانێ راگه‌هاند كو ئه‌ڤرۆ سپێدێ چه‌كدارێن حه‌شدا شيعى هێرشى سه‌ر سه‌نگه‌رێن پێشمه‌رگه‌ى كرن ل ميحوه‌رێ مه‌حموديێ نێزيك ره‌بيعه، به‌لێ پێشمه‌رگێن كوردستانێ به‌رسينگێ هێرشێ گرت و تێكشكاند.
ئه‌ڤى فه‌رماندێ پێشمه‌رگێ كوردستانێ گۆتژى: “چه‌كدارێن حه‌شدا شيعى هێرشى سه‌ر سه‌نگه‌رێن پێشمه‌رگه‌ى كرن ل ده‌ڤه‌را مه‌حموديێ نێزيك ره‌بيعه، به‌لێ ژ لايێ فه‌رماندا له‌شكرێ تايبه‌تێ ئێك و گۆلان ڤه ب سه‌رپه‌رشتيا مه‌نسور بارزانى هاته تێكشكاندن و زيان ژى گه‌هاندنه چه‌كدارێن حه‌شدێ”.
ئه‌ڤى فه‌رماندێ پێشمه‌رگه‌ى يێ ئه‌ڤرۆ نيوز پاراستن ل سه‌ر گۆتنا ناڤێ وى كرى، خۆيا ژى كر كو د ڤێ هێرشێ دا هه‌مه‌ره‌ك و دو جێب هاتينه سۆتن و هێرشا وان هاته پاشڤه‌برن.
نه‌ڤه‌شارت ژى كو هێزێن وان يێن د ئاماده‌باشيێ دا و نوكه چه‌كدارێن حه‌شدا شيعى پاشڤه‌چووينه، به‌لێ يا ديار نينه كا دێ دووباره هێرشێ كه‌ن يان ژى نه.
نيشاندان