ئه‌ڤرۆ نيوز:

به‌رى ده‌مه‌كێ كێم كۆمبوونا په‌رله‌مانێ كوردستانێ ب ره‌نگه‌كێ گرتى ده‌سپێكر، به‌لێ ژ ئه‌گه‌رێ نه‌رازيبوون و فه‌وزايێ كۆمبوون هاته‌ پاشخستن بۆ پشتى ده‌مژمێره‌كا دى.

ناما مه‌سعود بارزانى سه‌رۆكێ هه‌رێما كوردستانێ د كۆمبوونێ دا هاته‌ خواندن و بڕياره‌ پارڤه‌كرنا ده‌سته‌لاتێن سه‌رۆكێ هه‌رێما كوردستانێ ل سه‌ر ده‌زگه‌هێن گشتى (سه‌رۆكاتيا جڤاتا وه‌زيران و سه‌رۆكێ جڤاتا وه‌زيران و جڤاتا دادوه‌رى و سه‌رۆكاتيا په‌رله‌مانى) بهێته‌ پارڤه‌كرن.

ئه‌ڤ ئالوزيه‌ ژ ئه‌نجامێ نه‌رازيبوونا بزاڤا گۆڕان هات كو خواست بۆ ماوێ 60 رۆژان سه‌رۆكێ په‌رله‌مانى ده‌سته‌لاتێن سه‌رۆكێ په‌رله‌مانى بگريته‌ ده‌ست، به‌لێ هه‌موو فراكسيۆنێن دى ژبلى كۆمه‌لێ د نه‌رازى نه، ژ به‌ر كو سه‌رۆكێ په‌رله‌مانێ ل په‌رله‌مانى ئاماده‌ نابيت و ژ به‌ر هندێ نابيت ده‌سته‌لاتێن سه‌رۆكێ هه‌رێمێ ژى بگريته‌ ده‌ست.

ئه‌ڤرۆ نیوز، نه‌وزاد هلۆرى:

فراكسوونا ئێكگرتوویا ئیسلامیا كوردستانێ گورانكارى ل ده‌سته‌یا فراكسوونا خوه‌ ل په‌رله‌مانێ كوردستانێ كر و به‌هزاد ده‌روێش وه‌كو سه‌روكێ فراكسوونا ئێكگرتوو هاته‌ هه‌لبژاردن.

دڤى واریدا” به‌هزاد ده‌روێش زێبارى” سه‌رۆكێ نویێ فراكسوونا ئێكگرتوو یا ئیسلامیا كوردستانێ د كونگره‌یه‌كێ رۆژنامه‌ڤانى دا دیاركر كو ئه‌و دێ ب هه‌مان شێوه‌یێ چوار سالێن بورى كارێن خوه‌ ژ بوو خزمه‌تا گه‌لێ كوردستانێ كه‌ن و گۆت: ( گورانكارى د ناڤا فراكسوونا ئێكگرتوویا ئیسلامیا كوردستانێ ب شێوه‌یه‌كێ ئاشكرا و ئازاد هاتیه‌كرن پشتى كو سه‌رۆكێ فراكسوونا ئێكگرتوو ئه‌بوبه‌كر هه‌له‌دنى ده‌ست ژ كارێ خوه‌ به‌ردایى”

زێده‌تر گۆت: ( فراكسوونا ئێكگرتوو پێشتر ب شێوه‌یه‌كێ رێك و پێك كار و خزمه‌ت بو هه‌موو پرسێن نیشتمانى و نه‌ته‌وه‌ى و خزمه‌تا گه‌لێ كوردستانێ كار كریه‌ و ب هه‌مان شێوه‌ دێ درێژیێ ب كارێن خوه‌ د دوو وه‌رزێن بهێت ژى یێن درێژكرنا ژیێ په‌رله‌مانێ كوردستانێ كه‌ت )
دهێته‌ زانین كو ده‌سته‌یا نوویا فراكسوونا ئێكگرتوو پێكدهێت ژ به‌هزاد ده‌روێش وه‌كو سه‌رۆكێ فراكسوونێ ، بهار عه‌بدولره‌حمان وه‌كو جێگرێ سه‌روكێ فراكسوونێ هاتنه‌ دیاركرن.

ئه‌ڤرۆ نيوز:

ئامينا زكرى جێگرا سه‌رۆكا فراكسيۆنا پارتى ديموكراتى كوردستان راگه‌هاند كو مه‌سعود بارزانى سه‌رۆكێ هه‌رێما كوردستانێ ده‌ست ژ كار كێشانا خوه‌ راناگه‌هينيت، به‌لكو د نامه‌كێ دا بۆ په‌رله‌مانێ كوردستانێ داخۆاز كريه‌ كو ئه‌و ئێدى ناخوازيت ماوێ وى بهێته‌ نووكرن يان ژى قانوون بهێته‌ راستڤه‌كرن و ئه‌و د پۆستێ خوه‌ دا بمينيت.

ڤيان عه‌باس، ئه‌نداما په‌رله‌مانێ كوردستانێ ل سه‌ر فراكسيۆنا پارتى ديموكراتى كوردستان ژى بۆ ئه‌ڤرۆ نيوز گۆت: “پۆستێ سه‌رۆكێ هه‌رێما كوردستانێ نامينيت و ب تنێ دێ ديوانا سه‌رۆكاتيا هه‌رێمێ مينيت و ده‌سته‌لاتێن سه‌رۆكێ هه‌رێما كوردستانێ ژى دێ ب سه‌ر ده‌سته‌لاتێن گشتى يێن هه‌رێمێ دا هێنه‌ به‌لاڤكرن.

ئه‌ڤرۆ نيوز:

هێمن هه‌ورامى شيره‌تكارێ مه‌سعود بارزانى سه‌رۆكێ هه‌رێما كوردستانێ د نامه‌كێ دا بۆ په‌رله‌مانێ كوردستانێ داخواز كريه‌ و ژڤانێ هه‌لبژارتنێن داهاتى يێن په‌رله‌مان و سه‌رۆكاتيا هه‌رێمێ بۆ حه‌فتى هه‌يڤا كانوونا ئێكێ يا ئه‌ڤ ساله‌ بهێته‌ پاشخستن.

هێمن هه‌ورامى د تويته‌كێ دا ل ئه‌كاونتێ خوه‌ يێ فه‌رمى يێ تۆڕا جڤاكى يا تويته‌رى راگه‌هانديه‌، بارزانى داخواز كريه‌ كو هه‌لبژارتنێن داهاتى يێن په‌رله‌مان و سه‌رۆكاتيا هه‌رێمێ كو بڕياره‌ ل ئێكێ چريا دويێ يا داهاتى دا بهێته‌ ئه‌نجام دان بۆ 12ى تيرمه‌ها سالا بهێت بهێته‌ پاشخستن.

هه‌ر ديسا نڤيسيه‌ كو “په‌رله‌مانى كارێن خوه‌ بۆ دو وه‌رزێن دى درێژكرن، سه‌رۆك بارزانى ره‌تكريه‌ كو ب چو ره‌نگه‌كى ماوێ سه‌رۆكاتيێ بهێته‌ درێژكرن، يان چو راستڤه‌كرن بۆ بهێنه‌ كرن. ئه‌وى نامه‌ك بۆ په‌رله‌مانى هنارتيه‌”.

President Barzani called for Parliament/ President elections on12/7 to be held in Nov 1. Parliament extended its work 4 two seasons. President Barzani refused to get any extension, or any amendments. He sent a letter to the Parliament today. Parliament convene Tomorrow.

— Hemin Hawrami (@heminhawrami) October 28, 2017

ئه‌ڤرۆ نيوز:

ئه‌ڤرۆ نيوز پرۆژێ پارڤه‌كرنا ده‌سته‌لاتێن سه‌رۆكاتيا هه‌رێمێ ب سه‌ر ده‌زگه‌هان دا به‌لاڤ دكه‌ت.

ب گۆره‌ى ئه‌و پێزانينێن هه‌ين، ده‌سته‌لاتێن سه‌رۆكێ هه‌رێما كوردستانێ هه‌تا خولا پێنجێ يا په‌رله‌مانێ كوردستانێ دێ ل سه‌ر جڤاتا وه‌زيران و ده‌سته‌لاتا دادوه‌رى و په‌رله‌مانێ كوردستانێ دا هێنه‌ پارڤه‌كرن.

ده‌قێ پرۆژێ قانوونێ:

ماددێ ئێكێ:

ده‌سته‌لاتێن سه‌رۆكاتيا هه‌رێمێ هه‌تا هه‌لبژارتنێن سه‌رۆكێ هه‌رێمێ و خولا پێنجێ يا په‌رله‌مانێ كوردستانێ دێ ب سه‌ر دامه‌زراوێن گشتى يێن هه‌رێمێ هێنه‌ به‌لاڤكرن و ب ڤى ره‌نگى:

ئێك: په‌ياده‌كرنا ئه‌رك و ده‌سته‌لانێن هاتى ژ حوكمێ ماددێ ئێك و دو ديسا برگێن (دو، شه‌ش، يازده‌، پازده‌، هه‌ژده‌، نوزده‌) ژ مادێ ده‌هێ يێ قانوونا سه‌رۆكاتيا هه‌رێما كوردستانێ عيراقێ ژماره‌ (1) يا سالا (2015) يا راستڤه‌كرى دێ ل لايێ سه‌رۆكێ جڤاتا وه‌زيران بيت.

دو: په‌ياده‌كرنا ئه‌رك و ده‌سته‌لاتێن هاتى ژ برگێن (سێ، چار، پێنج، حه‌فت، هه‌شت، هه‌ڤده‌) ژ ماددێ ده‌هێ يێ قانوونا سه‌رۆكاتيا هه‌رێما كوردستانا عيراقێ ژماره‌ (1) يا سالا (2005) يا راستڤه‌كرى دێ ل لايێ سه‌رۆكاتيا جڤاتا وه‌زيران بن.

سێ: په‌ياده‌كرنا ئه‌رك و ده‌سته‌لاتێن هاتى ژ برگا (ئێك/2، چارده‌) ژ ماددێ ده‌هێ يێ قانوونا سه‌رۆكاتيا هه‌رێما كوردستانا عيراقێ ژماره‌ (1) يا سالا (2005) يا راستڤه‌كرى دێ ل لايێ ده‌سته‌يا سه‌رۆكاتيا په‌رله‌مانى بيت.

چار: په‌ياده‌كرنا ئه‌رك و ده‌سته‌لاتێن هاتى ژ برگا (دوازده‌، سێزده‌، شازده‌) ژ ماددێ ده‌هێ يێ قانوونا سه‌رۆكاتيا هه‌رێما كوردستانا عيراقێ ژماره‌ (1) سالا (2005) يا راستڤه‌كرى دێ ل لايێ جڤاتا دادوه‌رى بيت.

ماددێ دويێ:

ديوانا سه‌رۆكاتيا هه‌رێمێ دێ ل سه‌ر كاروئه‌ركێن خوه‌ يا به‌رده‌وام بيت.

ماددێ سيێ:

ئێك: كاركرن ب قانوونا سه‌رۆكاتيا هه‌رێما كوردستانێ عيراقێ ژماره‌ (1) يا سالا (2005) يا راستڤه‌كرى دێ هێته‌ راگرتن هه‌تا هه‌لبژارتنێن سه‌رۆكاتيا هه‌رێمێ و خولا پێنجێ يا په‌رله‌مانێ كوردستانێ.

دو: ئه‌ڤ قانوونه‌ دێ هێته‌ ب كارئينان هه‌تا هه‌لبژارتنێن سه‌رۆكاتيا هه‌رێمێ و خولا پێنجێ يا په‌رله‌مانێ كوردستانێ.

ماددێ چارێ:

كار ب چو ده‌قه‌كێ قانوونى يان بڕياره‌كێ ناهێته‌ كرن و هه‌ڤدژى ئه‌حكامێن ڤێ قانوونێ بيت.

ماددێ پێنجێ:

ئه‌ڤ قانوونه‌ د ماوێ (10) رۆژان دا ژ رۆژا په‌سه‌ندكرنێ دێ ژ لايێ ده‌سته‌يا سه‌رۆكاتيا په‌رله‌مانى هێته‌ ده‌رخستن و ل رۆژا ده‌رچوونێ دێ هێته‌ بجهئينان، ل رۆژناما فه‌رمى يا وه‌قائعى كوردستان هێته‌ به‌لاڤكرن.

ئەڤرۆ نیوز، نه‌وزاد ھلۆری:
رێڤەبەریا گشتی یا کەشناسی و بيڤەلەرزێ ل ھەرێما کوردستانێ د راگەھاندنەکێ دا ئاماژە ب بەردەوامبوونا تۆزبارينێ ل باژێر و باژێرکێن ھەرێما کوردستانێ کر و ئەگەرێن وێ ژی دیارکرن.

ب گورەی راگەھاندنەکا رێڤەبەریا گشتی یا کەشناسی و بيڤه‌له‌رزێ ل ھەرێما کوردستانێ کو وەکو ھوشیداری بۆ وەلاتیێن ھەرێما کوردستانێ بەلاڤکریە دیارکر کو ژ ئەگەرا کارتێکریێن پلەیێن نزم و فشارێن لاوازێن دەریا سۆر و زێدەبوونا لەزاتیا بایی، بوویە سەدەما بلندبوونا توزێ ل ھندەک باژێر و باژێرکێن ھەرێما کوردستانێ.

خۆيا ژى كريه‌ كو شەڤا بوری دووراتیا بینینێ ل ھەولێر ھەشت کیلومەتر بوون و ل دھۆک 800 مەتر بوون و ل زاخۆ شەش کیلومەتر بوون و ل کەرکووک پێنج کیلومەتربوون.

هه‌ر ب گۆره‌ى وێ راگه‌هاندنێ ئەڤرۆ دھێتە پێشبینیکرن ل دەڤەرێن چیایێن دھۆک و ھەولێر رێژەکا کێم یا بارانێ بباریت، ھەروەسا ل سلێمانیێ و کەرکووک و دەڤەرێن خوارێ ژی دێ لەزاتیا بای زێدە بیت بۆ 40کم د دەمژمێرەکێ دا، کو ئەڤ یەک ژی دێ بیتە سەدەما بلندبوونا توزێ.

شەڤا بۆری ژ ئەگەرێ تۆزبارينێ ل چەند دەڤەر و جھێن جودا ھژمارەکا وەلاتیان بۆ نەخوشخانان ھاتينە رەوانەکرن ب تایبەتی ئەو کەسانێن کو جورە حەساسیەک ل دەف ھەیی يان ژى بێهنا وان زوو ته‌نگ دبيت.