ئەڤرۆ نیۆز،زنار تۆڤی:
ل دەمێر 3 بەرێ سپێدەهیا ئەڤرۆ دوشەمبی 16/10/2017، ملیشیاتێن حەشدا شەعبی ل باژێرێ کەرکووکێ و ناحیا تازە ل باشۆرێ کەرکووکێ هێرش ئینایە سەر هێزێن پێشمەرگەی.
ل دووڤ زانیاریان کو باژێرێ تازە ناحیەکا تورکمانێن شیعەنشینە و ل دەستپێکا هاتنا داعشان ب هزاران چەکدارێن حەشدا شەعبی ل ڤی باژێری بووینە چەکدار.
هەر ڤێ سپێدێ چەکدارێن حەشدا شەعبی ب چەکێن گران هێزێن پێشمەرگەی بۆردومان کرن،د هەمان دەمدا هێزێن پێشمەرگەی ژی ب توندی بەرسڤا وان دا،هەروەسا چەکدارێن حەشدا شەعبی چەندین جاران هەولدان پێشرەویێ بکەن و پێشڤە بهێن،بەلێ پێشمەرگەی ب توندی هەولێن وان شکاند و زیانێن مەزن ژی گەهاندینێ.
دیسا هێزێن پێشمەرگەی ل سێ لایان ڤە گەمارۆیا حەشدا شەعبی دایە و ملیشیاتێن حەشدا شەعبی ب تنێ ژ ئێک لایڤە دشێن بەرەف حەویجە و دەڤەرێن دیتر ڤە بهێن،لێ پیشمەرگەی ئەو رێک ژی لێ گرتیە.
د ئەنجامێ وی شەری دا،پێشمەڕگەی چەندین ترۆمبێلێن حەشدا شەعبی سوتینە و نوکە ئاگرەکێ مەزن ژی بەربوویە بنگەهێن حەشدا شەعبی ل وی باژێری و هەروەسا وان چەندین کوشتی و بریندار ژی هەنە.
ئه‌ڤرۆ نیوز، هلورى:
پشتى كو سه‌روك وه‌زیرێن عیراقێ لسه‌ر په‌یچى خوه‌یێ تورا جڤاكى یا فێسبوكێ دیاركرى كو هه‌رێما كوردستانێ هێزێن په‌كه‌كێ ئینایه كه‌ركوكێ و ئه‌ڤ یه‌ك ژى دێ عیراقێ به‌ر ب شه‌ره‌كێ نافخوه‌ى به‌ت ، حكومه‌تا هه‌رێما كوردستانێ ره‌تكر كو چوو هێزێن په‌كه‌كێ ل كه‌ركوك هه‌بن.
ژێده‌ره‌كێ ژ حكومه‌تا هه‌رێما كوردستانێ نه‌ڤیا ناڤێ خوه بێژیت بو ئاژانسا رویته‌رز نوچه‌یێ هاتنا په‌كه‌كێ بو كه‌ركوك ره‌تكر و دیاركر كو ژبلى هێزێن سه‌ر ب وه‌زاره‌تا پێشمه‌رگه‌ى چوو هێزێن دن نه‌هاتینه كه‌ركوكێ و گۆت: ( چوو هێزه‌كان دن ژبلى هه‌موو وان هێزێن كو سه‌ر ب وه‌زاره‌تا پێشمه‌رگه‌ى نه‌هاتینه كه‌ركوك و وان ده‌ڤه‌رێن كو هاتینه رزگاركرن و وان ده‌ڤه‌رێن كو ئاریشه لسه‌ر هه‌یى)
ئه‌وى ژێده‌رى دیاركر ژى كو حكومه‌تا عیراقێ هێزێن دن ئیناینه سنوورێ كه‌ركوكێ مینا پاسدارێن سوپایێ ئیرانێ بو ناڤ وان جهێن كوه ێزێن حه‌شد شه‌عبى تێدا جێگیربوینه.
سه‌رۆكوه‌زیرێن ئیراقێ حه‌یده‌ر عه‌بادی، هه‌رێما كوردستانێ ب ئینانا په‌كه‌كێ بۆ ناڤ باژارێ كه‌ركووكێ سووچبار كر و هۆشداری دان كو ئه‌و یه‌كه و گاڤێن ب وی ره‌نگی دێ ئیراقێ به‌ر ب شه‌ره‌كێ ناڤخۆ ڤه به‌ن.
عه‌بادی و جڤاتا وه‌زیرێن ئیراقێ، هه‌رێم ب بزاڤێن پارچه‌كرنا ئیراقێ و ده‌ڤه‌رێ و چێكرنا ده‌وله‌ته‌كێ ل سه‌ر بنیاتێ نه‌ژادی سووچبار كر.
ئه‌ڤرۆ نیوز:
ئه‌ڤرۆ هه‌لبژارتنێن گشتی ل نه‌مسا هاتنه كرن و ئه‌نجامێن ده‌ستپێكی نیشان دده‌ن كو پارتییا پارێزگار یا سێبستییان كورزی ل رێزا ئێكێ دهێت و پارتا راسته‌ره‌و ل رێزا دوویێ.
ڤی ئه‌نجامی رێ ل هه‌مبه‌ری سێبه‌ستییان كورز یێ 31 سالی سه‌رۆكێ پارتییا پارێزگار خوه‌شكر ببیته شیره‌تكارێ وی وه‌لاتی كو مینا ئه‌لمانیا پۆستێ سه‌ره‌كی یه.
كورز ب توندی دژی ئه‌ندامبوونا توركیا یه د ئێكه‌تییا ئه‌ورۆپا دا و هه‌لوه‌سته‌كێ تا راده‌كی توند هه‌مبه‌ری كۆچبه‌ران هه‌یه و پێشنیاز كرییه هه‌ر چ كۆچبه‌رێ ب رێیا ئاڤێ بگه‌هیته ئه‌ورۆپا بۆ وه‌لاتێ وی بهێته ڤه‌گه‌راندن.
ئەڤرۆ نیۆز،زنار تۆڤی:
كۆمبوونا پارتی دیموكراتی كوردستان و ئێكه‌تیا نشتیمانی یا کوردستانی ب به‌لاڤكرنا راگه‌هاندنه‌كا هه‌ڤپشك ب دوماهی هات و تێدا راگه‌هاندیە،کو دێ ب ئێكرێزیێ ڤێ قۆناغێ ده‌رباز كه‌ین.
ئه‌ڤرۆ ئێکشەمبی 15.10.2017 ل هاڤینگه‌ها دوكان ل باژێرێ سلێمانیێ،پارتی دیمۆکراتی کوردستان و ئێكه‌تی نیشتیمانی کوردستان ب سه‌رپه‌رشتیا سه‌رۆك بارزانی و ب پشكداریا فوئاد مه‌عسومی سه‌رۆك كۆمارێ عێراقێ كۆمبوون و راگه‌هاندنه‌كا هه‌ڤپشكا پێنج خالی به‌لاڤكر و تێدا هاتیە،کو هه‌ردو لا ل سه‌ر ئێكرێزی و ئێكده‌نگیا گه‌ل و ئالیێن سیاسی رێككه‌فتینه و ئاماده‌یا كوردستانێ ژی بۆ چاره‌كرنا هه‌موو كێشه‌یێن ل گه‌ل به‌غدا و ده‌ستپێكرنا دانوستاندنێن بێ مه‌رج نیشاندایه.
د خاله‌كا دی یا كۆمبوونێ دا هاتیه كو نوکەژی كوردستان یا ئاماده‌یه ل گۆری به‌رژه‌وه‌ندیێن هه‌ڤپشك و پره‌نسیپێن دستووری كێشه‌یێن هه‌ولێر و به‌غدایێ بهێنه چاره‌كرن و پێدڤیه هه‌موو ئالیێن سه‌ره‌كی یێن كوردستان و عێراقێ ب چاڤدێریا ئالیێن نێڤده‌وله‌تی پشكداری دانوستاندنان ببن.
هه‌روه‌سا د وێ کۆمبوونێدا ئاماژه ب هندێ دەیە، كو لڤاندنا هێزێن سه‌ربازی ل ده‌ڤه‌رێن كوردستانی ل دژی یاسا و دستووری یه و دێ مه‌ترسیێ ل سه‌ر چاره‌كرنا كێشه‌یان دروستكه‌ت و پێدڤیه ریێن ئاشتیانه بۆ چاره‌كرنا كێشه‌یان بهێنه بكارئینان.
ئه‌ڤرۆ نیوز ، نه‌وزاد هلورى:
سه‌رۆكى َحكومه‌تا هه‌رێما كوردستان و جێگرێ پارتى دیموكراتى كوردستان ل داویا كومبوونا پشكا دناڤبه‌را ئێكه‌تى و پارتى د كونگره‌یه‌كێ رۆژنامه‌ڤانى دا دیاركر كو ب چوو شێوه‌یان ئه‌نجامێن ریفراندۆما هه‌رێما كوردستانێ ناهێته هه‌لوه‌شاندن.
نێچیرڤان بارزانى سه‌رۆكى َحكومه‌تا هه‌رێما كوردستان و جێگرێ پارتى دیموكراتى كوردستان د كونگره‌یێ رۆژنامه‌ڤانى دا دیاركر كو كومبوونا وان یا سه‌ركه‌فتى و ئه‌رێنى بوویه گۆت: ( كومارا ئیسلامیا ئیرانێ باش ل بارودوخێ ده‌ڤه‌رێ دگه‌هیت و ئابلویه‌قا ئیرانێ ژبلى كو زیان بو سه‌ر ئیرانێ هه‌یه و دهه‌مان ده‌م ژى دا بو سه‌ر هه‌رێما كوردستانێ ژى هه‌یه ، و نابیت ئیران مه‌سه‌لێن كوردستانێ بكه‌ت ئابلوقه و د به‌رژه‌وه‌ندیا هه‌ردووان ژى دا نینه كو ئابلوقه بهێنه‌كرن ، و من دڤێت دوپات بكه مكو هه‌ره‌شه و ئابلوقه‌یێن ئیرانێ چوو گورانكاریان ناكه‌ت و تشته‌كێ ناگوهریت)
زێده‌تر گۆت: ( هه‌موو ئاریشه‌یێن كو دناڤبه‌را هه‌ولێر و به‌غدا بتنێ ب رێیا دانوستاندن دێ هێنه چاره‌سه‌ركرن ئه‌و ژى ب رێیا ئه‌جێندا و دانوستاندنێن ڤه‌كرى ، نه‌ك ب رێیا چه‌كى و هه‌ره‌شه‌یان ، و عیراق نكاریت چوو هه‌ره‌شه‌یێن سه‌ربازى ل هه‌رێما كوردستانێ بكه‌ت و حكومه‌تا عیراقێ نابیت خوه بێخیته شاشیه‌كێ و ئه‌و چوو بكه‌ن ژ حكومه‌تا سه‌رده‌مێ رژێما به‌عس ب هێزتر نابن)
بارزانى دیاركر ژى كو ب چوو ره‌نگ و شێوه‌یان ئه‌نجامێن ریفراندۆمێ ناهێنه هه‌لوه‌شاندن و دوپات ژى كر كو به‌رى نها چه‌ند جاران ئه‌وان لسه‌ر ڤێ یه‌كێ هه‌لویستێ خوه راگه‌یاندیه و ل بارا هه‌لبژاردنان ژى گۆت: ( لایه‌نێن سیاسى و كومسیوون و په‌رله‌مان دێ لسه‌ر ئه‌ڤێ مژارێ راوه‌ستن و ل وى ده‌مى دێ بریار لسه‌ر پاشێخستن یان ئه‌نجامدانا وێ هێـه‌دان)
ئه‌ڤرۆ نیوز ، هلورى:
ده‌مه‌ك به‌ریا نها ل قه‌زا دوكان یا سه‌ر ب پارێزگه‌ها سلێمانیى كومبوونا هه‌ڤپشكا پارتى و ئێكه‌تى داوى هات و ل داویا كومبوونێ راگه‌هاندنه‌كا هه‌ڤپشك به‌لاڤكر كو ژ پێنج خالان پێكدهات و ئه‌ڤا ل خوارێ ژى ده‌قا وێ یه.
ئێك:- دوپات ل ئێكرێزیا گه‌ل و هێزێن سیاسیێن كوردستانێ هاته‌كرن ، و دێ لسه‌ر ب رێڤه‌برنا هه‌ڤپشكیێ به‌رده‌وام بن دڤێ قوناغێ دا.
دوو:- كومبوونێ رژدبوونا خوه لسه‌ر چاره‌سه‌ركرنا تێكرا هه‌موو ئاریشه‌یان ب دانوستاندنێن بێ مه‌رج و ب به‌رپرسیاره‌تیا ئاڤاكه‌ر دناڤبه‌را هه‌ولێر و به‌غدا راگه‌هاند.
سێ:- هێزێن كوردستانێ نها ژى هه‌ر به‌رهه‌ڤه دانوستاندنێن بێ مه‌رج و ڤه‌كرى و ئاڤاكه‌ر ، لسه‌ر بنه‌مایێن به‌رژه‌وه‌ندیێن به‌غدا و هه‌ولێر و پرنسیپێن ده‌ستوورى بهێنه ئه‌نجامدان.
چوار:- كومبوون د به‌رژه‌وه‌ندیا هه‌موو لایه‌كێ دا دزانین ، كو لایه‌نێن سیاسیێن سه‌ره‌كیێن عیراق و كوردستانێ ، پشكداریا دانوستاندنێن دناڤبه‌را هه‌رێم و به‌غدا بكه‌ن ، هه‌روه‌سا لایه‌نێن نیڤده‌وله‌تى ژى چاڤدێریا پروسه‌یێ بكه‌ن.
پێنج:- لسه‌ر ئاریشه‌یێن سه‌ربازى و ئاسایشێ ژى ، ل ده‌ڤه‌رێن ده‌رڤه‌یێ هه‌رێما كوردستانێ ، یان هه‌ر جهه‌كێ دن ، هه‌موو جوره ده‌ستێوه‌ردانێن سه‌ربازى ، یان لڤاندنا هێز و هه‌ره‌شه‌یان ، ژبلى مه‌ترسیان بو سه‌ر هه‌رێم و به‌غدا هه‌یه ، د هه‌مان ده‌م دا هه‌ره‌شه‌یه لسه‌ر هه‌موو جوره بزاڤێن راستگویانه بو چاره‌سه‌ركرنا ئاشتیا ئاریشه‌یان ، هه‌روه‌سا ئێكسه‌ر پنپێكرنا قانون رێسایێ یه وه‌كو بریار لسه‌ر هاتیه‌دان ، و هێزێن چه‌كدارێن عیراقێ بو ئێكلاكرنا ئاریشه‌یێن سیاسیێن نافخوه بكاردئینیت.
ل داویێ ژى هه‌ردوو لایان سلاڤ بو پێشمه‌رگه‌یێن قاره‌مان هنارتن كو شكه‌ستن ب شه‌رێ داعشێ ئینایه ، و پێناسا پارێزه‌رێ جیهانێ وه‌رگرتیه و نها ژى دا سه‌نگه‌رێن به‌راهیێ بو ب ده‌ستڤه‌ئینانا ئارمانجایه.
ئه‌ڤرۆ نیوز ، نه‌وزاد هلۆرى:
ده‌مه‌ك به‌ریا نها كومبوونا دناڤبه‌را پارتى و ئێكه‌تى ل قه‌زا دوكان یا سه‌ر ب پارێزگه‌ها سلێمانیێ داوى هات و نێچیرڤان بارزانى و مه‌لا به‌ختیار ل داویا كومبوونێ كونگره‌یه‌كێ رۆژنامه‌ڤانى ئه‌نجام دا و ل گوره‌ى كونگره‌یێ وان ئه‌وان رێكه‌فتن لسه‌ر پێنج خالێن گرنگ كرینه.
مه‌لا به‌ختیار به‌رپرسێ ده‌سته‌یا كارگێرى یا مه‌كته‌با سیاسیا ئێكه‌تیا نیشتمانیا كوردستانێ دیاركر كو دكومبوونا دناڤبه‌را ئێكه‌تى و پارتى هه‌موو هه‌ره‌شه و بابه‌تێن روژه‌ڤێ گوتوبێژكرینه و گۆت: ( بو چاره‌سه‌ركرنا پرسێن دناڤبه‌را به‌غدا و هه‌ولێر هه‌موو بابه‌ت هاتینه به‌حسكرن و لسه‌ر كومه‌كا گرنگ یا بابه‌تان بریار لسه‌ر دایه و هاتینه به‌حسكرن ، و داكو رایا گشتى یا جیهانێ و عیراق و هه‌مو لا بزانن مه چه‌وا ئێكرێزى و دوستایا راسته‌قینه‌یا هێزێن دیموكراسى و شه‌راكه‌تا راسته‌قینه و چاره‌سه‌ركرنا راسته‌قینه دڤێت مه راگه‌هاندنه‌كا پێنج خالى نڤیسایه ، پێدڤى یه لسه‌ر به‌غدا ژى خواندنه‌كا هویر بو وان پێنج خالان بكه‌ت داكو بزانن كا نیگه‌رانیێن كوردستانێ چ نه داكو دانوستاندن لسه‌ر بهێنه‌كرن ، و وه‌كو چه‌وا به‌رى نها مه ب دانوستاندن چاره‌سه‌ریا هه‌ر تشتى كریه)
ئەڤرۆ نیۆز،زنار تۆڤی:
ئەڤرۆ ئێکشەمبی 15.10.2017 کۆمبوونا پارتی دیموکراتی کوردستان و ئێکەتیا نیشتمانی یا کوردستانێ ب سەرپەرشتیا سەرۆکێ ھەرێما کوردستانێ و ب بەرهەڤبوونا سەرۆک کۆمارێ عێراقێ ل دۆکان ل باژێرێ سلێمانیێ ب سەرکەفتیانە ب دوماهی ھات و ل سەر چەندین خالان رێککەفتینە.
کۆمبوونا ئەڤرۆ یا دناڤبەرا پارتی و ئێکەتیێ دا ب سەرپەرشتیا سەرۆک بارزانی سەرکەفتی بوویە و ھەردو لایان بریار دایە کو دێ پابەندی ئەنجامێن ریفراندۆمێ بن و ژێ پاشگەز نابن.
هەروەسا پارتی و ئێکەتی ل سەر هندێ رێککەفتینە کو ب ئێکگرتی گفتوگۆیێ ل گەل بەغدا بکەن، بەلێ ئێکلایەنانە گفتوگۆیێ ناکەن،هەڤدەم جەخت ل سەر هندێ کریه کو دێ ب گفتوگۆیێ کێشێن دناڤبەرا ھەرێما کوردستانێ و عێراق دا هێنە چارەسەرکرن.
نيشاندان