ئه‌ڤرۆ نیوز:
مه‌سعود بارزانی، سه‌رۆكێ هه‌رێما كوردستانێ به‌یانه‌ك ل دۆر بریارا گرتنا كۆسره‌ت ره‌سوولی ژ ئالیێ دادگه‌ها ئیراقێ ڤه به‌لاڤ كر، ئه‌ڤه ده‌قێ وی یه:
رۆژا پێنجشەمبی 19ـێ 10ـێ 2017 دادگەها لێكۆلینێ یا ڕەسافە یا بەغدا بڕیارا گرتنێ بۆ بەڕێز كاك كۆسرەت ڕەسوڵ جێگرێ گشتی یێ سكرتێری یەكێتیی نیشتیمانی كوردستانێ دەركر ب سووچا دەربڕینا بۆچوونا خوه ل سەر ڕوودانێن كەركووكێ.
ئەڤ بڕیارا دادگەها ڕەسافە كو بڕیاره‌كا سیاسییە ب ڕوونی نیشان دده‌ت كو ئەقلیەتا بالادەست ل بەغدا ب چ ره‌نگه‌كی یه. ئه‌و گه‌لێ بۆچوونا خوه ب ئاشتیانە دەرببڕیت دڤێت ب كۆم بهێته سزادان، كەسه‌ك رایا خۆی دەرببڕیت پێدڤییه بهێته گرتن. هەر ئەو ئەقلییەتەیە وه‌سا كری كو كەس نه‌شێت د گه‌ل وان دا بژیت.
بلا دەستهه‌لاتدارێن بەغدا ئازاد بن، چ بڕیارێ بده‌ن بلا بدەن لێ بلا بزانن ژی د شیانێن وان دا نینه تێكۆشەره‌كێ وەك كاك كۆسرەت و تێكۆشەرێن دی ژی بگرن و وان پێچێنابیت تشته‌كێ وه‌سا بكه‌ن.
ئه‌ڤرۆ نیوز:
د كۆمبوونه‌كا وه‌زاری دا ل مۆسكۆ، وه‌زیرێ چاندنێ یێ رۆسیا پێشنیاز كر كو رۆسیا گوشتێ به‌رازی هه‌نارده بكه‌ته ئیندۆنیزیا لێ سه‌رۆكی رۆسیا نه‌شیا خوه و كه‌نیێ خوه به‌ردا.
ڤلادیمێر پۆتینی ل ده‌مێ پێشنیاز بهیستی ئێكسه‌ر گۆت: ئیندۆنیزیا وه‌لاته‌كێ ئیسلامییه ئه‌و گۆشتێ به‌رازی ناخۆن!
پۆتینی بزاڤ كر ب كوته‌كی كه‌نییا خوه كۆنترۆل بكه‌ت.
ئه‌ڤرۆ نيوز:
ئه‌ردۆگان راگه‌هاند كو دێ ل ده‌مه‌كى سنوران دايخن كو به‌غدا بشێت هه‌موو پيدڤێێ “باكوورێ عيراقێ” دابين بكه‌ت.
ل ده‌مێ ڤه‌گه‌ريايى ژ پۆله‌ندا، ره‌جه‌ب ته‌يب ئه‌ردۆگان، سه‌رۆك كۆمارێ توركيا راگه‌هاند :دانوستاندن ل گه‌ل له‌غدا ل دور وێ چه‌ندێ كا دێ چ كه‌ن يا به‌رده‌وامه، “هه‌كه ئه‌و (مه‌ره‌م پێ حوكمه‌تا هه‌رێما كوردستانێ) ده‌رگه‌هێن سنورى راده‌ستى ناڤه‌ند بكه‌ن، ئه‌م ژى دێ مه‌رجان بۆ به‌غدا دانين د ده‌مه‌كى دا كو پێدڤيه پێدڤيێن خه‌لكى ل ئيدارا باكوورێ عيراقێ دابين بكه‌ت. مه هه‌تا نوكه ده‌رگه‌هێن سنورى دانه‌خستينه، به‌لێ ئه‌ڤه هه‌رده‌مه‌كى د شيان دايه”.
سه‌رۆك كۆمارێ توركيا راگه‌هاند ژى كو ب چو ره‌نگه‌كى ئه‌وان وه‌كو توركيا په‌يوه‌ندى ل گه‌ل حه‌شه‌د شه‌عبى نينن.
ده‌رباره‌ى هه‌بوونا حه‌شه‌دا شيعى ل شنگال و مه‌خمور ئه‌ردۆگان گۆت: “هه‌كه ئه‌و راستى بيت دڤێت دانوستاندنێن نوو ل گه‌ل هه‌ڤپيشه‌يێ خوه بكه‌ين”.
سه‌رۆك كۆمارێ توركيا ئه‌و چه‌نده ژى ئاشكه‌را كر كو حه‌يده‌ر عه‌بادى سه‌رۆك وه‌زيرێن عيراقێ چاڤه‌رێ داخوازنامه‌يا وايه دا كو سه‌ره‌دانا ئه‌نقه‌ره بكه‌ت.
ئه‌ڤرۆ نيوز:
قاشم شه‌شۆ، فه‌رماندێ فه‌رمانده‌يا شنگال راگه‌هاند كو حه‌شدا شيعى خوه ژ شنگال ڤه‌كێشا.
قاشم شه‌شۆى د داخۆيانيه‌كا رۆژنامه‌ڤانى دا راگه‌هاند كو حه‌شدا شيعى دێ شنگال به‌رده‌ت و هه‌كه نه‌به‌رده‌ت دێ هێته بۆمبه‌بارانكرن.
فه‌رماندێ فه‌رماندده‌يا شنگال گۆتژى: “هه‌ڤپه‌يمانان ژى به‌رهه‌ڤيا خوه دياركريه كو هه‌كه حه‌شدا شه‌عبى خوه ڤه‌نه‌كێشيت، دێ ژ لايێ تركيا و وئسرائيل ڤه ب فرۆكان هێنه بۆردۆمانكرن”.
ئه‌ڤرۆ نيوز:
سەرۆکوەزیرێن ئسرائیل بۆ وەزیرێ بەرگرییا رۆسیا گۆت: ئەو رێ نادەن ب چ رەنگەکێ ئیران پێکەھا خوە یا سەربازی ل سووریێ بھێز بکەت.
بنیامێن نەتەنیاھۆ، سەرۆکوەزیرێن ئسرائیل ل ئۆرشەلیمێ پێشوازی ل سێرگی شویگۆ، وەزیری بەرگرییا رۆسیا کر و ب بەرھەڤبوونا ئەڤیگدۆر لیبەرمان، وەزیرێ بەرگرییا ئسرائیلێ کۆمبوون.
ل گۆر راگەھاندنەکا ئۆفیسا سەرۆکوەزیرێن ئسرائیلێ، نوونەرێن ھەردو ئالییان د کۆمبوونێ دا بزاڤێن ئیرانێ بۆ بھێزکرنا پێگەھێ خوە یێ سەربازی ل دەڤەرێ گۆتوبێژ کر و نەتەنیاھۆ گۆت: پێدڤییە ئیران تێبگەھیت کو ئسرائیل رێ نادەت ئیران کۆنترولا دەڤەرێ بکەت.
ھەروەسا ل دۆر پرۆگرامێ ئەتۆمی یێ ئیرانێ نەتەنیاھۆ گۆت: گەر چ گوھرین د رێککەفتنێ دا نەھێنەکرن، پشتی ھەشت تا دەھـ سالێن دی، ئیران دێ بیتە خوەدان چەکێ ئەتۆمی.
ئه‌ڤرۆ نيوز:
پارێزگه‌رێ دهۆكێ داخوازێ ژ وه‌لاتیێن هێژا یێن پارێزگه‌ها دهۆكێ دكه‌ت ته‌قه‌كرنێ راگرن و ره‌وشێ تێك نه‌ده‌ن و نه‌بنه ئه‌گه‌رێ په‌یدابوونا روودانێن دلته‌زین و نه‌چاڤه‌رێكری.
دوپات دكه‌ن كو ته‌قه كرن دیارده‌كا نه‌شارستانی یه و ژ بلی زیانان چو ئه‌نجامێن دی نینن، له‌ورا هیڤیا مه ژ خه‌لكێ مه ئه‌وه ل گه‌ل مه و ده‌زگه‌هێن ئێمناهیێ د هاریكار و هه‌ڤكار بن و ته‌قه كرنێ ب هه‌موو ره‌نگه‌كی راگرن.
فه‌رهاد ئه‌مین ئه‌ترووشی
پارێزگه‌رێ دهۆكێ
شه‌ڤا 18 ل سه‌ر 19\10\2017
ئه‌ڤرۆ نیوز ، هلورى:
ئه‌نجومه‌نا ئاسایشا هه‌رێما كوردستانێ راگه‌هاندنه‌ك به‌لاڤكر و تێدا دیاركر كو چوو مه‌ترسى لسه‌ر هه‌ولێرێ نینن و دده‌تن دیاركرن ژى كو دنهادا هه‌موو لایه‌ك بلا د هه‌وارا ئاوارێن كه‌ركوكێ بچن و ل ده‌مه‌ك نێزیك ره‌وشت هوسا نامینیت.
راگه‌هاندنا ئه‌نجومه‌نا ئاسایشا هه‌رێما كوردستانێ دیاركر كو هنده‌ك مالپه‌ر و په‌یچێن چه‌واشه‌كار پروپاكندێن وێ یه‌كێ به‌لاڤ دكه‌ن كو مه‌ترسى بو سه‌ر هه‌ولێر هه‌یه ، ئه‌م دزانین كو ژێده‌رێ ئه‌ڤان پروپاكندان ژ كیڤه هاتیه و دزانین ژى كو ئه‌وان دڤێت رولێ تابورا پێنجێ ببینن و كه‌ش و هه‌وایه‌كێ درۆست بكه‌ن و شكه‌ستن و شه‌مبزاریێن خوه پێ ڤه‌شێرن.
خه‌لكێ هه‌ولێر پشتراست دكه‌ین كو چوو مه‌ترسى لسه‌ر هه‌ولێر نینه و چو هێزه‌ك ژى ب ئاراسته‌یێ هه‌ولێر نه‌هاتیه لڤاندن و هێزا پێشمه‌رگه‌ى د به‌رهه‌ڤیێن تمام دایه و بزاڤێن دیبلوماسى ژى بو چاره‌سه‌ركرنا دوخێ نها پێنگاڤێن باش هاڤێتینه.
جه‌ماوه‌رێ خوشتیڤێ هه‌ولێر بلا ب پشتراستى و وه‌ریێ ڤه خزمه‌تا ئه‌وان برایێن ئاواره‌یێن مه بكه‌ن كو ژ كه‌ركوكێ به‌ر ب هه‌ولێر هاتينه و هه‌رده‌م ب گه‌رمى پێشوازیێ ل وان بكه‌ن و ل ئاینده‌یه‌كێ نێزیك دا ئه‌ڤ ره‌وشا نها ئه‌م تێدا ده‌رباز دبین نامينيت ، و چه‌واشه‌كارى و پروپانده ئیرادا گه‌لێ مه ناهژینیت.
ئه‌ڤرۆ نیوز ، هلورى:
كومپانیا روسنه‌فت كو ئێكه ژ مه‌زنترین كومپانیێن بوارێ په‌ترۆلێ ل روسیا ل بارا رێكه‌فتنا وان ل گه‌ل هه‌رێما كوردستانێ راگه‌هاندنه‌ك به‌لاڤكر و لگوره‌ى راگه‌هاندنا وان ئه‌و دێ ل سالا 2018 ده‌ست ب كارێن لێگه‌ریانا په‌ترۆلێ كه‌ن و هه‌موو تێچویێن وێ ژى دێ ب ستوویێ خوڤه گرن.
ل گوره‌ى راگه‌هاندنا روسنه‌فت كو ئه‌ڤرۆ به‌لاڤكریه ، پشكێن گروپێن كومپانیا روسنه‌فت د رێكه‌فتنامه‌یا هه‌ڤپشكا وه‌به‌رهێنانا 80% یه و كوژمێ پارێ ته‌رخانكرى ژى بو هه‌ر ئێك ژ پێنج بلوكێن رێكه‌فتنێ 40 ملیون دولارێن ئه‌مریكى ده‌ست پێ دكه‌ت و هه‌تاكو 110 ملیون دولاران ژى دچیت)
د راگه‌هاندنا وان دا زێده‌تر هاتیه: ( به‌رهه‌مئینان و ده‌ستپێكرنا كارێن لێگه‌ریان و كولینا بیران دێ ل سالا 2018 دێ ده‌ست پێ كه‌ت و هه‌تا سالا 2021 دێ یا به‌رده‌وام بیت و دێ گه‌شه‌پێدانێن زێده‌تر ژى ب كارێن خوه كه‌ت و وه‌به‌رهێنانا ته‌مام دێ بجهكه‌ت ، ب كێمى یه‌ده‌كا په‌ترۆلێ ل وان بلوكان ژى دێ گه‌هیته 670 ملیون به‌رمیلێن په‌ترۆلێ)
د پشكه‌كا دن یا راگه‌هاندنا وان دا هاتیه كو كومپانیا روسنه‌فت دێ هه‌موو تێچویێن درۆستكرن و به‌رهه‌ڤكرنا كێلگه‌هێن په‌ترۆلێ ب ستوویێ خوڤه كریت و دێ ریچكه‌فتنا وان ژى وه‌كو یا كومپانیێن دن یێن بیانى بیت د وارێ په‌ترۆلێ دا.
نيشاندان