ئه‌ڤرۆ نيوز:
ئه‌ڤرۆ جڤاتا پارێزگه‌ها نه‌ينه‌وا ب پرانيا ده‌نگان، نه‌وفه‌ل حه‌مادى، پارێزگارێ نه‌ينه‌وا ژ پۆستێ وى لادا.
پارێزگارێ نه‌ينه‌وا هاته لادان
نووترين نووچه
- نڤیسینا رەشنڤیسێ كارێ حوكمەتا نوو د قووناغێن دووماهیێ دایە
- پرسا هنارتنا پەترۆلا هەرێمێ ئێك ژ بابەتێن هەرە گرنگ یێن گوهۆڕینێن دەڤەرێیە
- شاندێن حوكمەتا هەرێمێ و ئیراقێ ل گەل كۆمپانیێن بەرهەمئینانا پەترۆلێ كۆمبوون
- پڕۆژەیێ پارێزگەهبوونا شنگالێ دێ هنێرینە جڤاتا نوونەرێن ئیراقێ
- سەرۆك بارزانی و جێگرێ وەزیرێ دەرڤەیێ توركیایێ پرۆسەیا چارەسەریێ و ئاشتیێ گەنگەشە كر
- سەرۆك بارزانی پێشوازی ل هەژمارەكا نڤیسەر و ئەدیب و رەوشەنبیرێن عەرەب كر
- سەرۆك بارزانی پێشوازی ل سەرۆكێ هەڤپەیمانییا عەزم كر
- نێچیرڤان بارزانی پشتەڤانییا هەرێمێ بۆ پرۆسەیا ئاشتیێ دوپاتكر
- پێدڤییە هەموو كێشەیێن ل پێشبەری هنارتنا پەترۆلا هەرێمێ نەمینن
- د قووناغا بەلاڤكرنا پۆستانداینە
سه‌ره‌كى نووترين نووچه
نێچیرڤان بارزانى و كۆمه‌لا ئیسلامى ده‌ست ب كۆمبوونان كره‌ڤه
ئه‌ڤرۆ نیۆز ، نه‌وزاد هلۆرى:
ئه‌ڤرۆ سه‌رۆكێ حكومه‌تا هه‌رێما كوردستانێ سه‌ره‌دانا مه‌كته‌با سیاسیا كومه‌لا ئیسلامیا كوردستانێ كر و ل گه‌ل ئه‌میرێ كومه‌لێ كومبوو و دهێته چاڤه‌رێكرن كو سه‌ره‌دانا لایه‌نێن سیاسیێن دن ژى بكه‌ت.
ئه‌ڤرۆ نێچیرڤان بارزانى سه‌رۆكێ حكومه‌تا هه‌رێما كوردستانێ ده‌ست ب گه‌ره‌كا نوو یا كومبوونان ل گه‌ل لایه‌نێن سیاسى كر و ئیرو د ئێكه‌م كومبوونا خوه دا سه‌ره‌دانا مه‌كته‌با سیاسیا كومه‌لا ئسیلامى كر و ل گه‌ل عه‌لى باپیر ئه‌مریكێ كومه‌لا ئیسلامى كومبوو و به‌حسى داوى گورانكاریێن ل كوردستان و عیراق و ده‌ڤه‌رێ درۆست بووین كرن، ب تایبه‌تى پشتى هاتنا هێزێن حه‌شد شه‌عبى و سوپایێ عیراقێ بو كه‌ركوك و ده‌ڤه‌رێن كوردستانیێن ده‌رڤه‌یێ كارگێریا هه‌رێما كوردستانێ.
هه‌ر ل گوره‌ى زانیاریان شاندنێ حكومه‌تا هه‌رێما كوردستانێ ب سه‌روكاتیا نێچیرڤان بارزانى دێ بو لایێ هه‌موو لایه‌نێن سیاسى بیت بو ئاسایكرنا بارودوخێ كو نها كوردستان تێدا دبوریت و كومبوونا ئه‌ڤرۆ ب ئێكه‌م كومبوون ژى دهێته‌دانان.
سەرۆک بارزانی پەیامەک بەلاڤکر
ئەڤرۆ نیوز، نەوزاد ھلۆری:
ئەڤرۆ رۆژا چوارشەمبی سەرۆک مەسعود بارزانی پەیامەکا ھەڤخەمیێ ئاراستەیێ بنەمال و کەس و کارێن شەھید ئەرکان شەریف وێنەگر و رۆژنامەڤانێ سەتەلایتا کوردستان تی ڤی ھنارت تێدا دیارکر کو ئەو کەسانێن کو ئەڤ یەک بەرامبەر شەھید ئەرکان شەریف کری ب چو رەنگان باوەری ب ئازادیا رادەربرینێ نینە و بەلکو فەرھەنگەکا شوفێنیا وان کەسان د سەلمینیت کو خوە ب زوری ل سەر دەڤەرێن کوردستانیان سەپاندنی.
سەرۆک بارزانی د پەیاما خوە دا دیارکر کو شەڤا 29 ل سه‌ر30ى چریا ئێکێ 2017 رۆژنامەڤان و وێنەگرێ سەتەلایتا کوردستان تی ڤی “ئەرکان شەریف” ل باژێرکێ داقووق کو نھا ل بن دەستھەلاداریا حەشد شەعبی یە ب رەنگەکێ زور دراندانە ل مالا خوە ژلایێ کومەکا چەکدارێن دەمامکدارڤە ھاتە شەھیدکرن و شەھیدکرنا ئەرکان نموونەیەکا روون یا فەرھەنگا شوفێنیە کو ب رەنگەکێ نەحەق و ستەم و زورداری ڤە خوە ل دەڤەرێن کوردستانیێن دەرڤەیێ کارگێریا ھەرێما کوردستانێ سەپاندی و ب چوو رەنگان بیر و باوەری ب ئازادیا رادەربرین و ژیانا خەلکی نینە.
بارزانی د درێژاھیا ئاخفتنێن خودا دیارکر ژی کو بەرھپرسیارەتیا شەھیدکرنا ئەرکان شەریف و ئەزیەتدانا خەلکێ دەڤەرێ لسەر ملێن ئەوان ھێزێن نە دەستووری یە کو خوە لسەر خەلکی سەپاندی، ب ڤێ یەکی ژی سەرەخوشیێن خوە ئاراستەیێ بنەمال و کەس و کارێن شەھید ئەرکان و ھەموو رۆژنامەڤانێن کوردستان تی ڤی دکەین، سلاڤ ل گیانێ شەھید ئەرکان و ھەموو شەھیدێن کوردستانێ.
رێژێن باران بارينێ ل سه‌رانسه‌رى پارێزگه‌ها دهۆكێ
ئه‌ڤرۆ نيوز:
رێڤه‌به‌ريا كه‌شناسيا پارێزگه‌ها دهۆكێ راگه‌هاند كو رێژێن باران بارينێ د ماوێ 24 ده‌مژمێرێن بۆرى دا ب ڤى ره‌نگێ ل خوارێ بوون:
دهوك ( 4.7 ) ملم.
زاخو ( 5 ) ملم.
كانى ماسێ ( 15 ) ملم.
ئاكرێ ( 3.2 ) ملم.
بامرنێ ( 9.4 ) ملم.
مانگێش ( 6 ) ملم.
ئامێديێ ( 8 ) ملم.
زاويته ( 6 ) ملم.
سێمێل ( 3 ) ملم.
باتێل ( 1.5 ) ملم.
سه‌رسنك ( 11.5 ) ملم.
دێره‌لوك ( 5 ) ملم.
كانى ماسێ ( 15 ) ملم.
چمانكێ ( 8.5 ) ملم.
باتيفا ( 10 ) ملم.
ده‌ركار ( 5.7 ) ملم.
باعه‌درێ ( 2 ) ملم.
به‌رده‌ره‌ش ( 0.8 ) ملم.
دينارته ( 3.7 ) ملم.
گه‌رده‌سين ( 1.5 ) ملم.
قه‌سروك ( 3.5 ) ملم.
شێخان ( 3 ) ملم.
بجێل ( 2 ) ملم
ئه‌ردوگان دێ پێشوازيێ ل نێچيرڤان بارزانى كه‌ت
ئه‌ڤرۆ نيوز:
ئاخفتنكه‌رێ ب ناڤێ سه‌رۆكاتيا توركيا راگه‌هاند كو ل گه‌ل عه‌بادى ل سه‌ر وێ چه‌ندێ ئاخفتينه كو پشتى شه‌رێ داعش دڤێت هه‌بوونا په‌كه‌كێ ل عيراقێ بهێته ئێكلاكرن.
د كۆنگره‌كێ رۆژنامه‌ڤانى دا، ئيبراهيم كالن، ئاخفتنكه‌رێ ب ناڤێ سه‌رۆكاتيا توركيا راگه‌هاند: “مه ل گه‌ل حه‌يده‌ر عه‌بادى، سه‌رۆك وه‌زيرێن عيراقێ گه‌نگه‌شه ل سه‌ر وێ چه‌ندێ كريه كو پشتى شه‌رێ داعش دڤێت هه‌بوونا په‌كه‌كێ ل عيراقێ بهێته ئێكلاكرن”.
كالن گۆتژى: “پێنگاڤێن هه‌ولێر ئه‌م يێن دلته‌نگ كرين و داخوازێ دكه‌ين ژ ڤێ پێنگاڤا خه‌له‌ت په‌شيمان ببن، به‌لێ ئه‌م گه‌لێ كورد سزا ناده‌ين”. ئاشكه‌را ژى كر كو ل ده‌مێ گۆنجاى ئه‌و دێ پێشوازيێ ل نێچيرڤان بارزانى وه‌كو سه‌رۆكێ حوكمه‌تا هه‌رێما كوردستانێ ل عيراقه‌كا ئێكگرتى كه‌ن.
ته‌كست ژى ل سه‌ر وێ چه‌ندێ كر كو پێدڤيه توركمانێن تله‌عفه‌ر ب ڤه‌گه‌رنه سه‌ر جهێن خوه و حوكمه‌تا عيراقێ ژى تله‌عفه‌ر و مووسل نووژه‌ن بكه‌ت.
ده‌رباره‌ى ده‌رگه‌هێ سنورى ژى ئاخفتنكه‌رێ ب ناڤێ سه‌رۆكاتيا توركيا گۆت: “ژ نوكه و پێڤه عيراق دێ كۆنترۆلا ده‌رگه‌هێن سنورى كه‌ت”.
ب ڤیدیۆ: سه‌رۆكوه‌زیرێن كه‌نه‌دا بوو سوپه‌رمان
ئه‌ڤرۆ نیوز:
جاستن ترودو، سه‌رۆكوه‌زیرێن كه‌نه‌دا د جه‌ژنا هالۆوینێ دا جلێن كاره‌كته‌رێ سوپه‌رمانی ل به‌رخوه كرن.
هالۆوین ل كیشوه‌رێ ئه‌مریكا دا ب به‌رفره‌هی دهێته گێران و تێدا خه‌لك جلوبه‌رگێن سه‌یر و نه‌ئاسایی دكه‌نێ.
وی ڤیدیۆیا ترودوی ل تورێن جڤاكی ده‌نگ ڤه‌دا و گه‌له‌ك ژ وه‌لاتیێن ویلایه‌تێن ئێكگرتی یێن ئه‌مریكا خواست كو ئه‌و بشێن دۆنالد ترامپی د گه‌ل ترۆدۆی لێكبگوهرن ژبه‌ركو وان كه‌سه‌كێ وه‌ك ترودوی بۆ سه‌رۆكلاتییا ئه‌مریكا دڤێت.
نوری مالکی:بەرهەم سالحی پێشنیاز کر کو هێزێ ل دژی کوردستانێ ب کار بینین
ئەڤرۆ نیۆز،زنار تۆڤی:
نوری مالکی سەرۆکێ ئیئتیلافا دەولەتا یاسایێ رادگەهینیت،کو جێگرێ دویێ یێ بەرێ یێ سکرتێرێ گشتی یێ ئێکەتیێ پێشنیاز بۆ کربوو، کو هێزێ ل دژی کوردستانێ بجولینین
.
نوری مالکی د چاڤپێکەفتنەکا کەنالێ (دیجلە) دا دبێژیت،د هەیڤێن دەستکردا مە تێبینیی دکر کو نەفتا نەفتخانە ب تانکەران دهێتە هنارتن بۆ ئێرانێ و ژ وێرێ ژی بۆ ئەفغانستانێ.
نوری مالکی هەروەسا دبێژیت،د وی دەمیدا ئەو سەرۆک وەزیر بوو،هەروەسا بەرهەم سالح، جێگرێ دویێ یێ بەرێ یێ سکرتێرێ گشتی یێ ئێکەتیێ جێگرێ سەرۆک وەزیرێن عێراقێ بوو،وی مالکی گازیکریە و گوتیێ، ئەو تانکەر نەفتێ بۆ بەرژەوەندیا پارتی ڤەدگۆهێزنە ئیرانێ، بەرهەم سالحی د بەرامبەر دا گوتیێ،ئەو تانکەرە ب تنێ یێن پارتی نینن،یێن ئێکەتیێ ژی نە.
سەرۆکێ ئیئتیلافا دەولەتا یاسایێ ئاماژە ب هندێ ژی کریە،کو وی گوتیە بەرهەم سالحی چارە چییە؟ بەرهەمی ژی بەرسڤا وی دایە وگوتیێ،دا هێزێ ل دژی کوردستانێ ب کاربینین.
نوری مالکی د وێ لێدوانێدا بەحسێ وی دەمی دکەت، کو کوردستانێ بۆریا هنارتنا نەفتێ نەبوو،ب تنێ ب رێیا تانکەران نەفت ڤرێدکرە ژ دەرڤە،کو ژێدەرەکێ سەرەکی یێ داهاتیێ هەرێما کوردستانێ بوو،ژبەر ڤێ چەندێ ب بریارا مالکی بەشە بودجێ کوردستانێ هاتبوو برین.
د روودانەکا ترافیکێ دا 4 کەس برینداربوون
ئەڤرۆ نیۆز،زنار تۆڤی:
موقەدەمێ مافپەروەر ئازاد تاها بەرپرسێ پەیوەندی و راگەهاندنێ ل رێڤەبەریا هاتنوچوونا پارێزگەها دهۆکێ بۆ ئەڤرۆ نیۆز دیارکر:کو ئەڤرۆ ترۆمبێلەک وەرگەریایە و چار کەس تێدا بریندار بووینە.
ناڤهاتی گوت ژی:ل ده‌مژمێر ( 5:30 ) خۆله‌كێن سپێده‌یا ئه‌ڤرۆ چارشەمبی ل (1-11-2017 ) ل گەلێی زاخۆ،ل نێزیکی گوندێ حەسەن ئاڤا ترۆمبێلەکا تایبەت مارسیدس یا رەنگێ مارۆنی ژ بن کونترۆلا شوفێری دەرکەفتیە وەرگێریایە و دیارکر ژی:د ڤێ روودانێ دا 4 كه‌س بریندار بووینە کو 3 ژ وان برینداران ژن بوون ل گەل زەلامەکێ،هەروەسا زیانێن ماددی یێن به‌رچاڤ ژی ب ترۆمبێلێ كه‌فتینە و دیسا ئه‌گەرێ ڤێ روودانێ ژی شوفێرێ ترۆمبێلێ ب له‌زاتیا زێده ترۆمبیل هاژوتیە و كونترۆل ژ ده‌ست دایه و وەرگەریایە.
کوردستان رێکێ نادەت هێزێن عێراقێ ل ئیبراهیم خەلیل و پێشابیرێ جێگیر ببن
ئەڤرۆ نیۆز،زنار تۆڤی:
فەرماندێن سەربازی یێن کوردستانێ دبێژن، رێکێ نادەین نە چەکدارێن حەشد شەعبی و نە سوپایێ عێراقێ ل دەروازێ پێشابیرێ و ئیبراهیم خەلیل جێگیر ببن.
سەبارەت ب داخوازا عێراقێ بۆ بەلاڤکرنا هێزێن خۆ ل دەروازێن سنووری، شاندێ سەربازی یێ کوردستانێ گوتینه فەرماندێن عێراقێ، هەرێما کوردستانێ رێکێ؛نادەت هێزێن عێراقی و حەشد ل وان جهان جێگیر ببن.
فەریق جەمال ئێمینکی، سوپا،سالارێ پێشمەرگەی دوماهی سەنگەرێن پێشمەرگەی ل زوممار بۆ رووداو گوتیە”پێشمەرگە یێ ئامادەیە و ئەڤ ناوچە ناهێنە چۆکرن، ئەم و سەرکردایەتیا کوردستانێ ژی ل گەل شەری نینین،بەلێ هەکە شەر فروشتە مە دێ پێشمەرگەی بەرسڤا وان هەبیت”.
هەڤدەم بابەکر زێباری، بەرپرسێ میحوەرێ دیجلەی دبێژیت،پێشمەرگەی بریارا دوماهیێ دایە،وان دەروازێن سنووری و کێلگەهێن نەفتێ چۆلناکەین و نادەینە دەستێ حوکمەتا عێراقێ.
عەبادی:دێ مووچێ فەرمانبەرێن هەرێما کوردستانێ و پێشمەرگەی خەرجکەین
ئەڤرۆ نیۆز،زنار تۆڤی:
سەرۆک وەزیرێن عێراقێ رادگەهینیت،دێ مووچێ فەرمانبەرێن هەرێما کوردستانێ و پێشمەرگەی خەرجکەین،پەیڤدارێ حوکمەتا هەرێما کوردستانێ دبێژیت:تا نوکە ب فەرمی چو تشت نەگەهشتینە مە.
پشتی ئەنجامدانا کۆمبوونا ئەنجوومەنێ وەزیرێن عێراقێ حەیدەر عەبادی سەرۆک وەزیرێن عێراقێ د کۆنگرەیەکێ رۆژنامەڤانیدا راگەهاند،حوکمەتا عێراقێ ل ڤان نێزیکان دێ مووچێ فەرمانبەرێن هەرێما کوردستانێ و پێشمەرگەی خەرجکەت،هەروەسا گوت ژی هێزێن فیدرالی ل ناوچەیێن کێشە ل سەر یێن بەلاڤ بووین.
سەبارەت ب دابینکرنا مووچێ فەرمانبەرا و پێشمەرگەی ژ لایێ حوکمەتا عێراقێ ڤە، سەفین دزەیی،پەیڤدارێ حوکمەتا هەرێما کوردستانێ راگەهاندیە تا نوکە حوکمەتا هەرێما کوردستانێ سەبارەت ب پێدانا مووچێ پێشمەرگە و فەرمانبەران ژلایێ حوکمەتا عێراقێ ڤە ب فەرمی ئەم نە هاتینە ئاگەهدار کرن، هەر دەمێ ب فەرمی هاتە راگەهاندن،ل وی دەمی دێ مە هەلویستێ فەرمی هەبیت.
جیاوازیا لیستێن فەرمانبەران و مووچەخۆران دناڤبەرا هەرێما کوردستانێ و حوکمەتا ناڤەندی ژێدەرێ کێشێ و دابینکرنا مووچێ فەرمانبەران و کارمەندێن هەرێما کوردستانێ نە، ب رەنگەکی کو حوکمەتا ناڤەندی ب تنێ دانپێدانێ ب 680 هزار فەرمانبەران دکەت،د دەمەکێ دا هەرێما کوردستانێ رادگەهینیت کو ئێک ملیۆن و 480 هزار مووچەخۆر هەنە کو 720 هزار ژ وان فەرمانبەرن و 270 هزار ژی مووچەخۆرێن سەربازینە.
هەروەسا نەجیبا نەجیب، پەرلەمانتارا کورد ل پەرلەمانێ عێراقێ دەربارەی هژمارا مووچەخۆرێن عێراقێ گوت ل عێراقێ 10 ملیۆن مووچەخۆر هەنە،ژ ڤێ هژمارێ ژی زێدەتر ژ حەفت ملیۆنان فەرمانبەر و خانەنشینن و ئەوێن دی مووچەخۆرێن سیاسیی و شەهیدن.
نيشاندان
WP Facebook Auto Publish Powered By : XYZScripts.com