ئه‌ڤرۆ نيوز:

جێگرێ سه‌رۆك كۆمارێ عيراقێ ئه‌ياد عه‌لاوى ئه‌ڤرۆ رۆژا چارشه‌مبى راگه‌هاند كو يا پێدڤيه‌ دانوستاندنه‌كا نشتيمانى ژ بوو چاره‌كرنا هه‌موو كێشێن هه‌ين بهێته‌ كرن و ڤه‌گه‌ريان بۆ دستوورى ل ده‌ڤه‌رێن كێشه‌ دار.

د چارچۆڤێ روونشتنا خوه‌ دا ل گه‌ل لژنا هه‌ماهه‌نگيا شيعى بۆ چاكسازيێ ته‌كست ل سه‌ر گۆتنا خوه‌ كر و خويا كر كو سه‌ره‌راى هه‌بوونا چه‌ندين تێبينيان ل سه‌ر ماددێن دستوورى و پێدڤياتيا دووباره‌ نڤيسينا دستوورى كو مافێ هه‌موو كه‌سان تێدا يێ بنه‌جهـ بيت و نه‌هێته‌ بنپێكرن، ل دووماهيێ ژى به‌لگه‌يێ ئێكانه‌يه‌ كو وه‌كو مه‌رجه‌عى بهێته‌ بكارئينان.

ب گۆره‌ى به‌ياننامه‌كێ كو ژ نڤيسينگه‌ها عه‌لاوى ده‌ركه‌فتيه‌، جێگرێ سه‌رۆك كۆمارى سه‌رسۆرمانيا خوه‌ يا سه‌ير ديار كريه‌ و دايه‌ زانين كو ئه‌و نوزانيت بۆچى چاره‌كرنا كێشا ريفراندۆما كوردستانێ هنده‌ گيرۆبوو، “سه‌رۆكێ هه‌رێما كوردستانێ به‌رى هه‌شت هه‌يڤان هه‌موو لايه‌ن ئاگه‌هدار كربوون كو كێشێن وان نه‌هێنه‌ چاره‌كرن ئه‌و دێ به‌ر ب ريفراندۆمێ چن، چو كه‌سه‌كى ژى چو لڤين هه‌مبه‌ر ڤێ چه‌ندێ نه‌كرن”.

زێده‌تر هاتيه‌: “ئه‌ڤ كێشا هه‌رێما كوردستانێ يا ئێكێ يه‌ و يا دووماهيێ نابيت هه‌كه‌ وه‌كهه‌ڤى و دادى د ناڤبه‌را هه‌موو ته‌خ و چينان دا به‌رقرار نه‌بيت”، خۆيا ژى كر كو پێدڤيه‌ دانوستاندنه‌كا راست يا نشتيمانى بهێته‌ كرن دا كو نه‌خشه‌رێيه‌كێ بۆ پاشه‌رۆژا عيراقێ ل سه‌ر بنه‌مايێن زانستى و سياسى بدانن كو د به‌رژه‌وه‌ندا هه‌موو گه‌ل و نه‌ته‌وه‌ و ئاينێن عيراقێ دا بيت.

ئەڤرۆ نيوز:
فەرماندەکێ پێشمەرگێ کوردستانێ ل محوەرێ داقوق بۆ رۆژناما ئەڤرۆ دیارکر، کو چوو مەترسی ل سەر خەلکێ کوردستانێ نینە ھەمبەر حەشدا شەعبی و پێشمەرگەی تیرۆرستێن داعش شکاندینە و حەشدا شەعبی ئەو شیان نین ھەمبەر پێشمەرگێ کوردستانێ ب راوستیت.
عەقید ئاسو عەلی چەمچەمالی فەرماندێ پێشمەرگێ کوردستانێ ل محوەرێ داقوق بۆ رۆژناما ئەڤرۆ گۆت: سنورێ مەل گەل حەشدا شەعبی یێ درێژ و ھەتا نوکە کاودان دئارامن.
عەقید ئاسو ئەو ژی خوەیاکر، مە چو رێکخەری ل گەل حەشدا شەعبی نینە، چونکە دناڤبەرا ھێزێن پێشمەرگێ کوردستانێ و حەشدا شەعبی دووراتیەک ھەیە، حەشەدا شەعبی ل سنورێ دوزخورماتور ھەنە و دناڤبەرا مە ھەر دوکان دا ھەتا پازدە کیلومەتران ھەنە و ھەتا نوکە چ مەترسی ل سەر دەڤەرێ نینە و پێشتر مەترسی ھەبوو ئەو ژی یا داعش بوو ل سەر خەلکێ دەڤەرێ.
ھەمان فەرماندێ پێشمەرگێ کوردستانێ ئەو ژی گۆت: پەیوەندیێن مە ل گەل حەشدا شەعبی گرێداینە ب پەیوەندیێن سەرکرداتیا کوردستانێ ڤە ل گەل حوکمەتا عیراقێ و ئەگەر پەیوەندیێن کوردستانێ ل گەل بەغدا تێک دچن گومان نینە مە ژی پەیوەندی ل گەل چ ھێزا نامینن ل دەڤەرێ و بەرۆڤاژی ئەگەر پەیوەندی باش بن گومان نینە دێ یێن مە ژی دباش بن، دناڤبەر مە و حەشەدا شەعبی دو لیوا ھەنە ل سنورێ داقوق و ل دەڤەرا دوزخورماتور سێ لیوا ھەنە و حەشەدا شەعبی ھەموو خەلکێ باشورێ عیراقێ نە و شیعە مزھەبن و نابینم خەلکێ دەڤەرێ ل گەل بیت یان گەھشت بیتێ و دیسا حەشدا شەعبی چەکێ گران ژی ل گەل ھەیە.
ھەمان فەرماندێ پێشمەرگێ کوردستانێ ل دەڤەرا داقوق ئەو ژی گۆت: جھێن نوکە حەشدا شەعبی تێدا کوردستانی نە وەک پێشتر مە ئاماژە پێکری چەند کیلومەترا دناڤبەرا مە دا ھەنە و نابینم مەترسی بیت ل سەر خەلکێ مە چونکە ھێزا پێشمەرگەی داعش دەڤەرێ شکاندیە و شیانێن مەزن ھەنە، راستە چەکێ چەشدا شەعبی یێ پێشکەفتی یە و یێ گرانە لێ باوەرناکەم ھێز ل دەڤەرێ ببشێت بەرسنگێ پێشمەرگێ کوردستانێ بگریت و خوە حەشەدا شەعبی ئەو ھێز و شیانێن.
ھەمان فەرماندێ پێشمەرگێ کوردستانێ دیارکر ژی کو ھێشتا چەکدارێن تیرۆرستێن داعش ل دەڤەرێ ماینە.
ھەڤدەم نەقیب سیروان حسین عەلی ل فەرماندەیا گەرمیان یا پێشمەرگێ کوردستانێ ئاشکراکر، کو جە ئەو لێ کو پێشمەرگە یێ تێدا و بەرامبەر حەشدا نشتیمانی یە کو ھەموو خەلکێ دەڤەرێنە و ژ ھۆزێن عەرەبێن سونی نە و چو مەترسی ل سەر کوردستانێ نینە، و رێکخەریەکا باش دناڤبەرا ھەر دو ئالیان دا ھەیە.