ئه‌ڤرۆنيۆز:
هژماره‌كا نڤيسه‌ر وچالاكڤانێن پشكدار دوێ گرۆپا سياسى ئه‌وا شاسوار عه‌بدولواحد، خودانێ كۆمپانيا (ناليا) ل به‌ره دروست بكه‌ت، بريارا خوه‌ڤه‌كێشانا دا.
ژێده‌ره‌كێ دناڤ وێ گرۆپا شاسووارى دا، ل دووڤ باسنيۆز، ئاشكراكر كو هه‌ر ئێك ژ فه‌رهاد سه‌نگاوى يێ په‌رله‌مانتار وهه‌ردو نڤيسه‌ر عه‌زيز ره‌ئووف وفاروق ره‌فيق، زێده‌بارى چار ئه‌ندامێن دى خوه ژ وێ گرۆپا سياسى ڤه‌كێشا ئه‌وا شاسوار عه‌بدولواحد بانگه‌شێ بۆ دكه‌ت.
ئه‌ڤرۆنيۆز:
دحاله‌ته‌كا سه‌ير دا، كچه‌كێ چو جاران هزرا وێ چه‌ندێ نه‌دكر پشتى دو ده‌مژمێران ژ شه‌هيانا وێ دێ هێته به‌ردان.
ئه‌ڤ روودانه ل وه‌لاتێ سعوديێ هاتيه روودان، كو پشتى دو ده‌مژمێران ژ شه‌هيانا وێ وژبه‌ر بكارئينانا وێ بۆ (سناب شاتى) هه‌ڤژينێ وێ ئه‌و به‌ردا، ژبه‌ركو مه‌رجه‌ك دانابوو به‌ر ئه‌وژى ئێدى هه‌ڤژينا وى تۆرێن جڤاكى ل سه‌ر ئه‌نترنێتێ بكارنه‌ئينيت پشتى شه‌هيانا وان.
وێ بيكا هاتيه به‌ردان، چه‌ند وێنه‌ك ژ ئاهه‌نگا شه‌هيانا خوه بۆ هه‌ڤالێن خوه يێن كچ ب رێيا (سناب شاتى) هنارتبوون وده‌مێ هه‌ڤژينێ وێ ئه‌ڤ چه‌نده زانى پشتى دو ده‌مژمێران ژ ب دووماهى هاتنا شه‌هيانێ به‌ردا.
برايێ زاڤاى بۆ رۆژناما (عوكاز) يا سعودى دياركر كو برايێ وى مه‌رجه‌ك دانابوو به‌ر هه‌ڤژينا خوه ئه‌وژى دووركه‌فتنا وێ بۆ ژبكارئينانا تۆرێن جڤاكى ل سه‌ر ئه‌نترنێتێ، يان به‌لاڤكرنا وێنين خوه وئه‌ڤ مه‌رجه ژى دگرێبه‌ستا هه‌ڤژينيێ دا هاتبوو تۆماركرن وبيك ژى يا رازى بوو ب وى مه‌رجى، به‌لێ وێ پێگيرى ب مه‌رجى نه‌كر وئه‌و چه‌نده روودا كو هاتيه به‌ردان.
ئه‌ڤرۆنيۆز:
ل جیهانێ ب ملیۆنان سایت و یانە و پرۆگرام یێ هەین ل سەر هەموو سیستەمان کاردکەن، بەلێ ب هزارەها سایت ژڤان سایتان خرابی و باشیێن خوه یێن هەین ئەوژی ل دووڤ بکارئێنەری دمینیت ل دەمێ بکارئینانێ، بەلێ دڤێرێ دا پر سەیرترین سایت ل جیهانێ کۆ چ تشت تێدا نینە ژبلی پەیڤەکێ ئەو ژی ئەڤ دوو سایتێن لخوارێ نە
سایتێ something کلیك بکە لبنی
ـــــــــــــــــــــــــــــــــــــــــــــــــــ
سایتێ is it christmas کلیك بکە لبنی
ئه‌ڤرۆنيۆز:
به‌رپرسێ په‌يوه‌نديێن ده‌رڤه يێن حوكمه‌تا هه‌رێما كوردستانێ، فه‌لاح مسته‌فا، دديداره‌كێ دا ل گه‌ل به‌رپرسه‌كێ ئه‌مريكى، داخواز ژ ئه‌مريكا كر بزاڤێ بكه‌ت به‌غدا پێگير بكه‌ت ب درێژكرنا ئاگربه‌ستێ.
فه‌لاح مسته‌فا به‌رپرسێ په‌يوه‌نديێن ده‌رڤه يێن حوكمه‌تا هه‌رێما كوردستانێ ل گه‌ل روبێرت كه‌ريم هاريكارێ وه‌زيرێ به‌رگريا ئه‌مريكى ل واشنتۆن كۆمبوو، دوێ كۆمبوونێدا، ل دووڤ باسنۆز،مسته‌فاى داخواز ژ وى به‌رپرسێ بنتاگۆنێ كر كو ئه‌مريكا رۆلێ خوه بگێريت دئارامكرنا ره‌وشێ دناڤبه‌را به‌غدا وهه‌رێمێ وبزاڤێ بكه‌ت به‌غدا پێگيريێ ب درێژكرنا ئاگر به‌ستێ بكه‌ت.
فه‌لاح مسته‌فا داخوازكر ئه‌مريكا رۆله‌كێ كاراتر هه‌بيت د نێكيبوونا هه‌رێما كوردستانێ و عيراقێ ب مه‌ره‌ما چاره‌كرنا كێشێن خوه ب رێيا دانوستاندنێ.
ئه‌ڤرۆ نيوز:
ل دووڤ داتايێن رێكخراوا ساخله‌ميا جيهانى، سالانه مليونه‌ك و250 هزار كه‌س ل سه‌رانسه‌رى جيهانێ ب روودانێن هاتن و چوونێ گيانێ خوه ژ ده‌ست دده‌ن و ب مليونانێن دى ژى بريندار دبن.
رێكخراوا ساخله‌ميا جيهانى ئاماژه ب وێ يه‌كێ كريه كو كه‌سێن دناڤبه‌را 15 بۆ 29 پرانيا وان ئه‌ون ئه‌وێن د ڤان روودانێن هاتن و چوونێ دا گيانێ خوه ژ ده‌ست دده‌ن.
هه‌ر ل دووڤ داتايێن رێكخراوا ساخله‌ميا جيهانى، رووادانێن هاتن و چوونێ ب ئه‌گه‌رێ نه‌هێ يێ مرنێ ل جيهانێ دهێته هژمارتن.
ئەڤرۆ نیۆز, رەمەزان هەرنی
روژانە ب مەبەستا چارە سەركرنا ئیشانا ددانا رێژەكا بەرچاڤا خەلكی ژهەردو رەگەزان و ل هەمو ژیەكێ سەرەدانا نوشدارێن ددانا دكەن ب مەبەستا چارە سەركرنێ و نوشدارەكێ ددانا دیار دكەت ژ ئەگەرێ كێم خەمیێ ددان تووشی نەخوةشیێ و ئێشانێ دبن.
د. سیروان محمد دیاركر, ب رەنگەكێ گشتی ئەو كەسێن سەره‌دانا مە دكەن بۆ چارە سەری و پشكنینا ددانا، پتريا وان ژنن كو دوجار تەمەت زەلامان ژن سەرەدانا مە دكەن , ئەم سەرەدرەیێ ل گەل ژنان دكەین و ژبەركو كێم خوە ل بەر ژانێن نەخوةشیێ دگرن، لەورا گەلەك جوداتر ژزەلامان سەرەدەریێ ل گەل دكەین , پشتی دیتنا جهێ نەخوه‌ش و ژان تێدا وەك دەڤ و ددان و هندەك ب دەرمانان، هندەك ژی ب شووشتنێ و كێشانێ، هندەك ژی دهێنە ڤەگۆهاستن بۆ جهەكێ دی دهێنە چارە سەركرن.
د. سیروان محمد خویاكر ژی , رۆژانە پێدڤیە پشتی هەموو دەمێن خوارنێ ددان بهێنە شووشتن، بەلێ دشیان دایە دو جاران ژى بهێنه شووشتن ئه‌وژى جاره‌كێ ب شەڤ وجاره‌كێ ژى ب رۆژ كوهێنە شووشتن ب رەنگەكێ ساخلەم كو زیان ب پوتیا نەكەڤیت تاكو ددان نەهێنە برینداركرن.گوت ژی , دەما كەسەك ب مەبەستا شووشتنا ددانان سەرەدانا نوشداری دكەت، پێدڤیە جورێ ددانێ وی ل گەل پشكنینیا گشتی بۆ بهێتە كرن هه‌كه دیاربۆ كو چۆ ژان نینن ب تنێ هندەك ژانا لاوەكیە مفایێ وێ 10 جار زێدەترە ل زيانا وى.
د .سیروان ئاشكرا كر , گەلەك جاران پشتی ددان شووشتنێ رەنگێ ددانا هەر زەر دمینیت ب ساناهی سپی نابیتەڤە ، یان هندەكا رەنگێ ددانێن وان گەلەك یێ زەرە پێدڤی ب نوشدارەكێ‌َ بسپور يێ جوانكاریا ددانا هەیە كو دشێن سپی بكەتەڤە و نوكە گەلەك جۆرێن فرچەو ملحەما ددان شووشتنێ هەنە پێدڤیە و باشترە ل گەل جۆرێن ددانا نوشدار دیاربكەت ژبەركو گەلەك جۆرێن دەركەفتی و هەموو دباش نینن، لەورا پێدڤیە نوشدار دیاربكەت .
ل دور سیمكرنا ددانا، دبێژيت , جوانكاریا دەڤ و ددانان تایبەت ژن ئەنجام ددەن، رەنگە ژن گوهێ خوە نەدەتێ كا چەند زيان هەیە، بەلكو بۆ وێ جوانی گرنگە بەلێ چو زيانا وەسا نينە رەنگە هەموو دەستكاریا دە ڤ ددانان بۆ جوانیێ نەبیت، بەلكو ب تنێ بۆ خوه‌شیا لەشێ خوەبیت و ئارام بۆنێ و ساخلەمیێ . گوت ژی , سیمكرنا ددانان چو زيان بۆ نینە، ژبەركو بۆ رێخستنەڤەیا دە ڤ و ددانان دهێتە بكارئینان هه‌كه ب ساخلەمی ئەو سیم بهێتە دانان ژبلی جوانیێ مفا ژی هەیە بۆ وی كەسێ ددانێت كو دەرنگتر ددانێن وی خارببن و ژ جهێ خوە بچن و ژهەیڤەكێ بۆ دوسالان دروستە سیم ب ددانان ڤەبیت وپتریا جارا ل گۆره‌ی جۆرێ نەخوه‌شیێ دمینیت.
ئه‌ڤرۆنيۆز:
بکارئینانا فلاش میمۆری یێ بوویە پێدڤیەکا رۆژانە بۆ بکارهێنەران بۆپێدڤيێن خوه و ب قەبارێن جودا بۆ ھەڵگرتن و ڤەگوهاستنا فایلان و وێنە و ڤیدیۆیان بکاردئینن.
ل گەل بکارئینانا فلاش ميمۆرى پێدڤیە ب شێوەکێ گونجای رەفتار دگەل دا بهێتە کرن ، چونکی تێکچوونا فلاشی دبیتە ئەگەرێ ژناڤچوونا هەموو فایلێن گرنگ یێ دناڤ فلاشی دا، مالپه‌رێ ئاى كوردێش سيكيورێتى ئاماژێ دده‌ت كو ب ڤان سێ رێنمایان فلاشێ خوه ژناڤچوونێ بپارێزە :
١- دوورکەڤتن ژ زیانێن مادى :
پێکهاتیە ژوان زیانێن ژ ئەگەرێ بەرکەڤتنا فلاشێ تە ب تەنەکێ بکەڤیت یان ل ئەردی بکەڤیت دێ زیان ب فلاشێ تە کەڤیت، ئەڤ زیانە دێ بیتە ئەگەرێ ژناڤچوونا هەموو فایل و وێنە و ڤیدیۆیێن دناڤ فلاشێ تەدا ، ھەروەسا پێدڤیە فلاشى ل جهەکێ دانی کۆ پلا گەرماتیێ گەلەك يا بلند گه‌رم وسار نه‌بيت ، ئەڤەژی سەرەرای کو شەپۆلێن کارۆموگناتیسی کاریگەری دێ ل سەر فلاشێ تە هەبیت.
2—ب شێوەیەکێ پاراستی فلاشێ خۆ دکۆمپیوتەرێ دا ڤەکە :
هندەك کەس یێن هەین پشتی بکارئینانا فلاشی، ڕاستەوخوه ژ کۆمپیوتەرێ دێ ئینیتە دەرێ ، ئەڤەژی کاریگەرییەکا نەرێنی دێ هەبیت ل سەر ژیێ فلاشی و فایلێن دناڤدا، ژبەر هندێ ژبەری فلاشی بینی دەرێ Eject بکە دا ب شێوەکێ پاراستی فلاشێ خوه ژ کۆمپیوتەرى بینیە دەرێ.
3-پاراستنا فلاشی ژ ئەگەرێ دژە ڤایرۆسی :
بۆ پاراستنا فلاشێ خوه پێدڤیە بەرنامێ دژە ڤایرۆسی وەك Panda USB Vaccine بکاربینی هەتا فلاشێ خۆ ژ ھەر ڤایرۆسەکێ بپارێزی ژبەری بهێتە دناڤ فلاشێ تەدا.
ئەڤرۆ نیوز، نەوزاد ھلۆری:
شەڤا بوری پێشمەرگێ ھەردوو شورشێن ئیلون و گولانێ کو پێشتر ژی پشکداری د کومارا مھاباد ل رۆژھەلاتێ کوردستانێ کر بو و ل گەل بارزانیێ نەمر چویە ئێکەتیا سوفیەت ، وەغەرا داویێ کر.
شەڤا بوری پێشمەرگە و کەسایەتی ” تەیمور جەعفەر موسا ” کو ب ئێک ژ کوردپەروەر و پێشمەرگێن دێرین و ھەڤالێ بارزانیێ نەمر دھێتە نیاسین دژیێ 87 سالیێ دا وەغەرا داویێ کر و ل بارزان ھاتە ڤەشارتن ، و ئێک بوویە ژ کوردێن سەر ب عەشیرەتا شکاک ل رۆژھەلاتێ کوردستانێ.
ناڤبری ئێک بوویە ژ پێشمەرگێن چەلەنک و قارەمان د ھەردوو شورەشێن ئیلون و گولانێ دا و رولەکێ بەرچاڤ ژی ھەبوویە د کومارا مھاباد دا ل رۆژھەلاتێ کوردستانێ و ل گەل بارزانیێ نەمر ژی چوبویە ئێکەتیا سوڤیەتی و پشتی 12 سالان مانەڤا ل وێ جارەک دن ڤەگەرا باشوورێ کوردستانێ و ل گەل بارزانیێ نەمر درێژی بە خەباتا خوەیا پێشمەرگایەتی و شورشگێری دا و ل کونگرەیێ 13ێ پارتی دا رولەکێ بەرچاڤ ھەبویە دناڤا رێزێن پارتی و ل بەر رولێ وی ژلایێ سەروک بارزانی ڤە ب مەدالیا زێری ھاتە خەلاتکرن.
ناڤبری ل گورستانەکا بارزان ھاتە ڤەشارتن و تازیا وی ژی ل ئێک ژ مزگەفتنێن پیرمام ھاتیە دانان.
ئەڤرۆ نیوز، نەوزاد ھلۆری:
شەڤا بوری ھەتا کو بەرێ سپێدەیا ئەڤرۆ رۆژا شه‌مبى رێكه‌فتى 18ى چريا دويێ فرۆکێن شەرکەرێن تورکیا بنگەهـ و بارەگایێن پارتا کرێکارێن کوردستانێ” پەکەکە” ل سنورێ ناحیا شێلادزێ بۆردۆمانكرن و ب گورەی پێزانينێن شاهدحالان کوشتی و بریندار و زیانێن ماددی ھەنە و ب چاڤ ھاتینە دیتن.
شوکری سیتەیی وەلاتیەکێ گوندێ سیتەی ل دەرگه‌هێ گەلیێ بالندایە وەکو شاهدحالێ بوردومانێ بو ئەڤرۆ نیوز گۆت: (گوندێ سیتە دکەڤیتە نیڤەکا گەلیێ بالندا کو ئێکە ژ گوندێن سەر دەڤەرا رێکان، شەڤا بوری ھەتا سپێدەیا ئەڤرۆ بوویە ئارمانجا فرۆکێن تورکیا، ژبلی کو ھژمارەکا کوشتی و برینداران ژ پەکەکێ نەھە، د ھەمان دەم دا شه‌فه‌له‌ك و ترۆمبێلەک و تراکتورەکا پەکەکێ ل گەل بارەگایێ وان ل دەڤەرێ ژناڤبرينه).
زێدەتر گۆت: (ھەر شەڤا بوری ژ بەر ترسا بوردومانێ وەلاتیێن دەڤەرێ ژی ل مالێن خوە دەرکەفتبوون ژ بەر کو گەلەک نێزیکێ وان بووينە، دخوازین کو پەکەکە بارەگایێن خوە دوور بکەن و چارەسەریەکا ب لەز بۆ دەڤەرێ و رەوشا دەڤەرێ بھێتەکرن).
ئه‌ڤرۆ نيوز:
سه‌عد حه‌ريرى، سه‌رۆك وه‌زيرێن ده‌ست ژ كاركێشايى يێ لوبنان سپێده‌هيا ئه‌ڤرۆ ل گه‌ل خێزانا خوه گه‌هشته پاريس يا پايته‌ختێ فره‌نسا.
ب گۆره‌ى نووچه‌كێ كه‌نالێ الجزيرة، بڕياره ئه‌ڤرۆ ئه‌ڤرۆ حه‌ريرى ل گه‌ل ئيمانۆێل ماكرۆن يێ سه‌رۆكێ فره‌نسا كۆم ببيت.
سپێده‌هيا ئه‌ڤرۆ حه‌ريرى راگه‌هاند كو يێ د رێ دا به‌ر ب فرۆكخانا رياز دا كو ل وێرێ به‌ر ب فره‌نسا بچيت.
حه‌ريرى، د تويته‌كى دا ئاماژه ب وێ چه‌ندێ كربوو كو “ئه‌وا دبێژن ل سعوديێ يێ ده‌سته‌سه‌ركريمه و رێ ب من ناهێته دان ئه‌وى وه‌لاتى بجهـ بهێلم دره‌وه… ئه‌زێ د رێ دا به‌ر ب فرۆكخانێ”.
3ى ڤێ هه‌يڤێ سه‌عد حه‌ريرى ب سه‌ره‌دانه‌كێ گه‌هشته سعودى و پشتى رۆژه‌كێ هه‌ر ل وى وه‌لاتى و ژ نشكه‌كێ ڤه ده‌ست ژ كاركێشانا خوه ژ پۆستێ سه‌رۆك وه‌زيرێن لوبنان راگه‌هاند ئه‌ڤه ژى بۆ ئه‌گه‌رێ قه‌يرانه‌كا سياسى ل لوبنان سه‌رهلبده‌ت و مه‌ترسى ل سه‌ر سه‌قامگێريا وى وه‌لاتى په‌يدا ببيت.
ژ لايێ خوه ڤه ميشێل عۆن يێ سه‌رۆكێ لوبنانێ راگه‌هاند “هه‌تا حه‌ريرى نه‌هێته ناڤا وه‌لاتى، نه‌يێ ئاماده‌مه ده‌ست ژ كاركێشانا وى په‌سه‌ند بكه‌م”، د هه‌مان ده‌م دا عۆن سعوديێ ب وێ چه‌ندێ تۆمه‌تبار كر كو حه‌ريرى يێ ده‌سته‌سه‌ركريه.
حه‌فتيا بۆرى ژى ئيمانوێل ماكرۆن يێ سه‌رۆكێ فره‌نسا داخوازنامه‌ك پێشكێشى حه‌ريرى و خێزانا وى كر دا كو سه‌ره‌دانا وى وه‌لاتى بكه‌ن.
ژ لايێ خوه ژى ڤه عيقاب سه‌قر يێ په‌رله‌مانتارێ لوبنان ل سه‌ر ته‌ڤگه‌را موسته‌قبه‌ل ئه‌وا حه‌ريرى سه‌رپه‌رشتيا وێ دكه‌ت راگه‌هاند كو حه‌ريرى دێ پشتى سه‌ره‌دانا خوه بۆ فره‌نسا گه‌شته‌كا كورت بۆ وه‌لاتێن عه‌ره‌بى ئه‌نجام ده‌ت به‌رى ڤه‌گه‌ريته لوبنان.
نيشاندان