ئەڤرۆ نیۆز،زنار تۆڤی:
هندەک نەریتێن سادە یێن رۆژانە هەنە؛کو ئەنجامدانا وان یا ب زەحمەت نینە، بەلێ دوور نینە ببنە ئەگەرێ تەمەن درێژیێ یان ژی تەمەن کورتیا مرۆڤی.
ئەڤ پێنج رێنماییە کو ل دووڤ ڤەکۆلینێن زانستی دبنە ئەگەرێ تەمەن درێژیێ:
1- خۆ شووشتن ب ئاڤا سار:
فەکۆلینێن زانستی دبێژن ئەو لەرزینا ب ئەگەرێ خۆ شووشتنا ب ئاڤا سار دروست دبیت، جۆرەکە ژ وەرزشێ و چالاکیەکە بۆ لەشی،هەروەکو هاندانا گۆهورینا چەوریێ سپی یێ جەستەی ددەت بۆ چەوریێ قەهوەیی،چەوریێ سپی ب هندێ یێ ناسیارە کو وزێ هەلدگریت و قەلەویێ دروست دکەت،بەلێ چەوریێ قەهوەیی هاندانا سووتاندنا وزێ و دابەزاندنا کێشێ ددەت،ئەڤە هەموو هۆکارن بۆ باشبوونا بارێ ساخلەمیا گشتی و سەر ئەنجامێن تەمەن درێژیێ.
2- خەوا تە یا باش بیت:
ڤەکۆلینەکا زانستی دەرێخستیە،هەکە شەڤانە نیڤ دەمژمێرا خەوا خۆ کێم بکەی،ئەڤە دێ ئەگەرێ قەلەوبوونێ ب شێوەیەکێ بەرچاڤ زێدە کەت، وەک هاتیە زانین کو قەلەوی چەندین هوکارێن نەخواستی هەنە و سەر ئەنجام دێ تەمەنێ تە کورت کەت.
3- تە جموجول هەبیت:
جموجولا زۆر ژبلی هێزا زێدە یا جەستەی د سووژینیت و ل دژی قەلەویێ یە،د هەمان دەمدا ل دژی قەبزبوونێ ژیکە،کو دبیتە ئەگەرەگ بۆ تووشبوونێ ب پەنجەشێرا قۆلۆنێ،لەورا پەنجەشێرا قۆلۆنێ و نە جوولاندن و قەلەوی ژ هۆکارێن دیارێن تەمەن کورتیا مرۆڤینە.
4- قەهوێ گەلەک ڤەخۆ:
ڤەکۆلینان دەرخستیە کو ڤەخوارنا قەهوێ ئەگەرێ مرنێ کێم دکەت،ب تایبەتی ل کەسانێن سەر تەمەن 45 سالیێ دا،ڤەکۆلینەکا ئیسپانی دبێژیت هەکە رۆژانە تۆ چار کووپێن قەهوێ ڤەخۆی و تە سیستەمەکێ خوارنێ یێ باش هەبیت،دێ تە تەمەنەکێ درێژ هەبیت، بەلێ هشیاری دایە وان کەسێن کو پەستانا خوینا وان یا بلند و نەساخیا دلی هەی،چونکی دبیت ئاڵۆزیێن ساخلەمیێ ل دەف وان دروست ببن.
5- رۆژانە هێکەکێ بخۆ:
ڤەکۆلینەکا چینی دبێژیت ئەوێن رۆژانە هێکەکێ دخۆن کێمتر تووشی جەلتەیا مێشکی دبن و ئەگەری بۆ هندێ ڤەدگەرینن کو هێک یا ب ترشێ فۆلیک یا دەولەمەندە. کۆمەلا دلی یا بریتانی ژی دبێژیت،رۆژانە خوارنا هێکەکێ نابیتە ئەگەرێ زێدەبوونێ ب تووشبوونا نەساخیا دلی،کو وەکو پێشتر بانگەشە بۆ دهاتە کرن.
نيشاندان