ئەڤرۆ نیوز ، نەوزاد هلوری
هژمارەکا زور یا بەرپرسێن هەرێم و عیراق و جیهانێ و جەماوەرەکێ زور پێشوازیا ئینانەڤا تەرمێ مام جەلال تالەبانی دکەن ل فرۆکخانا سلێمانیێ یا نیڤدەولەتی.
نها سەرۆکێ هەرێما کوردستانێ مەسعود بارزانی و سەروکێ حکومەتا هەرێما کوردستانێ نێچیرڤان بارزانی گەهشتنە فرۆکخانا سلێمانیێ بو پێشوازی ل تەرمێ مام جەلال تالەبانی.
نها تەرمێ مام جەلال ب رێیا فروکەکا تایبەت یا عیراقێ گەهشتە ئاسمانێ کورستانێ و ل هنداڤا ئەسمانێ رانیێ یە.
فوتو ، دلوڤان مەجد ، سلێمانی
ئەڤرۆ نیۆز،زنار تۆڤی:
بریارە ئەڤرۆ ل دەمژمێر 7:00 ب دەمێ باشۆرێ کوردستانێ تەرمێ مام جەلالی ل بەشێ سەربازی ل فرۆکخانا تیگل ل ئەلمانیا بەرەف سلێمانیێ برێ بکەڤیت و ل دەمژمێر 11:30خولەک بگەهتە فرۆکخانا نێڤدەولەتیا سلێمانیێ.
شێرزاد سولتان، بەرپرسێ تیما پرۆتۆكۆل و تەشریفاتێ ل هەرێما کوردستانێ بۆ رووداو راگەهاندیە کو رۆژا ئەینی 6-10-2017، تەرمێ مام جەلالی سکرتێرێ گشتی یێ ئێکەتیا نیشتمانیا کوردستانێ و سەرۆک کۆمارێ پێشوو یێ عێراقێ دێ گەهیتە دەگاتەوە فرۆکخانا نێڤدەولەتی ل سلێمانیێ و ل دەمێ گەهشتنێ دێ 21 تۆپ و 21 گولە هێنە تەقاندن.
هەروەسا ل فرۆکخانا نێڤدەولەتی ل سلێمانیێ سەرۆک وەزیرێن هەرێما کوردستانێ دێ ئامادە بیت،شێرزاد سوڵتان گوت ژی ل دەمێ گەهستنا مێهڤانان نێچیرڤان بارزانی، سەرۆک وەزیرێن هەرێما کوردستان دێ پێشوازیێ ل مێهڤانان کەت و دێ د مەراسییما وی دا بەشدار بیت.
ئەڤرۆ نیۆز،زنار تۆڤی:
دناڤا سەنتەرێ باژێرێ زاخۆ دا شۆفێرەکێ خۆ ل کلبسۆتێ جادێ دایە و ب گرانی برینداربوویە.
موقەدەمێ مافپەروەر ئازاد تاها بەرپرسێ پەیوەندی و راگەهاندنێ ل رێڤەبەریا هاتنوچوونا پارێزگەها دهۆکێ بۆ ئەڤرۆ نیۆز دیارکر:کو ئەڤ شەڤە ٢٠١٧/١٠/٥ و ل دەمژمێر ٩:٠٠ شەڤ ل ناڤا سەنتەرێ قەزا زاخۆ ترۆمبێلەکا كا تايبەت ژ جۆرێ كرۆلا یا رەنگ سپى ل بن كونترۆلا شۆفيرى دەرکەفتیە و خۆ ل كلبستونێ جادێ دایە و شۆفير بگرانی بريندار بوویە و گوت ژی:د هەمان دەم دا زيانێن ماددى یێن مه زن ژی گەهشتینە وێ ترۆمبێلێ.
ئەڤرۆ نیۆز،زنار تۆڤی:
رێڤەبەریا راگەهاندنێ ل وەزارەتا پەروەردێ ئەڤرۆ پێنجشەمبی 5.10.2017 راگەهاندنەک بەلاڤکریە و تێدا هاتیە،بۆ رێکخستنا شێوازێ دەوامێ ل هەموو قوتابخانان و نەبوونا جیاوازیێ،وەزارەتا پەروەردێ بریار دا کو رۆژێن شەمبیێ ببنە بهێنڤەدانێن فەرمی بۆ سەرتاسەری قوتابخانێن هەرێما کوردستانێ، بەلێ ئەو وانێن کو دکەڤنە د رۆژێن شەمبیێ دا پێدڤیە د خشتێ رۆژێن دیتر دا بهێنە دانان و نابیت ب هیچ شێوەیەکێ وانێن رۆژا شەمبیێ تێ بچن و سەرپەرشتیار و رێڤەبەرێن قوتابخانان بەرپرسن ژ رێکخستنا خشتەی، داکو هیچ کاریگەریەکا نەرێنی نە کەتە سەر ئاستێ زانستی.
ئەڤرۆ نیوز ، ئێقبال عومەر:
لروژا 20-9-2017 حەفت گەنجێن رێکانی کو ئاکنجیێن سیریێ و شێلادزێ و دێرەلوک بوون ل دەڤەرا رێکان بونە ئارمانجا فرۆکێن تورکیا و هاتنە شەهیدکرن ، ئەڤرۆ تەرمێ دوماهیک شەهیدێ ئەوێ روودانێ هاتە دیتن کو ب کارەساتا رێکان دهێتە نیاسین.
دڤی واریدا سادق محەمەد سیدانی مامێ ئەوی شەهیدی بو ئەڤرۆ نیوز گۆت : ( پشتی لێگەریان بو دەما 15 روژان دوماهیێ تەرمێ سیداد سدقی سیدانی ل دەڤەرا رێکان هاتە دیتن کو رووباری ل گەل خوە ئینابویە بن پرا باڤێ)
زێدەتر گۆت: ( نها تیمەکا نقومڤانێن شێلادزێ ب هەڤکاریا خەلکێ شێلادزێ و کەس و کارێن وی چوینە جهێ روودانێ بو ئینانەڤا تەرمێ شەهیدی)
ئەڤرۆ نیوز ، نەوزاد هلوری:
هێمن سلێمان بەرپرسێ راگەهاندنا پولیسێن دهوکێ بو ئەڤرۆ نیوز گۆت: ( ل تاخێ ماسیکێ و سەنتەرێ باژێرێ دهوکێ زەلامەکێ دانعەمر کورێ خوەیێ 40 سالی ب چەند گولەیەکان کوشت ، پەرێن ڤەکولینێ ژی ژلایێ نڤیسینگەها نەهێلانا گونەهباریان هاتیە ڤەکرن بو دوڤچون لسەر روودانێ)
زێدەتر گۆت: (پشتی کو ئەوی زەلامی کورێ خوە کوشتی ، دوڤدا ئێکسەر خوە رادەستی پولیسان کریە ، پولیس ژی دێ ل گۆرەی قانونێ سەرەدەریێ ل گەل روودانێ کەن داکو ئەڤ تاوانبارە بگەهیتە سزایێ خوە ، ئەگەرا روودانێ ژی ل گورەی ڤەکولینێن دەستپێکی دزڤریت بو ئاریشەکا جڤاکی)
ئەڤرۆ نیۆز،زنار تۆڤی:
ئەڤرۆ پێنجشەمبی 5.10.2017 فرۆکێن سۆپایێ تورکی ب بەهانەیا هەبوونا چەکدارێن پەکەکێ بۆ ماوێ پتر ژ دو دەمژمێران دەڤەرا بەرواری بالا یا سەر ب قەزا ئامێدیێ ڤە ب دژواری بوردۆمانکر.
ئەڤرۆ ل دەمژمێر 1:30 خولەکی پشتی نیڤرۆ فرۆکێن ئێف 16 یێن سۆپایێ تورکی ب بەهانەیا هەبوونا چەکدارێن پەکەکێ ل ڤێ دەڤەرێ پشتا گوندێ کێستە یا دناڤبەرا ملا رەدێ و کانی رەشێ دا بۆ ماوێ پتر ژ دو دەمژمێران بوردۆمانکر و نوکە ژی بوردۆمان یا بەردەوامە،هەروەسا دەنگێن فرۆکان خۆش دهێتە گوهلێبوون ل ئەسمانێ ڤێ دەڤەرێ.
ئه‌ڤرۆ نیوز ، هلورى:
سپێده‌هیا ئه‌ڤرۆ شانده‌كێ عیراقێ ب سه‌روكاتیا عه‌بادى گه‌هشته فه‌ره‌نسا و نها ل گه‌ل سه‌روكێ فه‌ره‌نسا و چه‌ند به‌رپرسه‌كێن دن د كومبوونێ دایه.
ئه‌ڤرۆ حه‌یده‌ر عه‌بادى سه‌روك وه‌زیرێن عیراقێ ل گه‌ل شانده‌كێ پێكهاتى ژ وه‌زیر و كاربده‌ستێن عیراقێ گه‌شت فه‌ره‌نسا و نها ل گه‌ل ئیمانوێل ماكرون سه‌روكێ فه‌ره‌نسا د كومبوونێ دایه.
ل گوره‌ى زانیاریێ، كو د میدیایێن جیهانى دا به‌لاڤبووى ریفراندۆما سه‌ربخوه‌ى یا كوردستانێ و دانوستاندنێن دناڤبه‌را هه‌ولێر و به‌غدا و شه‌رێ تیرورستێن داعش و هه‌ڤكارییێن فه‌ره‌نسا و په‌یوه‌ندیێن دناڤبه‌را فه‌ره‌نسا و عیراقێ بابه‌تێن سه‌ره‌كیێن كومبوونا وان نن.
نيشاندان