دێرهلۆك، مەحمود نهێلی
دو كەس ل سەنتەرێ ناحیا دێرەلۆكێ ئێڤاریا ئەڤرۆ 25/11/2017 دكەڤنە بەر هێرشهكا چەكداری پشتی كو ئێك دهێتە كوشتن یێن دى ژی ب برینداری دهێتە رەڤاندن .
هاولاتیەكێ روودان ب چاڤێ خوە دیتی بۆ ئەڤرۆنيۆز دیاركر، كو ئەو ل ترۆمبێلا خوه دا بوو دهمێ دیتى سێ ترومبێلێن جۆرێ تويۆتا( مەرزیا ) ل دووڤ ئێك دهاتن و چەند چەكدارەك تێدا بوون تەقە ل ئێك و دو دكر وگۆت، سێ چەكدار ژ دو ترۆمبێلان دەركەفتن و تەقە ل دو كەسێن دی دكر و پشتی ئێك كەفتی، چوونه دهف و پتر ژ 10 گولەیان ل سەرێ وی دان و هەروەسا یێ دى ژی كەفت، بهلێ خشاندە دترۆمبێلێ دا و ل گەل خوە برن و چوون.
وی هاولاتی ئەو یەك ژی دیار كركو گولەیەك ب جامێ ترۆمبێلا وی كەفتیە وهەكە ژبەر ئاسنێ سینگی ترومبێلێ نەبا، دا ئهو گوله ب كۆرێ وێ یێ بچووك كەڤیت.
ژێدەرەكی ئەمنی بۆ ئەڤرۆنيۆز دیاركر كو ئەو تەقا ل ناڤ سەنتەرێ ناحیا دێرەلۆكێ پهيدابووى ل نێزیك بنگەهێ ساخلەمیێ بوو و تەقەیەكا زۆر هاتیە كرن و چەند گولە ژى ب ناڤ خەلكی كەفتینە و چەند ترومبێل ژی هاتینە هنگڤاتن،به لێ كەس بریندار نەبوویە ب تنێ ئەو كەس بوونە ئارمانج یێن كو تەقە لێ هاتیە كرن. هەروەسا دانە خویاكرن كو هێرشبەر بەرڤ جهەكێ نەدیار رەڤينه و تا نها نەهاتیە زانین كا كینە.
ئهڤرۆنيۆز:
سهرۆكێ فراكسيۆنا (الحل) يا سونى دجڤاتا نوونهرێن عيراقێ دا، ئهڤرۆ شهمبيێ 25/11/2017 راگههاند، لايهنێن سونى تێبينى ل سهر بودجا 2018 يا پارێزگههێن ئازادكرى ژدهستێ داعشێ يێن ههين، داخواز ژى كر كو لێزڤرين دبودجێ دا بهێته كرن، بهرۆڤاژى ئهو دهنگي ل سهر نادهن.
محهمهد كهربولى، سهرۆكێ فراكسيۆنا (الحل) كو ئێك ژفراكسيۆنێن عهرهبێن سونهيه د دجڤاتا نوونهران دا راگههاند، فراكسيۆنا هێزێن عيراقى يا سونى، تێبينى ل سهر بودجا پارێزگههێن ژداعشێ ئازاد بووين يێن ههين، دووپاتكر ژى، ژبهركو پارهكێ كێم بۆ وان پارێزگههان يێ هاتيه تهرخانكرن، دبيت ل دهمێ دهنگدانێ، دهنگى ل سهر پرۆژێ قانوونا بودجا گشتى يا عيراقێ بۆ سالا 2018 نهدهين.
كهربولى ب پێدڤى زانى، لێزڤرين د بودجێ دهڤهرێن ئازادكرى ژدهستێ داعشێ بهێته كرن، بۆ وێ چهندێ بشێن ژێرخانا وان باژێران بهێته ڤهژاندن وئاسايش وسهقامگيرى بۆ بهێته زڤراندن وگۆت، ئهو دهڤهرانه دێ تووشى كێشهكا مهزن بن ههكه بودجه بۆ نههێته زێدهكرن.
ناڤبرى، مهندههوشيا خوه دياركر ژ وێ چهندێ كو حوكمهتا عهبادى تنێ 14 مليۆن دۆلار بۆ پارێزگهها ئهنبارێ يێن تهرخانكرين ودبێژيت، ئهو پاره تێرا چێكرنا جادان ناكهت.
بهرى لايهنێن سونى، فراكسيۆنێن كوردستانى ل جڤاتا نوونهران، رهخنێن توند ل عهبادى گرتن ژبهركو بودجا ههرێما كوردستانێ ژ 17% بۆ 12.67% كێم كربوو، لهوما برياربوو ههكه بودجا ههرێما كوردستانێ كێم بكهن، دهنگ ب پرۆژێ قانوونا بودجا 2018 نهدهن ودبيت خوه ژپرۆسا سياسى ژى ڤهكێشن
ئهڤرۆنيۆز:
كۆمسيۆنا بلند يا ههلبژارتنان ل عيراقێ ئاشكراكر كو دو رێگرى ل بهردهم ئهنجامدانا ههلبژارتنێن عيراقێ يێن ههين كو برياره ل 15 گۆلانا 2018 بهێنه ئهنجامدان.
كهريم ئهلتميمى ئهندامێ جڤاتا كۆميساران بۆ ئاژانسا دهنگوباسێن راگههاندنا عيراقى گۆت، ههتا نوكه بودجا كۆمسيۆنێ نههاتيه مهزاختن وقانوونا ههلبژارتنان ژى نههاتيه پهسهندكرن.
كهريمى گۆت ژى، پێدڤيه بودجا كۆمسيۆنێ ل 15/12/2017 بهێته مهزاختن بۆ بهردهواميدانێ ب بهرههڤيان بۆ ئهنجامدانا ههلبژارتنێن داهاتى.
دياركر ژى، تانوكه قانوونا ههلبژارتنان ژى نههاتيه پهسهندكرن ژلايێ جڤاتا نوونهرێن عيراقى ڤه.
ئاشكراكر ژى، كۆمسيۆنا ههلبژارتنان نهچاربوو بهرى چهند رۆژان نڤيسارهكا فهرمى ل گهل خشتێن پێدڤى بۆ بهرههڤيێن كۆمسيۆنێ ئاراستهى ههرسێ سهرۆكاتيان( سهرۆكاتيا جڤاتا وهزيران، سهرۆكاتيا كۆمارى وسهرۆكاتيا جڤاتا نوونهران) وليستێن سياسى بكهت ودوێ نڤيسارێ دا مه داخوازكر ب زووترين دهم بودجا كۆمسيۆنێ بهێته مهزاختن ژبۆ بهردهواميدانا كۆمسيۆنێ دكارێن خوهدا.
جڤاتا وهزيرێن عيراقێ رۆژا 15 گۆلانا 2018 دياركربوو بۆ ئهنجامدانا ههلبژارتنێن جڤاتا نوونهران، ددهمهكى دا جڤاتا نوونهران يا بهردهومه ل سهر دانوستاندنێ ل دۆر قانوونا ههلبژارتنان.
ئهڤرۆنيۆز:
سهرۆك بارزانى پهيامهكا ئاراستهى گهل وحوكمهتا مسرى كر وتێدا ههڤخهميا خوه دياركر ژبهر كارهساتا رۆژا ئهينيێ كو ل مزگهفتهكا پارێزگهها باكوورێ سينا يا مسرى، ب رێيا
سهرۆك بارزانى دوێ پهيامێ دا، كو هێمن ههورامى بهرپرسێ كاروبارين سياسى وپهيوهنديێن گشتى يێن نڤيسينگهها سهرۆك بارزانى، گههانديه كونسولخانا مسرى ل ههولێرێ، سهرهراى ههڤخهمى وشهرمزاركرنا وێ كريارا تيرۆرستى كو بوويه ئهگهرێ شههيدكرنا 305 كهسان وبرينداركرنا 197 كهسێن دى، بهرههڤى بۆ ههر جۆره هاريكاريهكێ نيشان دا.
دپشكهكا دى يا پهياما سهرۆك بارزانى دا، روناهى خسته سهر رهوشا دهڤهر تووش بوويێ وژئهگهرێ وێ ڤالاتيهكا وهسا دروست بوويه كو تيرۆرست وهكو دهڤهرهكا گونجاى بۆ مهرهمێن خوه يێ تيرۆرستى بكاربينن، دياركريه كو هزرێن تيرۆرستان سنوران نابينن، لهوما دههر كونجهكا ڤێ جيهانێ دا كو تيرۆرستهك ههبيت، دبيته مهترسى بۆ مرۆڤايهتێ دجيهانێ دا.
سهرۆك بارزانى گۆت ژى، ههر ئهڤێ چهندێ ژى وهكريه كو گهلێ كوردستانێ وپێشمهرگێن قههرهمان ل سنورێن كوردستانێ هزرا ئاژاوهگيريا تيرۆرستان بشكێنن وب جيهانا ئازاد گۆت، ئهم پارێزهرين ئازاديێ وژيانێ نه.
عومهر فههمى، كونسولێ مسرێ ل ههولێرێ، سوپاسيا ڤى ههلويستێ سهرۆك بارزانى كر وئهڤ ههڤخهميا بارزانى بۆ گهلێ مسرێ جهێ گرنگيدانێ يه و ب ناڤێ گهلێ مسرێ و حوكمهتا مسرى سوپاسيا خوه ئاراستهى سهرۆك بارزانى كر.
ئهڤرۆنيۆز:
شانا راگههاندنا لهشكرى يا عيراقى، راگههاند كو هيزێن عيراقى كونترۆل ل سهر فرۆكخانا جنيف ل باشوورێ قهزا حهزهر كر.
دبهياننامهكێ دا، شانا راگههاندنا لهشكرى دياركر كو هێزێن ليوا 26 يا لهشكرێ عيراقێ فرۆكخانا جنيف ل باشوورێ قهزا حهزهر يا ب سهر پارێزگهها نهينهوا ڤه، ل كووراتيا دهڤهرا جهزيره كونترۆلكر ودهست ب پاقژكرنا بۆمبێن داعشێ چاندين كريه.
دياركر ژى كو هێزێن عيراقى دهست ب قۆناغا دويێ ژ ئوپهراسيۆنا پاقژكرنا بيابانا دناڤبهرا ههردو پارێزگههێن ئهنبار ونهينهوا دا ژ داعشێ كريه.
ئهڤرۆنيۆز:
پهيڤدارێ عهشيرهتێن عهرهبى ل پارێزگهها نهينهوا رادگههينيت كو دهڤهرێن ناكۆكى ل سهر دناڤبهرا ههرێمێ وبهغدا روو ب روويێ بزاڤهكا گوهۆرينا ديموگرافى وتهعريبێ دبن ب دهستێ هێزێن عيراقى وحهشدا شهعبى وداخواز ژ عهبادى كر سنورهكى بۆ ڤان كاران بدانيت.
شێخ مزاحم ئهحمهد ئهلحويت پهيڤدارێ عهشيرهتێن عهرهبى ل پارێزگهها نهينهوا دبهياننامهكێ دا عهشيرهتێن عهرهبى ئاگههداركرن كو پرۆسهكا نوو يا تهعريبێ وگوهۆرينا ديموگرافى يا ل دهڤهرێن كۆكى ل سهر دهێته ئهنجامدان كو هيزێن ئهمنى يێن عيراقى وحهشدا شهعبى رابووينه ب ڤهگۆهاستنا ب سهدان مالباتێن عهرهب يێن لايهنگرێن داعشێ كو كۆرێن وان پهيوهندى ب رێزێن داعشێ كربوو وپێشتر وان ل دهڤهرێن رۆژئاڤايێ مووسل وباشوور ورۆژههلاتێ مووسل وهكو داينگهها داعشێ كاردكر.
ئهلحويت زێدهتر گۆت، وهكو عهشيرهتێن عهرهبى ل نهينهوا، داخوازێ ژ حهيدهر عهبادى سهرۆك وهزيرێن عيراقێ دكهين سنورهكى بۆ پرۆسا تهعريبێ ل وان دهڤهران بدانيت كو دێ فيتنا تائيفێ ژێ پهيدا بيت ل وى دهمێ پرۆسه يا دهستپێكرى ب رێيا ڤهگۆهاستنا كارمهندێن پۆليسێن زۆمار ودهڤهرێن دى وگوهۆرينا وان ب چهند كارمهندێن گومانلێكرى وتۆمهتبار ب تيرۆرێ.
ل دووڤ شێخ مزاحم ئهلحويت، ئهو كاره دچارچۆڤێ ههوهكا ههلبژارتنان دا دهێته ئهنجامدان كو هژمارهكا پهرلهمانتارێن دهڤهرێ كو خوه وهكو نوونهرێن عهرهبێن سونه ددهنه نياسن ومهرهما سهرهكى يا وان ژناڤبرنا گيانێ پێكڤهژيانێ يه ل وان دهڤهران.
زێدهتر دياركر، ئهم ب تمامێ دهستێوهردانێ وگوهۆرينا ديموگرافى وتهعريبێ ل وان دهڤهران وهاندانێ بۆ توندوتيژيێ تێدا رهت دكهين وب گهف دزانين ل سهر گيانێ وهلاتيان ژههموو نهتهوه وئايين ومهزههبهكى، لهوما ژ عهبادى دپرسين چاوان ئهو داعشانه ژ سزايێ رزگاربوون ونوكه ب ئازادى دهێن ودچن كو پێشتر دهستێ وان ب خوينا عيراقيان سوور ببوو؟ ونوكه ژى دبن سيبهرا هێزێن ئهمنى وحهشدا شهعبى هاتنوچوونێ ل دوان دهڤهران دكهن، لهوما هوشداريێ ددهين ههكه ئهو كاره نههێته چارهسهركرن، ئهو دێ روو ب روويێ ئاوارهبوونهكا دى بن.
ئهڤرۆنيۆز:
وهزيرێ دهرڤهيێ توركيا مهولود جاويش ئوگلۆ، راگههاند، سهرۆكێ ئهمريكى دونالد ترامپ بۆ سهرۆكێ توركى ئهردۆگانى راوهستاندنا پشتهڤانيا ئهمريكى يا چهكدارى بۆ حزبا ئێكهتيا ديموكراتى (پهيهده) دووپاتكر.
ل دووڤ مالپهرێ ترك پرێس يێ توركى ب زمانێ عهرهبى، جاويش ئوگلۆ گۆت، دپهيوهنديهكا تهلهفۆنى دا دناڤبهرا ترامپى وئهردۆگانى، ههردو سهرۆكان دووماهى پێشهاتێن دهڤهرا رۆژههلاتا ناڤين بهحسكرن ب تايبهتى كێشا سووريێ ورهوشها مهيدانى وپێشڤهچوونێن سياسى يێن گرێداى وێ كێشێ.
جاويش ئوگلۆى دياركر كو ترامپى ب راشكاوانه گۆته ئهردۆگانى، پێدڤى بوو ل سهر ئهمريكا بهرى دهمهكێ درێژ، پێشكێشكرنا چهكى بۆ ئهندامێن حزبا ئێكهتيا ديموكراتى(پهيهده) راوهستاندبا.
سهرۆكێ توركى رهجهب تهيب ئهردۆگان ژى ل سهر بهرپهرێ خوه يێ تويتهرى، ل دۆر پهيوهنديا تهلهفۆنى ل گهل ترامپى، گۆت( پهيوهنديهكا تهلهفۆنى يا بهرههمدار بوو).
كوچكا سپى يا ئهمريكى دراگههاندنهكێ دا گۆت، سهرۆكێ ئهمريكى، سهرۆك كۆمارا توركيا ئاگههداركر ل سهر وێ گوهۆرينا دێ دپشتهڤانيا لهشكرى دا بۆ ههڤپشكێن ئهمريكا ل سووريێ هێته كرن، ئهوژى دهمێ شهرِێ رهقه ب دووماهى دهێت.
ئهڤرۆنيۆز:
د چارچۆڤێ ياريێن ئهڤرۆ يێن گهرا 13 ژ خۆلا ئينگليزى يا تهپا پێى، دێ ياريهكا ب هێز هێته ئهنجامدان دناڤبهرا ههردو يانين لێڤهرپۆل وشيلسى ل دهمژمێر 8:30 ل سهر يارێگهها ئهنفێلد يا لێڤهرپۆل.
يانا شيلسى قارهمانا وهرزێ بۆرى يا خۆلا ئينگليزى پشتى ئهنجامدانا 12 ياريان ل رێزا سيێ دهێت ب 25 خالان پشتى ههردو يانێن مانشستهر سيتى كو ل رێزا ئێكێ دهێت ب 34 خالان ومانشستهر يونايتد كو ل رێزا دويێ دهێت ب 26 خالان.
شيلسى د وان 12 ياريان دا ههشت سهركهفتن تۆماركرينه ووهكههڤيهك وسێ ياريان ژى هاتيه دوراندن.
يانا لێڤهرپۆل ب كۆمكرنا 22 خالان ل رێزا پێنجێ دهێت كو د12 ياريێن خوه يێن بۆرى دا شهش سهركهفتن تۆماركرينه ود چار ياريان دا وهكههڤ بوويه و د دو ياريان دا ژى هاتيه دوراندن.
نيشاندان