ئه‌ڤرۆ نيوز:
پارێزگارێ ژ كارلاداییێ كه‌ركوك ئه‌و ده‌نگویه ره‌ت كرن كو كوردستان بجهـ هێلابیت و به‌ره‌ڤ ئه‌مریكا چوبیت و راگه‌هاند: ئه‌ز نوكه یێ ل هه‌ولێرێ، من كوردستان بجهـ نه‌هێلایه.
نه‌جمه‌دین كه‌ریم: من كوردستان بجهـ نه‌هێلایه
نووترين نووچه
- گرنگییەكا تایبەت ددەینە ب هێزكرنا ئافرەتان بۆ گەهشتنا وان ب پێگەهێن هەژی
- شانازیێ ب كەلتوورێ پێكڤەژیانێ و هەڤدوقەبوولكرنێ د ناڤبەرا پێكهاتەیان دا دكەین
- ب نوونەرایەتییا سەرۆك بارزانی هشیار زێباری پشكداری د رێوڕەسمێن زانكۆیا كاتۆلۆكی دا كر
- بەرهەڤی بۆ روونشتنا پەرلەمانێ كوردستانێ د قووناغێن دووماهیێ دا نە
- بارەگەهێن پارتی ل دەڤەرێن پارێزگەها نەینەوا دێ هێنە ڤەكرن
- كەس نەشێـت دیواران د ناڤبەرا ئێزدی و سەركردایەتییا كوردستانێ دا دروست بكەت
- شاندەكێ كەنیسەیا ئەرتۆدۆكسی یا رووسی رۆلێ سەرۆك بارزانی د بهێزكرنا پێكڤەژیانێ دا بلند هەلسەنگاند
- سەرۆكێ هەرێما كوردستانێ پێشوازیێ ل پلانا دۆنالد ترەمپی بۆ ئاشتیێ ل غەزە دكەت
- هەردەم كاری بۆ ب هێزتركرنا بنەمایێن ئاشتیێ و براتیێ د ناڤبەرا پێكهاتەیان دا دكەین
- زێدەبوونا بەرهەمێ پەترۆل و غازا كوردستانێ د چارچۆڤەیێ بەرنامەیێ ترەمپی دایە
سه‌ره‌كى نووترين نووچه
دو ژنێن دى یێن ئێزدى هاتنه رزگاركرن
ئه‌ڤرۆ نیوز:
به‌رپرسێ نڤیسینگه‌ها ره‌ڤاندیێن ده‌ستێ داعش ل دهۆكێ دیار كر كو رزگاركرنا كوردێن ئێزدى د ده‌ستێن تیرۆرستێن داعشێ دا یا به‌رده‌وامه و دببێژیت: ئه‌ڤرۆ 7/11/2017 دو ژنێن دى یێن ئێزدى ژ ده‌ستێ تیرۆرستێن داعش هاتنه رزگاركرن.
حسێن قائیدى، به‌رپرسێ نڤیسینگه‌ها ره‌ڤاندیێن ده‌ستێ داعش ل دهۆكێ خویا كر، پشتى بزاڤه‌كا زۆر و ب هه‌ماهه‌نگى ل گه‌ل دام و ده‌زگه‌هێن ئه‌منى و هژماره‌كا كه‌سان ئه‌و شیان وان دو ژنێن كوردێن ئیزدى ژ ده‌ستێ تیرۆرستێن داعش رزگار بكه‌ن و گۆت: “ئه‌و هه‌ردو ژنه خه‌لكێ كۆمه‌لگه‌ها ته‌لقه‌سه‌بن یا سه‌ر ب قه‌زا شنگالێ ڤه و ئه‌ڤرۆ ب دیتنا كه‌سوكارێن خوه شاد بوون”.
به‌رپرسێ نڤیسینگه‌ها ره‌ڤاندیێن ئێزدى ئاماژه ب وێ چه‌ندێ ژى كر كو هه‌تا نوكه ئه‌و شیاینه پترى هزار و 170 كه‌سان ژ ده‌ستێن تیرۆرستێن داعش رزگار بكه‌ن و گۆت: “ئه‌م ل سه‌ر رزگاركرنا ره‌ڤاندیان دێ دبه‌رده‌وام بین و سۆزێ ژى دده‌ینه كه‌سوكارێن وان هندى كه‌سه‌ك د ده‌ستێن داعش دا مابیت، دێ ل سه‌ر رزگاركرنا وان دبه‌رده‌وام بین”.
نووترین داخویانیا عه‌بادى ل دۆر موچێ فه‌رمانبه‌رێن هه‌رێمێ
ئاسايشا هه‌ولێرێ:چو ئاوارێن عه‌ره‌ب نه‌هاتينه ده‌ركرن
ئه‌ڤرۆنيۆز:
رێڤه‌به‌ريا ئاسايشا هه‌ولێرێ راگه‌هاند، چو ئاوارێن عه‌ره‌ب ژ هه‌ولێرێ نه‌هاتينه ده‌ركرن ودرۆهنكرنه‌كێ دا دبێژيت( هه‌موو لايه‌كى پشت راست دكه‌ين كو ئه‌و وه‌لاتيێن عه‌ره‌ب يێن ب رێز ل باژێرێ هه‌ولێرێ ژيانا خوه ب شێوه‌كێ ئاسايى دبۆرينن).
درۆهنكرنا ئاسايشا هه‌ولێرێ دا هاتيه ( هنده‌ك كه‌نالێن راگه‌هاندنێ به‌لاڤكريه كو ئه‌و ئاوارێن عه‌ره‌ب ئه‌وێن ژ باژێرێن دى يێن عيراقێ هاتينه كوردستانێ، نوكه يێن ژ باژێرێ هه‌ولێرێ دهێنه ده‌ركرن ول شوونا وان خێزانێن ئاوارێن كه‌ركووكێ دهێنه ئاكنجيكرن. رێڤه‌به‌ريا ئاسايشا هه‌ولێرێ ڤان ده‌نگوباسان ره‌ت دكه‌ت وهه‌موو لايه‌كى پشت راست دكه‌ت كو ئه‌و وه‌لاتيێن عه‌ره‌ب ب رێز يێن ل باژێرێ هه‌ولێرێ ژيانا خوه ب شێوه‌كێ ئاسايى دبۆرينن).
ديسا دياركريه كو ئه‌و خێزانێن ژكه‌ركووكێ ئاواره بووين يێن ل باژێرێ ئاشتى دو هاتينه ئاكنجيكرن ب رێككه‌فتن ل گه‌ل خودانێ كۆمپانيا شارى ئاشتى وپارێزگه‌ها هه‌ولێرێ كو هژماره‌كا وان خانيان دچۆلن وب كرێ بهێنه دان بۆ ئاواران وئه‌و ناڤێن ل سه‌ر ديواران هاتينه نڤيسين ئه‌و خانى نه يێن هه‌تا نوكه مولكێ كۆمپانيا ناڤرى ونه‌هاتينه فرۆتن وچو خێزانێن عه‌ره‌ب ل باژێرێ هه‌ولێرێ تووشى گرفتان نه‌بووينه.
دڤێت ژن و مێر هندی ئێک د پاقژ بن
ئەڤرۆ نیۆز،زنار تۆڤی:
هەکە هەوە بڤێت د ژیانەکا ئاسووده و دوور ژ كێشەیان دا بژین،باشترە هوون هندی ئێک گرنگیێ ب پاڤژی و ب ژینی و جوانیێ بده‌ن،داکو کەس ژ هەوە دخه‌ما كێمته‌رخه‌میا ئه‌وێ دیتر دا نه‌بیت.
مالپه‌رێ “ئه‌یام” ب ڤی شێوه‌ی شیرەتان ل ژنان و زەلامان دکەت:
زەلام:دەمێ تۆ داخوازێ ژ هەڤژینا خۆ د‌كه‌ی کو گرنگیێ ب پاڤژیێ و جوانیێ بدەت،دڤێت تۆ ب خۆ ژی هه‌مان كاری ئه‌نجام بده‌ی،هەروەسا به‌رده‌وام پرچێ خۆ رێکوپێک بکەی،یێ پاڤژ و بژین بی و بێهنێن خۆش ل خۆ بکەی،ئه‌و دەمێن كو تۆ ل مال ژی بی،دڤێت ب شێوه‌یه‌كێ رێكوپێک خۆ راگری و هه‌ست و سۆزێن هەڤژینا خۆ بریندار نه‌كه‌ی، چونكی وێ ژی ب هه‌مان شێوەیێ تە هه‌ست هه‌یه و حه‌ز دکەت کو زەلامەکێ رێكوپێك هه‌بیت.
ژن:دەمێ بەحسێ پاڤژیێ دهێتەکرن، مه‌رج نینە هێجەتا نه‌بوونا ئاڤێ یان ماندیبوونێ بۆ هەڤژینێ خۆ بەحس بکەی،تۆ دشێی دو یان سێ رۆژان جارەكێ خۆ بشۆی، زوو زوو جلکێن خۆ ب گوهۆره و بێهنێن خۆش ل خۆ بکه،بۆ هندێ دا نه‌كه‌ڤیە وی دۆخی کو مێرێ تە بێژیته تە بێهنا نەخۆش یا ژتە دهێت و هه‌ستێ تە بریندار بكەت،هەروەسا هەکە بەحسێ جوانیێ هاتەکرن،مەعناوێ ئه‌و نینه کو ل هه‌موو سپێدەهیا تۆ مكیاجێ ئاهه‌نگان ل خۆ بدەی،تۆ دشێی میکیاجی نەدانی و ب تنێ تە رۆخسارەکێ گه‌ش و پاقژ هه‌بیت،ئەڤە بۆ مێرێ تە ژ میكیاجی جوانتره.
فه‌رمانا داخستنا كه‌ناله‌كێ ئه‌سمانى هاته ده‌ركرن
ئه‌ڤرۆنيۆز:
ل دووڤ هنده‌ك ژێده‌ران، بريارا داخستنا كه‌نالێ الموصليه يێ ئه‌سمانى ژلايێ پارێزگه‌رێ ژكار لاداى يێ نه‌ينه‌وا هاتيه ده‌ركرن.
وان ژێده‌ران ب شه‌فه‌ق نيۆز راگه‌هانديه كو (نه‌وفه‌ل سولتان ئه‌لعاگۆب) پارێزگه‌رێ ژكار لاداى يێ نه‌ينه‌وا فه‌رمان دايه ئه‌ندامێن حه‌شدا عه‌شيره‌تان ئه‌وێن ل بن ده‌ستهه‌لاتا وى ڤه كو په‌يامنێر وكارمه‌ندێن كه‌نالێ ناڤبرى ده‌سته‌سه‌ربكه‌ن هه‌كه دژى وێ فه‌رمانێ ب راوه‌ستن وبزاڤا كارێ راگه‌هاندنێ دناڤ باژێرى دا بكه‌ن.
ژێده‌ره‌كێ تايبه‌ت ژى ل ديوانا پارێزگه‌ها نه‌ينه‌وا ئه‌و ده‌نگوباسه پشت راستكر كو ئه‌لعاگۆبى ئه‌و فه‌رمان يا ده‌ركرى وئاماژه دا كو ئه‌گه‌رێن وێ چه‌ندێ دكه‌سايه‌تى نينن، به‌لكو وه‌زاره‌تا پلاندانانا عيراقێ وده‌سته‌يا گه‌هاندنێ فه‌رمانا راوه‌ستاندنا كارێ وى كه‌نالێ ده‌ركريه ژبه‌ر قه‌رێن مه‌زن ئه‌وێن كه‌فتينه سه‌ر دسالێن بۆرى دا.
ل ئێكێ ڤێ مه‌هێ، جڤاتا پارێزگه‌ها نه‌ينه‌وا ب پتريا ده‌نگان نه‌وفه‌ل ئه‌لعاكۆب ژ پۆستێ پارێزگه‌رێ نه‌ينه‌وا لادا وبرياردا بهێته هنارتن ل به‌رده‌م دادگه‌هێ ژبه‌ر هه‌بوونا كێشێن گه‌نده‌ليا دارايى و كارگێرى ل سه‌ر.
يانه‌كا ئيسپانى يا مه‌زن دخوازيت محه‌مه‌د سه‌لاح بچيته رێزێن وێ
ئه‌ڤرۆنيۆز:
يانه‌كا ئيسپانى يا مه‌زن كو دخۆلا پله ئێك يا وى وه‌لاتى ياريێ دكه‌ت دخوازيت ياريكه‌رێ هه‌لبژارتيێ مسرێ و يانا لێڤه‌رپۆل يا ئينگليزى محه‌مه‌د سه‌لاح بچيته رێزێن وێ.
رۆژناما (ئه‌كسپرێس) يا ئينگليزى به‌لاڤكر( يانا ئه‌تله‌تيكۆ مه‌دريد يا ئيسپانى بزاڤان دكه‌ت هه‌ڤپه‌ستێ ل گه‌ل محه‌مه‌د سه‌لاحى گرێده‌ت ل ده‌مێ ڤه‌بوونا ده‌رگه‌هێ ڤه‌گوهاستنا ياريزانان ل كانوونا دويێ 2018 وبۆ ڤێ چه‌ندێ ژى گۆژمێ 50 مليۆن جونه‌يهێن ئه‌سترلينى يێن ته‌رخان كرين).
دياركر ژى( دبيت ئه‌تله‌تيكۆ مه‌دريد ياريكه‌رێ خوه، يانيك كاراسكۆ، ژى ل گه‌ل وى گۆژمێ پێشكێشى لێڤه‌رپۆل بكه‌ت ژبۆ رازيكرنا وێ ل سه‌ر چوونا محه‌مه‌د سه‌لاحى بۆ ناڤ رێزێن ئه‌تله‌تيكۆ).
محه‌مه‌د سه‌لاح ل هاڤينا ئه‌ڤ ساله ژ يانا رۆما يا ئيتالى هاته دناڤ رێزێن يانا لێڤه‌رپۆل يا ئينگليزى دا وهه‌تا نوكه يێ شياى 12 گۆلان بۆ لێڤه‌رپۆل تۆمار بكه‌ت دهه‌موو وان قاره‌مانيێن يانا ناڤبرى پشكدار تێدا.
وه‌زاره‌تا ده‌رڤه يا عيراقێ : ناڤێ هه‌رێما كوردستانێ نه‌ئينن
ئه‌ڤرۆنيۆز:
وه‌زاره‌تا ده‌رڤه يا عيراقێ هه‌موو رێڤه‌به‌رى وفه‌رمانگه وپشكێن وه‌زاره‌تێ وهنارتى وكۆنسولگه‌ريێن خوه ل ده‌رڤه ئاگه‌هدار دكه‌ت كو ناڤێ هه‌رێما كوردستانێ نه‌ئينن.
وه‌زاره‌تا ده‌رڤه يا عيراقێ ب رێيا فه‌رمانگه‌ها كارگێرى يا وه‌زاره‌تێ دنڤيسارا خوه يا هژمار 68/16060 ل 5/11/2017 داخوازێ ژ هه‌موو رێڤه‌به‌رى و پشكێن ب سه‌ر وه‌زاره‌تێ ڤه و هنارتيێن سياسى و كونسۆلگه‌ريێن عيراقێ ل ده‌رڤه دكه‌ت ده‌مێ داخوازا مۆله‌تا بێهنڤه‌دانێ دكه‌ن كو ل هه‌رێما كوردستانێ ببۆرينن، پێدڤيه دداخوازا خوه‌دا نه‌بێژن ( دێ بێهنڤه‌دانا خوه ل هه‌رێما كوردستانێ بۆرينم) به‌لكو بهێته نڤيسين (دێ ل عيراقێ بۆرينم).
هه‌ر د وێ نڤيسارا وه‌زاره‌تا ده‌رڤه يا عيراقێ دا، ناڤێ هه‌رێما كوردستانێ وه‌كو قه‌واره نائينيت به‌لكو وه‌كو پارێزگه‌ه دئينيت وتێدا دبێژيت (فه‌رمانبه‌ر دشێت بێهنڤه‌دانا خوه ل هه‌ر پارێزگه‌هه‌كێ ژ پارێزگه‌هێن عيراقێ ببۆرينيت).
شاندێ كوردستانێ ل به‌غدا دێ دانوستاندنێ ل سه‌ر سێ باده‌كان كه‌ت
ئه‌ڤرۆنيۆز:
رۆژناما (العرب) يا له‌نده‌نى، دراپۆرته‌كا خوه‌دا كو ئه‌ڤرۆ به‌لاڤبووى دياركر كو ل هه‌فتيا بهێت دێ دانوستاندنێن به‌غدا و هه‌ولێرێ ده‌ستپێكه‌ن .
رۆژناما ناڤبرى دهژمارا 10805 يا ئه‌ڤرۆ سێ شه‌مبى ژزارده‌ڤێ ژێده‌رێن سياسى يێن بلند كو ئاماژه ب ناڤێن وان نه‌داى، دبێژيت، ل هه‌فتيا بهێت دێ دانوستاندنێن به‌غدا وهه‌ولێرێ ل دۆر پلانا به‌لاڤكرنا هێزێن له‌شكرێ عيراقێ ل ده‌ڤه‌رێن ناكۆكى ل سه‌ر، وبارڤه‌كرنا داهاتيێن په‌ترۆلێ ومووچێن فه‌رمانبه‌رێن حوكمه‌تا كوردستانێ ده‌ستپێكه‌ن.
ل دووڤ وێ رۆژنامێ، هه‌ولێر دخوازيت ده‌ست ب دانوستاندنان ل گه‌ل به‌غدا بكه‌ت به‌رى هنارتنا پرۆژێ بۆدجا عيراقێ بۆ جڤاتا نوونه‌ران ب مه‌ره‌ما ئه‌نجامدانا راستڤه‌كرنان ل سه‌ر وى پرۆژه‌ى ل جڤاتا وه‌زيرێن عيراقێ.
پارتى: چه‌ند كه‌سه‌ك بوونه ئه‌گه‌ر كو هێرش ل سه‌ر كوردستانێ بهێته كرن
ئه‌ڤرۆ نيوز:
جڤاتا سه‌ركردايه‌تيا پارتى ديموكراتى كوردستان پشتى كومبوونا ئه‌ڤرۆ راگه‌هاندنه‌ك به‌لاڤ كر و سه‌باره‌ت ره‌وشا كه‌ركووك و ده‌ڤه‌رێن كوردستانى يێن ئيدارا هه‌رێما كوردستانێ، راگه‌هاند: چه‌ند كه‌سه‌ك ل ناڤ حزبه‌كا كوردستانى ب پشته‌ڤانيا چه‌ند لايه‌نێن ده‌ره‌كى بوونه ئه‌گه‌ر كو هێرش بۆ سه‌ر كوردستانێ بهێته كرن و ب ده‌هان هزار كه‌س ئاواره ببن.
جڤاتا سه‌ركردايه‌تيا پارتى ديموكراتى كوردستان پشته‌ڤانيا خوه بۆ حوكمه‌تا هه‌رێما كوردستانێ ده‌ربرى وه‌كو لايه‌نه‌كێ شه‌رعى كو ده‌ست ب دانوستاندنان ل گه‌ل به‌غدا بكه‌ت، هه‌ڤده‌م پشته‌ڤانيا په‌رله‌مان و حوكمه‌تێ ژى كر بۆ چاره‌كرنا كێشێن ئابوورى و سياسه‌تا ناڤخو يا كوردستانێ.
نيشاندان
WP Facebook Auto Publish Powered By : XYZScripts.com