ئەڤرۆ نیۆز،تۆڤی:
کۆمەکا زانایێن سەنتەرێ نۆشداری یێ لانجون ل زانکۆیا نیویۆرک ماوێ چەندین سالانە د ڤەکۆلینەکا چردانە بۆ زانینا نهێنیا هندێ ئەرێ ئەوێن مری هەست ب چو دکەن پشتی مرنا خۆ؟.
ل دووڤ بەلاڤکرنا سایتێ livescience زانا و ڤەکۆلەران ئەو چەندە سەلماندیە کو مرۆڤێن مری هەست ب هەموو تشتێن چار دەورێن خۆ دکەن و هەست ب هندێ دکەن کو وان ژیان ب جه هێلایە و یێن مرین و ئەو ئاگەهداری خەبەرێ مرنا خۆ نە.
هەروەسا ئەو ژی ئاشکراکریە،کو پشتی راوەستانا دلی، مێشک هەر کار دکەت و یێ چالاکە، ئەڤێ ژی ئەو چەندە سەلماندیە کو مرۆڤ پشتی مرنا خۆ هەست ب هەموو تشتێن چار دەورێن خۆ دکەن و دزانن کو جەستەیێ وان ژکار کەفتیە و دلێ وان یێ راوەستیای.
ئه‌ڤرۆنيۆز:
په‌يڤدارێ فه‌رميێ پارتى ديموكراتى كوردستان، ئه‌ڤرۆ سێشه‌مبى، راگه‌هاند ره‌وشا نوكه يا هه‌رێما كوردستانێ پێدڤى ب پێكئينانا حوكمه‌ته‌كا دى يان حوكمه‌ته‌كا ده‌مكى ناكه‌ت، به‌لكو پێدڤيه پشته‌ڤانى ل حوكمه‌تا هه‌رێما كوردستانێ بهێته كرن.
پشتى ب دووماهى هاتنا كۆمبوونا ئه‌ڤرۆ يا جڤاتا سه‌ركردايه‌تيا پارتى ديموكراتى كوردستان، مه‌حموود محه‌مه‌د په‌يڤدارێ فه‌رميێ پارتى گۆت( نابيت ئه‌و پلانا حوكمه‌تا عيراقێ بجه دئينيت، پلانا پشتى ريفراندۆمێ بيت، چونكى ئێكسه‌ر هه‌موو شيانێن له‌شكرى ل عيراقێ ل به‌رامبه‌ر راده‌ربرينا خه‌لكێ كوردستانێ (ريفراندۆمێ) بكارهات. ئه‌و چه‌نده ديار دكه‌ت ژى كو به‌رهه‌ڤى وپلانرێژى هاتبوو كرن).
ل دۆر هه‌لويستێ بزاڤا گۆران وبابه‌تێ پێكئينانا حوكمه‌ته‌كا دى ل هه‌رێما كوردستانێ، په‌يڤدارێ پارتى گۆت( سه‌رۆك وه‌زيرێن هه‌رێما كوردستانێ سه‌باره‌ت ڤێ چه‌ندێ ب رۆهنى به‌حسكر، ب بۆچوونا مه ره‌وشا هه‌رێما كوردستانێ ناخوازيت ده‌ستكارى د حوكمه‌تێ دا بهێته كرن، به‌لكو پێدڤيه پشته‌ڤانى لێ بهێته كرن).
ناڤبرى داخواز ژ گه‌لێ كوردستانێ كر به‌رامبه‌ر وێ پيلانا ل دژى دهێته بجهئينان، يێ خوراگر بيت و گۆت( دكۆمبوونا سه‌ركردايه‌تيا پارتى دا به‌حسێ مووچه‌ى هاته كرن و دڤى ماوه‌ى دا دێ مووچه‌كێ دى هێته دان، دووپاتى هاته كرن ژى كو پێدڤيه چاره‌ك بۆ پاشه‌رۆژا خه‌لكى بهێته ديتن).
ئه‌ڤرۆنيۆز:
جڤاتا وه‌زيرێن هه‌رێما كوردستانێ ل دۆر دانا مۆله‌تا خواندنێ ب فه‌رمانبه‌ران دێ گوهۆرينان كه‌ت ورێنما بۆ وه‌زاره‌تێن هه‌ريمێ داينه كو رێ ب دانا مۆله‌تا خواندنێ ب فه‌رمانبه‌رێن خوه بده‌ن.
جڤاتا وه‌زيران د سێ نڤيسارێن خوه‌دا يێن ئاراسته‌ى هه‌ر ئێك ژ وه‌زاره‌تێن دارايى و ئابوورى، په‌روه‌رده و خواندنا بلند كرين ئه‌وژى نڤيسارا هژمار 4268 ل 7/10/2017 ونڤيسارا هژمار 4377 ل 9/10/2017 ونڤيسارا هژمار 4768 ل 5/11/2017 تێدا دياركريه كو گوهۆرين درێنمايێن دانا مۆله‌تا خواندنێ هاتيه كرن وهه‌ر ژ نوكه و پێدا دشێن مۆله‌تا خواندنێ ب فه‌رمانبه‌رێن خوه بده‌ن ب مه‌رجه‌كێ دو سالێن خزمه‌تێ يێن فعلى هه‌بن.
ئه‌ڤرۆنيۆز، عه‌زيز ره‌سول
په‌يڤدارێ پۆليسێن سلێمانيێ، سه‌ركه‌وت ئه‌حمه‌د، بۆ ئه‌ڤرۆ نيۆز راگه‌هاند ئه‌و ته‌قا ئه‌ڤرۆ ل به‌رده‌رگه‌ى سه‌راى ل سلێمانيێ هاتيه كرن، دناڤبه‌را دو وه‌لاتيان دا بوو ژئه‌گه‌رێ كێشه‌كا جڤاكى بوو، كو ئێك ژلايه‌نێ وێ كێشێ ب ده‌بانجێ ته‌قه ل وى كه‌سێ كێشه ل گه‌ل هه‌ى كر ودئه‌نجامدا ئه‌و ل گه‌ل دوكه‌سێن دى برينداربوون.
سه‌ركه‌وتى گۆت ژى، ئه‌و كه‌سێ ته‌قه كرى ژلايێ پۆليسان ڤه يێ هاتيه ده‌سته‌سه‌ركرن وهه‌رسێ بريندار ژى بۆ نه‌خوه‌شخانێ هاتينه هنارتن وڤه‌كۆلين ژى ل ئه‌گه‌رێ روودانێ ده‌ست پێكريه.
ئه‌ڤرۆنيۆز:
ژێده‌ره‌كى ژ به‌ره‌ڤانيا باژێرى ل به‌غدا راگه‌هاند، نيڤرۆيا ئه‌ڤرۆ ئاگر به‌ربوو پشكا قانوونى يا فرۆكخانا به‌غدا يا نێڤده‌وله‌تى.
وى ژێده‌رى بۆ ده‌زگه‌هێن راگه‌هاندنێ گۆت، هه‌تا نوكه ئه‌گه‌رێن وێ ئاگربه‌ربوونێ وزيانێن وێ دديار نينن.
سه‌عد مه‌عه‌ن په‌يڤدارێ وه‌زاره‌تا ناڤخوه‌يا عيراقێ راگه‌هاند، وه‌زاره‌تێ په‌رێن ڤه‌كۆلينێ ل دۆر وێ روودانێ ڤه‌كرينه كو ل قاتێ دويێ يێ ئاڤاهيێ فرۆكخانێ هاتيه روودان.
كارگێريا فرۆكخانا به‌غدا يا نێڤده‌وله‌تى د به‌ياننامه‌كێ دا دياركر كو ئه‌گه‌رێ شۆرته‌كێ كاره‌بێ ئاگر به‌ربوويه عومباره‌كا هۆلا بابل ل فرۆكخانێ وتيمێن ئاگر ڤه‌مراندنێ زوو كونترۆل ل سه‌ر كر وچو زيانێن گيانى نه‌بوون وكار ل فرۆكخانێ و خشتێن گه‌شتێن فرۆكان يێ به‌رده‌وامه.
ئه‌ڤرۆنيۆز:
پرۆگرامه‌ره‌كێ نه‌مساوى ئاشكراكر كو خودانێن مۆبايلێن ئايفۆن هه‌رده‌م يێن دمه‌ترسيێ دا، چونكى پاراستنه‌كا لاواز بۆ كامێرا ئايفونێ هاتيه دانان وهه‌ر ده‌مه‌كى بيت دشايندايه بهێته هاككرن و بێ ئاگه‌هداريا خودانى كار ب كاميرێ بهێته كرن.
فليكس كرۆز، پرۆگرامه‌رێ نه‌مساوى راگه‌هاند، كاميرا مۆبايلا ئايفۆنێ ب شێوه‌كێ گه‌له‌ك لاواز پاراستن وپارێزگارى بۆ هاتيه دانان، له‌وما هه‌رده‌م مه‌ترسيا وێ چه‌ندێ يا ل سه‌ر هه‌ى كو بهێته هاككرن وبێ ئاگه‌هداريا خودانێ مۆبايلێ وێنه وڤيديۆ پێ بهێنه گرتن وژێ بهێنه ده‌ركرن ژى.
گۆت ژى، ئه‌ڤ هاككرنه ب ئه‌گه‌رێ هنده‌ك به‌رنامێن سه‌خته دهێته كرن كو بكارهێنه‌ر وخۆدانێن ئايفرنان بێ ئاگه‌هدارى داولوند دكه‌ن.
شاره‌زايێن پرۆگرامان، شيره‌تان ل بكارهێنه‌رێن ئايفۆنێ دكه‌ن كو ل ده‌مێ بكارئينانا ئه‌نترنێتێ ، ب هشيارى ره‌فتارێ بكه‌ن د ڤه‌كرنا سايت وداولوندكرنا به‌رنامان دا.
ئەڤرۆنیۆز:
سەرۆكێ رەوتێ سەدری موقتەدا سەدر سێ رۆژ دەلیڤە دانە میلیشیا (سرایا السلام) كو بالێ لەشكریێ رەوتێ وی یە وئێك ژ ميليشيێن حه‌شدا شه‌عبى يه، كو ژ پارێزگەهێ كەركووكێ دەركەڤن و فەرمانا داخستنا هەموو بارەگایێن وێ میلیشیێ ژی ل كەركووكێ دەركر، ديسا فه‌رمانه‌كا ڤه‌بر دا كه‌سێن نێزيكى خوه كارێ بازرگانى ودارايى ب ناڤێ بنه‌مالا سه‌درى نه‌كه‌ن ب تايبه‌تى دكه‌رتێ حكومى دا.
ئەڤرۆ نیۆز،زنار تۆڤی:
ئێکەتیا زانایێن ئیسلامی ل کوردستانێ پەیامەکێ بۆ مەرجەعیەتا شیعەیا ل عێراقێ دهنێرن و تێدا داخوازا راوەستاندنا شەری دکەن.
مەلا عەبدولا وەیسی، سەرۆکێ ئێکەتیا زانایێن ئایینێ ئیسلامی ل کوردستانێ راگەهاند،هەکە عێراق شەی ل دژی کوردستانێ رانەگریت، ئەڤە ”د بەرژەوەندییا ئەواندا نینە“.
مەلا عەبدولا وەیسی هەروەسا راگەهاند، وەک ئێکەتیا زانایان د پەیامەکێدا،داخواز ژ ئایەتولا عەلی سیستانی، مەرجەعێ بلند یێ شیعەیان ل عێراقێ کریە،کو فشارێ بێخیتە سەر حوکمەتا عێراقێ بۆ راگرتنا شەری ل دژی کوردستانێ، بەلێ هەتا نوکە ب شێوەیەکێ کریاری بەرسڤا مە نەدا یە“.
سەرۆکێ ئێکەتیا زانایێن ئایینێ ئیسلامی ل کوردستانێ دبێژیت، هەلگیرساندنا شەری ل دژی کوردستانێ ”ل بەرژەوەندییا تاقمەکێ سیاسی یێ عێراقی دایە،لەورا پێدڤیە مەرجەعێ شیعەیان ڤی شەری راگریت.
ئه‌ڤرۆ نيوز:
رێكخراوا UNDP ب هه‌ڤكارى دگه‌ل سه‌روكاتيا باژێرڤانيا دهوكێ پروژێ مفا وه‌رگرتن ژهێژا روژێ دناڤ باغچێ دلشاد محمد سعيدا ئاماده دكه‌ت
ئه‌ڤرو سپێدێ رێكه‌فتى 7/11/2017 و ب ئاماده‌بونا اسماعيل محمد جێگرێ پارێزگه‌رێ دهوكێ بو كاروبارێن مروڤايه‌تى وعمر على تاها رێڤه‌به‌رێ گشتى يێ په‌روه‌ردێ واحسان يحيى سه‌روكێ باژيرڤانيا دهوك ونوينه‌را رێكخراوا UNDP پروژێ مفا وه‌رگرتن ژ هێژا روژێ دناڤ باغچێ دلشاد محمد سعيد هاته ڤه‌كرن .
هزرا ڤى پروژه‌ى مفا وه‌رگرتنه ژ هێزا روژێ بو كاركرنا چه‌ند ياريێن زاروكان هه‌روه‌سا دانا پێزانينايه بو زاروكان لسه‌ر هێژا روژێ وچه‌وانيا مفا وه‌رگرتنێ ژڤێ هێزێ .
ئاماده‌بويان گه‌ريانه‌ك دناڤ پروژه‌ى دا كر وده‌ست خوشى ل رێكخراوا ناڤبرى كر وداخواز هاته كرن ئه‌ڤ جوره پروژه به‌رفره‌هبن .
نيشاندان