ئه‌ڤرۆ نيوز:
ئه‌ڤرۆ ل ده‌مژمێر 4 و 5 ده‌قيقه يێ سپێدێ، بيڤه‌له‌رزه‌كێ ب دووريا 38 كم ل قه‌زا ئاكرێ دا كو پلا وێ 3.3 بوو ل گور پيڤه‌رێ رێخته‌ر
بيڤه‌له‌رزه‌كێ ل نێزيك ئاكرێ دا
نووترين نووچه
- پێدڤییە ئیراق ژ ململانێیێن رۆژهەلاتا ناڤین دوور بكەڤیت
- هیڤیدارم كاربدەست مفای ژ بۆچوون و بڕیارێن كۆڕبەندێ مێپس وەربگرن
- سەرۆك بارزانی: دانوستاندنێن ئالییان بۆ پێكئینانا حوكمەتێ دێ ب سەركەفتییانە هێنە ئەنجامدان
- نێچیرڤان بارزانی: كریارا تیرۆرستییا خورماتوو سەلماند كو تیرۆر هێشتا مەترسییەكا راستەقینەیە
- دوپاتیێ ل پێشڤەبرنا هەماهەنگیێ د ناڤبەرا پێشمەرگەی و لەشكرێ ئیراقێ دا بۆ چەسپاندنا ئارامیێ ل دەڤەرێن كوردستانی دكەین
- سەرۆكێ حوكمەتا هەرێمێ: پێدڤییە ب زووترین دەم، پرۆسەیا هنارتنا پەترۆلێ دەست پێ بكەت
- فازل میرانی: مام جەلالی شێوازێ (دێ گوهۆڕین و شكێنین و دەركەین) ل گەل پارتی ب كارنەدئینا
- هیڤیدارین ئەنجامێن هەلبژارتنان د خزمەتا ڤەژاندنا هەرێمێ دا بن
- پێدڤییە وەلاتی ژ ململانێیا هەرێمی دووربێخین
- كۆمبوونا مەسرور بارزانی و سۆدانی دێ ئەنجامێن باش هەبن
سه‌ره‌كى نووترين نووچه
رۆسيا و هه‌رێمێ ل سه‌ر كێشانا بۆريێن گازا سرۆشتى رێكه‌فتن
ئه‌ڤرۆ نيوز:
كۆمپانيا رۆزنه‌فت و حوكمه‌تا هه‌رێما كوردستانێ ل سه‌ر دامه‌زراندنا بۆريێن هنارتنا گازا سرۆشتى يا كوردستانێ بۆ توركيا رێكه‌فتن.
كۆمپانيا رۆزنه‌فت كۆژمێ ئێك مليار دۆلار ته‌رخان كر بۆ راكێشانا بۆريێن گازا سرۆشتى بۆ وه‌لاتێ توركيا.
بۆريێن هنارتنا گازا سرۆشتى يێن هه‌رێما كوردستانێ شيانێن ره‌وانه‌كرنا 30 مليار مه‌ترێن سێجا يێن گازا سرۆشتى د ساله‌كێ دا هه‌يه.
بۆريێن گازا سرۆشتى يا هه‌رێما كوردستانێ ل سالا 2019ێ ب مه‌ره‌ما ب كارئينانا ناڤخۆ دێ ب دووماهى هێن، هنارتنا گازا سرۆشتى يا هه‌رێما كوردستانێ د رێيا وان بۆريان دا دێ ل سالا 2020ێ ده‌سپێكه‌ت.
ئەڤرۆ پەرلەمان دێ ل دۆر مووچەی کۆم بیت
ئه‌ڤرۆ نيوز:
بڕیارە ئەڤرۆ 18ى ئيلۆنا 2017ێ سەرۆکایەتیا پەرلەمانێ کوردستانێ دگەل لیژنێن پەیوەندیدار و فڕاکسیۆنێن پەرلەمانی ل دۆر پرسا پێداچوونێ ب سیستەمێ مووچێ فەرمانبەران کۆم ببیت، د ڤی واری دا پەرلەمانتارەک دیار دکەت ھەموو بزاڤ دێ ھێتەکرن کو پاشکەفت ل سەر مووچێ فەرمانبەران بھێتە لادان و دانا مووچا ئاسایی ببیت.
سەرۆکایەتیا پەرلەمانێ کوردستانێ دوھی رۆژا ئێک شەمبی راگەھاندنەک بەلاڤ کر و وێنەیەک گەھشتیە رۆژاناما ئەڤرۆ و تێدا ھاتیە (داخوازێ ژ لیژنێن پەیوەندیدارێن پەرلەمانی دکەین ئەڤرۆ رۆژا دوشەمبی بەرھەڤی کۆمبوونا سەرۆکایەتیا پەرلەمانی ببن ب مەرەما دانوستانان ل دۆر بەرھەڤکرنا پڕۆژەکی بۆ پێداچوونا مووچێ فەرمانبەران).
نازم کەبیر، پەرلەمانتارێ فڕاکسیۆنا پارتی ل پەرلەمانێ کوردستانێ بۆ رۆژناما ئەڤرۆ گۆت “پەرلەمانێ کوردستانێ دێ پشتی ریفڕاندۆمێ ل سەر کۆمبوونێن خوە بەردەوام بیت و ئێک ژکارێن پەرلەمانی دێ کارکرن بیت ل دۆر پرسا مووچە و باشکرنا رەوشا ئابووریا ھەرێما کوردستانێ، لەوڕا دێ پڕۆژە ھێنە بەرھەڤکرن ژلایێ لیژنێن پەیوەندیدار و فڕاکسیۆنێن پەرلەمانی ڤە ھەتا د کۆمبوونێن داھاتی دا بکەڤیتە د ناڤا کارناما کۆمبوونێن پەرلەمانی دا و چارەسەریەک بۆ لادانا پاشکەفتێ ل سەر مووچێ فەرمانبەران بھێتە دیتن، لەوڕا ئەز پێشبینی دکەم پەرلەمان د ڤی بیاڤی دا رۆلێ خوە ببینیت و ل نێزیک بڕیارا خوە بۆ پێداچوونا سیستەمێ مووچەی بدەت”.
سەرژمێریا گشتیا وەلاتیێن ھەرێما کوردستانێ دێ ھێتەکرن
ئه‌ڤرۆ نيوز:
بڕیارە ل دەمەکێ نێزیک سەرژمێریا گشتیا وەلاتیان ژ ئالیێ دەستەیا گشتیا ئامارا ھەرێما کوردستانێ ڤە بھێتەکرن، بەرپرسەکێ حوکمەتا ھەرێما کوردستانێ ژی ئاشکرا کر کو 14 ھزار خێزان وەکو نموونە ھاتینە دیارکرن و دێ سەرژمێریا وان ھێتەکرن داکو ھووردەکاری بۆ حوکمەت خوەیا ببن و بزانن سەرژمێریا وەلاتیان ل ھەرێما کوردستانێ ب چو ئاوایە.
مەحمود عوسمان، رێڤەبەرێ گشتیێ دەستەیا ئامارێ ل پارێزگەھا سلێمانیێ بۆ رۆژناما ئەڤرۆ دیار کر کو بڕیارە پڕۆسا سەرژمێریا وەلاتیێن ھەرێما کوردستانێ بھێتە ئەنجامدان و قووناغا دەستپێکێ 14 ھزار خێزانێن ھەرێما کوردستانێ ژ ئالیێ دەستەیا گشتیا ئامارا ھەرێما کوردستانێ ڤە ھاتینە دیارکرن و گۆت: “ئەڤ 14 ھزار خێزانە دێ وەکو نموونە ب رێیا پرکرنا فۆرمەکێ ھێنە وەرگرتن کو پێزانینێن تمام ل دۆر رەوشا خێزانێ ژ ئالیێ جڤاکی و ئابووری و مرن و بێکاری و ھەژاری و مەزاختیێن وان د ناڤ ڤێ فۆرمێ دا ھەنە”.
ناڤھاتی ئاماژە دا وێ چەندێ کو وەرگرتنا ئەڤێ نموونێ دێ بیتە نموونەکا دروست ل بەر دەستێن حوکمەتێ داکو پێزانین ل دۆر ئامارا وەلاتیان ھەبن و بزانیت ل سەر ئاستێ کوردستانێ ب چو شێوەیە و ھژمارا خێزانان چەوا پێکھاتیە و دێ چەوا پلان بۆ چەندین سالێن داھاتی ھێنە دارشتن.
خەلکێ مە دێ دەنگی ب بەلێ دەن بۆ سەربەخۆیا کوردستانێ
ئەڤرۆ نیۆز،رێژین نهێلی:
وەحیدا یاقو سەرۆکا فراکسیۆنا کلدان سریان ئاشوری ل پەرلەمانێ هەرێما کوردستانێ،ل دوور رولێ کەمینەیان و رولێ ئافرەتێ ب گشتی بۆ پرسا ریفراندۆما سەربەخویا کوردستانێ گوت:دڤی دەمێ گرنگدا مە گەلەک کونفرانس هەنە و تێدا بۆ ئافرەتێ ئاشکرا دکەین و گرنگیا ڤێ ریفراندمێ بو بەحس دکەین، تانوکە ژی پتریا کەسێن مە کونفرانس وسمینار بۆ گوتین ل گەل بەلێ بۆ سەربەخویا کوردستانێ نە رێژەکا گەلەک کێم هەنە بەحسا نەخێر دکەن لێ تشتەکێ ئاسایە.
هەروەسا هەکە هندەک دگەل دەولەتا کوردستانی نەبن،بێ شک حوکم یێ ل وان دهێتەکرن و دبیت ل گەل ئەنجومەنێ نەخێربن کو ریفراندۆم تشتەکێ سیاسی یە مزایدە دهێنەکرن ودەستێ دەرڤە ژی د نەخێردا هەیە، بهلێ د پشت راستین و دبینین پتریان وان کەس و لایەنان ژی دزانن کو ریفراندۆم بەلێ یە بۆ کوردستانێ،لێ پتریا خەلکێ مە تێگەهشتیە کا ماف و گرنگیا ڤێ دەنگ دانێ چیە و سەربەخوی چەندا گرنکە بۆ کوردستانێ.
وەحیدا یاقو گوتژی: ئافرەتێ دپرسێن نەتەوەیی د رۆلەکێ گرنگ هەیە ژبەر ڤێ چەندێ پێدڤی یە ئەو بچیتە ناف خەلکی و وان ئاگەهدار بکەت ل سەر ڤی مافێ چارەنفیس ساز و جڤاکێ مە ژی پتر رێ ب ئافرەتێ ددەت تێکەلی خێزانێت وان بیت ژبەرکو ئافرەت نیڤا کومەلگەهێ یە کاریگەری و هێز و رولێ وێژی گرنگی و تایبەتمەندیا خوە هەیە،ئەڤجا گرنگە ل سەر مە هەموویان ب ئێک دەنگ و ئێک پەیام پشتگیریێ ل سەرکەفتنا ریفراندۆما سەربەخویا کوردستانێ بکەین.
چەندین ده‌زگەهێن راگه‌هاندنێ و رێكخراوان داخوازا چاڤدێری و رومالا ریفراندۆما سەربەخۆیێ كریە
ئەڤرۆ نیۆز،زنار تۆڤی:
كۆمیسیۆنا بلند یا سه‌ربه‌خۆیا هه‌لبژاردن و راپرسیێ رادگەهاندیە کو 40 ده‌زگەهێن راگه‌یاندنا بیانی و 20 رێكخراوا بۆ روومالكرنا ریفراندۆما سەربەخۆیا هه‌رێما كوردستانێ خۆ تۆمارکریه.
شۆرەش حه‌سه‌ن رێڤەبەرێ گشتی یێ فه‌رمانگه‌ها په‌یوه‌ندی و راگه‌هاندنا كۆمسیۆنا بلند یا سه‌ربه‌خۆیا هه‌ڵبژاردن و راپرسیێ ل هه‌رێما كوردستانێ،هژمارا وان رێكخراوێن بیانی و نافخۆ ئاشكرا دکەت یێن کو خۆ بۆ چاڤدێریكرنا پرۆسا ریفراندۆمێ ل هه‌رێمێ تۆمارکریە،ل گه‌ل هژمارا وان ده‌زگەهێن راگه‌هاندنێ یێن دڤێت ڤێ پرۆسێ رومال بكه‌ن.
گوت ژی:هژمارا چاڤدێرێن نێڤده‌ولە‌تی و راگه‌هاندنێن بیانی،ئەوێن کو دڤێن چاڤدێریا پڕۆسا ریفراندۆمی بكه‌ن و رومال بكه‌ن، بەردەوام هژمارا وان د زێدەبوونێ دایه،هەتا نوکە زێدەتر ژ 40 راگه‌هاندنێن بیانی داخوازیێن خۆ بۆ رومالكرنا پڕۆسا ریفراندۆمێ پێشکێشی كۆمیسیۆنا بلند یا سه‌ربه‌خۆیا هه‌ڵبژاردن و راپرسیێ كرینه،ژ وانا نێزیكی 30 ده‌زگەه هاتینە په‌سه‌ند كرن و ئه‌وێن دی ژی ل ڤان رۆژاندا دێ هێنە په‌سه‌ند کرن.
شۆرەش حه‌سه‌نی دیارکریە ژی:زێدەتر ژ 20 رێكخراوێن نێڤده‌وله‌تی داخوازی پێشكێش کرینە بۆ چاڤدێریكرنا پڕۆسا ریفراندۆمێ،پێنج ژ وان رێكخراوا هەتا نوکە هاتینە په‌سه‌ند كرنن،رۆژانه ژی داخوازی بۆ مە دهێن بۆ چاڤدێریكرنێ،هه‌روه‌سا دوماهی ماوە بۆ خۆ تۆماركرنا رێكخراوان هەتا 20 هەیڤێ بوو،بەلێ ئەم دێ بۆ 23 ڤێ هەیڤێ دێ دوماهی ماوێ خۆ تۆماركرنێ درێژ كەین بۆ هندێ کو زۆرترین رێكخراو و كه‌س چاڤدێریێ ل ڤێ پرۆسێ بكه‌ن كو پرۆسه‌یه‌كا گرنگه،مە دڤێت زۆرترین پیڤەرێن نێڤده‌وله‌تی ژ روویێ شه‌فافییه‌تێ و چاڤدێریێ ڤە تێدا هه‌بیت.
ئەو ژی گوتیە:بۆ راپرسیێ 11 قه‌وارێن سیاسی بۆ چاڤدێریێ ل بنگەهێن ده‌نگدانێ خۆ تۆمار كرینه،بۆ هه‌لبژاردنا په‌رله‌مانی و سه‌رۆكاتیا هه‌رێمێ ژی كو بریاره ل ئێکی چریا دویێ برێڤە بچیت،سێ قه‌وارێن سیاسی خۆ تۆمار كرینه،ئەو ژی قەوارێن کۆمەلا ئیسلامی و قەوارێ دکتۆر بەرهەم سالحی و قەوارەیێ ئەرمەنی.
دا قه‌ره‌بویێ نه‌ده‌ت، ئیراق هه‌تا سه‌ر هه‌ستى دێ دژاتیا سه‌ربخوه‌ى یا كوردستانێ كه‌ت
ئه‌ڤرۆ نیوز ، نه‌وزاد هلۆرى:
ل گوره‌ى ده‌قێن ده‌ستوور و بریارێن په‌رله‌مانێ ئیراقێ و هه‌رێما كوردستانێ ژ بو جینوساید ناساندنا پروسه‌یێن ئه‌نفال و كاره‌ساتا هه‌له‌بچه و 12 هزار كوردێن فه‌یلى پێدڤى یه حكومه‌تا ئیراقێ ب كوژمێ 306 ملیار دولاران قه‌ره‌بویا خه‌لكێ كوردستانێ بكه‌ت.
رزا نائیف ژ تورا پاراستنا جڤاكى ل دهۆكێ دیاركر كو داكو حكومه‌تا ئیراقێ ئه‌ڤان قه‌ره‌بویا نه‌ده‌تن كوردستانێ هه‌تا سه‌ر هه‌ستى دى َدژاتیا سه‌ربخوه‌ى یا كوردستانێ كه‌ت و گۆت: ( دڤێت کەسوکارێن هەر ئەنفالکریەک و قوربانیێن هەلەبچە وهه‌شت هزار بارزانیان ب كوژمێ ۲٥٠ هزار دۆلاران بهێنە قەرەبوو کرن ، و کەسوکارێن ۱۲ هزار گەنجێن فەیلی بۆ هەرقوربانیەکی ۳٠٠ هزار دۆلار ، و قوربانیێن قڕکرناشیعان یێن دجێل و باشورێ ئێراقێ لسالێن ۷٥ و ۹۱ ب كوژمێ ۳٠٠ هزار دۆلاران بۆ کەسوکارێن هەر قوربانیەکی ، وقەرەبوویا کۆچا ملیۆنی یا کوردان ب كوژمێ ۲٠ هزار دۆلاران ژڤان بو ببیتە بڕیار لپەرلەمانی ، و قەرەبوویا ئاوارەبوونا کوردان لسالا ۱۹۷٥ تاکو ۱۹۸۸ بۆ هەر خێزانەکی ۲٠ هزار دۆلار ، و قەرەبوویا هەر مالەکا بزۆرەملێ هاتیە تەرحیلکرن بمەبلەغێ ۱٥٠ هزار دۆلار ، و كوژمێ گشتیێ ڤان قەرەبوویان ژى ب ۳٠٦ ملیاران هاتیە خەملاندن ژبلی قوربانیێن شیعا)
ل گوره‌ى ئاخفتنێن رزاى كو لسه‌ر ئاكاوتنا خوه‌یا تورا جڤاكى یا فێسبوكێ به‌لاڤكرینه بتنێ قه‌ره‌بوویا قركرنا شینێن باشوور و كوردێن فه‌یلیێن شیعه‌هاتیه بجهكرن و گوت ژى : ( قه‌ره‌بوویا رووح و خوینێ ب پاره‌ى ناهێته قه‌ره‌بوكرن ، بهلێ ئه‌گه‌ر كورستان سه‌ربخوه‌یێ وه‌ربگریت و ببیته ده‌وله‌ت وه‌كو كوێتێ ل دادگه‌ها تاوانێن نیڤده‌وله‌تى دكاریت قه‌ره‌بوویێ بكه‌ت بریار و لسه‌ر ئیراقێ ب سه‌پینیت و زیانڤێكه‌فتیێن كوردستانێ ئه‌وێ قه‌ره‌بوویێ وه‌ربگرن ، ژبه‌رڤان قه‌ره‌بوویا ئیراق هه‌تا سه‌ر هه‌ستى دێ دژاتیا سه‌ربخوه‌ى یا كوردستانێ كه‌ت )
د روودانەکا ترافیکێ دا کەسەکێ گيانێ خوە ژ دەستدا
ئەڤرۆ نیۆز،زنار تۆڤی:
موقەدەمێ مافپەروەر ئازاد تاها بەرپرسێ پەیوەندی و راگەهاندنێ ل رێڤەبەریا هاتنوچوونێ ل پارێزگەها دهوکێ بۆ ئەڤرۆ نیۆز دیارکر:کو ئەڤرۆ د روودانەکا ترافیکێ دا کەسەکێ گیانێ خۆ ژ دەستدایە.
ناڤهاتی گوت ژی:ئەڤرۆ ئێکشەمبی 2017/9/17 و ل
دەمژمیر 4:30 ئێڤارى ل سەر جادا سەرەکی یا دێرەبوونێ بۆ گرشينی و ل نێزيك گوندێ پێ بزنێ دو ترۆمبێلان لێکدایە و دیارکر ژی:د وێ روودانێ دا هەر ترۆمبێلێن تانکەر یێ رەنگ شین و ترۆمبێلا جیب شۆفرلێت یا تایبەت لێکدایە و کەسەکێ گیانێ خۆ ژ دەستدایە و هەروەسا زيانێن ماددی ژی گەهشتینە هەردو ترۆمبێلا.
كۆمه‌لا قوربانیێن هه‌له‌بجه:داکو كاره‌ساتا هه‌لە‌بجه دوباره نه‌بیتەڤە دێ بێژین بهلێ بۆ ریفراندۆمێ
ئه‌ڤرۆ نیۆز،عه‌زیز هه‌ورامانی:
كۆمه‌لا قوربانیێن كێمیا بارانا هه‌له‌بجه پشتەڤانیا ریفراندۆما سه‌ربه‌خۆیا كوردستانێ دهکەن و داخوازێ ژ هه‌لە‌بجه‌یان دکەت،داکو جارەکادیتر هه‌له‌بجه دوباره نه‌بیتەڤە ده‌نگی ب (بهلێ)بده‌ن بۆ ریفراندۆما سه‌ربه‌خۆیا كوردستانێ،كو ژ نه‌بوونا وەلاتی ئەم هه‌له‌بجه‌یی توشی قرکرنێ بویوینە ژلایێ رژێما دكتاتۆرا عێراقێ.
لوقمان عه‌بدولقادر سه‌رۆكێ كۆمه‌لا قوربانیێن كێمیا بارانا هه‌لە‌بجه بۆ ئه‌ڤرۆ نیۆز گوتیە:ئەم وه‌كو كۆمه‌لا قوربانیێن كێمیا بارانا هه‌لە‌بجه دبێژین،(بهلێ)بۆ ریفراندۆما سه‌ربه‌خۆیا كوردستانێ،چونكی ژبەر نەبوونا ده‌ولەتێ كاره‌ساتا كێمیا بارانا هه‌له‌بجه ب سه‌رێ مە هات،داکو جارەکادی هه‌له‌بجه دوباره نه‌بیتەڤه دڤێت ببینه خودانێن ده‌ولەتا سه‌ربه‌خۆیا كوردستانێ.
هەروەسا گوت ژی:ئەم هه‌لە‌بجه‌یی پێنج هزار جارا دبێژین (بهلێ) بۆ ریفراندۆمێ،ژبەرکو كوردستان ده‌ولە‌ت نینه،ئەم نەشیاین كه‌یسا هه‌لە‌بجه ب جینۆساید بناسینین،چاره‌سه‌ریا به‌ركه‌فتیێن كێمیا بارانێ وه‌ك پێدڤی بكه‌ین،هەروەسا كلیلا چاره‌سه‌ریا هه‌له‌بجه‌یان هەبوونا دەولەتا كوردستانێ یە،لەورا داخوازێ ژ كه‌س و كارێن شه‌هیدان و به‌ركه‌فتیێن چه‌كێ كێمیایی دکەین،کو ل رۆژا 25 ئیلۆنێ بچنە سەر سندۆقێن ده‌نگدانێ و ده‌نگ ب بهلێ بده‌ن.
سه‌رۆكێ كۆمه‌لا قوربانیلن هه‌له‌بجه گوت ژی:وه‌ك كۆمه‌لا قوربانیێن هه‌له‌بجه دو جارا ب فه‌رمی ل گه‌ل حوکمه‌تێ عێراقێ روونشتینە بۆ قه‌ره‌بووکرنا كه‌س و كارێن شه‌هیدان و به‌ركه‌فتیێن چه‌كێ كێمیایی،بەلێ حوکمەتا عێراقێ هیچ بەرسڤەکا مە نەدایە و یا ئاماده نینه قه‌ره‌بوویا هه‌له‌بجه‌یان بكەت،بەلێ یا ئاماده‌یه قه‌ره‌بوویا وەلاتێ كوێتێ بكەت.
بارزانى بو خه‌لكێ دهوكێ – ده‌نگێ هه‌وه دێ ل ده‌رگه‌هێ وژدانا جیهانێ ده‌ت
ئه‌ڤرۆ نیوز ، هلورى:
سه‌رۆكێ هه‌رێما كوردستانێ په‌یامه‌ك ئاراسته‌یێ خه‌لكێ خوه راكرێ پارێزگه‌ها دهۆكێ كر و دیاركر كو ئه‌و ب خه‌لكێ پارێزگه‌ها دهۆك سه‌ربلنده و ده‌نگێ هه‌وه ل 25/9 دێ بیته زه‌نگا هوشیاریێ و ل ده‌رگه‌هێن وژدانا جیهانێ ده‌تن.
مه‌سعود بارزانى سه‌رۆكێ هه‌رێما كوردستانێ په‌یامه‌كا تایبه‌ت ئاراسته‌یێ خه‌كێ پارێزگه‌ها دهۆك كر و دیاركر كو ئه‌و ب خه‌لكێ شه‌ره‌فمه‌ندێ پارێزگه‌ها دهۆك ب هه‌موو قه‌زایێن ( ناڤه‌ندا دهۆك ، زاخۆ ، ئامێدى ، ئاكرێ ، به‌رده‌ره‌ش ، شێخان ، سێمێل و ده‌ڤه‌را زومار و ده‌شتا نه‌ینه‌وا ” سه‌ربلنده ، ئاماژه ژى كر كو خه‌لكێ پارێزگه‌ها دهۆكێ ب روونى په‌یاما خوه گه‌هاند وه‌كو پشته‌ڤانى ژ بو پرۆسه‌یا ریفراندۆمێ بو سه‌ربخوه‌ى یا كوردستانێ.
ئه‌ڤا ل خوارێ ده‌قا وێ یه
بو ده‌ماوه‌رێ خوشتڤى و نیشتمان په‌روه‌رێ دهۆك ، زاخۆ ، ئامێدى ، ئاكرێ ، به‌رده‌ره‌ش ، شێخان ، سێمێل و ده‌ڤه‌را زومار و ده‌شتا نه‌ینه‌وا
ژ دل سوپاسى و پێزانینێن خوه ئاراسته‌یێ هه‌وه‌یێن خوشتڤى و نیشتمان په‌روه‌ردكه‌م بو پشكداریا هه‌وه‌یا به‌رفره‌ه و گه‌رم و گورى یا هه‌وه د كومبوونێن جه‌ماوه‌ریێن چه‌ند روژێن بورى و ب هه‌وه سه‌ربندین.
هه‌وه ب حه‌ماسه‌ت و ب به‌رهه‌ڤیێن خوه‌یێن به‌فره‌ه ، په‌یامه‌كا روون ب هه‌موو جیهانێ دا كو ئه‌و ژى په‌یاما ئازادیخوازى و پشته‌ڤانیا هه‌وه بوویه ژ بوو ریفراندۆمێ بو سه‌ربخوه‌ى یا كوردستانێ.
ده‌ما كو ئه‌و جوش و خروشا هه‌وه من ژ نێزیك دیتى ، بارێ لسه‌ر ملێن مه گرانتر بوو كو دڤێت ئه‌و هه‌ستا ئازایخوازى یا هه‌وه بگه‌هیته جیهانا ئازاد ، ل رۆژا 25/9 دا دێ ده‌نگێ هه‌وه بیته زه‌نگا هوشیاریێ و دێ ل ده‌رگه‌هێ وژدانا جیهانێ ده‌تن.
ل ڤێره ب پێدڤى دزانم كو سوپاسیا هێزێن پێشمه‌رگه و هه‌موو ده‌زگه‌هێن ئه‌منى و پولیسێن هاتن و چۆنێ بكه‌م كو هه‌ڤكاربوون ل پاراستنا ئاسایشا خه‌لكى و باشتر ب رێڤه‌چوونا ئه‌وان كومبوونێن جه‌ماوه‌رێ
نيشاندان
WP Facebook Auto Publish Powered By : XYZScripts.com