نووترين نووچه
- سەرۆك بارزانی بزاڤێن نەتەوەیێن ئێكگرتی بۆ پەیداكرنا ئارامیێ ل ئیراقێ بلند هەلدسەنگینیت
- سەرۆكێ حوكمەتا هەرێمێ: پێدڤییە حوكمەتا نوو یا ئیراقێ ل سەر بنەمایێ هەڤپشكیێ و هەڤسەنگیێ و ل هەڤهاتنێ بهێتە پێكئینان
- مەسرور بارزانی: رۆلێ نوونەرێ تایبەت یێ نەتەوەیێن ئێكگرتی د هاریكارییا پرۆسەیا سیاسی ل ئیراقێ و هەرێمێ دا یێ ئەرێنی بوو
- شاندێ دانوستاندنكارێ پارتی ل بەغدا چەندین كۆمبوون ل گەل هێز و ئالیێن سیاسی یێن ئیراقی ئەنجامدان
- هەموو بەرهەڤیێن قانوونی بۆ روونشتنا ئێكێ یا جڤاتا نوونەرێن ئیراقێ هاتینە كرن
- پشتی فشـارێن ئەمریکـا شـەڕێ ل حەلەبێ هـاتە راگـرتن
- نێچیرڤان بارزانی خواستا هەرێما كوردستانێ بۆ پێشڤەبرنا هەڤبەندییان ل گەل پۆلەندا دوپاتكر
- مەسرور بارزانی و سیسی دوپاتیێ ل پێشڤەبرنا وەبەرهێنان و بازرگانییا دو ئالییانە دكەن
- زوهێر عەبدولمەسیح ئەكتەر و دەرهێنەرەكێ نیشتمانپەروەر بوو
- چارچۆڤەیێ هەماهەنگیێ داخوازا گەرەنتییا نێڤدەولەتی بۆ هەلوەشاندنا گرۆپێن چەكدار دكەت
سهرهكى نووترين نووچه
وهزارهتا ساخلەمیێ:ژ ئەڤرۆ وێڤە دڤێت نۆشدار ب تنێ د ئێک كهرتدا كار بكهن
ئەڤرۆ نیۆز،زنار تۆڤی:
وهزارهتا ساخلەمیا حوکمهتا ههرێما كوردستانێ كار دکەت بۆ جۆداکرنا كارێ نۆشداران ل نهخۆشخانێن حكومى و ئههلی و دڤێت نۆشدار خۆ بۆ كهرتەکێ ژ وان ئێكلا بكەت.
خالس قادر پەیڤدارێ وهزارهتا ساحلەمیێ ل حوکمهتا ههرێما كوردستانێ راگههاندیە:کو ب ئەگەرێ مۆلهت وهرگرتنا نۆشداران و چوونا نۆشدارێن عهرهب بۆ باژێرێن خۆ و ئەگەرێ كێمیا میلاكی، گرفتا نهبوون و كێمیا نۆشداران ل مهلبهند و بنگەهێن ساخلەمیێ ههیه، بۆ ڤێ مهبهستێ ژی ل ماوێ دو سالاندا، ئهنجومهنێ وهزیران نێزیكی هزار و (150) دهرچوویێن زانكۆ و پهیمانگەهێن نۆشداری بۆ مە دامهزراندینە.
ئاشكرا ژی كریە،کو وهزارهتا ساخلەمیێ د ههولاندایه کو كاركرنا نۆشداران ل كهرتێ حکومى و ئههلى پێكڤە جۆدا بكەت و گوت ژی:دڤێن نۆشدار خۆ ئێکلا بکەت، چونكی ئەم دزانین ڤێ تێكهلبوونێ،كاریگهریەکا خراپ ل سهر كهرتێ ساخلەمیێ ههیه.
وی پەیڤداری گوت ژی:ل ههرێما كوردستانێ ( 990 ) بنگەهێن ساخلەمیێ و ( 76 ) نهخۆشخانێن مەزن و (54) نهخۆشخانێن تایبهت ههنه،کو ب زێدەهی ڤە تێرا وان هژمارا نهخۆشان دکەت،ژ بلی هندێ پێش هاتنا قهیرانا دارایی، بهرێ بناغهى بۆ (20) نهخۆشخانێن حکومی یێن دی هاتینە دانان،بەلێ ژبەر قهیرانا دارایی ئەم نەشیاینە تەمام بكەین.
پشتى چهند دهمژمێران هاتيه گرتن، بايدهمير هاته ئازادكرن
ئهڤرۆ نيوز:
عوسمان بایدەمیر پهرلهمانتار و پهيڤدارێ پارتا ديموكراتا گهلان، پشتى بۆ چهند دهمژمێران ل باژێرێ ئیستەنبوڵ هاتيه گرتن بۆ وهرگرتنا ئيفادان، هاته ئازادكرن.
عۆسمان بایدەمیر پەرلەمانتارێ ھەدەپێ، بەری نھا دوسێیەک ل سەر ھاتبوو ڤەکرن، ژبەر نەبەرھەڤبوونا وی ل دادگەھێ، دادگەھا رھایێ ژى بریارا دەستەسەرکرنا وی دەرکربوو، ئەڤرۆ ئێڤاری ژی ل فرۆکخانەیا ئەتاتورک ژ ئالیێ ھێزێن ئێمناھییا تورکیێ ڤە ھات گرتن و پشتى ئيفاده وهرگرتنێ هاته ئازادكرن.
ئۆسمان بایدەمیر هاتە دەستەسەرکرن
حوکمهتا عێراقێ بریارەکا دی یا نهدستوورى بهرامبهری ههرێما كوردستانی دهركر
ئەڤرۆ نیۆز،زنار تۆڤی:
تۆرا میدیایی یا عێراقی، کوو دامهزراوهکا فهرمی یا سهر ب حومهتا فیدرالی ڤەیە فهرمانەکا كارگێرى ل دژی ههرێما كوردستانێ دهرکر و رێڤەبەراتیا ههرێما كوردستانێ دناڤا وێ تۆرێدا ههل دوەشینیت و دکەتە سێ بهشێن ههولێر و سلێمانى و دهۆك.
د فهرمانا كارگێریا هژمار 1/ 4/ 2/ 15204 ك ل 9/ 11/ 2017 ب ئیمزایا موجاهید ئهبو هێل بهدر،هاتیه دهركرن، بریار هاتیەدان به ههلوهشاندنا رێڤەبهراتیا ههرێما كوردستانێ كو ب فهرمانا كارگێرى یا هژماره (1/ 4/ 2/ 5866) ل 18/ 5/ 2016 هاتیە پێکئینان.
وهك دوێ فهرمانا كارگێریدا هاتی،کو كۆپیەک دهست ب ئەڤرۆ نیۆز کەفتیە،کو ئەو رێڤەبەرایەتیە کریە سێ بهش و ژ بهشێن ههولێر، سلێمانى و دهۆك پێكهاتینە.
لدووڤ ژێدەرەکێ سیاسی، ئهم بریارهژی درێژیا ههمان وان بریار و ڕێكارێن سزاكاریێن نەدستوورینه، کو حوکمهتا فیدرال ب سهرۆكاتیا حهیدهر عهبادى و ب پشتەڤانیا ئیران و توركیا بهرامبهری ههرێما كوردستانێ، گرتیه بهر.
حوكمهتا عيراقێ رۆهنكرنهك ل دۆر بۆدجا 2018 بهلاڤكر
ئهڤرۆنيۆز:
پهيڤدارێ ئۆفيسا راگههاندنێ يا سهرۆك وهزيرێن عيراقێ، سهعد حهديسى، ئهڤرۆ ئێكشهمبى راگههاند، رهشنڤيسا بۆدجا سالا 2018 دقۆناغا دووماهيێ دايه وچو ئاماژه ب ناڤێ پارێزگههێن باكوورێ عيراقێ تێدا نينن.
سهعد حهديسى دداخۆيانيهكا رۆژنامهڤانى دا گۆت( مادا 143 ژ دستوورێ عيراقێ دبێژيت پارێزگههێن ئهربيل وسلێمانيێ ودهۆكێ ههرێمهكا سهربخوهيه) گۆت ژى( دستوورى سنۆرێن ئيدارا ههرێمێ ژى يێن دياركرين).
خوياكر ژى( دستوورێ عيراقێ مهرجهعێ سهرهكيێ ههموو پێكهاتێن عيراقێ يه بێ جوداهى، حوكمهتا عيراقێ ژى يا پێگيره ب دستوورى وماده وبهندێن وى بجه دئينيت).
پهيڤدارێ ئۆفيسا راگههاندنا سهرۆك وهزيرێن عيراقێ گۆت ژى( ئهو پێنگاڤێن ل گهل ههرێمێ هاتينه هاڤێتن بجهئينانا دستوورێ عيراقێ يه ل دۆر ئێكگرتنا ئاخا عيراقێ).
درهشنڤيسێ پرۆژێ بۆدجا عيراقێ يا سالا 2018، پشكا ههرێما كوردستانێ ژ 17% بۆ 12.67% هاتبوو كێمكرن ، ديسا چو بهحسێ دوباره ئاڤهدانكرنا باژێرێن ئازادكرى ژ داعشێ تێدا نهبوو.
وێنێن فرۆكا عيراقى ئهوا ئهڤرۆ كهفتى ببينه
پارێزگهرێ نهينهوا دێ سكالايێ ل سهر 21 ئهندامێن جڤاتا پارێزگههێ كهت
ئهڤرۆنيۆز:
پارێزگهرێ نهينهوا يێ ژكار لاداى، نهوفهل ئهلعاگۆب، راگههاند ئهو دێ سكالايهكێ دژى 21 ئهندامێن جڤاتا پارێزگههێ ب تۆمهتا بێ دهنگبوونێ ل سهر هندهك تۆمهتباران.
ئهلعاگۆب دداخۆيانيهكا رۆژنامهڤانى دا دياركر، 21 ئهندامێن جڤاتا پارێزگهها نهينهوا بێ دهنگ بووينه ل سهر هندهك تۆمهتباران كو دداخوازكرينه بۆ دادگههێ ب تۆمهتا تيرۆرێ وسكالا دێ هێته بلندكرن ژبهربێ دهنگ بوونێ ل سهر تاوانباران و بجهنهئينانا فهرمانێن دادوهرى ژلايێ ئهندامێن جڤاتێ ڤه.
ل دووماهى كۆمبوونا جڤاتا پارێزگهها نهينهوا، بريارا لادانا نهوفهل ئهلعاگۆب، ب تۆمهتا گهندهليێ، ژپۆستێ پارێزگهرێ نهينهوا هاتبوو دان.
نەجمەدین کەریم: گەفێن کوشتنێ ژميلشيێن ب سهر ئيرانێ ڤه بۆ من دهێن
ئهڤرۆنيۆز:
پارێزگارێ کەرکووکێ نهجمهدين كهريم ئاشكراركر ميليشيا وگرۆپێن ب سهر زێرهڤانێن شۆرهشا ئيسلامى يا ئیرانێ ڤه گهلهك جاران گهفێن كوشتنێ ئاراستهى وى كرينه.
نەجمەدین کەریم دداخۆيانيهكا رۆژنامهڤانى دا بۆ رادیۆیا (NPR) یا ئەمریکی دبێژيت، ئەو چهندا ل 16 چريا ئێكێ 2017 ل كهركووكێ رووداى خیانەت بوو و کەرکووک دێ ههر مينيت پشکەک ژ ئاخا کوردستانێ و چو جاران ژى ئەو دەستان ژ ناسناما کەرکووکێ بەرنادەن.
خوياكر، ميليشيا و گرۆپێن ب سەر زێرهڤانێن شۆرهشا ئيسلامى (پاسدار) پهيوهنديێ پێ دكهن وداخوازا زڤرينا وى بۆ كهركووكێ دكهن. دياركر ژى (مەرەما وان کوشتنا منه).
نەجمەدینى رهخنه ل ئهمريكا وئورۆپا گرتن وگۆت، ئەمریکا و ئورۆپا ل دۆر پرسا کوردان د دو رى بوون.
پێشبينيێن ستێرێن بهختى چ دبێژن؟
ئهڤرۆنيۆز:
كاڤر 21/3 -20/4
دێ گوه ل هندهك گوهۆرينان ل سهر كارێ خوه بى وئهڤه دێ ته نيگهران كهت، خوهشتڤيێ ته گهلهك بزاڤان دكهت بۆ رازيكرنا ته وبجهئينانا داخوازيێن ته، بزاڤان بكه رێزگرتنا خوه بۆ ديار بكهى.
گا 21/4- 20/5
ههكه ته حهزا گوهۆرينا كارێ خوه ههبيت، ئهڤه دهمهكێ گونجايه بۆ وێ بريارێ وژئهنجامێ بريارا خوه نهترسه، ژ روويێ سوزداريێ ڤه، يا بۆرى ژبير بكه وسهر ژ نوو ل گهل خوشتڤيێ خوه دست پێ بكهڤه وچارهسهريێن گونداى بۆ كێشان ببينه.
جێمك 21/5- 21/6
بزاڤێ بكه كارێن خوه ل سره خوه ب زهحمهت نهئێخه وخوه ل كهل دهوروبهرێن خوه ب گونجينه ههتاكو بشيێ پێش بكهڤى، ژ رۆيێ سزدارى وخێزانێ ڤه، دێ رۆژهكا باش وپر خوهشى بۆرينى.
كێڤژاله 22/6- 22/7
كيشه وكارڤهدانێن وان دێ كێم بن ورهوشا كارێ ته دێ بهر ب باشتر چيت، پهيوهنديهكا ته يا ههڤالينى دێ بيته حهژێكرنهكا راستهقينه.
شێر 23/7- 22/8
ئهڤرۆ دێ چهند روودانێن نهچاڤهرێكرى ل كارى روودهن، پێدڤيه زێدهتر گوه ل خوهشتڤيێ خوه بگرى وبزاڤێ بكه تێبگههى وههست پێ بكهى.
كچ 23/8- 22/9
ههستا وێ چهندێ دكهى كو تو نهشێى ئهركێن خوه بجهئينى وته پێدڤى ب كهسهكى يا ههى كو وهريا ته بلند بكهت، دهمهكێ خوهش ل گهل خوهشتڤى دێ بۆرينى ودێ ههست ب ئاراميێ كهى.
تهرازى 23/9- 22/10
ژ ئهڤرۆ و پێڤه دێ ته دهستكهڤتهكێ دراڤى ههبيت ودێ هزر دهێلانا كارێ خوه كى ودهستپێكرنا پرۆژهكێ نوو، پێدڤيه دهمهكێ زێدهتر ل گهل خوهشتڤى ببۆرينى ب تايبهت دئهڤرۆ دا.
دووپشك 23/10 – 21/11
بێ ئۆمێد نهبه ويێ بهردهوام به ل سهر كارێ خوه، دهستپێشخهرى تاكو رێ يه كو ته بگههينيته سهركهفتنێ. ژرووێێ سوزداريێ ڤه پێدڤيه ته ئاگهه ژ خوشتڤى ههبيت چونكى حهژ ته دكهت وگهلهك رێزێ ل ته دگريت.
كڤان 22/11- 20/12
ژروويێ كارى ڤه رۆژهكا گهلهك باشه بهراوردكرن ل گهل رۆژێن بۆرى، خوهشتڤى گازندێ ژته دكهت ژئهگهرێ مژوولبوونا ته يا بهردهوام ودووربوونا ته ژێ.
گيسك 21/12- 19/1
بهخت دێ دهليڤهكا دى دهته ته ل سهر كارێ ته، ژروويێ سوزداريێ رێ نهده كهسێ مايێ خوه دپهيوهنديێن ته دا بكهت.
سهتل 20/1- 18/2
دێ زهحمهتيان دكارێن خوهدا بۆرينى وژئهگهرێ بزاڤێن ته دێ پێگههێ ته بلندبيت، ژبهر پشتگوه هاڤێتنێ ونه پيتهپێدانێ ته و خوشتڤى دا دێ مشتومر دروست بيت.
نههنگ 19/2- 20/3
ژروويێ كارى ڤه رۆژهكا باشه ودێ دهستپێكا قۆناغهكا نوو بيت بۆ ته، ژ روويێ سوزداريێ ڤه، دێ ته گوه ل دهنگوباسهكێ خوهش بىت.
نيشاندان
WP Facebook Auto Publish Powered By : XYZScripts.com