ئه‌ڤرۆ نيوز:
سه‌رۆكێ هه‌رێما كوردستانێ د گۆتاره‌كێ دا ل پيرمام پيرۆزباهيا سه‌ركه‌فتنا پرۆسه‌يا ريفراندۆمێ ل هه‌موو گه‌لێ كوردستانێ كر ب تايبه‌ت خێزانێن سه‌ربلندێن شه‌هيدان و پێشمه‌رگه‌ى و ره‌ڤه‌ندا كورد ل ژ ده‌رڤه و ده‌ڤه‌رێن كوردستانى يێن ده‌رڤه‌ى ئيدارا هه‌رێما كوردستانێ.
د تۆماره‌كا ڤيديۆيى دا، مه‌سعود بارزانى سه‌رۆكێ هه‌رێما كوردستانێ داخواز ژ حوكمه‌تا عيراقێ كر كو رێيا گه‌فان بده‌نه لايه‌كى و خۆياكر كو گه‌فێن وان ژ ئه‌نفال و كيميابارانان مه‌زنتر نابن، هيڤى ژى خواست كو رێزێ ل ئيرادا گه‌لێ كوردستانێ بگرن.
داخواز ژ وه‌لاتێن هه‌ڤسۆ و ب تايبه‌ت ئيران و توركيا ژى كر كو د هه‌ڤكار بن و رێزێ ل ئيرادا ملله‌تێ كورد بگرن و دا زانين كو ب چو ره‌نگه‌كى كوردستان نابيته گه‌ف بۆ سه‌ر وان.
د ناما خوه دا بۆ جڤاتا نێڤده‌وله‌تى ژى ته‌كست ل سه‌ر وێ چه‌ندێ كر كو رۆلێ كوردستانێ دێ يێ به‌رچاڤ بيت د هه‌ڤپه‌يمانيا ل دژى شه‌رێ تيرۆرێ و هاريكاريكرنا ئاواران دا و گۆت: “ئاواره خووشك و برايێن مه نه و دێ وان پارێزين و چاڤێ خوه ده‌ينه وان”.
سه‌رۆكێ هه‌رێما كوردستانێ داخواز ژ خه‌لكێ كوردستانێ ژى كر ب تايبه‌ت گه‌نجان كو ل ده‌مێ راگه‌هاندنا ئه‌نجامێن ريفراندۆمێ ب ره‌نگه‌كێ شارستنا و ل دووڤ فه‌رهه‌نگا نشتيمانى ده‌ربڕينێ ژ خووشيا خوه بكه‌ن و گوله‌يان نه‌هاڤێژن دا كو ئالوزى په‌يدا نه‌بن.
ئه‌ڤرۆ نیوز:
ئه‌لیكسانده‌ر نوڤاك، وه‌زیرێ وزه‌یا رووسیا راگه‌هاند، پشتى ریفراندۆما هه‌رێما كوردستانێ، پێدڤیه پرۆسا هنارتنا په‌ترۆلا هه‌رێما كوردستانێ یا به‌رده‌وام بیت.
سه‌باره‌ت گه‌فێن توركیا، وه‌زیرێ وزه‌یا روسیا گۆت” دێ دیراسه‌تێ ل سه‌ر گه‌فێن توركیا بۆ راگرتنا په‌ترۆلا هه‌رێمێ كه‌ین”.
روسیا ب گرێبه‌ستا ئێك ملیار دولار، بوریا غازا سروشتى یا هه‌رێما كوردستانێ ب رێیا كۆمپانیا روزنه‌فت دێ بۆ بازارێن جیهانێ راكێشیت كو كار ل سه‌ر پێنج زه‌ڤیێن به‌رهه‌مئینانا غازا سروشتى دكه‌ت.
ئه‌ڤرۆ نيوز:
حه‌يده‌ر عه‌بادى سه‌رۆك وه‌زيرێن عيراقێ راگه‌هاند، هه‌موو گه‌شتێن نێڤده‌وله‌تى بۆ فرۆكخانه‌يێن هه‌رێمێ و هه‌رديسا هاتن بۆ وان دێ راگريت هه‌كه هات و د ماوێ سێ رۆژان دا ئه‌و فرۆكخانه نه‌خستنه بن كونترۆلا حوكمه‌تا عيراقێ.
حه‌يده‌ر عه‌بادى، د كۆمبوونا ئه‌ڤرۆ يا جڤاتا وه‌زيرێن عيراقێ دا ده‌رباره‌ى ريفراندۆما هه‌رێما كوردستانێ راگه‌هاند: “سه‌ركردێن هه‌رێمێ گوهێ چو بانگهێشتان نه‌دا، ده‌رباره‌ى ده‌ستوورينه‌بوونا ريفراندۆمێ”.
عه‌بادى د كۆمبوونێ دا بڕيار دا، كونترۆلا هه‌موو ده‌رگه‌هێن سنورى يێن هه‌رێمێ بێخيته بن ده‌سته‌لاتا حوكمه‌تا ناڤه‌ندى.
هه‌ڤده‌م حه‌يده‌ر عه‌بادى ل ده‌مێ ب دووماهى هاتنا كۆمبوونێ كۆنگره‌كێ رۆژنامه‌ڤانى گرێدا و تێدا راگه‌هاند كو حوكمه‌تا عيراقێ ده‌سته‌لاتا سيادى يا فيدرالى يا خوه ب سه‌ر دێ ب سه‌ر هه‌موو ئاخا عيراقێ دا سه‌پينيت.
روونژى كر كو ده‌سته‌به‌ردارى ئێكپارچه‌يى و سه‌روه‌ريا خوه نابن ب گۆره‌ى دستوورى پێدڤيه بۆدجا ئتيحادى ڤه‌گه‌ريێن بۆ حوكمه‌تا ناڤه‌ندى.
ئه‌ڤرۆ نیوز:
سه‌ركردایه‌تیا ئاك پارتى، ئه‌ڤرۆ ب سه‌رۆكاتیا ره‌جه‌ب ته‌یب ئه‌ردوگان كۆم بوو و بڕیار دا، هه‌ر وه‌كو به‌رێ په‌یوه‌ندیێن خوه ل گه‌ل هه‌رێما كوردستانێ به‌رده‌وامیێ پێ بده‌ن.
ماهر ئوناى، په‌یڤدارێ پارتا داد و گه‌شه‌پێدان ( ئاك پارتى) ئاماژه ب وێ یه‌كێ كر كو د كومبوونێ دا به‌حسێ وێ یه‌كێ ژى كریه كو” كوردێن عیراقێ دوستێن مه یێن كه‌ڤنارن، وه‌كو چاوان مه پشته‌ڤانى ل ده‌ستكه‌فتێن وان كرینه، دێ ب هه‌مان شێوه د به‌رده‌وام بین، به‌لێ د هه‌مان ده‌مدا ئه‌م ره‌فتارێ ل گه‌ل ئه‌نجامێن ریفراندومێ ناكه‌ین و دانپێدانێ پێ ناكه‌ین”.
ئەڤرۆ نیوز ، نەوزاد ھلۆری
ل گورەی نڤیسارکا فەرمی یا حکومەتا ھەرێما کوردستانێ کو ئیمزا نێچیرڤان بارزانی سەرۆکێ حکومەتا ھەرێما کوردستانێ لسەر ھەیە و دانەیەک دەست ئەڤرۆ نیوز کەفتیە ، دێ دەرچویێن ئێکێ و دوویێ و سێیێ یێن زانکو و پەیمانگەھان ھێنە دامەزراندن.
زێدەتر دنڤیسارێ داە اتیە: ( ئەڤ دەرچویێن زانکو و پەیمانگەھان دێ وان قوتابیان بخوڤە گریت یێ، کو پلەیێن ئێکێ و دوویێ و سێیێ ل سالا ٢٠١٤ – ٢٠١٥ بخوڤە دگریت کو ئەو ژی ھزار ١٩٧ قوتابیان بخوڤە دگریت و دێ لسەر میلاکێ ھەمان زانکو و پەیمانگەھان ھێنەدامەزراندن یێن کو تێدا دەرچویی ب موچە و ناڤ و نیشانێن شایستە و ل گورەی باوەرنامەیێن خوە و لرۆژا دەست بکاربوونێ و وەزارەتا دارایی و ئابووری ب ھەڤکاریا وەزارەتا خواندنا بلند و ڤەکولینێن زانستی دێ بودجا پێدڤی ب دامەزراندنا وان دابین کەت ل گورەی لیستا ناڤان)
ئه‌ڤرۆ نیۆز،ره‌مه‌زان هه‌رنى :
ئاواره كوردى ژنەکا ئاکنجیا پارێزگه‌ها سلێمانیێ یه ل باشورێ كوردستانێ و وێ ژنێ هەر ل ده‌مێ دروست بۆنا شه‌رێ ل دژى داعشێ هه‌تا پروسێسا رێفراندوما سه‌ربه‌خویا كوردستانێ هه‌موو كارێن خوه یێن تایبه‌ت و خێزانى راگرتینە و خزمه‌تا پێشمه‌رگه و پروسێسا رێفراندومێ كریە و ل ده‌مێ بانگه‌شه‌یا رێفراندوما سه‌ربه‌خویا كوردستانێ ده‌ست ب دروونا ئالایه‌كێ كوردستانێ كریه ب قه‌باره‌یه‌كا مه‌زن و ب دوماهیك ئینا یه و دیاركر ژی،ئەو ئالا دێ دیاریا وێ بیت ژبۆ ده‌وله‌تا كوردستانێ.
ئەڤرۆ نیوز ، نەوزاد ھلوری:
پشتی کو دوھی ل ھەرێما کوردستانێ پرۆسەیا ریفراندۆمێ دەستپێکری ، ئەڤرۆ ل بازارێن جیھانێ بھایێ بەرمیلەکا پەترۆلێ بو 60 دولاران بلند بوو ، و ئەڤە د دەمەکێ دایە کو دماوەیێ سێ سالێن بوری دا دناڤبەرا 30 بو 55 دولاران ھاتیە فرۆتن.
دڤی واریدا ” رێبین فەتاح ” رۆژنامەڤانێ ئابووری و شارەزا دوارێ ھێزا کارئێخستنا پەترۆلێ بو ئەڤرۆ نیوز گۆت: ( ئیک ژ کارڤەدانێن ریفراندۆما کوردستانێ بلندبوونا بھایێ پەترۆلێ یە ل بازارێن جیھانێ ، و ئەگەر راگرتنا ھنارتنا پەترۆلا کوردستانێ ببیتە ئەگەرا درۆستبوونا ئالوزیان ل عیراق و دەڤەرێ و کارتێکرنێ ل راگرتن یان کێمبوونا رێژا ھنارتنا پەترۆلێ ل ھەموو عیراق و وەلاتێن دەڤەرێ درۆست بکەت یان ببیتە سەدەما ئالوزیان ل وەلاتێن کو پەترۆل تێرا دھێتە فروتن و بھایێ وێ بلند بیت ئەڤە چەند رامانێن دلخوشکەر بو کوردستانێ ھەنە)
زێدەتر گۆت: ( کارڤەدانێن بلندبوونا بھایێ پەترۆلێ یان کێمبوونا وێ رامانە کو پرسا کوردان راستەوخوە بەپوەندی ب بابەتی ڤە ھەیە و ئەڤ یەک ژی بو دوو خالان دزڤریت ، یا ئێکێ ئەرێ گەلو کوردان چەند شیاینە کو مفایی ژ ڤێ یەکێ وەربگرن ب مەرەما ب ھێزترکرنا پێگەھێ خوە و پەیداکرنا پشتەڤانیەکا نیڤدەولەتی دڤی واریدا ، و یا دوویێ بەرامبەر تورکیا و ئیران و عیراقێ چەوا مفا ژ وان کارتێکرنان وەرگرتیە و چەوا بویە ئەگەر کو پەترولا کوردستانێ بویە ئەگەرا جھێ سەرنجا جیھانی ، چەوا کوردان شیایە بکاربینن بو بێدەنگکرنا ھەموو وان دەنگویێن بەرامبەر وێ دھێنەکرن ، و پێشڤەبرنا زێدەتر یا دوزا کوردان ب تایبەتی دوارێ پەترۆلێ دا ، د ھەردوو خالان ژی دا دەرفەت بو کوردان د ڤەکرینە بەلێ ھەلبژاردن تنێ دێ مینیت لسەر رادەیێ مفایێ کێم وزێدەیا پەترۆلێ)
ئه‌ڤرۆ نیۆز،زنار تۆڤى:
ژبۆ ئه‌نجامدانا ریفراندۆما سه‌رخوه‌بوونا كوردستانێ خه‌لكێ ده‌ڤه‌را به‌روارى بالا ب رێژه‌یه‌كا مه‌زن ده‌نگێ خوه ب به‌لێ دایه،كو رێژه‌یا ده‌نگێن به‌لێ 99% بوویه.
هه‌روه‌سا پشتى ده‌نگدانێ و ژێك ڤاڤارتنا ده‌نگان ل هه‌ر چار بنگه‌هێن ده‌نگدانێ كو ل قوتابخانا میسكا و هرۆر بازیڤ و كانى ماسێ و بریفكا هه‌تبوونه ئه‌نجامدان ب ڤى ره‌نگى بوون.
هژمارا ده‌نگده‌را ل ڤێ ده‌ڤه‌رێ 4842 ده‌نگده‌ربوون
ل ڤێ ده‌ڤه‌رێ 4567 كه‌سان ده‌نگێ خوه دایه
هژمارا ده‌نگێن به‌لێ 4522 ده‌نگ بوون
هژمارا ده‌نگێن نه‌خێر 13 ده‌نگ بوون
هژمارا ده‌نگێن پووچ 32 ده‌نگ بوون
وه‌كو دیار كو رێژا پشكداربوویا ب گشتى ل ڤێ ده‌ڤه‌رێ 94% بوویه،رێژا ده‌نگێن به‌لێ 99% بوویه.
هه‌روه‌سا رێژا ده‌نگێن نه‌خێر 0،028% بوویه.
دیسا رێژا ده‌نگێن پووچ 0،007 بوویه و هه‌روه‌سا 275 كه‌سان ل ڤێ ده‌ڤه‌رێ ده‌نگێ خوه نه‌دایه.
ئەڤرۆ نیۆز،زنار تۆڤی:
رێڤەبەریا گشتی یا سەقاناسی و بیڤەلەرزان ل ھەرێما کوردستانێ، پێشبینیێن ساقای بەلاڤکرینە.
ئەڤرۆ سێشەمبی 26/9/2017 رێڤەبەریا گشتی یا سەقاناسیێ و بیڤەلەرزان ل ھەرێما کوردستانێ پێشبینیێن سەقای د 48 دەمژمێرێن داھاتی دا بەلاڤکرینە و تێدا ئاماژە ب هندێ دایە،کو ئەڤرۆ ل ھەولێر،دێ نیڤ عەور بیت،رێژا تۆزێ ژی دێ پیچەک بلند بیت،ل سلێمانیێ ژی ئەسمان دێ ساهی بیت،ل دھۆک و کەرکووکێ ژی ئەسمان دێ یێ ساهی و عەور بیت.
رێڤەبەریا گشتی یا سەقاناسیێ و بیڤەلەرزان ل ھەرێما کوردستانێ ئەو ژی دیارکریە،کو سوبەهی چارشەمبێ 27/9/2017، ل ھەولێر، سلێمانی و کەرکووک،ئەسمان دێ ساهی بیت،ل دھۆکێ ژی ئەسمان دێ ساهی بیت،دێ هندەک پنیێن عەوری یێن جۆدا جۆدا ژی پەیدا بن.
نيشاندان