ئەڤرۆ نیۆز،زنار تۆڤی:
ب تۆمەتا بانگەشەکرنێ بۆ پەکەکێ دادگەها تورکیا ل باژێرێ رۆحایێ بریارا دەستەسەرکرنێ بۆ ئوسمان بایدەمیری،پەیڤدارێ هەدەپێ دەرکر.
بریارا دەستەسەرکرنێ بۆ ئۆسمان بایدەمیری دەرکەفت
نووترين نووچه
- سەرۆك بارزانی بزاڤێن نەتەوەیێن ئێكگرتی بۆ پەیداكرنا ئارامیێ ل ئیراقێ بلند هەلدسەنگینیت
- سەرۆكێ حوكمەتا هەرێمێ: پێدڤییە حوكمەتا نوو یا ئیراقێ ل سەر بنەمایێ هەڤپشكیێ و هەڤسەنگیێ و ل هەڤهاتنێ بهێتە پێكئینان
- مەسرور بارزانی: رۆلێ نوونەرێ تایبەت یێ نەتەوەیێن ئێكگرتی د هاریكارییا پرۆسەیا سیاسی ل ئیراقێ و هەرێمێ دا یێ ئەرێنی بوو
- شاندێ دانوستاندنكارێ پارتی ل بەغدا چەندین كۆمبوون ل گەل هێز و ئالیێن سیاسی یێن ئیراقی ئەنجامدان
- هەموو بەرهەڤیێن قانوونی بۆ روونشتنا ئێكێ یا جڤاتا نوونەرێن ئیراقێ هاتینە كرن
- پشتی فشـارێن ئەمریکـا شـەڕێ ل حەلەبێ هـاتە راگـرتن
- نێچیرڤان بارزانی خواستا هەرێما كوردستانێ بۆ پێشڤەبرنا هەڤبەندییان ل گەل پۆلەندا دوپاتكر
- مەسرور بارزانی و سیسی دوپاتیێ ل پێشڤەبرنا وەبەرهێنان و بازرگانییا دو ئالییانە دكەن
- زوهێر عەبدولمەسیح ئەكتەر و دەرهێنەرەكێ نیشتمانپەروەر بوو
- چارچۆڤەیێ هەماهەنگیێ داخوازا گەرەنتییا نێڤدەولەتی بۆ هەلوەشاندنا گرۆپێن چەكدار دكەت
سهرهكى نووترين نووچه
سهرۆكێ فرنسا نامهیهك بۆ نێچیرڤان بارزانى هنارتیە
ئەڤرۆ نیۆز ، زنار تۆڤی:
سەرۆکێ فرنسا نامەیەک بۆ سەرۆک وەزیرێن هەرێما کوردستانێ هنارتیە و د وێ نامێ دا قۆناغا مەسعود بارزانی یا سەرۆکاتیا هەرێما کوردستانێ ب دیرۆکی ب ناڤ کریە و دوپات کریە کو ئاسایشا هەرێما کوردستانێ بۆ هەموو دەڤەرێ یا گرنگە.
ئیمانوێل ماکرۆن، سەرۆکێ فرنسا ب رێیا کونسۆلێ گشتی یێ فرنسا ل هەرێما کوردستانێ نامەیەک بۆ نێچیرڤان بارزانی، سەرۆک وەزیرێن هەرێما کوردستانێ هنارتیە و د ناڤەرۆکا نامێ دا دیار کرییە، مەسعود بارزانی، د دەمێ سەرۆکاتیا هەرێما کوردستانێ دا رۆلەکێ دیرۆکی هەبوو و هەروەسا سەرکردایەتیا وی بۆ پێشمەرگەی رۆلەکێ تایبەت و ئێکلاکەر د شەرێ دژی داعشێ دا هەبوو.
هەروەسا دیارکریه،کو فرنسا هەڤپەیمانەکا دیرۆکی یا کوردستانێ یە و هەموو دەمان پشتەڤانا پاراستنا مافێن گەلێ کوردە د چارچۆڤەیێ دستوورێ عێراقێ دا و داخواز کرییە،کو هەموو کێشەیێن هەرێما کوردستانێ و بەغدا ب دانوستاندن و د چارچۆڤەیێ دستوورێ عێراقێ دا بهێنە چارەکرن، ژبەر کو ئاسایش و ئارامیا هەرێما کوردستانێ، بۆ سەقامگیریا رۆژهەلاتا ناڤین یا گرنگە.
ژ لایێ خوەڤە نێچیرڤان بارزانی، سوپاسیا پشتەڤانیا بەردەوام یا حکومەتا فرنسا بۆ هەرێما کوردستانێ کر و راگەهاند،حوکمەتا هەرێما کوردستانێ باوەریەکا تەمام هەیە کو پێدڤیە هەموو کێشە ب دانوستاندن و ریێن ئاشتیانە چارە ببن.
جڤاتا سڵيمانيێ: بريارا دهستهسهركرنا هژمارهكا بهرپرسێن حكومى دێ هێته دهركرن
ئهڤرۆنيۆز:
بهرپرسهكێ پارێزگهها سلێمانيێ راگههاند، ل دهمهكێ نێزيك بريارا دهستهسهركرنا هژمارهكا بهرپرسێن پارێزگههێ ب تۆمهتا سهختهكاريێ ووهرگرتنا دراڤى ب شێوهكێ نه قانوونى دێ هێته دهركرن.
ل دووڤ نڤيسارا فهرمى يا هژمار 529 ل 25/10/2017 كو ژ سهرؤكاتيا جڤاتا پارێزگهها سلێمانيێ بۆ داواكاريا گشتى هاتيه ئاراستهكرن، ل دووڤ بهغداد پۆست، بادهكهك ژ شهش بهرپهران ب بهلگهڤه ل گهل وێ نڤيسارێ هاتيه هنارتن ب سهرپهرشتيا رێكهوت محهمهد زهكى ئهندامێ جڤاتا پارێزگهها سلێمانيێ.
دوێ نڤيسارێ دا هاتيه كو ئهو پێزانينێن دبادهكێ دا هاتين ئاماژێ ددهن كو هندهك كارمهندێن دناڤ پارێزگهها سلێمانيێ دا سهختهكارى دهندهك نڤيسارێن فهرمى دا كريه وپاره ب شێوێن نه قانوونى وهرگرتينه بهرامبهر دهركرنا مۆلهتا كارێ بۆ ويستگهههكا سوتهمهنيێ.
رێكهوت محهمهد زهكى ئهندامێ جڤاتا پارێزگهها سلێمانيێ، ل دووڤ وى سايتێ، دداخۆيانيهكا رۆنامهڤانى دا راگههاند، نڤيسارا جڤاتا پارێزگههێ يا ئاراستهكريه بۆ داواكارێ گشتى وپێرابوونێن قانوونى يێن تمام بووين.
دياركر ژى كو وى بۆ دهمێ دو مههان دووڤچوونا ڤێ بادهكێ دكر وههموو بهلگه كو وێنه دگهلدا نه هاتينه هنارتن وفهرمانگهها داواكارێ گشتى ئهو بادهك يا بلندكرى بۆ دادوهرێ ڤهكۆلينێ ل دهستهيا دهستپاكيێ ل ههرێمێ وفهرمانێن دهستهسهركرنێ ل دهمهكێ نێزيك بۆ گومان لێكريان دێ هێنه دهركرن.
ئاشكراكر ژى كو ناڤێن هندهك ژ بهرپرسێن مهزن ل پارێزگههێ دوێ دبادهكێ دا يێن هاتين كو ئهو كارێن نه قانوونى بێ پشتهڤانيا ب هێزيا وان بهرپرسان نهدهاتنه ئهنجامدان.
ههلبژارتيێن پشكدار دجاما جيهانێ دا دێ هێنه زێدهكرن
ئهڤرۆنيۆز:
ئێكهتيا نێڤدولهتى يا تهپا پێ(فيفا) ئاشكراكر كو جڤاتا گشتى يا وێ ب تێكرايا دهنگدان پشتهڤانيا زێدهكرنا ههلبژارتيێن وهلاتێن پشكدار دجاما جيهانى دا بۆ 48 ههلبژارتيان دجاما جيهانى يا سالا 2026 ووێڤه.
فيفايێ ل سايتێ خوه يێ فهرمى رێبهرێ تايبهت بۆ جاما جيهانى يا سالا 2026 بهلاڤكريه كو 48 ههلبژارتى پشكداريێ تێدا كهن كو 16 ژوان ژ ئورۆپا و9 ژ ئهفريقيا و8 ژ ئاسيا و6 ژ ئهمريكا باكوور و7 ژ ئهمريكا باشوور و ئێك ژ ئوقيانۆسيا ودو ههلبژارتى ژى ب رێيا ياريێن پاشبهند دێ سهركهڤن بۆ جاما جيهانى.
عهبادى: گهندهليهكا مهزن دناڤ حهشدا شهعبى دا يا ههى
ئهڤرۆنيۆز:
سهرۆك وهزيرێن عيراقێ حهيدر عهبادى راگههاند،گهندهليهكا مهزن دناڤ حهشدا شهعبى دا يا ههى وهندهك سهركردێن مهزن يێن حهشدێ مووچان بۆ ههوا پێشوهخت يا ههلبژارتنان بكاردئينن.
عهبادى گۆت ژى، حهشدا شهعبى بازرگانيێ ب چهكدارێن خوه دكهت ب رێيا زێدهكرنا مووچێن وان ل بهرامبهر تۆماركرنا ناڤێن ئاشووپى دناڤ رێزێن گرۆپێن ب سهر حهشدێ ڤه ب مهرهما دزينا وان مووچان.
ڤى وێنهى دبهريكانهكا مهزن دا پلا ئێكێ بدهستڤهئينا
ئهڤرۆنيۆز:
دبهريكانا وێنێ فوتۆگرافى بۆ ژيانا دارستانان كو ژلايێ گوڤارهكێ ئهمريكى ڤه دهێته سازكرن، ڤى وێنێ دلتهزين يێ دو فيلێن دبهزن ژبۆ خوه قورتالكرنێ ژ ئاگرێ بهربوويێ، پلا ئێكێ بدهستڤهئينا.
گۆڤارا ئهمريكى ئهوا بهريكانا وێنان رێكخستى بهحسێ ڤى وێنهى دكهت ودبێژيت( ئهڤه جۆرهكێ دلتهزين يێ ئازاردانێ يه).
سايتێ دايلى ميل يێ بريتانى دياركر كو ئهڤ وێنه ژلايێ وێنهگرێ هندى( بيبلاب هازرا) ل دهڤهرا بانكۆرا ل ويلايهتا بنگالا رۆژئاڤا هاتيه كێشان .
هازرا ئهوێ ئهڤ وێنه كێشاى دبێژيت( ڤان ههردو فيلان دكره قێژى وژهژمارهكا زهلامێن تۆرهبووى درهڤين كو تهپێن ئاگر پێڤه دوان فيلان وهردكرن).
شارهزايهكێ وزێ:ههرێما كوردستانێ دشێت ژدهستدانا پهترۆلا كهركووكێ قهرهبوو بكهت
ئهڤرۆنيۆز:
شارهزايێ وزێ ل ههرێما كوردستانێ، گوڤهند شێروانى، راگههاند، ههرێما كوردستانێ دشێت ژدهستدانا بيرێن پهترۆلا كهركووكێ ئهوێن كهفتينه دبن كونترۆلا حوكمهتا عيراقێ دا، قهرهبوو بكهت ب رێيا ڤهديتنا بيرێن نوو يێن پهترۆلێ.
گوڤهند شێروانى بۆ ئاژانسا سپۆتنيك يا دهنگوباسان يا رۆسى گۆت( هژمارهكا مهزن يا بيرێن پهترۆلێ وغازێ ل ههرێما كوردستانێ يێن ههين كو ههتا نوكه كار تێدا نههاتيه كرن ونوكه 15 كۆمپانيێن بيانى يێن كهرتێ پهترۆلێ ژ 15 وهلاتان يێن ل ههرێما كوردستانێ ههين وكارێ وان كۆمپانيان دێ هژمارا بيرێن پهترۆلێ ل ههرێمێ زێدهكهت ل گهل بهردهواميا كارێن لێگهريانێ).
دياركر ژي كو بيرێن پهترۆلا كهركووكێ ژكهڤنترين سامانێن دهڤهرێ يه ورێژا يهدهكا وێ 10 ههتا 12 مليار بهرميلێن پهترۆلێ نه.
خوارنا تڤرێ چارەسەریا ڤان نەخۆشیان دکەت
ئەڤرۆ نیۆز،زنار تۆڤی:
ڤەکۆلینێن زانستی چهندین مفایێن تڤرێ ئاشكرا دكهن و ڤەکۆلەر دیاردکەن كو تڤر دهێتە ب کارئینان بۆ چارهسهریا چهندین نهخۆشێن مهترسیدار، وهك:
.قهبزبوونێ: خوارنا تڤرێ پرۆسهیا هێرانێ ب ساناهی لێ دکەت و رێ ل كۆمبوونا ئاڤێ و قهبزبوونێ دگریت.
-قهلەوى:خوارنا تڤرێ وە دکەت کو تۆ ههست ب تێربوونێ بكهی و ئهو كهسێن دڤێت کو كێشەیا لهشێ وان داببەزیت،دشێن مفای ژێ وەربگرن.
.ساخلەمیا دلی و زڤرۆکێن خوینێ باشتر لێ دکەت.
.پەنجەشێر:ڤەکۆلینێن زانستی سهلماندینە كو تڤر یا ب مفایە بۆ چارهسهریا پەنجەشێرێ ب تایبهت جۆرێن وەکی قولۆنێ گولچیسکان و گهدهێ و پەنەشێرا دەڤی.
ئهحلام ژ بهرنامێ the voice هاته دهركرن
ئهڤرۆنيۆز:
هونهرمهندا ئيماراتى ئهحلام ژ بهرنامێ the voice يێ كهنالێ MBC يێ سعودى هاته دهركرن و ل جهێ وێ هونهرمهندا كوێتى نهوال هاته دانان.
ئهحلامێ دبهرپهرێ خوه دا ل سهر تويتهرێ نامهك بۆ كهنالێ MBC هنارت و تێدا دبێژيت( رێزگرتن وحهژێكرنا من بۆ ههوه ناهێته گوهارتن وهوون پشتهڤانێن من بوون وسوپاسيا رێزگرتنا ههوه ل من دكهم).
ژلايێ خوهڤه هونهرمهندا كوێتى نهوالێ د بهرپهرێ خوه يێ تويتهرى دا گۆت( سۆپاسيا كهنالێ MBC دكهم كو ئهز داخوازكريم پشكدار ببم وهكو ئهنداما لژنا بهرنامێ the voice وئهز يا كهيقخوهشم ب ڤێ داخوازێ).
ل ئهيلۆلا ئهڤ ساله، مازن حايك پهيڤدارێ كهنالێ MBC ناڤێن لژنا دادوهريا بهرنامێ the voice دوهرزێ وى يێ چارێ دا راگههاندبوون ئهوژى ههر ئێك ژ (عاسى حلانى، ئهحلام، ئهليسا و محهمهد حهماقى) ودياركر كو خهلهكا ئێكێ ژ بهرنامهى دێ ل 1/12/2017 هێته بهخشكرن.
دهێته زانين خودانێ گرۆپێ كهنالێن MBC ژلايێ دهستههلاتێن سعوديێ ل گهل هژمارهكا بازرگانێن مهزن يێن سعودى يێ هاتيه دهستهسهركرن. ديسا ههڤژينێ ئهحلامێ وهلاتيهكێ قهتهرى يه و پهيوهنديێن سعوديێ و قهتهرێ دكوپيتكا نهخوهشيێ دانه.
رهگهزناما سعودى ژ هونهرمهند ماجد ئهلموههندس هاتيه ڤهكێشان؟
ئهڤرۆنيۆز:
حوكمهتا سعودى ل دووڤ چهندين دهزگههێن راگههاندنێ، رهگهزناما سعودى ژ هونهرمهندێ عيراقێ ماجد ئهلموههندس ڤهكێشا.
ل دووڤ وان دهزگههان، رهگهزناما سعودى دێ ژوان كهسان هێته ڤهكێشان ئهوێن ئهو رهگهزناما ب پشتهڤانيا خالد تويجرى سهرۆكێ ديوانا شاهنشاهى ئهوێ نوكه ل گهل چهندين بهرپرس وبازرگان سعودى دهستهسهركرى ب تۆمهتا گهندهليێ.
ژلايێ خوهڤه فائيق حهسهن، رێڤهبهرێ كارێن ماجد ئهلموههندس ل دووڤ سايتێ (بهت) ، ئهو دهنگوباسه رهتكر وگۆت( تنێ پرۆپاگندهيه و چو راستى بۆ نينه ورهگهزناما سعودى ب شێوهكێ فهرمى ب ماجد ئهلموههندس هاتيه دان).
ل سالا 2010 ماجد ئهلموههندس رهگهزناما سعودى بدهسڤهئينابوو.
نيشاندان
WP Facebook Auto Publish Powered By : XYZScripts.com