ئه‌ڤرۆ نیوز ، نه‌وزاد هلۆرى:
وه‌سا بریاره كو ئه‌ڤرۆ فلمه ڤیسته‌ڤاڵا دهۆك یا نیڤده‌ولى يا پێنجێ ل باژێرێ دهۆك ب رێڤه بچیت كو تێدا كومه‌كا فلمێن بیانى و نافخوى پشكدارن ژ وانان 11 كورته فلمێن ڤیسته‌ڤالێن كان و ئوسكارن ، به‌رپرسێ پشكا په‌نه‌ل و پرێسكونفرانسان ژى دده‌تن دیاركر كو بزاڤێن زور دێ هێنه‌كرن كو كه‌رتێ تایبه‌ت ل دهۆك گرنگیێ ب كه‌رتێ سینه‌مایێ و به‌رهه‌مئینانا فلمان بده‌ن.
عادل عه‌بدولرحمان به‌رپرسێ پشكا په‌نه‌ل و پرێسكونفرانسان ل پێنجه م فلمه ڤیسته‌ڤاڵا دهۆك یا نیڤده‌ولى بۆ ئه‌ڤرۆ نیوز گۆت: ( فلمه ڤیسته‌ڤالا نیڤده‌وله‌تى یا دهۆك ب كومه‌كا فلمێن نافخوه و بیانى سوبه‌هى رێكه‌فتى 9 ئیلونا 2017 ده‌ست پێ كه‌ت و هه‌تا رۆژا 16 ئیلونێ دێ یا به‌رده‌وام بیت و بو ئێكه‌مین جار ژى دوو گروپ و 11 كورته فلمێن هه‌ردوو ڤیسته‌ڤالێن بناڤ و ده‌نگێن جیهانى ” كان و ئوسكار ” دێ پشكداربن كو ئه‌ڤ یه‌ك ژى شانازیه‌كا مه‌زنه بو پارێزگه‌ها دهۆك و هه‌تا ئه‌وان بخوه ئه‌ڤ یه‌ك ب شانازى دیته)
زێده‌تر گۆت: (دچارچوڤێ رۆژانێن فلمه ڤیسته‌ڤاڵا دهۆك یا نیڤده‌ولى دێ پێنج په‌نه‌لێن تایبه‌ت لسه‌ر سینه‌مایێ و چه‌وانیا به‌ر ب پێشڤه‌برنا وێ و كێماسى و خالێن لاواز و ب هێزێن بوارێ سینه‌مایێ هێنه رونكرن و دانوستاندن لسه‌ر هێنه‌كرن كو ژلایێ كه‌سایێ بسپوور و تایبه‌تمه‌ن دوارێ سینه‌مایێ ل جیهانێ هێنه ب رێڤه‌برن و ئێك ژوانان ژى سه‌رۆكا ئێكه‌تیا ره‌خنه‌گرێن سینه‌مایێن جیهانى لژێر ناڤ و نیشانێن ره‌خنه‌یێن سینه‌مایى كو مه‌ره‌م ره‌وشه‌نبیركرنا بوارێ سینه‌مایێ و پێگه‌هاندنا كادرێ سینه‌مایێ یه ل كوردستانێ ب تایبه‌تى ل پارێزگه‌ها دهۆك و هژماره‌كا زور یا مێهڤانێن بیانى و نافخوه‌ى دوارێ سینه‌مایى دا دێ مێهڤان بن و دانوستادنێ لسه‌ر كه‌ن ، ئه‌ڤه زێده‌بارێ كو رۆژانه دێ ورگ شوپ و كونفرانسێن رۆژنامه‌ڤانى دێ بو ده‌رهێنه‌ر و سینه‌ماكار و زارڤه‌كر و به‌رهه‌ڤهێنه‌رێن فلمان هێنه ئه‌نجامدان و زورترین زانیارى دێ هێنه به‌حسكرن و گه‌هاندن ب تایبه‌تى ژى بو رۆژنامه‌ڤانان )
بزاڤێن خورت دێ هێنه‌كرن كو كه‌رتێ تایبه‌ت بهێته رازیكرن كو خوه ل بوارێ سینه‌مایێ بكه‌ن خودان و ده‌ست ب وه‌به‌رهێنانا فلمان بكه‌ن ، و كومه‌كا سوپرازێن گرنگ دێ د فلمه ڤیسته‌ڤاڵا دهۆك یا نیڤده‌ولى دا هێنه پێشكێشكرن هه‌ر بوو نموونه ڤیستیڤاڵ دێ پێشوازیا فلمێ ئه‌فسانه‌یا پاشایى كو چێروك لسه‌ر ژیانا ده‌رهێنه‌رێ كوردێ بناڤ و ده‌نگ یه‌لماز گونه‌یه و كچا یه‌لماز گونه‌یى بخوه دێ به‌رهه‌ڤى نمایشێ بیت و ره‌نگه دوڤدا كومه‌كا دیدار و زانیاریان ژى روون بكه‌ت ، عادلى هوسا گۆت.
به‌رپرسێ پشكا په‌نه‌ل و پرێسكونفرانسان ل فلمه ڤیسته‌ڤاڵا دهۆك يا نیڤده‌ولى دیاركر ژى كو بزاڤێن خورت دهێنه‌كرن كو ئه‌ڤ ساله جودا ژ سالێن بورى زورتین بینه‌ر به‌رهه‌ڤى ڤیستیڤالێ ببن و گۆت ژى: ( ڤیسته‌ڤال دێ ب فلمێ زه‌رێ یێ ده‌رهێنه‌رێ كورد كازم ئوس ده‌ست پێ كه‌ت و خه‌لكێ باكورێ كوردستانێ یه ، چێرۆكا فلمى لسه‌ر سترانه‌كا كه‌لتورى یا كوردى یه و بینه‌ره‌كێ ئه‌مریكا گه‌له‌ك پێڤه دهێته‌گرێدان و لدوڤ ناڤ و ده‌نگیێن وێ دهێت هه‌تاكو دهێته جهێ ئه‌وێ سترانێ كو رامان ژى ئه‌وه لدوڤ نوخ وازیێ دچیت)
عادلى د درێژاهیا ئاخفتنێن خودا دیاركر ژى كو بو ئێكه‌مین جار ئه‌ڤ ساله پشكه‌كا نوو ل فلمه ڤیسته‌ڤالا دهۆك یا نیڤده‌ولى هاتیه زێده‌كرن كو ئه‌و ژى پشكا نوهاده و گۆت ژى: ( ئه‌ڤ پشكه تایبه‌ته بوان كه‌سانێن كو ژ نوو چوینه دناڤا جیهانا سینمایى و كارێن وان ل قوناغێن ده‌ستپێكێ نه ، و دناڤا ئه‌ڤێ پشكێ دا دێ سیمنار و ورگ شوپ لسه‌ر نڤیسین و ده‌رهێنه‌ریا فلمان و چه‌ند بابه‌ته‌كێن دن ژى هێنه پێشكێشكرن و چوار رۆژان دێ یا به‌رده‌وام بیت و باوه‌رنامه دێ لسه‌ر پشكدارێن وێ هێنه پێشكێشكرن )
فلمه ڤیسته‌ڤالا دهۆك یا نیڤده‌ولى دێ ژلایێ حكومه‌تا هه‌رێما كوردستانێ و چه‌ند سپونسه‌ره‌كان ب رێڤه‌چیت و 131 فلمێن نافخوه و بیانى پشكداریێ لسه‌ر ده‌ستڤه‌ئینانا 17 خه‌لاتان كه‌ن ، دیسان د ڤیسته‌ڤاڵى دا 70 فلمێن بیانى بخوڤه دگریت و نێزیكێ 30 فلمێن درێژ و 17 دیكیومێنتارى و هژماره‌كا فلمێن كورت پشكدارن.
نووترين نووچه
- پێدڤییە ئیراق ژ ململانێیێن رۆژهەلاتا ناڤین دوور بكەڤیت
- هیڤیدارم كاربدەست مفای ژ بۆچوون و بڕیارێن كۆڕبەندێ مێپس وەربگرن
- سەرۆك بارزانی: دانوستاندنێن ئالییان بۆ پێكئینانا حوكمەتێ دێ ب سەركەفتییانە هێنە ئەنجامدان
- نێچیرڤان بارزانی: كریارا تیرۆرستییا خورماتوو سەلماند كو تیرۆر هێشتا مەترسییەكا راستەقینەیە
- دوپاتیێ ل پێشڤەبرنا هەماهەنگیێ د ناڤبەرا پێشمەرگەی و لەشكرێ ئیراقێ دا بۆ چەسپاندنا ئارامیێ ل دەڤەرێن كوردستانی دكەین
- سەرۆكێ حوكمەتا هەرێمێ: پێدڤییە ب زووترین دەم، پرۆسەیا هنارتنا پەترۆلێ دەست پێ بكەت
- فازل میرانی: مام جەلالی شێوازێ (دێ گوهۆڕین و شكێنین و دەركەین) ل گەل پارتی ب كارنەدئینا
- هیڤیدارین ئەنجامێن هەلبژارتنان د خزمەتا ڤەژاندنا هەرێمێ دا بن
- پێدڤییە وەلاتی ژ ململانێیا هەرێمی دووربێخین
- كۆمبوونا مەسرور بارزانی و سۆدانی دێ ئەنجامێن باش هەبن
سه‌ره‌كى نووترين نووچه
ژنێن داعش ژ جیهادا نیكاحى بو خوه كوژیێ
ئه‌ڤرۆ نیوز ، نه‌وزاد هلۆرى:
چه‌كدارێن داعش پشتى كو هژماره‌كا زور یا چه‌كدارێن خوه ژده‌ست داین ، دنهادا ئه‌و ژنێن كو وه‌كو جیهادا نیكاح بكاردئینان بو كریارێن خوه كوژیێ بكاردئینن.
شلوڤه‌كار دده‌ن دیاركر كو كومپانیا IHS Markit سه‌ر و سمایێن ژنان ، ژ ژنانى بو زه‌لامانى دگوهرن و داكو د قادا شه‌رى دا نه‌هێنه خویاكرن كو ژنن كو ئه‌ڤ یه‌ك ژى بو وێ یه‌كێ دزڤریت كو نها داعش د قه‌یرانا نه‌بوونا چه‌كدارێن زه‌لام دا دبوریت و هژماره‌كا زور یا چه‌كدارێن خوه ل قادا شه‌رى ژ ده‌ستدایه.
چه‌كدارێن داعش دئێرشێن خوه دا بو سه‌ر باژێرێ ره‌قه ل سوریێ و باژێركێ ته‌له‌عفه‌ر رێژه‌یه‌كا زور یا عه‌ردێ خوه ژ ده‌ستدایه و هێزێن عیراقى و شه‌ركه‌رێن ئازادكه‌رێن باژێرێ ره‌قه ئه‌و عه‌رد گرتینه و دهێته چاڤه‌رێكرن كود اعش زێده‌تر وان جهان ژ ده‌ست بده‌ت.
لودوفیكو كارلینو شلوڤه‌كار و شاره‌زایێ گوهرینا سه‌ر و سیمایێ ژنان دبێژیت : ( دنهادا چه‌كدارێن داعش پلانا بكارئینانا ژنان ده‌ستپێكریه بو كریارێن خوه كوشتنێ ئه‌ڤه پشتى كو گوهرینان لسه‌ر سیمایێ وان دهێنه‌كرن ، ئه‌ڤه د ده‌مه‌كێ دایه كوپ ێشتر ئافره‌ت دناڤ داعشێ دا بو مه‌ره‌مێن جیهادا نیاحى هاتیه بكارینان )
پارێزگارێ سلێمانیێ:كه‌رنه‌ڤالێ نه‌خێر هیچ مۆلەتەکا یاسایی وه‌رنه‌گرتیه
ئەڤرۆ نیۆز،زنار تۆڤی:
پارێزگارێ سلێمانیێ ئاگاداریەکێ بەلاڤ دکەت و ئاشكرا دکەت،کو گروپێ نه‌خێر هیچ مۆلەتەکێ یاسایی بۆ كه‌رنه‌ڤالێ نه‌خێر وه‌رنه‌گرتیه،لەورا بەرپرسیارەتیا هەر كارو كارڤەدان و روودانەکا نەخواستی دکەڤیتە ستوویێ ئامادەكاریێن وێ چالاكیێ.
پارێزگارێ سلێمانیێ ئاگەهداریەکێ بەلاڤ دکەت و تێدا هاتیە،ئەڤ چالاكیا مەدەنی و سیاسی کو بریارە ل یاریگەها سلێمانیێ بهێتە ئەنجامدان ب ناڤێ (كەرنەڤالا نەخێر،د نوکەدا بۆ ریفراندۆمێ) ،هیچ مۆلەتەکا یاسایی وەرنەگرتیە.
ئه‌ڤە ژی ده‌قێ ئاگەهداریا پارێزگارێ سلێمانیێ یە:-
ماوەیەكە ل ڤێرێ و وێراهە بەحس ل ئەنجامدانا كەرنەڤالەکێ بۆ (نەخێر د نوکەدا) ل یاریگەها سلێمانیێ دهێتەکرن،ئەڤ كەرنەڤالە د بەشەک ژ راگەهناندا وەك كەرناڤالێ (نەخێر د نوکەدابۆ ریفراندۆمێ) و ل جهەکێ دیتر تر ب مەراسیما ڤەکرنا یاریگەها سلێمانیێ دهێتە بناڤکرن،ئەم هەموو لایەكێ ئاگەهدار دكەین كو بۆ هەر چالاكیەكا مەدەنی و سیاسی پێدڤیە مۆلەت ژ پارێزگەها سلێمانیێ بهێتە وەرگرتن،بەلێ ئەڤ چالاكیا مەدەنی و سیاسی کو بریارە ل یاریگەها سلێمانیێ بهێتە ئەنجامدان ب ناڤێ(كەرنەڤالێ نەخێر،د نوکەدا بۆ ریفراندۆمێ) ، هیچ مۆلەتەکا یاسایی وەرنەگرتیە،لەورا ئەم هەموو لایەكێ ئاگەهدار دكەین کو بەرپرسیارەتیا هەر كارو كارڤەدان و روودانەکا نەخواستی دكەڤیتە ستوویێ ئامادەكارێن ڤێ چالاكیێ،کو ل لەلایەكێ دهێتە بناڤکرن ب (كەرنەڤال) و لە لایەکێ دیتر دهێتە بناڤکرن ب (مەراسیما ڤەکرنا یاریگەها سلێمانیێ).
پارێزگارێ سلێمانیێ.
شه‌ش خوكوژێن داعش كه‌فتنه كه‌مینه‌كا پێشمه‌رگه‌یان ، بزانه ئه‌نجام چ بوو؟
ئه‌ڤرۆ نیوز ، نه‌وزاد هلۆرى:
ده‌مه‌كێ كێم به‌رى نها شه‌ش خوكوژێن داعش دڤیا خوه بگه‌هینن سه‌نگه‌رێن پێشمه‌رگه‌ى ل سنوورێ مێحوه‌رێ حه‌ردان یا سه‌ر ب ناحیا عه‌یازیه یا سه‌ر ب قه‌زا ته‌له‌عفه‌ر ، و به‌لێ كه‌فتنه كه‌مینه‌كا پێشمه‌رگه‌یان.
دڤى واریدا نه‌قیب بێدار زێبارى ژ هێزا پێشمه‌رگێ پاراستنا ژینگه‌ها دهۆك ل ناحیا عیازیه بو ئه‌ڤرۆ نیوز گۆت: (ده‌مه‌كێ كێم به‌رى نها شه‌ش خوكوژێن داعش دڤیا خوه بگه‌هینن سه‌نگه‌رێن پێشمه‌رگه‌ى ل گوندێ خه‌رائیج ل مێحوه‌رێ حه‌ردان ل ناحیا عه‌یازیه یا سه‌ر ب قه‌زا ته‌له‌عفه‌ر ، و به‌لێ كه‌فتنه كه‌مینه‌كا پێشمه‌رگه‌یان و پێشمه‌رگێن سه‌ر ب فه‌وجا 3 یا سه‌ر ب لیوا 12 ئه‌و نه‌چاركرن كو خوه بته‌قینن یان خوه راده‌ست بكه‌ن ، دئه‌نجام دا چوار ژ وانان خوه ته‌قاند و دوو ژ وان ژى خوه راده‌ست كر)
زێده‌تر گۆت: ( هژماره‌كا چه‌كدارێن داعش ل سنوورێ ناحیا عیازیه یێن هه‌یى و ل جهێن بلند و چیایى خوه ڤه‌شارتینه و دخوازن كو خوه بگه‌هینن سوریا به‌لێ هێزێن پێشمه‌رگه‌ى هه‌موو رێك ل وان گرتینه و ب چوو ره‌نگان رێك ب وان ناهێته‌دان و ئه‌نجام تنێ ئه‌وه كو خوه راده‌ست بكه‌ن یان بهێنه كوشتن)
بارزانى – پێدڤى بو زوتر بریارا ریفراندۆمێ هاتبایه دان
ئه‌ڤرۆ نیوز ، نه‌وزاد هلۆرى:
ده‌مه‌ك به‌ریا نها سه‌رۆكێ هه‌رێما كوردستانێ مه‌سعود بارزانى دیداره‌كا كه‌نالێ ئه‌لعه‌ره‌بیه‌یێ سعودى دیاركر كو رژێمێن ئێك ل دوڤ ئێكێ یێن عیراقى َهه‌موو جورێن تاوانان به‌رامبه‌ر گه‌لێ كورد كرینه و چوو ژ وان ژى پێگیرنه‌بوویه ب دانا مافێن گه‌لێ كورد ، و هه‌رده‌ما سه‌ربخوى یا هه‌رێما كوردستانێ ژى درۆست بوو ئه‌ركێ من ژى دوماهى دهێت و ئه‌ز بو پوستى سه‌روكاتیا هه‌رێما كوردستانێ خوه به‌ربژێر ناكه‌م ڤه.
مه‌سعود بارزانى سه‌رۆكێ هه‌رێما كوردستانێ دیاركر كو سه‌ركرداتیا هه‌رێما كوردستانێ ل سالا 2003 ب مه‌ره‌ما هه‌ڤپشكیێ پشكدارى ل گه‌ل عیراقێ كریه به‌لێ عیراقێ هه‌تا نها كورد وه‌كو هه‌ڤپشك نه‌دیته و گۆت: (رژێمێن ئێك ل دوڤ ئێكێ یێن عیراقى هه‌موو جورێن تاوانان به‌رامبه‌ر گه‌لێ كورد كرینه و چوو ژ وان ژى پێگیرنه‌بوویه ب دانا مافێن گه‌لێ كورد ، و سه‌ره‌راى كو مه بریارا ریفراندۆم بو سه‌ربخوه‌یێ ل گه‌ل عیراقێ گیروكریه ژى به‌لێ سه‌ركرداتیا كوردستانێ بریار دا كو ریفراندۆمێ بكه‌ت و هه‌ر كه‌س و لایه‌نه‌كێ داخوازا پاشێخستنا ریفراندۆمێ بكه‌ت ئه‌م داخوازا گه‌رنتیان ژێ دكه‌ین )
زێده‌تر گۆت: (حكومه‌تا عیراقێ پێگیرى ب ده‌ستوورى و ماددا 140 كو تایبه‌ته ب ده‌ڤه‌رێن ڤه‌قه‌تیایى ڤه نه‌كریه ، بریار بوو كو هێزێن پێشمه‌رگه‌ى ببیته پشكه‌ك ژ سوپایێ عراقێ به‌لێ ئه‌ڤ یه‌ك نه‌هاته‌كرن ، و ل سالا 2011 ژى مه هوشیارى ل بارا خراب بوونا ره‌وشا عیراقێ دانه به‌غدا به‌لێ چوو به‌رسڤ نه‌بوون ، دڤێت به‌غدا قبول بكه‌ت كو گه‌لێ كورد دێ ریفراندۆمێ ئه‌نجام ده‌ت ، ئه‌م دێ دانوستاندنێن زێده‌تر ژى ل گه‌ل عیراقێ كه‌ین و هه‌تا نها ژى چوو ده‌وله‌تێن جیهانى دژاتیا خوه بو ریفراندۆما هه‌رێما كوردستانێ دیارنه‌كریه)
بارزانى دیاركر ژى كو هه‌رده‌ما سه‌ربخوى یا هه‌رێما كوردستانێ ژى درۆست بوو ئه‌ركێ من ژى دوماهى دهێت و ئه‌ز بو پوستى سه‌روكاتیا هه‌رێما كوردستانێ خوه به‌ربژێر ناكه‌م ڤه و دێ هه‌ر مینم پێشمه‌رگه و زێده‌تر گۆت: (ب چوو ره‌نگان ریفراندۆم كارتێكرنێ ل شه‌رێ داعش ناكه‌ت و هێزێن پیشَمه‌رگه‌ى هه‌یبه‌تا شه‌رێ داعش ژناڤبریه )
سه‌رۆكێ هه‌رێما كوردستانێ دیاركر ژى كو نها كوردستان د ده‌وله‌ته‌كا تایفى دا دبوریت و گۆت ژى: ( ریفراندۆم بۆ سه‌ربخوه‌ى یا كوردستانێ بو درۆستبوونا ده‌وله‌ته‌كا دیموكراتى و فیدرالى یه و هه‌موو پێكهاته‌یێن كوردستانێ دێ خوه تێدا بینن و مافێن وان هێنه پاراستن ، ریفراندۆم چوو كارتێكرنێ ل پارچه‌یێن دن یێن كوردستانێ ناكه‌ت )
ل بارا په‌ترولێ بارزانى گۆت: ( هه‌رێما كوردستانێ ئێكلایانه په‌ترۆل ره‌وانه‌یێ ده‌رڤه نه‌كریه هه‌تاكو حكومه‌تا عیراقێ بودجه و موچه‌ییێن خه‌لكێ هه‌رێما كوردستانێ برى ، دوڤدا هه‌رێما كوردستانێ بریاردا په‌ترۆلا خوه سه‌ربخوه بفروشیت)
ئێكه‌تیا نیشتمانیا كوردستانێ لسه‌ر ڤان بنه‌مایان كاراكرنا په‌رله‌مانى په‌سه‌ندكر
ئه‌ڤرۆ نیوز ، هلۆرى:
ئه‌ڤرۆ ئه‌نجومه‌نا سه‌ركرداتیا ئێكه‌تیا نیشتمانیا كوردستانێ ل سلێمانیێ كومبو و د كومبوونێ دا دانوستاندن لسه‌ر چه‌ند پرسه‌كێن چاره‌نڤیسا ژ وانان ریفراندۆم و كاراكرنا په‌رله‌مانى كر ، و بریار دا كو په‌رله‌مانێ كوردستانێ بهێته‌كاراكرن لسه‌ر بنه‌مایێن ئابوورى و سیاسى و قانونى ، سیاسه‌تڤان و ماموستایه‌كێ زانكویێ ژى دده‌تن دیاركرن كو گه‌له‌ك ب زه‌حمه‌ته ئێكه‌تى بكاریت بریارا ئێكلاكه‌ر لسه‌ر پرسێن چاره‌نڤیساز بده‌ت.
ل گوره‌ى راگه‌هاندنا داویا كومبوونا ئه‌نجومه‌نا سه‌ركرداتیا ئێكه‌تیا نیشتمانیا كوردستانێ كو ئه‌ڤرۆ ب سه‌رپه‌رشتیا كوسره‌ت ره‌سول جێگرێ ئێكێ یێ سكرتێرێ گشتیێ ئێكه‌تیا نیشتمانیا كوردستانێ ب رێڤه‌چوو تێدا هاتیه: (دكومبوونا ئێكه‌تى دا دانوستاندن لسه‌ر چه‌ند پرسه‌كێن چاره‌نڤیساز هاتیه‌كرن ژ وانان پرسا ریفراندۆم و چه‌وانیا كاراكرنا په‌رله‌مانێ كوردستانێ و ئاریشه‌یێن ده‌ڤه‌رێن ئاریشه ل سه‌رى هه‌یى هاته‌كرن و چه‌ند خاله‌ك هاتنه په‌سه‌ندكرن ژ وانان كاراكرنا په‌رله‌مانێ كوردستانێ لسه‌ر هنده‌ك بنه‌مایێن قانونى و ئابوورى و سیاسى كو پێدڤى یه ب زوترین ده‌م بهێته كاراكرن )
زێده‌تر هاتیه: (شانده‌كێ ئێكه‌تى بو ڤێ مه‌ره‌مێ دڤان دوور وژێن بهێت دا دێ سه‌ره‌دا ته‌ڤگه‌را گۆڕان و كومه‌لا ئیسلامى یا كوردستانێ كه‌ت ، و شاندنێ ئێكه‌تى دى َدانوستاندنێ ل گه‌ل پارتى لسه‌ر نه‌خشه رێیا ئێكه‌تى بو ریفراندۆمێ كه‌ت و هه‌مان خالێن په‌سه‌ندكرى دێ بو پارتى و لایه‌نێن دن هێنه رونكرن )
ژلایه‌كێ دن ڤه دكتور ئه‌مین فه‌ره‌ج سیاسه‌تڤان و ماموستایێ زانكویێ بو ئه‌ڤرۆ نیوز گۆت: ( ئێكه‌تیا نیشتمانیا كوردستانێ د قه‌یرانه‌كا سیاسیا كویردایه و هه‌موو بریارێن سیاسى كو گرێداى بن ل پرسێن چاره‌نڤیساز دا ژ ده‌ستدایه و نكاره چوو بریاران بده‌ت ل بارا كاراكرنا په‌رله‌مانى و ئه‌نجامدانا ریفراندۆمێ ژ به‌ركو ئێكه‌تى رێكه‌فتنا ستراتیجى ل گه‌ل گۆران هه‌یه و ل گه‌ل پارتیش هه‌یه و هه‌ر بریاره‌كا بده‌ت دێ ئێك ژ وان هه‌ردوو پارتان ژ ده‌ست ده‌ت ژبه‌رڤێ دخوازه كو ئه‌ڤ بارودوخه بڤى ره‌نگى یا به‌رده‌وام بیت )
زێده‌تر گۆت: ( پرانیا ئه‌ندامێن سه‌ركرداتیا ئێكه‌تیا نیشتمانى ل گه‌ل ئه‌نجامدانا پریفراندۆمێ نینه بێى كاراكرنا په‌رله‌مانى ، ب هزرا من ئێكه‌تى یا ده‌مى دكوژیت و دڤێت بكاریت بریارا دوماهیێ بده‌ت به‌لێ ئه‌ز ل وێ باوه‌رێ نیمه كو ئه‌ڤرۆ ئێكه‌تى بكاریت بریارا ئێكلاكه‌ر بده‌ت ل بارا كارا كرنا په‌رله‌مانى و ئه‌نجامدانا ریفراندۆمێ)
شاره‌زایێن سیاسى ره‌خنه‌یێن توند لسه‌ر ئێكه‌تى دده‌ن و ب كوشتنا ده‌مى و نه‌بوونا خودانا بریارا ئێكلاكه‌ر ژى تاوانبار دكه‌ن ، دڤى واریدا دكتور ئه‌مین فه‌ره‌ج گوت : ( ناكوكیێن ئێكه‌تى ب تایبه‌تى پشتى نه‌خوشبوونا مام جه‌لال تاله‌بانى گه‌هشتیه راده‌یه‌كێ وه‌سا كو بریارا خوه ژ ده‌ست بده‌ت و نكارت ژێ ده‌ركه‌ڤیت ، و ئێكه‌تى چوو جاران وه‌كو پارتى و گۆڕانێ نینه كو بریارا ئێكلاكه‌ر بده‌ت)
بو وان كه‌سیێن كو دێ پشكداریێ د ریفراندۆمێ كه‌ن
ئه‌ڤرۆ نیوز ، هلورى:
ئه‌ڤرۆ كومسیوونا بلند یا سه‌ربخوه‌یا هه‌لبژاردن و راپرسێ یا هه‌رێما كوردستانێ لینكه‌كێ تایبه‌ت دانایه بو وان كه‌سانێن كو دێ پشكداریێ د ده‌نگدانا لسه‌ر ریفراندۆما هه‌رێما كوردستانێ یا رۆژا 25 ئیلونێ كه‌ن ، و تێدا پشكدار دێ دوپاتیێ ل ناڤێ خوه كه‌ت كا درۆسته یان نه و ل كیڤه ده‌نگێ خوه ده‌تن.
كومسیوونێ د وى لینكى دا جهێن و هوركاریێن ناڤ و نیشانێن دانا ده‌نگده‌رى رونكرینه.
پێدڤى یه ده‌نگه‌ده‌ر ده‌ستپێكێ هژمارا فورما ئه‌رزاقى بنڤسیت پشتى كو كیبوردى دكه‌ت زمانێ ئینگلیزى ، و پاشان پارێزگه‌هێ هه‌لبژێریت و كلیكێ لسه‌ر گه‌ران بده‌ت ، بڤى ره‌نگى دێ زانیت كا ناڤێ درۆسته یان نه و دێ ل كیڤه ده‌نگێ خوه ده‌تن.
هون ژى دكارین ب رێیا ئه‌ڤى لینكى دوپاتیێ ل ناڤ و نیشانێن خوه یێن ده‌نگدانێ بكه‌ن.
ل دەستپێکا حه‌فتیا بهێت پارتی دێ هه‌لمه‌تا بانگه‌شه‌یا ریفراندۆمێ ل سلێمانیێ ده‌ست پێکەت
ئه‌ڤرۆ نیۆز،عه‌زیز ره‌سول هه‌ورامانی:
ل حه‌فتیا بهێت ل پارێزگەها سلێمانیێ دێ هه‌لمه‌تا بانگه‌شه‌یا هه‌لبژارتنێ بۆ ریفراندۆما سه‌ربه‌خۆیا كوردستانێ ده‌ست پێکەت و بتنێ دێ ئالایێ كوردستانێ و وان پۆسته‌ران بكار ئینن یێن كه تایبه‌ت ب ریفراندۆمێ ڤە و لێ ئالا و لۆگویێن حزبی قه‌ده‌غه‌یه بهێنە ب كارئینان.
عه‌تا شێخ حەسەن پەیڤدارێ ئه‌نجومه‌نێ سه‌ركردایه‌تا پارتی دیمۆكراتی كوردستان ل سلێمانی-هه‌له‌بجه بۆ ئه‌ڤرۆ نیۆز دبێژیت:بانگه‌شه‌یا پرۆسا ریفراندۆما سه‌ربه‌خۆیا كوردستانێ ل حه‌فتیا بهێت دێ ده‌ست پێکەت و وه‌ك پارتی ل سلێمانیێ و هه‌له‌بجه،دێ ئاهەنگ و كه‌رنه‌ڤالێن شایسته ئه‌نجامده‌ن.
شێخ حەسەن زێدەتر دبێژیت:پێدڤیە له سه‌ر هه‌موو تاكەكێ كوردستانێ بانگه‌شێ بۆ ریفراندۆمێ بكەت، چونكی ئه‌ڤ پرۆسه پرۆسه‌کا نیشتیمانیه،دڤێت هه‌موو لایه‌ك دەربرینێ ژ بوچوونا خۆ بكەت.
ده‌رباره‌ی هندێ کو دێ ل گه‌ل حزبێن دیتر یێن كوردستانێ ته‌نسیق هەبیت بۆ بانگه‌شه‌یا ریفراندۆمێ ل سلێمانیێ ناڤهاتی دبێژیت:ته‌نسیق نابیت،چونكی ئه‌ڤ پرۆسه یا نیشتیمانیه و پێدڤیە ل سه‌ر هه‌موو حزب و لایەنان ژ لایێ خۆڤە ده‌ست بكه‌ن ب بانگه‌شه‌یا ریفراندۆما سه‌ربه‌خۆیا كوردستانێ.
هەروەسا دبێژیت:هەموو باره‌گەهێن پارتی دێ ب ئالایێ كوردستانێ و لۆگۆیێ تایبه‌ت ب بانگه‌شه‌یا ریفراندۆمێ هێنە خەملاندن.
سەباح بەیتۆلا:ریفراندۆم دێ به‌رسڤا سایكس – پیكۆ ده‌ته‌ڤه
ئه‌ڤرۆ نیۆز،ره‌مه‌زان هه‌رنى:
به‌رپرسێ تایێ 9 یێ پارتى دیمۆكراتى كوردستان ل ئاكرێ دیاركر:کو رۆژا 25.9.2017 رۆژا دیاركرنا چاره‌نڤیسێ گه‌لێ كوردستانێ یه و ب دیتنا مه ئه‌ڤ پرۆسه‌یه دێ سه‌ركه‌فتنه‌كا مه‌زن بده‌ستڤه ئینیت و خه‌لكێ مه ب شه‌وقه‌كا مه‌زنڤه و ب كه‌رنه‌ڤاله‌كا گه‌له‌كا مەزن دێ قه‌ستا سندوقێت ده‌نگدانێ كه‌ت و دێ به‌رسڤا سایكس – پیكۆ ده‌ته‌ڤه و دێ بێژیت به‌لێ بۆ سه‌رخوەبوونێ به‌لێ بۆ ده‌وله‌تبوونێ،ئه‌ڤه ئه‌و رۆژه ئه‌وا كو ب سه‌دان سالە ملله‌تێمه چاڤه‌رێ دكه‌ت و خه‌بات و به‌رخۆدان و قوربانى و فیداكارى بۆ ڤێ رۆژێ دایه و دپشت راستین دێ سه‌ركه‌فتنه‌كا گه‌له‌كا به‌رچاڤ و مه‌زن بده‌ستڤه ئینیت.
سه‌باح به‌یتۆلا به‌رپرسێ تایێ 9 یێ پارتى دیمۆكراتى كوردستان ل ئاكرێ بۆ ئه‌ڤرۆ نیۆز خویاكر ژی:کو پارتى دیمۆكراتى كوردستان بارودۆخى باش دخوینیت و دزانیت چه‌وا سه‌ره‌ده‌ریێ ل گه‌ل پێشهاتا و روودانا بكه‌ت و ئه‌ڤه 71 ساڵه پارتى د مەیدانا خه‌بات و سیاسه‌ت و تێكوشینێ دایه و باش ل معادلاتێن سیاسى و ده‌ڤه‌رێ وجیهانێ دگه‌هیت و په‌یوه‌ندى ل گه‌ل ده‌رڤه د ئاسته‌كێ باش دانه و سه‌ره‌دانا به‌رى هه‌یامه‌كێ یا شاندێ هه‌رێما كوردستانێ بۆ به‌لچیكا و ئه‌مریكا و شرۆڤه‌كرنا بارودوخێ عیراقێ و هه‌رێما كوردستانێ،هەروەسا مه دیت ملله‌تێ مه چه‌ند پشته‌ڤانیه‌كا باش هه‌یه و به‌رگرى لى دهێتە كرن.
حوکمه‌تا نه‌رویج دێ سه‌ره‌ده‌ریێ ل گه‌ل ئه‌نجامێن ریفراندۆما كوردستانێ كه‌ت
ئه‌ڤرۆ نیۆز،ره‌مه‌زان هه‌رنى :
ره‌ڤه‌ندا كورد ل وه‌لاتێ نه‌رویج كو ژ هه‌مى لایه‌ن و پێَكهاته‌یان پێك دهێن پشته‌ڤانیا خۆه بۆ ریفراندۆما سه‌ربه‌خۆیا كوردستانێ دیاركر،کو هه‌موو چاڤه‌رێ 25/9 دكه‌ن بۆ پشكداریكرن د پرۆسا رێفراندومێ دا.
نوونه‌را هژماره‌كا رێخكراوا ل نه‌رویج دیاركر:ره‌ڤه‌ندا كورد ل وه‌لاتێ نه‌روێژ به‌رهه‌ڤیێن خوه كرینه بۆ پشكداریكرنێ ل هه‌لبژاردنێن رێفراندومێ بۆ سه‌ربه‌خۆیا كوردستانى ۆ چه‌ندین جارا پێكڤه كۆمبووینه بۆ ئاگه‌هداركرنا هه‌موو كوردێن ل وى وه‌لاتى.
كانى عه‌لى نوونه‌را هژماره‌كا رێخكراوا ل نه‌رویج بۆ ئه‌ڤرۆ نیۆز دیاركر:باشترین ده‌لڤیه‌یه بۆ مه كوردان هاتیه پێش ب تایبه‌ت ره‌ڤه‌ندا كورد ئه‌وێن ل ده‌رڤه دژین،له‌ورا ئه‌م هه‌موو ب هیڤێن مه‌زن ڤه چاڤه‌رێ ریفراندۆمى دكه‌ین بۆ وێ چه‌ندێ جاره‌كادى ئه‌م تۆشى چۆ كاره‌سات و ئه‌نفال و كێمیا بارانكرنا نه‌بین و دێ پشته‌ڤانیا ریفراندۆمێ كه‌ین و ده‌نگێ خوه ب به‌لێ ده‌ین بۆ سه‌ربه‌خۆیا كوردستانێ.
كانى زێدەتر دبێژیت: وه‌لاتێ نه‌رویج جارێ ب فه‌رمى بریار ل سه‌ر پرسا ریفراندۆما كوردستانێ نه‌دایه،به‌لێ نه‌رویج پشتى دیاركرنا ئه‌نجامێن ریفراندۆمێ دێ هه‌لوێستێ خوه دیاركه‌ت مه باوه‌ره ژبه‌ر نێزیكبوونا ره‌ڤه‌ندا كورد و ده‌سهه‌لاتا وى وه‌لاتێ دێ نه‌رویج پشته‌ڤانیا سه‌ربه‌خۆیا كوردستانێ كه‌ت و پشتى رێفراندومێ دێ گه‌له‌ك گفتوگویێ ل گه‌ل پرسا كێم نه‌ته‌وه‌یان كه‌ت ل كوردستانى و ب تایبه‌ت مه‌سیحیا كو دێ رووله‌ك مه‌زن هه‌بیت ل سه‌ر بریارا نه‌رویج ل دوور پرسا ریفراندۆمێ.
نيشاندان
WP Facebook Auto Publish Powered By : XYZScripts.com