ئەڤرۆ نیۆز،زنار تۆڤی:
سەعدی ئەحمەد پیرە پەیڤدارێ ئێکەتیا نیشتمانی یا کوردستانێ د کۆنگرەیەکێ رۆژنامەڤانیدا راگەهاند،کو رۆژا ئەینی 6-10-2017 تەرمێ مام جەلالی ژ ئەلمانیا دێ هێتە ڤەگەراندن بۆ کوردستانێ و دێ ل باژێرێ سلێمانیێ هێتە ڤەشارتن و ل رۆژا شەمبیێ ژی دێ ئێکەم رۆژا پرسەیا وی بیت.
هەروەسا گوت ژی:هەتاکو ئینانا تەرمێ مام جەلالی،دێ ل بارەگەهێن مەکتەبا سیاسی ل باژێر و مەلبەندان ب نە فەرمی پرسەیا مام جەلال برێڤەچیت.
ئه‌ڤرۆ نیوز:
دوهى كومسیوونا بلند یا هه‌لبژاردن و راپرسیێ كومبوو و ل داویا كومبوونێ سێ رێكه‌فتن په‌سه‌ندكر كو تایبه‌تن ب هه‌لبژاردنا په‌رله‌مانێ كوردستانێ ڤه
ل گوره‌ى نڤیسارا كومسیوونێ كو بو ده‌زگه‌هێن راگه‌هاندنێ هاتیه ئاراسته‌كرن و دانه‌یه‌ك ژى بو ئه‌ڤرۆ نیوز ره‌وانه‌كریه تێدا هاتیه كو ئه‌و ئاگه‌هداریا هه‌موو لایه‌نێن ه‌یوه‌ندیدار دكه‌ن كو جڤاتا كومسیاران ل كومسیوونا بلند یا هه‌لبژاردن و راپرسیێ د كوموبونا دوهى دا سێ رێكه‌فتن په‌سه‌ندكریه ئه‌و ژى لبه‌رچاڤ وه‌رگرتنا كێم ده‌مى چوو گورانكارى ب سه‌ر وان رێكه‌فتان ناهێنه‌كرن.
ئه‌و رێكه‌فتن ژى ئه‌ڤێن ل خوارێ نه.
1- ده‌ما پێئینانا هه‌ڤپه‌یمانان دناڤبه‌را لایه‌نێن سیاسى لرۆژا 3/10/2017 هه‌تا 6/10/2017 بیت.
2- دما پێشكێشكرنا به‌ربژێرا بو په‌رله‌مانێ كوردستانێ دێ لرۆژا 9/10/2017 هه‌تا 13/10/2017 بیت.
3- هه‌لمه‌تا پروپاكندێن هه‌لبژاردنان بو په‌رله‌مانێ كوردستانێ دێ لرۆژا 15/10/2017 تا 29/10/2017 بیت.
ئه‌ڤرۆ نیوز:
ب فه‌رمانا سه‌رۆكێ هه‌رێما كوردستانێ ، حكومه‌تا هه‌رێما كوردستانێ وه‌كو هه‌ڤخه‌مى ژ بو وه‌غه‌ركرنا مام جه‌لال تاله‌بانى بریاردا كو ئالایێن كوردستانێ ل هه‌موو دام و ده‌زگه‌هێن فه‌رمى هه‌تا نیڤێ بهێنه‌خوار.
سه‌فین دزه‌یى ئاخفتنكه‌رێ حكومه‌تا هه‌رێما كوردستانێ د داخویانیه‌كێ دا دیاركر كو ب بریارا مه‌سعود بارزانى سه‌رۆكێ هه‌رێما كوردستانێ ، حكومه‌تا هه‌رێما كوردستانێ بریاردا كو ئالایێ كوردستانێ و عیراقێ ل هه‌موو دام و ده‌زگه‌هێن حكومه‌تێ بو هه‌تا نیڤێ بهێنه‌خوار و گۆت: (ده‌واما دام و ده‌زگه‌هێن حكومه‌تێ دێ ب ئاسایى ب رێڤه‌چیت ، به‌لكو تنێ هه‌تا حه‌فتیه‌كێ دێ ئالا هه‌تا نیڤێ هێته‌خوار و دخوازین كو دام و ده‌زگه‌هێن راگه‌هاندنێ ژى دڤێ حه‌فتیێ دا هه‌ڤكاربن و به‌هیداریێ رابگه‌هینن)
ئه‌ڤرۆ نیۆز،زنار تۆڤى:
ده‌رهێنه‌رێ كورد ئه‌یاد جه‌بار جاف د كورته دیداره‌كێدا بۆ ئه‌ڤرۆ نیۆز دیاركر:كو نوكه ئه‌و كار ل سه‌ر چێكرنا دو كورته فلمان دكه‌ت و هه‌ردو فلم ژى نوكه د قۆناغا مۆنتاژكرنێ دانه،هه‌روه‌سا چه‌ندین پرۆژێن دى ژى نوكه ل به‌ر ده‌ستێ وى هه‌نه،لێ قه‌یرانا دارایى كارتێكرن ل سه‌ر كارێن وى یێن سینه‌مایى كرینه و نه‌شێت وه‌كو پێدڤى خزمه‌تا هونه‌ر و سینه‌مایا كوردى بكه‌ت و گۆت ژى:نوكه كورته فلمێ وى یێ ب ناڤێ “یاسر” دێ پشكداریێ د فیستیڤالا نێڤده‌وله‌تى یا “عه‌ین ئه‌سه‌ردون” كه‌ت ل وه‌لاتێ مه‌غرب ل 12/10/2017 و هه‌روه‌سا ئه‌ڤ كورته فلمه ل 15/12/2017 دێ پشكداریێ د فیستیڤالا نێڤده‌وله‌تى یا”كام” دا كه‌ت ل وه‌لاتێ مسرێ.
ئه‌یاد جه‌بار ده‌رهێنه‌رێ كورته فلمێ “یاسر” زێده‌تر دیاركر:د ڤان هه‌ردو فیستیڤالان دا دێ ب ناڤێ كوردستانێ پشكداریێ تێدا كه‌م و ئه‌ڤه ژى جهێ خۆشحالیێ یه بۆ من،هه‌روه‌سا به‌رى نوكه ل وه‌لاتێ مسرێ من خه‌لاتێ فیستیڤالێ وه‌رنه‌گرت،ژبه‌ركو ناڤێ عێراقێ ل سه‌ر وى خه‌لاتى بوو،له‌ورا لیژنا فیستیڤالێ نه‌چاربوون،ناڤێ وى خه‌لاتى گوهۆرى و ناڤێ كوردستانێ دانا سه‌ر و ئه‌ڤه خۆشترین خه‌لات بوو،بۆ من وه‌كو كورده‌ك،ناڤهاتى هێشتا دبێژیت:كورته فلمێ “یاسر” به‌رى نوكه ژى پشكدارى د چه‌ندین فیستیڤالێن نێڤده‌وله‌تى دا كریه و چه‌ندین خه‌لاتێن جیهانى ژى وه‌رگرتینه‌و ڤێ جارێ ى ئه‌ز یێ ب هیڤى مه كو دێ خه‌لاتێن ڤان فیستیڤالان ژى ب ده‌ست خوه‌ڤه ئینم.
ئەڤرۆ نیۆز،زنار تۆڤى:
وه‌كو دیار 32 هه‌لبژارتى دێ بۆ مۆندیالا 2018 ل وه‌لاتێ رووسیا سه‌ركه‌ڤن،هه‌روه‌سا رووسیا كو مێهڤاندارا ڤێ قاره‌مانیێ یه،دێ راسته‌خۆ پشكداریێ د مۆندیالێ دا كه‌ت بێى ڤاڤارتن،هه‌ر چه‌نده ئه‌لمانیا قاره‌مانا مۆندیالا 2014 یه،لێ ئه‌و ژى راسته‌وخۆ سه‌رناكه‌ڤیت،به‌لكو ئه‌لمانیا ژى وه‌كى هه‌لبژارتیێن دى یێن ئورۆپى،دێ كه‌ڤته د پێشبركێدا،هه‌ر چه‌نده ئه‌لمانیا مسۆگه‌ر بوویه و سه‌ركه‌فتیه بۆ مۆندیالا 2018 ل وه‌لاتێ رووسیا.
هه‌روه‌سا كیشوه‌رێ ئورۆپا 13 كورسى هه‌نه و هه‌لبژارتیێن ڤى كیشوه‌رى ب سه‌ر 9 كۆمان دا هاتینه دابه‌شكرن،قاره‌مانێن وان كۆمان راسته‌وخۆ دێ سه‌ركه‌ڤن،هه‌روه‌سا دێ 8 باشترین هه‌لبژارتیێن دویێ هێنه دیاركرن،ئه‌و 8 هه‌لبژارتى ژى دێ روو ب روو ئێك بن و 4 ژ وان ژى دێ سه‌ركه‌ڤن،ب ڤى ره‌نگى 9 قاره‌مانێن كۆمان و 4 دویه‌م ژى دێ بنه 13 هه‌لبژارتى ل ئورۆپا.
كیشوه‌رێ ئاسیا 4 كورسى و نیڤ هه‌نه،ب سه‌ر دو كۆمان دا هاتینه دابه‌شكرن،ئێكه‌م و دویه‌م راسته‌وخۆ سه‌ردكه‌ڤن،سێیه‌مێ كۆما ئێكێ و سێیه‌مێ كۆما دویێ روو ب روو ئێك دبن،ئێك دێ مینیت و ئه‌و ژى دێ هه‌مبه‌رى پاشكۆیێ ئه‌مریكا باكۆر و كاریبى یاریێ كه‌ت.
كیشوه‌رێ ئه‌مریكا لاتینى 4 كورسى و نیڤ هه‌نه،10 هه‌لبژارتى نه،ئێكه‌م و چاره‌م راسته‌وخۆ سه‌ردكه‌ڤن و هه‌لبژارتیێ پێنجێ هه‌مبه‌رى پاشكۆیێ كیشوه‌رێ ئۆقیانۆسى یاریێ دكه‌ت.
كیشوه‌رێ ئه‌فریقیا 5 كورسى هه‌نه،ل قۆناغا سییێ دا 20 هه‌لبژارتى دمینن و ل سه‌ر 5 كۆمان دا دابه‌ش دبن،هه‌ر كۆمه‌ك ژ چار هه‌لبژارتیان پێكهاتیه و قاره‌مانێن هه‌ر كۆمه‌كێ راسته‌وخۆ سه‌ردكه‌ڤن بۆ مۆندیالێ.
ئه‌مریكا باكۆر و كاریبى 3 كورسى و نیڤ هه‌نه،هه‌لبژارتى ل سه‌ر 3 كۆمان دا هاتینه دابه‌شكرن و هه‌ر كۆمه‌كێ 4 هه‌لبژارتى تێدانه،ئێكه‌م و دویه‌مێن هه‌موو كۆمه‌لان سه‌ردكه‌ڤن بۆ قۆناغا دویێ،دبنه 6 هه‌لبژارتى،ئه‌و 6 هه‌لبژارتى دێ بنه ئێك كۆمه‌له و هه‌موو پێكڤه دێ یاریێ ل گه‌ل ئێك كه‌ن،ئێكه‌م و دویه‌م و سێیه‌م راسته‌وخۆ سه‌ردكه‌ڤنه مۆندیالێ و هه‌لبژارتیێ 4 ژى هه‌مبه‌رى پاشكۆیێ ئاسیا یاریێ دكه‌ت.
كیشوه‌رێ ئۆقیانۆسى نیڤ كورى هه‌یه،قاره‌مانێ ڤى كیشوه‌رى هه‌مبه‌رى پێنجه‌مێ ئه‌مریكا لاتینى یاریێ دكه‌ت،هه‌موو گاڤا قاره‌مانێ ئۆقیانۆسى نیۆزله‌ندایه و ئه‌ڤ ساله‌ژى هه‌ر ئه‌وه و چاڤه‌رێى پێنجه‌مێ كیشوه‌رێ ئه‌مریكا لاتینى دكه‌ت.
ئەڤرۆ نیۆز،زنار تۆڤى:
هه‌ر مرۆڤه‌كێ كه‌سایه‌تیه‌كا تایبه‌ت ب خوه‌ڤه هه‌یه و یێ گرێدایه ب كۆمه‌كا نهێنیان ڤه،به‌لێ ل دوماهیێ بۆ ئارامبوونا مێشك و چاره‌سه‌ریێن خوه،دێ راوێژێ ب كه‌سه‌كێ نێزیكى خوه كه‌ت.
ل دووڤ ڤه‌كۆلینێن جڤاكى،ژ روویێ زانستێ ده‌روونیڤه،چار نهێنیێن ژیاناته نابیت كه‌س بزانیت،هه‌كه ته بڤێت هه‌موو ده‌ما یێ دلخۆش و ئاسووده‌بى و خه‌لك ژیانا ته تێكنه‌ده‌ت.
.چو جارا شێوازێ نڤێسینا خوه ل گه‌ل نڤێسینا كه‌سێ هه‌ڤبه‌ر نه‌كه و كه‌سێ فێرى نهێنیێن ئیمزا و نڤێسینا خوه نه‌كه،چونكى دبیت د داهاتى دا،ئه‌و ل دژى ته ب كاربینن.
.خالێن لاوازێن خوه بۆ نێزیكترین هه‌ڤالێ خوه ژى نه‌بێژه،چونكى ئه‌ڤرۆ ئه‌و هه‌ڤالێ ته‌یه و دبیت ل رۆژا د دووڤ دا ببیته دۆژمنێ ته.
.بۆ چو كه‌سان په‌یوه‌ندیێن سكسى و نهێنیێن ژیانا خوه یا تایبه‌ت و یێن هه‌ڤژینا خوه ژى به‌حس نه‌كه،چونكى ئه‌ڤه یا تایبه‌ته ب ته ب خوه‌ڤه.
.كرێیا كاركرنا خوه،بۆ هیچ كه‌سه‌كێ به‌حس نه‌كه،چونكى هه‌ر كه‌سه‌كێ رێزێ ل ته بگریت،پێدڤیه ب هه‌موو شێوه‌یان رێزێ ل ته بگریت.
ئه‌ڤرۆ نيوز:
ئۆپه‌راسيۆنا كونترۆلكرنا سه‌نته‌رێ ناحيا حه‌وێجه ب پشكداريا چه‌ند هێزه‌كان ئه‌ڤرۆ رۆژا چارشه‌مبى 4ى چريا ئێكێ ده‌سپێكر.
عه‌بدولئه‌مير ره‌شيد ياره‌لله فه‌رماندێ ئۆپه‌راسيۆنا كونترۆلكرنا حه‌وێجى راگه‌هاند، هێزێن پۆليسێن فيدرال، هێزێن به‌رسڤدانا ب له‌ز و حه‌شه‌د شه‌عبى د ئۆپه‌راسيۆنا كونترۆلكرنا سه‌نته‌رێ قه‌زا حه‌وێجه دا د پشكدارن.
قه‌زا حه‌وێجه يا سه‌ر ب پارێزگه‌ها كه‌ركووك ب دوواتيا 55كم ل باشوورێ رۆژئاڤايێ باژێرى. ل هه‌يڤا تيرمه‌ها 2014ێ كه‌فتبوو ده‌ستێ داعش و هه‌تا نوكه ل بن كونترۆلا وێ بوويه.
وه‌لاتيێن قه‌زا حه‌وێجه ب زۆرى عه‌ره‌بن و د ئێك ژ نيشاندانان دا، چه‌كدارێن داعش پێشمه‌رگه‌يێن ئێخسيرێن ده‌ستێ داعش د قه‌فه‌ستێن ئاسنى دا د ناڤ پيكه‌مان دا، ل ناڤ سه‌نته‌رێ قه‌زايێ د گێراندن و خه‌لكى به‌ر تێ وه‌ردكرن و تف دكرێ و پێ دكره كه‌نى.
ئەڤرۆ نيوز:
جێگرێ سەروکێ فڕاکسیونا پارتی دیموکراتی کوردستان و ئەندامێ لێژنەیا ئێمناھی و بەرەڤانیێ ل جڤاتا نوونەرێن عیراقێ دیارکر، پشتی شەرێ داعش ب تەمامی ھێزا لەشکری ل ناڤ لەشکرێ عیراقێ بەرەڤ نەمانێ چویە، و نوکە ب تنێ ھژمارەکا ئەفسەرو پلەدارێن کورد ل عیراقێ ماینە ل ناڤ رێزێن لەشکری ھەردەما پەرلەمانتارێن کورد زڤرینەڤە ئەو ژی پشکەکن ل نوونەرێن کوردا بەغدا و دی َزڤرنەڤە کوردستانێ و بەردەوامیێ ب ئەرکی َخوە دەن.
شاخەوان عەبدولڵا جێگرێ سەروکآ فڕاکسیونا پارتی دیموکراتی کوردستان و ئەندامێ لێژنەیا ئێمناھی و بەرەڤانیێ ل جڤاتا نوونەرێن عیراقێ بۆ ئەڤرۆ خویاکر،وەک فڕاکسیونا پارتی مە بایکوتا روونشتنا جڤاتا نوونەرێن عیراقێ کر، فڕاکسیونا ئێکەتی ژی ھندەکا بایکوت کر کو پشکداری روونشتنێ نەبن بەلێ مخابن ھندەک پەرلەمانتارێن کورد ل بەغدا ھەمبەر دەسھەلات داریا عیراقێ سوند خوار کو پشکداری رێفراندومێ نەکریە و دەنگ نەدایە بەرامبەر ڤێ سوند خوارنێ رێک دایێ پشکداری روونشتنا پەرلەمانی بن کو ئەڤە شکاندنا ئیرادەیا خوە شەرمەزارکرنە ھەمبەر مللەتێ خوە.
جێگرێ سەروکێ فڕاکسیونا پارتی ل جڤاتا نوونەرێن عیراقێ خوەیاکر ژی، ھەتا ئەو سزاو بڕیارێن نەقانونی کو ل جڤاتا نوونەرێن عیراقێ لسەر کوردان پەسەند کری نەھێنە ھەلوەشاندن ئەم دێ بایکوتا روونشتنا ل بەغدا کەین، ژبەر کو ھەر بڕیارەکا نوکە دھێتە دان ل بەغدا دژاتیا کوردان پێڤە دیارە ئەم ب ھەموو رەنگان دژی وان بڕیاران دێ کارکەین.
شاخەوان عەبدولڵا گوت: برگەێن روونشتنا پەرلەمانێ عیراقێ لسەر قانوونا ھەلبژارتنێن پارێزگەھان و ھەلبژارتنێن جڤاتا نوونەران ل گەل کومکرنا ئیمزایان بۆ قبول نەکرنا ئەنجامێن رێفراندومێ کو نوکە ھژمارا وان ئیمزایان گەھشتیە 70 ئیمزایان دژی کوردان دھێنە کومکرن.
ئه‌ڤرۆنیۆز،ره‌مه‌زان هه‌رنى :
ل سنورێ قه‌زا ئاكرێ رووبه‌ره‌كێ مه‌زن یێ كه‌زانان هه‌یه هه‌ر سال ل ده‌ستپێكا وه‌رزێ چنینا كه‌زانا خه‌لكێ وان ده‌ڤه‌را قه‌ستا چیا دكه‌ن بۆ ئینانا كه‌زانان ئه‌ڤ ساله رێژا كه‌زانا ل سنورێ قه‌زا ئاكرێ یا زۆر بوو.
یاسین وەلاتیه‌كێ ده‌ڤه‌را ئاكرێ یه بۆ ئه‌ڤرۆ نیۆز دیاركر ،هه‌رسال ل مه‌ها ئیلونێ ده‌ست ب كه‌زان كرنێ دكه‌ین و بۆ خارنێ و فروتنێ ئه‌ڤ ساله كێلویا كه‌زانا گرانتر دهێته فروتن ژ پار و كه‌زان پار یا كێم بۆ، به‌لێ ئه‌ڤ ساله باشتره و خوشتره ژبه‌ركو گه‌له‌ك باران هاتن و گه‌رما ئه‌ڤ ساله ره‌وشا به‌رهه‌مێ چیایێ باشتر كریه كیلو وان پار ب 4 هزارا دهاته فروتن به‌لێ ئه‌ڤ ساله گه‌هشتیه پێنچ هزارا كه‌زان یا زۆره ل ده‌ڤه‌رێ به‌لێ خه‌لك كێم دچیتى ژبه‌ركو یاب زه‌حمه‌ته بۆ لێڤه‌كرنێ.
دلدار خودانێ دوكانه‌كا فروتنا به‌رهه‌مێن چیایى یه و بۆ ئه‌ڤرۆ نیۆز دیاركر ، هه‌رسال ئه‌م ل گوندا دگه‌رین بۆ كرینا كه‌زانا بۆ دكانى ژبه‌ركو پتریا خه‌لكێ خوارویا عێراقى دكرن و نافخویا كوردستانێ كێم دكرن ب تنێ بۆ جه‌ژنا خه‌لك دكریت به‌لێ خه‌لكێ بیانى هه‌مى وه‌رزا دكرن،هەروەسا پار گه‌له‌ك یا كێم بۆ به‌لێ ئه‌ڤ ساله خه‌لك ب خوه یێ دهێن دوكانى و كه‌زانا بۆفروتنێ دئینن ئه‌م كیلویێ ب 5 هزار دكرین و ب 6 هزارا دفروشین ئه‌ڤ ساله كه‌زان یا جوان و پاقژه و دانێ وێ ژى گه‌له‌ك یێ باشه .
ئه‌ڤرۆ نیوز:
كارلێس پۆجدێمۆنت، سه‌رۆكێ كه‌ته‌لۆنیا گۆت كو دێ ئه‌و د ڤان رۆژان دا ب فه‌رمی سه‌رخوه‌بوونا كه‌ته‌لۆنیا و جودابوونا وێ ژ ئسپانیا راگه‌هینیت.
ئه‌ڤ گۆتنا ناڤهاتی پشتی راگه‌هاندنا شاهێ ئسپانیا هات كو رێفراندۆما سه‌رخوه‌بوونا كه‌ته‌لۆنیا شه‌رمزار كربوو، هه‌روه‌سا سه‌ره‌رای دژایه‌تییا ئێكه‌تییا ئه‌ورۆپا بۆ سه‌رخوه‌بوونا كه‌ته‌لۆنیا
نيشاندان