ئەڤرۆ نیۆز،زنار تۆڤی:
ئەڤرۆ ئێکشەمبی 17.9.2017 كۆمسیۆنا بلند یا سەربەخۆیا هەڵبژاردن و راپرسیێ ل هەرێما كوردستانێ د راگەهاندنەکێدا ئاشكراکریە کو پرۆسا خۆ تۆماركرنێ بۆ هەلبژاردنا سەرۆكاتیا هەرێمێ هاتیە درێژكرن.
بڕیار بوو ماوێ خۆ تۆماركرنێ ل 3 ئیلۆنێ هەتاكو 18 ئیلۆنێ بیت،بەلێ ل دووڤ راگەهاندنەکا كۆمسیۆنێ،کو كۆپیەك دەست ب ئەڤرۆ نیۆز کەفتیە،ماوێ خۆ تۆماركرنێ بۆ كاندیدکرنا سەرۆكاتیا هەرێما كوردستانێ هەتاكو 3 چریا ئێکێ هاتیە درێژکرن.
هەروەسا گۆتیە:ئەم سەرجەم لایەنێن پەیوەندیدار هایدار دكەین ك پرۆسا خۆ،تۆماركرنێ بۆ هەڵبژاردنا سەرۆكایەتا هەرێمێ بەردەوامی هەیە،هەر ژ رێكەفتی 3 ئیلۆنێ هەتاكو 3 چریا ئێکێ دێ ڤەکێشیت.
هەروەسا ژێدەرەکێ ژ كۆمسیۆنا بلند یا سەربەخۆیا هەڵبژاردن و راپرسیێ ل هەرێما كوردستانێ دوپاتکریە کو هەتاکو نوکە هیچ كەسەکێ خۆ بۆ هەڵبژاردنا سەرۆكاتیا هەرێما كوردستانێ كاندید و تۆمار نەكریە.
نيشاندان
