ئەڤرۆ نیۆز،زنار تۆڤی:
ل سپێدەهیا ئەڤرۆ چارشەمبی 23.8.2017 مەولود چاوشئۆغڵو وەزیرێ دەرڤە یێ تورکیا گەهشتە بەغدا.
هەروەسا بریارە هەر ئەڤرۆ چاوشئۆغڵو سەرەدانا هەرێما کوردستانێ بکەت و دهێتە چاڤەرێکرن کو ئێک ژ تەوەرێن سەرەکی یێن گفتوگۆیێن وی ل گەل مەسعود بارزانی، سەرۆکێ هەرێما کوردستانێ و بەرپرسێن بلند یێن هەرێما کوردستانێ دانوستاندن ل سەر ریفراندۆما باشۆرێ کوردستانێ بۆ سەربەخۆیێ و چەندین پرسێن دی یێن گرنگ بیت.
ئەڤرۆ نیوز ، هلۆری:
ئێڤاریا ئەڤرۆ لسەر رێکا گشتی دناڤبەرا ناحیا سەرسنک و سوارەتیکا د روودانەکا هاتن و چونێ دا پێنج کەس ب دژواری برینداربوون.
دڤی واریدا سەعید نهێلی شایەتحال و برینپێچێ شارەزا بو ئەڤرۆ نیوز گۆت: ( ئێڤاریا ئەڤرۆ دەردورێن دەمژمێر شەش روودانەکا ترومبێلێ ژ جورێ لێکدان دناڤبەرا دوو ترومبێلان ژ جورێ تەکسی و پرادو دناڤبەرا ناحیا سەرسنک و سوارەتیکا روویدا و د ئەنجامدا پێنج کەس ب گرانی برینداربوون)
زێدەتر گۆت : (روودان ژ ئەگەرا بلەز لێخۆرینا هەردوو ترومبێلان دروستبوویە ، نها چارەسەریا هەموو برینداران ل نەخۆشخانا تەنگاڤیا دهێتەکرن)
ئه‌ڤرۆ نيوز:
رێڤەبەرييا تۆرا پاراستنا جڤاكى ل دهۆكێ ئاگاداريا وان كێم ئه‌ندامان دكه‌ت يێن سه‌را نه‌بوونا پشكنينێ مووچێن وان ل بانكان نه‌هاتينه دان و هاتينه راگرتن ل ڕۆژا پێنج شەمبی ۲٤/۸/۲٠۱۷ دێ هێنە مه‌زاختن ، و دياركريه كو دۆماهی ژڤان بۆ وان کێم ئەندامێن تا نها دوبارە پشکنین نەکری رۆژا ۳۱/۸/۲٠۱۷ یە .
بۆ زانین بتنێ ۱٥۹٠ کێم ئەندام ماینە کو تا نها نەچوینە لێژنێ.
ئەڤرۆ نیوز ، نەوزاد ھلۆری:
ل سەنتەرێ باژێرێ دھوکێ ژ بەر چەند ئەگەرەکان زێدەتری حەفت ھزار خانویان ب زێدەگاڤی لسەر عەردێ باژێرڤانیێ ھاتینە درۆستکرن ، و دنھادا ئەو عەرد دھێنە تاپوکردن.
باسل جوقی بەرپرسێ لژنا فەرعی یا تاپوکرنا خانیێن زێدە گاڤی ل پارێزگەھا دھوکێ دگونگرەکێ روژنامەڤانی دا دیارکر کو ئەو ل دەڤەرا گژەبەرا دێ دەست ب تاپوکرنا خانیا وەک قوناغا ئێکی کەن
و گوت : (پشتی راستڤە کرن ل سەر وی نەخشێ ل ئەسمانا بو دھوک ھاتیە چێکرن ھاتیە کرن و کارێ پێدڤی ژلایێ لژنێن مە ڤە ھاتیەکرن و لدیف بریارا پەرلەمانی کوردستانێ یا ژمارە ٥ سالا ٢٠٠٢ دێ دەست ب تاپوکرنا وان خانیێن زێدە گاڤی ھاتینە ئاڤاکرن ل سەر ئەردێ باژێرڤانیێ ل دەڤەرا گژەبەرا ھیتە کرن ئەڤە وەکو قوناغا ئێکێ , ھەر چەندە ئەف بابەتە گەلەک گیرو بو لێ ژبەر ھندەک ئەگەرا ئەف چەندە گیرو بو ئێک ژوان نەخشێن دەستپێکی گەلەک خەلک ژی دنە رازی بون کو خانیێن دا ھینە خرابکرن ,,دیڤدا کومپانیا ئەلمانی ھات ماستر پلان و نەخشێ ئەسمانی بو دھوک چێکر پشتی ب دیماھیک ھاتی نە خشە یا دەڤەرا گژە بەرا ل تاپویا دھوک ھاتە ژمارە کرن و زڤری ڤە و لژنا ھونەری یا مە دگەل باژێرڤانیا دھوک کەتیە دواقعی دا و دەست پێکری دیار بو دڤیت پێتر ژ ١٠٠٠ خانیا دڤیت بھێنە خراب کرن داکو ل دیف وی نەخشەی خانیا تاپو کەین و ئەڤە نابیت و مە جارەکا ئەو نەخشە دوبارە کر و پشتی ب دیماھیک ھاتی و ئەو نەخشە ھاتە گوھرین بو نێزیکی واقعی دەڤەرێ بو دو سالا کار لسەر وی ھاتە کرن تا ئەو نەخشە ھاتیە گونجاندن دگەل واقعی)
زێدەتر گوت : (ئەڤرو دێ دەست بکارێ تاپوکرنێ کەین و لژنا تەکنیکی دی ڤی کاری کەت ,نێزیکی دوو ھزار ٥٠٠ خانی ل دەڤەرا گژەبەرا ھەین و مەرج نینە ئەف خانیە ھەمی بھێنە تاپوکرن و ئەف تاپوکرنا خانیا دێ ل دیف بریارا پەرلەمانێ کوردستانێ یا سالا ٢٠٠٢ بیت یا ژمارە ٥ بیت و ھەر خانیەکێ ئەف بریارە ژی بگریت دێ ھەیتە تاپوکرن و ئەو خانیێ بریار ژی بگریت و بکەڤیتە بەر جادێ یان جھەکی خزمەتگوزاری دی ھێتە قەرەبو کرن ب پارچەکا ئەردی یا ٢٠٠ م ژلاپێ باژێرڤانیا دھوکێ ڤە)
ناڤبری د درێژاھیا ئاخفتنێن خودا دیارکر ژی ھەر کەسێ پسولا ١٢٠ دیناری ھەبیت یان پسولا ٨ دینار و ٥٠٠ فلسا ژی یێ سەردەما رژێما ژناڤ چوی ژی ھەبیت و خانیی وی نەکەڤیتە بەر چ خزمەتگوزاریا و بەری سالا ٢٠٠٠ێ ھاتبیتە ئاڤاکرن و بھایێ ھەر مەترەکا تاپوکرنێ ٦٠٠ دینارێ ئێراقی یە بو خانیێ تا ٢٥٠ م و ھەکە زێدەتر لیھات دێ لژنەکا تایبەت یا تەخمینی بھایێ ئەردێ زێدە دانیت ,ئەم دێ ب قوناغا ئێکێ ژ گەلیێ دھوکێ دەست پێکەین و ئەم وەکو لژنە دێ قەستا مالێن ھاولاتیا کەین و پسولەکێ دەینێ بلا کەس سەرەدانا مە ل بارەگایێ لژنێ نەکەت پشتی بسولێ ددەینێ دێ دەست ب معاملێن تاپویێ کەت و ھەکە قوناغا ئێکی بدیماھیک ھات دێ دەست ب قوناغێن بھێن کەین و دبیت ب دوو تا سێ قوناغا خانیێن گژە بەرا ژ گەلیێ دھوکێ تا نێزیک پیشەسازیا بەروشکی ب دیماھیک ھێن)
ل دور پرسیارەکێ کا خانیێن پشتی سالا ٢٠٠٠ ێ دێ ھینە تاپوکرن یان نە . سەروکێ لژنا تاپوکرنا خانیێن زێدە گاڤی گوت : (تانوکە تنێ بریار ئەوە بو وان خانیێن بەری سالا ٢٠٠٠ ھاتینە ئاڤا کرن و پسولا ١٢٠ دیناری یان ٨ دینار ٥٠٠ فلسا ھەبیت ئەو بھێنە تاپوکرن و ھەر مێترەک ب ٦٠٠ دینارێ ئێراقی یە ھەتا ٢٥٠ مەترا و پشتی وی روبەری دێ لژنەکا تایبەت یا تەخمینی بھایێ ئەردێ زێدە دانیت )
دھێتە زاینن کو دسالێن بوریدا و ژبەر ھژمارەکا ئەگەران چەندین خانیێن زێدە گاڤی ل سەر ئەردێ باژێرڤانیا دھوکێ ژلاپێ ھاولاتیان ڤە ھاتنە ئاڤاکرن و ب رەنگەکێ بەرەلایی و ھژمرا ڤان خانیا دبنە زیدەتر ٧ ھزار خانیا و تنی ل دەڤەرا گژەبەرا زێدەتر ژ ٢٥٠٠ خانی ھاتینە ئاڤاکرن ,
ل سالا ٢٠٠٢ و ژبو رێکخستن و تابوکرنا ڤان خانیا پەرلەمانێ کوردستانێ بریارەک دا بو تاپوکرنا وان خانیێن ھەتا سالا ٢٠٠٠ ێ ھاتینە ئاڤاکرن ,
دیڤدا لژنێن تایبەت بو ڤی مەرەمی ل ھەمی پارێزگەھا ھاتنە دانان و لدیف رێنمایا دەست ب تاپوکرنا ھندەک ژوان خانیا ھاتە کرن و کار ل سەر ھندەک جھێن دی ژلایێ وان لژنا ڤە بەردەوام ھاتە کرن بو رێکخستن و بەرھەفکرنی ڤان جھا ژبو تاپوکرنا و پشتی راستڤەکرنا نەخشێ ئەسمانی یێ دەڤەرێ ھاتیە کررن دێ دەسا ب تاپوکرنا وان خانیێن کژە بەرا ھیتە کرن ب قوناغ ,
ئه‌ڤرۆ نیوز:
دۆنالد ترامپ، سه‌رۆكێ ئه‌مریكا ستراتیژییا نوو یا وه‌لاتێ خوه ل ئه‌فغانستان و پاكستانێ د گۆتاره‌كێ دا ئاشكرا كر، پاكستان ب ڤه‌حه‌واندنا تیرۆرستان سووچبار كر، سۆزا ژناڤبرنا داعشێ دا.
ترامپی گۆت: دێ شیانێن سوپایێ ئه‌مریكا بهێزتر كه‌ین بۆ لێدانا تیرۆرستان و تۆرێن تاوانباران.
“سه‌ركه‌فتنێ دێ پێناسه‌كا رۆن هه‌بیت: هێرشی دوژمنان كه‌ین، داعشێ ژناڤ به‌ین، قاعیده تۆشی شكه‌ستنێ كه‌ین.”
“ئێدی ئه‌م هێزا سه‌ربازییا ئه‌مریكا بۆ دابینكرنا دیمۆكراسیێ ل وه‌لاتێن دوور بكارنائینین.”
“ئه‌مریكا سه‌ربازێن خوه ل ئه‌فغانستانێ ناڤه‌كێشیت و شاشییا ئه‌مریكا ل ئیراقێ كری دوباره ناكه‌ت، ژبه‌ركو ڤه‌كێشان دێ ڤالاهیێ په‌یدا كه‌ت، به‌لكو ئه‌و دێ سه‌ربازێن زێده‌تر هنێرنه وی وه‌لاتی بۆ ئه‌نجامه‌كێ باش و جێگیر، لێ ئه‌فغانی بخوه دێ بریارێ ل ده‌ستهه‌لات و ژیانا خوه ده‌ن و ئه‌مریكا مایتێكرنێ ناكه‌ت.”
“پاكستان تیرۆرستان ڤه‌دحه‌وینیت و جهێ توندوتیژی و ئالۆزییان دكه‌ت، ئه‌مریكا ل سه‌ر وێ یه‌كێ بێده‌نگ نابیت.”
“سیاسه‌تا مه ل باشۆرێ ئاسیا ژ ( رێیا پشبه‌ستنا ب ده‌می) بۆ (رێیا پشبه‌ستنا ب مه‌رجان) دێ هێته گوهرین و دێ وه‌به‌رهێنان بۆ پركرنا مه‌زاختنێن سه‌ربازی یێن ئه‌مریكا ل وان وه‌لاتان هێته كرن.”
ئه‌ڤرۆ نیوز:
رێكخستنا تیرۆرستییا داعشێ هه‌ژماره‌كا بیرێن نه‌فتێ بۆ راگرتنا پێشڤه‌چوونێن هێزێن ئیراقێ ل ده‌ردۆرێن تله‌عفه‌رێ سۆتن.
گرۆپه‌كێ حه‌شدا شه‌عبی د به‌یانه‌كێ دا راگه‌هاند: داعشێ ده‌ست ب سۆتنا هنده‌ك بیرێن نه‌فتێ ل ده‌ڤه‌را تله‌عفه‌رێ كر بۆ درستكرنا دووكێلێ و رێگرتنێ ژ ئۆپه‌راسیۆنێن فرۆكه‌یێن شه‌ركه‌ر و راگرتنا پاشڤه‌چوونێن سه‌ر ئه‌ردی به‌ر ب تله‌عفه‌رێ ڤه.
داعشێ ل ده‌مێ قۆناغێن ده‌ستپێكێ یێن ئۆپه‌راسیۆنا مووسلێ ژی ل گه‌یاره چه‌ندین بیرێن په‌ترۆلێ سۆت بوون و پێشڤه‌چوون پاشخست بوون و بۆ ده‌مه‌كێ درێژ دووكێلا ره‌ش ژ وان بیران دچوو.
شڤێدی 21 مه‌هێ ئۆپه‌راسیۆنا رزگاركرنا تله‌عفه‌رێ ده‌ست پێ كربوو.
ئەڤرۆ نیوز ، ئيقبال عومەر:
فەرمانگەھا گشتی یا کومسیونا بلند یا سەربخوە یا ھەلبژارتنا و راپرسیێ دیارکر کو ل ھەموو سنوورێ پارێزگھا دھوکێ بنگە بو تومارکرنا ناڤێن وەلاتیان ھاتینە دانان داکو سەحا پشتراستبونا ناڤێن خوە بکەن بو دەنگادان لسەر ریفراندومێ.
عەلی سالح بەندی رێڤەبەرێ فەرمانگەھا گشتی یا کومسیونا بلند یا سەربخوە یا ھەلبژارتنا و راپرسیێ بو ئەڤرو نیوز گۆت: (ژ مێژە پلانەکا باش ھاتیەدانان داکو باشترین شێوە ریفرادۆم ب رێڤە بچیت و رۆژا ٢٠/٨/٢٠١٧ ھەمی بنگەھێن دکەڤنە سنورێ پارێزگەھا دھوک ژلایێ فەرمانگەھا گشتی یا کومسیونا بالندا یا سەربخوە یا ھەلبژارتنا و راپرسیێ یێت ھاتینە ڤەکرن , کو ئەوژی ٤١ بنگەھن , و ژوانا ١٤ بنگەە یێل دھوک و سێمێلێ و ٨ بنگەە یێل قەزا زاخو و ٤ بنگەە یێل قەزا شێخان و ٧ بنگەە یێل قەزا ئامێدیێ و ٨ بنگەە ژی یێل ئاکرێ و بەردەرەش )
زێدەتر گۆت: (بنگەھێن مە ل رێکەفتی ٢٠/٨/ تاکو تاکو ٢٧/٨ ل دەژمێر دەمژمێر ٨ سپێدێ تاکو دەمژمێر ٤ ئێڤاری دێ دڤەکریبن د خزمەت و پێشوازیا خەلکی دا , ھەر چەندە درەنگ مە دەست بکاری کریە بەلێ ھەمی بەرھەڤی د دروستن و چ کێماسی پەیدا نابن , مە چ پەیوەندی دگەل کومسیونا عیراقێ نینن چونکی کارێ مە و یێ وانا یێ ژێک جودایە ھندی کارێ وانایە بتنێ بو پشتی کومسیونا بلند یا سەربخوە یا ھەلبژارتن و راپرسیێ ل ھەرێمێ یێ ھاتیە دامەزراندن ب تنێ کارێ وان دێ مینیت بو رێکخستن و سەرپەرشتیکرنا ھەلبژارتنا دەمێ دەنگ دانێت پەرلەمانێ عیراقێ چێببن , بەس یا مە ھەر راپرسیەکا ل ھەرێمێ چێببیت یان ھەر ھەلبژارتنەکا بیت چ بو پەرلەمانێ کوردستانێ بیت چ بو ریفراندومێ بیت یان ھەلبژارتنێت ئەنجومەنێ پرێزگەھابن یان ژی ئەگەر ھاتو یێن شارەوانیان ژی ھاتنەکرن دێ سەرپەرشتیکرنا وانا و رێکخستنا وان کەین)
عەلی دیارکر ژی کو ھەر مالێ کەسەک ژی دکاریت بچیت بو دوپاتکرنا ناڤێن ھەموو ئەندامێن خێزانێ و گۆت ژی : (پێدڤی یە وەلاتی ناسناما بارێ شارستانی یان ناسناما عیراقی یان پاسپورت یان ژی کارتا نیشتیمانی لگەل خوە ببەن بو دووپاتکرنا ناڤێن خوە ، و دیسان ئەو دەڤەرێن ژ دەرڤەی ئیدارا ھەرێمێ ژی وەکو ھەمی پارێزگەھێن دی یێن ھەرێمێ فەرمانگەە بو ھاتینە دانان و دێ بنگەە بو ئێنە ڤەکرن و دێ ل وان دەڤەرا بن یێن کو پێشمەرگەە د پارێزیت )
نيشاندان