ئەڤرۆ نیوز:
ھەردو وەلاتێن ئوکراینا و سریلانکا بریار دا کونسۆلخانەیێن فەخری ل ھەرێما کوردستانێ ڤەکەن.
پشتی وەرگرتنا رازەمەندییا حکومەتا ئیراقێ و حکومەتا ھەرێما کوردستانێ، کۆمارا ئوکراینا و کۆمارا سریلانکا بریار دا کونسۆلخانەیێن فەخری ل ھەرێما کوردستانێ ڤەکەن.
فەرمانگەھا پەیوەندیێن دەرڤە یێن ھەرێما کوردستانێ ژی پێشوازی ل بریارا ھەردو وەلاتان کر.
ئەڤرۆ نیوز ، نەوزاد هلۆری:
ب هەلکەفتا جەژا قوربانا پیروز حکومەتا هەرێما کوردستانێ شەش روژ وەکو بێهڤەدان راگەهاندن.
سەفین دزەی ئاخفتنکەرێ حکومەتا هەرێما کوردستانێ دراگەهاندنەکێ دا کو دانەیەک بو ئەڤرو نیوز هنارتیە و گۆت : ( ب هەلکەفتا جەژنا قوربانا پیروز حکومەتا هەرێما کوردستانێ زێدەباری پیروزباهیکرنا جەژنێ ژ کەس و کارێن شەهید و پێشمەرگێن قەرەمان و موسلمان و خەلکێ کوردستانێ و ب ڤێ هەلکەفتێ ژی رادگەهینین کو ل روژا 31-8-2017 هەتا روژا 5-9-2017 ل سەرجەم دام و دەزگەهێن حکومەتێ بێهنڤەدانە و روژا دوڤدا دێ دەوام دەست پێ کەت ڤە)
ئەڤرۆ نیوز ، نەوزاد ھلۆری:
فەرماندەیێن سەربازیێن پولیسێن فیدرال یا سەر ب عیراقێ کونترولکرنا ھەموو تەلەعفەر راگەھاند.
دڤی واریدا رائید شاکر جەودەت ژ پولیسێن فیدرالی بۆ ئەڤرۆ نیوز گۆت: (پشتی پێنج رۆژان ژ ئوپەراسیوونا کونترولکرنا تەعەلفەر ، ئەڤرۆ ھێزێن عیراقی شیان تەڤایا قەزا تەلەعفەر کونترول بکەن و نھا ھێزێن عیراقی بەر ب کونترولکرنا ناحیا عەیازە دچن)
کونترولکرنا تەلەعفەر د دەمەکێ دایە کو ئەڤرۆ ھێزێن پارێزگەھا کەرکوک ل گەل لایەنێن پەیوەندیدار د دانوستاندنێ دانە ل بارا کونترولکرنا قەزا حەویجە ل باشوورێ کەرکوکێ.
ئەڤرۆ نیوز ، ھلۆری:
کەنالێ ئەلجەزیرەیێ قەتەری لیستەکا ناڤێن کارتێکەرترین کەسانێن جیھانی بەلاڤکریە کو دماوەیێ بوری دا زورترین کارتێکرن لسەر خەلکی ھەبوویە ، و ئێک ژوان کەسان مەسعود بارزانی سەرۆکێ ھەرێما کوردستانێ نە کو ب رێزا ئێکێ دھێت ، ئەڤە د دەمەکێ دایە کو سەرۆکێ ھەرێما کوردستانێ گەەلک یێ رژدە کو پرۆسەیا ریفراندۆمێ ل ھەرێما کوردستانێ بھێتە ئەنجانمدان.
ل گورەی راپرسیا ئەلجەزیرە کو لسەر پرسا کارتێکەرترین کەساتیێ حەفتیێ کی یە ، ھاتیە ئەنجامدان و سەرۆکێ ھەرێما کوردستانێ مەسعود بارزانی ئێکە ژ وان کەسانێن کو ناڤێ وی د لیستێ داە اتی و ب وداھیەکا زور ل بەرا ھەڤرکێن خوە ب رێزا ئێکێ ھات ئەو ژی ب کومکرنا 93.9% ژ دەنگێن پشکداران.
راپرسی لسەر تورێن جڤاکیێن تویتەر و فێسبوک و مالپەرا فەرمی یا ئەلجەزیرە ھاتیە ئەنجامدان و ھەموو ئەو کەسن کو پشکدارکری د زورترین ئاخفتن لسەر ھاتینەکرن ل ھەموو جیھانێ کو ئەو ژی مەسعود بارزانی سەرۆکێ ھەرێما کوردستانێ ، جولیان ئاسانج دامەزرێنەرێ مالپەرێ ویکلیکیس ، ستێڤ بانونێ مەزن راوێژکارێ کوشکا سپی ، ئوسامە زوغبی رۆژنامەڤانێ سوری.
ئه‌ڤرۆ نیوز:
هێزێن ئیراقی ل ده‌ڤه‌را تله‌عفه‌رێ نێزیكی مووسلێ ل باكۆرێ رۆژئاڤایێ ئیراقێ ، گۆره‌كی بكۆم دیت كو روفاتێن پتری 80 كه‌سان تێدانه.
ل گۆری ژێده‌ره‌كێ ئێمناهییا ئیراقێ، رێكخستنا تیرۆرستی یا داعشێ د ده‌مێ ئه‌و جهـ د بن كۆنترۆلا وێ دا، ئه‌و گۆرێ بكۆم چیكرییه و پتری 80 كه‌سان ژ سڤیل و سه‌ربازان تێدا بنئاخكرینه.
ئەڤرۆ نیۆز،زنار تۆڤی:
ئەڤرۆ ل 26 تەباخا 2017 فیستیڤالا سەرخوەبوونا کوردستانێ ب پشكداریا پتری 20 هونه‌رمه‌ندێن ناڤدارێن كورد یێن هه‌ر چار پارچێن كوردستانێ ل باژێرێ كۆلن ل وه‌لاتێ ئه‌لمانیا هاتە سازكرن و دهێته زانین بۆ ده‌ما چه‌ندین رۆژانه به‌رهه‌ڤى بۆ وێ فیستیڤالێ ژ لایێ رەڤەندا کورد ڤە ل وی وەلاتی دهێنەکرن و هەروەسا هژمارەکا زۆر یا رەڤەندا کوردی ژی ل وی وەلاتی پشکداری د وێ فیستیڤالێ دا کر،هەروەسا پەیڤا سەرۆکێ هەرێما کوردستانێ مەسعود بارزانی بۆ پشتەڤانیا ریفراندۆما سەربەخۆیا کوردستانێ د فیستیڤالێ دا هاتە خواندن و بارزانی پشتەڤانیا خوە بۆ گەلێ کوردستانێ دیارکر.
دڤی واری دا ئارمانج عەگید نێروەیی بەرپرسێ راگەهاندنا کۆمەلەیا دۆستایەتیا کورد ئەلمان ل ئەلمانیا و ئەندامێ دەستەیا برێڤەبرنا فیستیڤالا سەربەخوویا کوردستانێ ل کۆلن بۆ ئەڤرۆ نیۆز دبێژیت:فیستیڤالا سەربەخوویا کوردستانێ ئەڤرۆ ل رۆژا شەمبی 26.8.2017 و ل دەمژمێر 2 پشتی نیڤرۆ ل مەیدانا هویمارکت ل باژێرێ کۆلن ل وەلاتێ ئەلمانیا برێڤەچوو هەروەسا پتری 15 هزار کوردێن هەموو دەڤەرێن کوردستانێ تێدا پشکداربوون.
هەروەسا گۆت ژی:دڤێ فیستیڤالێ دا پتری 20 هونەرمەندێن کورد یێن هەموو پاچێن کوردستانێ ب سترانێن خوە یێن نەتەوەیی ژبۆ سەرخوەبوونا کوردستانێ ستران گۆتینە و پشکداربووینە،دیسا مە وەک کۆمیتا فیستیڤالێ ژی ترۆمبێل بۆ رەڤەندا کورد ل هەموو ئەلمانیا گرتینە،ژ پێخەمەت پشکداریێ د فیستیڤالا سەربەخوویا کوردستانێ دا بکەن.
ئارمانجی ئەو ژی گۆت:ئەڤ کۆمیتە یا بێ لایەنە و کەسایەتیێن کورد یێن رەوشەنبیر و چالاکڤان و رۆژنامەڤان تێدا پشکداربووینە و ئارمانجا مە هەموویان سەربەخوویا کوردستانێ یە،دیسا دوستێن کوردان ل تورکیا و ئەلمانیا و بریتانیا پشکداری دڤێ فیستەڤالێ دا کریە د وێ فیستیڤالێ دا کوردێن دەرڤە پشتەڤانیا خوە بۆ ریفراندۆما سەربەخۆیا کوردستانێ راگەهاندن.
ئەڤرۆ نیۆز،زنار تۆڤی:
بەرپرسێن کۆمارا ئیسلامی یا ئیرانێ و حوکمەتا هەرێما کوردستانێ گوتۆبێژ دەستپێکرن بۆ پڕۆژێ راکێشانا هێلا شەمەندەفرێ دناڤبەرا هەردو وەلاتاتدا.
مورته‌زا عه‌بادی كونسۆلێ كۆمارا ئیرانێ ل هەولێرێ ل رۆژا 24-8-2017 سەرەدانا وەزارەتا ڤەگۆهاستن و گەهاندنێ یا حوکمەتا هەرێما کوردستانێ کریە و د کۆمبوونەکێدا ل گەل مەولوود موراد وەزیرێ ڤەگۆهاستن و گەهاندنێ ئارمانجا وێ سەردانێ ئێخستیە بەرچاڤ کو وان گفتوگوکرن ل سه‌ر پرۆژێ دابینكرنا هێلا شه‌مه‌نده‌فرێ دناڤبەرا وەلاتێن ئێران و هه‌رێما كوردستانێ دا کریە.
مەولوود موراد وه‌زیرێ ڤەگۆهاستن و گه‌هاندنێ راگەهاندیە کو هه‌رێما كوردستانێ پێدڤی ب هێلا شه‌مه‌نده‌فرێ هه‌یه، بەلێ نوکە نەشێت بوودجه‌ی بۆ دابین بکەت لەورا داخواز ژ كۆمارا ئێرانێ کریە کو هاریكاریا هه‌رێما كوردستانێ بكەت و ڤەکۆلین و دووڤچوونەکا هوور کرینە بۆ شێواز و هوورکاریێن ڤی پرۆژه‌ی،داکو زوو بێخنە وارێ جێبەجێکرنێ.
دامەزراندنا هێلا شەمەندەفرێ ل هەرێما کوردستانێدا چەندین سالە پلان بۆ دارێژتیە،بەلێ هێشتا ئەڤ پلانە ل سەر کاغەزێ یە و نەئێخستیە سەر زەڤیێ.
هەروەسا مەولوود موراد گۆتیە،دڤێت ڤێ جارێ پرۆژێ کونسولێ ئێرانی ل گەل ئه‌نجوومه‌نێ وه‌زیرێن هه‌رێما كوردستانێدا بهێتە تەمامکرن و دیسا ل گەل وه‌زاره‌تێن تایبه‌تمه‌ندێن ئیرانی پێنگاڤێن راکێشانا هێلا شەمەندەفرێ ده‌ست پێ بكەت.
هەروەسا گۆتیە دڤێت ئەڤ پرۆژه ل باشترین و پێدڤیترین و ب لەزترین ده‌رگەهێ سنووری دناڤبەرا هه‌ردو لایان دابیت و د خزمه‌تا وەلاتیێن هه‌رێما کوردستانێ دابیت.
مورته‌زا عه‌بادی كونسولێ كۆمارا ئێرانێ جەخت ل هندێ ژی کریه کو هێلا شەمەندەفرێ ل پێناڤ به‌رژه‌وه‌ندیێن دناڤبەرا هه‌ردو وەلاتاندا دهێتە دامەزراندن،هەروەسا دێ بۆ ڤەگۆهاستنێ،هێزێ و سووته‌مه‌نیێ، كه‌لوپه‌لێن بازرگانی و گه‌شتیاران هێتە ب کارئینان.
راکێشانا هێلا ئاسنی بتنێ خەونا وەلاتیێن هەرێما کوردستانێ نینە،بەلکو ئەڤە پلانا کۆمارا ئیرانێ ژی یە، ئەڤێ ژی وەکریە کو کونسولێ ئێرانێ داخوازا دامەزراندنا ڤێ هێلا ئاسنی پێشکێشی حوکمەتا هەرێما کوردستانێ بکەت.
بەری پێنج هەیڤان حەسەن روحانی،سەرۆک کۆمارێ ئیرانێ د گوتارەکیدا ل پارێزگەها سنە بۆ ئێکەمجار پلانا وەلاتێ خوە بۆ راکێشانا هێلا شەمەندەفرێ ژ ئێرانێ بۆ هەرێما کوردستانێ ئاشکراکریە.
ئەڤرۆ نیۆز،زنار تۆڤی:
ئەڤرۆ شەمبیێ 26.8.2017 د سەرەدانەکێ دا وەزیرێ دەرڤە یێ فرنسا جان ئێف لودریان و وەزیرێ بەرەڤانیا فرنسا فلۆرانس بارلی گەهشتنە هەولێرا پایتەختێ هەرێما کوردستانێ.
دهێتە چاڤەرێکرن وەزیرێ دەرڤە و بەرەڤانیا فرنسا کو ئەڤرۆ ل پیرمام ل گەل مەسعود بارزانی سەرۆکێ هەرێما کوردستانێ کۆمببن.
هەروەسا هەردو وەزیرێن دەرڤە و بەرەڤانیا فرنسا، ئەڤرۆ شەمبیێ،سەرەدانا عێراقێ کریە و ل گەل حەیدەر عەبادی، سەرۆک وەزیرێن عێراقێ و بەرپرسێن بلند یێن عێراقێ کۆمبووینە.
ئەڤرۆ نیۆز،زنار تۆڤی:
ھۆشداریەک بۆ بکارھێنەرێن پرۆگرامێ تۆرا پەیوەندیێن (مسنجەرێ فێسبووکی) بەلاڤبوویە،کو تێدا ل ڤەنەکرنا بەستەر (لینک)ەکێ سەختە، ئاگەهدار دکەت.
دوهی ئەینیێ 25/8/2017 میدیایێن تەکنۆلۆژیێن جیھانی ھۆشداریەک بۆ بکارھێنەرێن مسنجەرێ فێسبووکی بەلاڤکریە،کو تێدا بەحسێ هندێ دکەن،کو ھاکەران لینکەکێ سەختە دروستکریە،کو ئەو لینکە ب پەیڤا (bit.ly) ب دوماهی دهێت، دڤی لینکی دا و ھەر جارەکێ ب ناڤ و نیشانەکێ،وان دڤێت بکارھێنەرێن ڤی پڕۆگرامی ھاک بکەن و وێنە و ڤیدیۆ و زانیاریێن وان یێن تایبەت بدزن.
دیسا دیارکریە کو هەکە ھەر لینکەک ژلایێ ھژمارەکا سەختە ڤە بۆتە ھات،یان ژلایێ ھەر کەسەکێڤە بۆتە ھات و نڤێسی بوو:تە گۆژمەکێ زۆر یێ پارەی یێ بری، یان بەحسێ هندێ کربوو،کو مسنجەرێ خوە نوو (Update) بکە،کلیک نەکە،هەروەسا ب لەز ژێ ببە و ھژمارا وی کەسی ژی بلۆک بکە.
پڕۆگرامێ مسنجەر فێسبووک، ل سالا 2011 دا هاتیە کارکرن،نوکە بکارھێنەرەکێ زۆر ل سەرانسەرێ جیھانێدا ھەیە،کۆمپانیا فەیسبووکێ یا ئەمریکی خودانا وێ یە،هەروەسا ب ئێک ژ باشترین پرۆگرامێن تۆرا پەیوەندیان دهێتە دانان.
ئه‌ڤرۆ نيوز:
ل رۆژا 25\8\2017 هولا بنگه‌هێ لالش ل سه‌نته‌رێ ناحیا سنونێ ل ده‌ڤه‌را شنگالێ ودرێ ورسمه‌كێ تایبه‌ت دا ب ئاماده‌بونا اسماعیل محمد احمد هاریكارێ پارێزگه‌رێ دهوكێ بو كاروبارێن مروڤایه‌تی وعبدالقادر شنگالی جێگرێ پارێزگه‌رێ نه‌ینه‌وا و(د.سیریل نان) بالیوزێ وه‌لاتێ ئه‌لمانیا ل به‌غدا و(كورت ستویكل) كونسلێ وه‌لاتێ ئه‌لمانیا ل كوردستانێ وبه‌رپرسێن رێكخراوێن هه‌بیتات وUNDPوUNDSSوچه‌ند به‌رپرسێن حزبی وجه‌ماوه‌ری (562) خانیێن نوژه‌نكرنی راده‌ستی ئاوارێن ڤه‌گه‌ریایی یێن خه‌لكێ ناحیا سنونێ هاتن كرن.
بڤێ هه‌لكه‌فتێ به‌رپرسێ رێكخراوا هه‌بیتات په‌یڤه‌ك خاند وگوت به‌ری سێ سالا داعش هێرش كربو سه‌ر ده‌ڤه‌را شنگالێ وخه‌لكه‌ك كوشت وره‌ڤاند وخانی وێرانكرن وخه‌لك ئاواره‌ی جهێن دی یێن ئارام ببو ، ئه‌ڤرو ئه‌م هاتینه دا به‌لگه‌نامه‌یێن نوژه‌نكرنا 562خانیا راده‌ستی خودانێن وان بكه‌ین دا ببیته هانده‌ر ئاواره ڤه‌گه‌رنه سه‌ر جهێن خو وده‌ست ب ژیانا خو یا روژانه بكه‌ن.
پاش جێگرێ پارێزگه‌رێ نه‌ینه‌وا په‌یڤه‌ك خاند تێدا سوپاسیا حكومه‌تا ئه‌لمانیا وهه‌موو لایه‌نان كر یێن بوینه هاریكار بو نوژه‌نكرنا خانیێن زیانڤێكه‌فتی ل ده‌ڤه‌رێ وخواست ئه‌ڤ به‌رنامه یێ به‌رده‌وامبیت.
پاش اسماعیل محمد احمد هاریكارێ پارێزگه‌رێ دهوكێ بو كاروبارێن مروڤایه‌تی په‌یڤه‌ك پێشكێشكر وسلاڤێن جه‌نابێ پارێزگه‌رێ دهوكێ گه‌هاندنه خه‌لكێ سنونێ وسوپاسیا حكومه‌تا ئه‌لمانیا كر كو ئه‌ڤ 562خانیه ب كوژمێ 2ملیون دولاران نوژه‌نكرینه هه‌روه‌سا دوارێ سیاسی وله‌شكری دا هاریكاریا كوردستانێ وهێزێن پێشمه‌رگه‌ی كریه ، هه‌روه‌سا سوپاسیا رێكخراوێن هه‌بیتات و UNDP كر بو نوژه‌نكرنا وان خانیا وخواست ئه‌ڤ هاریكاریه ]به‌رده‌وامبن تا هه‌موو ئاواره ڤه‌گه‌رنه سه‌ر وارێن خو وداخازكر كو رێكخراوێن دی یێن مروڤایه‌تی قه‌ستا ده‌ڤه‌رێ بكه‌ن وهاریكاریا خه‌لكێ ئاواره بكه‌ن وژخه‌لكێ ده‌ڤه‌رێ ژی خواست كو ل روژا 25-9-2017 قه‌ستا پروسا ریفراندومێ بكه‌ن و سه‌ربخویا كوردستانێ ئه‌رێ بكه‌ن.
پاش نایف سه‌یدو رێڤه‌به‌رێ ناحیا سنونێ دپه‌یڤه‌كێدا سوپاسیا سه‌روك بارزانی وپێشمه‌رگێ كوردستانێ كر كو هه‌ر زوو ناحیا وان ژبن ده‌ستێ تیرورستێن داعش رزگاركر هه‌روه‌سا سوپاسیا هه‌موو لایه‌كی كر كو بوینه هاریكار بو نوژه‌نكرنا وان 562خانیا وداخازكر كو حكومه‌تا ئه‌لمانیا وجڤاكێ ده‌وله‌تی وان پێنچ هزار خانیێن دی یێن وێرانكری ئاڤاكه‌ن وخزمه‌تكاریێن ژیانێ بهێنه دابینكرن .
(د.سیریل نان) بالیوزێ وه‌لاتێ ئه‌لمانیا ل به‌غدا دپه‌یڤه‌كێدا دیاركر وگوت: به‌ری سێ سال وده‌مێ تراجیدیا شنگالێ چێبوی حكومه‌ت وپه‌رله‌مان ئه‌لمانیا هه‌ر زوو بریاردا هاریكاریا خه‌لكێ لێ قه‌ومی بكه‌ت وپتر ژ1500ژن وره‌ڤاندیێن ئێزدی یێن رزگاربوی گه‌هاندنه ئه‌لمانیا بو چاره‌سه‌ریێ هه‌روه‌سا گه‌له‌ك هاریكاریێن دی بو ئاواره وخه‌لكێ ده‌ڤه‌رێ كرن وسوزدا كو حكومه‌تا ئه‌لمانیا یا به‌رده‌وامبیت ل سه‌ر هاریكاریێن خوبو ئاوارا وخه‌لكێ ده‌ڤه‌رێ .
پاش بره‌نگه‌كێ فه‌رمی به‌رپرسێ رێكخراوا UNDPبه‌لگه‌نامه‌یێن نوژه‌نكرنا وان خانیا راده‌ستی رێڤه‌به‌رێ ناحیا سنونێ كرن.
پاش سه‌ره‌دانا چه‌ند خانیێن نوژه‌نكری هاته كرن و به‌لگه‌نامیێن نوژه‌نكرنێ راده‌ستی خودانێن وان هاته كرن.
هه‌ژی گوتنێ یه حكومه‌تا ئه‌لمانیا بو نوژه‌نكرنا وان562 خانیا (2) ملیون دولار ته‌رخانكرنبون وب رێكا رێكخراوێن هه‌بیات وUNDP هاتینه نوژه‌نكرن.
ولدویف ئامارێن ناحیا سنونێ تانوكه 11هزار خێزان ڤه‌گه‌ریاینه سه‌ر مالێن خو ل ناحیا سنونێ.
نيشاندان