ئەڤرۆ نیوز ، هلۆری:

پشتی کو ئەڤرۆ ئێڤاری شاندێ بلند یێ ریفراندۆمێ ب مەرەما دانوستاندن ل سەر پرسا ریفراندۆمێ گەھشتیە بەغدا و ئێکەم کومبوون ژی ل گەل عەبادی دەستپێکر

بو دانوستاندن لسەر پرسا ریفراندۆم و دوماھی گۆرانکاریێن سیاسی دناڤبەرا ھەرێما کوردستانێ و عیراقێ نھا شاندێ ریفراندۆمێ ل گەل حەیدەر عەبادی سەرۆک وەزیرێن عیراقێ کومبونەکا بەفرەھکر و دانوستاندن لسەر چەند تەوەرەکان ھاتنەکرن.

ل گورەی ئەوان زانیاریێن کو ھاتینە بەلاڤکرن ، حەیدەر عەبادی ل گەل شاندێ ناڤبری نێزیکێ دەمژمێرەکی َدانوستاندن لسەر چەند پرسەکان کریە ژوانان پرسیا ریفراندۆمێ و عەبادی پێشوازی ل پرسا ریفراندۆمێ کریە وھەتا نھا رەت نەکریە .

ئێڤاریا ئەڤرۆ لسەر بریارا سەرۆکێ هەرێما کورستانێ مەسعود بارزانی شاندەکێ بلند یێ ریفراندۆمێ کو ژ نونەرێن سەرۆکاتیا هەرێمێ و پارتی و ئێکەتی و ئێکگرتو و ئێزدی و مەسیحی و تورکمانان پێکدهێن سەرەدانا بەغداکر و وەسا بریارە بو دەما سێ روژان ل بەغدا بمینن بو دانوستاندن لسەر پرسا ریفراندۆمێ ل گەل دەستهەلاتدارێن عیراقێ.

ئەڤرۆ نیوز ، ھلۆری:
وەسا بریارە کو کوردێن فەیلی سوبەھی ل ھەولێر دوماھی ھەلویستێ خوە ل بارا ریفراندۆمێ ل ھەرێما کوردستانێ رابگەھینن.
ل گورەی ئەوان زانیاریێن کو دەست ئەڤرۆ نیوز کەفتین وەسا بریارە کوردێن فەیلی سوبەھی ل ئوتێل چوار چرا ل ھەولێرێ دوماھی ھەلویستێ خوە ل بارا ریفراندۆما ھەرێما کوردستانێ راگەھینن کو وەسا بریارە لرۆژا ٢٥ ئیلونا ئەڤ سالە بھێتە ئەنجامدان.
دھێتە زانین کو پێر د کونفرانسەکێ دا کوردێن شەبەک ژی پشتەڤانیا وە بو ریفراندۆمێ راگەھاند و خواست کو دەڤەرێن وان ڤەگەرن سەر ھەرێما کوردستانێ و پێشمەگەر ئەوان بپارێزن.

ئەڤرۆ نیوز ، ھلۆری:
ئێڤاریا ئەڤرۆ شاندەکێ بلند یێ ریفراندۆمێ کو ژ نونەرێن لایەنێن سیاسی و پێکھاتەیێن ئاینی و نەتەوەیی پێکدھێن ب مەرەما دانوستاندن لسەر پرسا ریفراندۆمێ گەھشتنە بەغدا و دێ لگەل دەستھەلاتدارێن ئەوی وەلاتی کومبن.
ژێدەرەکێ ژ ئەنجومەنێ بلند یێ ریفراندۆمێ بو ئەڤرۆ نیوز گۆت: (ب مەرەما دانوستاندن لسەر پرسا ریفرانۆدمێ لسەر بریارا سەرۆکێ ھەرێما کوردستانێ ئەڤرۆ ئێڤاری گەشتین بەغدا و دماوەیێ سێ رۆژان دا دێ دانوستاندن و کومبوونان لگەل دەستھەلادارێن عیراقێ و کونسولێن وەلاتێن جیھانێ ل بەغدا و چەند لایەنەکێن دن کومبوونان ئەنجام دەین و رەنگە ئێکەم کومبوون ژی لگەل سەروک وەزیرێن عراقێ بیت )
زێدەتر گۆت: ( پرۆژەیەک ھاتیە بەرھەڤکرن کو نێزیکێ ٥٥ ماددەیێن دەستوری بخوڤە دگریت کو ھەموو ئەون پێشتر دەستھەلاتداریا عیراقێ ھەمبەری کوردان بجھنەکرینە )
شاندنێ کوردستانێ ژ نونەرێ سەروکاتیا ھەرێمێ و پارتی و ئێکەتی و ئێکگرتو و پێکھاتەیێن ئێزدی و مەسیحیان پێکدھێت.

ئەڤرۆ نیوز ، ھلۆری:
ئەڤرۆ ئەنجومەنا بلند یا کومسیوونا ھەلبژاردن و راپرسیێ دیارکر کو ئەو دکارن ھەلبژاردێن سەروکاتیا ھەرێما کوردستانێ و پەرلەمانی د دەمێ خوە دا ئەنام بدەن.
ژێدەرەکێ ژ کومسیونا بلندا کومسیوونا ھەلبژاردن و راپرسیێ بۆ ئەڤرۆ نیوز گۆت: ( د کومبوونا ئەڤرۆ یا ئەنجومەنا بلند یا کومسیوون و راپرسیێ بەرسڤ و بریارا دوماھیێ لسەر داخوازیا سەرۆکی َھەرێما کوردستانی َمەسعود بارزانی ھاتەدان ئەو ژی ب ئەنجامدانا ھەلبژاردنێن سەروکێ ھەرێما کوردستانێ و پەرلەمانی د دەمێ خوە دا )
زێدەتر گۆت: (کومسیوون دکاریت ل رێکەفتی ١/١١/٢٠١٧ ھەردوو ھەلبژاردنان ئەنجام بدەت)

ئه‌ڤرۆ نیوز :
سه‌رۆكوه‌زیرێن ئسرائیلێ د گه‌ل 33 كۆنگرێسمانێن پارتیا كۆماری یا ئه‌مریكا ب ئه‌رێنی به‌حسێ سه‌رخوه‌بوونا هه‌رێما كوردستانێ كر.
ل گۆری رۆژنامه‌یا ئۆرشه‌لیم پۆست یا ئسرائیلی، بنیامێن نه‌ته‌نیاهۆ ل پێنجشه‌مبا بۆری د گه‌ل 33 كۆنگرێسمانێن پارتیا كۆماری یا ئه‌مریكا كۆم بوو، د كۆمبوونێ دا نه‌ته‌نیاهۆی به‌حسێ سه‌رخوه‌بوونا كوردستانێ كرییه‌ و “هه‌لوه‌ستێ خوه‌ یێ ئه‌رێنی” ده‌ربرییه‌ ژ چێبوونا ده‌وله‌تا كوردستانێ ل هه‌رێما كوردستانێ و گۆتییه‌ ژی ” كورد د ئازانه‌ و پشته‌ڤانییا وه‌لاتێن رۆژئاڤا و بنه‌مایێن وان دكه‌ن”
نه‌ته‌نیاهۆ گه‌له‌ك كێم ب ئاشكرایی به‌حسێ مژارا كوردان دكه‌ت، ژبه‌ر هه‌لوه‌ستێ ئه‌مریكا كو دوپاتیێ ل ئێكه‌تییا ئاخا ئیراقێ دكه‌ت، هه‌روه‌سا ژبه‌ر هه‌ستیارییا توركیا ژ مژارا كوردی ژبه‌ر ترسا وێ ژ كوردێن باكۆر.
داوی جار ل سالا 2014ێ بوو ده‌مێ نه‌ته‌نیاهۆی د گۆتاره‌كێ دا ل ته‌ل ئه‌ڤیڤ ب ئاشكرایی گۆتی كو پێدڤییه‌ ئسرائیل پشته‌ڤانییا حه‌زا كوردا بۆ سه‌رخوه‌بوونێ بكه‌ت.
مژارێن دی یێن كۆمبوونا نه‌ته‌نیاهۆ د گه‌ل كۆنگرێسمه‌نان دا مژارێن ئورشه‌لیمێ و ئیرانێ بوون ژبه‌ركو ئسرائیل دلگرانه‌ ژ به‌لاڤبوونا هه‌ژموونا ئیرانێ ل ئیراق و سووریێ و لبنانێ.