ئەڤرۆ نیوز ، هلوری:

شەڤا بوری هێزێن میلشیاتێن حەشد شەعبی و سوپایێ عیراقی ل هەردوو دەڤەرێن ب ناڤ تازە و گوندێ بەشیر ل سنوورێ پارێزگەها کەرکوک کومبوون و نیەتا وان ژی ئەوە کو هێرشێ بکەن سەر کەرکوکێ و دەست بدانن سەر پالاڤگەهێن پەترۆلێ ، ئەڤە د دەمەکێ دایە کو کورێ مام جەلال تالەبانی لسەر بابەتێ کەرکوکێ سەرەدانا بەغدا کر بو.

هاتنا هێزێن حەشد شەعبی و سوپایێ عیراقێ د دەمەکێ دایە کو هەر ئێک ژ هیرخان ئیبراهیم و بافل تالەبانی و لاهور شێخ جەنگی بەیاننامەیێن تایبەت لسەر بارودۆخێ کەرکوکێ بەلاڤکرن و دخوازن کو کەرکوکێ ب هەڤپشکی یا بەغدا ب رێڤە ببەن

رێبین فەتاح شارەزا دوارێ  هێزا بکارئێخستنا پەترۆلێ بو ئەڤرۆ نیوز گۆت: ( ژبلی دەست ب سەرداگرتنا بیرێن پەترولێ و کودەتایەکا سیاسی دژی سەروەریا کەرکوکێ چو بهانەیێن دن نینە کو هێزێن حەشد شەعبی و سوپایێ عیراقێ لڤینێن سەربازی ل وان دەڤەران بکەن)

زێدەتر گۆت: ( کەرکوک پشکەکە ژ هەرێما کوردستانێ خوە ئەگەر چو پەترۆل ژی نەبیت ، پێدڤی یە کو ماف و ئازادیێن خەلکێ کەرکوکێ بەرچاڤ بهێنە وەرگرتن  ، و کەرکوک جهێ ململانا هێزێن سەربازی و مەزهەبی نینە)

ئه‌ڤرۆ نيوز:
ژێدەرەکی ژ کۆمپانیا باکوور یا پەترۆلێ ئاشکرا کریە کو وەزارەتا نەفتا عیراقێ دێ بۆڕیەکا ڤەگوھاستنا پەترۆلێ ل کەرکووکێ سەخبێرکەت و د شیاندا ھەیە رۆژانە ئێک ملیۆن و 700 ھزار بەرمیلێن پەتڕۆلێ د ئێک رۆژدا ڤەگوھێزیت، بەرپرسەکێ کورد ژی ل کەرکووکێ دبێژیت، ئەڤ بۆریە دێ د سنوورێ پارێزگەھا دھۆکێڕا چیتە تورکیا و ھەرێما کوردستانێ ژی مفایێ خوە ژێ دڤێت.
محەمەد کەمال، سەرۆکێ کۆتلا برایەتی ل جڤاتا پارێزگەھا کەرکووکێ بۆ رۆژناما ئەڤرۆ دیار کر، ئەڤ بۆڕیا پەتڕۆلێ یا کو بڕیارە عیراق سەخبێریێ تێدا بکەت و ب رێیا ئەڤێ بۆڕیێ پەتڕۆلێ بگەھینیتە تورکیا، ئەو بۆڕیەکا کەڤنە و بەری چەند سالان ژی ھەبوو و گۆت: “ئەڤ ھێلا ڤەگوھاستنا پەتڕۆلێ ل زەڤیێن کەرکووکێ دچیتە سنوورێ قەزا بێجی و پاشی بۆ مووسل و ل سنوورێ پارێزگەھا دھۆکێ دێ بەرەڤ بەندەرێ جەیھان یێ تورکی چیت، ئانکو بەغدا بێی بکارئینانا خاکا ھەرێما کوردستانێ و سنوورێ دھۆکێ نەشێت ئەڤێ بۆڕیێ بۆ تورکیا راکێشیت”.
محەمەد کەمال ئاماژە ب وێ چەندێ ژی کر، سەخبێرکرنا ئەڤێ بۆڕیا ڤەگوھاستنا پەتڕۆلێ ژ لایێ وەزارەتا پەتڕۆلا عیراقێ ڤە ب دیتنا مە کارەکێ باشە، چونکو دێ مفایەکێ زۆر بۆ ھەرێما کوردستانێ ھەبیت و ژ لایێ داھاتی ڤە دێ ھەرێم یا مفادار بیت، ژ بەرکو ئەڤ بۆڕیە دێ د ناڤ ئەردێ ھەرێما کوردستانێڕا دەربازی تورکیا بیت و ھەرێمێ ژی دێ مفایێ خوە ڤێت.