ئەڤرۆ نیوز ، نەوزاد ھلۆری:
رێڤەبەریا گشتی یا پەروەردا پارێزگەھا دھۆکێ دیارکر کو ئەڤرۆ رۆژا دوشەمبی رێکەفتی ١٧/٧/٢٠١٧ دێ ئەنجامێن ئەزموونێن قوتابیان بو سالا خواندنێ ٢٠١٦/٢٠١٧ یێن رێزا نەھێ بنەرەتی ھێنە راگەھاندن.
قوتابی دکارن ب رێیا ەڤی لینکی ئەنجامێن خوە بزانن پشتی کو دھێنە راگەھاندن.

ئەڤرۆ نیوز ، نەوزاد ھلۆری:
د درێژاھیا چالاکیێن خوە دا ژ بو رزگارکرنا رەڤاندیێن ئێزدی ئەڤرۆ دوو کچێن دن یێن ئێزدی لژێر دەستێ داعش ھاتنە روگارکرن و گەھشتنە دھۆکێ.
دڤی واریدا حسێن قائیدی رێڤەبەرێ نڤیسینگەھا رزگارکریێن ئێزدی بۆ ئەڤرۆ نیوز گۆت: ( ئەڤرۆ دوو کچێن ئێزدی ب ناڤێن ” ساھیرە نازدار ” کو ئاکنجیێن گوندێ شێخ خدر و گوندێ کرزرک بوون یێ سەر ب قەزا شنگاڵ بوون ھاتنە رزگارکرن و گەھشتنە ناڤا کەس و کارێن خوە)
زێدەتر گۆت: ( ھەول و بزاڤێن مە دێ بەردەوام بن ژ بوو رزگارکرنا رەڤاندیێن ئێزدی)

ئەڤرۆ نیوز ، نەوزاد ھلۆری:
حەفت ئاین ل ھەرێما کوردستانێ ب رەنگەک فەرمی ھەنە ، بەلێ ھەمووان ب رەنگەک فەرمی جھێ خوە د پروگرامێن خواندنێ ل پشکێن کولیژێن ئاینی ب تایبەتی کولیژێن ئیسلامی دا نەگریتە.
دڤی واریدا ئاڤان جاف چالاکڤان ل ھەولێرێ دیارکر کو پێدڤی یە ھەر حەفت ئاینێن ل ھەرێما کودرستانێ د پشکێن زانستێن ئیسلامی دا بھێنە بەحسکرن و بۆ ئەڤرۆ نیوز گۆت: ( لگورەی قانونا ھژمار پێنج یا سالا ٢٠٠٥ یا پەرلەمانێ کوردستانێ حەفت ئاین ل ھەرێما کوردستانێ ھەنە و مولەت ب وان ھاتیە دان کو چالاکیێن خوە بکەن و ل کولیژێن زانستێن ئیسلامی College of Islamic Sciences ئەڤا کو ل سالا ٢٠١٢-٢٠١٣ ھاتیە دامەزراندن کو ئەو ژی ل سێ پشکان پێکھاتیە ، پشکا شەریعەت ، پشکا خواندنێن ئیسلامی و پشکا بنەمایێن ئاین و سەنتەرێ سەلاحەدین ئەیوبی بو ڤەکولینێن زانستی )
زێدەتر گۆت: (ستراتیجیەتا ئەوان کولیژان ژی پێکدھێت ژ پەیرەوکرنا پەروەردەیەکا میانرەو کو دور بیت ژ ھزر و بیرێن توندوتیژی کو بگونجین ل گەل ھەموو تەخێن جڤاکی )
ل بارا ئارمانجێن ئەوان کولیژان ژی ئاڤان جاف گوت: (کولیژ بو مەرەمێن بلندکرنا ئاستیێ زانستی و رەوشەنبیریا قوتابیانە دوارێ ئیسلامی دا ھاتیە ڤەکرن ، دیسان پروپاکندەیەکە بو فەلسەفە و دانوستاندن و قبولکرنا بوچوونا بەرامبەر دناڤبەرا ھزر و بیرێن ژێکجودادا ، دیسان بەلاڤکرنا گیانێ ئەڤین و لێبوردن و مرۆڤایەتی دھەموو بواران دا ، و ب ھزێکرنا پەیوەندیێن دناڤبەرا زانست و رەھەندێن ژێکجودایێن ژیانێ وەکو رەھەندێن مرۆڤایەتی و ئازادی و پاراستنا ژینگەھێ ، و بەرھەڤکرنا کادرەکێ خودان شیان دوارێ راوێژان دوارێ زانستیێن ئیسلامی بو وەزارەت و دام و دەزگەھێن حکومەت و رێکخراوێن جڤاکێ سڤێل داکو بکارن زێدەتر کار بکەن بو رێکخستن و ھەڤدوو قبولکرنا گیانێ پێکڤە ژیانا ئولی)
ل دوماھیێ گۆت: ( نھا ب رەنگەک گشتی قوتابیێن دەرچویێن رێزا ١٢ێ ئامادەیی ل ھەردوو لقێن زانستی و وێژەیی و خواندنا ئیسلامی و دەرچوویێن ئامادەیێن سەر ب وەزارەتا ئەوقاف و کاروبارێن ئاینی ل پشکێن کولیژا ناڤبری دھێنە وەرگرتن ، ژبەرڤێ گرنگە د ناڤەندێن ئەڤان کولیژان دا بەحس ل ھەموو ئاینان بھێتەکرن)

ئەڤرۆ نیوز ، نەوزاد هلورى:

پشتی کو بو دەما چەند ھەیڤەکان پێشمەرگەیەک ل دوزخورماتو دکەڤیتە دەستێ داعش ، ئەڤرۆ ئەو پێشمەرگە ھاتە رزگارن.

ھندرین رەواندوزی ژ ھێزا پێشمەرگەی ل مێحوەرێ دوزخورماتو بو ئەڤرۆ نیوز گۆت: (ئەو پێشمەرگێ بناڤێ سەید عومەر کو بەری چەند ھەیڤەکان د شەرەکێ ل مێحوەرێ دوزخورماتو ل باشوورێ کەرکوکێ کەفتبویە دەستێ داعش ئەڤرۆ د ھەولەکا دژە تیرورێ دا ھاتە رزگارکرن)

زێدەتر گۆت: ( ئەو پێشمەرگە نھا بەر ب کەرکوکێ ڤە دھێت و ساخلەمیا وی گەلەک باشە و دێ ب کەس و کارێن وی ھێتە شادکرن ڤە )

ئەڤرۆ نیوز ، نەوزاد هلوری:
ژێدەرەکێ ل ناحیا رزگاری یا سەر ب قەزا خەبات ل ساوورێ پارێزگەها بۆ ئەڤرو نیوز دیارکر کو شڤێدی کەسەکێ هەڤژینا خوە و کەسەکێ دن ل مالا خوە کوشتینە.
ئەوی ژێدەری دیارکر ژی کو بابەتی پەیوەندی ب دوسیا ناموسێ ڤە هەیە.
ژلایێ خوڤە موقەدەم پێشەوا رێڤەبەرێ بنگەهێ پولیسێن رزگاری بو ئەڤرو نیوز ئەڤ یەک دوپاتکر و گۆت: ( بەلێ شڤێدی دەردورێن دەمژمێر سێ کەسەکێ هەڤژینا خوە و کەسەکێ دن ل مالا خوە کوشتینە ، بەلێ هەتا نها ئەگەرا کوشتنا ئەوان هەردوو کەسان دیار نینە)
زێدەتر گۆت : ( ئەم وەکو پولیسێن رزگاری مە دەست ب ڤەکولینێ کریە بو زانینا ئەگەرا روودانێ ، پاشان دێ هورکاریێن روودانێ دیارکەین)