NO IORG
نووترين نووچه
نووترين نووچه

ئه‌ڤرۆ نيوز:

رێڤه‌به‌ریا په‌روه‌ردا دهۆك رۆژئاڤا ده‌رگه‌هێ‌ پێشكێشكرنێ‌ بۆ وانه‌بێژان بۆ سالا خواندنێ‌ 2017/2018 ڤه‌كر و هه‌ر ده‌رچوویه‌كێ‌ په‌روه‌رده‌ و په‌روه‌ردا بنیات دشێت پێشكێش بكه‌ت.

په‌روه‌ردا رۆژئاڤا ب تنێ‌ پێدڤی ب بسپۆریێن “زمانێ‌ كوردی، عه‌ره‌بی، ئینگلیزی، بیركاری، كیمیا، فیزیا، زانست، وه‌رزش و هونه‌ر” هه‌یه‌ و هه‌ر كه‌سه‌كێ‌ بڤێت پێشكێش بكه‌ت، دڤێت سه‌ره‌دانا رێڤه‌به‌ریا ناڤبری پشكا خویه‌تی بكه‌ت بۆ تۆماركرنا ناڤێ‌ خوه‌ و پێدڤیه‌ باوه‌رناما خوه‌ ل گه‌ل خوه‌ بینیت.

ئه‌ڤرۆ نيوز:
شارەزایەکێ فەلەکی ئەو پێزانینێن ل دۆر غەیرینا رۆژێ دھێنە بەلاڤکرن کو نە ب تنێ غیرینە، بەلکو دێ دونیا ب دووماھی ھێت؛ رەت دکەت و دبێژیت: رۆژا 21ی ڤێ ھەیڤێ دێ دیاردەکا گەردوونی روو دەت و بۆ دەمێ شەش خۆلەکان رۆژ دێ غەیریت، بەلێ چو کاریگەریێن خراب ل سەر دونیایێ نابن.
ئەژی چەتۆ حەسەن، سەرۆکێ رێکخراوا فەلەکناسێن کوردستانێ بۆ رۆژناما ئەڤرۆ خویا کر، ل گۆری زانستێ فەلەکناسیێ ل رۆژا 21ی ڤێ ھەیڤێ دێ رۆژ غەیریت و دیاردەکا فەلەکناسی دێ روو دەت و گۆت: “ئەڤ رۆژ غەیرینە پتر دێ ل ئەمریکا ھێتە دیتن و ل ھەرێما کوردستانێ ناھێتە دیتن، ژ بەرکو ل دەمژمێر نەھی شەڤێ ل ھەرێما کوردستانێ ئەو دیاردا رۆژگرتنێ دێ ھێتە روودان و ب شەڤێ ژی رۆژ نینە، لەوا ناھێتە دیتن، بەلێ دێ بایەکێ ھوین ھێت و پلێن گەرمێ دێ داکەڤن”.
گۆتژی: “ل 12 ویلایەتێن ئەمریکا ئەڤ رۆژگرتنە ب زەلالی دێ ھێتە دیتن، ئەڤە ژی دیاردەکا فەلەکیا ئاساییە و ھەر چەند سالان جارەکێ ھەیڤ و رۆژ دھێنەگرتن و چو روودانێن ب مەترسی روو نادەن”.
سەرۆکێ رێکخراوا فەلەکناسێن کوردستانێ ئاماژە ب وێ چەندێ ژی کر، وێ دیاردا رۆژگرتنێ چو کاریگەریێن خراب ل سەر مرۆڤ و ژینگەھێ نابن، بەروڤاژی گەلەک مفا بۆ زانستێ فەلەکناسیێ ھەیە، چونکو پتر پەقینێن رۆژێ دیار دبن و گەلەک کارێن دی ل سەر دھێنەکرن و گۆت: “ئەو پێزانینێن د راگەھاندنا جیھانی ژی دا ل دۆر ڤێ دیاردێ دھێنە بەلاڤکرن کو دنیا دێ خراب بیت یان مەترسی یێن ھەین و…ھتد چو راستی بۆنینن، بەلکو رۆژ دێ ھێتەگرتن وەکی کو ل سالا 1999ێ مە دیتی و بۆ دەمێ شەش خۆلەکان ئەو رۆژگرتنە دێ ڤەکێشیت، چونکو رۆژگرتنا تەمامە”.

351

ئەڤرۆ نیۆز،تۆڤی:

ل جیهانێ چەندین گەلان ریفراندۆم ئەنجامداینە،ژ پێخەمەت بگەهنە مافێن خوە یێن رەوا،هندەک ژ وان گەلان ل دەمێ ئەنجامدانا ریفراندۆمێ سەرکەفتن ب دەستڤەئیناینە و بووینە دەولەت،هندەک ژ وان گەلان ژی  هێشتا وەک خوە ماینە و نەبووینە دەولەت،لێ هەر هەولێن وان د بەردەوامن ژبۆ سەخوەبوونێ،وەکو دیار ل وەلاتێ كۆسۆڤۆ ل سالا 2000 ریفراندۆما سەربەخۆیێ ھاتە ئەنجامدان و وی وەلاتی ل سالا 2008 سەربەخۆیا خوە راگەھاند.

دیسا ل ته‌يمۆرا رۆژهه‌لات ريفراندۆم ل سالا 1999 ھاتە ئەنجامدان و وی وەلاتی ژی ل سالا 2002 سەربەخۆیا خوە راگه‌هاند.

هەروەسا ل باشۆرێ سۆدانێ ژی ريفراندۆم ل شواتا 2011 ھاتە ئەنجامدان و وی وەلاتی سەربەخۆیا خوە ل ئیلونا 2011 و ل هەمان سال‌ راگه‌هاند.

ل ھەرێما كەتەلۆنيا یا ئسپانی ژی ريفراندۆم ل سالا 2009 ھاتە ئەنجامدان لێ سەرنەگرت و پاشی ل سالا 2011 هاتە ئەنجامدان لێ هەر سەرنەگرت،دیسان ل سالا 2014 ژی  جارەکادی ریفراندۆم هاتە ئەنجامدان لێ هەر سەرنەگرت،لێ ئەڤ سالە ل چریا ئێكێ دێ جارەکا دی ریفراندۆما سەربەخۆیێ ئەنجامدەنە ڤە.

هەروەسا ریفراندۆما سەربەخۆیێ ل ھەرێما کیوبك یا کەنەدا ل سالا 1980 ھاتە ئەنجامدان لێ سەرنەگرت،دیسا ل سالا 1995 ژی جارەکادی هاتە ئەنجامدان و هەر دیسا سەرنەگرت،لێ هەولێن وان بۆ سەربەخۆیێ د بەردەوامن.

د هەمان دەمدا ل ئوسکوتله‌ندا ل سالا 2014 ریفراندۆم ھاتە ئەنجاندان لێ سەرنەگرت،لێ هەر هەولێن وان بۆ سەربەخۆیێ د بەردەوامن.

لێ یا گرنگ ئەوە مللەتێ کورد ل رۆژا 25 ئیلونا ئه‌ڤ ساله‌ ب گیانێ کوردینیێ و ب دلەکێ پری کەیف بەرەف سندۆقێن دەنگدانێ ڤە بچن و دەنگێ خوە ب بەلێ بدەنە ریفراندۆمێ و دلێ دایکێن شەهیدان ب سەربەخۆیێ شاد بکەن،ب هیڤیا هندێ کو ل دەمەکێ نێزیک ئەم کورد ب دەولەتێ شاد ببین و کۆمارا کوردستانێ رابگه‌هینین.

وەکو دیار هەتاکو نوکە نێزیکی 50 ریفراندۆمان ل جیهانێ هاتینه‌ ئه‌نجامدان و بتنێ (4) ژ وان ب سه‌رپه‌رشتیا نه‌ته‌وێن ئێکگرتی هاتینە ئەنجامدان،هەر چەندە ئەو وەلاتێن ریفراندۆم ئەنجامداین ژی ژ لایێ چ ده‌وله‌تانڤه‌ دانپێدان به‌ری هنگێ پێ نەهاتیەکرن،بەلێ پشتی سه‌رکە‌فتنا ریفراندۆمێ دانپێدان ب سه‌ربه‌خۆیا وان وەلاتان هاتیه‌ کرن و بووینە دەولەت.

ئەڤرۆ نيوز:
ئاژانسا فارس نیۆز یا ئیرانی راپۆرتەک ل دۆر سەرەدانا سەرۆک ئەرکانێن سوپایێ ئیرانێ بۆ تورکیا بەلاڤکریە و تێدا ئاماژە کریە، رێفراندۆما سەرخوەبوونا کوردستانێ، تەوەرێ سەرەکیێ دانوستاندنێن محەمەد باقری، سەرۆک ئەرکانێ سوپایێ ئیرانێ ل گەل بەرپرسێن تورکیا بوو و وان دانوستاندنان شکەستن د رازی کرنا تورکیا دا ئینایە کو د ئێک بەرە دا ل گەل ئیرانێ، دژاتیا رێفراندۆمێ بکەن.
ئاژانسا ناڤبری دایە زانین ژی، د سەر نەرازیبوونا وەلاتێن دەڤەرێ را، لێ رێفراندۆما سەرخوەبوونا کوردستانێ، پرسەکا حەتییە و دێ ھەر ھێتە ئەنجامدان و ھەرێما کوردستانێ بەرھەڤیێن ب ھێز بۆ دکەت.

ئه‌ڤرۆ نیوز:
حه‌یده‌ر عه‌بادی، سه‌رۆكوه‌زیرێن ئیراقێ ب فه‌رمی ده‌ستپێكرنا ئۆپه‌راسیۆنا رزگاركرنا تله‌عفه‌رێ ژ ئالیێ هێزێن ئیراقێ ڤه‌ راگه‌هاند.
عه‌بادی خویا كر: هوون د گه‌ل مزگیینییا سه‌ركه‌فتنه‌كا دینه‌ كو ب ئانه‌هییا خودێ دێ بحههئێت و تله‌عفه‌ر ژی دێ گه‌هیته‌ رێزا ده‌ڤه‌رێن دی یێن رزگاركری، ئه‌ز دبێژمه‌ داعشێ خوه‌ راده‌ست بكه‌ن یان ژی راستی كوشتنێ ببن.”

ئه‌ڤرۆ نيوز:

وەزارەتا دارایی و ئابوری موچەیێ هەمی وەزارەتان و دەستەیان یا مەها شەش يا ٢٠١٧ێ و موچەیێ خانەنشینان و شەهید و ئەنفالکریان و موچەیێ زیندانیێن سیاسی و کێم ئەندامان راگەهاند و بڤی رەنگی:
١-  رۆژا ئێکەشەمبی ٢٠١٧/٨/٢٠ ، موچەیێ ئەنجومەنێ ئاسایش و دەزگەهێ گشتیێ ئاسایش.
٢-رۆژا دوو شەممبی ٢٠١٧/٨/٢١، مووچەیێ کەسوکارێن  شەهیدان و ئەنفالکریان و زیندانیێن سیاسی و مووچەیێ مەها ٦ێ یێ ڤان جهان :
وەزارەتا شەهیدان و ئەنفالکریان – وەزارەتا دارایی و ئابوورى – وەزارەتا ئەوقاف و کاروباری ئاینى – وەزارەتا پلان دانان – وەزارەتا سامێن سروشتی – دەزگەهێ مین – کۆمسیۆنا بلندا هەڵبژاردنێن کوردستانێ – دەستەیا دەسپاکى – دەستەیا وەبەرهێنان – دەستەیا ژینگەهێ – دەڤەرێن کوردستانی یێ دەرڤەیێ ئیدارەیا هەرێمێ – دەستەیا مافێ مرۆڤی – دیوانا چاڤدێریا دارایی.
٣-ڕۆژا سێشەمبی ٢٠١٧/٨/٢٢ مووچەیێ وەزارەتا نافخۆ.
٤-ڕۆژا چارشەمبی ٢٠١٧/٨/٢٣ ، مووچەیێ پەروەردێن  (دەرڤەیێ باژێران) و وەزارەتا کارەبێ.
٥-ڕۆژا پێنج شەمبی ٢٠١٧/٨/٢٤ مووچەى (کێم ئەندامان) و مووچەیێ مەها ٦ى یێ  ڤان جهان تێ دابەشکرن: – پەروەردێن (سەنتەرێ باژێران) – وەزارەتا ساخلەمیێ – وەزارەتا کار و کاروبارێ کۆمەڵایەتى.

٦-ڕۆژا یەکشەمبی ٢٠١٧/٨/٢٧ مووچەى  ڤان جهان تێ دابەشکرن: وەزارەتا خاندنا بلند و ڤەکولینا زانستى – وەزارەتا  ئاڤەدانکرنێ و ئاکنجیبوونێ – وەزارەتا ڤەگواستنێ و  گەهاندنێ – وەزارەتا پیشەسازى و بازرگانى – وەزارەتا باژێرڤانی و گەشت و گوزار – وەزارەتا  چاندنێ و ژێدەرێن ئاڤێ – وەزارەتا ڕۆشنبیرى و لاوان – وەزارەتا داد – ئەنجومەنێ دادوەرى – سەرۆکایەتیا هەرێمێ – سەرۆکایەتیا پەرلەمانی – سەرۆکایەتیا ئەنجومەنێ وەزیران.

٧-ڕۆژێن  دوو شەمبی و سێشەمبی  ٢٠١٧/٨ ٢٨ و ٢٩ ، مووچەیێ خانەنشینێ پێشمەرگە تێ دابەشکرن .

٨-ڕۆژێن چار شەمبی و پێنج شەمبی  ٢٠١٧/٨/٣٠ و٣١ ، مووچەیێ خانەنشێنێ شارستانى  دێ هێته‌ دابەشکرن.

ئەڤرۆ نیوز ، نەوزاد ھلۆری:
ھەرێما کوردستانێ بریاردایە کو ل دوماھیا ھەیڤا ئیلونا ئەڤ سال ریفراندۆمێ ئەنجام بدەت ، زێدەباری کو چوو وەلاتێن جیھانێ ب فەرمی دژاتیا خوە بو ئەنجامدانا وێ نەراگەھاندیە بەلێ ھندەک وەلات دخوازن کو ریفراندۆم بھێتە پاشئێخستن ، رۆژنامەڤانەک ددەتن دیارکرن کو ریفراندۆم وی دەمی گرنگە بھێتە ئەنجامدان دەما کو وەلاتێن جیھانێ دژی ئەنجامدانا وێ بھێنە سەر خەت.
سەرباز سالح روژنامەڤانێ بەرنیاس ل ھەرێما کوردستانێ و پارێزگەھا ھەولێر دیارکر کو پێدڤی یە ب چوو رەنگان ھەرێما کوردستانێ رازی نەبیت ب ئەنجام نەدانا ریفراندومێ و بۆ ئەڤرۆ نیوز گۆت: (ھەر کەسێ جورئەت ھەبیت کو ریفراندۆمێ پاشبێخیت ھەروەکو دوماھی ب سیاسەتا خوە ئینایی ، کوردان دوسیەکا رەوا ھەیە و چوو شەرم ژی پێنەڤێت کو پاشبێخن ، ریفراندۆم وی دەمی یا کاریگەرە دەما کو وەلاتێن جیھانێ ل گەل نەبن ، و دبەرامبەر دا دوسیا رەوایا خوە بەر ب پێشڤە ببەت)
زێدەتر گۆت: ( چوو جاران تورک و فارس ل گەل کوردان نینن و ئەوان ھەردەم دڤێت مادەەیێن ب سەرڤەچوویی ب سەر مەدا تاقی بکەن ، ژبەرڤێ گرنگە ڤێجارێ بو مێژوویێ بلا وەکو خوە رەفتارێ بکەین نەک وەکو وان ، ب ھەموو ئیرادەیا خوە ڤە بێژین ئەم کوردین و دێ ریفراندۆمێ ئەنجام دەین ، بو وان بێژین ئێدی مەژی دڤێت ل ئاستێ ھەوە بین ، نەکو ئەم ب حەز و وەکو وان دڤێت یاریان ب چارەنڤیس و بازار و ساخلەمیا خوە بکەین ھەروەکو دیارە رۆژانە چەندین کەرستەیێن بکێر نەھاتی بو مە فرێدکەن و ئەوان دڤێت ھەتا خوە ب رێیا بەنزینێ ژەھرێ بکەنە ناڤا ژینگەە و ھەوای ، ژ بەرڤێ ئەو چوو جاران نابنە دوست بەلکو دناڤەروک دا پیسترین درندەن و کوردان ب مروڤێن کێم و کاسی دبینن )
سەربازی د درێژاھیا ئاخفتنێن خودا دیارکر ژی کو پێدڤی یە کورد ئەوان ب ئەنجامدانا ریفراندۆمێ و بەلێ بو سەربەخویێ ب تەزینن و گۆت ژی : (نابیت ئەم کورد بەرامبەر وان بتنێ ب لاوازی دیاربین و لدەف وان د مەقبول بین ، د بوری دا دێ ھەموو جورە پەیوەندەیێن مە بو وان روون بن)

ئەڤرۆ نیوز ، ھلوری:
پرسا ریفراندۆمێ سەرەرای کو پەیوەندی ب نافخوەیا وەلاتەکێ ھەیە بەلێ ھەند جاران ژی وەلاتێن دەوروبەر ھەلویستێن خوە رادگەھینن کو ئەڤ یەک ژی بوو پەیوەندیێن ئابووری و سیاسی دزڤریت ، پەرلەمانتارەکێ کوردستانێ دیارکر کو ژ سەرەمێ ٥٠ وەلاتێن جیھانێ ب تنێ چوار وەلاتان لژێر چاڤدێریا نەتەوەیێن ئێگرتی ریفراندۆم ئەنجامدایە.
دکتور عەبدوللا جاسم رێکانی ئەندامێ پەرلەمانێ کوردستانێ گۆت: ( ھەتا نھا ل جیھانێ ٥٠ ریفراندۆم ھاتینە ئەنجام دان بەلێ ژ وان ژی بتنێ چوار ریفراندۆم لژێر چاڤدێریا ئێکسەر یا نەتەوەیێن ئێگرتی ھاتینە ئەنامدان )

ئەڤرۆ نیوز ، ھلۆری:
پشتی کو دوھی د ھێرشەکا تیرورستی دا بو سەر باژێرێ بارسێلونا ئیسپانی چەند کەس ھاتینە کوشتن و بریندارکرن و دوڤدا داعشێ بەرپرسیارەتیا خوە ژ وێ ھێرشێ راگەھاندنی ئەڤرۆ سەرۆکێ ھەرێما کوردستانێ مەسعود بارزانی پەیامەکا ھەڤخەمیێ بو بارسێلونا ھنارت.
ئەڤرۆ مەسعود بارزانی سەرۆکێ ھەرێما کوردستانێ پەیامکا ھەڤخەمیێ بو بارسێلونا ھنارت ل بارا ئەوێ کریارا تیرورستی یا کود وھی ل وی باژێری روودایی و دبێژیت : ( ب توندی ھێرشا تیرورستی یا سەر بارسێلونا ئیدانە دکەین و سەرەخویێ ژی ل کەس و کارێن قوربانێن ئەوێ کریارا درندانە دکەین و ھیڤیا چاکبوون و سلامەتیێ بلەز بو برینداران ژی دخوازین)
بارزانی زێدەتر گۆت: ( گەلێ کورد کو ھەردەم قوربانێ دەستێ تیرورێ یە و د سەنگەرێن بەراھیێ یێن شەرێ تیورستان دکەت ، بەلێ خوە ب ھەڤپشکا خەما باژێرێ بارسێلونا ژی دبینیت)

ئەڤرۆ نیوز ، نەوزاد ھلۆری:
دەما دوو روژایە پولیسێن فیدرالی ھژمارەکا زور یا ھێزێن خوە ب چەکێ گران و تانک و زریپوشان ل دەردرێن قەزا تەلەعفەر کومکرینە ، کەفتیە د حالەتێ بەرھەڤیێ بو شەرێ زەمینی ل گەل داعش ، بەلێ ھتا نھا ھێزێن پێشمەرگەی چوو لڤین و پێشڤەچوون نینن ، بەرپرسەکێ ھێزێن پێشمەرگەی دیارکر کو ھێزێن عیراقی خالا دناڤبەرا شنگال و تەلەعفەر لسەر ئاخا کوردستانێ بەزاندیە.
دڤی واریدا “موقەدەم سەمەدار رزا زێباری ” ل لیوا ١٢ یا سەر ب وەزارەتا پێشمەرگەی لە قەزا تەلەعفەر بۆ ئەڤرۆ نیوز گۆت: (ھەموو ھێزێن عیراقی ئەڤێن کو بەر ب ئاراستەیێ تەلەعفەر ھاتین ل سنوورێن تەلەعفەر وەکو بادوش و بەعاج و شنگالێ جێگیربوینە و چاڤەرێ فەرمانێ دکەن بو شەرێ زەمینی ل گەل داعش ، و ئەڤە د دەمەکێ دایە کو نێزیکێ چوار رۆژایە ب رێیا ئاسمانی بوردومانا تەلەعفەر دەست پێ کری)
زێدەتر گۆت: ( ئەو خالا سنووری یا کو بو ھێزێن عیراقی دناڤبەرا تەلەعفەر و شنگال ھاتیە دیارکرن کو نابیت ببەزینن ب مخابنیڤە ھێزێن عیراقی ئەو ھێل بەزاندنیە ، زێدەباری کو پێشمەرگەی چوو لڤین و پێڤەچوون نەکرینە بەلێ ھەموو ئەو ھێزێن پێشمەرگەی یێن ل ئەوان جھان کەفتینە د حالەتێ بەرھەڤیێ دا و چاڤەرێ دکەین بزانین کا نیەتا ھێزێن عیراقی چی یە بو بەزاندنا ئەوێ خالێ)
زێباری د درێژاھیا ئاخفتنێن خودا دیارکر ژی کو ھژمارەکا زورا ئاوارێن تەلەعفەر بەر ب سەنگەرێن پێشمەرگەیان ڤە دھێن و گۆت ژی: (ھەتا نھا زێدەتری ٩٠٠ ئاوارەیان گەھشتینە سەنگەرێن پێشمەرگەی و ل ڤێرە جھێن دەمکی بو درۆست کەن پاشان ب رێیا ترۆمبێلان بۆ کەمپا حەمام عەلیل دھێنە رەوانەکرن)

website security
WP Facebook Auto Publish Powered By : XYZScripts.com