ئەڤرۆ نیوز، لەزگین جوقی :
رێڤەبەرێ نڤیسینگەھا رزگارکرنا رەڤاندیێن کوردێن ئێزدی، دیارکرکو بەرێ دەمەکێ کێم زارۆکەکێ کوردێن ئێزدی ژ دەستێن تیرۆرستێن داعش ل سوریا ھاتە رزگارکرن و گەھشتە ناڤ کەس و کارێن خوە ل دھۆکێ
دڤی واریدا حسێن کورۆ قائێدی رێڤەبەرێ نڤیسینگەھا رزگارکرنا رەڤاندیێن کوردێن ئێزدی بۆ ئەڤرۆ نیوز گۆت : ( ئەڤرۆ ٢/٧/٢٠١٧ زارۆکەکێ دژیێ ٧ سالیێ دا ب ھەڤکاریا خێرخوازان ھاتە رزگارکرن وگەھشتە ناڤ کەسێن وکارین خوە ل دھۆکێ کو خەلکێ دەڤەرا گوندێ وەردی یە ل قەزا شنگال ل رۆژا ٣/٨/٢٠١٤ سەردەمێ حکومەتا نوری مالیکی ھاتبوو گرتن ورەڤاندن ئەڤە بۆ ماوی سێ سالانە دەستێ تیرۆرستێن داعشدا(

ئەڤرۆ نیوز ، ھلوری:

ئەڤرۆ ئاگرەک ل بازارێ موبایل فروشێن قەزا رانیێ کەفت و ملیونەک دولار زیان پشت خوە ھێلان.

رائید حسێن عەبدوللا رێڤەبەرێ بەرەڤانیا باژێری ل دەڤەرا راپەرین بو دەزگەھێن راگەھاندنێ گۆت: (ژ بەر سەدەما شووتەکێ کارەبایی ئاگرەکێ مەزن ل بازارێ موبایلان ل سەنتەرێ قەزا رانیێ یا سەر ب دەڤەرا راپەرین کەفت و زێدەتری ملیونەک دولاران زیان گەھاندن بازارێن وان)

زێدەتر گۆت : (ھەر چەندە تیمێن مە شیان چەند دوکانەکان رزگار بکەن ، بەلێ ب مخابنیڤە 12 دوکانێن موبایلان ھاتنە سووتن)

ئەڤرۆ نیوز ، نەوزاد ھلۆری:
ئەڤرو سپێدێ ژ بەر سەدەما تەقینا مینەکا چاندی شڤانەک ل سنوورێ ناحیا حاجی ئومەران یا سەر ب پارێزگەھا ھەولێرێ ھاتە کوشتن.
دڤی واریدا ” زێبار خالد ” ژ راگەھاندنا رێڤەبەریا گشتی یا کاروبارێن مین و تەقەمەنیان ل ھەولێرێ بۆ ئەڤرۆ نیوز گۆت: ( ئەڤ مینە مینەکا چاندی بوو ل چیایێ کودو ل سنوورێ ناحیا حاجی ئومەران یا سەر ب قەزا چومان ڤە ل پارێزگەھا ھەولێر ، ب مخابنیڤە شڤانەک بناڤێ ئیسماعیل عوسمان ھاتە کوشتن کو ژیێ وی ٥٥ سالن )
زێدەتر گۆت: ( پێدڤی یە وەلاتی ب تایبەتی ژی شڤان خوە ل وان جھان بپارێزن یا کو گومانا مین و تەقەمەنیان ھەیە و ناکەڤنە بن دەستھەلاتا حکومەتا ھەرێما کوردستانێ و ئەوان دەڤەرێن کو ئاریشەیێن سیاسی لسەر ھەیی)
ل گورەی زانیاریێن ئەڤرۆ نیوز  ئەڤە سێیەم کەسە ل سنوورێ ناحیا حاجی ئومەران وەکو شڤان دھێنە کوشتن و کەسەک ژی برینداربوویە.

ئەڤرۆ نیوز ، نەوزاد ھلۆری:
ئەڤرۆ سپێدێ ل سنوورێ قەزا شێخان یا سەر ب پارێزگەھا دھۆک د روودانەکا ھاتن و چوونێ دا ٢٣ کەس بونە قوربانی ، خوشبەختانە ھەموو قوربانی بریندارن ، و راگەھاندنا ھاتن و چوونا شێخان ژی دیارکر کو پێنج ژ برینداران برینا وان گرانە.
دڤی واریدا دلشاد محەمەد ژ راگەھاندنا ھاتن و چونا شێخان بۆ ئەڤرۆ نیوز گۆت: ( ئەڤرۆ ل دەمژمێر ٥ێ سپێدێ ل نێزیک ناحیا کەلەکچی یا سەر ب قەزا شێخان ترومبێلەکا کەیا بارھەلگر وەرگەریا و ٢٣ کەس تێدا بونة قوربانى ، بەلێ سوپاس بو خودێ قوربانیێ ئەوێ روودانێ ھەموو بریندارن ، و بەلێ پێنج ژ برینداران رەوشا وان نەیا باشە)
زێدەتر گۆت: ( بریندارێن روودانی ھەموو بو نەخوشخانا شێخان و نەخوشخانا تەنگاڤیا ل دھوکێ ھاتنە رەوانەکرن )
ل گورەی ئاخفتنێن دلشاد ئەو کەسانێن دناڤا ئەوێ ترومبێلێ دا کرێکاربوون و دچوونە سەر کاری.

ئەڤرۆ نیوز ،بارزان مزووری:
ژبەر سەدەما تەقینا بومبەکا چاندی یا چەکدارێن داعش ل ناحيا  باشیک یا سەر ب پارێزگەھا موسل سێ پێشمەرگە برینداربوون کو خەلکێ پارێزگەھا دھۆکێ نە.
دڤی واریدا لیوا شەفیق چاڤشین فەرماندەیێ لیوا ١١٢ یا ھێزێن پێشمەرگێ کوردستانێ ل ناحيا باشیک بو ئەڤرۆ نیوز گۆت : (ئیڤاریا ئەڤرۆ ژ ئەنجامێ تەقینا بومبەکا چاندنی یا چەکدارێن داعش ل فلکا عەزاوی ل نێزیک سەنتەرێ باشیک د ئەنجام دا سێ پێشمەرگە بریندار دبن ، سوپاس بو خودێ پشتی کو بو نەخوشخانا تەنگاڤیا ھەولێر ھاتینە ڤەگوھاستن رەوشاوان باشە ، بەلێ ھێشتا برینا ئێک ژ وان نەیا باشە و پێدڤی ب چارەسەریێن زێدەترە و ل بن چاڤدێریا نوژداران دایە)
زێدەتر گۆت: ( ئەو پێشمەرگێن کو ھاتینە بریندارکرن پێشمەرگێن فەوجا چوار یا سەر ب لیوا ١١٢ ، کو ل دەڤەرێ مژولی ژناڤبرنا بەریماکێن داعشێ بون کو ئاکنجیێن پارێزگەھا دھۆکێ بوون )

ئەڤرۆ نیوز ، نەوزاد ھلۆری:
پشتی پێنج رۆژان ژ بەرزەبوونا وەلاتیەکێ گوندێ ھلورا یا سەر بە ناحیا شێلادزێ دەمەک بەریا نھا ھاتە دیتن.
عەبدوللا ھلوری موختارێ گوندێ ھلورا یا سەر ب ناحیا شێلادزێ تایبەت بۆ ئەڤرۆ نیوز گۆت: ( پشتی پێنج رۆژان ژ بەرزەبوونا وەلاتەکێ گوندی َمە بناڤێ مێڤان ھلوری د رووبارێ زیێ مەزن دا دەمەک بەریا نھا ژلایێ وەلاتیەکێ ھاتە دیتن ، و سوپاس بو ھەرسێ تیمێن نقومڤانێن زاخو و بارزان و شێلادزێ و هةموو وان كةسانيَن کو د لێگەریانێ دا ھەڤکاربووین و سوپاس بو فەرزەندە زوبێر زێباری کو ھەڤکاربوویە )