ئەڤرو نیوز ، ھلوری:
دەمەک بەریا نھا ئەمیندارێ گشتیێ ئێکگرتوویا ئیسلامیا کوردستانێ راگەھاند کو سەروکاتیا پەرلەمانێ کوردستانێ ب ھەمان دەستەیا خوە ڤە دێ ھێتە کارانکرن.
ماموستا سەلاحەدین ئەمیندارێ گشتیێ ئێکگرتوویا ئیسلامیا کوردستانێ دیارکر کو سەروکاتیا پەرلەمانێ کوردستانێ ب ئەوێ دەستەیا کو نھا ھەیی دێ ھێتەکاران کرن ڤە و ھەموو وەزیرێن گۆرانێ ژی دی َزڤرن لسەر کارێن خوە
ئەڤرۆ نیوز ، نەوزاد ھلۆری:
ئێڤاریا ئەڤرو بەرێز مەسرور بارزانی پێشوازی ل شاندەکێ بالایێ ماموستا و زانایێن ئاینیێن مەسیحی ب سەروکاتیا مەتران “بەشار وەردە و نیکودیمس شەرەف ” کر ، و دیدارەکێ دا بەحس ل رەوشا مەسحیان ل عیراق و ھەرێما کوردستانێ ھاتەکرن و مەسرور بارزانی ی ژلایێ خوڤە دیارکرن کو دێ ھەرێما کوردستانێ ھەر مینیت وارگەگەە بۆ پێکڤە ژیانا ئولی و نەتەوەیی.
مەسرور بارزانی سەروکێ ئاژانسا پاراستنا ھەرێما کوردستانێ دیارکر کو کوردستان وارگەھێ پێکڤە ژیانا ئول و نەتەوەیی یە و گۆت: (ئەم ل ھەرێما کوردستانێ رژدین کو باشترین مودێلا پێکڤە ژیانێ ل ھەرێما کوردستانێ دناڤبەرا ھەموو پێکھاتەیێن ئولی و نەتەوەیی درۆست بکەین و ب شانازی و دلخوشی ڤە پێشوازیا ھەموو وان کەسان دکەین یێن کو پەنایێ بو ھەرێما کوردستان و ئارامیا ھەرێمێ دئینن)
زێدەتر گۆت: (ئەم وەکو ھەرێما کوردستانێ ل گەل وێ یەکێ کو کو مەسیجی ب خوە دەڤەرێن خوە ب تایبەتی ل دەشتا نەینەوا ب رێڤە ببەن ، ئەم ژی ب ھەموو شیانێن خوە دێ لسەر پاراستنا سەر و مالێن ئەوان بەردەوام بین)
ئه‌ڤرۆ نيوز:
پالپشت ب نڤیسارا وەزارەتا خواندنا بلند و ڤەکولینێن زانستی یا ژمارە (806 ) ل 13) /06/2017) یا هەڤپێچ کری , هەوەیێن بەرێز ئاگەهدار دکەین ل دور راگەهاندنا ئەنجامێن یێن کاندیدێن خواندنا بلند ( دبلوما بلند, ماستەر و دکتورا) بو سالا خواندنێ ٢٠١٦- ٢٠١٧ بو سمێستەرێ هاڤینێ, و بو هەوەیێن رێزدار دیار دکەین کو هەر پێشکێشکارەکێ نە رازی ژ ئەنجامێن هاتینە راگەهاندن مافێ هەی نەرازیبوونا خو دیاربکەت ب شێوەکێ فەرمێ ل هوبێن خواندنا بلند ل کولیژان بو ماوێ (3) روژان هەر ژ دەمێ راگەهاندنا ئەنجامان.
ئەڤرو نیوز ، نەوزاد هلوری:
سپێدەیا ئەڤرو ل گوندەکێ سەر ب پارێزگەها هەولێر کەسەکێ هێرش کرە سەر مالا خزمێن خوە و خەسی و کەسەکێ دن کوشتن ، سەرەرای کو ژلایێ پولیسان ڤە نەهاتیە گرتن د هەمان دەم دا یێ هەرەشەیان ژی ل وێ مالێ دکەت ب کوشتنێ.
ژیدەرەکێ ژ خێزانا کو دەستدرێژی لێ هاتیەکرن بو دەزگەهێن راگەهاندنێ گۆت: (سپێدەهیا ئەڤرۆ ل گوندێ حەسارت ژاڤایێ مە هێرش کریە سەر مالا مە و خەسیا خوە ل گەل کەسەکێ دن کوشتن و رەڤیە ، هەتا نها ژلایێ پولیسان ڤە نەهاتیە گرتن)
زێدەتر گۆت: (مە راپورتا نوژداری هەیە کو دیاردکەت کو ئەوی کەسی هەڤژینا خوە ب دژواری قوتایە و بریندارکریە ، مەژی سکالا تومارکربوو ، ژبەرڤێ ئەڤرو ب نیشکەکێڤە ئەوی ئەڤ روودانە ئەنجامدا ، و نها ژی ب رێیا تلفونێ هێشتا هەرەشەیێن کوشتنێ دکەت)
ئەڤرو نیوز ، نەوزاد هلۆری:
ل سنوورێ قەزا سوران تەرمێ کەسەکێ ب رزی هاتە دیتن ، بو زانینا ئەگەرا روودانێ ژی پۆلیسان دەست ب ڤەکولینێ کریە.
دڤی واریدا هەوار ئەرگوشی ئاخفتنکەر و بەرپرسێ راگەهاندنا پۆلیسێن قەزا سوران بۆ ئەڤرو نیوز گۆت: (ل نێزیک گوندێ شانەشا ل ناحیا سیدەکان کودکەڤیتە سەر سنوورێ باشوور و باکوورێ کوردستانێ یا سەر ب قەزان سوران ڤە تەرمێ کەسەکێ نەناسیار ب زری هاتە دیتن کو چوو گوشت ب لەشێ ویڤە نەمابوو و وەسا دهاتە خویاکرن کو ئەو دەمەکێ زۆر بوو هاتیە کوشتن و هاڤێتن)
زێدەتر گۆت: (هەرچەندە تەرمێ وی کەسی نەیێ ناسیارە ، بەلێ ل نێزیک تەرمی چانتەک هاتیە دیتن کو ناسنامەکا ب رەگەز تورکی بناڤی “بوزین محەمەد یەشار” تێدابوویە ، بو زانینا ئەگەرا روودانێ ژی تەرم هاتیە رەوانەکرن بو نەخوشحانا داد ل هەولێر)
ئەڤرۆ نیوز ، نەوزاد هلوری:
چەند روژ بەریا نها ل زاردەڤێ مەلا خەواجە هاتیە بەلاڤکرن کو مەلا خەواجە لسەر مینبەرێ گوتیە کو زەکاتا زەنگینەکێ دهۆکێ 400 دەفتەرێن دولاری نە، پشتی کو ئەڤرو نیوز دوڤچونا بابەتی کری ناڤبری دیارکر کو ئەوی ئەڤ یەک گوتیە و شاش بوویە ، بەرهەڤ نینە کو داخوازا لێبورینێ بکەت.
دڤی واریدا “مەلا خەواجە” بو ئەڤرو نیوز گۆت: (راستە من لسەر مینبەرا مزگەفتێ گوتیە کو زەکاتا زەنگینەکێ دهۆکێ 400 دەفتەر دولارێن ئەمریکی نە ، بەلێ ئەز شاشبووم و من سفرەک زێدە دانایە بەر هژمارا کو بو من هاتیە گوتن ، بەلێ ژ کەربێن وان کەسانێن ژ بەر شاشیێن خەلکی راوەستایی و باشیێن وان ژ بیرکرین ب چوو شێوەیان دانپێدانێ ب شاشیا خوە ناکەم ، بەلێ یاکو بو من هاتیە گوتن و یا دروست 40 دەفتەربوون نەک 400 دەفتەر و ئەو کەسێ بو من گوتی ، دیارکریە کو ئەوی ب خوە پارێن وی خواندینە)
زێدەتر گۆت: (ژ سالا 2009 هەتا نها ئەز خوتبان دخونم و هەزاران وتارێن خێرێ من خواندینە و چەندین سالان ژی من زەکات و خێر و خێران کومکرینە بو هەژاران ، بەلێ کەسێ چو جاران بەحس نەکریە ، و من دڤێت دووبارە بێژم ڤە کو مە پێنج ملیاردێر ل دهۆکێ هەنە ، 10 ژی ل هەولێر و پێنج ژی ل سلێمانیێ هەنە ، و دیار نینە کا زەکاتا خوە ددەن یان نە)
ل بارا وێ یەکێ کا دێ داخوازا لێبورینێ ل خەلکی خوازیت یان نە سەرا ئەوێ شاشیا لسەر مینبەرێ کری ، ناڤبری گۆت: (ب چو شێوەیان داخوازا لێبورینێ ناکەم ، و من سوز ژی دایە کو ئێدی ئەز چو جاران زەکات و خێر و خێراتان بو هەژاران کوم نە کەم ڤە ئێدی وەرنەگرم ڤە)
ئەڤرۆ نيوز:
دەنیز زەیرەک نڤیسەرێ ناڤدارێ تورکیا کو کەسەکێ نێزیکی حوکمەتا تورکیایە د بابەتەکا خوە دا کو دوھی ل رۆژناما حوریەت یا تورکیا بەلاڤ بوویە دیار دکەت کو حوکمەتا ئاکپارتی خوە بۆ ھەلبژارتنێن پێشوەخت ل سالا ٢٠١٨ بەرھەڤ دکەت، چونکو ھەلبژارتنێن باژێرڤانیان و ھەلبژارتنێن سەرۆکاتیێ دێ کەڤنە دووڤ ئێک و ژ بەر ھندێ ژی حوکمەتا ئاکپارتی دخوازیت ھەلبژارتنێن پێشوەخت ل سالا ٢٠١٨ دا بھێنە کرن و وان دڤێت ل ھەلبژارتنێن باژێرڤانیان ڤێجارێ دەنگێ خوە زێدە بکەن، ژ بەر ھندێ ژی دێ ھەلبژارتنێن پێشوەخت ل سالا ٢٠١٨ ھێنە کرن.
ناڤھاتی د بەردەوامیا بابەتێ خوە دا دبێژیت کو چەندین کەسێن نێزیکی ئەردۆگانی ئەو یەک بۆ من دیار کرینە و ئاکپارتی دەست ب بەرھەڤیان کریە، ھەروەسا پارتیا کۆماریا گەل ژی ھەست ب نیەتا ئاکپارتی یا کری و سەرۆکێ وێ پارتیێ ژی داخواز ژ ئەندامێن سەرکردایەتیا پارتیا خوە کریە کو خوە بۆ ھەلبژارتنێن پێشوەخت ل سالا ٢٠١٨ بەرھەڤ بکەن.
ناڤھاتی ئاماژە ب ھندێ ژی دکەت کو ژ بەر ئالۆزیێن ل رۆژھەلاتا ناڤین و تورکیا ئەردۆگانی دڤێت پشتەڤانیا خەلکی جارەکا دی بدەستڤە بینیت و ب تایبەتی ژی وان دڤێت ل ھەلبژارتنێن باژێرڤانیان ل باکورێ کوردستانێ سەرکەڤتنەکا مەزن تۆمار بکەن و بشێن پرانیا باژێرڤانیان ژ دەستێ پارتیا دیموکراتیک یا گەلان دەرخینن و ژ بەر ھندێ ژی ئەز پشتراستم دێ ھەلبژارتنێن پێشوەخت ل تورکیا ھێنە کرن.
ئه‌ڤرۆ نيوز:
گەلێ کەتەلۆنیا ب ئارمانجا پشتەڤانیکرنا بریارا سازکرنا ریفراندۆما سەرخوەبوونێ ل باژێرێ بەرشەلۆنا یێ پایتەختێ کەتەلۆنیا داکەڤتنە مەیدانێ و دەستخوەشی ل پێنگاڤا حوکمەتێ کرن و پێپ گواردیۆلا ناما گەل یا سەرخوەبوونێ خواند و سەرۆکێ کەتەلۆنیا ژی راگەھاند کو دەمێ دەولەتبوونێ ھاتیە و بریارا سازکرنا ریفراندۆما ھەرێما کوردستانێ ژی پیرۆز کر.
کارلیس پویدیمۆنت سەرۆکێ ھەرێما کەتەلۆنیا یا سەر ب ئیسپانیا د ئاھەنگ ئانکۆ میتینگا پیرۆز کرنا بریارا سازکرنا ریفراندومێ د یەکێ جۆتمەھا ئەڤسالێ دا، ئاخاڤتنەک پێشکەش کر و راگەھاند کو ھەر نەتەوەک مافێ خوە یێ رەوایە چارەنڤیسێ خوە ب ئیرادا خوە دەستنیشان بکەت و گۆت: (ئارمانجا مە ئەڤە کو ب رەنگەکی ئاشتیانە ژ ئیسپانیا جودا بین و دەولەتا خوە ئاڤا بکەین و بۆ ڤێ مەرەمێ ژی مە ل پەرلەمانی بریار دا رۆژا یەکێ جۆتمەھێ ریفراندۆمێ ساز بکەین و وەلاتیێن مە بریارێ ل سەر پاشەرۆژا خوە بدەن، ئەڤ بزاڤا مە ب تەمامی بزاڤەکا دیمۆکراتیکە و دڤێت حوکمەتا ئیسپانیا و دادگەھا بلند ژی ب ھەمان رەنگێ دیمۆکراسیێ بەرسڤا مە بدەن و رێ خوەش بکەن دا کو گەلێ مە چارەنڤیسێ خوە دیار بکەت).
د پشکەکا دی یا ئاخاڤتنا خوە دا ژی سەرۆکێ ھەرێما کەتەلۆنیا ل سەر رەوشا ناڤخوەیی یا کەتەلۆنیا ژی راوەستیا و دیار کر، ھەرێما کەتەلۆنیا ھەموو بنەمایێن دەولەبوونێ ئاڤا کریە و ژ ھەر واری ڤە ئاستا خوە ژ دەولەتێن ئورۆپا کێمتر نینە و گۆت: (ل وەلاتێ مە سیستەمەکا دیمۆکراتیک و پەرلەمانتاری و کۆماری ھاتیە بجە کرن و کەلتورێ دیمۆکراسیێ د ناڤا گەلێ مە دا د ئاستێ ھەری بلند دایە و د وارێ ئابووری و سیاسی و جڤاکی ڤە ژی وەلاتێ مە رێکخستن کریە و ھێڤیدارم نەتەوێن یەکگرتی و ئێکەتیا ئورۆپا ژی ببنە پشتەڤان بۆ سازکرنا ریفراندۆمێ و پێشوازیێ ل بریارا ریفراندۆمێ و ئەنجامێن وێ بکەن).
د ئاخڤتنا خوە دا کارلیس پویدیمۆنت سەرۆکێ کەتەلۆنیا ل سەر بریارا سازکرنا ریفراندۆمێ ل ھەرێما کوردستانێ ژی راوەستیا و دیار کر بریارا سازکرنا ریفراندۆمێ و دیارکرنا چارەنڤیسێ خوە بریارەکا گەلەکا دروستە و کارەکی گەلەک رەوایە و ئەم وەکو کەتەلۆنیا پشتەڤانیێ ل بریارا ھەرێما کوردستانا عیراقێ دکەین و دڤێت ھەموو جیھان ئێدی گوە بدەتە داخوازیێن نەتەوێن بێ دەولەت و ببنە پالپشت دا کو پاشەرۆژا خوە ب ئیرادا خوە دیار بکەن.
د متینگ ئانکۆ ئاھەنگا پیرۆزکرنا بریارا ریفراندۆمێ دا نێزیکی ٦٠ ھزار وەلاتیێن ھەرێما کەتەلۆنیا ئامادە بوون و درووشمێن بۆ سەرخوەبوونێ بلند کرن و پەیامەکا ب ھێز دانە پەرلەمانێ کەتەلۆنیا کو ئەو پشتەڤانێ ئاڤاکرنا دەولەتا سەربخوە نە. د متینگێ دا پێپ گواردیۆلا راھینەرێ بەرێ یێ یانا تەپا پێ یا بەرشەلۆنا کو نھا راھینەرێ یانا مانچسیتر سیتیە ئاخاڤتنەک پێشکێش کر و راگەھاند کو ئەو وەکو وەلاتیەکێ کەتەلۆنیا پشتەڤانیێ ل راگەھاندنا دەولەتا سەربخوە یا کەتەلۆنیا دکەت و گۆت: (مافێ گەلێ مەیە بریارێ ل سەر پاشەرۆژا خوە بدەت و نابیت نە حوکمەتا ئیسپانیا و نە ژی دادگەھا بلند دژایەتیا سازکرنا ریفراندۆمێ بکەن و دڤێت ب رەنگەکی شارستانی و دیمۆکراتی پێشوازیێ ل داخوازا گەلێ مە بکەن و ئەز وەسا باوەر دکەم گەلێ مە د ھەر واری دا ھێژایی دەولەتەکا سەربخوەنە و مافێ دیارکرنا چارەنڤیسێ مافەکی سروشتی یێ ھەر ملەتەکیە و نابیت چو کەس دژایەتیا وێ بکەت).
ھەژی گۆتنێ یە نھا ل ئورۆپا و نەیەوێن یەکگرتی بابەتا کو ھەری زێدە کەڤتیە رۆژەڤێ بابەتا سازکرنا ریفراندۆمێ ل ھەرێما کوردستانێ و ھەرێما کەتەلۆنیایە و ھەر دو ھەرێم ژی رژدن ل سەر سازکرنا ریفراندۆمێ و وەسا دھێتە باوەر کرن کو ھەر دو ھەرێم ژی ھەموو بنەمایێن دەولەتبوونێ ئاڤا کرینە و مافێ وانە بریارێ ل سەر پاشەرۆژا خوە بدەن.
شارەزایەکێ لەشکری ئاماژە بوێ چەندێ دکەت، کو پێشبینی دھێتەکرن ل داھاتی حەشدا شەعبی بکەڤیتە لیستا تیرۆرێ دا ئەوژی ژبەر تاوانێن ل مووسل ئەنجامددەت ھەروەسا دیارکر، دوورکەفتنا ھێزێن عیراقی ل سەنگەرێن پێشمەرگەی کاریگەری لسەر پێشڤەچوونێن ھێزێن عیراقی ھەبوویە نەشێن بێ ھەماھەنگیا پێشمەرگەی ب رەنگەکێ لەز پێشڤەبچن.
عەقید مەسعود سالح، شارەزایێ لەشکری بۆ رۆژناما ئەڤرۆ گۆت” گروپێن حەشدا شەعبی زۆر تاوانێن دڕندانە ل نەینەوا ئەنجامداینە و ئەف تاوانژی ھند مەزنن دێ شێم بێژم کارەسات بسەرێ خەلکی ئیناینە، بتایبەتی ھەمبەر وەلاتیێن سونە مەزھەب لڤێ پارێزگەھێ، ژبەرکو حەشدا شەعبی خواستیە مفای ل ستەمکاریا گروپا تیرۆرستیا داعش وەربگریت و مینا داعش بزافکرینە ب کوشتن و ئەشکەنجەدانا وەلاتیان خواستیە وەلاتیێن سڤیل بێدەنگ بکەت، ئەز بدوور نابینم ب ئەگەرێ ئەنجامدانا ئەڤان تاوانان حەشدا شەعبی ل داھاتی دێ کەڤیتە لیستا رێکخراوێن تیرۆرستی ل جیھانێ ھەموو گروپێن حەشدا شەعبی دێ ب تیرۆرێ ھێنە تۆمەتبارکرن، ناکۆکیێن توند دناڤبەرا گروپێن حەشدا شەعبی دا ھەنە و حوکمەتا عیراقێ ژی ب ئەگەرێ ئەڤان ناکۆکیا توشی ئیحراجیێ ھاتیە ئەڤان رەفتارێن حەشدا شەعبی عیراق ئێخسیتیە مەترسیێ دا.
لدۆر گرتنا مووسلژی عەقید مەسعود ساڵح گۆت” چەند ئەگەرەک ھەنە بۆ گیروبوونا گرتنا مووسل و دوماھی ئینان ب داعش ل ئەڤی باژێڕی، دەمێ پلان بۆھەر شەڕەکی دھێتەکرن ل سێ لایانڤە خوە ژبۆ دھێتە بەرھەڤکرن، بەلێ ئەف پلانا عیراقێ دانای بۆ گرتنا مووسل ھندەک شاشی تێدا ھەبوون، بتایبەتی بڕیاربو ئۆپەڕاسیۆنا گرتنا رەقەژی دگەل مووسل بھێتە دەستپێکرن، ل دەستپێکرنا شەڕێ مووسل گروپا تیرۆرستیا داعش ھەموو دەستھەلات داینە ئەمیر و سەرکردەیێن خوە و بەلافکرینە لسەر تاخێن باژێڕی، واتە ھەموو دەستھەلات ھەبن ھەرتشتێ ل دەستبھێت بکەن تنێ بۆ مانا خوە، ھەتا پیلانەک بجە ئینان وەلاتیێن سڤیل کرنە قەلغان ھێزێن عیراقی شەھرەزایی نەبو ل ئەڤان پیلانا و نەشیان وەکە پێدڤی داعش بشکێنن، ھەروەسا ل دەستپێکا شەڕێ مووسل ھێزێن پێشمەرگەی ھەڤکاریا ھێزێن عیراقی دکر و بشێوەیەکێ لەز لەشکرێ عیراقێ پێشڤەدچوون، بەلێ نوکە ھێزێن عیراقی ل سەنگەرێن پێشمەرگەی دوورکەفتینە و ئەف ھەماھەنگیا بەری َنەمایە و کاریگەری لسەر ھێدی بڕێڤەچوونا ھێزێن عیراقی ھەبوویە، بتایبەتی ژلایێ ھەوالگەری پێشمەرگەی زانیاریێن باش داینە ھێزێن عیراقی، ئەڤە ھەموو ئەگەرێن ڤێ چەندێ بوون ئۆپەڕاسیۆنا گرتنا مووسل گیرووببیت.
ئه‌ڤرۆ نيوز:
فەرماندی ھێزا ئێزدخانێ ل شنگال دیارکر، کو ھەموو کوردێن ئێزدی دێ دەنگدانێ بەلێ بۆ ریفراندۆم و سەربەخوەیا کوردستانێ دەن، چونکو خەونا مللەتێ کورد دەولەت بوونە.
حەیدەر شەشۆ فەرماندی ھێزا ئێزدخانێ ل شنگال گۆت: ریفراندۆم بۆ سەربەخوەیا کوردستانێ خەونا ھەموو مللەتێ کوردە ژمێژە ئێزدی چاڤەرێ ڤێ رۆژا مێژوویی دکەن، ئێزدخان ھەموو دێ پێکڤە بەرەڤ دەنگدانا بەلێ بۆ ریفراندۆمێ و سەربەخوەیا کوردستانێ چن، چونکی ریفراندۆم دێ چارەنڤیسی شنگالیان دیار کەت، ئێدی ئێزدخان تووشی قڕکرنێ نابیت، و دێ ھێتە سەر ب ھەرێما کوردستانێ ڤە.
ناڤبری ھەروەسا گۆت: گرنگە ھەموو ئێزدی یەکرێز بن بۆ ریفراندۆمێ دەنگدانا بەلێ بۆ سەربەخوەیا کوردستانێ دەنگی بدەن، چونکی دێ ھەموو خەونێن مللەتێ مە بجە ئینت.
شێخ شامو نوونەرێ کوردێن ئێزدی ل پەرلەمانێ کوردستانێ وی ژی دیارکر، کو بڕیارا ئەنجامدانا ریفراندۆمێ بۆ سەربەخوەیا کوردستانێ ل دەڤەرێن دەرڤەی ئێدارا ھەرێما کوردستانێ بتایبەتی ھێڤی و ئومێدێن کوردێن ئێزدی گەش کرن.
نوونەرێ کوردێن ئێزدی ل پەرلەمانێ کوردستانێ دیارکر، کوردێن ئێزدی دگەلدانە ریفراندۆم بۆ سەربەخوەیا کوردستانێ بھێتە کرن، چونکی ریفراندۆم کلیلا چارەسەریا ئیش و ئازارێن کوردێن ئێزدی یە، دێ ئێزدی ژ غەدر و کارەسات و قڕکرن و فەرمانان قورتال بن و ب ریێا دەنگدانا بەلێ بۆ ریفراندۆمێ بۆ سەربەخوەیا کوردستانێ”.
پەرلەمانتارێ کوردێن ئێزدی خوەیا کر، نوکە دەم ھات دەست ب ھوشیارکرنا خەلکی بھێتە کرن، بۆ پێشکداریکرنا د ریفراندۆمێ دا، چونکی دوژمن دێ پلانێن خوە چڕترکەن بتایبەتی ل دەڤەرێن کوردێن ئێزدی نەخاسمە شنگالێ، پێدڤیە کوردێن ئێزدی ژێ ئاگەھداری پینگاڤیێن دوژمنان بن و باش بزانن، کا نوری مالکی دکارەساتا شنگالێ دا چو کریە و نوکە بۆ ئێزدیان چو کریە.
شێخ شامو، گۆت:” ئەو گرۆپ ولایەنێن دەرکی یێ بۆ تێکدانا رەوشا ئێزدیان ھاتینە شنگال پێدڤیە مجاملی ل سەر چارەنڤیسی ئێزدیان نەکەن چونکو ئەو گرۆپ ولایەن دژی ئێزدیان کاردکەن وان بەرژوەندیا کوردێن ئێزدی نەڤیت یا گرنگە خەلکی مە ژێ دھشیاربن وبریاری ل سەر چارەنڤیسی خوە بدەن”.
نایف سەیدۆ رێڤەبەرێ ناحیا سنۆنێ سەر قەزا شنگالێ ڤە دیارکرکو پتریا خەلکێ ناحیا سنۆنێ دێ پێشکداریێ ریفراندۆمێ دا کەن بۆ سەربەخۆیا کوردستانێ چونکو کلیلا چارەسەریا برینێن خەلکێ مەیە دێ کوردێن ئێزدی ژ کارەساتان رزگاربن و ژ میژایە کوردێن ئێزدی چاڤەری ڤێ رۆژا میژوویێ دکەن.
رێڤەبەرێ ناحیا سنۆنێ، دیارکرکو کوردێن ئێزدی گەلەک جاران داخوازکریە بھێنە سەر ھەرێما کوردستانێ ڤە لێ دوژمنان ئاستەنگ دروستکرینە بۆ ئێزدیان نوکە ئەو وەخت ھات کوردێن ئێزدی برینێن خوە چارەسەر بکەن ئەنجامدانا ریفراندۆمێ ل دەڤەرێن دەرڤەی ئێدارا ھەرێما کوردستانێ دێ مە ژ کێشەیێن دوو ئێداری رزگارکەت دێ ب فەرمێ ھێنە سەر ھەرێما کوردستانێ ڤە دێ باشتر کاروبارێن کوردێن ئێزدی ھێنە .
خۆیا ژی کر ئێزدی دێ ریێا ریفراندۆمێ خوە ژ عەرەبین غەدر رزگار کەن ھەر نوکە ئەم دێ دناڤ خەلکێ خوە دا کارکەین ب ریێا ھەمە جور گرنگیا ریفراندۆمێ بگەھتە ھەموو وەلاتیان ھەموو ھێز و شیانێن خوە خەلکێ مە دێ پشتەڤانیی ل ریفراندۆمێ کەت.
نيشاندان