ئه‌ڤرۆ نیوز:
وه‌زاره‌تا خواندنا بلند و ڤه‌كولینێن زانستى راگه‌هاند، بریارا نه‌مانا سێ نمران بۆ ده‌رچوویێن قوناغا 12 ئاماده‌یى بۆ ئه‌ڤ ساله دێ هێته بجهئینان، ئانكو ل سه‌ر ده‌رچوویێن سالا خواندنا 2016 – 2017.
عه‌باس ئه‌كره‌م په‌یڤدارێ وه‌زاره‌تا خواندنا بلند دیاركر وه‌كو هاندانه‌ك بۆ قوتابیان وانا بڕیار دایه 55% كورسیێن زانكۆ و په‌یمانگه‌هان بۆ ده‌رچوویێن خۆلا ئێكێ بن.
ئه‌ڤرۆ نیوز:
جڤاتا سه‌ركردایه‌تییا پارتی د كۆمبوونا خوه یا ئه‌ڤرۆ دا، ئه‌نجامدانا ریفراندۆمێ ب سه‌ركه‌فتنا داخوازی و ئیراده‌یا خه‌لكێ كوردستانێ ناڤكر.
جڤاتا سه‌ركرداتییا پارتی ئه‌ڤرۆ ب سه‌رپه‌رشتییا مه‌سعود بارزانی كۆمبوو، ل گۆری راگه‌هاندنه‌كا كۆمبوونێ، پارتی پرسا رێفراندۆما سه‌رخوه‌بوونا هه‌رێمێ و هه‌لبژارتنێن بهێت گۆتوبێژ كرن، هه‌روه‌سا بریارا ئه‌نجامدانا ریفراندۆمێ ب سه‌ركه‌فتنا داخوازی و ئیراده‌یا گه‌لێ كوردستانێ ناڤكر، ئاماژه ب وێ یه‌كێ ژى كریه كو هیڤیێن شه‌هیدێن سه‌ربلند و پێشمه‌رگه‌یێن قاره‌مان دێ ب ده‌ستڤه هێن.
پارتی دا زانین ژی، بۆ دوباره‌نه‌بوونا كاره‌سات و ئالوزى و عه‌قلییه‌تا تاكره‌ویێ ل دروستكرنا ده‌وله‌ته‌كا هه‌ڤپشك، ریفراندۆم ب پێنگاڤه‌ك گرنگ بۆ به‌رژه‌وه‌ندیێن ئاكنجیێن هه‌موو ده‌ڤه‌رێ ل قه‌له‌م دده‌ین.
د ئالیه‌كێ دی یێ راگه‌هاندنا خوه دا جڤاتا سه‌ركرداتییا پارتی دیاركریه” پارتی دگه‌ل ئه‌نجامدانا هه‌لژارتنێن كوردستانێ دایه كو ل ژڤانێ خوه بهێن كرن و دێ بزاڤێن خوه چرتر لێ كه‌ین، بۆ خوه‌شكرنا ئاماده‌كاریێن پێدڤی بۆ وێ پرۆسێ”.
سه‌باره‌ت كاراكرنا په‌رله‌مانێ كوردستانێ ژی پارتی رژدى ل سه‌ر وێ یه‌كێ كریه، كو ب كاراكرن ب شێوه‌یه‌كی بیت كو هاریكارییا چاره‌سه‌ركرنا كێشه‌یان و زێده‌تر لێك نێزیكبوونا ئالیان و رێكخستنا ناڤا مالا كوردی بیت، هه‌روه‌سا ببیته هاریكار و پشته‌ڤان بۆ پرۆسه‌یا ریفراندۆمێ.
ئەڤرو نیوز، نەوزاد ھلۆری:
رێژیەکا ئێکار زور یا جورەکێ کولی بەربوویە دەڤەرا ئامێدیێ ب تایبەتی دەڤەرا بەرێ گارێ ، و رێڤەبەرێ چاندنا قەزا ئامێدیێ ژی دیارکر کو دێ سوبەھی لیژنەیەکا تایبەت ل پارێزگەھا دھوکێ ب مەرەما دیتنا چارەسەریەکێ سەرەدانا ئامێدیێ و دەڤەرا بەرێ گاری َکەت.
رەیان مەتینی وەلاتیەکێ دەڤەرا بەری َگارێ یە ل قەزا ئامێدیێ بو ئەڤرو نیوز گۆت: (جورەکێ کولی بەردایە رەز و چەم و بیستانێن مە و ھەموو ب جارەکێ چوپکرینە و دخوازن کو جھێن شولەژێ ب زوترین دەم د ھەوارا مە بھێن ئەگەر دێ رەز و بیستان و چاندنا مە ھەمویێ خوون و ماندوبوونا مەژی بەر ئاڤێ دا چیت)
ژلایێ خوڤە ھەکار ئامێدی رێڤەبەرێ چاندنا قەزا ئامێدیێ تایبەت بو ئەڤرو نیوز گۆت: (جورەکێ کولی اکو رەنگێ وی دناڤبەرا زەر و رەشی دایە ، دەڤەرا ئامێدیێ ڤەگرتیە و زیانێن زور ب رەز و بیستان و چاندنا دەڤەرا ئامێدیێ گەھاندنیە ، مە پەیوەندی ب رێڤەبەریا گشتی یا چاندنێ ل دھوکێ کریە و ئەوان ئەم ئاگەھدارکرینە کو سوبەھی ئەو دێ لیژنەیەکا تایبەتمەند ئینن و سەەردانا دەڤەرا بەرێ گارێ و جھێن دن کەن ل سنوورێ قەزا ئامێدیێ ب مەرەما دیتنا چارەسەریەکێ بو نەھێلانا ئەڤان کولیان )
زێدەتر گۆت: (بێگومان رێیا ژ ناڤبرنا ئەڤ جورێ کولیی تنێ دەرمان و ژەھرە ب رێیا رەشاندنێ بەلی َھەتاکو لیژنە نەھێتە دەڤەرێ ئەم نکارین جور و شێوەیێ دەرمانی و رێیا ژ ناڤبرنا وان ئاشکرا بکەین)
ئه‌ڤرۆ نيوز:
مژارا سازکرنا ریفراندۆمێ بۆ سەرخوەبوونا ھەرێما باشورێ کوردستانێ د رۆژەڤا جیھانێ و ب تایبەت وەلاتێن جیران یێن داگیرکەرێن کوردستانێ دایە و ژ ئالیێ رێکخستن، سازی، کۆمەلە و رەوشەنبیرێن وەلاتیێن ھەر چار پارچەیێن کوردستانێ ڤە ب کەیفخوەشی و شانازی ڤە ھاتە پێشوازی کرن.
پشتی کو سەرۆکاتیا ھەرێما کوردستانێ رۆژا ٢٥-٩-٢٠١٧ وەک رۆژا سازکرنا ریفراندۆما کوردستانێ دەستنیشان کر ل ھەر چار پارچەیێن کوردستانێ و رەڤەندا کورد ل جیھانا دەرڤە وەک مزگینی ھاتە بناڤ کرن و وەلاتیێن کورد، ل گەل رێکخستن، سازی، کۆمەلە، رەوشەنبیر و وەلاتیێن کوردستانێ ڤە ب گەرمی ھاتە پێشوازی کرن و وەلاتیێن کورد ب گشتی رادگەھینن کو وەلاتێ سەربخوە خەونا ھەر کوردەکی دلسۆزە و کوردستانا سەربخوە مافێ نەتەوا کوردە و پشتەڤانیا خوە دیار دکەن.
د ڤێ مژارێ دا پەیڤدارا قەسرا سپی یا ئەمریکا راگەھاند کو سازکرنا ریفراندۆمێ بۆ دیار کرنا چارەنڤیسێ خوە مافێ رەوایێ کوردایە و پشتەڤانیا بریارا کوردان دکەن. دیسان وەزیرێ دەرڤە یێ فرەنسا یێ بەرێ بیرنارد کۆشنەر ژی راگەھاند کو بریارا سازکرنا ریفراندۆمێ بریارەکا پیرۆزە و مافێ کوردایە ببنە خوەدان دەولەتا خوە یا سەربخوە و ب ریفراندۆمێ پاشەرۆژا خوە دیار بکەن و دڤێت ھەموو جیھان ژی رێزێ ل بریارا گەلێ کورد بگرن و ئەڤ ماف مافەکی سروشتییە و دژاتیا ڤی مافی نە دروستە.
ھەروەسا وەلاتێن وەک عیراق، ئیران، تورکیا و ئەلمانیا ژی ل دژی دەستنیشانکرنا رۆژا ریفراندۆمێ دەرکەڤتن و دیار کرن کو ئەو ناخوازن عیراق پارچە ببیت و دەولەتێن نوو دروست ببن و سەرۆک وەزیرێن تورکیا بریارا ریفراندۆمێ وەک شاشیەکا مەزن بناڤ کر و ئاشکرا کر ئەو ل گەل عیراقەکا یەکگرتینە و ب تەمامی ل دژی پارچەبوونا عیراقێ نە.
د ڤێ بابەتێ دا پەرلەمانتارێ ئاکپارتی یێ ئامەدێ گالیب ئەنساری ئوگلۆ ژی بۆ کەنالێ ئەسمانی یێ کوردستان ٢٤ راگەھاند کو ئەڤ چار پێنج سالن پەیوەندیا تورکیا و ھەرێما کوردستانێ د ئاستەکی گەلەک باش دایە و د وارێن سیاسی، کەلتوری، جڤاکی و ئابووری دا پێنگاڤێن گەلەک مەزن ھاتینە ھاڤێتن و پەیمانێن گرنگ ھاتنە ئیمزا کرن و گۆت: (دڤێت پەیوەندیێن ل گەل ھەرێما کوردستانێ ھەر د ئاستەکی مەزن دا پێشکەڤیت و بریارا سازکرنا ریفراندۆما سەرخوەبوونێ ژی مافەکی رەوایێ گەلێ کوردە و د دستوورێ عیراقێ دا ژی ئەڤ مافێ کوردان جە گرتیە).
ئەنساری ئوگلۆ یێ ب ئەسلێ خوە کورد دیار ژی کر ژ ئەنجاما پرسگرێکێن د ناڤبەرا بەغدا و ھەولێرێ دا مافێ سەرخوەبوونێ دەرکەڤت ھۆلێ و گۆت: (مافێ سازکرنا ریفراندۆمێ مافەکی سروشتیە و گەلێ کوردستانێ دێ بریارێ ل سەر پاشەرۆژا خوە دەت و دڤێت ھەرکەس ژی رێزێ ل بریارا کوردان بگریت و ئەز وەسا باوەر دکەم سەرخوەبوونا ھەرێما کوردستانێ زیانێ نادەتە پەیوەندیێن ل گەل تورکیا، ژ بەر کو پەیوەندیێن باش یێن ھەرێما کوردستانێ ل گەل تورکیا ھەنە و دڤێت ئەڤ پەیوەندیێن باش یێن د ناڤبەرا ھەردو ئالیان دا بەردەوام بکەت و د رەوشا نھا یا رۆژھەلاتا ناڤین دا مە دیت کو ھەوپەیمانێ دروست و دلسۆز یێ تورکیا ھەرێما کوردستانێیە).
ل باکور، رۆژئاڤا، رۆژھەلاتێ کوردستانێ و ل دەرڤەی وەلات دیار کرنا رۆژا سازکرنا ریفراندۆما سەرخوەبوونا کوردستانێ ھاتە پیرۆز کرن و ل گەلەک دەڤەران خەلک داکەڤتنە مەیدانان و بریارا ریفراندۆمێ سلاڤ کرن و راگەھاندن کو ئەو ب دل و جان ل گەل کوردستانا سەربخووە نە و داخواز ژ دەولەتێن مەزن و ئورۆپا کرن کو پشتەڤانیێ ل دەولەتا سەربخوە یا کوردستانێ بکەن.
ل ئالیێ دی ھەرێما کەتەلۆنیا یا ئیسپانیا ژی پشتی کۆمبوونا پەرلەمانی بریار دان کو د ھەیڤا جۆتمەھێ دا ریفراندۆما سەرخوەبوونێ ساز بکەن و حوکمەتا ئیسپانیا ب دژواری ل دژی بریارا سازکرنا ریفراندۆمێ دەرکەڤت. لێ سەرۆکێ پەرلەمانێ کەتەلۆنیا راگەھاند کو ئەو د رژدن کو ریفراندومێ ساز بکەن و خەونا گەلێ خوە یا دەولەتا سەربخوە بجیە بینن و گۆت: (ھەکە حوکمەتا ئیسپانیا ئانکۆ دادگەھا دستووری ل دژی سازکرنا ریفراندۆمێ دەرکەڤن ئەم دێ ل پەرلەمانی کۆمبوونەکا تایبەت ساز کەین و ب یەک ئالی دەولەتا سەربخوە یا کەتەلۆنیایێ راگەھینن).
د رۆژنامە و دەزگەھێن راگەھاندنێن جیھانێ دا بریارا سازکرنا ریفراندۆما کوردستانێ و کەتەلۆنیا جھەکی گەلەک مەزن گرت و پرانیا دەزگەھێن راگەھاندنێ ئاشکرا کرن کو وەسا دیارە د دەمەکی نێزیک دا دێ دو دەولەتێن دی یێن سەربخوە بکەڤن د ناڤا نەتەوێن یەکگرتی دا و ئاشکرا کرن کو ھەم کورد و ھەم ژی کەتەلۆنیا ل سەر راگەھاندنا دەولەتا سەربخوە د رژدن.
ئەڤرۆ نيوز:
د. فارس بیریفکانی پەرلەمانتارێ عیراقێ دبێژیت، وەک نوونەرەکێ خەلکێ نەینەوا ل پەرلەمانێ عیراقێ، پشتی رزگارکرنا مووسلێ دێ داخوازا دادگەھکرنا نوری مالکی و ھندەک کەسێن دیتر یێن دەست دکەفتنا مووسلێ دا ھەی کەین.
پەرلەمانتارێ سەر ب لیستا پارتی دیموکراتی کوردستان ڤە راگەھاند، ئەنجامێ لیژنا کەفتنا مووسلێ ل پەرلەمانێ عیراقێ گەلەک یا گرنگ بوو، ناڤێن کەسێن پەلە بلند تێدا ھاتینە تۆمارکرن، ئێکەم کەس ژی سەرۆک وەزیرێن عیراقێ نوری مالکی بوویە، کو ل سەر دەمێ وی مووسل رادەستی چەکدارێن داعشێ کرینە، و خەلک تووشی وێ کارەساتان ھاتن، بەلی دژی وێ ئەنجامی لوبی ھاتنە دروستکرن و ئاستەنگ ھاتینە درێدا بۆ بنبڕکرنا وی کەیسی.
د. فارس بریفکانی گۆت: پشتی رزگارکرنا مووسلێ دێ داخوازا لیژنەکا نێڤدەولی کەین، بۆ ڤەکولینا ل سەر کەفتنا باژێرێ مووسلێ نەک لیژنەکا پەرلەمانی، چوکنی لیژنا پەرلەمانی دێ ھەر ئەنجامێن وی ئەڤەبن،یێن بەری نوکە ھەی، کەیسا ناڤبری دێ کەینە بادەکەکا نێڤدەولی، ھەتا وەلاتێن زلھێز بھێتنە سەر خەت و ڤەکولینێ ل سەر وێ کەیسێ بکەن، و گونەھبارێن کەفتنا مووسلێ بھێتە دەستنیشانکرن و دادگەھکرن، کو فەرماندێ ھێزێن گشتی یا چکدراێن عیراقێ نوری مالکی بوویە، ھەروەسا دیارکر، کو ئەڤە ئاخفتنا پڕانیا نوونەرێن خەلکێ نەینەوایە، چونکی ئەو بسرێ موسلێ ھاتی ددیروکێ دا تشتەکێ وەسا نەھاتیە روودان، باژێرەکێ وەکی مووسل کوشتنا بڤی رەنگە و ێرانکرن و رەڤاندن و ئەشکەنجدان و ئاوارەبوون بکەڤیتە تێدا، چو نەمایە ب سەرێ ڤی باژێری نەھاتی.
پەرلەمانتارێ نەینەوا ل جڤاتا نوونەرێن عیراقێ گوت: نوری مالکی دڤێت چاڤێن مللەتی بەرب تشتەکێ دیڤە مژوول بکەت، کو پیلانێن سیاسی دگێریت، داکو وێ شکەستنا ددەمێ خوەدا ژ بیرا خەلکی ببەت و ڤەشێریت، بتایبەتی قوناغا دووماھیێ یا کەفتنا مووسلێ، بەلێ خەلکێ نەینەوا کو ئەم دناڤداینە سۆز داینە، پشتی رزگراکرنا نەینەوا، ئێکەم بابەت و ئارمانجاوانا دێ ئەوبیت، ئەو کەسێن بووینەھوکارێ مووسل و فەرمان دەرخستین، لەشکر و پۆلیس، کو زێدەتر ژ 50 ھەزار کەس بوون، ھەموو ھاتنە ڤەکێشان و شەڕ نەکرن، و نەشیان بۆ دەمژمێرەکێ بەرەڤانیێ ژ خەلکێ بکەن، ھەموو بھێنەدادگەھکرن، لەورا خەلکێ موسلێ ژی دخوازن بابەت ببیتە کەیسەکا نیڤدەولی و گونەھبار بھێنە دیارکرن و دادگەھکرن.
ئه‌ڤرۆ نيوز:
جەنەرالەکێ ئەمریکی ھوشداری دا ژ چولکرنا مەیدانێ ل عیراقێ بۆ ئیرانێ ودیارکر کو گەلەک بەرپرسێن عیراقێ پێگیریێ ب فەرمانێن حەیدەر عەبادی سەرۆک وەزیران و فەرماندێ گشتیێ ھێزێن چەکدار ناکەن، بەلکو فەرمانان ژ ئیرانێ وەردگرن.
سایتێ میدل ئیست ئۆنلاین ئەڤ ھوشداریا جەنەرال توماس تاسک جێگرێ فەرماندێ ئۆپەراسیۆنێن تایبەت یا لەشکرێ ئەمریکی بەلاڤکریە و ئاماژێ ددەت کو ئەو ھوشداریە یا ھەڤدەم بوو ل گەل راپۆرتەکا بریتانی کو بەحسێ کونترۆلکرنا میلیشیێن حەشدا شەعبی بۆ گوندێن سنۆری ل گەل سووریێ کو وێ چەندێ دەلیڤە ب ھەبوونا ئیرانی ل وێ دەڤەرێ دایە، ددەمەکی دا لەشکرێ سووری و ئەمریکا ژی بزاڤێن دکەن بگەھنە وێرێ.
جەنەرالێ ئەمریکی ئاشکراکر کو تۆرێن بەرفرەە یێن کرێگرتیێن ئیرانێ ل عیراقێ یێن ھەین و ئیران پلانێن بەرفرەھبوونێ ل چەندێن دەڤەرێن ل دەرڤەی رۆژھەلاتا ناڤین ھەین ژوان وەکو ئەفریقیا و ئورۆپا.
وی جەنەرالی ھوشداریا چولکرنا مەیدانا عیراقێ بۆ ئیرانێ دا کو بزاڤێ دکەت ھەموو رەھندێن گرنگ ل عیراقێ کونترۆل بکەت ب رێیا وێ تۆرا مەزن یا کەسایەتیێن ب سەر ئیرانێ ڤە ل عیراقێ کو بۆ دەمەکێ درێژ ل ئیرانێ ژیاین وپشتی 2003 ێ ڤەگەریاینە عیراقێ وەکو ھادی عامری فەرماندێ فەیلەقا بەدر وگەلەکێن دی.
پتریا گرۆپێن چەکدار یێن شیعی دناڤ حەشدا شەعبی دا کو ئیران پشتەڤانیێ لێ دکەت کونترۆل ل سەر رووبەرێن بەرفرەە ل عیراقێ کریە وبزاڤێ دکەن بگەھن ھەتا دەریا سپی یا ناڤەراست و کونترۆلکرنا چەندین گوندێن دەڤەرێن شنگال و بەعاج ژلایێ وان میلیشیان ڤە دبیتە جارا ئێکێ شوون پێیەک بۆ ئیرانێ ل ویچ دەڤەرێ بھێتە کرن ھەر ژ سالا 2003 ێ ووێڤە.
ژلایەکی دیڤە رۆژناما تایمز یا بریتانی ئاماژە ب ھەڤڕکیا دناڤبەرا ئەمریکا ولەشکرێ سوری دا بۆ گەھشتنا سنۆرێ سووریێ و عیراقێ و پرسیار کریە ئایا دێ لەشکرێ سووری ب سەرکەڤیت و دێ شێت کڤانەکێ ب رووبەرێ 500 میلان ژ دەڤەرێن دبن کونترۆلا شیعان دا کو ژئیرانێ ھەتا لوبنانێ بخوەڤە دگریت کو ب وێ چەندێ دێ خەونا ئیرانێ یا چەندین سالان ھێتە بجھئینان دکونترۆلکرنا رێیەکا بگەھیتە دەریا سپی یا ناڤەراست کو سەرۆکێ ئەمریکی ترامب بزاڤا رێگریێ ل ڤێ پلانێ دکەت ب رێیا پرچەککرنا چەکدارێن کورد ل سووریێ.
ئه‌ڤرۆ نيوز:
سەرەرای ڤێ چەندێ بڕیارا ئەنجامدانا ریفڕاندۆمێ ژلایێ ھەموو پێکھاتێن سیاسیێن کوردستانێ ھاتیە دەرکرن، بەلێ ھێشتا دوو لایەنێن سیاسی د بەرھەڤنین بھێنە ناڤ پڕۆسا ریفڕاندۆمێ، ئەوژی گۆڕان و کۆمەلا ئیسلامی یە، شیرەتکارەکێ پەرلەمانێ کوردستانێ دیارکر، کو چو وەلات نەشێن ئەڤی مافی لمە وەربگرن و دڤێت ئەندام و لایەنگرێن ھەردو حزبا گڤاشتنا بکەنە سەر حزبیێن خوە کو پشکداری ریفڕاندۆمێ بکەن.
پەرلەمانتارەکا کورد ل لبەغدا خویا دکەت، ریفڕاندۆم پرسەکا نەتەوەیە نەک یا حزبی پشکداریا ھەموو لایەنێن سیاسی دێ گرانیا خوە ھەبیت بۆ ئەنجامدانا ریفڕاندۆمێ و دێ باوەریا پتر لسەر ئاستێ ناڤخوە و دەرڤە ژی دەتە ئەنجامێن ئەڤێ پڕۆسێ.
شیرەتکارێ پەرلەمانێ کوردستانێ دکتۆر مەدحەت محەمەد سلێمان بۆ رۆژناما ئەڤرۆ گۆت” ئەڤە ئەمین خەلکێ کوردستانێ دێ بڕیارێ لدۆر ئایندەیا خوە بدەین و قانوونێن نێڤدەولەتی دگەلمەنە لەوڕا چو ولاتان مافێ ئەڤێ چەندێ نینن بێژن دژی ریفڕامدۆم و سەربخوەیا ھەرێما کوردسانێ ینە، چو وەلاتەکیش نەشێت بێژم ئەز دگەل ریفڕاندۆما ھەرێما کوردستانێ مە، ژبەرکو قانوونێن نێڤدەولەتی ئەو مافە نەدایە چو دەولەتا پێش وەلاتەکێ دیڤە داخوازا سەربخوەیێ بکەت، بەلێ یێ دبینین ھەموو ولاتێن جیھانێ دبێژن خەلکێ کوردستانێ مافێ خۆیە بڕیارێ لدۆر پاشە رۆژا خوە بدەن.
ب دیتنا شیرەتکارێ ناڤبری کو دبێژت، بلا بەھانەیا بۆ شکاندنا ئێکدوو ڤەنەبینین، ئەز دوێ باوەریێ دامە سبەی حزبا گۆڕان و کۆمەلا ئیسلامی بڕیارێ بدەن دێ ئەندام و لایەنگرێن وانا ب گەرمی بەحسێ ریفڕاندۆم و سەربخوەیا کوردستانێ کەن، داخوازێ ژ ئەوان کەسا دکەم یێن دژی پڕۆسا ریفڕاندۆمێ ئاخفتنا دبێژن خوە نەکەنە کۆیلەیێن چو حزبا، بەرۆڤاژی گڤاشتنان پێخن سەر حزبێن خوە ھەتا دەربازبین ل سیاسەتا جینۆساید و کیمیا بارانکرن و برسیکرنا خەلکێ کوردستانێ ژ لایێ بەغداڤە.
دکتۆر ئەشواق جاف، پەرلەمانتارا فڕاکسیۆنا پارتی لپەرلەمانێ عێراقێ بۆ رۆژناما ئەڤرۆ گۆت” ریفڕاندۆم پرسەکا نەتەوەیە نەک یا حزبی پشکداریا ھەموو لایەنێن سیاسی دێ گرانیا خوە ھەبیت بۆ ئەنجامدانا ریفڕاندۆمێ و دێ باوەریا پتر لسەر ئاستێ نافخۆ دەرڤەژی بدەتە ئەنجامێن ئەڤێ پرۆِسێ، ئەز داخوازێ ل لسەر کردایەتیێن بزاڤا گۆڕان و کۆمەلا ئیسلامی دکەم کو بڕیارا خوە لدۆر ریفڕاندۆمێ بدەن و بھێنە ناڤا ئەڤێ پڕۆسێ و پشکداری تێدا ھەبیت، چونکە ریفڕاندۆم پرسەکا نیشتیمانی و نەتەوەیە و پەیوەندی ب چو پارت و لایەنان ڤە نینە بەرۆڤاژی پەیوەندی ب پاشەڕۆژا گەلێ کوردستانێ ب گشتی ھەیە، پێدڤیە ھەموو لایەک یێ ھەڤکاربیت بۆ سەر ئێخستنا ئەڤێ پڕۆسێ، ھەتا دشێن وەکە دەلیڤێ بخوە بکاربینن ھەتا ئاریشەیێن نافخۆژی بھێنە چارەسەرکرن، ئەز دشێم بێژم دڤێت ئەم ڤێ قۆناغێ دا رژدبین بۆ کاراکرنەڤا پەرلەمانی و پتر کار بۆ باشترکرنا ژیانا وەلاتیانژی بھێتەکرن کو لڤێ قەیرانا نوکە کەتیە تێدا دەربازببن.
ئەڤرو نیوز ، لەزگین جوقی
رێڤەبەرێ نڤیسینگەھا رزگارکرنا رەڤاندیێن کوردێن ئێزدی، دیارکرکو زارۆکەکا پێنچ سالیی ژدەستێن تیرۆرستێن داعش ل مووسل ھاتە رزگارکرن.
حسێن قائێدی، رێڤەبەرێ نڤیسینگەھا رزگارکرنا رەڤاندیێن کوردێن ئێزدی، دیارکرکو ئەڤرۆ ١٠/٦/٢٠١٧ زارۆکەکا دێ کوردێن ئێزدی ھاتە رزگارکرن ژدەستێن تیرۆرستێن داعش ل مووسلێ بەری سێ سالان ل سەر دەمێ حکومەتا نوری مالیکی ئەڤ زارۆکا کوردێن ئێزدی دگەل خێزانا خوە ل شنگال ھاتبوو رەڤاندن ژلایێ تیرۆرستان ڤە ئەڤرۆکە ئەو زارۆک کچ ھاتە رزگارکرن گەھشتە دناڤ کەس وکارێن خوە دا”.
خۆیا ژی کرکو ھەتا نوکە پشتەڤانیا سەرۆکێ حکومەتا ھەرێما کوردستانێ پتر ژ سێ ھزار و ٢٠ کەسان ژدەستێن تێرۆرستێن داعش یێن ھاتینە رزگارکرن ب رێکا نڤیسینگەھا رزگارکرنا رەڤاندیێن ئێزدی بەردەوام ئەم کاردکەین بۆ رزگارکرنا ھەموو رەڤاندیێن کوردێن ئێَزدی ھیشتا ٣٤٠٠ کەس دەستێن تیرۆرستاندا ماینە.
پێداچوون ، ھلوری
فوتو ، ئومێد وەلاتی
ئەڤرو پشتی نیڤرو گەرا 22ێ یا خولا ئەفسەران ل زاخۆ ھاتە ئەنجامدان کو تێدا باوەرنامە ب 392ئەفسەران ھاتنەدان.
سەربەست لەزگین بریکارێ وەزارەتا پێشمەرگەی ب نونەراتیا مەسعود بارزانی سەرۆکێ ھەرێما کوردستانێ پەیڤەک پێشکێشکر و گۆت: (دلخوشین کو ئەڤرو ل زاخۆ بەرھەڤین بو ب رێڤەبرنا رێورسمێن گەرا 22ێ یا خولا دەرچونا ئەفسەران ل کولیژا پێگەھاندنا سەربازی یا زاخۆ کو دێ ل ئایندە شێن گەلەک ھەڤکاریا رێزێن پێشمەرگەی کەن )
دزێدەتر گۆت: (دڤێ گەرێ دا 392 کەس کو ھەلگرێن باوەرنامەیا بەکالویورس بوون و ھندک ژی ماستەر ئەڤرو ل خولا ئەفسەران دەرچوون)
ئەڤرو نیوز ، رۆژھات لوقمان:
پشتی نیڤرویا ئەڤرو فروکێن شەرکەرێن تورکی ب بھانەیا ھەبوونا بنگەە و بارەگایێن پارتا کرێکارێن کوردستانێ دەڤەرا ئامێدیێ بوردومانکر.
دڤی واریدا وەلاتیەکێ کومەلگەھا سیریێ یا سەر ب ناحیا شێلادزێ بناڤێ ” ئەیوب عەلی ” بۆ ئەڤرو نیوز گۆت: (ئەڤرو پشتی نیڤرو فروکێن شەرکەرێن تورکی ب دژواری دەڤەرا نێروەورێکان و دوسکی ژوری و دەڤەرا نێھل و بەرێ گارێ یا سەر ب قەزا ئامێدیێ بوردومانکر ئەڤ د دەمەکێ دایە کو ھژمارەکا زور یا خەلکێ ئەوان دەڤەران قەستا ناڤ رەز و بیستانێن خوە کریە ژبەرڤی َدخوازین کو پەکەکە ل وان دەڤەران نەمینن داکو فورکە بوردومانا دەڤەرێ نەکەن )
ل گورەری ئاخفتنێن ناڤبری ھەتا زیان ل پەی بوردومانا فروکێن تورکی بو دەڤەرێ درۆست بوینە بەلێ ژبەرکو دەڤەر دھاتە بوردمانکرن کەسێ چوو ژ زیانێن وێ نەزانی.
نيشاندان