ئەڤرۆ نیوز ، نەوزاد هلوری:
وەکو دەستپێشخەریەک ل پارێزگەها دهۆک و قەزا ئامێدیێ کومەلکەها نوژداری یا شێلادزێ خزمەتێن خوە کرنە بێ بەرامبەر بو کەس وکارێن شەهیدێن شەرێ داعش.
دڤی واریدا دکتور نەجیب سەعید رێڤەبەرێ ساخلەمیا ئامێدیێ بو ئەڤرو نیوز گۆت: (وەکو دەستپێشخەریەک ل پارێزگەها دهۆک و قەزا ئامێدیێ ، کومەلگەها نوژداری یا شێلادزێ کو کومەلگەهەکا نوژداری یا تایبەتە ، هەموو خزمەتێن خوەیێن نوژداری کرنە زێ بەرامبەر بو کەس و کارێن شەهیدان)
زێدەتر گوت: (خزمەتێن وان ژی پێکدهێن ژ دیتنا نوژداری بێ پلێت و سوناڕ و تاقیگەه و تیشک و نوژداریا ددان و دەرمان و … هتد)
ئه‌ڤرۆ نيوز:
كۆمبوونا شاندێ بلندێ ئێكه‌تى نشتيمانى كوردستان و ئێكگرتوو ئيسلامى كوردستان ل باره‌گايێ مه‌كته‌با سياسى يا ئێكه‌تيێ ده‌سپێكر.
كۆمبوون ب سه‌رپه‌رشتيا مه‌لا به‌ختيار به‌رپرسێ ده‌سته‌يا كارگێرى يا مه‌كته‌با سياسى يا ئێكه‌تى نشتيمانى كوردستان و سه‌لاحه‌دين بهائه‌دين ئه‌ميندارێ گشتيێ ئێكگرتوو ئيسلامى كوردستان ب رێڤه دچيت.
ب گۆره‌ى پێزانينان د كۆمبوونا ناڤبه‌را ئێكه‌تى و ئێكگرتوو دا دێ دانوستاندن ل سه‌ر ريفراندۆم و كاراكرنا په‌رله‌مانى هێته كرن.
ئەڤرۆ نیۆز،زنار تۆڤی:
دادگەهەکا عێراقی بڕیارا دەستگیرکرنێ بۆ سەرۆک و ئەندامێن ئەنجومەنێ پارێزگەها ئەنبار دەردکەت.
ژمارا ئەندامێن ئەنجومەنێ پاریزگەها ئەنبار 28 ئەندامن و بریارا دەستگیرکرنێ ژلایێ دادگەها ڤەکۆلینا روومادی یا سەنتەرێ پارێزگەها ئەنبارڤە، بۆ هەموویان دەرچوویە.
دادگەها ڤەکۆلینا رومادی ئەگەرێ ڤێ بریارێ بۆ گەندەلیا دارایی و خەرجکرنا گۆژمێ 10 ملیۆن دۆلاران”ب پێچەوانەیا یاسا“یێ گرتیە بەر.
پێشتر دەستەیا دەستپاکییا عێراقێ (نەزاهە) ل پارێزگەها ئەنبار، سکالا ل سەر سەرۆک و ئەندامێن ئەنجومەنێ پارێزگەها ئەنبار تۆمار کربوو،ب تۆهمەتا ب هەدەردانا داراییا گشتی ل ڤێ پارێزگەهێ.
ئه‌ڤرۆ نیۆز،عه‌زیز ره‌سول:
دەمژمێر 1:30 شەڤا بوری د روودانەکا هاتنوچوونێدا دناڤبەرا دو ترۆمبێلێن پاس دا ژ جۆرێ (ڤیۆ_هایس) 13 كه‌س برینداربوون كو برینێن 8 ژ برینداران د دژوارن و یێن هاتینە ره‌وانه‌کرن بۆ نه‌خۆشخانا گشتی ل سلێمانیێ و 5 بریندارێن دی ژی هاتینە رەوانەکرن بۆ مالێن وان.
حه‌یده‌ر حسێن رێڤەبەرێ گشتی یێ نه‌خۆشخانا شه‌هید شه‌وكه‌ت ل سه‌یدسادق بۆ ئه‌ڤرۆ نیۆز گۆتیە:ل شەڤا بوری و ل دمژمێر 1:30 وان پێشوازی ل 13 برینداران کریه کو ژ ئه‌نجامێ روودانەکا هاتنوچوونێ ل سه‌ر جادا دناڤبەرا سه‌یدسادق و هه‌ڵه‌بجه دا و ل نێزیك گوندێ گوڵه‌خانه ڕوودایە.
حه‌یده‌ر حسێن دیارکر ژی:سه‌رچه‌مێ برینداران چاره‌سه‌ریا سه‌ره‌تایی بۆ هاتیەکرن و برینا 8 ژ برینداران یا قورس بوو،لەورا هاتینە ره‌وانه‌کرن بۆ نه‌خۆشخانا گشتی یا سلێمانیێ و 5 ژ برینداران كو برینێن وان د سڤک بوون هاتینە رەوانەکرن بۆ مالێن وان.
ئەڤرۆ نیۆز،زنار تۆڤی:
فەرماندێ پۆلیسێن فیدرالی یێن عێراقی فەريق رائید شاکر جەودت بۆ ئەڤرۆ نیۆز دادیارکرن:کو هێزێن پۆلیسێن فیدرالی ل سەر چەندین ئارمانجێن گرنگ ل مۆسل زالبووینە ل دوروبەرێن دەڤەرا نجێفی و هەروەسا شیاینە کونترۆلێ ل سەر هاتنوچوونا تیرۆرستێن داعش بکەن،ب هەڤکاریا نیشانشکێن و فرۆکێن بێ فرۆکەڤان.
هێزێن مە یێن هێرشبەر 15 تیرۆرستێن داعش کوشتینە و 3 جهێن نیشانشکێنێن داعشێ ژناڤبرینە ل گەل 46 تی ئێن تیێن ڤەدای ل سەر ئەردی و 4 کەمەرێن مینرێژکری ژی.
هەروەسا پۆلیسێن فیدرالی 45 خێزانێن دورپێچکری قورتالکرینە و هاریکاریێن نۆشداریا دەستپێکی ل سەر دابەشکرینە و ڤەگوهاستینە دەڤەرێن ئێمناهی لێ هەی.
گۆتیە ژی یەکینەیێن پۆلیسێن فیدرالی کونترۆل ل سەر سەنتەرەکێ راهێنانێن تیرۆرستێن داعش کریە ب ناڤێ سەربازگەها ئەبۆ مەسعود کو داعشێ ئەو سەربازگەه بو راهێنانێن دژوار ب کار دئینا ل تاخێ بوسیف کو رووبەرێ وێ دگەهیته 1500مەترا و 10مەترا ژی کوور د بن ئەردیدا هاتیە چێکرن.
ئەڤرۆ نیوز ، نەوزاد ھلۆری:
ئەڤرۆ فرۆکێن شەرکەرێن تورکیا ئاسمانێ سنوورێ ناحیا سیدەکان یا سەر ب قەزا سوران ل پارێزگەھا ھەولێرێ بەزاند و چەند بارەگایێن پەکەکێ کرنە ئارمانج و ب چەند ساروخەکان تەقاندن.
دڤی واریدا ئیحسان عەبدولقادر رێڤەبەرێ ناحیا سیدەکان بۆ ئەڤرۆ نیوز گۆت: ( ئەڤرۆ دەردورێن نیڤرو دوو فرۆکێن شەرکەرێن تورکی ئاسمانێ دەڤەرێ بەزاند و ب دژواری بارەگایێن پەکەکێ ل دەڤەرێ بوردومانکرن و ل گورەی زانیاریێن مە چەند بارەگایەکێن پەکەکێ ل دەڤەرێن بناڤ بەرمیزە و کانیا رەشێ کرینە ئارمانج و تەقاندینە)
زێدەتر گۆت: ( ھەر چەندە ئەم نوزانین کا پەکەکێ چوو زیانێن گیانی ھەنە یان نە ، بەلێ ئاگەھدارین کو چوو زیانێن گیانی بەر وەلاتیێن دەڤەرێ نەکەفتینە ، بەلێ ژ ئەگەرا بوردومانا فرۆکێن تورکی ئاگر ب دەڤەرێ کەفتیە و زیان گەھشتینە رەز و باغێن وەلاتیان و پوش و پاوانەکێ زور ژی سووتیە ، و ئەم ب ھەڤکاریا تیمێن بەرەڤانیا باژێری مژولێ کونترولکرنا ئاگری نە و ناھێلین بگەھیتە جھێن ئاڤەدان)
خونیشاندان دژی بەر وەخت بەردانا ئاڤێ ژلايێ ئیرانێ دەست پێ کر
ئەڤرۆ نیوز،عەزیز رەسوڵ ھەورامانی:
ل پارێزگەھا سلێمانیێ دژی کومارا ئیسلامیا ئیرانێ و گرتنا ئاڤا رووبارێ زیێ بچوک خوپێشاندان دەست پێ کر ، و ل گورەی زانیاریێن ئەڤرۆ نیوز کومارا ئیسلامیا ئیرانێ بریار دایە کو ب وەختی ئاڤا رووباری بەردەتن و جارەک دن بگریت ڤە.
دڤی واریدا سامان حسێن چالاکڤانێ جڤاکێ سڤێل بۆ ئەڤرۆ نیوز گۆت: ( ئەڤرۆ رۆژا چوارشەمبی ٥/٧/٢٠١٧ ئەم کومەکا چالاکڤان بەرامبەر گرتنا ئاڤا رووبارێ زێی بچوک ژلایێ کومارا ئیسلامیا ئیرانێ ، بەرامبەر کونسولخانا کومارا ئیسلامیا ئیرانێ ل سلێمانیێ مە دەست ب خونیشاندانەکێ کر بو ئیدانەکرنا ئەڤێ رەفتارا ئیرانێ بەرامبەر وەلاتیێن سڤێل ل ھەرێما کوردستانێ)
زێدەتر گۆت: (گرتنا ئاڤا رووبارێ زیێ بچوک ژلایێ ئیرانێ ڤە زیان ب ٨٠ ھزار وەلاتیان گەھاند و مە داخوازی ل ئەوان کر کو بابەتێ ئاڤێ تێکەلی سیاسەتێ نەکەن ژ بەرکو ئێکسەر پەیوەندی ب ژیانا وەلاتیان ڤە ھەیە ، بەروڤاژی ئەگەر بەردەوام بن دێ مەژی ھەلویستێن توندتر ھەبن ، و دیسان مە رەخنەیێن توند ژ حکومەتا عیراقێ ژی ھەنە کو بەرامبەر گرتنا ئاڤێ بێدەنگ بوویە ، و ئەگەر حکومەتا عیراقێ ب زوترین دەم ھەلویستەکێ وەرنەگریت وەسا دھێتە پێشبینیکرن کو ھەرێما کوردستانێ ژی ئاڤا رووبارێ زیێ بچوک لسەر عیراقێ بگریت و نەھێلیت بو ژێری و ناڤەراستا عیراقێ بچیت. )
ئەڤرۆ نیوز ، نەوزاد ھلۆری:
سپێدەیا ئەڤرۆ وەزارەتا باژێرڤانی و گەشت و گوزار یا حکومەتا ھەرێما کوردستانێ ئامارا ھاتنا گەشتیاران بو ھەرێما کوردستانێ ل رۆژێن جەژنێ راگەھاندن ، ل گورەی ئامارا وان ھژمارا گەشتیاران بو 243 ھزار گەشتیار بوو.
نەوروز مەولود وەزیرا باژێرڤانی و گەشت و گوزاریا حکومەتا ھەرێما کوردستانێ د کونگرەیەکێ رۆژنامەڤانی دا ل ھەولێر ئامارا ھاتنا گەتشیاران بو ھەرێما کوردستانێ ل رۆژانێن جەژنا رەمەزانا پیروز راگەھاند و گۆت: ( ل ھەرسێ رۆژێن جەژنا رەمەزانا پیروز 243 ھزار گەشتیار د رێیا دەریێن سنووری ھاتینە ھەرێما کوردستانێ ، و داھاتیێ ھەرێما کوردستانێ د کەرتێ گەشت و گوزاری دا بتنێ ل رۆژانێن جەژنێ 73 ملیون دولار بوون کو بو کەرتێ تایبەت چوویە ، 70% ژ وان گەشتیارێن کو ھاتینە ھەرێما کوردستانێ گەشتیارێن ژێری و ناڤەراستا عیراقێ بوون)
زێدەتر گۆت: ( ئەگەرا سەرەکی یا ھاتنا ئەڤێ ھژمارا گەشتیاران ژی بو پلانا حکومەتا ھەرێما کوردستانێ بو خزمەتکرنا کەرتێ گەشت و گوزاری و گەشتیاران و بزاڤێن بەردەوامێن سەروکێ حکومەتا ھەرێما کوردستانێ و درۆستکرن و نوژنکرنا چەندین جھێن گەشت و گوزاری دزڤریت ، زێدەباری وێ ئەمن و ئاسایشا کو ژلایێ دەزگەھێن ئەمن و ئاسایش و پولیس و پێشمەرگەی دزڤریت )
ئەڤرۆ نيوز:
حکوومەتا عیراقێ بریارەکا نوو بۆ وەرگرتنا پارەی ژ وەلاتیان ل ھەمبەر دانا پشکا ئاھێن خوارنێ دەرێخست و رێڤەبەرا ئاشێن ھەرێمێ بۆ کاروبارێن ھونەری دیار کر چاڤەرێیا حکوومەتا ھەرێمێ دکەین بۆ بجھکرنا ئەوێ بریارێ.
نەسرین محەمەد رێڤەبەرا ئاشێن ھەرێمێ بۆ کاروبارێن ھونەری راگەھاند، ل ھەمبەر دانا پشکا ئاھێن خوارنێ و ئارێ ھەیڤانە بۆ ھەر وەلاتیەکی 250 دینار دھێنە وەرگرتن کو 200 دینار بۆ پشکێن ئاھێن خوارنێ و 50 دینار بۆ ئارێ ھەیڤانەیە.
ناڤبریێ ئەو چەندە ژی دیار کر پێشنیارا زێدەکرنا ئەوی پارەی ل سەر وەلاتیان ھاتیەکرن ب ئاوایەکی ل ھەمبەر دانا ئێک گینیکێ ئاری بۆ ھەر خێزانەکێ دو ھزار و 500 دینار ژێ دھێنە وەرگرتن، ھەر چەندە بریکار و ئاشان ئەو پێشنیار رەت کریە و داخواز کرینە بۆ ھەر فەردەکێ ئاری ژبلی ئاھێن خوارنێ سێ ھزار دینار بھێنە وەرگرتن.
رێڤەبەرا ئاشێن ھەرێما کوردستانێ بۆ کاروبارێن ھونەری گۆت ژی “عیراقێ بریارەکا نوو دایە ل سەر پشکێن ئاھێن خوارنێ بۆ ھەر وەلاتیەکی ھەمبەر دانا پێنج ھزار دیناران بھێتە وەرگرتن”.
نەسرین محەمەد دیار کر ئەو پارەیێ دھێتە وەرگرتن 400 دینار بۆ پشکێن ئاھێن خوارنێ نە و 100 دینار ژی بۆ پشکا ئارێ ھەیڤانەنە و دبیت کو دھێتە دان بۆ وەلاتیان و ئەو بریارا نوو یا حکوومەتا عیراقێ گەھشتیە دەستێ مە و دھێتە چاڤەرێکرن بێخینە د بیاڤێ بجھکرنێ دا.
نيشاندان