ئهڤرۆ نیوز:
ب هزاران كوردێن رۆژههلاتا كوردستانێ ل باژارێ بانه خوهنیشاندان دژی كوشتنا كۆلبهرێن كورد ژ ئالیێ ئیرانێ ڤه كرن.
دهستههلاتا ئیرانێ بۆ رێگرتنێ ژ مهزنبوونا خوهنیشاندان و نهرازیبوونان، پۆلیسێن زێدهتر ل وی باژاری بهلاڤ كرن و هێرشی خوهنیشاندهران كرن، د ئهنجام دا ههژمارهكا خوهنیشاندهرێن كورد بریندار بوون و ب دههان خوهنیشاندهرێن دى هاتنه دهستهسهركرن.
ئهڤرۆ نیوز:
حكومهتا توركیا لبهره 50 گرتیگههان ئاڤا بكهت ب مهرهما ڤهحهواندنا كهسێن د كهیسێن پشتی كودهتایا 15 تیرمههێ دا هاتینه گرتن.
شیرهتكارێ وهزارهتا داد یا توركیا كهنان ئیپهك گۆت: حكومهت دێ 50 گرتیگههان ئاڤا كهت بۆ وێ یهكێ تاوانبارێن بزاڤا فهتحولا گیولهن تێدا بهێنه زیندان كرن، ههر گرتیگههێ دێ جهێ 1000 زیندانییان تێدا ههبیت.”
پشتی شكهستنا كۆدهتایا تیرمهها سلا 2016ێ ههتا نها حكومهتا توركیا نێزیكی 50 هزار كهس ژ ههمی تهخ و چینێن جڤاكی دهستهسهركرینه.
ئهڤرۆ نیوز:
ژ ئهگهرێ وهرگرتنا زێدهی پێنج ههزار مۆلهتێن بێ مووچهیێ و لادان و خانهنشین بوونێ وهزارهتا ساخلهمیا ههرێما كوردستانێ دێ دهرگههێ دامهزراندنێ ڤهكهت، پهیڤدارێ وهزارهتا ناڤبری ژی دیار كر كو وهزارهتێ چهندین پلان بۆ پركرنا جهێن ئهوان فهرمانبهران داناینه ژ بهر ڤێ چهندێ دێ دهست ب دامهزراندنێ هێتهكرن.
د. خالس قادر، پهیڤدارێ وهزارهتا ساخلهمیا حوكمهتا ههرێما كوردستانێ بۆ ئهڤرۆ نيوز دیار كر كو ل دهمێ سێ سالێن بۆرى ژ تهڤایا گشتی یا نۆشدار و كارمهندێن ساخلهمی و كارگێری، نێزیكی پێنج هزار مۆلهتێن بێ مووچه و لادان و خانهنشین بوون ههبوون و گۆت: “ئهڤ ساله ئهو رێژه زێدهبوو ژ بهر ڤێ چهندێ وهزارهتێ بۆ چارهكرن و پركرنا جهێن ئهوان فهرمانبهران پلانهك دانایه و ل دهمهكێ نێزیك دێ بجه ئینیت”.
ناڤهاتى ئاماژه دا وێ چهندێ كو نۆشدارێن دهێنه دامهزراندن دێ ژ دهرچوویێن سالێن 2016-2017 دهست پێ كهت و پشتی وان ناڤێن دهرچوویێن ئهڤ ساله ژ وهزارهتا خواندنا بلند دێ هێنه وهرگرتن، چونكو پێدڤی ب كارمهندێن ساخلهمیێ ههیه بۆ تژیكرنا جهێن ئهوان فهرمانبهرێن ل نهخۆشخانه و بنگههێن ساخلهمیێ مۆلهتێن بێ مووچه وهرگرتین.
ئهڤرۆ نیوز:
كۆمسیۆنا بلند یا ههلبژارتن و راپرسییان ل ههرێما كوردستانێ، داخوازا جڤاتا پارێزگهها كهركووكێ پهسهند كر و بۆ ئهنجامدانا رێفراندۆمێ ژی ئهڤرۆ نڤیسینگهها كۆمسیۆنێ ب فهرمی ل كهركووكێ هاته ڤهكرن و دهست ب كارێن خوه كر.
ههندرێن محهمهد، بهرپرسێ كۆمسیۆنا بلند یا ههلبژارتن و راپرسییان یا ههرێما كوردستانێ راگههاند: كۆمسیۆنێ بهرسڤا داخوازا كهركووكێ دایه و دێ ههمی ئامادهكارییان بۆ رێفراندۆما 25 ئیلۆنێ كهت، دو نڤیسینگههـ ژی ڤهكرن كو ئێك ل شنگالێ یه و ئێك ژی ل كهركووكێ.”
ل كهركووكێ پتری 13 قهوارهیێن سیاسی و رێكخستنێن مهدهنی بۆ بسهرئێخستنا دهنگێ بهلێ د رێفراندۆما سهرخوهبوونا كوردستانێ دا ناڤێ خوه ل كۆمسیۆنێ تۆمار كرینه، ڤێ نڤیسینگههێ ژی دهرگههێن خوه بۆ خهلكی ڤهكر و دێ پرۆسهیا رێفراندۆمێ ل وێ پارێزگههێ برێڤه بهت.
تڕۆمبێلێن ژ ئیمارات دهێن، مهرجێن سلامهتیێ تێدا نینن
ئهڤرۆ:
زاهیر محهمهد، سهرۆكێ رێكخراوا هشیاریا هاتنوچوونێ بۆ ئهڤرۆ دیاركر ئینانا تڕۆمبێلێن ئیمارات زیانێن زۆر بۆ ههرێما كوردستانێ ههنه و كوالێتیا كۆنتڕۆلكرنێ ژی ل خالێن سنووری ب تنێ ناڤه و نهشێن رێگریێ ل ئینانا تڕۆمبێلێن خراب بكهن، ب تایبهتی یێن بڕیارا وهزارهتا ناڤخۆ بۆ هاتیه دهركرن و گۆت” ئهو تڕۆمبێلێن ژ وهلاتێ ئیمارات دهێنه ههرێما كوردستانێ ب دهستێ دویێ دهێنه نیاسین و چ مهرجێن سلامهتیێ تێدا نینن، چونكی ئهو تڕۆمبێل ههموو ئهون یێن بهریا نها تووشی روودانان بووین و بۆ هاتنوچوونێ دباش نینن”.
سوبه ل رۆژناما ئهڤرۆ راپورتهكا بهرفرههـ ل دۆر ڤێ چهندێ هاتیه بهلاڤكرن
ئهڤرۆ نیوز:
سهرۆك بارزانى د ههڤپهیڤینهكێ دا ل گهل كهنالێ ئهلعهرهبیه دیاركر ، كو ئارمانجا وى بدهستڤهئینانا سهربخوهییێ یه و ههر دهمێ ئهو ئارمانجه بدهستڤه هات، ئهركێ وى دێ ب دووماهى هێت.
بارزانى دیاركر كو ئهو ل گهل عیراقێ ل سهر پێكئینانا دهولهتهكا مهدهنى ، دیموكراسى، فیدرالى، رێككهفتن، بهلێ نوكه ئهو ل دهولهتهكا ئاینى تائیفى دژین.
بارزانى دیاركر ” مه گهلهك بزاڤ كرن ههتا كو نهگههینه بڕیارا ریفراندۆمێ، ئهوێن داخوازا پاشخستنێ ژ مه دكهن، بلا پێگوهۆركێ وێ بدهنه مه”
ئهڤرۆ نیوز ، نهوزاد هلۆرى:
پشتى 13 سالێن خزمهتێ ل ههرێما كوردستانێ ل داویێ وهزارهتا خواندنا بلند و ڤهكولینێن زانستى دانپێدان ب زانكویا نهورۆز ل پارێزگهها دهۆك هاتهكرن.
ل گورهى نڤیسارهكا فهرمى كو ئیمزا سهلام حهسهن خوشناو وهزیرێ خواندنا بلند و ڤهكولینێن زانستى لسهره و دانهیهك دهست ئهڤرۆ نیوز كهفتیه وهزارهتا خواندنا بلند و ڤهكولینێن زانستى یا عیراقێ دانپێدانێ ب زانكویا نهورۆز ل دهوكێ دكهت و تێدا هاتیه: (ب پشت بهستن ب ئهحكامێن ماددهیا 55 و 57/3 ژ قانونا خواندنا بلند یا ئههلى ب هژمار 25 یا سالا 2016 و ل گورهى فهرمانا كارگێرى یا هژمار ت.هـ .ا/ ق 483 یا رێكهفتى 23/1/2017 دانپێدان ب زانكویا نهورۆز ل دهوكێ هاتهدان )
ئهڤرۆ نیوز ، نهوزاد هلۆرى:
ل ههر چوار رۆژێن جهژنا قوربانا پیروز ل سنوورێ پارێزگهها دهۆك 17 روودانێن ئاگربهربوونێ رووداینه.
دڤى واریدا بێوار عهبدولعهزیز بهرپرسێ راگههاندنا رێڤهبهریا گشتى یا بهرهڤانیا باژێرى ل دهۆكێ بو ئهڤرۆ نیوز گۆت: ( ههر چوار رۆژێن جهژنا قوربانا پیروز ل سنوورێ پارێزگهها دهۆك ب ههموو قهزا و ناحیێن خوڤه 17 روودانێن ئاگربهربوونێ ژ بهر سهدهمێن جوداودا رووداینه و پرانیا وان ژى زیانداربوون)
زێدهتر گۆت: ( 14 روودانێن ئاگرى ل پوش و پاوانى درۆست بووینه و روودانهك ژى سوتنا خانویهكێ بو ، و ئێك ژى دوكان ، و رودانهكا ژى ل كارهبێ درۆست بوویه ، و كهسه ژى خهندقیه)
بێوارى دیاركر ژى كو ئهگهرێن پرانیا روودانان نههاتینه زانین بهلێ پرانیا وان ژلایێ بهرهڤانیا باژێرى هاتینه كونترولكرن و گۆت ژى: ( ژ ئهگهرا ئهوان روودانان گهلهك زیانێن ماددى بهر پوش پاوانى و ئهوان خانو و دوكانان كهفتیه)
ئهڤرۆ نیوز ، نهوزاد هلۆرى:
رێكخراوا مهند بو یهكسانیێ ب ههڤكاریا چهند رێكخراو و سپونسهران دێ ملیونهكا پوستهرێن ریفراندۆمێ ل ئاسمانێ پارێزگهها دهۆكێ بهلاڤ كهن.
دڤى واریدا هێرش رشيد محهمهد سهرۆكێ رێكخراوا مهند بو یهكسانیێ بۆ ئهڤرۆ نیوز گۆت: ( ئهڤرۆ ب شێوهیهكێ فهرمى مه ههوا پروپاكندێن ریفراندۆمێ دهست پێ كر و د رۆژانێن بهێت دا دێ ملیونهك پوستهرێن تایبهت ب ریفراندۆمێ ل ئهسمانێ پارێزگهها دهۆك ب ههموو قهزا و ناحى و گوند و كومهلگههان بهلاڤ كهین ، ئهڤه ژبلى ههموو ئهوان پوستهر و لافیتهیێن كو دێ لسهر رێكێن گشتى هێنه دانان)
زێدهتر گۆت: ( بهرى نها مه كومپینا پشتهڤانیا ریفراندۆمێ راگههاندیه كو زێدهترى 20 رێكخراوان پێكدهێت ، و ئهڤرۆ دێ دهست ب كارێن خوه كهین و مه چهندین سپونسهر ژى ههنه ژ وانان كومپانیا گاره و كومپانیا mrf)
ژلایهكێ دنڤه میدیاكار سهباح ئهترۆشى ب تابلویهكێ كو ل ناڤا بازارێ دهۆك ل جهێ رێڤهبهریا گشتى یا پولیسێن دهوكێ دانایه پشكدارى د ههوا پرۆپاكندێن ریفراندۆمێ كر.
ئهڤرۆ نیوز ، نهوزاد هلۆرى:
سپێدهیا ئهڤرۆ ل گوندهكێ سهر ب ناحیا رهبیعه ل سنوورێ قهزا شنگال بومبهكا چاندى ب ترومبێلهكا پێشمهرگهى ڤه تهقى و بریندار ههنه.
دڤى واریدا لوقمان گولى ژ راگههاندنا فهرماندهیا پێشمهرگهى بۆ ئهڤرۆ نیوز گۆت: ( سپێدهیا ئهڤرۆ ل گوندهكێ عهرهبان یا سهر ب ناحیا رهبیعه ل سنوورێ قهزا شنگال بومبهكا چاندى ب پاسهكا نهفهر ههلگرا پێشمهرگهى ڤه تهقى و د ئهنجام دا چوار پێشمهرگه برینداربوون كو برینا دوو ژ وان گرانه و بو نهخوشخانا سنوون هاتینه ڤهگوهاستن )
زێدهتر گۆت: ( ئهڤ بومبه ژلایێ عهرهبێن ئاكنجیێن دهڤهرێ هاتیه چاندن نهك داعشێ ، ژبهرڤێ پێدڤى یه كو ههلویست بهێته وهرگرتن داكو دووباره نهبیت ڤه)
نيشاندان