ئەڤرۆ نیوز ، نەوزاد ھلۆری:
ئێڤاریا ئەڤرۆ ل سنوورێ قەزا بەردەرەش یا سەر ب پارێزگەھا دھۆکێ ئافرەتەک ھات کوشتن.
دڤی واریدا ھێمن سلێمان بەرپرسێ راگەیاندنا رێڤەبەریا گشتی یا پولیسێن دھۆکێ بۆ ئەڤرۆ نیوز گۆت: ( ئێڤاریا ئەڤرۆ ل ناحیا رووڤیا یا سەر ب قەزا بەردەرەش ل پارێزگەھا دھۆکێ سەرا ئاریشەیەکا جڤاکی ئافرەتەک بناڤێ ” ھـ – ج – ح ” ھات کوشتن)
زێدەتر گۆت: ( ب بریارا دادوەری پەرێن ڤەکولینێ ل بنگەھێ پولیسێن روڤیا ھاتینە ڤەکرن بو دوڤچوون لسەر ئەگەرا روودانێ)
ئه‌ڤرۆ نیوز:
حكومه‌تا هه‌رێما كوردستانێ تۆپبارانا سنووری یا ژ ئالیێ ئیرانێ ڤه هاتی كرن، شه‌رمزار كر و نه‌ڕازیبوونێ دێ گه‌هینته ته‌هرانێ.
د راگه‌هاندنه‌كێ دا حوكمه‌تا هه‌رێمێ داخواز ژ كۆمارا ئیسلامییا ئیرانێ كر، ده‌ست ژ هێرشێن سه‌ر خه‌لكێ سڤیل و ئاخا هه‌رێما كوردستانێ به‌رده‌ت و گۆت: د ده‌مه‌كی دا هه‌رێم پابه‌ندی بنه‌مایێ جیرانیێ یه، ئیران ڤی كاری دكه‌ت و پێدڤییه ئیران ژی رێزێ ل هه‌موو بنه‌ما و یاسایێن جیرانیێ بگریت.
حكومه‌تا هه‌رێمێ د په‌یاما خوه دا ئاماژه‌كریه كو دێ ده‌رباره‌ی بابه‌تی، پۆنسولێ گشتیێ ئیرانێ ل هه‌رێما كوردستانێ داخواز كه‌ن و نه‌رازیبوونێ گه‌هیننه وی و ب رێیا وی گه‌هیننه ته‌هرانێ.
ئەڤرۆ نیوز ، نەوزاد ھلوری:
ئێڤاریا ئەڤرو ل سنوورێ قەزا زاخۆ سنێلەک د رووبارێ باج خەندقی ، و تیمێن نقومڤانێن زاخۆ ژی شیان تەرمێ ئەوی سنێلەی ل رووباری دەربینن.
دڤی واریدا بێوار عەبدولعەزیز بەرپرسێ راگەھاندنا رێڤەبەریا گشتی یا بەرەڤانیا باژێری ل دھۆکێ بو ئەڤرۆ نیوز گۆت: ( ئێڤاریا ئەڤرۆ ل سنوورێ قەزا زاخۆ سنێلەک بناڤێ محەمەد خەلەف محەمەد دژیێ ١٥ سالیێ دا کەفتە د رووبارێ باج دا و خەندقی)
زێدەتر گۆت: ( تیمێن نقومڤانێن زاخۆ شیان تەرمێ ئەوی سنێلەی ل روباری دەربینن و رەوانەی نەخۆشخانا داد ل زاخۆ بکەن بو زانینا ئەگەرا خەندقینا وی)
ئه‌ڤرۆ نيوز:
سه‌رۆكێ هه‌رێما كوردستانێ د هه‌ڤدیتنه‌كێ دا دگه‌ل كۆنسۆلێن وه‌لاتێن عه‌ره‌بی ل هه‌رێمێ راگه‌هاند؛ ریفراندۆم مافه‌كێ شه‌رعی و خوه‌زایێ خه‌لكێ كوردستانێ و پێدڤییه هه‌موو ئالییه‌ك رێزێ ل خواست و مافێن خه‌لكێ كوردستانێ بگریت.
مه‌سعوود بارزانی سه‌رۆكێ هه‌رێما كوردستانێ ئه‌ڤرۆ پێشوازی ل كۆنسۆلێن وه‌لاتێن فله‌ستین، ئیمارات، كوێت، سودان، ئوردن، میسر و عه‌ره‌بستانا سعوودیێ كر.
شاندا كۆنسۆلێن وه‌لاتێن عه‌ره‌بی رۆلێ هێزێن پێشمه‌رگه‌ی د شكاندنا تیرۆرستان و ئۆپه‌رسیۆنا رزگاركرۆنا مووسلێ دا بلند نرخاند و ده‌ستخوه‌شی ل حكومه‌ت و گه‌لێ كوردستانێ ل هه‌مبه‌ر وێ پێشوازییا ل ئاواره و په‌نابه‌رێن ل هه‌رێمێ هاتینه ڤه‌حواندن كر.
ژ ئالیێ خوه‌ڤه سه‌رۆكێ هه‌رێما كوردستانێ به‌حسا پاشه‌رۆژا مووسل پشتی داعشێ و ئه‌گه‌رێن سه‌رهلدانا داعشێ كرن و گۆت: ژبه‌رنه‌بوونا پلانه‌كا هه‌ڤپشك یا ئیداری و سیاسی دگه‌ل پلانا سه‌ربازی، هه‌ر ژ نها كێشه ده‌ركه‌فتینه و گۆت ژی: گه‌ر چاره‌سه‌ركری بۆ ئه‌گه‌رێن ده‌ركه‌فتنا داعشێ نه‌هێن كرن، دوور نینه ب شێوازه‌كێ دی و ل ژێر ناڤه‌كێ دی سه‌رهلبده‌ت.
سه‌باره‌ت ریفراندۆما كوردستانێ ژی بارزانی گۆت: گه‌لێ كوردستانێ ب رێیا دانوستاندن و ئالاڤێن ئاشتیانه و رێیێن سه‌رخوبه‌وونێ و مسۆگه‌ركرنا مافێن خوه رێ گرتییه به‌ر، كو تاكه رێیا گه‌ره‌نتی كاره بۆ دوباره‌نه‌بوونا كێشه و هه‌ڤركیێن خویناوی.
ئەڤرۆ نیوز ، ھلوری:
دەمەک بەری نوکە ژبەر سەدەما ئاگرەکێ ژ کوگەھەکا بەنزینێ ل سلێمانی 35 کەس برینداربوون ژ وانا ھندەک فەرمانبەرێن بەرەڤانیا باژێری و پولیسن.
دڤی واریدا محەمەد حەسیب رێڤەبەرێ پەترول و کانزایانل سلێمانی بو دەزگەھێن راگەھاندنێ گوت: ( ل دەما ڤەگوھاستنا بەنزینێ ژ تانکەران بو کوگەھێن بەنزینێ ژبەر بلندبوونا پلەیێن گەرمایێ ئاگر ل کوگەھا بەنزینێ بەردبیت)
زێدەتر گۆت: ( ھەتاکو نھا زیانێن ئاگری ناھێتە زانین ژبەرکو ئاگر نەھاتیە کونترولکرن ، بەلێ دئەنجامێ ئەوی ئاگری دا ٣٥ کەس ھاتینە سووتن ژ وانان دوو کارمەندێن بەرەڤانیا باژێری و چوار پولیسن ، ھەموو ھاتینە رەوانەکرن بو نەخۆشخانێ)
ئەڤرۆ نیوز ، نەوزاد ھلۆری:
ب رەنگەکێ گشتی نھا جیھان ھەموو بەر ب کێم بوونا ئاڤ ڤەخوارنێ و چاندنێ ڤە دچیت ، سەرەرای کو چەندین رووبار ل ھەرێما کوردستانێ ھەنە بەلێ ل گەل ڤێ یەکێ ژی ھەردەما ھەڤسوویێن ھەرێما کوردستانێ ڤیا دکارن ئاا ھەرێمێ بگرن و وەکو کارتەکا فشارێ بکاربینن ، ماموستایەکێ زانکویێ دیاردکەت کو نھا کوردستان ژروویێ ئاڤا ڤەخوارنێ زەنگینترینە بەلێ نسبەتی ئاڤ بو چاندنێ دمەترسیێ دایە ، ئەڤ ئاخفتنێن ماموستایێ زانکویێ د دەمەکێ دایە کو چەند روژێن بوری کومارا ئیسلامیا ئیرانێ پشکەک ژ ئاڤا دھێت ھەرێما کوردستانێ بری و دوھی جارەک دن بەردایەڤە.
نەجمەددین نێروەی ماموستایێ زانکویێ و بسپوورێ ژینگە و گەشت و گوزار ل پارێزگەھا دھۆکێ بۆ ئەڤرۆ نیوز گۆت: ( ب گشتی نھا ل جیھانێ ب سەدان کەس ژبەر نەبوونا ئاڤا ڤەخۆارنێ یان نەبوونا ئاڤەکا وەسا کو ب کێر ڤەخۆارنێ بھێت رۆژانە دمرن ، ئەڤ چەندە یا گەشەیێ دکەت بۆ چەندین وەلاتێن دن و ئەو جھێن نھا ژیان لسەر ھەی ، وەکۆ سۆدان و دەردورێن وێ و تا دگەھیتە چەندین وەلاتێن دی یێن عەرەبان ، زێدەباری وان وەلاتان ئەڤ وەلاتێن ب گورەی خۆ ە ئاڤ تا رادەیەکێ ھەیی، ب مایتێکرنا مرۆڤان لسەر ژینگەھا سرۆشتی، زیان گەھاندینە وان ئاڤان ژی و ژ جورێ ئاڤا ڤەخۆارنێ گوھارتیە بۆ جورێن دی کۆ ب کێر ڤەخوارنێ ناھێت بۆ چ زیندەوەران و ھەتا زیان گەھاندینە رووەکان ژی، کۆ رووەک ب کارێ پاککرنێ ژی رادبیت )
نێروەیی زێدەتر گۆت: ( بەردەوامیا مرۆڤان ب بەربەلاڤبوونا پیشەسازیێ و بازرگانی کرن ب ژینگەھا سرۆشتی، ئەگەرەک بوویە کۆ ئاڤێن سرۆشتی بھێنە تێکدان، ژ بلی کۆ مرۆڤ ب دەستێن خۆ و ب چەندین شێوەیان ب ئەرکێ پیسبوونێ رادبن و بێ ھزر د ئایندەیا سوبەھیدا بگەرن و بزانن دێ ل داھاتی دا ژی ھەر وان و کەسێن ل دویڤدا دھێن، پێویستی یا ب وێ ئاڤێ ھەی، ئەڤە ژ بلی زیندەوەرێن دی کۆ لسەر رویێ ڤی عەردی دژین ، دیسانڤە ب زێدەبوونا پلەیا گەرمێ، رێژەیا ھەبوونا ئاڤا ڤەخوارنێ کێم دکەت، و چ ھێزەک یان تشتەک نەمایە کۆ بشێن ب رێکا وانا ئەڤێ ئاڤێ بپارێزن، بۆ نموونە وەکۆ کەسکاتی و دارستانان. بەرۆڤاژی ھەر جھەک ھێدی ھێدی یا دبیتە بیابان )
ماموستایێ زانکویێ د درێژاھیا ئاخفتنێن خودا دیارکر ژی کو مەترسیا ئاڤا ڤەخوارنێ نھا د لیستا سەرەکی یا کارێ ھەر وەلاتەکێ دایە، چونکۆ ھەموو باش دزانن ل داھاتی دێ کەڤنە بەر مەترسیا نەمانا ژیانێ ب ئەگەرێ نەمانا ئاڤێ و بۆ نموونە ژی نھا چەندین وەلاتان دەست دایە ئاڤاکرنا سکران، وەکۆ تورکیا و ئیران و گۆت ژی : ( سەبارەت کێمبوونا بەرھەمێ چاندنێ ژی، دیسانڤە پەیوەندی ب نەمانا ئاڤێ ڤە ھەیە و چاندن ژی ھەموو جورەکێ ئاڤێ یێ بەرھەمدار نابیت. دیسانڤە پربوونا ئاخا چاندنێ ژ وان ماددەیێن کیمیایی یێن کۆ ب رێکا کارێن پیشەسازی پر دبیت، دبیتە ئەگەرێ ژناڤچوونا بەرھەمێ چاندنێ ، ئەڤە ژ بلی نە ئارامیا جیھانی و بەردەوامیا شەران کۆ نەھێلیت خەلکەک ب کارێ چاندنێڤە یێ بەردەوام بیت، دیسانڤە ئەڤ ھەموو کەرەستەیێن د شەراندا دھێنە بکار ئینان کارتێکرنەکا ئێکسەر ھەیە بۆ لاوازکرن و مەترسیدارکرنا بەرھەمێ چاندنێ، بۆ نموونە کۆ ھەتا نھا ل ھندەک وەلاتان ب ھزاران دونەمێن ئەردی چاندن لێ ھاتیە قرکرن، ژ بەر وان کەرەستەیێن د شەراندا دھاتە بکار ئینان و ھەتا نھاژی یا بەردەوامە و ب تایبەت د عراق و سوریێ دا ژی دێ ل ئایندەیێ چەند سالێن بھێتن دا دیار بیت)
ل بارا ھەرێما کوردستانێ نەجمەددین نێروەیی ماموستایێ زانکویێ گۆت: ( وەکۆ کوردستان ، رەنگە ژ وەلاتێن زەنگین بین ب ئاڤا ڤەخوارنێ و دبیت نەگەھیتە وی رادەی کۆ ژ وان وەلاتان بین زوو بکەڤینە بەر قربوونێن ئاڤی، لێ رەنگە ژبۆ ئاڤێن چاندنێ بکەڤینە بەر مەترسیان و ب تایبەت ئاڤێن رووباران کۆ چاندنا مە پتر ب رێیا وان روبارانە و وەکۆ ئەم دزانین ژی ئەڤ روبارێن دگەھنە کوردستانێ ژی، د وەلاتێن ھەڤدژێن کوردستانێ، ل تورکیا و ئیرانێ دگەھن و ئەوژی ھەر دەمەکێ دشێن وەکۆ فشار بکار بینن، لێ سەرەرای وێ چەندێ کوردستان دشێت ب ھەبوونا ئاڤێن خۆ یێن رەسەن، ژیانێ بەردەوام بکەت، لێ ب مەرجەکێ کۆ رێزێ ل ھەبوونا وان ئاڤا بگرن و ب شێوەیەک دروست بکار بینن و نەبنە ئەگەرەک بۆ تێکدان و ھەدەردانا وان ئاڤان )
ل دوماھیێ گۆت: (وەکۆ چاندن ، کوردستان ژ ئاخەک زەنگین ژ بۆ چاندنێ دھێتە ناسین، لێ تا نھا نەھاتیە بکار ئینان کۆ ببیتە جھێ خۆراگری و جھێ وان بەرھەمێن ژ دەرڤە دھێن و ئەڤەژی ب پلان و ھاریکاریا حکومەتێ دێ شێت رۆلەکێ مەزن لسەر ئاستێ ناڤخۆ و دەرڤەژی ھەبیتن)
ئەڤرۆ نیوز ، نەوزاد ھلۆری:
نێزیکێ دوو رۆژایە گەنجەکێ گوندێ دڤریێ یا سەر ب ناحیا دینارتە بناڤێ ” بوخاری برقی” ل مال دەرکەفتی و نەزڤریەڤە و کەس و کارێن وی دخوازن ھەر کەسێ زانیاری لسەر ھەبن پەیوەندیێ ب وان بکەن.
ردوان زێباری پسمامێ من بو ئەڤرۆ نیوز گۆت: ( ژبەر ئاریشەکا نافخویی یا مال ، ئەڤە نێزیکێ دوو رۆژایە پسمامێ من ل مال سلبووی و دەرکەفتی و نەزڤری یە مال و نزانین کیڤە چوویە)
زێدەتر گۆت: ( پسمامێ من بناڤێ بوخاری برقی یە و ژیێ وی ١٦ سالن و ژلایێ دەروونی ڤە درۆستە ، دخوازین ھەر کەسی َزانیاری لسەر ھەبن بلا پەیوەندیێ ب ٠٧٥١٠٢٩٧٦٦١ بکەن )
فوتو و زانیاری ، نەوزاد ھلۆری:
گورگەیی جورە گیایەکێ زیاندارە دناڤا دەرامەت و چاندنێ دا شوون دبیت و ھەموو خوارنێن دەرامەتی دمێژیت و دخوت و ناھێلیت خوارنا پێدڤی بو دەرامەتی بچیت و ئەڤ یەک دبیتە سەدەم کو دەرامەت وەکو پێدڤی نەکەڤیتە بەرھەمی و ئەگەر بەرھەم ژی ھەبیت دێ بەرھەمەکێ لاواز بیت ، جوتیار دخوازن کو لایەنێ شولەژێ ب زوترین دەم چارەسەریا گورگەیێ ببینن ، و شیرەکاریا چاندنا دەڤەرێ ژی ددەتن دیارکر چوو چارەسەریێن بنبر بو گروگەیێ نینن.
سەبری بیاڤەیی جوتیارەکێ سنوورێ ناحیا دێرەلوکێ یە دیارکر کو ئەوی بیستانەکێ تەمامە و خیاران کریە و ب رەنگەکێ زور گورگەیی دناڤ دا شوون بویە و بۆ ئەڤرۆ نیوز گۆت: (بتنێ رێیا کو ئەز بکاردئینم ھەڵکێشانا گورگەیێ یە ، بەلێ چەند مرۆڤ ب ھەلکێشیت زێدەتر شوون دبیت ، من چەند جارەکان ژی رەشاندیە بەلێ ھەر ناقەتیێت ، دخوازین کو لایەنێن شولەژێ چارەسەریەکا بنبر بو گورگەیێ ببینن)
عەگید شاجی ئەو ژی جوتیارەکێ سنووری َناحیا دێرەلوکێ یە و پروژەیەکێ مەزنێ چاندنێ ل دەشتا زێ ل نێزیک گوندێ باوان کریە بۆ ئەڤرۆ نیوز دبێژیت: ( گورگەیی ئێکە ژ نەخوشیێن چاندنێ کو ھەتا نھا وەکو پێدڤی چارەسەریا ژ ناڤبرنا وی نەھاتیە دیتن ، پرانیا جاران دبیتە سەدەما خەندقاندنا دەرامەتی و خوارنا وان ، نھا گورگەیی دناڤا دەرامەت و پرۆژەیێ مە ھەیە و کارتێکرن ژی لسەر کریە ، بەلێ ژناڤبرنا وی زور یا بزەحمەت و پێدڤی یە لایەنێن شولەژێ ب ھەر رێیەکا ھەبیت کار لسەر ژ ناڤبرنا گورگەیێ بکەن)
ژلایێ خوڤە ستار خورشید بەرپرسێ شیرەتکاریا چاندنێ ل دێرەلوکێ دیارکر کو گورگەیی ب چوو رەنگان ناھێتە ژناڤبرن و بەلکو تنێ ئەو دکارن دناڤ دەرامەت و چاندنێ کێم بکەن و بۆ ئەڤرۆ نیوز گۆت: (گورگەیی ئێکە ژ نەخۆشیێن دەرامەت و چاندنێ و ھەتا نھا چوو چارەسەریێن بنبر بو نەھاتینە دیتن ، بەلێ ھندەک رێک بو ھاتینە دیتن کو ئەڤ جورە نەخوشیە بھێتە کێمکرن ، ژبەرکو گورگەیی رووەکەکێ مشەخورە و لسەر ھندەک روەکێن دن دژیت و کریارا روشنە پێکھاتن دناڤا گورگەیێ دا ناھێتە روودان و خوارن و ڤەخوارنا خوە ژ ھندەک رووەکێن دن وەردگریت کو دبێژنێ خانەخو و د ئەنجام دا زیانان دگەھینیت ئەوی دەرامەتێ کو خوارن و ڤەخوارنا وی ژلایی َگورگەیێ ھاتیە خوارن ، ئەڤە سەرەرای ناھێلیت مەزن ببیت و دێ گەلەک ژی لاواز و بێچارە کەت و بەرھەمێ وێ ئینیتە خوار)
زێدەتر گۆت: ( پرانیا جاران گورگەیی توشی باجان سورکان دبیت ژ بەرکو ئەو زور ھەستیارە ب تایبەتی ئەگەر گورگەیی یێ توند و زور بیت ، ئەڤ گورگەیە ب رێیا توفکی زێدە دبیت ژبەرکو توفکەکێ زور ددەت و ب چەندین سالان دێ ھەر شوون بیت)
ل بارا چارەسەرکرنا ئاریشەیا گورگەیێ گوت : ( ئەڤ رووەکێ زیاندار ب ئێکجارەکی ناھێتە ژناڤبرن بەلێ ئەم وەکو حکومەت ب رێیا شیرەتکاریا چاندنێ دکارین بەردەوام سەەردانا زەڤیێن چاندنێ بکەین و ئاموژگاری و رێنمایێن کێمکرنا گورگەیێ بو جوتیاران روون بکەین ، ژبەرکو بتنێ ئەم دکارین گورگەیێ دناڤ دەرامەت و چاندنێ کێم بکەین نەک بنبرکرنەکا ئێکجاری دناڤ دەرامەتی ژ ریێکێن کێمکرنا وێ ” کێلان ، ریساندن ، تەعقیمکرنا رۆژێ ، کێشانا گورگەیێ بەری کو بکەڤیتە توفکی ، دانانا خەپکان ھەر بوو نموونە باجان سورک ل گەل توتنێ بھێتە چاندن ، بکارئینانا مێش و موران کو لسەر بەلگێن گورگەیێ دھێنە دانان و ئەو مێش و مور توفکێ گورگەیێ دخون ، ھندەک جاران فتریات کارتێکرنێ لسەر کێمکرنا گورگەیێ دکەن ، ھەر دیسان گرنگی ب زبفلکرنا دەرامەتی بھێتەدان و نەھێلن ب چوو رەنگان ژی دەرامەت تێھنی ببیت)
ئەڤرۆ نیوز ، هلوری:
ئەڤرۆ توپخانەیێن سنووریێن کومارا ئیسلامیا ئیرانێ سنوورێ ناحیا حاجی ئومەران ل قەزا چومان یا سەر ب پارێزگەها هەولێر بوردومانکر و د ئەنجامدا چوار وەلاتی بریندارکرن و زیانێن ماددی ژی گەهاندن دەڤەرێ.
دڤی واریدا فەرزنگ ئەحمەد رێڤەبەرێ ناحیا حاجی ئومەران بو ئەڤرۆ نیوز گۆت: ( سپێدەیا ئەڤرو توپخانەیێن سنووریێن کومارا ئیسلامیا ئیرانێ سنوورێ ناحیا حاجی ئومەران ب تایبەتی گوندێن گوندەژور و گەلەژێر بوردومانکرن و چوار کەس بریندارکرن کو سێ پێشمەرگەییێن کومەل و ئافرەتەکا دەڤەرێ بوون ، ئەڤە زێدەباری کو زیانێن ماددی گەهشتنە دەڤەرێ و هژمارەکا رەوەندان ئاوارەبوون)
زێدەتر گۆت: (ئەڤان توپخانەیان پێشمەرگێن رۆژهەڵاتا کوردستانێ کربوونە ئارمانج ، دنهادا ئەو دەڤەر دەڤەرێن کویستانن و خەلکەکێ زۆر بو مەرەمێن گەشت و گۆزار قەستا وان جهان دکەن)
ئه‌ڤرۆ نيوز:
ل ده‌ڤه‌را زه‌رگه يا خورماتۆ، پێشمه‌رگه‌ى هێرشه‌كا به‌رفره‌ها داعش تێكشكاند، ب گۆتنا ئه‌فسه‌ره‌كێ پێشمه‌رگه‌ى ژى د هێرشێ دا سێ پێشمه‌رگه ب سڤكى بريندار بووينه.
رائيد كامه‌ران ئه‌حمه‌د ژ ليوا 11 يا پێشمه‌رگه‌ى بۆ رووداو گۆت: “ده‌مژمێر 01:40 ده‌قيقه يێ سپێده‌هيا ئه‌ڤرۆ رۆژا دوشه‌مبى رێكه‌فتى 3ى تيرمه‌ها 2017ێ ل ده‌ڤه‌را زه‌رگه يا خورماتۆ داعش هێرشه‌كا به‌رفره‌هـ كره سه‌ر ژماره‌كا سه‌نگه‌رێن پێشمه‌رگه‌ى.
ناڤبرى گۆتژى: “به‌رى نوكه پێزانين ل سه‌ر هێرشا داعش گه‌هشتبوونه ده‌ستێ وان، ژ به‌ر هندێ ژى ل ده‌مێ هێرشێ گه‌له‌ك ب باشى به‌رسڤا وان هاته دان و پشتى زێده‌تر ژ ده‌مژمێره‌كێ هێرشا وان هاته تێكشكاندن”.
ئه‌وى به‌رپرسێ پێشه‌رگه‌ى ئاماژه ب وێ چه‌ندێ ژى كر كو ژ ئه‌گه‌رێ وێ هێرشێ سێ پێشمه‌رگه ب سڤكى بريندار بووينه و گۆت: “ئه‌ز ب خوه ژى ئێكم ژ وان برينداران”.
نيشاندان