ئهڤرۆ نيوز:
ئهندامێ لژنا بلندا ريفراندۆمێ ل ههرێما كوردستانێ و وهزيرێ ژ دهرڤه و دارايى يێ بهرێ ل حوكمهتا عيراقێ هشيار زێبارى راگههاند كو ههرێما كوردستانێ دێ سكالايێ ل دژى بهغدا ل رێكخراوا نێڤدهولهتى يا فرينێ تۆمار كهت، ژ بهر كو ئهڤ دوورپێچا ئهسمانى دبيته ئهگهر كو هاريكارى نهگههنه ئاواران.
هشيار زێبارى ئاشكهرا ژى كر كو ئهڤ دوورپێچا ئهسمانى بوويه ئهگهر كو ئێدى ئهو كرێكارێن ل ههرێما كوردستانێ ژى كار دكهن نهشێن ڤهگهرنه مالێن خوه و ئهڤه ژى بنپێكرنا مافێن وانه.
ب گۆرهى ژمارێن ل بهر دهست ل ههرێما كوردستانێ نوكه زێدهترى 200 هزار كاركهرێن بيانى كار دكهن و بههرا ههره زۆر يا وان ژى ژ وهلاتێ بهنگلادشن.
ئهڤرۆ نيوز:
ئهميندارێ گشتى يێ حزبۆلا يا لوبنانى حهسهن نهسرۆلا، راگههاند كو كێشا كوردستان گرێدايى ريفراندۆمێ يان دياركرنا چارهنڤيسى نينه، بهلێ گرێدايى پارچهبوونا دهڤهرێ يه ل سهر بنياتێ نهژادى.
نهسرۆلا د چارچۆڤێ پهيڤهكێ دا ب ههلكهفتا بيرهوهريا عاشۆرايێ راگههاند : “ئهم يێ ژ داعش ب دووماهى دهێين ئهوا ئيسرائيل چێكرى و وهلاتێن ههرێمى پشتهڤانى لێكرى، نوكه دهڤهر كهفته بهر گهفێن پارچهبوونێ، پشتى د چێكرنا داعش دا شكهستن خوارى، دهست ب پرۆژێن پارچهكرنێ كر و ل دهسپێكێ ژى ژ ههرێما كوردستانا عيراقێ دهسپێكر”.
پهيڤا خوه ئاراستهى بهرپرسێن سعودى ژى كر، پشتى پارچهبوونا كوردستانا عيراقێ و ههكه چێبوو، سوبههى گهرا سعودى يه و ئهو ژى دێ هێته پارچهكرن و گۆت: “سعودى ژ ههر وهلاتهكێ دى يێ دهڤهرێ يا بهرههڤه بۆ پارچهبوونێ”.
ئهڤرۆ نیوز ، نهوزاد هلۆرى:
وهسا بریاره كو ئهڤرۆ ئێڤارى جڤاتا بلند ا ریفراندۆمێ كومبوونهكێ ئهنجام بدهت و زێدهبارى دانوستاندن ل سهر چهند پرسهكان دێ ناڤێ جڤاتێ ژى هێته گوهۆرین.
ماجد بازرگان ئهندامێ جڤاتا بلند یا ریفراندۆمێ بۆ ئهڤرۆ نیوز گۆت: (كومبوونا ئهڤرۆ دێ ل سهر چهند پرسهكێن گرنگ یێن ههرێما كوردستان و عیراقێ بیت ژ وان بریارێن حكومهت و جڤاتا نوونهرێن عیراقێ و چهند پرسهكێن دن و رهنگه ناڤێ جڤاتا بلند یا ریفراندۆمێ ژى بهێته گوهرین بو جڤاتا بلندا سهربخوهیێ، جڤاتا بلند یا نسشتمانى).
ئهڤرۆ نيوز:
ئيلى لايك رۆژنامهڤانێ ئهمريكى ژ زارێ چهند بهرپرسێن ئيدارا ئهمريكا راگههانديه: “واشنتۆن داخواز ژ ههولێر و بهغدا كريه كو ئالۆزيان ئاسايى بكهن، ئهو ژى د رێيا هنارتنا نامهكا نهێنى كو ئهمريكا ب رێيا ههردو بالوێز و قونسلێ خوه ل بهغدا و ههولێر بۆ بهرپرسێن عيراقێ هنارتينه.
لايك د گۆتارا خوه دا كو ل ئاژانسا دهنگوباسێن بلۆمبێرگ بهلاڤكريه ئاماژه ب وێ چهندێ كريه كو نوكه دهمێ هنارتنا نامايه د ئاستێ گهلهك بلند دا، دۆنالد ترهمپ ههر ئێك ژ ريكس تيلهرسۆن وهزيرێ ژ دهرڤه و جێمس ماتيس وهزيرێ بهرهڤانيێ راسپاردينه كو داودانان ئاسايى بكهنهڤه، ئهو ژى ژ بهر پاراستنا ههڤپهيمانيا كوردى نينه، بهلكو بۆ ب دهستڤهئينانا سهقامگێريێ يه ل دهڤهرێ.
رۆژنامهنڤيس هێرشێن دژوار دكهته سهر ئيدارا واشنتۆن كو دڤيابا ل دژى خستنه سهر دوورپێچا ئابوورى بۆ سهر ههرێما كوردستانێ راوهستيابا د رێيا ترهمپ يان تيلهرسۆن يان ژى ماتيس پێدڤى بوو ب راگرتنا هاريكاريا لهشكرى بۆ عيراق و توركيا كاودان ئاسايى كربان.
ههڤدهم رۆژناما ئهخبار يا لوبنانى راگههاند كو رايان كرۆكهر بالوێزێ ئهمريكا ل عيراقێ دلتهنگيا خوه ل دۆر ههلويستێ ڤێ دووماهيێ يێ وهلاتێ وى بهرامبهر ريفراندۆمێ دهربڕيه و ئاماژه ب وێ چهندێ كريه كو دبيت حوكمهتا عيراقێ ژ بهر رۆلێ ئهمريكا يێ رهق بهرامبهر كوردان، سزايێن دژوارتر بدانيته سهر كوردان.
ئهڤرۆ نيوز:
ئهميندارێ گشتى يێ كۆمكارا عهرهبى ئامادهيا خوه نيشان دا بۆ پشتهڤانيا دهستپێشخهريا ئهياد عهلاوى بۆ چارهكرنا كێشا ناڤبهرا ههرێم و بهغدا كو ژ ئهگهرێ ئهنجامدانا ريفراندۆمێ سهرهلدايه.
نڤيسينگهها عهلاوى د بهياننامهكێ دا راگههاند كو دوهى عهلاوى پهيوهنديهكا تلهفۆنى ل گهل ئهحمهد ئهبۆ غيت ئهميندارێ گشتى يێ كۆمكارا عهرهبى ئهنجامدايه.
ئاماژه ب وێ چهندێ ژى كريه كو ئهحمهد ئهبو غيت رۆلێ ئهياد عهلاوى بلند ههلسهنگانديه و بهرسڤدانا مهسعود بارزانى بۆ دهستپێشخهريا وى.
ب گۆرهى بهياننامێ، ئهحمهد ئهبۆ غيت راگههانديه كو ئهو يێ ئامادهيه پشتهڤانى وههماههنگيێ ل گهل ئهميندارێ گشتى يێ نهتهوێن ئێكگرتى بۆ پشتهڤانيا دهستپێشخهريێ بكهت و تهكست ل سهر وێ چهندێ كريه كو ئهو دهستپێشخهرى دێ عيراقێ پارێزيت ژ كێشه و قهيرانێن زێدهتر.
رۆژا 25ى ڤێ ههيڤێ، ئهياد عهلاوى دهستپێشخهريهك راگههاند، بۆ چارهكرنا كيشه و قهيرانا ناڤبهرا ههرێم و بهغدا، ديسا هوشدارى دايه وهلاتێن ههڤسۆ د دهستدانا ناڤ كاروبارێن ناڤخۆ يێن عيراقێ.
عهلاوى د دهستپێشخهريا خوه دا داخواز ژ بارزانى كربوو كو ئهنجامێن ريفراندۆمێ راگريت، ديسا داخوازا چارهكرنا كێشا كهركووك ب رێيا ماددێ 140 يێ دستوورێ عيراقێ كربوو. ديسا داخواز كربوو كاودان بهر ب ئالۆزيا ڤهنههێنه برن و لايهن دانوستاندنێ ل سهر كێشان بكهن.
پاشان مهسعود بارزانى سهرۆكێ ههرێما كوردستانێ ب رێيا نامهكێ بهرسڤا دهستپێشخهريا عهلاوى دا بوو.
ئهڤرۆ نیوز ، نهوزاد هلۆرى:
ئهڤرۆ 1/10/2017 ههرێما كهتهلونا ئیسپانیا دێ بهر ب سندوقێن دنگدانێ ژ بو دهنگدان لسهر ریفراندۆوما سهربخوهى یا كهتهلونیا ڤه چن ، بهلێ پولیسێن ئیسپانیا ب ههموو شێوهیهكێ كهفتینه د حالهتێن بهرههڤیێ دا ژ بو رێگریكرن ل دانانا سندوقێن دهنگدانێ.
ئاژانسا رویتهرز دیاركر كو كهنالێن كهتهلونى ڤیدیویێن دانانا سندوقان ل چهند بنگهههكێن دهنگدانێ ل بهرشهلونا بهلاڤكریه ، بهلێ ل ههموو كولانێن كهتهلونا پولیس هاتینهب بهلاڤكرن بو رێگریكرن بهرامبهر دانانا سندوقێن دهنگدانێ بهرامبهر دهنگدهران.
پرۆسهیا ریفراندۆمێ ل ههرێما كهتهلونا دێ دهمژمێر 9:00ێ سپێدێ ل گورهى دهما ئیسپانیا دهستپێكهت ، و شارهزا و چاڤدێرێن نیڤدهولهتى ددهن خویاكرن ئهگهر پولیس رێگریێ ل بهرمبهر وهلاتیان بكه تدێ توندوتیژى دناڤبهرا وان و وهلاتیان هێنه ئهنجامدان.
ههرێما كهتهلونا ژى یا رژده كو ئهڤرۆ ریفراندۆم بهێته ئهنجامدان و بو ڤێ مهرهمێ ژى زێدهترى چوار هزار و 500 بنگههێ، دهنگدانێ دێ هێنهڤهكرن.
ئهڤرۆ نیوز ، نهوزاد هلۆرى:
مالپهرا فهرمى یا كوچكا سپى ل ئهمریكا ههوهكا بهرفرههـ یا كومكرنا ئیمزایان ژ بو پشتهڤانیان سهروك بارزانى بو سهربخوهى یا كوردستانێ و دامهزراندنا دهولهتا كوردستانێ دهستپێكر.
ئهگهر ههتا 30/10/2017 ، 100 هزار ئیمزا بهێنه كومكرن كوچكا سپى بهرسڤهكا فهرمى لسهر ئهوێ ههوا ئیمزا كومكرنێ ب رێیا ئهلیكترونى دهت ، و ههتا نها رێژهیهكا زور یا ئیمزایان هاتینه كومكرن.
ل گورهى مالپهرا فهرمى یا كوچكا سپى سێ پرسیار بو ههركهسێ هاتینهكرن كو ئهو ژى:
1- ئهرێ ئهمریكا پشتهڤانیێ ب رهنگهك ئاشكرا ل گهلێ كوردستانێ بكهت؟
2- ئهرێ ئهمریكا رێكێ نهدهتن كو ههر ئێك ژ وهلاتێن عیراق ، توركیا و ئیران ب رێیا گهفێن خوه دورپێچا ئابوورى لسهر ههرێما كوردستانێ بدانن؟
3- ئهرێ ئهمریكا ب ههموو رهنگان ڤه هاریكاربیت كو ب ئاشتیانه دهولهتا كوردستانێ یا دیمكراسى و خودان سهروهرى بهێته دامهزراندن؟
هون ژى دكارین ب ئهڤان رێیا پشكداریێ د ههوا پشتهڤانیا بارزانى بو درۆستكرنا دهولهتا كوردستانێ بن ر ئهڤان خالێن ل خوارێ.
پشتى كو مالپهر دهێتهڤهكرن دێ ل لایێ راستێ سێ ڤالاهیان بینى
1- ناڤێ خوه د ڤالاهیا ئێكێ دا بنڤیسه؟
2- ناڤێ بابێ خوه یان ناسناڤێ خوه د ڤالاهیا دوویێ دا بنڤیسه؟
3- ئیمێلا خوه د ڤالاهیا سێیێ بنڤیسه؟
ههردهما ئهو ههرسێ ڤالاى ته پركرن ئیمێلا خوه ڤهكه و ئیمزا خوه پشتراست بكه.
هون دكارن ب رێیا ئهڤى لینكى ئیمزا خوه بكهن
ئهڤرۆ نیوز ، نهوزاد هلۆرى:
پروفیسور دكتور “ئیسماعیل بێشكچى ” نڤیسهرێ ناڤدارێ تورك و دوستێ گهلێ كوردستانێ د نووترین ههڤپیڤیندا دیاركر كو توركیا و ئیران مهجبورن كو دانپێدانێ ب سوربخوهى یا كوردستانێ بینن.
بێشكچى د ههڤپیڤینهكێ دا ل گهل مالپهرا DW یا توركى رهخنه ل حكومهتا توركیا گرت ههمبهر ئهوان گوتنێن كو دبێژیت دانپێدانێ ب ریفراندۆما سهربخوهى یا كوردستانێ نادهین و گۆت ژى: (هێشتاههوه چارهسهریا كوردێن وهلاتێ خوه نهكرینه چما بهرامبهر كوردێن عیراقێ دئاخڤى ، و توركیا و ئیران ههردوو مهجبورن كو دانپێدانێ ب سهربخوهى یا كوردستانێ بینن ، و ئهو د شاشن كو دژى ریفراندۆما سهربخوهى یا كوردستانێ راوستاینه ، و شوونا ئهو ئاریشهیا كوردێن وهلاتێ خوه چارهسهر بكهن یێن ماینه ب كوردێن ههرێمێ ڤه )
بێكشچى ب گرنگیهكا زور ڤه بهحس ل ئیرادا گهلێ كوردستانێ دكهت و دبێژیت كو ریفراندۆم سهركهفتنهكا مهزن یا گهلێ كوردستانێ بوویه و دهنگێن گهلێ كوردستانێ ب بهلێ دێ ئایندهیهكێ گهش بو نهڤیێن وان دهتن و گۆت ژى: (ئهو كهسێن كو دبێژن ریفراندۆما كوردستانێ شهرعیهت نینه پێدڤى یه بهرى وهبێژن بزانن كا چ دبێژن ، و ترسا توركیا و ئیرانێ ئهوه كو ئهوان نهڤێت ب ههمان شێوه كوردێن باكوور و رۆژههلاتێ ههمان داخوازیێ بكهن ، و دهمهكێ نێزیك توركیا و ئیران و ههموو ئهووهلاتێن كو دژى ریفراندۆم و سهربخوهى یا كوردستانێ راوهستایى دێ دانپێدانێ ب سهربوهى یا كوردستانێ دهن)
نيشاندان