ئەڤرۆ نیۆز،زنار تۆڤی:
ئەڤرۆ رۆژا پێنجشەمبی ترۆمبێلەكا بارهەلگر یا گازا سپی ل نێزیک گوندێ گرباویل ل سەر رێیا سەرەکی یا دهوکێ وەرگەریا و ئاگر بەربوویێ و تیما بەرگریا شارستانی یا ئاکرێ هەر زوو گەهشتە جهێ روودانێ و شۆفێرێ ترۆمبێلێ رزگار کر و لێ شۆفێر ب سڤکی برینداربوویە و هاتیە رەوانەکرن بۆ نەخۆشخانێ،هەروەسا ترۆمبێل ب تەمامی هاتیە سوتن، دیسا ئاگر بەرەف گه نمێ چەند جۆتیارا ڤەچوو لێ تیما بەرگریا شارستانیا ئاکرێ نه هێلا چ گەنم بهێتە سوتن و ئاگر کونترولکریە.
ئەڤرو نیوز ، بێوار حسێن:
ده‌مه‌كى به‌رى نها ئاگر بەر دبیتە زەڤیەکا دەخل و دانی ل سنوورێ ناحیا روڤیا یا سەر ب قەزا بەردەرەش و دونەمەکا دەخل و دانی دھێتە سووتن.
دڤی واریدا رائد فیراس یارسین بەرپرسێ راگەھاندنا بەرەڤانیا باژێری ل ئاکرێ بۆ ئەڤرو نیوز گۆت: (ئەڤرۆ رۆژا پێنجشەمبی تیما بەرەڤانیا باژێری ل ئاکرێ ھاتە ئاگەھدارکرن کو روودانەکا ئاگرێ ل کوما گلێشی ل گوندێ پيرچاوش درۆست بوویە و دەملدەست تیمێن مە گەھشتنە جھێ روودانێ و شیا ئاگری کونترول بکەن ، بەلێ ب لێبورین ڤە ئێک دونەما دەخل و دانێ جوتیاران ل دەڤەرێ سووت)
زێدەتر گۆت: (ناھێتە زانین کێ ئاگر بەردایە کوما گلێشی ، بەلێ ئەو ئاگر ژ کوما گلێشی بەر ب دەخل و دانی چوویە ، و ئەگەر تیما مە ئاگر کونترول نەکربایە دا ١٠٠ دونەمێن زەڤیێن دەخل و دانی ل دەڤەرێ سووژن ، و داخوازێ ل خەلکی دکەین کو ھوشیاربن ژ ئاگرێن خوە چونکی وەرزێ ھاڤینێ یە و پوش و پەلەخ زورە و بلا زیانێ نەگەھینن خەلکی)
دیدار : نەوزاد ھلۆری:
وەسا بریارە کو سوبەھی وەلاتیێن کومارا ئیسلامیا ئیرانێ بەر ب سندوقێن دەنگدانێ بچن بۆ ھەلبژاردنا سەروکەکێ نوو ، دیارکرنا ئەندامێن شورایا باژێر و گوندان ، چالاکڤانەکێ سیاسیێ رۆژھەلاتێ کوردستانێ دیاردکەت کو باشترە کورد پشکداریێ د ھەلبژاردنێن ئیرانێ دا نەکەن.
ھیدایەت جان چالاکڤانێ سیاسی ل رۆژھەلاتێ کوردستانێ دیارکر کو باشترە کورد پشکداریێ د ھەلبژاردنێن ئیرانێ دا نەکەن و بۆ ئەڤرو نیوز گۆت: (بو ئێکەمین جار د دیروکا خوە دا شەش پارتێن سیاسیێن رۆژھەلاتێ کوردستانێ پێکڤە بەیاننامەیەکێ دەر دکەن و بریارا بایکوتا ھەلبژاردنێن ئیرانێ دکەن ، ھەر چەندە دھەلبژاردنێن بوری ژی دا بایکوت دکر ، بەلێ ل وی دەمی ھەر پارتەکێ جودا بایکوت دکر ، بایکوتکرنا ھەلبژاردنێن ئیرانێ ژلایێ کوردان ڤە چەند سەدەم ھەنە ژبەرکو کورد ل ئیرانێ چوو وەکو نەتەوە چو ژی وەکو وەلاتی دانپێدان پێ ناھێتەکرن و ژلایێ مەزھەبی ڤە ژی ژلایێ شیعەیان ڤە دھێنە چەوساندن )
زێدەتر گۆت: (کوردان ل ئیرانێ کومەکا حەزێن سیاسی و جڤاکی و فەرھەنگی ھەنە و ب درێژاھیا چەرخەکێ خەبات و قوربانیدان بۆ کریە و دەھان ھزار شەھید و قوربانی داینە ، نوکە جڤاکێ رۆژھەلاتێ کوردستانێ جڤاکەک ھوشیارە ب تایبەتی ژ روویێ سیاسی ڤە ھەر ژبەرڤێ یەکێ یە ژی ژلایێ فارسان ڤە ب توندترین شێوە دھێتە چەوساندن و ب دارڤەکرن ، دھەلبژاردنێن بوری دا چوو ژ ژیان و گوزەرانیا خەلکی نەھاتیە گوھرین و بەلکو پتر بنەمایێن حکومەتێن فاشل و مەزھەبی ل دەڤەرێ درۆست بوینە ژبەرڤێ گرنگە کورد پشکداریێ ھەلبژاردنان نەکەت ”
چالاکڤانێ سیاسیێ رۆژھەلاتێ کوردستانێ دیارکر ژی کو دسیستەمێ سەروکاتیا ئیرانێ دا بناڤێ فەقی و نونەراتیا ئیمامێ دوازدێ یێ شیعەیان کو ئیمام مەھدی یە بریار دھێنەدان و ئەڤە سەرەرای کو ژلایێ خەلکی ڤە دھێتە ھەلبژاردن و گۆت ژی: (ئەڤ پوستە ژلایێ عەلی خامنەیی رێبەرێ کومارا ئیسلامی و فەرماندیێ گشتیێ ھێزێن چەکدارڤەیە و ھەر بریارەکا سیاسی یان رێکەفتنەک ھەتا خوە بریارێن وەزارەتا داد ل ئیرانێ دەربچیت دڤێت ب موور و پەسەندا خامنەیی بیت ، ژبەرڤێ پوست و پەرلەمانتاری تشتەکێ روتینێن کارگێریێن رۆژانەیە ، ھەر بوو نموونە د ھەلبژاردنێن بوری دا رووحانی سووزدا کو ل دەڤەرێن کوردی خواندن ب زمانێ کوردی بیت و پارێزگەە و قایمەقامیەت دێ خوجھی بن و ھەژاری دێ ھێتە بنبرکرن ، دیسان گرتن و دارڤەکرن ژی لسەر بنەمایێ کوردایەتی نابیت و د کابینا وی دا دێ وەزیرەک یان دوو بو کوردان ھێنەدان ل گەل چەند سووزەکێن دن ، پشتی کو روحانی ب دەنگێن کوردان بویە سەروک کومار ھەموو ئەو سووزێن کو ل گەل کوردان دایی بجھنەکرن ، دبەرامبەر ژی دا گرتن و دارڤەکرن و ھەژاری پتر بەربەلاڤ بوو و دماوەیێ ئەڤا چوار سالێن بوری دا ٣٢٨ کورد ب دارڤەکرینە کو ژوان ٢١ ژن بوون و ھزاران ژی ھاتینەگرتن ، ئەڤە زێدەباری کو سووزدا بوو رەوشا کولبەران باشتر بکەت و نەھێنە کوشتن ژلایێ پاسداران ڤە ، بەلێ دیسان ئەڤ سووزە ژی شکاندن و کولبەر زێدەتر کەفتنە د رەوشەکا نەخوش و پتر ژی ھاتنە کوشتن)
ھیدایەت جانی گۆت ژی: (کورد نکارن خوە بەربژێر بکەن بو پوستێ سەرک کوماری ژ بەر چەند ئەگەرەکان ژ وان ژی دڤێت بەربژێر فارس و شیعە بیت و پەسەندا عەلی خامەنەیی ژی ھەبیت ، چوو جاران ژی کورد نکارن بکەن ، بەلێ د ھەلبژاردنا پەرلەمانێ ئیرانێ دا ژبەرکو ھەلبژاردنەکا لوکالی یە پێدڤی ب راگەھاندنێ ناکەت و ب رێیا مزگەفت و پوستەران ھەلبژاردن دھێتەکرن )
ل بارا گرنگترین ئەو گورانکارێن کو دێ ب ھەلبژاردنێن ئیرانێ ل جیھانێ و ھەرێما کوردستانێ ھێنەکرن چوو نە ، ھیدایەت جان چالاکڤانێ سیاسی ل رۆژھەلاتێ کوردستانێ گۆت: (ھەلبژاردن ل ئیرانێ شانوگەریەکا سیاسی یە و چوو ھەلبژاردنێن بوری نەشیایە دوسیا دەستوور و قانونێ بگوھریت و ب دیتنا من دێ ئەڤ ھەلبژاردن ژی تنێ گوھرینا کەسان بیت و چوو گورانکارییان ل جیھانێ و دەڤەرێ و ھەرێما کوردستانێ ژی ناکەن ، د راپورتێن نەتەوەیێن ئێکگرتیێن ئەمریکا دا دیار دبیت کو ئیران گەلەک پێشیلکاریان بەرامبەر وەلاتیێن خوە دکەت و ل رێزا دویێ دھێت بو سزایێ دارڤەکرنێ و خرابترین وەلاتە بو بنپێکرنا مافێن مرۆڤی ، ب دیتنا من چوو جاران کورد نکارن ل سایا دەستھەلاتەکا بڤی رەنگی ب مافێن خوە شادبیت )
ئەڤرۆ نیوز:
دچارچوڤێ به‌رنامێن هاریكاریكرنێ یێن حكومه‌تا ئه‌لمانیا ب رێكا رێكخراوێن ئه‌لمانی پێشكێشی فه‌رمانگه‌هێن خزمه‌تكاری دكه‌ت ئه‌ڤرو سپێدێ 18-5-2017 هه‌ڤبه‌سته‌ك دناڤبه‌را به‌رێزان اسماعیل محمد احمد هاریكارێ پارێزگه‌ری بوكاروبارێن مروڤایه‌تی وخانم (جێنه) رێڤه‌به‌را به‌رنامێن بلندكرنا شیانا ل رێكخراوا ( GIZ ) یا ئه‌لمانی ل كوردستانێ و چار فه‌رمانگه‌هێن میری (رێڤه‌به‌ریا گشتی یا باژێرڤانیێن پارێزگه‌هێ و گه‌شه‌پێدانا جڤاكی و رێڤه‌به‌ریا ئاڤدانێ و رێڤه‌به‌ریا گشتی یا كاره‌بێ) ب كوژمێ (200,000) یورویا هاته واژوكرن بو بجهكرنا چه‌ند پروژێن خزمه‌تكاری یێن گرێدای ب ژیانا روژانه یا وه‌لاتییان ڤه.
درێ ورسمێن واژوكرنا گرێبه‌ستێ دا ، رێڤه‌به‌را به‌رنامێن بلندكرنا شیانا ل رێكخراوا ( GIZ ) یا ئه‌لمانی ل كوردستانێ گوت: ئه‌م وه‌كو حكومه‌تا ئه‌لمانیا وئێكه‌تیا ئه‌ورپی خوشحالین ڤان هاریكاریا بو فه‌رمانگه‌هێن میری وه‌كو قوناغا ئێكێ پێشكێش دكه‌ین چونكو ئه‌م دزانین ژبه‌رهاتنا گه‌له‌ك ئاوارا وپه‌نابه‌ران بو هه‌رێما كوردستانێ گه‌له‌ك بارگرانی كه‌تیه سه‌ر سه‌كته‌رێن خزمه‌تكاری له‌ورا ئه‌ڤ جوره پروژه مه لپارێزگه‌هێن كوردستانێ هه‌نه دا بارێ وان سڤك كه‌ین وته‌كه‌زكر كو قوناغا دووێ ژڤی پروژه‌ی دێ ل مه‌ها ئه‌یلولێ یا ئه‌ڤ ساله ب هه‌مان كوژمه‌ی دێ هێته ئه‌نجامدان.
ل دور ناڤه‌روكا وان پروژان اسماعیل محمد احمد هاریكارێ پارێزگه‌ری بوكاروبارێن مروڤایه‌تی گوت: ئه‌ڤ به‌رنامه دوو لایه‌نان بخوڤه دگریت یێ ئێكێ پشته‌ڤانیكرنا پروژێن خزمه‌تكاریه ویێ دووێ بلندكرنا شیانایه وئه‌ڤرو گرێبه‌ست دگه‌ل چار فه‌رمانگه‌ها هاته واژوكرن وچار پروژه بكوژمێ 200هزار یورویا دێ هێنه ئه‌نجامدان ئه‌و پروژه ئه‌ڤه‌نه (چێكرنا رێكێن نافخویی ل دومیز بو باژێرڤانیێن پارێزگه‌هێ وكرینا هنده‌ك كه‌ل وپه‌لا بو رێڤه‌به‌ریا گشتی یا كاره‌بێ پروژه ل سێمێلێ دێ هێته ئه‌نجامدان و وئاڤاهیێ كێم ئه‌نداما سه‌رب گه‌شه‌پێدانا جڤاكی دێ هێته نویژه‌نكرن وكه‌ل وپه‌ل دێ بو هێنه كرین هه‌روه‌سا بو رێڤه‌به‌ریا ئاڤدانێ بوریێن ئاڤدانێ بو جوتیارا دێ هێنه كرین) ول حه‌فتیا بهێت دێ ده‌ست بجهئینانا وان هێته كرن، ول هه‌یڤا 9 یا ئه‌ڤ ساله دێ ده‌ست بجهئینانا قوناغا دووێ یا پروژێ بلندكرنا شیانا هێته كرن.
ئەڤرو نیوز :
سوبەھی رۆژا ئەینی وەلاتێن کومارا ئیسلامیا ئیرانێ بو ھەلبژاردنا سەرۆکەکێ نوو، دیارکردنا ئەندامێن ئەنجومەنا شورایا باژێر و گوندان دێ بەر ب سندوقێن دەنگدانێ ڤە چن، ئەڤە د دەمەکێ دایە کو پرانیا پارتێن کوردیێن رۆژھەلاتێ کوردستانێ بایکوتا ھەلبژاردنان کریە.
دھەلبژاردنێن ئیرانێ دا تنێ دوو کەس ھەڤرکیێ لسەر پوستێ سەروک کومارا ئیرانێ دکەن ئەو ژی ” حەسەن روحانی و ئیبراھیم رەئیسی” نە، و ئەو ژی پشتی وێ یەکێ کو چەند بەربژێرەکان پاشڤە زڤرین.
روحانی وەکو ریفورمخواز و رەئیسی وەکو بەناژوخواز د ھەلبژاردنان دا ماینە و ل گورەی پێشبینیان روحانی دێ بیتە سەروک کومارێ ١٢ێ یێ کومارا ئیسلامیا ئیرانێ.
وەزارەتا ناڤخویا ئیرانێ راگەھاند کو ئەوان ھەموو بەرھەڤی کرینە کو سوبەھی ب شێوەیەکێ ئازادانە ھەلبژاردن ب رێڤە بچن و بو ڤی َمەرەمێ ژی ٢٦٠ ھزار کەس دێ ب ئەرکێ پاراستنا دەنگدەران رابن.
ئەڤرو نیوز :
سپێدھیا ئەڤرۆ ھێزێن پێشمەرگەی ل مێحوەرێ گەرمەسێر ل سنوورێ قەزا خورماتو ھێرشەکا داعشێ ژناڤبر و ھژمارەکا داعشان ژی کوشتن.
ل گورەی زانیاریێن ھێزێن پێشمەرگەیان ل سنوورێ لیوا پێنج کو ئەڤرو سپێدێ دەردورێن دەمژمێر ٣:٣٠ چەکدارێن داعشێ ھێرش کریە سەر سەنگەرێن پێشمەرگەی ل سنوورێ قەزا قورمال ل مێحوەرێ گەرمەسێر بەلێ ژلایێ وانڤە ھاتیە ژناڤبرن.
ھەر لگورەی ئەوان زانیاریێن پێشمەرگەی ، ھێرشا ئەڤرۆ نێزیکێ دوو دەمژمێران ڤەکێشا و د ئەنجام دا ھێزێن پێشمەرگەی شیان ھێرشا وان ژناڤ ببەن و ھژمارەکا زور یا چەکدارێن داعشێ بکوژن و بریندار بکەن.
ئه‌ڤرۆ نيوز:
بڕياره سوبه‌هى رۆژا ئه‌ينى گه‌شت د ناڤبه‌را هه‌ردو فرۆكخانێن سلێمانيێ و ديمه‌شق دا ب گه‌هشته‌كێ ل سوريا ده‌ست پێ بكه‌نه‌ڤه پشتى بۆ ماوێ زێده‌تر ژ چار سالان هاتينه راگرتن.
راگه‌هاندنا فرۆكخانا سلێمانيێ راگه‌هاند: سوبه‌هى رۆژا ئه‌ينى رێكه‌فتى 19ى گۆلانا 2017ێ ل فرۆكخانا هه‌ولێر و ل ده‌مژمێر 10:30 ده‌قيقه‌ى سپێدێ گه‌شتا ئێكێ د ناڤبه‌را ڤان هه‌ردو فرۆكخانان دا ده‌ست پێ بكه‌ت.
بڕيار بوو 10ى گۆلانێ و پشتى زێده‌تر ژ چار سالێن راوه‌ستيانێ ژ ئه‌گه‌رێ ئالۆزيێن سوريا گه‌شتێن ئه‌سمانى يێن ناڤبه‌را هه‌رێم و سوريا دا هاتبوونه راگرتن و ب ڤێ چه‌ندێ ژى فرۆكخانا سلێمانيێ دێ پێشوازيا فرۆكا ئێكێ ژ ديمه‌شق بۆ سلێمانيێ كه‌ت.
ئه‌ڤرۆ نيوز:
وه‌زيرێ ده‌رڤه يێ توركيا راگه‌هاند كو پێدڤيه برێت مه‌كگۆرك نوونه‌رێن سه‌رۆكاتيا ئه‌مريكا د هه‌ڤپه‌يمانيا نێڤده‌وله‌تى دا ل دژى داعش ژ كارێ وى بهێته دوورخستن و دبێژيت ئه‌نقه‌ره سه‌ره‌ده‌ريێ ل گه‌ل ناكه‌ت.
مه‌ولود جاوش ئۆغلۆ گۆتژى: “بڕيت مه‌كگۆرك ل سه‌ر ده‌مێ ئۆبامايى وه‌كو نوونه‌رێن سه‌رۆكێ ئه‌مرێكا بۆ شه‌رێ دژى داعش ده‌ست ب كار بوويه، ب ئاشكه‌رايى پشته‌ڤانيا په‌كه‌كێ و يه‌په‌گێ دكه‌ت و پێدڤيه ئيدارا نوو وى ژ كارێ وى دووربێخيت، چونكو ئه‌و په‌كه‌كێ و يه‌په‌گێ ب دو پێكهاتێن جودا دبينيت، د ده‌مه‌كى دا كو هه‌ردو ئێكن”.
ئەڤرو نیوز : نەوزاد زادە ھلوری:
ل ھەرێما کوردستانێ دەست ب وەرگرتنا ئیمزایان دھێتەکرن و دیاداشتەکێ دا کو دێ بو سەروکاتیا ھەرێما کوردستانێ و پەرلەمانێ کوردستانێ و حکومەتا ھەرێما کوردستانێ و ئەنجومەنا دادوەریێ ھێتە رەوانەکرن ، کومەکا چالاکڤان و رەوشەنبیر و کەسانێن ئەکادیمیێن ھەرێما کوردستانێ داخوازا گرنگیدان و پشتگوە نەھاڤێتنا زمانێ کوردی دکەن.
دڤی واریدا بابان جەعفەر ئەندامێ دەستەیا بلندکرنا یاداشتنامێ بو ئەڤرو نیوز گۆت: (مە کومەکا کەسانێن رەوشەنبیر و رۆژنامەڤان و ئەکادیمی و چالاکڤانان دیاداشتەکێ دا کو دێ بو سێ سەروکایەتی و ئەنجومەنا دادوەیێ ھێتە بلندکرن دخوازین کو ل سازی و دام و دەزگەھێن میری و حزبی و ھەردەرێ بیت گرنگیی ب زمانێ کوردی بھێتەدان و پشتخوڤە نەھێتە ھاڤێتن ب تایبەتی ژلایێ وەزارەتا خواندنا بلند و ڤەکولینێن زانستی و وەزارەتا پەروەردێ یا حکومەتا ھەرێما کوردستانێ ژبەرکو کورد د قوناغەکا ھەستیار دا دبوورن کو ئەو ژی قوناغا ھەرەشەیایە بۆ سەر ھەرێما کوردستانێ)
زێدەتر گۆت: (زمانێ کوردی ئێکە ژ پێدڤیێن سەرەکیێن دەولەت بوونێ ، بەلێ دسەر ڤێ یەکێ ژی دا وەزارەتا خواندنا بلند بریار دایە کو زمانێ کوردی ل پولا دوزادێ ئامادەیی پشتخوڤە ھاڤێتیە دەما کو قوتابی ل کولیژێن نوشداری و ئەندازیاری و زانستی دخونن و ئەو سەرپشککرینە کو ئەڤ یەک ژی دەستپێکەکا زۆرا خرابە بو زمانێ کوردی)
ب باوەریا بابان جەعفەر ئەڤ یاسایە بەروڤاژی چەند قانونایە ژ وان ژی ” بەروڤاژی ماددێ چوار یا دەستوورێ کومارا عیراقێ یە کو تێدا زمانێ کوردی ل پال زمانێ عەرەبی ل عیراقێ زمانەکێ فەرمی یە ، دیسان بەروڤاژی پروژە دەستورێ ھەرێما کوردستانێ یە ، و بەروڤاژی قانونا ھژمار شەش یا سالا ١٠١٤ کو گرێدایە بزمانێ فەرمی ل ھەرێما کوردستانێ ، دیسان بەروڤاژی قانونا ھژمار حەفتە یا قانونا ٢٠١٤ کو گرێدایە ب زمانێ فەرمی ڤە و ژلایێ حکومەتا ھەرێما کوردستانێ ھاتیە پەسەندکرن ، و ھەردیسان بەروڤاژی قانونا ھژمار ١٢ یا سالا ١٩٩٧ یا ئەکادیمیا کوردی کو ل پەرلەمانی کوردستانێ دەرچوویە ، ھەردیسان ئەڤ بریار بریارەکا نەدادپەروەری یە ژبەرکو ئەڤ بریار ل دەمەکێ دەرکریە پرۆسەیا خواندنێ بو ئەڤ سال بەر ب دوماھیێ یە و ژبەر قوتابیان بەرزەکریە ، دیسان بریارەکا نەکارگێری یە ژبەرکو پەیوەندی ب وەزارەتا پەروەردێ ڤە ھەیە و وەزارەتا خواندنا بلند بریار دەرکریە ، و یا ژ ھەمووان نەخوشتر بریارەکا نە نەتەوەیی یە ژبەرکو دژی بەرژەوەندیێن بلندێن گەلێ کوردە کو زمانێ دایکە ، ئەڤ بریار ژی ل گەل بریارا رژێما بەعس دگونجیت کو ل سالا ١٩٧٦-١٩٨٩ دەرکربوو)
ئەندامێ دەستەیا بلندکرنا یاداشتنامێ ددرێژاھیا ئاخفتنێن خودا گۆت ژی: (دچەند خالەکان دا ئەڤ بریار دبیتە سەدەم کو زمانێ کوردی پشتگوھڤە بھێتە ئاڤێتن ژ وان خالان بێ بەھرکرنا زمانێ کوردی ل ھەموو دام و دەزگەە و ناڤەندێن خواندنێ ، پشتگوە ھاڤێتنا دەرچویێن پشکێن زمانێ کوردی و خواندنا پشکێن زمانێ کوردی ل زانکویان و پشتگوە ھاڤێتنا زمان و ئەدەبا کوردی کو کەلتورێ رەسەن یێ کوردی یە ، ژبەرڤی َدخوازین کو ب مەرەما زێدەتر بەر ب پێشڤەچوونا زمانێ کوردی پێدڤی یە ئەڤ بریار بھێتە راگرتن و ھەموو ئەو خەبات و قوربانیدانا گەلێ کورد بو زمانێ کوردی کری دێ دبەرئاڤێ دا چیت )
ل داویێ گۆت: (زێدەتر ژ ھزار کەسان ئیمزا لسەر ئەڤێ یاداشتێ کریە و ئەم بزاڤی َدکەین کو زێدەتر یا ئیمزایان کوم بکەین داکو پتر جھێ خوە بگریت)
ئەڤرۆ نیوز، رۆژھات لوقمان:
بەرپرسێ پشکا پەیوەندی و راگەھاندنێ ل رێڤەبەریا پولیسێن پارێزگەھا دھوکێ بو ئەڤرۆ نیوز گۆت: (پشتی کو چەند خێزانەکا باژێرێ زاخو ل بنگەھێ نەھێلانا گونەھباریان ل زاخو سکالا تومار کری ب ئەگەرێ وێ چەندێ چەند چەک و تەقەمەنی و تلەفون و ئایپات ل مالا وان دا ھاتینە دزین ،بنگەھێ نەھێلانان گونەھباریان ب کارێ خوە رابون و پشتی کو گومان ل سەر دوو کەسان ھاتیە دیتن ئەو شیان ھەردو کەسان ل بنگەھێ نەھێلانا گونەھباریان ل زاخو بەرھەڤ بکەن و پشتی ڤەکولینێ ھەردوو تاوانباران دانپێدان ب تاوانا خو کر)
ھێمن سلێمان بەرپرسێ پشکا پەیوەندی و راگەھاندنێ ل رێڤەبەریا پولیسێن پارێزگەھا دھوکێ بو ئەڤرۆ نیوز دیارکر ژی: (ھەردوو کەسان دناڤا مالەکێ دا دوو جورێن چەکی کو پێک ھاتبون ژ چەکێ (کلاشینکوف و برنا ) دگەل تلەفون و ئایپاتان دزیبون و ھەردوو تاوانباران دانپێدان ب تاوان خو کریە و ل دیڤ بەندێ (٤٤٣) ژ یاسایێن سزاییًن عیراقی ھاتنە دەستەسەرکرن )
ناڤبری ئەو چەندە ژی نەڤەشارت کو ئەو ھەردوو کەسێن ب دزینا چەکی رادبوون ھەر ئەوان چەک فروتبوون و ئەم ژی ب کارێ خوە یێ دروستی رادبین و ناھێلین مافێ چ کەسێ بھێـتە خارن.
نيشاندان