ئەڤرو نیوز:
دەمەک بەریا نھا کومبوونا دناڤبەرا شاندنێ ھەرێما کوردستانێ ب سەروکاتیا بەرێز “نێچیرڤان بارزانی ” سەرۆکێ حکومەتا ھەرێما کوردستانێ و وەزیرێ دەرڤەیێ روسیا “سێرکی لاڤروڤ “دەست پێ کر.
ل گورەی ئەوان زانیاریێن کو د میدیایێن جیھانی و نافخویی بەلاڤبووی وەسا بریارە د کومبوونێ دا بەحس ل پەیوەندیێن دناڤبەرا ھەرێما کوردستانێ و روسیا بھێنە بەحسکرن تایبەتی شەرێ دژی داعش و کومپانیێن بوارێ پەترولێ.
وەسا بریارە پشتی داوی ھاتنا کومبوونێ شاندنێ حکومەتا ھەرێما کوردستانێ ل گەل سەروکێ روسیا فلادیمێر پوتین ژی کومببن.
ئەڤرو نیوز ، نەوزاد زادە ھلۆری:
ب ھەلکەفتا ھاتنا مەھا رەمەزانا پیروز خێرخوازەکێ دەڤەرا ئاکرێ ١٠٠ پارچە زەڤی لسەر خێزانێن ھەژار و کێم دەرامەت و کەس و کارێن شەھید و پێشمەرگەیێن قارەمان و وان گەنجان دا دابەشکرن یێن کو ژ نوو چوینە د پروسەیا ھەڤژینیێ دا کورێ ئەوی خێرخوازی ددەتن دیارکر کو ئەڤ بەرنامە ھەتا ھەتا دێ بەردەوام بیت تایبەتی بو پێشمەرگە و گەنجێن دچنە د ھێلینا زێرین دا.
ھنێر رزا زێباری کورێ ئەوی خێرخوازی یە بۆ ئەڤرو نیوز گۆت: (ب ھەلکەفتا ھاتنا مەھا رەمەزانا پیروز مە ب فەردیت کوپ ارچە زەڤیێن خوە لسەر کەس و کارێن شەھید و پێشمەرگەیێن قارەمان و ھەژار و کێم دەرامەت و ئەوان گەنجان دابەش بکەین یێن کو ژ نوو چوینە د پروسەیا ھەڤژینیێ دا)
زێدەتر گۆت: (ھەتا نھا ١٠٠ پارچە زەڤی ھاتینە دابەشکرن کو رووبەرێ ھەر ئێک ژ وان پارچە زەڤیان ٣٠٠م٢ بوویە و ئەڤ ھەموو پارچە زەڤیە ژی دێ ل دەڤەرا شەرمن بو وان ھێنە دان)
زێباری د درێژاھیا ئاخفتنێن خودا دیاکر ژی کو پروسەیا دابەشکرنا پارچە زەڤیان بو ئەوان تەخێن ھاتینە دیارکرن دێ بەردەوام بیت و گۆت ژی: (کەسانێن کو پێشمەرگە و ھەژارن بەردەوام پێدڤی ب ھەڤکارایە ژبەرڤێ مە بریار دایە کو دانا پارچە زەڤیان بو ئەوان یا بەردەوام بیت ، و دیسان تەخەکا دن ژی دێ ھەتا ھەتایێ مفای ژ پارچە زەڤیێن مە وەرگریت ل ئایندە تەخا وان گەنجایە یێن کو دچنە د ھێلینا زێرین دا ژ کچ و کوران)
دەڤەرا شەرمن ب دوراتیا ١٥کم دکەڤیتە باکوورێ رۆژئاڤایێ قەزا ئاکرێ و دەڤەرەکا گونجایە بو چاندن و ب خودانکرنا تەرش و کەوالی و کارێن پێشەسازی.
ئەڤرو نیوز ، نەوزاد زادە ھلۆری:
دەمەک بەریا نھا نادیە موراد بالیوزنا نیازپاکیێ ل نەتەوەیێن ھەڤگرتیێن ئەمریکا گەھشتە دەردورێن شنگال و سەرەدانا گوندێ کوچو ددەت.
دڤی واریدا ” حوزنی موراد ” برایێ نادیا موراد بو ئەڤرو نیوز گۆت: (ب مەرەما ژ نێزیک ھایداربوونا رەوشا خەلکێ گوندێ کوچو دەمەک بەریا نھا نادیە موراد بالیوزا نیازپاکیێ ل نەتەوەیێن ھەڤگرتیێن ئەمریکا گەھشتە دەڤەرا شنگال و ژ نێزیک سەرەدانا گوندێ کوچو کر)
زێدەتر گۆت: (نادیایێ ل نێزیک ل گەل خەلکێ گوندی ئاخفتیە و مەرەما وێ ژی بتنێ سەرەدان بوویە بو جھێ ژین و ژیارا خوە ، و پشتی دوماھی ھاتنا سەرەدانێ جارەک دن دێ زڤریتەڤە ئەوروپا)
دھێتەزانین کو گوندێ کوچو گوندێ نادیا مورادێ یە و دوو رۆژ بەریا نھا ژلایێ ھێزێن حەشا سەعبی ھاتیە کونترولکرن کو ل سالا ٢٠١٤ مەزنترین کومکوژی دژی ئێزدیان ل گوندێ ناڤبری ھاتبویە ئەنجامدان.
ئەڤرو نیوز ، نەوزاد زادە ھلۆری:
بەری دەمەکێ بیڤەلەرزەکێ سەنتەرێ باژێرێ دھۆک و دەوروبەر ھژاند و ئەڤرو نیوز زانیاریێن نوو بەلاڤ دکەت.
رەمەزان حەمزە شارەزایێ جیولوجی و بیڤەلەرزەیان لە دھۆکێ بۆ ئەڤرۆ نیوز گۆت: ( ئەڤرو ل دەمژمێر ١:١٨ خولەک و چەند چرکەیەک بیڤەلەرزەکێ سەنتەرێ باژێرێ دھۆک و دەوروبەر ھژارند ، بەلێ سوپاس بو خودێ چوو زیانێن گیانی و ماددی نەبوون ، بەلکو تنێ خەلکی ھەست پێکر و ئەگەر تشتەکێ سادە ژ جھێ خوە کەفت بیت ئەگەر چوو زیان نینن ”
زێدەتر گۆت: ( بیڤەلەرزب پلەیا 3،2 پلە ل گورەی پیڤەرا رێختەر ل چیایێ زاوا و باشوورێ دھۆکێ ب کوراتیا ٢٠کم بەر ب دھوکێ ھاتیە کو ژ ئەگەرا کومپانی و بیرێن پەترولێ ل شێخان درۆست بوویە )
شارەزایێ جیولوجی و بیڤەلەرزەیان ل دھوکێ دیارکر ژی کو نھا جیھان ھەموو درەزینەکێ دایە ب تایبەتی دەریا سوور چونکی دەریا سوور گەلەک کارتێکرن لسەر بیرێن پەترولێ ھەیە .
ئەڤرو نیوز ، نەوزاد زادە ھلوری:
کومەلگەھا کەلانێ ئێکە ژ وان باژێرڤانیێن نوو ھاتیە دامەزراندن ل سنوورێ قەزا ئاکرێ ، بەلێ ھەتا نھا ئاڤاھی و فەرمانبەر و بودجە ھەتا خوە ترومبێل ژی نینن.
دڤی واریدا ” حەدێ سورچی ” رێڤەبەرێ باژێرڤانیا کەلانێ بۆ ئەڤرو نیوز گۆت: (سەروکاتیا باژێرڤانیا کەلانێ ھاتە دامەزاندن کو ئەڤ یەک ژی پێنگاڤە ھەری گرنگە داکو خزمەتەکا باش بو خەلکێ دەڤەرێ بھێتەکرن ، بەلێ یا جھێ گازندێ ئەوە کو ھەتا نھا باژێرڤانیا کەلانێ فەرمانبەر و بودجە و ئاھاڤی ھەتا خوە ترومبێل ژی نینن کو پێ خزمەتا خەلکێ دەڤەرێ بکەین)
زێدەتر گۆت: (ئەگەر فەرمانبەر و ئاڤاھی و بودجە بو سەروکاتیا باژێرڤانیا کەلانێ بھێتە دابینکرن دێ شێن زورترین خزمەت بو خەلکێ دەڤەرێ بکەین چونکی د پلانامەدایە کو ئاڤرێژی و جاددێن نافخوی و کێشانا جاددێ بو ھەموو گوندان و باشترکرنا تورا کارەبێ و ئاڤێ ، دیسان پاراستنا ژینگەھێ و درۆستکرنا کەسکاتی ل سنورێ باژێرڤانیا کەلانێ بو خەلکی درۆست بکەین ، و ھەموو بەرمایکێن دەڤەرێ ژی بو جھەکێ تایبەت ڤەگوھێزین)
سەروکێ باژێرڤانیا کەلانێ زێدەتر گۆت: (مە داخوازی ل جھێن شولەژێ کریە کو ب زوترین دەم پێدڤیێن باژێرڤانیا کەلانێ بھێنە دابینکرن داکو بکارین خزمەتا وەلاتیان بکەین)
باژێرڤانیا کەلانێ نێزیکێ ٢٥ گوندان پێکدھێت و زێدەتری ھزار ٥٠٠ کەس تێدا دژین.
ئه‌ڤرۆ نيوز:
نێچبرڤان بارزانى سه‌رۆك وه‌زيرێن هه‌رێمێ گه‌هشته سان پترسبورگ يێ رووسى، برياره رۆژا 1 خزيرانێ كوربه‌ندێ پان پترسبورگ يێ ئابوورى ل وه‌لاتێ رووسيا بهێته سازكرن، شانده‌كێ هه‌رێمێ ب سه‌رۆكاتيا نێچيرڤان بارزانى پشكداره، دهێته پێشبينيكرن چه‌ندين گرێبه‌ستێن مه‌زن د ناڤبه‌را هه‌رێمێ و كۆمپاميێن رووسى دا بهێنه ئيمزاكرن ب تايبه‌ت د سێكته‌رێ وزێ دا.
ئەڤرۆ نیوز:
ژێدەرەکی ژ شنگالی بۆ ئەڤرۆ نیوز دیارکر، دەمەک بەریا نها ب ئەگەرێ مینەکا چاندی ل ناحیا گرعزێر یا سەر ب قەزا شنگالی ڤە سێ کەس بوونە قوربانی.
وێ ژێدەری گۆتژی:” دوو کەسان جانێ خۆ ژ دەستدان و کەسەکی دی ژی برینداربوو، و خەلکێ قەزا شنگالێ نە، ب مەرەما کو سەرەدانا مالا خۆ بکەن چۆ بوونە وێرێ.
دھێتە زانین گرعزیڕ دکەڤیتە باشووری قەزا شنگالی ل ڤان دوماھیان ھاتیە رزگارکرن.
نيشاندان