ئه‌ڤرۆ نيوز:
سیاسەتمەدارەکێ ناڤدارێ باکورێ کوردستانێ دیار دکەت کو چو نیەتا دەستھەلاتا نھا یا تورکیا بۆ چارەکرنا پرسا کوردی نینە و راگەھاند کو ئەز باوەر ناکەم چو پێنگاڤ بۆ چارەکرنا پرسا کوردی بھێنە ھاڤێتن و رەنگە شەر ل تورکیا دژوارتر ببیت و مخابن دێ زیانەکا مەزن گەھیتە تورکیا و کوردان.
ئەحمەد تورک سیاسەتمەدارێ ناڤدارێ باکورێ کوردستانێ د دیدارەکێ دا بۆ ئاژانسا رویتەرز دیار کر کو پشتی ئەردۆگان وەکو سەرۆکێ دەولەتێ و کەسێ ئێکێ ل تورکیا دەست ب کاری بکەت دێ رەوشا تورکیا گەلەکێ ئالۆز بیت، چونکو ژ ھەلویست و سیاسەتا نھا یا ئەردۆگانی دیارە کو وی چو نیەت بۆ ئاشتیێ و چارەکرنا پرسا کوردی نینن و دخوازیت شەرێ ل ھەمبەر کوردان دژوارتر بکەت و گۆت: (ب مخابنی ڤە دێ بێژم کو من چو ھێڤی بۆ چارەکرنا پرسا کوردی ل تورکیا نەماینە، ئانکۆ ئەز بێ ھێڤی بوومە کو دەستھەلاتا نھا ناخوازیت پرسا کوردی چارە بکەت و ژ بەر ھندێ ژی ئەز باوەر دکەم دێ شەرێ نھا ل تورکیا و باکورێ کوردستانێ دژوارتر بیت و دێ زیانەکا مەزن گەھیتە تورکیا و کوردان).
ناڤبری د پشکەکا دی یا ئاخڤتنا خوە دا ئەو یەک ژی دیار کر کو سەرۆک کۆمار و بەرپرسێن تورکیا رۆژانە ب داخۆیانیێن خوە یێن دژوار ھەستێ نەژادپەرستێن تورک ل دژی کوردان دژوارتر دکەن و ژ بەر ھندێ ژی کورد و تورک رۆژ ب رۆژێ ژ ئێکتر دوور دکەڤن و ژ بەر ھندێ ژی ئەز دبێژم کو چو باوەریا من ب دەستھەلاتا نھا نەمایە کو بشێت پرسا کوردی چارە بکەت، مخابن ھەکە رەوش وەسا بەردەوام بکەت دێ تورکیا ببیتە مەیدانا شەری و دێ گەلەک کەس ھێنە کوشتن و دێ بارێ ئابووری یێ تورکیا ژی خرابتر بیت و گۆت: (ئەردۆگان چو حسابەکێ بۆ کوردان ناکەت و د ھەموو ئاخڤتنێن خوە دا وەسا دیار دکەت کو کوردان چو ماف نینن، ئەو یەک ژی بێگومان رەوشا نھا دژوارتر دکەت و کورد ژی ب چو رەنگەکێ وێ یەکێ قەبوول ناکەن و ژ بەر ھندێ ژی ئەز دبێژم بێ ھێڤی بوومە و مخابن رەوش دێ گەلەکێ خرابتر ژی بیت).
ئەحمەد تورک ئەندامێ بەرێ یێ پەرلەمانێ تورکیا کو ھەتا نھا گەلەک جاران بزاڤ بۆ ئاشتیێ ل تورکیا کرینە د پشکەکا دی یا ئاخڤتنا خوە دا ئاماژە ب ھندێ دکەت کو ھەتا ئەردۆگان دەستان ژ سیاسەتا خوە یا نھا بەرنەدەت و ب جھێ نەتەوەپەرستیێ کار بۆ سیستەمەکێ دیموکراتیک نەھێتە کرن نە پرسا کوردی و نە ژی چو پرسێن دی ل تورکیا چارە نابن و گۆت: (نھا ئەردۆگان بەحسێ ڤەگەراندنا سزایێ سێدارەدانێ دکەت، ڤەگەراندنا وی سزایی رامانا ھندێ ددەت کو ئەردۆگانی دڤێت تورکیا بۆ ٢٠ سالێن بەری نھا ڤەگەرینیت و ئورۆپا و ئەمریکا ژی ل دژی بزاڤێن ئەردۆگانی نە، ژ بەر ھندێ ژی رەوشا نھا یا تورکیا و کریارێن ئەردۆگانی چو ھێڤیێن مرۆڤی بۆ ئاشتیێ و دیموکراسیێ ناھێلیت).
د دووماھیا ئاخڤتنا خوە ئەحمەد تورک ئەو یەک ژی دیار کر کو دڤێت ئەردۆگان و ھەڤالێن وی باش بزانن کو ب شەرێ ل گەل کوردان نەشێن چو پاشەرۆژێ ژ بۆ تورکیا ئاڤا کەن، چونکو ئەزموونێن چەند سالێن بۆری سەلماندینە ب شەری پرسا کوردی چارەسەر نابیت، ژ بەر ھندێ ژی ئەز ھێڤی دکەم ئەردۆگان و ھەڤالێن وی ژ ڤێ شاشیا دیرۆکی ڤەگەرن و بزاڤێ بکەن ل گەل کوردان وەکو برا بژین و پرسا کوردی دوور ژ شەری و ب رێیێن ئاشتیانە چارەسەر بکەن.

ئەڤرۆ نيوز:
د عرفات کرم، سەروکێ فراکسیونا پارتی ل پەرلەمانێ عێراقێ بو رۆژناما ئەڤرۆ دیار کر کو بێگومان ئەم بەرەڤ ریفراندومێ دچین پەشیمانی تێدا نینە چونکو ئەم نەشیاین پشتی 2003 دگەل عێراقێ شەرەکەتەکا نیشتیمانی پێک بینین بەلکو ئەوان بەردەوام کوسپ و نەخوشی بومە دروست دکرن گەھشتە رادەیەکی ھەرەشا ھەرێما کوردستانێ دکر بودجە بری پێشمەرگەی شەرێ مەزنترین رێکخراوا تیرورستی یا داعش کر وان چەک ژ پێشمەرگەی بری موچە راگرتن یێن ھەرێما کوردستانێ ،
ناڤبری دیار کر کو ئەز بێژم مانا مە ل عێراقێ ل سالێن 1921 حەتا نھا راستی رۆژ ب رۆژێ بەرەڤ خرابیێ یە ئەم دووێ باوەریێ ینە بەردەوام بونا مە ھەر دێ زەرەربیت بومە ، ئەو ەلاتێن جودابوین نێزیکی 100 وەلاتان ب رێکا ئاشتیێ و ھندەک ژوان ب شەر یێن جودا بوین بس ئەم حەزدکەین ب ئاشتی لێک جودا بین جودا بونا مە بەستا مە ئەوە خەلکێ مە دێ چ بریاردەت گەلەک جاران مە بەحس لێ کری گەلەک جاران کادرێ مە بێژیت ئێکسەر دەولەت بونا راگەھینین نە پێویستە ریفراندومێ کەین کا خەلکێ مە چ دخازیت و ج بریاردەت چونکو سوبە مە دەولەت بون راگەھاند تە پرسیارا خەلکی نەکر ئەو خەلک دێ بێژیت ھەوە ئەڤ بریارە یا فەرز کری ل سەر خەلکی ئەو خەلک چ بریارێ بدەت ئەم دێ بریارا خەلکێ خو جێ بە جێ کەین ئەوژی سەرخوبونا کوردستانێ یە کومسیون مەھەیە پێویستی پەرلەمانی ناکەت کارێ خو دێ کەت کومسیونە بەلێ یان نەخێر،

ناڤبری گوت کو تازە ھەولێن مە یێن جدی ل سەر ھندێ یە کو ھەموو لایەنێن سیاسی گەل مە بەشداربن یعنی باش نینە بتنێ پارتی ڤی کاری بکەت دگەل برایێن مە یێن ئێکەتی ئاخفتینە ئەم حەز دکەین ھەمو لایەن دگەل مە چونکو جەند کورد ئێک دەنگ بن بومە باشترە بەرامبەری بەغدا و وەلاتێن جیران دا بشێن وێ ریفراندومێ د وەختێ خودا بکەین د نھا دا ھەمو لایەن دگەل ریفراندومێ نە بس ھندەک ژوان بوچونێن خوی ێن جودا ھەنە ل سەر چ شێواز بھێتە ئەنجام دان گوران و کومەل دبێژن ب رێکا پەرلەمانی بیتن چاوا ل “کوسوفو” ھات کرن ھندەک بێژن پێویست ناکەت گەلەک ولاتا ریفراندوم یا ئەنجام دایی بێ پەرلەمان چونکو مە کومسیون یا دامەزراندی ئەو دێ ڤی کاری ھەلبژێریت ،
ناڤبری زێدەتر گوت کو ل وان دەڤەرێن نوی ژی ھاتین رزگارکرن ل سەر دەستێن پێشمەرگەی ریفراندوم ل وان جھان دھێت کرن چونکو بریار ل دەستێن خەلکێ وان دەڤەران دایە خەلک دێ بریارا چارەنڤسێ خو دەت ئەو خەلک ج بریار داخاز کەن ئەم دێ بریارا وان جێ بە جێ کەین .