ئەڤرۆ نیوز ، هلۆری:
دچارچوڤێ دیدارا زانستیا سەرۆکاتیا زانکویا پولیتەکنیکی یا دهۆک و پەیمانگەها تەکنیکی یا ئامێدیێ کو ل قەزا ئامێدیێ بو چەند کەساتیێن سیاسی ل بارا ریفراندۆمێ هاتبو رێکخستن سەعدی ئەحمەد پیرە ئەندامێ سەرکرداتیا ئێکەتی یا نیشتمانیا کوردستانێ دیارکر کو چوو لایەنێن سیاسیێن کوردستانێ ب ئاشکرایی دژی ریفراندۆمێ نینە بەلکو تنێ هندەکان تێبینی لسەر چەوانیا ئەنجامدان و ب ئارمانج گەهشتنا ریفراندۆمێ هەنە.
پیرەی گۆت ژی: (پێدڤی یە زەمینەسازی بۆ هەموو لایەنێن سیاسیێن کو تێبینی لسەر ریفراندۆم و سەربخوی هەیی بهێتە رەخساندن
داکو ئەو ژی بکارن دانوستاندنێ لسەر بکەن ، نها ل هەرێما کوردستانێ تنێ مە ئاریشەیێن سیاسی هەنە و نابیت چوو لایەنێن سیاسی ریفراندۆمێ ب مولکێ خوە بدانن ، بەلکو پێڤی یە هەموو گەلێ کورد و لایەنێن سیاسی کار بۆ سەرئێخستن و پرسا ریفراندۆمێ بکەن)

فوتو ، هلۆری

ئەڤرو نیوز:

نێچیرڤان بارزان سەرۆکێ حکومەتا هەرێما کوردستانێ پەیامەکا پیروزباهیێ بو رێکخەرێ کشتیێ تەڤگەرا گۆڕانێ “عومەرێ سەید عەلی” هنارت و تێدا داخوازا زێدەتر یا ئێکگرتنا هێزێن کوردی دکەت بو چارەسەرکرنا ئاریشەیێن نافخو و دبێژیت ژی کو ئەو دەرفەتا نها بو گەلێ کورد هاتیە پێش پدڤی یە ب گرنگی وەربگرن.

ئەڤا ل خوارێ ژی دەقا پەیاما وی یە

ب هەلکەفتا هەلبژاردنا هەوە وەکو رێکخەرێ نو یێ تەڤگەرا گۆڕان ب گەرمی پیروزباهیا هەوە دکەم و داخوازا سەرکەفتنێ بو هەوە دکەم.
پیروزباهیێ ل هەموو ئەندامێن خانەیا راپەراندن و سەرکرداتیا نوو یا تەڤکەرا گۆڕانێ دکەم و ئومێدەوارم د کار و ئەرکێن خوە دا د سەرکەفتی بن.

ب وەرگرتنا پوستێ ئێکێ یێ هێزەکا گرنگ یا سیاسی ل هەرێما کوردستانێ وەکو تەڤگەرا گۆڕان ، جەنابێ هەوە قوناغەکا نوو یا کار وخەبات و ئەرک و بەرپرسیارەتیەکا دی ب ستویێ خوڤە دگریت، ب ڤێ یەکێ ژی دێ زنجیرەکا دن یا خەباتێ یا سالێن دیر و درێژێن یا خەباتا پێشمەرگە و کوردایەتی جەنابێ هەوە وەرگریت.
ئەم ب ئومێد و گەشبینیڤە سەحا وەرگرتنا ئەڤی پێگەهی ژ جەنابێ هەوە دکەین ، مە ئومێد ژی هەیە کو ئارمانجێن هەڤپشکێن هەموو هێز و لایەن و پێکهاتەیێن کوردستانێ دێ بیتە سەدەم کو ئەم هەموو پێکڤە ل گەل جەنابێ هەوە و تەڤگەرا گۆڕانێ و لایەنێن دن چارەسەریا ئاریشەیان بکەین و ئەو دەرفەتا ئەڤرو بو بەرژەوەندیێن کورستانێ و بو ب دەستڤەئینانا ماف و خەونان هاتیە پێش و خەبات بو کری و شەهید بو دای پێدڤی یە ب گرنگ وەربگرین.

دووبارە پیروزباهیا جەنابێ هەوە دکەم

نێچیرڤان بارزانی سەرۆکێ حکومەتا هەرێما کوردستانێ
25/7/2017

ئەڤرۆ نیوز ، نەوزاد ھلۆری:
خەلیل ئیبراھیم محەمەد ئەندامێ سەرکرداتیا ئێکگرتویا ئیسلامیا کوردستانێ دیارکر کو ئەو وەکو ئێکگرتوو پرسا ریفراندۆمێ ب پرسەکا نەتەوەیی و نیشتمانی و رەوشتی و مرۆڤایەتی دبینن و بۆ ئەڤرۆ نیوز گۆت: (ھەرێما کوردستانێ ئارام و سەقامگیر نابیت و ناگەھیتە ئاستەکی َدیموکراسیێ بلند ھەتاکو ریفراندومێ وەرنەگریت و نەزڤریت بو گەلێ خوە ، د نھادا کوردان قوناغێت زور برینە بو گەھشتن بو سەربەخویێ و بەرامبەر ھەموو دوژمن و شەر و ئالوزیان راوەستایە و قوربانیێن زور داینە ، و دنھادا کوردان ھەر تشت ھەیە بتنێ دەولەت نەبیت ئەگەر ژی دزڤریت کو ھەتا نھا کورد ئێکگرتی نەبوینە)
زێدەتر گۆت: (سەرەرای کو ل ھەرێما کوردستانێ نەدادپەروەری و نە ئێکسانی و گەندەلی ھەیە ، بەلێ ل گەل ڤێ یەکێ ژی دڤێت ھەموو لایەنێن سیاسی کار بو ریفراندۆمێ و سەرئێخستنا وێ بکەن ژبەرکو ریفراندۆمێ پەیوەندی ب گەلێ کورد ڤە ھەیە نەک لایەنەکێ سیاسی و نابیت کرین و فروتن ب ریفراندۆمێ بھێتەکرن ژبەرکو چوو جاران وەکو نھا بو گەلێ کورد ناھێتە پێش کو بریارێ لسەر چارەنڤسیێ خوە بدەن و نھا گەلێ کورد دوست و پشتەڤانێن زور ھەنە)

ئەڤرۆ نیوز ، نەوزاد ھلۆری:
نیڤرویا ئەڤرۆ زانکویا پولیتەکنیکی یا دھۆک و پەیمانگەھا تەکنیکی ئامێدی لژێر درۆشمێ ” ریفراندۆم خواستا نەتەوەوەیێن سەربەخو خوازە” دیدارەکا زانستی ل بارا پرسا ریفراندۆمێ ل سەنتەرێ قەزا ئامێدیێ بو چەند سیاسیەکێن کوردستانێ ئەنجامدا کو ئێک ژ وان محەمەدی حاجی مەحمود سکرتێرێ حزبا سوشیالیستا کوردستانێ بو، و تێدا چەندین تەوەر و بابەتێن گرنگ ھاتنە بەحسکرن و دیدار یا بەردەوامە.
محەمەدی حاجی مەحمود سکرتێرێ حزبا سوشیالیستا کوردستانێ دیارکر کو ریفراندۆم مافێ رەوایێ گەلێ کوردە و گۆت: (ھەموو جیھانێ د پێناڤ ب دەستڤەئینانا مافێن خوەیێن ئابووری و بازرگانی و سیاسی لسەر ئاخا کوردستانێ ب ناڤەکێ دن و ب بھانەیا داعشێ شەرکرن ، سەرەرای کو کورد مافداربوون و چەند مافەک ب دەستخوڤەئینان د وی شەری دا بەلێ دەھان قوربانی و پێشمەرگەی ب شەھیدان ، ژبەرڤێ نھا گەلێ کورد نابیت ژ مافێن خوە پەشیمان بیت و قوناغێت زور برینە و بریارا ئەنجامدانا ریفراندۆمێ بو سەربەخویێ دایە و نھا دەم زورێ گونجایە و دڤێت ھەموو گەلێ کوردستان و لایەنێن سیاسی پێکڤە کار بو سەرئێخستنا پروسەیا ریفراندۆمێ بکەن)
زێدەتر گۆت: ( ئەنجامێن ریفراندۆمێ ھەر چ بن جھێ رێزێ یە ژبەرکو بریارا گەلێ کوردە ، و ئەگەر گەلێ کورد ٥+١ ژی دەنگی بو سەرئێخستنا وێ بدەت ھەر سەرکەفتنا گەلێ کوردە و رامان سەربخویی یە)

فوتو ، ھلۆری

ئەڤرۆ نیوز ، نەوزاد ھلۆری:
نیڤرویا ئەڤرۆ زانکویا پولیتەکنیکی یا دھۆک و پەیمانگەھا تەکنیکی ئامێدی لژێر درۆشمێ ” ریفراندۆم خواستا نەتەوەوەیێن سەربەخو خوازە” دیدارەکا زانستی ل بارا پرسا ریفراندۆمێ ل سەنتەرێ قەزا ئامێدیێ بو چەند سیاسیەکێن ئەنجامدا و تێدا چەندین تەوەر و بابەتێن گرنگ ھاتنە بەحسکرن و دیدار یا بەردەوامە.
ھوشیار زێباری ئەندامێ مەکتەبا سیاسیا پارتی دیموکراتی کوردستان دیارکر کو نھا گەلێ کورد بەر ب تاقیکرنەکا چارەنڤیساز دچیت و گۆت: (بەری نھا گەلێ کورد ھەموو دەرگەە و رێک و ئەزموون ل گەل عیراقێ تاقیکرینە بەلێ چوو ب دەستڤە نەھات ، بەرڤێ گەلێ کورد و سەرکرداتیا کوردستانێ بریاردایە کو ئێدی ئەو ب ئەنامدانا ریفراندۆمێ ب مافێن خوەیێن رەوا کو سەربخویە شاد ببیت و ب چوو رەنگان ژی پاشڤە نازڤریت)
زێدەتر گۆت: (ھەتا نھا چوو وەلاتێن جیھانێ ب ئاشکرای دژاتیا خوە بو ریفراندۆمێ نەکریە و گەلێ کورد دێ د دەوختێ خودا ریفراندۆمێ ئەنجام دەتن ، و مە دڤێت بسەلمینین کا ئایە گەلێ کورد چوو دڤێت ل عیراقێ و دڤێت ھەموو ژی پشکداربن بێی لبەرچاڤ وەرگرتنا رەگەز و ئاین و نەتەوە)
ھوشیار زێباری د درێژاھیا ئاخفتنێن خودا دیارکر ژی کو ئەو دێ ل گەل بەغدا وەکو دانوستاندن مینن خوە ئەگەر ریفراندۆم ژی بھێتە ئەنجامدان و گۆت ژی : (گەلێ کورد دڤێت ھەر ژ نھا وێڤە خوە بەرھەڤ بکەت بو قوناغا پشتی ریفراندۆمێ ژبەرکو زور ب زەحمەت گەھشتیە ئەڤێ بریارێ و ب ھیچ شێوەیەکێ پاشڤەزڤرین نینە)