ئه‌ڤرۆ نيوز

شەپولەکا گەرمێ ل روژا سێ شەمبی تا پێنج شەمبیێ بریڤەیە و دێ پلێن گەرمێ (3-5) پلا بلند بن و دێ پلێن گەرمی ب ڤی رەنگی بن
هەولێر 47 تا 48
مخموور 49 تا 50
سلێمانى 45 تا 46
هەڵەبجە 46 تا 47
کرکووک 48 تا 50
کەلار 49 تا 50
خانەقین 50 تا 45
دهۆک 44 تا 45
زاخۆ 45 تا 46

ئەڤرو نیوز ، نەوزاد ھلۆری:
ئەڤرو سپێدێ جارەکا دن ل مێحوەرێ دوزخورماتو یا سەر ب سنوورێ پارێزگەھا کەرکوکێ ، چەکدارێن داعش ھێرشەک بو سەر سەنگەرێن پێشمەرگەی ئینا ، بەلێ ھێرشا وان ھاتە شکاندن..
دڤی واریدا “ھندرین رواندوزی “ژ ھێزا پێشمەرگەی ل مێحوەرێ دوزخورماتو بۆ ئەڤرو نیوز گۆت: (دەوروبەرێن دەمژمێر١٠:٠٠سپێدی یا ئەڤرو رۆژا ئێک شەمبی چەکدارێن داعشێ ھێرشەک بو سەنگەرێن پێشمەرگەی ل گوندێ زەرگە یا سەر ب مێحوەرێ دوزخورماتو ل سنوورێ پارێزگەھا کەرکوک ئینا ، سوپاس بو خودێ ھێزێن پێشمەرگەی شیان ھێرشا وان بشکێنن)
زێدەتر گۆت : (مەرەما سەرەکی یا داعش بتنێ ئەوە کو ھوسا دیار بکەت ھێشتا ئەو یێن مایی ، بەلێ د راستی دا ئەو چوو نەماینە ژبلی کو چهند کردەکێن ژ نیشکەکێڤە بو دەما چەند خولەکان ئەنجام بدەن ، و ھێرشێن وان ھەر زوو دھێنە ژناڤبرن و ب رەڤا خوە ناگەھن ، و ھەتا نھا ناھێتە زانین کا زیانێن داعش چ نە ، بەلێ ب مخانیڤە دوو پێشمەرگە برینداربوون )
دھێتە زانین کود وھی ژی چەکدارێن داعشێ ل ھەمان جھی ھێرشەک بو سەنگەرێن پێشمەرگەی ئینا و ئەو ھێر شژی ژلایێ ھێزێن پێشمەرگەی ھاتە شکاندن.

ئەڤرۆ نيوز:
پەیڤدارێ دەستەیا گەشت و گۆزارێ ل ھەرێما کوردستانێ ئاشکرا کر، پشتی ئازادکرنا مووسلێ کەرتێ گەشت و گۆزارێ ب تەمامی بەرەڤ پێش چویە، ئەڤ سالە نێزیکی سالێن 2012 و 2013 گەشتیاران سەرەدانا کوردستانێ کریە، ب تایبەت سنوورێ پارێزگەھا دھۆکێ، ژ بەرکو ل گەل پارێزگەھا نەینەوا یا ھەڤسنوورە و دبێژیت: ئەم پێشبینی دکەین رێژا ھاتنا گەشتیاران ل جەژنا قوربانێ دوجارکی ھندی جەژنا رەمەزانێ بیت.
نادر روستی، پەیڤدارێ دەستەیا گەشت و گۆزارێ ل ھەرێما کوردستانێ بۆ ئەڤرۆ خویا کر، ل دووڤ وان بەرھەڤیێن بۆ پێشوازیکرنا گەشتیاران ل جەژنا قوربانیا ئەڤ سالە ھاتینە کرن، ھاتنا گەشتیاران دێ ژ جەژنا رەمەزانێ پتر بیت، ب تایبەت گەشتیارێن سنوورێ پارێزگەھا نەینەوا و گۆت: “پشتی نەمانا داعش ل عیراقێ گەلەک گەشتیار دێ سەرەدانا کوردستانێ کەن و ژێرخانا ئابووریا کوردستانێ ب نەمانا داعش باشتر بوویە، نھا ژ بەر وێ ئارامیا ل کوردستانێ ھەی؛ رۆژانە گەلەک گەشتیار سەرەدانا کوردستانێ دکەن”.
روستی گۆتژی: “دیزاین بو دروستکرنا دو باژێڕێن گەشتیاری ل دھۆکێ؛ ل چیایێ زاوا و بەنداڤا دھۆکێ دێ ھێنە دروستکرن و دیزانێن وان ژی ھاتینە دروستکرن، دیسا چەند باژێڕێن دی یێن گەشتیاری ل پارێزگەھێن ھەولێر و سلێمانیێ دێ ھێنە دروستکرن، بەلێ پشتی بودجا کوردستانێ ژ لایێ حوکمەتا عیراقێ ڤە ھاتیە بڕین ئەو پڕۆژە ھاتنە راوەستاندن، لێ نوکە و پشتی نەمانا داعش و پێشڤەچوونا کەرتێ گەشت و گۆزارێ؛ ھەکە بودجە ھاتە دابینکرن دێ دەست ب وان باژێڕان ھێتە کرن”.
نادر روستی خویا ژی کر، دەما رەوشا ئابووری ل کوردستانێ باشتر لێھات دێ ھەردو باژێرێن گەشتیارێ یێن پارێزگەھا دھۆکێ ھێنە ب جھئینان، ژ بەرکو پێدڤیەکا سەرەکیا گەشت و گۆزارێ یە ل کوردستانێ و گۆت: “ئەم پێشبینی دکەین بۆ جەژنا قوربانێ رێژا ھاتنا گەشتیاران بۆ دھۆکێ 50% زێدە ببیت”.