ئه‌ڤرۆ نیوز: سه‌باح زهێر زێبارى
ئه‌ڤرۆ ل رێكه‌فتى 25/4/ 2017ل ژێر چاڤدێریا سه‌روكێ زانكویا دهوك (د.مسلح دهوكى) ل كولیژا په‌روه‌رده‌ بنیات ب ئاماده‌بوونا چه‌ند كه‌سایه‌تیێن حیزبى و میرى ل ژێر دروشمێ (كه‌لتور:ناسنامه‌ و هه‌بوونه‌) گه‌را دووێ ژ ڤیسته‌ڤالا خوه‌ یا كه‌لتورى ب چه‌ندین چالاكیێن جوراو جورگێرا.
هه‌ر دڤێ ڤیسته‌ڤالێ دا چه‌ندین وێنێن شه‌هیدان هاتبوونه‌ نیشاندان و وه‌ك رێزگرتن بۆ شه‌هیدان به‌رچاڤوه‌رگرتنا خزمه‌تا وان و چه‌ندین خارنێن جوراو جورێن كوردى هاتبونه‌ دروستكرن و هه‌روه‌سا نیشاندانا چه‌ندین كارێن كلتورییچن ملله‌تێ كورد ڤێ ڤیسته‌ڤالێ هاته‌ ئه‌نجامدان.

ئه‌ڤرو نيوز:

ئه‌ڤرو سپێدی 25/4/20177 فه‌رهاد ئه‌مین ئه‌تروشی پارێزگه‌رێ‌ دهوكێ‌ پێشوازیا به‌رێز میر تحسین بك میرێ‌ ئێزدیان كر، دهه‌ڤدیتنه‌كێ‌ دا به‌حسێ‌ ره‌وش و سه‌روبه‌رێ‌ ئاوارێن شنگارێ‌ و ده‌شتا میسل و ئه‌و كارو خزمه‌تێن بو ئاوارا ژ لایێ‌ پارێزگه‌ها دهوكێ‌ ڤه‌ دهێنه‌ پێشكێشكرن هاته‌ كرن.
پارێزگه‌رێ‌ دهوكێ‌ دهوكێ‌ كورتیه‌ك دا سه‌ر وان پێنگاڤ و به‌رنامێن پارێزگه‌هێ‌ یێن خزمه‌تا ئاواره‌ و په‌نابه‌را و داكوكی ل سه‌ر وێ‌ چه‌ندێ‌ كر كو حكومه‌تا هه‌رێمێ‌ ب رژدێ‌ دێ‌ كار كه‌ت بو زڤراندنا هه‌می ئاوارێن ده‌ڤه‌رێن شنگال و ده‌ستا میسل و دێ‌ هه‌می بزاڤا كه‌ت بو ئاڤه‌دانكرنا وان ده‌ڤه‌را و زڤراندنا هه‌می خه‌لكێ‌ بو جهێن وان.
میر تحسین به‌گ سوپاسیا كارگێریا پارێزگه‌ها دهوكێ‌ و جه‌نابێ‌ پارێزگه‌ری كر بو وان خزمه‌تێن پێشكێشی ئاواره‌ و په‌نابه‌را كرین و دیار كر ئه‌وا بو ئاوارا ل سنورێ‌ پارێزگه‌ها دهوكێ‌ هاتیه‌ كرن ل چ جهێن دی نه‌هاتیه‌ كرن و ئه‌و بباوه‌رن كو حكومه‌تا هه‌رێمێ‌ دێ‌ هه‌می شیانێن خو ئێخته‌ كاری بو ئاڤاكرنا ده‌ڤه‌رێن نوی هاتینه‌ رزگار كرن و خه‌لكێ‌ ڤه‌گه‌رینیته‌ سه‌ر جهێن وان .
هه‌روه‌سا میر تحسین به‌گ داكوكی ل وێ‌ چه‌ندێ‌ كر كو پێدڤیه‌ هه‌می هێزین بیانی شنگالێ‌ چول بكه‌ن داكو خه‌لكێ‌ شنگالێ‌ بشێت ڤه‌گه‌ریته‌ سه‌ر جهێن خو و حكومه‌تا هه‌رێما كوردستانێ‌ و جڤاكێ‌ نێڤ ده‌وله‌تی سه‌روژنوی ده‌ڤه‌رێ‌ ئاڤا بكه‌ن و ژیان بزڤریته‌ڤه‌ شنگار و ده‌وروبه‌ران .

ئه‌ڤرۆ نيوز:

به‌رده‌وامی دان ب كومبونێن وه‌به‌رهێنانێ‌ ئه‌ڤرو سپێدێ‌ 24-4-20177 ب سه‌رپه‌رشتیا فه‌رهاد ئه‌مین ئه‌تروشی پارێزگه‌رێ‌ دهوكێ‌ هه‌شته‌مین كومبونا لیژنا وه‌به‌رهێنانێ‌ هاته‌ ل دارخستن .
دكومبونێدا دان وستاندن ل سه‌ر گرنگیا كه‌رتێ‌ تایبه‌ت هاته‌ كرن كو دشێت مل بملێ‌ كه‌رتێ‌ گشتی پشكداریێ‌ دئاڤاكرن و پێشئێخستنا ژێر خانا ئابوریا پارێزگه‌ها دهوكێ‌ دا بكه‌ت وژهه‌می رویه‌كیڤه‌.
پاش گه‌نگه‌شه‌ ل سه‌ر( 17) پروژێن داخازكری یێن كه‌رتێ‌ تایبه‌ت هاتنه‌ كرن كوئه‌ڤ كه‌رته‌ ب خوڤه‌ دگرتن(گه‌شتیاری – ته‌ندورستی- بازرگانی – وه‌رزشی – په‌روه‌رده‌یی- وچه‌ندین بابه‌تێن دی ) تایبه‌تی ئاریشه‌ وئاسته‌نگێن دكه‌ڤنه‌ درێكا وه‌به‌رهێنه‌ری دا.
پارێزگه‌رێ‌ دهوكێ‌ ته‌كه‌زكر كو پروژێن وه‌به‌رهێنانێ‌ گرنگیا خو یا ئابوری هه‌یه‌ ودڤێت هه‌ر پروژه‌ك ل دویڤ یاسایێن وه‌به‌رهێنانێ‌ وبكوالیتیه‌كا باش بهێنه‌ بجه ئینان ودبه‌رژه‌وه‌ندیا هه‌موو خه‌لكێ‌ پارێزگه‌هێ‌ دا بیت.
فلاح حاجی بریارده‌رێ‌ لیژنا وه‌به‌رهێنانێ‌ بو مالپه‌رێ‌ پارێزگه‌ها دهوكێ‌ گوت: دكومبونا لیژنا وه‌به‌رهێنانێ‌ دا گه‌نگه‌شه‌ ل سه‌ر 17پروژا هاتنه‌ كرن و11ژوان هاتنه‌ په‌سه‌ندكرن وبیرو وبوچون ل سه‌ر پروژێن دی هاتنه‌ ئالوگوركرن ودیاربو كو هنده‌ك ژوان پروژا دبچیك بون ناكه‌ڤنه‌ دبن یاسایا وه‌به‌رهێنانێ‌ یا ژماره‌ 4 یا سالا 2006ێ‌ چونكو وه‌به‌رهێنان بتنێ‌ بو پروژێن مه‌زن وستراتیجی یه‌ دا پارێزگه‌ها دهوكێ‌ ژهه‌موو رویه‌كیڤه‌ پێشبكه‌ڤیت.
بریارده‌رێ‌ لیژنا وه‌به‌رهێنانێ‌ ئه‌و یه‌ك ژی گوت: دكومبونێدا دان وستاندن ل سه‌ر هنده‌ك پروژێن وه‌به‌رهێنانێ‌ یێن دی وئاسته‌نگ وئاریشه‌یێن دهێنه‌ پێشیا كارێ‌ بجه كرنا وان هاتنه‌ كرن ، هنده‌ك ئاریشه‌ هاتنه‌ چاره‌سه‌ركرن ویێن دیژی دویڤ چون دێ‌ ل سه‌ر هێته‌ كرن وئاریشێن وان ژی دێ‌ هێنه‌ چاره‌سه‌ركرن.