ئه‌ڤرۆ نيوز:
مه‌سعود بارزانى سه‌رۆكێ هه‌رێما كوردستانێ و فوئاد مه‌عصوم سه‌رۆك كۆمارێ عيراقێ د چارچۆڤێ كارێن كوربه‌ندێ ئابوورى يێ جيهانى دا ل دۆر رۆژهه‌لاتا ناڤه‌راست و باكوورێ ئه‌فريقيا ئه‌ڤرۆ كۆمبوون.
ب گۆره‌ى مالپه‌رێ سه‌رۆكاتيا كۆمارا عيراقێ دا، د كۆمبوونێ دا دانوستاندن ل سه‌ر په‌يوه‌نديێن ناڤبه‌را حوكمه‌تا عيراقێ و هه‌رێما كوردستانێ هاته كرن و ل گه‌ل به‌حسكرنا كاودانێن ئه‌منى يێن ده‌ڤه‌رێ.
![Masoum.Barzani.200517 [Desktop Resolution]](http://evronews.net/ku/wp-content/uploads/2017/05/Masoum.Barzani.200517-Desktop-Resolution.jpg)
ئەڤرو نیوز :
نوونەرێ سەرۆکێ ھەرێما کوردستانێ و مەکتەبا سیاسی یا پارتی دیوکراتی کوردستان پشکداری د بەھیا نەوشێروان موستەفایی ل سلێمانیێ دا کر ، د داخوانەکێ دا بو دەزگەھێن راگەھاندنێ ئەدھەم بارزانی راگەھاند کو ئێکگرتنا ئێکەتی و گۆڕان چوو پەیوەندی ب پارتی ڤە نینە.
ئەدھەم بارزانی ل بەر دەرگەھێ مزگەفتا بەھی لێھاتیەکرن د داخویانەکێ دا بۆ دەزگەھێن راگەھاندنێ گۆت: (ئەم ئەڤرۆ ل ڤێرە بەرھەڤین بۆ پشکداریکرن و ھەڤخەمیا وەغەرکرنا نەوشێروان موستەفا و دخوازین کو جھێ وی بحەست بیت و سەبر و ھەدارێ بدەتن کەس و کارێن وی و بناڤێ خوە و بەرێز مەسعود بارزانی سەروکێ ھەرێما کوردستانێ و نێچیرڤان بارزانی سەرۆکێ حکومەتا ھەرێما کوردستانێ و مەکتەبا سیاسیا پارتی دیوکراتی کوردستان سەرەخوشیێ ل جڤاتا نیشتمانیا گۆڕان و ھەموو لایەنگیرێن وان دکەین)
ل بارا بەیاننامەیا ئێکەتی کو دخوازە گۆڕان دووبارە ڤەگەرێتەڤە ناڤا ئێکەتی ئەدھەم بارزانی گۆت: (پرسا ئێکگرتنا گۆران و ئێکەتی چوو پەیوەندی ب پارتی ڤە نینە ، بەلکو پەیوەندی ب وانڤە ھەیە)
شاندنێ نوونەراتیا بارزانی و مەکتەبا سیاسیا پارتی دیوکراتی کوردستان پێکھاتینە ژ سیدار بارزان ، دکتور رۆژ نوری شاویس ، ھوشیار زێباری و ئەدھەم بارزانی.
دوھی دەمژمێر ٨:٠٠ شورەش حاجی ئاخفتنکەرێ تەڤگەرا گۆِران نوچەیێ وەغەرکرنا نەوشێروان موستەفا ل کەنالێ فەرمیێ گۆڕانێ بەلاڤکر ، و ئەڤرۆ دەمژمێر ١٠:٠٠ێ سپێدێ تەرمێ ناڤبری ب بەرھەڤبوونا کەس و کار و ھژمارەکا ئەندام و نوونەر و سەرکردێن پارت و لایەنێن سیاسی و جەماوەرەکێ زۆر ل گرێ زەرگەتە ل سلێمانیێ ھاتە ڤەشارتن.
ئەڤرو نیوز :
ب مەرەما پشکداریکرن د پرسەیا نەوشێروان موستەفا رێکخەرێ گشتیێ تەڤگەرا گۆڕان نوونەرێ سەرۆکێ ھەرێما کوردستانێ و شاندەکێ مەکتەبا سیاسی یا پارتی دیموکراتی کوردستان گەھشتنە سلێمانیێ.
ل گورەی زانیاریێن ئەڤرو نیوز سیداد بارزانی وەکو نوونەرێ سەرۆکێ ھەرێما کوردستانێ مەسعود بارزانی و ئەندامێ سەرکرداتیا پارتی دیوکراتی کوردستان دێ پشکداریێ د بەھیا نەوشێروان موستەفای دا کەت ، و دیسان شاندنێ مەکتەبا سیاسیا پارتی دیوکراتی کوردستان ژی کو پێکھاتیە ژ ” دکتور رۆژ نوری شاویس ، ھوشیار زێباری و ئەدھەم بارزانی “بو ھەمان مەرەم گەھشتنە سلێمانیێ.
دوھی دەمژمێر ٨:٠٠ شورەش حاجی ئاخفتنکەرێ تەڤگەرا گۆِران نوچەیێ وەغەرکرنا نەوشێروان موستەفا ل کەنالێ فەرمیێ گۆڕانێ بەلاڤکر ، و ئەڤرۆ دەمژمێر ١٠:٠٠ێ سپێدێ تەرمێ ناڤبری ب بەرھەڤبوونا کەس و کار و ھژمارەکا ئەندام و نوونەر و سەرکردێن پارت و لایەنێن سیاسی و جەماوەرەکێ زۆر ل گرێ زەرگەتە ل سلێمانیێ ھاتە ڤەشارتن.
ئه‌ڤرۆ نيوز:
وه‌زيرێ به‌ره‌ڤانيا ئيرانێ، عه‌بدورزا ره‌حمانى فه‌زلى راگه‌هاند كو ب گۆره‌ى ئه‌نجامێن هه‌لبژارتنان رۆحانى 23 مليۆن و 549 هزار و 616 ده‌نگ كو دكه‌ته رێژا 57% يا ده‌نگان ب ده‌ست خوه ڤه ئينان.
د به‌رامبه‌ر دا هه‌ڤركێ وى ئيبراهيم ره‌ئيسى 15 مليۆن و 786 هزار و 449 ده‌نگ كو دكه‌ته رێژا 38% يا ده‌نگان ب ده‌ست خوه ڤه ئينان.
ئه‌ڤرۆ نيوز:
ئه‌ندامه‌كێ سه‌ركردايه‌تيا ئێكه‌تى نشتيمانى كوردستان ئاشكه‌را كر كو نه‌وشيروان مسته‌فا به‌رى وه‌غه‌را دووماهيێ بكه‌ت، وه‌سيه‌تنامه‌ك يا نڤيسى و ل لايێ كوڕێن وى يا پاراستى يه.
ئه‌ڤرۆ رۆژا شه‌مبى 20ى گۆلانا 2017ێ ره‌هبه‌رێ سه‌يد ئيبراهيم ئه‌ندامێ سه‌ركرداتيا ئێكه‌تيێ بۆ باسنيوز راگه‌هاند، ئه‌وان وه‌كو ئێكه‌تى دڤێت ل گه‌ل بزاڤا گۆڕان ئێك بگرن و ب فه‌رمى به‌حس لێ هاتيه كرن، به‌لێ “چاڤه‌رێ ئه‌وێ چه‌ندێ دكه‌ين كو وه‌سيه‌تا نه‌وشيروان مسته‌فا بهێته خواندن كو يا نڤيسى يه و ل لايێ كوڕێن وى يه”.
ئه‌و چه‌ند ژى روونكر كو وه‌سيه‌تا نه‌وشيروان مسته‌فا هێشتا نه‌هاتيه به‌لاڤكرن و پشتى “خواندنا وه‌سيه‌تێ، دێ زانين دێ چ كه‌ين”.
ئه‌وى ئه‌ندامێ سه‌ركرداتيا ئێكه‌تيێ ده‌رباره‌ى پاشه‌رۆژا بزاڤا گۆڕان پشتى نه‌وشيروان مسته‌فا، ئه‌و چه‌ند ژى ئاشكه‌را كر كو “ره‌نگه گۆڕان تووشى كێشه‌يان ببيت، به‌لێ ئه‌م هيڤى خوازين كو گۆڕان درێژيێ ب رێبازا نه‌وشيروان بده‌ت”.
رۆژا ئه‌ينى 19ى گۆلانا 2017ێ بزاڤا گۆڕان ب فه‌رمى وه‌غه‌ركرنا نه‌وشيروان مسته‌فا رێكخه‌رێ گشتى يێ بزاڤا گۆڕان راگه‌هاند.
ئەڤرو نیوز:
چەند خولەکەکان بەریا نها تەرمێ نەوشێروان موستەفا رێکخەرێ گشتیێ تەڤگەرا گۆڕان ل گردێ زەرگەتە ل سلێمانیێ هاتە ڤەشارتن.
ل گورەی ئەو بەرنامەیێ هاتیە دانان هەر پێنج پارتێن سیاسیێن هەرێما کوردستانێ ” پارتی ، ئێکەتی ، گۆڕان ، ئێکگرتوو و کومەڵ ” دێ گووتار هەبن.
ژێدەرەکێ ژ ئەنجومەنا سەرکرداتیا پارتی ل سلێمانیێ راگەهاند کو شاندەکێ پارتی دیموکاتی کوردستان پشکداری د ڤەشارتنا تەرمێ نەوشێروان بوویە و دێ گووتارەک ژی هەبیت.
دوهی سپێدێ شورەش حاجی ئاخفتنکەرێ تەڤگەرا گۆڕان نوچەیێ وەغەرکرنا نەوشێروان ل کەنالێ کەی ئێن ئێن راگەهاند.
ئەڤرو نیوز :
بو ئێکەمین جار پشتی کو بویە سەرۆکێ ئەمریکا ، دونالد ترامپ ل گەل ھەڤژینا خوە گەھشتە عەرەبستانا سعودیێ و ژلایێ شاھێ سعودیێ ڤە ھاتە پێشوازیکرن ، وەسا بریارە بەحس لسەر چەند بابەتێن گرنگ ژ وانان چەوانیا بەرنگاریا تیرورێ و بھێزکرنا پەیوەندیێن ئابووری بکەن.
شەڤا بووری دونالد ترامپ ل گەل ھەڤژینا خوە میلانا ترامپ دەست ب گەشتا خوە کرد و دەمژمێر ١٠:٠٠ سپێدەیا ئەڤرۆ ب دەمێ کوردستانێ گەھشتە سعودیێ ، ژلایێ مەلیک سەلمان شاھێ سعودیێ ھاتە پێشوازیکرن ، وەسا بریارە کو کومبونەکا بەفرەە دناڤبەرا وان دا بھێتە ئەنجامدان و بەحس لسەر چەند تەوەرەکێن گرنگ بکەن.
میدیایێن جیھانی بەحس ل وێ یەکێ دکەن کو ئارمانجا کومبوونا وان لوتکەیا ئەمریکایە ل گەل سعودیێ و وەلاتێن کەنداف و عەرەبی و ئیسلامی بو درۆستکرن و پێکئینانا ھەڤپەیمانکەکا نوو دژی تیرورێ و زێدەبوونا ھەرەشە و پێنگاڤێن کومارا ئیسلامیا ئیرانێ یە ، و ژلایەکێ دنڤە دێ بەحس لسەر بھێزکرنا ئابوورا دناڤبەرا ھەردوو وەلاتان کەن.
ئه‌ڤرۆ نيوز:
ئه‌نجامێن ده‌سپێكى يێن هه‌لبژارتنێن سه‌رۆك كۆمارێ ئيرانێ هاتنه راگه‌هاندن و ب گۆره‌ى ئه‌نجامان حه‌سه‌ن رۆحانى يێ ل ده‌سپێكێ.
سه‌رۆكێ كۆمسيۆنا هه‌لبژارتنێن ئيرانێ راگه‌هاند: “ژ سه‌رجه‌مێ 25 مليۆن و 182 هزار و 310 ده‌نگێن هاتينه هژمارتن، نوكه حه‌سه‌ن رۆحانى ب زێده‌تر ژ 14 مليۆن ده‌نگان پتريا ده‌نگێن هه‌لبژارتنان ب ده‌ست ڤه ئينايه”.
عه‌لى ئه‌سغه‌ر ئه‌حمه‌دى، سه‌رۆكێ كۆمسيۆنا هه‌لبژارتنێن ئيرانێ، ده‌رباره‌ى رێژا پشكداريا وه‌لاتيان د هه‌لبژارتنان دا گۆت: “زێده‌تر ژ 40 مليۆن كه‌سان د هه‌لبژارتنان دا ده‌نگ داينه”.
1- حەسەن رۆحانی 14 ملیۆن و 619 هەزار و 848 دەنگ
2- ئیبراهیم رەئیسی 10 ملیۆن و 125 هەزار و855 دەنگ
3- مستەفا میر سەلیم 297 هەزار و 276 دەنگ
4- مستەفا هاشمی تەبا 139 هەزار و331 دەنگ
ئه‌ڤرۆ نيوز:
رۆژا شه‌مبى رێكه‌فتى 19ى گۆلانا 2017ێ كوربه‌ندێ ئابوورى يێ جيهانى ل دۆر رۆژهه‌لاتا ناڤه‌راست و باكوورێ ئه‌فريقيا ل ده‌ريا مرى ل ئوردن دێ ده‌سپێكه‌ت.
د په‌نه‌لا ئێكێ دا هه‌ر ئێك ژ شاهـ حسێن شاهێ ئوردن و فليپێ شه‌شێ شاهێ ئسپانيا و فوئاد مه‌عصوم سه‌رۆك كۆمارێ عيراقێ دێ پشكدار بن.
مه‌سعود بارزانى سه‌رۆكێ هه‌رێما كوردستانێ و شاهـ عه‌بدولا شاهێ ئوردن دێ د ئاماده بن.
كوربه‌ندێ ئابوورى يێ جيهانى ل دۆر رۆژهه‌لاتا ناڤه‌راست و باكوورێ ئه‌فريقيا ژ 19 هه‌تا 21ى گۆلانێ دێ يێ به‌رده‌وام بيت و هزار كه‌ساتيێن جيهانێ ژ 50 وه‌لاتان د پشكدارن.
ئه‌ڤرۆ نيوز:
ب گۆره‌ى خشتێ به‌لاڤكرنا مووچێ هه‌يڤا سێ كو وه‌زاره‌تا دارايى و ئابوورى ل 30ى هه‌يڤا نيسانێ به‌لاڤكريه، ل ده‌سپێكا ڤێ حه‌فتيێ دێ چه‌ندين دامه‌زراوه‌يێن هه‌رێما كوردستانێ مووچه‌ى وه‌رگرن.
رۆژا ئێكشه‌مبى رێكه‌فتى 21ى گۆلانا 2017ێ دێ مووچێ هه‌يڤا سێ يێ سالا 2017ێ يێ ده‌زگه‌هێ ئاسايش و وه‌زاره‌تا دارايى و ئابوورى هێته به‌لاڤكرن.
رۆژا دوشه‌مبى رێكه‌فتى 22ى گۆلانا 2017ێ دێ مووچێ هه‌يڤا سێ يێ سالا 2017ێ يێ په‌روه‌ردێن ده‌رڤه‌يى باژێران هێته به‌لاڤكرن.
رۆژا سێشه‌مبى رێكه‌فتى 23ى گۆلانا 2017ێ دێ مووچێ هه‌يڤا سێ يێ سالا 2017ێ يێ په‌روه‌ردێن ناڤ باژێران هێته به‌لاڤكرن.
رۆژا چارشه‌مبى و پێنجشه‌مبى رێكه‌فتى 24 و 25ى گۆلانا 2017ێ دێ مووچێ هه‌يڤا سێ يێ سالا 2017ێ يێ وه‌زارتا ناڤخۆ و ده‌زگه‌هێ مين هێته به‌لاڤكرن.
نيشاندان