ئەڤرۆ نیوز، مەحمود نهێلی:
ژ ئەنجامێ بارینا بارانەکا زۆر د دوورۆژێن بوری دا ئاستێ رووبارێ زێ دورێن چوار میتران بلند بوویە و د هەروەسا ل هند جهان لەهی دروست بووینە و زیانێن مالی گەهاندینە دەرامەتێ جوتیاران.
نووترين نووچه
- ب گرنگی دنێڕینە پێگەهێ هەرێما كوردستانێ
- مەسرور بارزانی و بەربژارێ ترەمپی بۆ شیرەتكارییا ئاسایشا نیشتمانییا ئەمریكی دووماهی پێشهاتان گەنگەشە دكەن
- ژ ناڤچوونا رژێما ئەسەدی و دەرئەنجامێن وێ دێ كارتێكرنێن ئەمنی و سیاسی ل سەر ئیراقێ هەبن
- دادگەهەكا بەغدا سكالایەكا وەزارەتا پەترۆلا ئیراقێ دژی هەرێمێ رەتكر
- سەرۆك بارزانی: ئێكەتییا ئافرەتێن كوردستانێ ئەزموونەكا سەركەفتییا پشكدارییا ئافرەتێ یە د ژیانا سیاسی و جڤاكییا كوردستانێ دا
- ئێكەتییا ئافرەتان هەڤپشكەكا سەرەكییە د گەشەپێدانا جڤاكەكێ مەدەنیدا
- ئێكەتییا ئافرەتان قوتابخانەیا پێگەهاندنا چەندین ئافرەتێن خودان شیان و سەركردە یە
- مەسرور بارزانی و وەزیرێ دەرڤەیێ بەحرەینێ پێشڤەبرنا پەیوەندییان د وارێن جۆرا و جۆر دا گەنگەشەكر
- میسال ئالۆسی: سەرۆك بارزانی دشێت هەموو ئالیێن سیاسی كۆمڤەكەت و چارەسەرییا كێشەیان بكەت
- سەرۆك بارزانی و شێخ عەبدوللا حمێدی عەجیل یاوەر رەوشا دەڤەرێن سنۆری یێن ئیراقێ و سووریێ گەنگەشەكر
سه‌ره‌كى نووترين نووچه
ب وێنه: خارنگه‌هه‌ك بن ئاڤ دبيت
ئه‌مریكا بۆ ئێكه‌م جار ‘ دایكا هه‌می بۆمبه‌یان’ ل ڤی وه‌لاتی بكارئینا
ئه‌ڤرۆ نیوز:
له‌شكه‌رێ ئه‌مریكا مه‌زنترین بۆمبه كو نه یا ئه‌تۆمی بیت دژی چه‌ندین شكه‌فتێن داعشێ ل ئه‌فغانستانێ بكار ئینا.
بۆمبه‌یا GBU-43 ب ‘ دایكا هه‌می بۆمبه‌یان’ دهێته نیاسین و ل گۆری راگه‌هاندنه‌كا وه‌زاره‌تا به‌رگرییا ئه‌مریكا، ئه‌و بۆمبه ل هنداڤی زنجیره‌یه‌كا شكه‌فتان ل ئه‌فغانستانێ هاته به‌ردان كو تیرۆرستێن داعشێ د ناڤ دا بوون.
ئاده‌م ستومپ، په‌یڤدارێ پێنتاگۆنێ دیار كر: ئێكه‌م جاره ئه‌و وێ بۆمبه‌یێ د شه‌ری دا بكاردئینن و هه‌می رێكار بۆ پاراستنا خه‌لكێ سڤیل بجهئینانه.
فۆڕمێن ئاھێن خوارنێ نامینن و فۆرمەکا ئەلکترۆنی دھێتە چێکرن
ئه‌ڤرۆ نيوز:
ئەندامەکا لیژنا دارایی و ئابووری ل جڤاتا نوونەرێن عێراقێ ئیماژە بڤێ چەندێ دکەت، کو حوکمەتا عێراقێ پلانەک ھەیە فۆرما ئاھێن خوارنێ یا ھەیڤانە بگۆھۆریت بۆ فۆرما ئەلکترۆنی و خوارنا ئەوان وەلاتیان ببڕیت کو یێن رەوشا وان یا باش و دیارکر، ھەگەر ب ئەگەرێ بەلافکرنا خوارنا ھەیڤانە نەمینیت ئەڤە دێ بھایێ کەل و پەلێن خوارنێ ل بازاڕێن ھەرێم و عێراقێ بشێوەیەکێ بەرچاڤ بلندببیت، لەوڕا ئێک ژ کاریگەریێن باش یێن خوارنا ھەیڤانە کۆنتڕۆلکرنا ئاھێن خوارنێ یە ل بازاری.
نەجیبە نەجیب، ئەنداما لیژنا دارایی و ئابووری ل جڤاتا نوونەرێن عێراقێ بۆ رۆژناما ئەڤرۆ گۆت” وەزارەتا بازرگانیا عێراقێ ئێکە ژوان وەزارەتێن حوکمەتا عێراقێ یێن چەندین بادەکێن گەندەلیێ تێدا ھەنە و نوکە حوکمەتا عێراقێ ب ھەماھەنگی دگەل سندۆقا نێڤدەولەتی مژوولی بجە ئینانا پلانەکا نووویە بۆ بەلاڤکرنا خوارنا ھەیڤانە و لگۆری پلانا وەزارەتا بازرگانیا عێراقێ، فۆڕما ئاھێن خوارنێ دێ ھێتە گۆھۆرین بۆ فۆڕمەکا ئەلکترۆنی و بسەر وەلاتیێن عێراقێ و ھەرێما کوردستانێ ھێتە بەلاڤکرن، وەکی ئەزموونەکێ ژی نوکە وەزارەت ل باژێڕێ کەربەلا ئەو فۆڕمێن ئەلکترۆنی بەلاڤ دکەت، دوڤدا پشتی دوماھی ھاتنا بەلاڤکرنا ئەوێ فۆرما ئەلکترۆنی ل ھەرێما کوردستانێ و عێراقێ ژی دێ ھێتە بەلاڤکرن.
ئەوێ ئەنداما لیژنا دارایی و ئابوری گۆتژی” جوداھیا ئەڤێ فۆرما ئەلکترۆنی دگەل فۆڕما نوکە ھەی ئەڤە ب چو شێوەیەکی ناھێتە سەختەکرن و ھەر دەمێ وەلاتی بڤێت دێ شێت پشکا خوارنا ھەیڤانە وەربگریت و وەکی بەری نوکە نابیت بھێتە نیک بریکارێ ئاھێن خوارنێ، گورەی زانیاریێن بەردەستێ مە بەری نوکە نێزیکی ھەژدە ھزار فۆڕمێن ئاھێن خوارنێ یێن وەھمی و سەختە ھاتینە ئاشکراکرن و ل توومارا ئاھێن خوارنێ ھاتینە لادان، گورەی ئەڤێ رێکەفتنا ناڤبەرا حوکمەتا عێراقێ و سندۆقا نێڤدەولەتی عێراق دێ خوارنا ھەیڤانەیا ھژمارەکا زۆر وەلاتیان ببڕیت یێن رەوشا وانا ئابووری یا باشە، چونکە بارگرانیەکا زۆر کەفتیە سەر بودجا گشتیا عێراقێ و پێدڤیە ئەو بارگرانیە پھێتە سستکرن.
نەجیبە نەجیب دیارکر” راستە ھندەک جارا ئەف مادێن خوارنێ یێن ھەیڤانە دھێنە بەلافکرن وەکی پێدڤی نینە و کوالێتا وان یا باش نینە، بەلێ بدیتنامن ئێک ژ مفابەلافکرنا خوارنا ھەیڤانە ئەڤە کاریگەریەکا زۆر ل سەر بازاڕی ھەیە و ئەگەر ئاھێن خوارنێ نەھێتە بەلاڤکرن ژلایێ حوکمەتێ ڤە، دێ ل بازاڕێن ھەرێما کوردستانێ و عێراقێ بھایێ ئەرزاقی بشێوەیەکێ بەرچاڤ بلندببیت، لەوڕا ھەر چاوابیت خوارنا ھەیڤانە بھێتە بەلافکرن باشترە ھەتا لبازاڕی بھا بلند نەبیت.
سەربەست تروانشی: یا دشیان دا بیت بۆ ھاریکاریکرنا دکاندارێن زیان گەھشتیێ دێ کەین
ئەڤرۆ نيوز:
بەرپرسێ لقێ ئێکێ پارتی دیموکراتی کوردستان ل گەل دکاندارێن د روودانا ئاگربەربوونا بازاڕێ چەلێ دا دکانێن وان سۆتین کۆمبوو و دیار کر، یا د شیانێن وان دا بیت دێ ھاریکاریا دکانداران کەن و داخوازی و گازندێن وان گەھیننە دام و دەزگەھێن پەیوەندیدار.
بەرێز سەربەست تروانشی، بەرپرسێ لقێ ئێکێ پارتی دوھی 12/4/2017 پێشوازی ل دکاندارێن دکانێن وان د روودانا ئاگربەربوونا بازاڕێ چەلێ دا سۆتین کر و د کۆمبوونەکی دا ل گەل وان، بەرپرسێ لقێ ئێک ھەڤخەمیا لقێ ئێکێ پارتی گەھاندە دکاندارێن ناڤبری گۆت: “روودانەکا نەخوش بوو روودای و زیانێن مەزنێن ماددی و گیانی گەھشتنە وەلاتیێن مە ل بازاری و کار و کەسابەتا وان راوەستیا”.
پاشی بەرپرسێ لقێ ئێک گۆھداریا گلە و گازندێن دکاندارێن زیان گەھشتیێ کر و سۆز دا ل گۆرەیی شیانان ل گەل وان ھاریکاربیت و داخوازیێن وان بگەھینیتە دام و دەزگەھێن پەیوەندیدار.
ھەر دوھی و ب ھەلکەفتا بۆرینا 38 سالان ل سەر دامەزراندنا بزاڤا دیموکراتی یا ئاشوری و ب مەرەما گەھاندنا پیرۆزباھیان، شاندەکێ لقێ ئێک ب سەرۆکاتیا سەربەست تروانشی، بەرپرسێ لقێ سەرەدانا بارەگایێ بزاڤا ئاشوری ل دھۆکێ کر، دیسا د روونشتنەکێ دا و ب ھەلکەفتا سالرۆژا دامەزراندنا وان (سەربەست تروانشی) پیرۆزباھیێن لقێ ئێکێ پارتی گەھاندنە بزاڤا ناڤبری و داخوازا بەردەوام بوون و سەرکەفتنێ د کاروانێ وانێ خزمەتکرنێ دا خواست.
ھەروەسا ھەردو لایان تەکەزی ل سەر خورتکرنا پەیوەندیێن دو قولی د ناڤبەرا لقێ ئێک و بزاڤا دیموکراتی یا ئاشوری دا کرن.
گیایێ بھارێ بازارێ شێلادزێ وەکو سالێن بۆری گەرم نەکریە
ئه‌ڤرۆ نيوز:
ل دەستپێکا ھاتنا وەرزێ بھارێ ھەتا دووماھیا وێ، ژ ئەگەرێ بارینەکا زۆر یا بارانان و پەیدابوونا شەھەکا باش د ناڤ ئاخێ دا، رێژەکا بەرچاڤ و باش یا گیایێ بھارێ ل دەڤەرێن چیایی یێن نێروە و رێکان و دۆسکی ژووریا سەر ب ناحیا شێلادزێ ڤە ژلایێ خەلکێ دەڤەرێ ڤە دھێتە پەیداکرن و سالانە مفایەکێ باش بۆ خوارنا خوە و فروتنێ دیتینە.
نەعمان عەبدولا ئێک ژ ئاکنجیێن ناحیا شێلادزێ د ژیێ 50 سالیێ دایە بۆ رۆژناما ئەڤرۆ گۆت: سالێن بۆری ژین و ژیارا مە گوندێن ڤێ دەڤەرێ ل سەر بەرھەمێ بھارێ یە، چونکی دەڤەرەکا ناڤ چیایی یە و مفایەکێ باش مە ژڤان دەڤاران دیتیە و ل گەل ھاتنا وەرزێ بھارێ مە ھەموو جۆرێن گیای پەیدا دکرن و پاش ل بازارێ شێلادزێ دھاتنە فرۆتن، لێ ئەڤ سالە بازارێ شێلادزێ وەکو سالێن بۆری گەرم نەبوویە، ژ ئەگەرێ ھەبوونا پەکەکێ ل دەڤەرا نێروە و رێکان و دۆسکی ژووریا.
ناڤبری گۆت ژی: خەلکێ ناحیا شێلادزێ وەکو سالێن بۆری نەشێن بچنە گوندێن خوە و چیایێن دەڤەرێ بۆ ئینانا گیایێ بھارێ، ژبەرکو پەکەکە بوویە رێگر ل ڤان دەڤەران و ئالۆزیا بۆ خەلکێ ڤێ دەڤەرێ دروست دکەن و رۆژانە ژلایێ حوکمەتا تورکیا ڤە ئەڤ دەڤەرە ب تۆپ و فرۆکان دھێنە بۆمبەبارانکرن ژبەر ھەبوونا پەکەکێ ل ڤان دەڤەران.
ئەڤ چەندە ژی بوویە ئەگەرێ ترس و لەرزەکا مەزن د دلێ خەلکێ دەڤەرێ دا. لەوما ئەڤ سالە ژی وەکو سالێن بۆری بازارێ شێلادزێ پڕ نەبوویە ژ گیایێ بھارێ مینا کڤارک و لویش و جۆرێن و سترک و کەنگر و .. ھتد.
پشتی سەرەدانا تەھران ناڤێ وی دلیستا ئەنترپۆلێ دا نەما
ئەڤرۆ نيوز:
جێگرێ سەرۆک کۆمارێ بەرێ یێ عیراقێ و کەساتیا دخوازکری ژ ئالیێ دادگەھا بلندا عیراقێ ڤە ب توومەتا ھاریکاری و ئەنجامدانا چالاکیێن تیرۆری ل عیراقێ، تارق ھاشمی راگەھاند ناڤێ وی د لیستا ئەنترپۆلا نێڤدەولی دا ھاتە ژێبرن.
تارق ھاشمی گۆت: پشتی ئەنترپۆلا نێڤدەولی ھەموو بەلگەێن دژی وی ھەلسەنگاندین و ئەو گونھباریێن بۆ ھاتیە دارشتن بەرۆڤاژی وێ دەرکەفت و ئەو چەندە بۆ بەغدا و وەزارەتا ناڤخوەیا عیراقێ ژی ھاتیە روھنکرن.
ھەروەسا ھاشمی دیارکر، بڕیارا گرتنا بادەکا من و بێ گونەھیا من ھاتە خوەیاکرن، ئەو بڕیار بۆ ھەموو وەلاتێن ئەندام ھاتیە ھنارتن ژوانا ژی عیراقێ.
تارق ھاشمی د ھەڤدیتنەکا تایبەت بۆ (ئەلعەربی ئەلجەدید) کو ل وەلاتێ بەریتانیا دەردکەڤیت گۆت: سەفقەکا سیاسی ھەیە کو ھەموو توومەت و بڕیارێن دادگەھی یێن سەر دەمێ نوری مالکی ھەمبەری ھژمارەکا سیاسەتمداران بھێنە ھەلوەشاندن، ھندەک دەستپێخەریێن ھیڤیدار ھەنە کو دلسۆزانە بن راستگویا ئارمانجان تێدا ھەبیت بۆ ھندێ عیراق پێ بھێتە قورتال کرن، بزاڤەکا چاکسازی یا رەھا بەری دەلیڤەکا زێرین و دووماھیی ژدەست مە بچیت.
جێگرێ سەرۆک کۆمارێ بەرێ ھەروەسا ئاشکراکر، وی ھەڤدیتنەکا تایبەت ل گەل فەرماندێ فەرماندەیا پازدارێن ئیرانی قاسم سولیمانی ئەنجامدایە ددەمێ سەرەدانا وی بۆ تەھران ل ئادارا 2017، دوێ ھەڤدیتنێ دا ب ئامادەبوونا بەرپرسێ بادەکا فەرماندەکێ لەشکرێ شۆرەشا ئیرانی وی دەمی بناڤێ ئەحمەد فەروزندە.
تارق ھاشمی ھەروەسا دیارکر، دوێ سەرەدانێ دا بشێوەکێ تایبەت مە بەحسێ دەستھەلاتا رەھایا ئیرانێ ل سەر عیراقێ کر، و ئەگەرێ سەرەدانا من بۆ ئیرانێ ھات پشتی بالیۆزێ یرانێ ل عیراقێ حسێن قومی نەشیایی بەرسڤا من بدەت ل دۆر ھندەک پرسا، سەبارەت بادەکا روودانێن توندوتیژیێ یێن نەپەنی کو جھێ گۆمانا من بوو وەلاتێ ئیرانێ دەست تێدا ھەبیت، وەکی بادەکا چالاکیێن قاعیدە یا تیروری و لەشکرێ مەھدی.
ل گۆڕ گۆتنا تارق ھاشمی قاسم سولیمانی بۆ دووپاتکر کو وەلاتێ ئیرانێ دەست ل گەل ھەندەک ئالیێن سیاسی و ھەماھنگیەکا تەمام ھەیە بۆ بجھئینانا بەرژوەندیێن ئێمناھیا نەتەوەیی یا ئیرانێ ھەیە.
چەندین سکالا دژی حەشدا شەعبی گەھشتینە بەغدا
ئەڤرۆ نیوز:
حەشدا شەعبی پشکەک ژ ھێزێن خوە ل مووسل ڤەکێشاینە و چاڤدێرەکێ ئەمنی ژی دبێژیت، ڤەکێشانا ھێزێن حەشدا شەعبی پەیوەندی ب ئاریشەیێن نافمالا شیعی ڤە ھەنە و ب ئەگەرێ ئالۆزیا ل دەڤەرێن بەغدا و شیعە مەزھەب پەیدابووی حەشدا شەعبی پشکەک ژ ھێزێن خوە ل مووسل ڤەکێشاینە، سەرۆکێ لیژنا قانوونی ژی لپەرلەمانێ عێراقێ دیارکر، چەندین سکالا لدۆر تاوانێن حەشدا شەعبی ل مووسل گەھشتینە بەغدا.
شوان محەمەد تەھا، چاڤدێری ئەمنی و سەرۆکی بەرێ یێ لیژنا ئاسایش و بەڕەڤانیێ لپەرلەمانێ عێراقێ بۆ رۆژناما ئەڤرۆ گۆت”دچوارچوڤێ پشکداریا ھێزێن حەشدا شەعبی د ئۆپەڕاسیۆنا رزگارکرنا باژێڕێ مووسلدا، ڤێجارێ حەشدا شەعبی زێدەتر ب بەرپرسیاری ڤە سەرەدەری دگەل رەوشا شەڕی دکر و ئەزموونا بەرێ ل کۆمکوژیا وەلاتیێن سونە مەزھەب دۆبارە نەکر، ئەگەر ل ھندەک دەڤەرێن مووسل چەکدارێن حەشدا شەعبی تاوانژی ئەنجامدابن، ئەڤە خوە پاراستیە ل چافکێن کامیرە و بەلافبوونا ناڤ و دەنگێ وان، وەکی ل ھندەک دەڤەرێن عێراقێ تاوان ئەنجامدای و بووینە ئەگەرێ ڤێ چەندێ عەرەبێن سونە و جڤاکا نێڤدەولەتی دلگرانببن، ژبەرکو تەپەسەرکرنا وەلاتیێن سونە مەزھەب ناڤ و دەنگەکێ خراپ ئخێستیە سەر ھێزێن حەشدا شەعبی.
شوان محەمەد تەھا دیارکر” پشکەک ژ ھێزێن حەشدا شەعبی ئەڤێن پشکداری شەڕێ گرتنا مووسلدا دکەن، ھاتینە ڤەکێشان بۆ دەڤەرێن وان، ئەڤەژی بۆ ئەگەرێ تێکچوونا نافمالیا شیعی ڤەدگەڕیت، کو بۆیە ئەگەرێ ئالۆزبوونا رەوشا ھژمارەک دەڤەرێن عێراقێ و کۆتلەیێن شیعە گەفان ل ئێکدوو دکەن، لەوڕا ب ئەگەرێ ئەڤان ئالۆزیان پشکەک ژ حەشدا شەعبی ھاتیە ڤەگەڕاندن و مووسل بجە ھێلایە.
ژلایێ خۆڤەژی موحسین سەعدوون، سەرۆکێ لیژنا قانوونی لپەرلەمانێ عێراقێ بۆ رۆژناما ئەڤرۆ دیارکر” ھێزێن حەشدا شەعبی ئەڤێن پشکداری د شەڕێ گرتنا مووسلدا کری چەند تاوانەک ئەنجامداینە و چەندین سکالا لدژی ئەڤان ھێزێن حەشدا شەعبی گەھشتینە بەغدا، لەوڕا پشتی رزگارکرنا مووسڵ دڤێت ئەف ھێز ل دەڤەرێ بھێنە ڤەکێشان، ژبەرکو دێ ببنە ئەگەرێ شەڕێ مەزھەبی و ئالۆزی دێ کەڤیتە دەڤەرێ، ئەمژی وەکی کورد دگەل ڤێ چەندێ ینە حەشدا شەعبی دەمەکێ زوو پشتی گرتنا مووسل بھێتە ڤەکێشان ژ مووسل، چونکی ئیدارە و خەلکێ پارێزگەھێ رازینینە بمانا ئەڤێ ھێزێ و ئەنجوومەنێ پارێزگەھێ ژی دێ ب کارێ خوە رابیت بۆ ڤەکێشانا حەشدا شەعبی ل سنورێ پارێزگەھا نەینەوا.
ئیبراهیم جه‌عفه‌ری و فوئاد حسێن سمیناره‌كا هه‌ڤپشك ل دهۆكێ پێشكێشكر
ئه‌ڤرۆ نيوز:
ئه‌ڤرو ئێڤاری 12-4-20177ل فروكخانا فه‌رمانده‌یا دهوكێ فه‌رهاد ئه‌مین ئه‌تروشی پارێزگه‌رێ دهوكێ پێشوازیا ابراهیم جعفه‌ری وه‌زیرێ ده‌رڤه یێ عیراقا فیدرال و فواد حسێن سه‌روكێ دیوانا سه‌روكاتیا هه‌رێما كوردستانێ وشاندێ دگه‌لدا كر.
پاش سه‌ره‌دانا زانكویا ئه‌مریكی ل دهوكێ كرن و ل هولا زانكویا ئه‌مریكی وه‌زیرێ ده‌رڤه یێ عیراقێ وسه‌روكێ دیوانا سه‌روكاتیا هه‌رێما كوردستانێ سمیناره‌كا هه‌ڤپشك بوقوتابیێن زانكویێ وبه‌رپرسێن ئیداری ل پارێزگه‌هێ پێشكێشكرن .
لبه‌راهیێ په‌یڤا بخێر هاتنێ ژلایێ سه‌روكێ زانكویا ئه‌مریكی هاته خاندن وبخێر هاتنا مێهڤانان كر كو ل دوڤ داخازیا زانكویا وان هاتین بو پێشكێشكرنا سمینارێ.
هه‌ر بڤێ هه‌لكه‌فتێ پارێزگه‌رێ دهوكێ بخێر هاتنا وه‌زیرێ ده‌رڤه یێ عیراقا فیدرال وسه‌روكێ دیوانا سه‌روكاتیا هه‌رێما كوردستانێ وشاندێ پێرا كر وچه‌ند رونكرن دانه سه‌ر ره‌وشا پارێزگه‌ها دهوكێ وچه‌ند تێبینی ئاراسته‌ی وه‌زیرێ ده‌رڤه یێ عیراقێ كرن بو وێ یه‌كێ ره‌وشا ئاواره‌یان وپارێزگه‌ها دهوكێ پتر لبه‌ر چاڤ بهێته وه‌رگرتن وگرنگی پێ بهێته دان.
ئه‌وتێبینی ئه‌ڤه‌بون هاتنا ژماره‌كا زور یا ئاواره‌یان كوپترن ژ7000هزار كه‌سا وكارتێكرنا وان ل سه‌ر هه‌موو سه‌كته‌ران وئه‌و هاریكاریێن زور كێم یێن عیراقێ بو ئاواره‌یان كرین ، ئازارێن كوردێن ئێزدی ل سه‌ر ده‌ستێن داعش دیتین ونه‌پوته‌دانا حكومه‌تا عیراقێ ب بابه‌تی –برینا بودجا هه‌رێمێ وكارتێكرنا وێ ل سه‌ر ژیانا وه‌لاتییان – كێم هاریكاریكرنا پێشمه‌رگه‌ی هه‌رچه‌ند به‌ره‌ڤانیێ ژئاخا عیراقێ وكوردستانێ دكه‌ت ل دژی تیرورستێن داعش .
پاش وه‌زیرێ ده‌رڤه یێ عیراقا فیدرال سمینارا خو ل دور عیراقێ نوو وعیراقا به‌ری 20033ێ پێشكێشكر وگوت بومن شه‌رفه‌كا مه‌زنه كو ل هه‌موو مه‌حافلێن ده‌ولی ئه‌م به‌حسێ ئازار ونه‌خوشیێن ملله‌تێ كورد وهه‌موو پێك هاتێن دی ل عیراقێ دكه‌ین وئه‌و نه‌هامه‌ت وزورداریا ل سه‌ر ده‌ستێ رژێما به‌عس ب سه‌ردا هاتیه سه‌پاندن وی ده‌می ده‌وله‌تا عیراقێ ئێك كه‌سی برێڤه‌دبر وهه‌موو تشته‌ك ل بن حكومرانیا دكتاتوریه‌تێ دهاته مه‌شاندن …لێ پشتی 2003ێ وژناڤچونا رژێما به‌عس عیراقه‌كا دیموكراتی فیدرالی فره حزبی فره هزری وئازادیا روژنامه‌ڤانی هاته ئاڤاكرن وهه‌موو پێك هاتان پشكداری تێدا كریه وهه‌موو ب مافێن خو شادبوینه هه‌رچه‌نده كێماسی ژی هه‌نه لێ عیراقێ نوو یا جیاوازه ژیا به‌ری 2003ێ .
وه‌زیرێ ده‌رڤه یێ عیراقێ ئاماژه دا وێ چه‌ندێ كو ده‌وله‌تا نوو یا عیراقێ فیدرالیه ئانكو موكمكرنا باوه‌ریێ یه دناڤبه‌را خه‌لكێ عیراقێ دا وعیراقا نوو سه‌روه‌ری ویاسایێ وگرنتیا وه‌لاتیبونێ دناڤ ئاخا وه‌لاتی دا به‌رجه‌سته دكه‌ت .
براهیم جعفری ئه‌و یه‌ك ژی دیاركر كو عیراقا نوو هزرا تیرورێ ئیدانه دكه‌ت وهه‌ولده‌ین وان هه‌موو هزار ژناڤ ببه‌ین.
هه‌روه‌سا ئاماژه دا ئاسته‌نگێن هاتینه پێشیا عیراقێ وه‌كو شه‌رێ تیرورێ وگه‌نده‌لیا ئیداری وهتد …وهیڤی خاستن كو په‌یوه‌ندی دناڤبه‌را هه‌موو لایه‌نان دا خوش ببن وئاشته‌وایا نیشتمانی بهێته كرن وجڤاكێ ده‌وله‌تی ژی هاریكاربیت پشتی شه‌رێ داعش ب دوماهی دهێت وهه‌موو ب هه‌ڤرا عیراقێ ئاڤاكه‌ن.
سه‌روكێ دیوانا سه‌روكاتیا هه‌رێما كوردستانێ ژی دیاركر دعیراقا نوو دا ئاسته‌نگی هه‌نه وهێشتا ئه‌م نه‌گه‌هشتینه ئاستێ ئاڤاكرنا دیموكراتیا راسته‌قینه و پروژێ وه‌لاتیبونێ وده‌وله‌تبونێ .
هه‌روه‌سا گوت مه كوردان هزر دكر ب ئاڤاكرنا فیدرالیێ كورد دێ ب هه‌موو مافێن خو شاد بن هه‌رچه‌نده هنده‌ك ده‌ستكه‌فتی هه‌نه لێ كێماسی ژی زور هه‌نه وفیدرالی بدورستی نه‌هاتیه په‌یره‌وكرن.
فواد حسێن سه‌روكێ دیوانا سه‌روكاتیا هه‌رێما كوردستانێ ته‌كه‌زكر كو هه‌كه سازیێن راسته‌قینه یێن فیدرالی ل عیراقێ هه‌بان ئه‌ڤرو ئه‌ڤ قه‌یرانه ژی نه دبون.
پاش چه‌ندین پسیار ژلایێ قوتابییان وبه‌رهه‌ڤبویان هاتنه ئاراسته‌كرن وبه‌رسڤ ل سه‌ر هاتنه دان.
سه‌قايێ سوبه
نيشاندان
WP Facebook Auto Publish Powered By : XYZScripts.com