ئەڤرۆ نیوز،زنار تۆڤی:
ئەڤرۆ رۆژا سێشەمبی 11ى نيسانا 2017ێ جارەکادی تۆپخانەیا سۆپایێ تورکی دەڤەرا بەرواری بالا بوردۆمانکر.
لدەمژمێر 12 نیڤرۆیا رۆژا سێشەمبی تۆپخانەیا سۆپایێ تورکی سەرکێ دێشێشێ و هەروەسا دەرارێ و تەبالا یا ب سەر گوندێ هرۆرێ ڤە ل دەڤەرا بەرواری بالا بۆ ماوێ پتر ژ دەمژمێرەکێ ب دژواری تۆپ بارانکر و پتری 15 گۆلە تۆپ ل وان جهان داینە و ڤێ چەندێ ترس ل دەف خەلکێ دەڤەرێ پەیداکریە و ئێدی خەلک نەوێرن ب چنە چیایان بۆ ئینانا گیایێن بوهاری.
نووترين نووچه
- ب گرنگی دنێڕینە پێگەهێ هەرێما كوردستانێ
- مەسرور بارزانی و بەربژارێ ترەمپی بۆ شیرەتكارییا ئاسایشا نیشتمانییا ئەمریكی دووماهی پێشهاتان گەنگەشە دكەن
- ژ ناڤچوونا رژێما ئەسەدی و دەرئەنجامێن وێ دێ كارتێكرنێن ئەمنی و سیاسی ل سەر ئیراقێ هەبن
- دادگەهەكا بەغدا سكالایەكا وەزارەتا پەترۆلا ئیراقێ دژی هەرێمێ رەتكر
- سەرۆك بارزانی: ئێكەتییا ئافرەتێن كوردستانێ ئەزموونەكا سەركەفتییا پشكدارییا ئافرەتێ یە د ژیانا سیاسی و جڤاكییا كوردستانێ دا
- ئێكەتییا ئافرەتان هەڤپشكەكا سەرەكییە د گەشەپێدانا جڤاكەكێ مەدەنیدا
- ئێكەتییا ئافرەتان قوتابخانەیا پێگەهاندنا چەندین ئافرەتێن خودان شیان و سەركردە یە
- مەسرور بارزانی و وەزیرێ دەرڤەیێ بەحرەینێ پێشڤەبرنا پەیوەندییان د وارێن جۆرا و جۆر دا گەنگەشەكر
- میسال ئالۆسی: سەرۆك بارزانی دشێت هەموو ئالیێن سیاسی كۆمڤەكەت و چارەسەرییا كێشەیان بكەت
- سەرۆك بارزانی و شێخ عەبدوللا حمێدی عەجیل یاوەر رەوشا دەڤەرێن سنۆری یێن ئیراقێ و سووریێ گەنگەشەكر
سه‌ره‌كى نووترين نووچه
پارتى و ئێكه‌تى يێ د كۆمبوونێ دا
سه‌رۆكا فراكسيۆنا هه‌ده‌پێ ئازاد كر
ئه‌ڤرۆ نيوز:
پشتى چار هه‌يڤان ژ ده‌سته‌سه‌ركرنێ، سه‌رۆكا فرراكسيۆنا پارتيا ديموكراتا گه‌لان “هه‌ده‌يه” ب مه‌رجێن قانوونى هاته ئازادكرن.
چاغلار ده‌ميرال، په‌رله‌مانتارا ئامادێ و سه‌رۆكا فراكسيۆنا هه‌ده‌پێن ب تۆمه‌تا سڤكاتيكرن ب گه‌ل و حوكمه‌ت و ده‌وله‌تا توركيا و هاندانا خه‌لك بۆ كه‌رب و كين و بانگه‌شێ بۆ په‌كه‌كێ، رۆژا 13ى كانوونا ئێكێ يا 2016ێ ژ لايێ هێزێن ئه‌منى يێن توركيا هاته ده‌سته‌سه‌ركرن، پاشان بڕيارا شه‌ش هه‌يڤان زيندانكرن بۆ ده‌ركه‌فت ل گه‌ل به‌رده‌امبوونا ڤه‌كۆلينان.
ده‌ميرال ل گرتيخانا كۆجائێلى ب رێيا سيسته‌مێ ده‌نگ و ره‌نگ پشكدارى د پرۆسا سيێ يا دادگه‌هكرنێ ژ لايێ دادگه‌ها سزايێن گران ل ئامادێ كر، د روونشتنێ دا هه‌موو ئه‌و تۆمه‌تێن ب پال وێ ڤه هاتينه دان ره‌تكرن و پارێزه‌ران ژى داخوازا ئازادكرنا وێ كر.
پشتى هه‌لسه‌نگاندنا داخوازيان دادگه‌هێ ل به‌رچاڤگرتنا كاودانێن كه‌ساتى و جڤاكى و ئابوورى يێن ده‌ميرال، سزايێ وێ بۆ پاران گوهۆڕى.
هه‌ڤده‌م ل سه‌ر كێشه‌كا دى ژ ئه‌گه‌رێ نه‌بوونا به‌لگه‌يێن پێدڤى ل سه‌ر تۆمه‌تا “هاندانا خه‌لكى بۆ كه‌رب و كين و دوژمنكاريێ”، دادگه‌هێ بڕيارا ئازادكرنێ بۆ چاغلار ده‌ميرال ده‌ركر.
ھەرێم و بەغدا رێککەفتن باج ل خالێن پشکنینێ بھێتە راکرن
ئه‌ڤرۆ نيوز:
ھەرێما کوردستانێ و بەغدا ل سەر راکرنا باجێ ل سەر بەرھەمێن ناڤخۆ یێ دھێتە ڤەگوھاستن رێککەفتن و بەرپرسەکێ وەزارەتا چاندنێ ژی دیار کر کو ئیدی حەشدا شەعبی ل خالێن پشکنینێ باجێ ژ جۆتیار و بازرگانێن ھەرێما کوردستانێ وەرناگریت و ئەڤ ئاریشە ھاتە چارەسەرکرن.
دکتۆر ئەنوەر عومەر، رێڤەبەرێ گشتیێ پلاندانانێ ل وەزارەتا چاندنێ یا حوکمەتا ھەرێما کوردستانێ بۆ رۆژناما ئەڤرۆ دیار کر کو ل سالێن بۆری ل سنوورێن دناڤبەرا ھەرێما کوردستانێ و حوکمەتا عیراقێ دا حەشدا شەعبی چەند خالەکێن پشکنینێ دانابوون و باج ژ بازرگانێن کورد وەردگرت یێن کەل و پەل ژ ھەرێما کوردستانێ ڤەدگوھاستنە پارێزگەھێن عیراقێ و ئەڤ چەندە ببوو جھێ دلگرانیا وەلاتیێن ھەرێما کوردستانێ و بازرگانان، چونکی ئەڤ باجە ب شێوەیەکێ نەقانوونی دھاتە وەرگرتن و بارگرانیەک ل سەر بازرگانان پەیداکربوو و پارەکێ زۆر وەکو باج ژ وان بازرگانێن کورد دھاتە وەرگرتن.
ناڤھاتی خویا کر کو پشتی بزاڤێن زۆر یێن وەزارەتا چاندنا ھەرێما کوردستانێ وەزیرێ چاندنێ و وەزارەتێن عیراقێ گەھشتنە رێککەفتنێ ل دۆر راکرنا ئەڤێ باجێ و بڕیارە ئەو کەلوپەل و بەرھەمێن دناڤبەرا ھەرێمێ و بەغدا دا دھێنە ڤەگوھاستن چو باج ژێ نەھێتە وەرگرتن و ئەو خالێن پشکنینێ بھێنە راکرن، بتایبەتی ئەو خالێن ژ لایێ حەشدا شەعبی ل دەڤەرا قەزا خورماتوو بۆ وەرگرتنا باجێ ھاتینە دانان.
به‌ره‌ڤانيا باژێرێ زيانێن ئه‌ڤرۆ يێن ئاگرێ سيكا چه‌لێ ئاشكرا دكه‌ت
ئه‌ڤرۆ نيوز:
ل دويڤ راگەهاندنه‌كا بەرەڤانیا باژێرێ دهوكێ ، ئەڤرو پشتی نیڤرو لدەمژمێر ۲ تیمێن بنگەهێ گەلی یێ بەرەڤانیا باژێرێ دهوكێ هاتنە ئاگەهداركرن ب رویدانا ئاگری ل بازارێت چەلی پشتی ماوی دوو دەقیقا تیم گهەشتنە جهێ رویدانێ دیاربوو كو پەقینا تانكێ گازا موه‌لیدێ بازاری لسەر بانێ ڤان دوكانا بو ئەگەرێ پەییدابونا ئاگری پشتی بورینا ئێک دەمژمێر و بیست خولەكا ب هاریكاریا هەمی بنگەهێن بەرەڤایا باژێرێ دهوكێ سەرپەرشتیا راستەوخو یا رێڤەبەرێ بەرەڤانیا باژێرێ دهوكێ عمید سلێمان رویدان هاتە كۆنترولكرن، لێ دڤێ رویدانێدا كەسەكی گیانێ خو ژ دەست دا و ئێک ژی بینداربو كو برینا وی یا دژوارە و دوو پولیسێن توشی بهێن تەنگیێ بون و زیان ماددی ب ٥۷ دوكانێن هاولاتیان كەفتن كو ب سەدان ملیون دینار زیانێن ماددی دیف خورا هێلان.
به‌رگرییا شارستانی: كه‌سه‌كى د ئاگرێ بازارێ چه‌لێ دا گیانێ خوه ژده‌ست دایه
ئه‌ڤرۆ نیوز:
ئه‌ڤرۆ ژ سه‌ده‌ما په‌قینا تانكه‌كێ گازێ ئاگر به‌ربوو بازارێ چه‌لێ ل ناڤه‌ندا باژارێ دهۆكێ و ب ده‌هان دوكان سۆتن.
به‌رگرییا شارستانی یا دهۆكی راگه‌هاند كو ژ سه‌ده‌ما وی ئاگری و ل گۆری زانیاریێن ده‌ستپێكی كه‌سه‌كی گیانێ خوه ژده‌ست دا و ئێك ژی بریندار بوو.
هه‌روه‌سا به‌رگرییا شارستانی دیار كر كو ئاگر ژ ئالیێ تیمێن ئاگرڤه‌مراندنێ ڤه هاتیه كۆنترۆل كرن.
دو رێڤه‌به‌ر ل دهۆكێ هاتنه گوهۆڕين
ئه‌ڤرۆ نيوز:
د چارچوڤێ وان گوهورینێن د ناڤ دام وده‌زگه‌هێن میری دا ل سنورێ پارێزگه‌ها دهوكێ دهێنه كرن ئه‌ڤرۆ سپێدێ 10-4-2017ب ئاماده‌بوونا به‌هزاد عه‌لی ئاده‌م جێگرێ پارێزگه‌رێ دهۆكێ ودكتور عارف حیتو رێڤه‌به‌رێ گشتی ل وه‌زاره‌تا كار وكاروبارێن كومه‌لایه‌تی و حسێن عه‌لی ئه‌سعد رێڤه‌به‌رێ گشتی یێ چاڤدێریا كومه‌لایه‌تی ل دهوكێ رێ ورسمێن گوهورینا دوو رێڤه‌به‌ریێن وه‌زاره‌تا كاروكاروبارێن كومه‌لایه‌تی ل پارێزگه‌ها دهوكێ هاتنه گێران.
ل به‌راهیێ رێ ورسمێن گوهورینا رێڤه‌به‌رێ فه‌رمانگه‌ها كار هاتنه گێران (عه‌بدولكریم حه‌ماد محه‌مه‌د سه‌لیم) وه‌كو رێڤه‌به‌رێ نوو بو رێڤه‌به‌ریا كار ل دهۆكێ ل شوونا (رێگر غازی محه‌مه‌د سالح) رێڤه‌به‌رێ به‌رێ هاته دانان.
پاش رێ ورسمێن گوهورینا رێڤه‌به‌رێ فه‌رمانگه‌ها كار وده‌سته‌به‌ركرنا جڤاكی بو كرێكاران ل دهۆكێ هاتنه گێران و (رێگر غازی محه‌مه‌د سالح) وه‌كو رێڤه‌به‌رێ نوو بو فه‌رمانگه‌ها كار وده‌سته‌به‌ركرنا جڤاكی بو كرێكاران ل دهوكێ ل شوونا (نه‌وزاد ته‌لعه‌ت دهوكی) رێڤه‌به‌رێ به‌رێ هاته دانان.
دڤان رێ ورسمان جێگرێ پارێزگه‌رێ دهوكێ ده‌ست خوشی ل هه‌ردوو رێڤه‌به‌رێن به‌رێ كر ل دور ئه‌و كار وخزمه‌تا ل سالێن بوری پێشكێشكری هه‌روه‌سا پیروزباهی ل هه‌ردوو رێڤه‌به‌رێن نوو كر وسه‌ركه‌فتن بو خواست وپشته‌ڤانیا كارگێریا پارێزگه‌هێ نیشان دا بو كارێ وان.
هه‌ر بڤێ هه‌لكه‌فتێ د.عارف حیتوی ده‌ست خوشی ل هه‌ردوو رێڤه‌به‌رێن به‌رێ كر هه‌مبه‌ر خزمه‌تا ل سالێن ده‌ربازبوی ئه‌نجامدای وپیروزباهیا هه‌ردوو رێڤه‌به‌رێن نووكر وسه‌ركه‌فتن بو خواست.
ژلایێ خوڤه هه‌ردوو رێڤه‌به‌رێن نوو سوز دا كو ب بره‌نگه‌كێ پیشه‌یی كاری بكه‌ن و ل دوڤ ئاستێ وێ باوه‌ریێ یا ب وان هاتیه راسپاردن خزمه‌تا خه‌لكی بكه‌ن.
نه‌وزاد ته‌لعه‌ت دهۆكی رێڤه‌به‌رێ فه‌رمانگه‌ها كار وده‌سته‌به‌ركرنا جڤاكی ل دهوكێ 11 سال بو خزمه‌ت ل وێ فه‌رمانگه‌هێ كریه وگوهورینا وی ل دووڤ داخازی وحه‌زا وی بوویه.
نووترين پێزانين ل سه‌ر ده‌مێ به‌لاڤكرنا پارێ هاندانا مامۆستايان
ئه‌ڤرۆ نيوز:
وه‌زاره‌تا په‌روه‌ردێ ل حوكمه‌تا هه‌رێما كوردستانێ چاڤه‌رێ وه‌زاره‌تا دارايى دكه‌ت بۆ به‌لاڤكرنا پارێ هاندنا مامۆستايان كو هه‌تا نوكه ژڤانێ به‌لاڤكرنێ يێ نه‌دياره.
سامان سيوه‌يلى ئاخفتنكه‌رێ ب ناڤێ وه‌زاره‌تا په‌روه‌ردێ ئه‌ڤرۆ بۆ خه‌ندان گۆت: “چاڤه‌رێ وه‌زاره‌تا دارايى دكه‌ين دا كو گه‌نجينان ئاگه‌هدار بكه‌ن بۆ هنارتنا ليستا ناڤێن مامۆستايان بۆ مه‌زاختنا پارێ هاندانا وان”.
ئاماژه ب وێ چه‌ندێ ژى كر كو ليستا ناڤێن مامۆستايان يا ئاماده‌يه و هه‌ر ده‌مێ گه‌نجينه ناڤان داخواز بكه‌ن دێ ره‌وانه كه‌ن و گۆت: “به‌لێ هێشتا چاڤه‌رێ وه‌زاره‌تا دارايى دكه‌ن”.
دو کچێن ئێزدی ژ رەققە ھاتنە رزگارکرن
ئەڤرۆ نیوز، لەزگین جوقی:
رێڤەبەرآێ نڤێسینگەھا رزگارکرنا رەڤاندیێن ئێزدی ل دھۆکێ دیارکر ئەڤرۆ 10ى نيسانا 2017 دو کچێن ئێزدی ژ دەستێن تیرۆرستێن داعش ل باژێری رەققە ھاتنە رزگارکرن نوکە ب رێ ڤەنه و ئەڤرۆ ئێڤاری دێ گەھنە پارێزگەھا دھۆکێ.
حسێن کوڕۆ، رێڤەبەرێ نڤێسینگەھا رزگارکرنا رەڤاندیێن ئێزدی ل دھۆکێ، بۆ ئه‌ڤرۆ نيوز دیارکر ھەر دو کچ خوشکێن ئێکن ل 3ى ته‌باخا 2014 ھاتبوونە ژ لایێ تیرۆرستێن داعش ڤە رەڤاندن و نوکە ژیێ کچەکێ ھەشت سالن و یا دی 15 سالن، ژ باژێرێ رەققە ھاتينە رزگارکرن و نوکە یێ دھێن ب رێ ڤەنه، دێ ئەڤرۆ ئێڤاری گەھنە دھۆکێ و ھەر دو کچ خەلکێ شنگالێ نە.
خۆیا ژی کر كو د 24 دەمژمێرێن بۆری دا 11 کچ و ژن و زارۆيێن ئێزدی ژ دەستێن تیرۆرستێن داعش دا ھاتينە رزگارکرن و ھەولدان د بەردەوامن بۆ رزگارکرنا ھەموو رەڤاندیان.
پشكه‌ك ژ پارێ گه‌نمێ جۆتياران گه‌هشته هه‌رێمێ
ئه‌ڤرۆ نيوز:
به‌شێك له پاره‌ى گه‌نمى جۆتياران ئه‌ڤرۆ ژ به‌غدا ره‌وانه‌ى هه‌رێما كوردستانێ هاته كرن و دێ ده‌ست ب به‌لاڤكرنا وى هێته كرن.
وه‌زاره‌تا بازرگانى وپێشه‌سازيا هه‌رێمێ ئه‌ڤرۆ د كۆنگره‌كێ رۆژنامه‌ڤانى راگه‌هاند، كۆژمێ پاره‌ى نێزيكى 224 مليار دينارايه كو پاره شايستێ جۆتيارايه يێ سالا 2016ێ.
عه‌لى سندى وه‌زيرێ بازرگانى و پێشه‌سازى ب وه‌كاله‌ت پێشتر راگه‌هاند بوو كو پارێ دێ گه‌هيت 37.5%يه ژ شايشتێ جۆتياران بۆ سالا 2016ێ.
هه‌رديسا داخواز ژ به‌غدا كريه كو د داهاتى دا كۆژمێ مايى يێ جۆتيارێن هه‌رێمێ بۆ سالێن به‌رێ ژى ب هنێريت كو 684 مليار دينارن، “69 مليار ديناريێن 2014ێ و 243 مليار دينارێن 2015ێ و 372 مليار دينارێن 2016ێ”.
ل سالا 2016ێ جۆتيارێن هه‌رێمێ 886 ته‌نێن گه‌نمى ره‌وانه‌يى عيراقێ كرينه كو دكه‌ته نێزيكى 596 مليار ديناران.
نيشاندان
WP Facebook Auto Publish Powered By : XYZScripts.com