NO IORG
نووترين نووچه

ئەڤرۆ نیوز:
پەیمانگەھا واشنتۆن بۆ سیاسەتێن رۆژھەلاتا ناڤەراست د ڤەکۆلینەکا خوە دا دیارکریە کو میلیشیا حەشدا شەعبی دێ بیتە مەزنترین ئاریشە پشتی ژناڤبرنا داعشێ، خویاکریە ژی کو پێدڤیە ل سەر حوکمەتا عیراقێ بریارێ بدەت ئایا دێ رێ ب تیما پشتەڤانیا لەشکری یا ئەمریکی دەت ل عیراقێ بمینیت ب تایبەتی نوکە شەڕێ دژی داعشێ د قۆناغا دووماھیێ دا.
سایتێ ئەلخەلیج ئۆنلاین ژ زاردەڤێ شرۆڤەکارێ سیاسی عومەر عەبدولسەتار ڤەدگوھێزیت کو ئەمریکا دو پلان بۆ عیراقێ یێن ھەین کو ئێک ژوان ئەوە عەبادی کارتێکرنا پاسدارێن ئیرانێ ل سەر حەشد شەعبی نەھێلیت کو عەبادی و ھەر ژ دیدارا وی ل گەل سەرۆکێ ئەمریکی ل ئادارا بۆری یێ داخوازکریە ڤێ پلانێ بجھبینیت، ھەکە عەبادی ئەو رێککەفتنە بجە نەئینا کو پاشی کارتێکرنا پاسدارێن ئیرانێ دێ ژ یا عەبادی ب خوە ب ھێزتربیت، وی دەمی عیراق دێ بیتە مەیدانا روو ب رووبوونێ ل گەل دەستھەلاتا ئیرانی ل دەڤەرێ کو ل وێ رەوشێ ئەمریکا دێ پەنایێ بەتە پلانا دویێ کو دچەندین راپۆرتێن ئەمریکی دا ژی یا ھاتیە بەحسکرن ئەوژی روو ب رووبوونا ئەمریکا ل گەل میلیشیێن شیعی یێن چەکدار ب رێیا ھەڤپەیمانێن سونە، یان ھەڤپەیمانێن خەلکێ دەڤەران وەکو چاوان روو ب روویێ رێکخستیا قاعیدە بووی وەکو ئاماژەک بۆ گرۆپێن ( سەحەوات) یێن سونی ئەوێن ئەمریکا پشتەڤانی لێکری بۆ شەڕێ دژی قاعیدە ل 2006 ێ.
ئەڤ شرۆڤەکاری سیاسی پێشبینیێ دکەت کو دبیت مەرجەعی شیعی یێ بلند سیستانی ڤێ پرسی ب دووماھی بینیت، ژبەرکو وی چو فەتوا بۆ جیھادێ دژی داگیرکرنا ئەمریکی نەداینە، بەلێ پشتەڤانیا لیستێن شیعی یا کری د ھەلبژارتنێن بۆری دا و ئەمریکا دخوازیت ئایینی و دەولەتێ و سیستانی ژێک حوداکەت، بەرۆڤاژی ئیرانێ ئەوا ئایینی و دەولەتێ پێکڤە کۆم دکەت، لەوما دیت سیستانی بۆ فەرمۆدێن خوە ئەوێن باوەریێ ب (ویلایەتا فەقیە) نەکەن، بزڤریت و دبیت فەتوایەکێ دژی گرۆپێن ل دەرڤەی قانوونێ دەربکەت.
ڤەکۆلینا پەیمانگەھا واشنتۆن ئاماژێ ب بۆچوونا میلیشیێن شیعی یێن عیراقی یێن ئیران پشتەڤانیێ لێ دکەت، و ئەو چەندا پەیڤدارێ میلیشیا ( کتائب حزب اللە) بۆ دەزگەھێن راگەھاندنا ئیرانی ل دەستپێکا گۆلانا 2017 ێ بەحسکری و گۆتی” ھەکە ھێزێن ئەمریکی ژ عیراقێ دەرنەکەڤن پشتی شکاندنا داعشێ، دێ بنە ئارمانجا بەرخوەدانا ئیسلامی یا عیراقی” و ئەڤە وێ پرسیارێ ددوڤ خوە دا دئینیت کا کی بەرپرسیار و حوکمڕانە ل عیراقێ؟.
ب دیتنا وێ پەیمانگەھا ئەمریکی، چارەنڤیسێ حەشدا شەعبی و میلیشیێن ب سەرڤە ئێک ژ مەنترین پرسێن سیاسی یە ل پاشەرۆژێ ل بەردەم حوکمەتا عیراقی. ژبەرکو ئیران بزاڤا پێکئینانا میلیشیێن وەکو حزب اللە یا لوبنانی ل دەڤەرێ ب گشتی و ل عیراقێ ب تایبەتی دکەت کو ئەو میلیشیایە وەکو بزاڤێن سیاسی یێن فەرمی وخودان تایێن خوە یێن لەشکری و جڤاکی و … ھتد بیت.
پشتی قانوونا حەشد شەعبی ل پەرلەمانێ عیراقی ھاتیە دەرکرن و میلیشیێن حەشد شەعبی ب فەرمی بووینە پشکەک ژ لەشکرێ عیراقێ، حەشد وەکو پاسدترێن ئیرانی لێ ھات و ئەڤە ژی پێشبینیا پێکئینانا ھێزەکا سەربازی بەرچاڤ دکەت، کو یەکسان بیت ل گەل لەشکری، ژوان میلیشیان کو ئیران پشتەڤانیێ لێ بکەت و گەلەک میلیشیێن شیعی یێن ب سەر ئیرانێ ڤە وەکو (کتائب حزب اللە) و ( عصائب اھل الحق) و ( رێکخراوا بەدر) دخوازن نموونا حزب اللە یا لوبنانی ل عیراقێ زیندی ودووبارە بکەن.
پەمانگەھێ ئەمریکی د ڤەکۆلینا خوەدا، پێشبینیێ دکەت کو پشتی ئازادکرنا مووسلێ ب تمامی، سیستانی فەتوایەکا نوو دەربکەت وتێدا وەلاتیێن عیراقی ژ ئەرکێ ھەلگرتنا چەکی راگریت و ئەڤە ژی یا ھەڤدەمە ل گەل ھندەک ئاخڤتنێن بەری نوکە ھاتینە کرن ل دۆر فشارێن ل سەر عەبادی دھێنە کرن بۆ ھەلوەشاندنا حەشدا شەعبی.
ترامبی رەخنێن دژوار ل ئیدارا ئۆبامای گرتینە و دچەندین دیداران دا دیارکریە کو ئەمریکا شاشیەکا مەزن کر دەمێ چوویە د عیراقێ دا و پاشی عیراق کریە ددەستێ ئیرانێ دا و ئاماژە دابوو کو وی چەندین چارە بۆ رەوشا عیراقی یێن ھەین ژوان یێن لەشکری و گۆتبوو ژی” پشتی ڤەکێشانا لەشکری ئەمریکی ژ عیراقێ ل سالا 2011، چو حوکمەت ھەتا نوکە ل عیراقێ نینن”.

ئەڤرو نیوز ، نەوزاد ھلۆری:
ب ھەلکەفتا ھاتنا ھەیڤا رەمەزانا پیروز بھایێ گەشتێن عومەرەیان ھاتە بلندکرن ، رێڤەبەرا گشتی یا حەج و عومرێ ژی ئەگەرێن وێ ئاشکرا دکەت.
کاروان ستوونی رێڤەبەرێ راگەھاندنا رێڤەبەریا گشتی یا حەج و عومرێ ل ھەرێما کوردستانێ بۆ ئەڤرو نیوز : (بو مەھا رەمەزانا پیروز کومپانیێن گەشتێن عومەرێ دێ بھایێ خوە بلند کەن دبەرامبەر دا دێ دوو گەشتێن عومرێ ئەنجام دەت و ھەر گەشتەک ژی دێ ١٠ بو ١٥ رۆژان ڤەکێشیت ، ژبەرڤێ بھایێ وان ژی بو ھزار ٤٠٠ دولاران بلندبوویە)
زێدەتر گۆت: (ئێک ژ ئەگەرێن دن ژی ئەوە کو د مەھا رەمەزانێ دا داخوازیێن خەلکی بو چونا عومرەیان زورترن و بھایێن دیاری و کەلوپەلان ژی دمەھا رەمەزانێ دا بلندتر دبن)

ئه‌ڤرۆ نیوز:
سه‌رۆك بارزانى ل كۆربه‌ندێ ئابووریێ جیهانى كو ل ئوردن هاتیه‌ سازكرن، هه‌ڤدیتن ل گه‌ل چه‌ندین كه‌سایه‌تیێن سیاسى و ئابورى و به‌رپرسێن وه‌لاتان ئه‌نجامدا.
بارزانى ل گه‌ل سه‌رۆك كومارێ عیراقێ به‌حسێ شه‌رێ داعش ل مووسل و قوناغا پشتى داعش كر ، هه‌روه‌سا په‌یوه‌ندیێن ناڤبه‌را هه‌ولێر و به‌غدا شروڤه‌كر.
بارزانى هه‌روه‌سا ل گه‌ل وه‌زیرێ ده‌رڤه‌ یێ نه‌رویج كۆم بوو و به‌حسێ په‌یوه‌ندیێن هه‌رێم و نه‌رویژ كرن، بارزانى سوپاسیا حوكمه‌تا نه‌رویج كر بۆ هاریكاریا سه‌ربازى و مروڤى یا پێشكێشى گه‌لێ كوردستانێ كرى د شه‌رێ داعش دا.
سه‌رۆك بارزانى هه‌روه‌سا ل گه‌ل كلاوس شواپ سه‌رۆكێ كوربه‌ندێ ئابووریێ جیهانێ كۆم بوو، سه‌رۆكێ كوربه‌ندى خوه‌شحالیا خوه‌ ب پشكداربوونا سه‌رۆك بارزانى دیاركر، سوپاسیا خه‌لكێ كوردستانێ كر د ڤه‌حه‌واندن و پێشوازیكرنا ئاواره‌ و په‌نابه‌ران و رژدى ل سه‌ر وێ یه‌كێ كر كو پێشمه‌رگه‌ى ب چه‌ك و شیانێن سنووردار شیا خوه‌ راگربیت و ل جهێ جیهانێ شه‌رێ تیرورێ بكه‌ت و د وى شه‌رى دا سه‌ركه‌فت.
هه‌روه‌سا سه‌رۆك بارزانى ل گه‌ل برێت كوندێرس وه‌زیرێ ده‌رڤه‌یێ هوله‌ندا كوم بوو، وه‌زیرێ ده‌رڤه‌ یێ هوله‌ندا راگه‌هاند كو وه‌لاتێ وان یا پابه‌نده‌ ب پێشڤه‌برنا په‌یوه‌ندیێن خوه‌ ل گه‌ل هه‌رێمێ ب تایبه‌ت د بیاڤێ وزێ و چاندن و ئاڤێ .

ئەڤرو نیوز :
ل گورەی ئەو خشتەکێ کو وەزارەتا دارایی و ئابووری یا حکومەتا ھەرێما کوردستانێ ل بارا دابەشکرنا موچەیان ل چەند رۆژێن بوری بەلاڤکری ، سوبەھی دێ موچەیێن وەزارەتا دارایی و ئابووری و دەزگەھێ ئاسایشێ ھێتە دابەشکرن.
دخشتەیێ موچەیان دا زێدەتر ھاتیە : (ئەو موچەیێ کو دھێتە دابەشکرن موچەیی َمەھا ئادارێ یە ، دابەشکرنا موچیان ژی دێ ھەتا ٣١ێ یا بەردەوام بیت)

ئەڤرو نیوز :

رزگارکرنا کچ و ژنێن ئێزدی ژلایێ حکومەتا هەرێما کوردستانێ ڤە بەردەوامە ، ئەڤرو ژی دوو ژ وان هاتنە رزگارکرن.

حسێن قائیدی بەرپرسێ نڤیسینگەها ڤەگەراندنا کچ و ژنێن ئێزدی سەر ب حکومەتا هەرێما کورستانێ دیارکر کو ئەڤرو ل سایا هێزێن تایبەت ژلایێ حکومەتا هەرێما کوردستانێ ڤە رزگارکرنا کچێن ئێزدی ژ دەستێ داعش بەردەوامە و گۆت: (ئەو هەردوو کچێن ئێزدیێن ئەڤرو هاتینە رزگارن ژ دەستێ داعش ئێک ل رەقە هاتیە رزگارکرن و ئێک ژی ل موسڵ ، نوکە گەهشتینە هەرێما کورستانێ و ناڤ کەس و کارێن خوە)
زێدەتر بو وشە گۆت: (هەتا نها سێ هزار کچ و زارویێن ئێزدی ژ دەستێ داعش هاتینە رزگارکرن و بزاڤێن مەژی بەردەوامن)

138

ئەڤرۆ نیوز،زنار تۆڤی:
ئەڤرۆ رۆژا شەمبی 20.5.2017 جارەکادی تۆپخانەیا سۆپایێ تورکی یا زاویتە دەڤەرا بەرواری بالا بۆ ماوێ پتر ژ سێ دەمژمێران بوردۆمانکر.
سەلام ئێکە ژ خۆجهێن دەڤەرا بەرواری بالا بۆ ئەڤرۆ نیۆز دیارکر:ل دەمژمێر 3 پشتی نیڤرۆیا رۆژا شەمبی تۆپخانەیا سۆپایێ تورکی ل زاویتە ل نێزیک گوندێ بێدوهێ و پشتا ئۆرە و هەروەسا دەرارێ و سەرکێ سەرەرو ل دەڤەرا بەرواری بالا بۆ ماوێ پتر ژ سێ دەمژمێران ب دژواری تۆپبارانکر و چەندین گۆلە تۆپ ل وان جهان داینە و ڤێ چەندێ ترس ل دەف خەلکێ دەڤەرێ پەیداکریە و گۆت ژی:نوکە ژی تۆپباران یا بەردەوامە.

ئەڤرو نیوز:
ب مەرەما ئیمزاکرنا چەند گرێبەستەکێن ھەلاویستی دناڤبەرا ئەمریکا و سعودیا ، ئەڤرۆ سپێدێ دورنالد ترەمپ سەرۆکێ ئەمریکا گەھشتە سعودیێ و ل گورەی زانیاریان گرێبەستەکا سەربازی دنابڤەرا ھەردوو وەلاتان ھاتیە ئیمزاکرن.
دڤی واریدا میدیایێن جیھانی لسەر زارێ بەرپرسێن ئاگەھدار ل ئەوێ گرێبەستێ کو نەڤیایە ناڤێن وان بەلاڤ بکەت دیارکر کو ئەو گرێبەستا ئەڤرۆ ھاتیە ئیمزاکرن ب کوژمێ ١١٠ ملیار دولارێن ئەمریکی بوویە کو پێکدھێت ژ گرێبەستێن زریپوشێن دژە موشەکی ، فروتنا چەکی ، پاپورێن شەری ، تەکنولوژیا گەیاندن، رادارو تەکنولوژیا ئاسایشی.
ل گورەی زانیاریان سعودیا دخوازە کو شەرێ ل گەل گروپێن یەمەنی ب تایبەتی حوسیان بەردەوامیێ بکە تکو ژلایێ کومارا ئیسلامیا ئیرانێ پشتەڤانی لێ دھێتەکرن و سعودیا ئیرانێ ب مەترسی بوسەر ئاسایشا دەڤەرێ دبینیت.
جھێ ئاماژەپێکرنێ یە کوسعودیا ئێکە ژوەلاتێن ھەڤپەیمانێن ئەمریکا و پشکەک ژ وان گرێبەستا بەرا دەست ب کاربوونا ترامپ ھاتیە ئیمزاکرن.

ئه‌ڤرۆ نيوز:

مه‌سعود بارزانى سه‌رۆكێ هه‌رێما كوردستانێ و فوئاد مه‌عصوم سه‌رۆك كۆمارێ عيراقێ د چارچۆڤێ كارێن كوربه‌ندێ ئابوورى يێ جيهانى دا ل دۆر رۆژهه‌لاتا ناڤه‌راست و باكوورێ ئه‌فريقيا ئه‌ڤرۆ كۆمبوون.

ب گۆره‌ى مالپه‌رێ سه‌رۆكاتيا كۆمارا عيراقێ دا، د كۆمبوونێ دا دانوستاندن ل سه‌ر په‌يوه‌نديێن ناڤبه‌را حوكمه‌تا عيراقێ و هه‌رێما كوردستانێ هاته‌ كرن و ل گه‌ل به‌حسكرنا كاودانێن ئه‌منى يێن ده‌ڤه‌رێ.

Masoum.Barzani.200517 [Desktop Resolution]

ئەڤرو نیوز :
نوونەرێ سەرۆکێ ھەرێما کوردستانێ و مەکتەبا سیاسی یا پارتی دیوکراتی کوردستان پشکداری د بەھیا نەوشێروان موستەفایی ل سلێمانیێ دا کر ، د داخوانەکێ دا بو دەزگەھێن راگەھاندنێ ئەدھەم بارزانی راگەھاند کو ئێکگرتنا ئێکەتی و گۆڕان چوو پەیوەندی ب پارتی ڤە نینە.

ئەدھەم بارزانی ل بەر دەرگەھێ مزگەفتا بەھی لێھاتیەکرن د داخویانەکێ دا بۆ دەزگەھێن راگەھاندنێ گۆت: (ئەم ئەڤرۆ ل ڤێرە بەرھەڤین بۆ پشکداریکرن و ھەڤخەمیا وەغەرکرنا نەوشێروان موستەفا و دخوازین کو جھێ وی بحەست بیت و سەبر و ھەدارێ بدەتن کەس و کارێن وی و بناڤێ خوە و بەرێز مەسعود بارزانی سەروکێ ھەرێما کوردستانێ و نێچیرڤان بارزانی سەرۆکێ حکومەتا ھەرێما کوردستانێ و مەکتەبا سیاسیا پارتی دیوکراتی کوردستان سەرەخوشیێ ل جڤاتا نیشتمانیا گۆڕان و ھەموو لایەنگیرێن وان دکەین)
ل بارا بەیاننامەیا ئێکەتی کو دخوازە گۆڕان دووبارە ڤەگەرێتەڤە ناڤا ئێکەتی ئەدھەم بارزانی گۆت: (پرسا ئێکگرتنا گۆران و ئێکەتی چوو پەیوەندی ب پارتی ڤە نینە ، بەلکو پەیوەندی ب وانڤە ھەیە)
شاندنێ نوونەراتیا بارزانی و مەکتەبا سیاسیا پارتی دیوکراتی کوردستان پێکھاتینە ژ سیدار بارزان ، دکتور رۆژ نوری شاویس ، ھوشیار زێباری و ئەدھەم بارزانی.
دوھی دەمژمێر ٨:٠٠ شورەش حاجی ئاخفتنکەرێ تەڤگەرا گۆِران نوچەیێ وەغەرکرنا نەوشێروان موستەفا ل کەنالێ فەرمیێ گۆڕانێ بەلاڤکر ، و ئەڤرۆ دەمژمێر ١٠:٠٠ێ سپێدێ تەرمێ ناڤبری ب بەرھەڤبوونا کەس و کار و ھژمارەکا ئەندام و نوونەر و سەرکردێن پارت و لایەنێن سیاسی و جەماوەرەکێ زۆر ل گرێ زەرگەتە ل سلێمانیێ ھاتە ڤەشارتن.

ئەڤرو نیوز :
ب مەرەما پشکداریکرن د پرسەیا نەوشێروان موستەفا رێکخەرێ گشتیێ تەڤگەرا گۆڕان نوونەرێ سەرۆکێ ھەرێما کوردستانێ و شاندەکێ مەکتەبا سیاسی یا پارتی دیموکراتی کوردستان گەھشتنە سلێمانیێ.
ل گورەی زانیاریێن ئەڤرو نیوز سیداد بارزانی وەکو نوونەرێ سەرۆکێ ھەرێما کوردستانێ مەسعود بارزانی و ئەندامێ سەرکرداتیا پارتی دیوکراتی کوردستان دێ پشکداریێ د بەھیا نەوشێروان موستەفای دا کەت ، و دیسان شاندنێ مەکتەبا سیاسیا پارتی دیوکراتی کوردستان ژی کو پێکھاتیە ژ ” دکتور رۆژ نوری شاویس ، ھوشیار زێباری و ئەدھەم بارزانی “بو ھەمان مەرەم گەھشتنە سلێمانیێ.
دوھی دەمژمێر ٨:٠٠ شورەش حاجی ئاخفتنکەرێ تەڤگەرا گۆِران نوچەیێ وەغەرکرنا نەوشێروان موستەفا ل کەنالێ فەرمیێ گۆڕانێ بەلاڤکر ، و ئەڤرۆ دەمژمێر ١٠:٠٠ێ سپێدێ تەرمێ ناڤبری ب بەرھەڤبوونا کەس و کار و ھژمارەکا ئەندام و نوونەر و سەرکردێن پارت و لایەنێن سیاسی و جەماوەرەکێ زۆر ل گرێ زەرگەتە ل سلێمانیێ ھاتە ڤەشارتن.

website security
WP Facebook Auto Publish Powered By : XYZScripts.com