ئه‌ڤرۆ نيوز:
بڕياره ئه‌ڤرۆ رۆژا سێشه‌مبى حوكمه‌تا هه‌رێما كوردستانێ كۆم ببيت و دانوستاندنێ ل سه‌ر چه‌ند ته‌وه‌ران بكه‌ت و ژ وان ژى پێداچوون د پاشكه‌فتێ مووچێ فه‌رمانبه‌ران دا.
حوكمه‌ت ئه‌ڤرۆ دێ دانوستاندنێ ل سه‌ر پاشكه‌فتێ مووچه‌ى كه‌ت
نووترين نووچه
- سەرۆك بارزانی: جینۆسایدكرنا كوردێن فەیلی، پشكەك بوو ژ پلانێن رژێما بەرێ یا ئیراقێ بۆ ژناڤبرنا گەلێ كوردستانێ
- سەرۆك بارزانی: رۆژنامەیا (خەبات) د هەموو وەستگەهێن كارێ خوەدا دەنگەكێ سەركەفتی و رەسەن یێ گەلێ مە بوو
- نێچیرڤان بارزانی: دخوازین بەغدا كێشەیێن كوردێن فەیلی چارەسەر بكەت
- پێدڤییە حوكمەتا ئیراقێ قەرەبوویا كوردێن فەیلی بكەت
- هەردەم ئارمانجا سەرۆك بارزانی و پارتی پێكڤەژیان و پاراستنا پێكهاتەیێن كەركووكێ بوو
- پێدڤییە جڤاكێ نێڤدەولەتی د پاراستنا خەلكێ كوردستانێ دا بەردەوام بیت
- بسپۆرەکێ کاروبارێن رۆژهەلاتا ناڤین ل دۆر سووریێ هۆشداریێ ددەت
- سەرۆك بارزانی: عەبدولرەحیم عسمەت وانلی ژیێ خوە بۆ خەباتێ ژ پێخەمەت دۆزا رەوا یا گەلێ كوردستانێ تەرخانكربوو
- مەسرور بارزانی سەرەخوەشیێ ل كەسوكارێن قوربانیێن ئاگرێ دارستانێن كۆریایا باشوور دكەت
- ب سەرپەرشتییا سەرۆك بارزانی كوردێن سووریێ گەهشتنە رێككەفتنەكا دیرۆكی
سه‌ره‌كى نووترين نووچه
ل دۆر ڤەگەڕاندنا مووچێ فەرمابنەران جڤاتا پارێزگەھا ھەولێر دێ دووبارە پڕۆژێ خوە دەتە حوکمەتێ
ئەڤرۆ نیوز:
سەرۆکێ جڤاتا پارێزگەھا ھەولێرێ بۆ رۆژناما ئەڤرۆ گۆت “پشتی بەرسڤا وەزارەتا دارایی و ئابووریا حوکمەتا ھەرێما کوردستانێ بۆ پڕۆژێ جڤاتا پارێزگەھا ھەولێرێ، مە ژی بەرسڤا وەزارەتا دارایی دایە و نوکە لیژنا دارایی ل جڤاتا پارێزگەھا ھەولێرێ دگەل ھژمارەکا کەسێن شارەزا د کەرتێ دارایی دا، دانوستانان ل دۆر خالێن وەزارەتا دارایی دکەن”.
عەلی رەشید سەرۆکێ جڤاتا پارێزگەھا ھەولێرێ خویا ژی کر، ئەو خالێن پڕۆژێ جڤاتا پارێزگەھا ھەولێرێ ل سەر ھاتیە رەتکرن، رۆژا ئێک شەمبی ئەڤێ لیژنا شارەزا بۆچوونا خوە بۆ دەستەیا سەرۆکایەتیا جڤاتا پارێزگەھێ ھنارتیە و ئەو ژی دێ ڤان رۆژان پێداچوونێ بۆ کەن و دێ ھێتە بلندکرن بۆ سەرۆکایەتیا جڤاتا وەزیران ھەتا بەرسڤا دارایی بدەن و ئەڤ خالێن وان وەکە بەھانە داینە جڤاتێ نەمینن.
عەلی رەشیدی گۆت ژی “پڕۆژێ جڤاتا پارێزگەھا ھەولێرێ بۆ ڤێ چەندێ یە، چاوانیا دانا قەڕێ فەرمانبەرا بھێتە دیارکرن، کو ئایا حوکمەت دێ چاوا قەڕی ژ پاشەکەفتا مووچێ کەفتیە ل دەف حوکمەتێ بۆ فەرمانبەرا ھێتە ڤەگەڕاندن، چونکە رۆژ بۆ رۆژێ قەڕێ فەرمانبەران ل دەف حوکمەتێ زێدە دبیت، لەوڕا حەفتیا داھاتی دێ جارەکا پڕۆژێ خوە بۆ سەرۆکایەتیا جڤاتا وەزیران بلند کەین”.
ئەڤرۆ دێ خرڤەبوونەک ھەمبەر جڤاتا دادوەریێ ھێتەکرن
ئه‌ڤرۆ نيوز:
بڕیارە ئەڤرۆ وەکە کارڤەدانەکێ ل ھەمبەر زیندانیکرنا وەلاتیەکێ ب تۆمەتا دزینا شیرێ زارۆیان خرڤەبوونەک ل ھەمبەر ئاڤاھیێ جڤاتا دادوەریێ بھێتە ئەنجامدان و رێکخەرێ خرڤەبوونێ ژی دبێژیت، داخوازا پێداچوونێ دکەین بۆ سزایێ ئەڤی وەلاتی.
ھێمن مامەند رۆژنامەڤان و چالاکڤانێ مەدەنی بۆ رۆژناما ئەڤرۆ گۆت “پشتی مە زانیاری ل دۆر زیندانیکرنا وەلاتیەکێ دەڤەرا گەرمیان وەرگرتی کو ب تۆمەتا دزینا شیرێ زارۆیان دادگەھا گەرمیا سزایێ 11 سالان زیندانیکرن ب سەر دا سەپاندیە، وەکە ئەرکەکێ مرۆڤایەتی مە کەمپینەک پێک ئینایە و بڕیارە ئەڤرۆ رۆژا سێشەمبی ب بەرھەڤبوونا ھژمارەکا بەرچاڤا رۆژنامەڤان چالاکڤانێن مەدەنی خرڤەبوونەکێ ل ھەمبەر ئاڤاھیێ جڤاتا بلندا دادوەریێ ل ھەولێرێ ئەنجام بدەین و تێدا داخواز بکەین سزایێ ئەڤی وەلاتی بھێتە گھۆڕین و کێمکرن، ژبەرکو ب نەچاری و ژبەر ھەژاریا خوە رابوویە ب دزینا شیری بۆ زارۆیێ خوە”.
ھێمن مامەند گۆت ژی “ئەم دەستوەردانا کاروبارێن دادگەھێ ناکەین، بەلێ ب دیتنامە نە وەکھەڤیەک د کاروبارێن دادگەھێ دا ژی ھەیە و ل ھەرێما کوردستانێ، چونکی چەندین کەیسێن گەندەلیێ ھەنە و خەلکەک ھەیە بازرگانی دگەل تیرۆرستێن داعش کریە، بەلێ دادگەھێ چ سزایەک بۆ دیار نەکریە، لەوڕا د دەمێ 30 رۆژان دا مافێ تەمیزکرنێ ھەیە و ئەم داخواز دکەین سزایێ ئەڤی وەلاتی بھێتە کێمکرن و پێداچوون تێدا بھێتەکرن”.
تورکمانان نوونەرێ خوە بۆ لیژنا ریفراندۆمێ دیارکر
ئه‌ڤرۆ نيوز:
نوونەرەکێ تورکمانان ل پەرلەمانێ ھەرێما کوردستانێ دبێژیت، سەرۆکاتیا ھەرێما کوردستانێ داخواز ژ ھەموو پێکھات و ئالیێن کوردستانی کریە، نوونەرێن خوە بۆ کومیتا ریفراندۆمێ دیار بکەن، مە ژی نوونەرێ ھە ھەلبژارت.
مەلا ماجد بازرگانی بۆ مالپەرێ فەرمیێ پارتی دیموکراتی کوردستان راگەھاند، سەرۆکاتیا ھەرێما کوردستانێ داخواز ژ ھەموو پێکھاتێن کوردستانێ و ئالیێن سیاسی کریە، نوونەرێن خوە بۆ پێکئینانا کومیتەکا تایبەت ب ریفراندۆمێ دیار بکەن، و ناڤێن وانا بۆ سەرۆکاتیا ھەرێمێ بھێنە رەوانەکرن، مە ژی وەک تورکمان سێ کەس ھاتینە دیارکرن، کو ئەو ژی ھەر ئێک ( مونا قەھوەچی، مەمحمەد ئیلخانی، و مەلا ماجد بازرگان) بۆ ڤی کاری ھاتیە راسپاردەن.
مەحمەد بارزگان ھەروەسا گۆت: بۆ کومبوونان ل گلە بەغدا ئەز دێ پشکداریێ کەم، و کومبونێن دناڤا ھەرێمێ دا ھەر جارەکێ ئەندامەکێ تورکمان دێ پشکدار بیت.
نوونەرێ تورکمان خوەیاکر، نوکە ئەو کومیتە د قوناغا دروستکرنێ دایە، لەورا ھەر دەمەکێ کومیتە دروست بوو دێ دەست بکارێن خوە کەین.
بارزانى پێشوازى ل قونسلا نوو يا ئيتاليا ل هه‌رێمێ كر
ئه‌ڤرۆ نيوز:
ئه‌ڤرۆ رۆژا دوشه‌مبى رێكه‌فتى 1ى گۆلانا 2017ێ ل پيرمام، مه‌سعود بارزانى سه‌رۆكێ هه‌رێما كوردستانێ پێشوازى ل خاتوون سێرينا موورۆنى قونسۆلا نوو يا ئيتاليا ل هه‌ولێر كر.
د ديداره‌كێ دا قونسلا ئيتاليا ل هه‌ولێر كو ب مه‌ره‌ما خوه‌ناساندن سه‌ره‌دانا سه‌رۆك بارزانى كربوو، ده‌ست ب كاربوونا خوه ل كوردستانێ ب شه‌ره‌فه‌كا مه‌زن زانى و ئاماژه دا په‌يوه‌نديێن ناڤبه‌را گه‌لێ كوردستانێ و گه‌لێ ئيتاليا و ئه‌و ئێك خسته‌ر به‌ر چاڤ كو هه‌موو بزاڤان دێ ئێخنه به‌ر بۆ پێشڤه‌چوونا وان په‌يوه‌نديان.
هه‌ر ديسا راگه‌هاند ژى كو وه‌لاتێ وان دێ يێ به‌رده‌وام بيت ل سه‌ر پشته‌ڤانيكرنا پێشمه‌رگه‌ى و مه‌شق و راهنێان و هه‌رديسا پێدانا چاره‌سه‌ريا نوشدارى بۆ ئه‌و پێشمه‌رگێن ل شه‌رێ تيرۆرستى دا بريندار بووين.
قونسلا ئيتاليا رۆلێ پێشمه‌رگان د شه‌رێ تيرۆرستان دا بلند نرخاند و سۆپاسى ژى هه‌بوونا بۆ مێڤاندوستى و فه‌رهه‌نگ به‌رزيا خه‌لكێ كوردستانێ.
د به‌بامبه‌ر دا سه‌رۆك بارزانى هيڤيا سه‌ركه‌فتنێ بۆ قونسلا ئيتاليا خواست د ئه‌رك و كارێن نوو دا و سۆپاسيا گه‌ل و حوكمه‌تا ئيتاليا كر كو د رۆژێن به‌رته‌نگ دا پشته‌ڤانيا گه‌لێ كوردستانێ و پێشمه‌رگه‌يى بوونه و ئاماده‌يا هه‌رێما كوردستانێ نيشان دا بۆ به‌ر ب پێشڤه‌چوونا په‌يوه‌نديان د ناڤبه‌را هه‌ردو لايان دا.
د پشكه‌كا دى يا كۆمبوونێ دا سه‌رۆك بارزانى كورتيه‌ك ژ مێژوويا گه‌لێ كوردستانێ و ده‌وله‌تا عيراقێ كر و هه‌ر ديسا رووناهى خسته سه‌ر پرۆسا ريفراندۆمێ و سه‌ربه‌خۆيێ و په‌ياما ئاشتيانه‌يا گه‌لێ كوردستانێ.
گرێدايى ڤى بابه‌تى قونسلا ئيتاليا ل هه‌ولێر راگه‌هاند كو وه‌لاتێ وان دێ پشته‌ڤانيا هه‌ر بزاڤه‌كێ كه‌ت كو ببيته ئه‌گه‌رێ سه‌قامگێرى و ئاشتياتيا ده‌ڤه‌رێ.
ڤيديۆ: داعش ژنان بۆ شه‌رى ئاماده دكه‌ت
ئه‌ڤرۆ نيوز:
پشتى كوشتنا پتريا چه‌كدارێن زه‌لام د ڤان شه‌رێن دووماهيێ دا ل عيراق و سوريا، داعش گرنگيه‌كا زێده‌تر ب ژنان دده‌ت، په‌يمانگه‌ها ئه‌لكانۆ يا پاشايه‌تى ل ئسپانيا د راپۆرته‌كێ دا ئاماژه ب پشت به‌ستنا داعش ب ئافره‌تان دكه‌ت.
ب گۆره‌ى راپۆرتا په‌يمانگه‌هێ د ماوێ دو سالێن بۆرى دا 500 ئافره‌تێن وه‌لاتێن ئورۆپى چووينه ناڤ رێزێن رێكخراوێ و پتريا وان ژى د ناڤبه‌را 19 بۆ 23 سالان دايه.
نێچيرڤان بارزانى: دێ دانوستاندنێن رژد بۆ سه‌ربه‌خۆيێ ل گه‌ل به‌غدا ده‌سپێكه‌ين
ئه‌ڤرۆ نيوز:
نێچيرڤان بارزانى سه‌رۆكێ حوكمه‌تا هه‌رێما كوردستانێ راگه‌هاند، خه‌لكێ هه‌رێما كوردستانێ مافێ خوه‌يه بڕيارا چاره‌نڤيسيا خوه بده‌ت، بۆ ڤێ مه‌ره‌مێ ژى دێ دانوستاندنێن رژد ل گه‌ل به‌غدا ده‌سپێكه‌ين.
ئه‌ڤ گۆتنێن نێچيرڤان بارزانى دوهى د چارچۆڤێ گۆتاره‌كێ دا هاتن كو ب هه‌لكه‌فتا رێوره‌سمێن پرۆژێ ئۆتێلا “ئه‌رجان رۆتانا” كو پرۆژه‌كێ وه‌به‌رهێنانا لوبنانى يه ب گۆره‌ى مالپه‌رێ فه‌رميێ حوكمه‌تێ.
نێچيرڤان بارزانى گۆت: “ژ نوكه و پێڤه هه‌رێما كوردستانێ دێ كه‌ڤيته قووناغه‌كا نوو، كو قووناغا پشتى داعشه، د ده‌مه‌كى دا ئه‌م هێشتا يێ ل ده‌سپێكا قووناغا پشتى داعش داينه، سه‌رمايه‌دار و وه‌به‌رهێنه‌رێن بيانى د به‌رده‌وامن د هاتنا خوه بۆ كوردستانێ دا، ئه‌ڤ پێنگاڤه جهێ خۆشحاليێ يه و رامانه‌كا گرنگ ل دووڤ خوه هه‌لدگريت.
گۆتژى: خه‌لكێ هه‌رێما كوردستانێ مافێ ئارامى و سه‌قامگێريا سياسى و ئه‌منى و ئابوورى و جڤاكى يا زێده‌تر هه‌يه، دا پێنگاڤێن مه‌زنتر به‌ر ب پێش ببه‌ت، بڕيارێ ل چاره‌نڤيسێ خوه بده‌ت و ببيته خودان بڕيارا خوه، بۆ ڤێ مه‌ره‌مێ ژى هه‌رێما كوردستانێ ل گه‌ل به‌عدا دێ دانوستاندنێن رژد ده‌سپێكه‌ت.
نێچيرڤان بارزانى ته‌كست كر كو حوكمه‌تا هه‌رێما كوردستانێ گه‌له‌ك ب رژدى و هه‌تا دووماهيێ ل سه‌ر وان چاكسازيان دێ يا به‌رده‌وام بيت يێ ب گۆره‌ى پره‌نسيپ و ستانداردێن جيهانى و ب هه‌ڤكارى و هه‌ماهه‌نگى ل گه‌ل ده‌زگه‌هێن په‌يوه‌نديدارێن نێڤده‌وله‌تى و يوئێن و به‌نكا نێڤده‌وله‌تى ئه‌نجام داين.
به‌حس ل وێ چه‌ندێ ژى كر كو حوكمه‌تێ ب گۆره‌ى پلانا بۆ وه‌به‌رهێنه‌ران هه‌يى، دڤێت وه‌به‌رهێنه‌ر و سه‌رمايه‌دار ب تايبه‌ت ل هه‌رسێ كه‌رتێن چاندن، گه‌شتيارى و پێشه‌سازى ل گه‌ل وه‌به‌رهێنانێ سه‌رمايه‌گۆزاريا زێده‌تر بكه‌ن و پترترين پرۆژێن وان د وان سێ كه‌رتان دا ئه‌نجام بده‌ن.
سه‌رۆك بارزانى په‌يامه‌ك به‌لاڤكر
ئه‌ڤرۆ نيوز:
مه‌سعود بارزانى سه‌رۆكێ هه‌رێما كوردستانێ ل سه‌ر په‌يجێ خوه يێ تۆڕا جڤاكيا فه‌يسبۆكى ب هه‌لكه‌فتا رۆژا جيهانى يا كرێكاران په‌يامه‌ك به‌لاڤكر.
ده‌قێ په‌يامێ:
ب ھەلکەفتا رۆژا جیھانییا کارکەران و جەژنا کارکەران گەرمترین پیرۆزباھیێن خوە پێشکێشی ھەموو کارکەرێن کوردستانێ و سەندیکایا کارکەرێن کوردستانێ و رێخستنێن داکۆکیکارێن مافێن کارکەران دکم. کارکەر چینا کەدکار و زەھمەتکێشێن وەلاتن و رۆلەکە وانیا ب باندۆر ل پێشکەتنا ئابۆریا جڤاکێ و دابینکرنا بەختەوەری و خوەشگوزەرانیا ھەموەلاتیان دا ھەیە و دەستخوەشیێ ل ئەرک و کەدا وان دکم. رێزگرتنا مافێن کارکەران و باشترکرنا رەوشا ژیانا وان و بەر چاڤ گرتنا دادپەروەریێ ئاماژەنە ژ بۆ گەشبوونا مرۆڤی و ئابۆریێ و پێویستە کوردستان ل وێ رێیێ دا ھەنگاڤان باڤێژە. ل ڤێ ھەلکەفتێ دە ھێڤیا شادی و بەختەوەریێ ژ بۆ کارکەرێن ئازیز دخوازم.
خودانێن موالیدان دخوازن قەرێ ل سەر وەلاتیان وەرگرن
ئەڤرۆ نیوز:
جەهوەر عەلی قائیمقامێ قەزا دهۆكێ، ئەڤرۆ (2017/4/30) د گەل هژمارەكا خودانیێن موەلیدان ل كوچكا قائیمقامیێ كومبوو.
بەشیر مزیری ئەندامێ لیژنا بلندا سەرپەرشتیا موەلیدان ئاشكراكر ئەڤ كومبونا خودانێن موەلیدێن قەزاێن دهوك وسێمێل وزاخو هاتە ئەنجامدان وگوت خودانیێن موەلیدان نەرازیبونا خوە لسەر بهایێ ئەمپێرێ كارەبێ دەربری خویاژكر خودانێن مولیدان دخاستن ئەو قەرێ هەیڤێن بوری یێن لدەف وەلاتیان ژی بهێتە دان.
ب وێنه: پارته‌كا كوردی بریارا خه‌باتا چه‌كداری دا
ئه‌ڤرۆ نیوز:
پارتا كۆمه‌له‌یا شۆره‌شگێری یا زه‌حمه‌تكێشان یا كوردستانا ئیرانێ بریار دا خه‌باتا خوه یا چه‌كداری دژی كۆمارا ئیسلامییا ئیرانێ ده‌ست پێ بكه‌ته ڤه.
پارتا كۆمه‌له هه‌ژماره‌كا پێشمه‌رگه‌یێن خوه ل سه‌ر سنۆرێ دناڤبه‌را باشۆرێ كوردستانێ و رۆژهلاتێ كوردستانێ به‌لاڤ كرن و چه‌په‌ر دانان.
كۆمه‌له پشتی راگرتنا شه‌ری بۆ ده‌مێ 25 سالان جاره‌كا دی ده‌ست پێ كره ڤه، بۆ ئێكه‌م جار ل سالا 1979 خه‌باتا چه‌كداری راگه‌هاندبوو.
نيشاندان
WP Facebook Auto Publish Powered By : XYZScripts.com