ئه‌ڤرۆ نیوز:
جڤاتا سه‌ركردایه‌تیا یه‌كگرتووى ئیسلامى كوردستان دوهى ب سه‌رپه‌رشتیا سه‌لاحه‌دین به‌هادین ئه‌میندارێ گشتێ یێ حزبێ كومبوو و راگه‌هاند: ئه‌و د ئاماده‌نه پێداچوونێ ب هه‌لویستێ پشكداربوونا خوه د حكومه‌ت و وه‌رگرتنا هه‌ر هه‌لویسته‌كێ دى دا بكه‌ن كو خزمه‌تا چاره‌كرن و باشتركرنا ره‌وشا ژیانا وه‌لاتیان بكه‌ت و به‌رژه‌وه‌ندیا بلندا گه‌ل و نیشتمانى ب پارێزیت دوور ژ به‌رژه‌وه‌ندیێن حزبى، له‌وما داخوازێ ژ حوكمه‌تا هه‌رێمێ دكه‌ین بزاڤێن رژد بكه‌ت بۆ چاره‌كرنا ره‌وشا ژیانا وه‌لاتیان و بله‌ز پێداچوونێ د چێكرنا مووچێ خانه‌نشین و خودان پێدڤیێن تایبه‌ت و ماموستا و هه‌موو ته‌خێن دى یێن فه‌رمانبه‌ران دا بكه‌ت”.
یه‌كگرتوو ئاماژه ب وێ یه‌كێ ژى كریه پێدڤیه لایه‌نێن سیاسى یێن هه‌رێمێ ب رژدى كار بۆ كاراكرنا په‌رله‌مان و چاره‌كرنا كێشێن ناڤخویێن هه‌رێمێ بكه‌ت.
ئه‌ڤرۆ نيوز:
ژ ئه‌نجامێ په‌قينه‌كێ ل ميحوه‌رێ خازرى فه‌رمانده‌كێ پێشمه‌رگه‌ى شه‌هيد بوو و چار پێشمه‌رگه ژى بريندار بوون.
ئه‌ڤرۆ نيوز، ئۆمێد وه‌لاتى:
دوهى ئۆپه‌راسيۆنا پێشمه‌رگێ كوردستانێ بۆ رزگاركرنا 140 كيلۆمه‌تران د چارچۆڤێ گرتنا 12 گۆندان ب سه‌رپه‌رشتيا ئێكسه‌ر يا مه‌سعود بارزانى فه‌رماندێ هێزێن چه‌كدارێن هه‌رێما كوردستانێ و سه‌رۆكێ هه‌رێما كوردستانێ ب دووماهى هات، تێدا 12 گۆند كونترۆل كرن و ئامانجێن ئۆپه‌راسيۆنێ ب ته‌مامى هاتنه بجهئينان.
هه‌ر د ڤێ ئۆپه‌راسيۆنێ دا، دربێن مه‌زن گه‌هاندنه چه‌كدارێن داعش و زێده‌تر ژ 100 چه‌كدارێن داعش هاتنه كوشتن و ژ پێشمه‌رگێ كوردستانێ ژى 13 كه‌س شه‌هيد بوون.
ئه‌ڤێن ل خوارێ چه‌ند ديمونێن هێزا پشته‌ڤانيا ئێك يا له‌شكرێ كوردستانێ نه ل ده‌مێ ئۆپه‌راسيۆنا رزگاركرنا وان ده‌ڤه‌ران.
ئه‌ڤرۆ نيوز:
پۆليسێن نه‌مسا راگه‌هاند كو 9 كه‌سێن غيراقى ب تۆمه‌تا ده‌ستدرێژيا سكسى هاتينه ده‌سته‌سه‌ركرن، بێى كو نه‌ته‌وا وان ديار بكه‌ن.
پۆل ئيدنێرگه‌ر ئاخفتنكه‌رێ ب ناڤێ پۆليسێن ڤيه‌نا راگه‌هاند كو 9 په‌نابه‌رێن عيراقى ل ڤيه‌نايا پايته‌خت ده‌سته‌سه‌ركرينه ب تۆمه‌تا ده‌ستدرێژيا سكسى بۆ سه‌ر ژنه‌كا گه‌تشيارا ئه‌لمانى ل ئاهه‌نگا سه‌رێ سالێ.
ئاشكه‌را ژى كر كو ژماره‌ك ژ وان تۆمه‌تبارێن ده‌سته‌سه‌ركرى ئاواره‌نه و هنده‌كان ژى داخوازا مافێ په‌نابه‌ريێ ل وى وه‌لاتى كريه و ژيێ وان د ناڤبه‌را 21 بۆ 47 ساليێ دايه.
ئاخفتنكه‌رێ ب ناڤێ پۆليسان ئاشكه‌را كريه كو ئه‌وان تۆمه‌تباران ل شه‌ڤا سه‌رێ سالێ ل گۆره‌پانه‌كا ناڤه‌راستا ڤيه‌نا ژنه‌ك بريه ئاڤاهيه‌كى كو دو ژ وان تۆمه‌تباران ل وێرێ دبنه‌جهن و ل وێرێ ده‌ستدرێژيا سكسى كريه سه‌ر.
ئيدنيرگه‌ر ئاشكه‌را ژى كر كو ژ ئه‌گه‌رێ پشكنينا ترشێ ناڤۆكى دياربوويه كو چار كه‌سان ده‌ستدرێژيا سكسى كريه سه‌ر وێ ژنێ به‌لێ ئه‌و هه‌ر 9 كه‌س د پشكدارن د تاوانێ دا.
ئه‌ڤرۆ نيوز:
رۆسيا كاروانه‌كێ دى يێ هاريكاريێن له‌شكرى گه‌هانده هێزێن پێشمه‌رگه‌ى بۆ مفا وه‌رگرتن ژ ئۆپه‌راسيۆنا كۆنترۆلكرنا باژێرێ مووسل.
ئاسۆ ته‌له‌بانى، نوونه‌رێ حوكمه‌تا هه‌رێما كوردستانێ ل رۆسا بۆ ئاژانسا ده‌نگوباسێن رۆسى ئه‌نترفاكس راگه‌هاند: موسكۆ مليۆن فيشه‌ك ره‌وانه‌ى هه‌رێما كوردستانێ كرن وه‌كو هاريكاريا رۆسا بۆ هێزێن پێشمه‌رگه‌ى وه‌كو خوه ئاماده‌كرن بۆ ئۆپه‌راسيۆنا كونترۆلكرنا مووسل ژ ده‌ست چه‌كدارێن داعش.
دا زانين ژى كو ئه‌ڤ كاروانێ فيشه‌كان ل دووماهيا هه‌يڤا بۆرى گه‌هشتيه ده‌ست هێزێن پێشمه‌رگه‌ى و بڕياره ل شه‌رێ ئازادكرنا مووسل ئه‌وێ ل ناڤه‌راستا سالا 2014ێ كه‌فتيه ده‌ست چه‌كدارێن داعش، “پتريا ڤان فيشه‌كان ژى يێن كلاشينكوفن”.
ئەڤرۆ نیوز:
شەرڤانێن کورد ژ منبیجێ و عەفرینێ خوە بۆ ئۆپەراسیۆنا ئازادکرنا ھەرێما باب یا سەر حەلەبێ و عەزازێ بەرھەڤ دکەن و د ڤێ چارچۆڤێ دا مەجلیسا سەربازی یا بابێ ھاتە راگەھاندن و ل عەفرینێ ژی فەرمانا ئامادەباشیێ بۆ ئۆپەراسیۆنەکا بەرفرەە ل عەزاز و بابێ ھاتیە دان و ل عەفرینێ رەوشا ئاوارتە ھاتە راگەھاندن.
پشتی ب تەمامی رزگارکرنا منبیجێ ھێزێن سووریا یا دیمۆکراتیک کو یەپەگە و پێشەنگیا وێ دکەت و خوە بۆ دەستپێکرنا ئۆپەراسیۆنا ئازادکرنا ھەرێما باب یا سەر ب پارێزگەھا حەلەبێ ڤە ئامادە دکەن و بۆ ڤێ چەندێ ژی مەجلیسا سەربازی یا بابێ راگەھاندن. د ڤێ ئۆپەراسیۆنێ دا ئارمانجا یەپەگێ ئەوە کو ژ ئالیەکی ڤە باژێرکێ بابێ ژ داعشێ بھێتە پاقژکرن و ژ ئالیەکی ڤە ژی کانتۆنا کۆبانێ ب کانتۆنا عەفرینێ ڤە بھێتە گرێدان.
د ڤێ چارچۆڤێ دا فەرماندێن یەپەگێ دانە خوەیاکرن کو ئۆپەراسیۆنا وان یا ڤێ جارێ وەک یا منبیجێ درێژ ناکەت و دێ ژ ھەردو ئالیێن منبیجێ و کانتۆنا عەفرینێ ڤە ئۆپەراسیۆنێن پاقژکرنێ بھێنە دەستپێ کرن و ھەروەسا ھەڤپەیمانیا نێڤدەولەتی ژی راگەھاندیە کو دێ ب دژواری د ئۆپەراسیۆنا رزگارکرنا بابێ دا جە بگرن.
ھەر د ڤێ دەربارێ دا چەکدار عەفرینێ یەک ژ فەرماندارێ یەپەگێ ل کانتۆنا عەفرینێ راگەھاند کو ل کانتۆنا وان رەوشا نەئاسایی ھاتیە راگەھاندن و ل کانتۆنێ دێ ھەموو کار و چالاکی و بزاڤ ل دۆر رەوشا نەئاسایی ھێنە رێکخستن و گۆت: (رۆژانە ژ ئالیێ عەزاز و بابێ تیرۆرستێن داعشێ و ئەلنوسرا و ئەحرار و شام ھێرشێ دکەنە سەر کانتۆنا عەفرینێ و زۆرداریێ ل خەلکێ سڤیل دکەن و ئێدی دڤێت سنۆرەک بۆ ڤێ یەکێ بھێتە دان و ئەم وەسا ھزر دکەن ئەم دێ د دەمەکی گەلەک نێزیک دا ھەر دو کانتۆنێن عەفرین و کۆبانێ ب ھەڤدو را گرێ بدەین).
چەکداری ھەروەسا راگەھاند ژی کو ھێزێن تایبەت یێن یەپەگێ، ھێزێن سووریا یا دیموکراتیک و ھێزێن دۆستێن گەلێ کورد دێ د ئۆپەراسیۆنێ دا جە بگرن و گۆت: (ژ خوە ل بابێ مەجلیسا سەربازی یا بابێ ھاتیە راگەھاندن و د ناڤ ھێزێن کوردی، ھێزێن عەرەبی و یێن چەپ جە دگرن و ھەمو کۆمێن کو ل ژێر ناڤێ مەجلسا سەربازی یا بابێ ھاتنە گەل ھەڤ خەلکێ ھەرێما بابێ نە و ھێزێن مە ژی د ناڤ دانە و ژ ھەردو بەرەیان ڤە دێ دەست ب ئۆپەراسیۆنێ ھێتە کرن و ئەم پێشبینی دکەین د دەمەکێ نێزیک دا سەرکەڤتنێ رابگەھینین).
ئەڤرۆ نیوز:
مەولود چاڤوش ئوگلۆ وەزیرێ دەرڤە یێ تورکیا راگەھاند کو دڤێت وەلاتێن ئێکەتیا ئورۆپا رێ ب وەلاتیێن تورکیا بدەن کو بێی ڤیزە سەرەدانا وەلاتێن ئورۆپا بکەن، ھەکە ھەتا مەھا دەە یا ئەڤسالە ئێکەتیا ئورۆپا ڤیزە ل سەر وەلاتیێن تورکیا نەراکەت وی دەمی چ رامانا رێککەڤتنا بەری نھا سەبارەت ب کۆچبەران بۆ ئورۆپا نامینیت و دێ تورکیا دەرگەھێ خوە ڤەکەت و یێن بڤێن بچنە ئورۆپا ئەم نەشێین ئاستەنگیان بۆ دروست کەین.
وەزیرێ دەرڤە یێ تورکیا ئەو یەک ژی راگەھاند کو تورکیا ھەتا نھا سەبارەت ب بابەتێ کۆچبەران فیداکاریەک مەزن یا کری، لێ مخابن وەلاتێن ئورۆپا سۆزێن کو بەری نھا دابوون بجە نەئیناینە و نھا ژی رۆژانە گەفان ل مە دکەن و بەھانێن نوو دەردخینن و ئێدی تورکیا نەشێت چاڤەرێ بەھانێن ئورۆپا بیت و ھەکە ھەتا دو مەھێن دی ئورۆپا ڤیزە ل سەر وەلاتیێن مە نەراکەت ئەم دێ دەرگەھێ خوە ڤەکەین و بلا کۆچبەر ژی ل تورکیا نەمینن و بچنە ئورۆپا، چونکو نھا بوویە بارگرانی ل سەر وەلاتێ مە.
ئه‌ڤرۆ نيوز، ره‌وان نهێلى:
به‌رهه‌م مسته‌فا ئه‌ندامێ سكرتاريه‌تا ئێكه‌تيا ماموستايێن كوردستانێ دياركر كو پرۆژه‌يه‌ك دايه حوكمه‌تا هه‌رێمێ كو ره‌نگه دادپه‌روه‌ره‌يه‌ك تێدايه سه‌باره‌ت پرسا پاشخستنا مووچێ ماموستايان و هه‌تاوه‌كو ده‌ستپێكا هه‌يڤا ئيلونێ موله‌ت ب حكومه‌تێ هاتيه دان.
به‌رهه‌م مسته‌فا سه‌باره‌ت پرۆژه‌ى گۆت: مه پێشنياز كريه پاشخستنا مووچه‌ى ل سه‌ر بنه‌مايێ پله‌يا وه‌زيفى بيت، ئانكو پلا وه‌زيرێ يا 7 و 8 رێژا پاشخستنا مووچان 10% ڤه‌گريت و پلێن 5-6 رێژا 20%، پلێن 3-4 رێژا 30% و هه‌ردو پلێن 1 و 2 رێژا 40% و پێشنياز هاتيه كرن بۆ ماموستايێن گرێبه‌ست هه‌روه‌كو خوه بمينيت ئانكو 500 هزار دينار.
نيشاندان