ئەڤرۆ نیوز، نەوزاد زادە ھلۆری:
بو ب دوماھی ئینانا گرێدانا پەیوەندیێن دەرڤەیێن حکومەتێ ل گەل قونسولگەری و نوونەرێن وەلاتێن بییانی سەرۆکێ ھەرێما کوردستانێ فەرمانەک بو دام و دەزگەھێن حکومەتێ دەرکر.
ل گورەی نڤیسارەکا دیوانا سەروکایەتیا ھەرێما کوردستانێ بو سەروکاتیا ئەنجومەنا وەزیران ھاتیە ھنارتن ئاماژە ب فەرمانەکا مەسعود بارزانی کریە.
دنڤسارێ دا کو کومپەک دەست ” باس ” کەفتیە ئاماژە ب وێ یەکێ ھاتیەکرن کو لسەر فەرمانا سەرۆکێ ھەرێمێ داخواز کریە کو سەرجەم وەزارەت و دامەزراوە و یەکەیێن کارگرییێن ھەرێما کوردستانێ راستەوخوە مامەلەیان ل گەل قونسولگەری و نونەرێن ھەرێمێ نەکەن.
لگورەی فەرمانا بارزانی بو چوو دامەزراوەیەکا حکومەتا ھەرێما کوردستانێ نیە راستەوخوە پێدڤی یە بو ھەر پەوەندی و مامەلەکرنەکێ ل گەل قونسولگەری و نونەرێن وەلاتێن بیانی ل ھەرێما کوردستانێ دڤێت ب رێیا فەرمانگەھا پەیوەندیێن دەرڤە بھێتە ئەنجامدان
ب نڤسارەکێ ژی کو رێکەفتی 8 ئایارا 2016 دەرچووە و کوپیەکا نڤسارێ دەست ” باس ” کەفتیە سەرۆکایەتی یا ئەنجومەنا وەزیران داخوازی ل ھەموو وەزارەتان کریە کو پێگریێ ب نڤسارا سەروکایەتیا ھەرێما کوردستانێ بکەن و کارێن پێدڤی بو بھێنە ئەنجامدان.

ل گورەی ئامارا فەرمانگەھا پەیوەندیان 32 قونسولگەرێن وەلاتێن بیانی ل ھەرێما کوردستانێ ھەنە.
ژێدەرەکێ ژ فەرمانگەھا پەیوەندیێن دەرڤە بو ” باس ” دیارکر کو دڤێت ھەموو دام و دەزگەھێن حکومەتێ پێگیریێ ب وێ یەکێ بکەن و بۆ پەیوەندیێن دبلوماسی فەرمانگەھا پەیوەندیێن دەرڤە تنێ خالا پەیوەندیکرنێ یە ب ھنارتیێن دیبلوماسی و نونەراتیێن حکومەتێ ژ دەرڤە.

ئەڤرۆ نیوز:
چەند کارمەندێن رێڤەبەریا گشتی یا شەھید و ئەنفالکریان ل دھۆکێ ب تۆمەتا وەرگرتنا پارچێن ئەردی ب ناڤێ کەسوکارێن شەھیدان دھێنە تۆمەتبارکرن و ژ بەر ڤێ چەندێ کارمەندەکێ رێڤەبەریا ناڤبری دھێتە دەستەسەرکرن.
نسرەت بادی، رێڤەبەرێ گشتی یێ شەھید و ئەنفالکریان ل پارێزگەھا دھۆکێ ئاشکرا کر کو ئەو ئاگەھداری چو تشتان نینن و دڤێت ئەو ب فەرمی بھێنە ئاگەھدارکرن کا ئەو کارمەندێ وان ژ لایێ کیژ دەزگەھێ ئێمناھیێ ڤە ھاتیە دەستەسەرکرن و ژ بەر چو ئەگەر ھاتیە دەستسەرکرن و چو ل سەر وان پێدڤیە ئەو بکەن و بۆ رووداو گۆت: “من ژی یا ژ خەلکی گوە لێبووی و ئەز نوزانم ئەو کارمەندێ مە ل کیڤەیە و بۆ ڤێ مەرەمێ من نڤیسارەک بۆ پارێزگەرێ دھۆکێ و وەزارەتا کاروبارێن شەھید و ئەنفالکریان ھنارتیە کو بۆ دەمێ 10 رۆژانە کارمەندەکێ مە یێ دیار نینە و ئەم ژی نوزانین ل کیڤە یە”.
ژێدەرەکی نەڤیا ناڤێ خوە دیار بکەت بۆ رووداو دیار کر کو نێزیکی 20 پارچێن ئەردی ب گەندەلی ب ناڤێ کەسوکارێن شەھید و ئەنفالکریان ھاتینە وەرگرتن
ھەمان ژێدەری رەدکر کو ئەو کەسێ گرتی بتنێ بۆ ڤێ پرسێ یێ تۆمەتبار بیت و گۆت: “ئەڤ کارە بێ ھاریکاریا کارمەندێن باژێرڤانی و تاپۆیێ نەھاتیەکرن و نوکە ئەڤ پرسە ل دەستپێکا لێکۆلینێ دایە”.

ئەڤرۆ:
رێڤبەرێ ئاڤا ژێر زەڤی ل پارێزگەھا دھۆکێ ئاشکرا کر کو بارینا بارانێن رێکخستی ل زڤستان و بھارێن ئەڤ سالە چو مەترسی ل سەر ئاڤا ژێر زەڤی ل سنوورێ پارێزگەھا دھۆکێ نەھێلاینە.
جەمیل ئوسمان، رێڤبەرێ ئاڤا ژێر زەڤی ل پارێزگەھا دھۆکێ دیار کر کو زێدەتر ژ 100 بیرێن ئاڤێ ژ لایێ حوکمەتێ ڤە ل دەوروبەرێن دھۆکێ ھاتینە دروستکرن و نوکە پشکەکا وان ل نزارکێ دھێنە ب کارئینان و بۆ دواڕۆژ گۆت: “ھەر دەمێ پرۆژێ سەرەکی یێ دابینکرنا ئاڤا دھۆکێ کەفتە دمەترسیێدا، بیرێن ئاڤێ دێ شێن ئاڤا پێدڤی بۆ وەلاتیان دابین کەن”.
ل گۆرەی دووماھی ئامارێن رێڤەبەریا کەشناسیا دھۆکێ، ئەڤ سالە د 84 رۆژێن باران بارینێ دا 613.8ملم باران بارینە کو د سالا دەربازبووی دا د 90 رۆژێن باران بارینێ دا 610.5 ملیمێن بارانێ باری بوون و زۆرترین رێژا بارانان ئەڤ سالە ل سنوورێ پارێزگەھا دھۆکێ باریە ئەو ژی ل ناحیا سەرسنکێ یە کو ھزار و 383 ملیمێن بارانێ بارینە.

ئەڤرۆ نيوز:
وەزارەتا پەروەردێ لژنەکا تەخمینکرنێ پێکئینایە بۆ دووڤچوون و ڤەکۆلینێ ل سەر ھەموو ئەو ئاڤاھیێن حزبێن سیاسی دەست ب سەرداگرتی و داینە کەرتێ تایبەت ژی، ھەر لایەنەک بەری ئاڤاھیێن وەزارەتا پەروەردێ ب زڤرینیت پێدڤییە کریا سالێن چووی ژی بدەت.
ئەندامەکێ لژنا پەروەردێ ل پەرلەمانێ کوردستانێ گۆت: “وەزارەتێ ب رەزامەندیا خوە ھندەک ئاڤاھی داینەڤ قوتابخانێن ئەھلی”.
وەزارەتا پەروەردێ 120 ئاڤاھیێن گشتی ل سەرانسەری ھەرێما کوردستانێ ھەنە، ھندەک ژ لایێ حزبێن سیاسی ڤە ھاتینە داگیرکرن و ھندەک ژی داینەڤ قوتابخانێن ئەھلی.
رێڤەبەرێ گشتیێ دیوانا وەزارەتا پەروەردێ بۆ رووداو دبێژیت: “گەلەک جارا ئەنجوومەنێ وەزیران ب نڤێسارێن فەرمی ئاگەداریا وان کریە، بەلێ چو بەرسڤ نەبووینە، نوکە ئەو ھەموو بادەکە بۆ لژنا چاکسازیێ دێ ھێنە رەوانەکرن”.
ل سالا 2012 ێ پەرلەمانی َکوردستانێ ب رێیا ئەنجوومەنێ وەزیران ب نڤێسارێن فەرمی ئاماژە دایە کو 150 ئاڤاھیێن وەزارەتا پەروەردێ دەست ب سەردا ھاتینەگرتن، بەلێ ئەڤ ژمارە نوکە یا کێم بووی، ئەندامەکێ لژنا پەروەردێ ب ئاشکرایی دبێژیت: “ھندەک وەزیرا ئاڤاھیێن پەروەردێ داینەڤ قوتابخانێن ئەھلی”.
وەزارەتا پەروەردێ 189 ئاڤاھی ب کرێ یێن گرتین، ئەگەر ھەموو ئەو ئاڤاھیێن پەروەردێ ئەڤێن قوتابخانێن ئەھلی دەست ب سەردا گرتین ب زڤرن بۆ وەزارەتێ و ئاڤاھیێن ب کرێ نەگریت دێ ب سەدان ملیۆن دینار وەکو داھات بۆ وەزارەتا پەروەردێ زڤرن.