ئەڤرۆ نیوز،زنار تۆڤی:
پشتی پەرلەمانتارێن گرەڤگرتی ل پەرلەمانێ عێراقێ دەستەیەکا نوو بۆ خوە ھەلبژارتی و سەرۆکاتیا پەرلەمانی و جێگرێن وی ژ کارلاداین و چەندین رۆژان ئەو ھژمارا پەرلەمانتارێن گرەڤگرتی ماینە دناڤا ئاڤاھیێ پەرلەمانی دا،ھەروەسا پشتی خۆپیشاندەران ھێرشکریە سەر ئاڤاھیێ پەرلەمانی و چووینە دناڤ ئاڤاھی دا و ژ ھنگێ وەرە پەرلەمانتار نەچووینە دناڤ پەرلەمانی دا.
ھەروەسا پشتی وان پەرلەمانتاران نڤێسینەک دایە دادگەھا فیدرالیا عێراقی کو باوەریێ بدەنە دەستەکا نوو یا پەرلەمانی و متمانێ ژ سەلیم جبۆری و جێگرێن وی وەرگرن،لێ ئەڤرۆکە دادگەھا فیدرالیا عێراقی ئەو نڤێسینا پەرلەمانتارێن گرەڤگرتی ھەلوەشاند و سەلیم جبۆری وەک سەرۆکێ شەرعی یێ پەرلەمانێ عێراقێ یە.

ئەڤرۆ نیوز ، نەوزاد زادە ھلۆری:
حەیدەر عەبادی سەروک وەزیرێن عیراقێ رەزامەندی دەربری لسەر رەوشا سیاسی یا عراقێ و ڤەگەراندنا پەرلەمانتارێن کورد بو بەغدا و ل گەل سەروکێن فراکسوونێن کوردی دێ کوم بیت  و سەرۆکێن فراکسوونێن کوردی ل پەرلەمانی َعیراقێ دبێژن کومبوون دی َکەڤیتە دوماھیا حەفتیا داھاتی.
ئەحمەد حاجی رەشید سەرۆکێ فراکسوونا کومەلا ئیسلامی یا کوردستانێ ل پەرلەمانێ عیراقێ بو تورا میدیایی یا رووداو دیارکر کو حەیدەر عەبادی سەروک وەزیرێن عیراقێ رەزامەندی دەربری ل گەل سەروکێن فراکسوونێن کورد کو کومبوونەکێ بکەت و رەنگە کومبوون ژی بکەڤیتە رۆژا چوارشەمبی یا داھاتی.
ئەگەرا پاشئێخستنا کومبوونێ بو دوماھیا حەفتیا داھاتی وەکو سەرۆکێ فراکسوونا ناڤبری بەحسکری پەیوەندی ب لایەنێ کوردی ڤە ھەیە ژبەرکو ل رۆژانێن شەمبی و ئێکشەمبی یا حەفتیا داھاتی ئێکگرتوویا ئیسلامی دێ کونگرەیێ خوە گرێدەت و موسەنا ئەمین سەرۆکێ فراکسوونا ناڤبری نکاریت بەرھەڤ بیت ، و پشتی رۆژا سێشەمبی ھەلکەفتا دامەزراندنا ئێکەتی یە و ئالا تالەبانی سەرۆکا فراکسوونا ئێکەتی نکاریت بەرھەڤ بیت ژبەرڤێ وەک ئەحمەد حاجی گوتی کومبوون دێ ھەر کەفتیە دوماھیا حەفتیا داھاتی.
پشتی ئالوزیێن 30 نیسانا بوری و ئێرشا خوەنیشاندەر و لایەنگیرێن رەوتا سەدر بو سەر پەرەمانێ عیراقێ بریارە رۆژا ئێکشەمبی یا داھاتی 29ئایارا 2016پەرلەمانێ عیراقێ کۆمببیت بەلێ پەرلەمانتارێن کورد بریار نەدایە بو بەشداریکرنا د وێ کومبوونێ دا.

ئه‌ڤرۆ نيوز:

پشتى رۆژا دوشه‌مبى ئۆپه‌راسيۆنێن ئازادكرنا قه‌زا فه‌لۆجه‌ ل رۆژهه‌لاتێ پارێزگه‌ها ئه‌نبار ده‌سپێكرى، سۆپايێ عيراقێ پێنگاڤێن ده‌سپێكى يێن پرۆسا رزگاركرنا چه‌ند ده‌ڤه‌ران هاڤێت و كونترۆلكرنا ب ده‌هان كيلۆمه‌تران ل بن ده‌ستێ داعش راگه‌هاند.

نه‌سير نورى ئاخفتنكه‌رێ ب ناڤێ وه‌زاره‌تا به‌ره‌ڤانيا عيراقێ گۆت: “ده‌مژمێر 9:30 ده‌قيقه‌ يا سپێده‌هيا ئه‌ڤرۆ رۆژا چارشه‌مبى هێزێن سۆپاى و حه‌شه‌د شه‌عبى گه‌هشتنه‌ ده‌رازينكا قه‌زا فه‌لۆجه‌ و د نوكه‌ پرۆسه‌ هاتيه‌ راگرتن و چاڤه‌رێ پێنگاڤێن داهاتى نه‌ بۆ چوونا ناڤ قه‌زايێ”.
گۆتژى: “قووناغا ئێكێ يا پرۆسا رزگاركرنا فه‌لۆجه‌ نوكه‌ب دووماهى هاتيه‌ و د قووناغا دويێ دا هێزێن ئه‌منى يێن عيراقێ و پرۆسا كونترۆبكرنا سه‌نته‌رێ باژێرێ فه‌لۆجه‌ ده‌ست پێ دكه‌ين و ب هيڤى نه‌ ب كورتترين ده‌م، بشێين ڤى باژێرى ژ بن ده‌ستێ چه‌كدارێن داعش پاقژ بكه‌ين”.